ᱩᱱᱩᱭᱦᱟᱹᱨ (SOUVENIR) – 2022

Cover Page of the SOUVENIR

Back Page of the SOUVENIR

ᱵᱩᱱᱭᱟᱹᱫᱤᱭᱟᱹ ᱟᱜ ᱟᱲᱟᱝ

ᱦᱤᱨᱞᱟᱹ ᱢᱟᱨᱟᱝ ᱵᱳᱨᱳ, ᱡᱟᱦᱮᱨ ᱟᱭᱳ !!!
ᱞᱟᱥᱟᱬᱦᱮᱫ ᱜᱮ ᱫᱷᱚᱨᱢᱚ ᱞᱟᱥᱟᱬᱦᱮᱫ ᱜᱮ
ᱟᱢᱟᱜ ᱢᱟᱭᱟ ᱢᱟᱦᱬᱟ ᱫᱷᱚᱨᱢᱚ ᱞᱟᱥᱟᱬᱦᱮᱫ ᱜᱮ !!!

ᱢᱟᱹᱱᱤᱡ ᱢᱟᱭᱱᱚ ᱴᱩᱰᱩ,
ᱫᱮᱣᱥᱳᱲ, ᱢᱚᱭᱩᱨᱵᱷᱚᱸᱡᱽ, ᱳᱰᱤᱥᱟ

ᱛᱤᱱᱟᱹᱝ ᱦᱟᱦᱟᱲᱟ ᱜᱮᱭᱟ ᱱᱚᱶᱟ ᱚᱣᱟᱝ ᱟᱨ ᱞᱮᱞᱮᱝᱜᱮᱫ ᱫᱷᱟᱹᱨᱛᱤ ᱯᱩᱨᱤ ᱾ ᱱᱚᱶᱟ ᱫᱷᱟᱹᱨᱛᱤ ᱯᱩᱨᱤ ᱥᱟᱡᱟᱣ ᱥᱚᱵᱷᱟᱭ ᱞᱟᱹᱜᱤᱫ ᱛᱮ ᱢᱟᱱᱣᱟ ᱟᱨ ᱡᱟᱱᱣᱟ ᱠᱚᱣᱟᱜ ᱡᱟᱱᱟᱢ ᱾ ᱥᱟᱹᱨᱤ ᱜᱮ, ᱛᱤᱱᱟᱹᱝ ᱥᱚᱨᱮᱥ ᱟᱨ ᱛᱤᱱᱟᱹᱝ ᱞᱟᱥᱟᱬᱦᱮᱫ ᱜᱮ ᱥᱤᱨᱡᱚᱱᱤᱭᱟᱹ ᱟᱜ ᱜᱟᱜ ᱜᱟᱵᱟᱱ ᱟᱨ ᱜᱚᱲᱦᱚᱱ ᱾

ᱱᱚᱶᱟ ᱫᱷᱟᱹᱨᱛᱤ ᱯᱩᱨᱤ ᱨᱮ ᱢᱟᱹᱱᱢᱤᱭᱟᱜ ᱡᱟᱱᱟᱢ ᱞᱮᱠᱟᱛᱮ ᱠᱩᱲᱤ ᱟᱨ ᱠᱚᱲᱟᱦᱟᱜ ᱡᱟᱱᱟᱢ ᱫᱚ ᱢᱤᱫ ᱜᱮᱭᱟ ᱾ ᱚᱠᱚᱭ ᱦᱚᱸ ᱚᱠᱚᱭ ᱠᱷᱚᱱ ᱵᱟᱝ ᱠᱤᱱ ᱦᱩᱰᱤᱧ ᱢᱟᱨᱟᱝᱟ ᱾ ᱥᱤᱨᱡᱚᱱᱤᱭᱟᱹᱦᱟᱜ ᱥᱤᱨᱡᱚᱱ ᱞᱮᱠᱟᱛᱮ ᱥᱤᱨᱡᱚᱱ ᱵᱟᱧᱪᱟᱣ ᱫᱚᱦᱚᱭ ᱞᱟᱹᱜᱤᱫ ᱠᱩᱲᱤ ᱟᱨ ᱠᱚᱲᱟ ᱛᱟᱞᱟᱨᱮ ᱩᱞᱴᱟᱹ ᱨᱩᱯ ᱨᱮᱱᱟᱜ ᱜᱚᱲᱦᱚᱱ ᱾ ᱢᱟᱹᱱᱢᱤ ᱫᱚ ᱥᱟᱶᱛᱟ ᱨᱮᱵᱚ ᱛᱟᱦᱮᱸᱱᱟ᱾ ᱥᱟᱶᱛᱟ ᱪᱟᱞᱟᱣ ᱞᱟᱹᱜᱤᱫ ᱛᱮ ᱠᱷᱟᱱ ᱞᱮᱠᱟᱱ ᱞᱮᱠᱟᱱ ᱨᱟᱭᱨᱤᱛ ᱦᱚᱸ ᱚᱞᱼᱛᱚᱞ ᱟᱠᱟᱱᱟ ᱾ ᱡᱟᱦᱟᱸ ᱠᱷᱟᱹᱛᱤᱨ ᱜᱷᱟᱨᱚᱸᱡᱽ ᱨᱮᱱᱟᱜ ᱠᱟᱹᱢᱤ ᱥᱮ ᱥᱟᱶᱛᱟ ᱨᱮᱱᱟᱜ ᱠᱟᱹᱢᱤ ᱫᱚ ᱠᱩᱲᱤ ᱟᱨ ᱠᱚᱲᱟ ᱛᱟᱞᱟ ᱨᱮ ᱦᱟᱹᱴᱤᱧ ᱟᱠᱟᱱᱟ᱾ ᱟᱸᱴ ᱠᱟᱹᱢᱤ ᱠᱚᱫᱚ ᱠᱚᱲᱟ ᱦᱚᱯᱚᱱ ᱠᱚ ᱟᱨ ᱟᱞᱜᱟ ᱠᱟᱹᱢᱤ ᱠᱚᱫᱚ ᱠᱩᱲᱤ ᱦᱚᱯᱚᱱ ᱠᱚ ᱾ ᱪᱮᱫᱟᱜ ᱥᱮ ᱢᱤᱫ ᱥᱟᱶᱛᱟ ᱨᱮ ᱢᱤᱫ ᱜᱷᱟᱨᱚᱸᱡᱽ ᱞᱮᱠᱟ ᱜᱮᱵᱚ ᱛᱟᱦᱮᱸᱱ ᱠᱟᱱ ᱠᱷᱟᱹᱛᱤᱨ ᱟᱵᱚ ᱵᱷᱤᱛᱨᱤ ᱨᱮ ᱟᱸᱴ ᱟᱨ ᱟᱞᱜᱟ ᱠᱟᱹᱢᱤ ᱫᱚ ᱦᱟᱹᱴᱤᱧ ᱟᱠᱟᱱᱟ ᱾ ᱠᱩᱲᱤ ᱦᱚᱯᱚᱱᱟᱜ ᱦᱚᱲᱢᱚ ᱜᱚᱲᱦᱚᱱ ᱞᱮᱠᱟᱛᱮ ᱜᱷᱟᱨᱚᱸᱡᱽ ᱥᱮ ᱥᱟᱶᱛᱟ ᱨᱮᱱᱟᱜ ᱛᱤᱱᱟᱹᱝ ᱜᱟᱱ ᱟᱸᱴ ᱠᱟᱹᱢᱤ ᱠᱚᱫᱚ ᱠᱩᱲᱤ ᱦᱚᱯᱚᱱ ᱠᱚ ᱵᱟᱨᱚᱱ ᱮᱱᱟ ᱾ ᱡᱮᱞᱮᱠᱟ – ᱱᱟᱦᱮᱞ ᱥᱟᱵ, ᱥᱟᱹᱲᱤᱢ ᱫᱮᱡᱚᱜ, ᱱᱚᱶᱟ ᱠᱚᱫᱚ ᱟᱸᱴ ᱠᱟᱹᱢᱤ ᱠᱟᱱᱟ ᱾ ᱤᱠᱷᱟᱹᱱ ᱵᱚᱸᱜᱟ ᱛᱷᱟᱱ ᱨᱮ ᱠᱩᱲᱤ ᱦᱚᱯᱚᱱ ᱠᱚᱣᱟᱜ ᱫᱩᱲᱩᱵ, ᱵᱤᱪᱟᱹᱨ ᱫᱚᱨᱵᱟᱨ ᱨᱮ ᱫᱩᱲᱩᱵ ᱢᱮᱥᱟᱜ, ᱱᱚᱶᱟ ᱠᱚᱫᱚ ᱟᱞᱜᱟ ᱠᱟᱹᱢᱤ ᱠᱟᱱ ᱨᱮᱦᱚᱸ ᱠᱩᱲᱤ ᱦᱯᱚᱱᱟᱜ ᱦᱚᱲᱢᱚ ᱜᱚᱲᱦᱚᱱ ᱨᱮᱱᱟᱜ ᱮᱴᱠᱮᱴᱚᱬᱮ ᱠᱷᱟᱹᱛᱤᱨ ᱥᱩᱨᱩᱜ ᱠᱚ ᱵᱟᱨᱚᱱ ᱮᱱᱟ ᱾ ᱪᱮᱫᱟᱜ ᱥᱮ ᱜᱷᱟᱨᱚᱸᱡᱽ ᱨᱮ ᱥᱟᱶᱛᱟ ᱨᱮ ᱵᱟᱵᱟ ᱵᱟᱨᱮ ᱢᱮᱱᱟᱜ ᱠᱚ ᱛᱩᱞᱩᱡ ᱟᱭᱳ ᱢᱤᱨᱥᱟ ᱠᱚ ᱟᱨ ᱪᱮᱫᱟᱜ ᱠᱚ ᱦᱟᱨᱠᱮᱛᱚᱜᱼᱟ ᱢᱮᱱ ᱠᱟᱛᱮ ᱾ ᱱᱚᱶᱟ ᱫᱚ ᱢᱤᱫ ᱜᱷᱟᱨᱚᱸᱡᱽ ᱨᱮᱱᱟᱜ ᱫᱩᱞᱟᱹᱲ ᱞᱮᱠᱟᱛᱮ ᱠᱟᱹᱢᱤ ᱦᱟᱹᱴᱤᱧ ᱠᱟᱱᱟ ᱾ ᱟᱨ ᱟᱵᱚ ᱨᱤᱱ ᱦᱟᱯᱲᱟᱢ ᱵᱤᱫᱟᱹᱞ ᱫᱚ ᱱᱚᱶᱟ ᱠᱚ ᱢᱟᱱᱟᱣ ᱵᱟᱛᱟᱣ ᱟᱹᱰᱤ ᱜᱮ ᱥᱚᱱᱚᱛ ᱟᱨ ᱢᱟᱹᱱ ᱢᱟᱱᱚᱛ ᱛᱟᱦᱮᱸ ᱠᱟᱱᱟ ᱾

ᱤᱠᱷᱟᱹᱱ ᱡᱩᱜᱽ ᱛᱟᱭᱚᱢ ᱡᱩᱜᱽ ᱢᱟᱹᱱᱢᱤᱭᱟᱜ ᱢᱚᱱᱮ ᱨᱮᱱᱟᱜ ᱩᱭᱦᱟᱹᱨ ᱦᱚᱸ ᱟᱹᱨᱩᱯᱷᱮᱨᱟᱣ ᱤᱫᱤᱭᱮᱱᱟ᱾ᱱᱤᱛᱚᱜ ᱫᱚ ᱱᱚᱶᱟ ᱠᱩᱲᱤ ᱦᱚᱯᱚᱱ ᱞᱟᱹᱜᱤᱫ ᱚᱞᱼᱛᱚᱞ ᱟᱠᱟᱱ ᱨᱟᱭᱨᱤᱛ ᱠᱚᱫᱚ ᱠᱩᱲᱤ ᱦᱚᱯᱚᱱᱟᱜ ᱞᱤᱪᱟᱹᱲ ᱞᱮᱠᱟ ᱧᱮᱞᱚᱜᱚᱜ ᱠᱟᱱᱟ ᱟᱨ ᱚᱱᱟ ᱞᱮᱠᱟᱛᱮ ᱥᱟᱶᱛᱟ ᱨᱮ ᱠᱩᱲᱤ ᱦᱚᱯᱚᱱ ᱠᱚ ᱯᱚᱥᱲᱟ ᱢᱟᱜᱟᱞᱚᱜ ᱠᱟᱱᱟ ᱾ ᱚᱠᱛᱚ ᱥᱟᱶᱛᱮ ᱱᱚᱶᱟ ᱦᱚᱸ ᱧᱮᱞᱚᱜ ᱠᱟᱱᱟ, ᱱᱤᱛᱚᱜ ᱞᱮᱠᱟᱱ ᱥᱤᱠᱷᱤᱛ ᱡᱩᱜᱽ ᱨᱮ ᱟᱭᱳ ᱦᱚᱲ ᱠᱚᱣᱟᱜ ᱴᱷᱟᱹᱣᱠᱟᱹ ᱥᱮᱪᱮᱫ ᱥᱤᱠᱷᱱᱟᱹᱛ ᱵᱟᱝᱛᱮ ᱦᱚᱱ ᱦᱚᱯᱚᱱ ᱠᱚᱦᱚᱸ ᱴᱷᱤᱠ ᱴᱷᱟᱹᱣᱠᱟᱹ ᱥᱟᱹᱦᱤᱸᱡ ᱥᱮᱪᱮᱫ ᱵᱟᱝ ᱠᱚ ᱟᱢᱮᱴ ᱫᱟᱲᱮᱭᱟᱜ ᱠᱟᱱᱟ᱾ᱡᱟᱦᱟᱸ ᱠᱷᱟᱹᱛᱤᱨ ᱥᱮᱪᱮᱫ ᱥᱤᱠᱷᱱᱟᱹᱛ ᱴᱚᱴᱷᱟᱨᱮ ᱟᱵᱚ ᱨᱤᱱ ᱜᱤᱫᱽᱨᱟᱹ ᱯᱤᱫᱽᱨᱟᱹ ᱠᱚᱫᱚ ᱠᱚ ᱛᱟᱭᱚᱢ ᱫᱚᱦᱚᱜ ᱠᱟᱱ ᱜᱮᱭᱟ ᱟᱨ ᱥᱟᱶᱛᱟ ᱥᱟᱶᱦᱮᱫ ᱥᱟᱶ ᱟᱭᱳ ᱠᱚᱣᱟᱜ ᱡᱚᱯᱚᱲᱟᱣ ᱵᱟᱝ ᱛᱟᱦᱮᱸᱱ ᱠᱟᱱ ᱠᱷᱟᱹᱛᱤᱨ ᱟᱵᱚ ᱨᱤᱱ ᱦᱚᱱ ᱜᱟᱬᱟ ᱠᱚ ᱟᱵᱚᱣᱟᱜ ᱨᱟᱭᱨᱤᱛ, ᱟᱹᱨᱤᱪᱟᱹᱞᱤ ᱤᱫᱤ ᱠᱟᱛᱮ ᱴᱷᱟᱹᱣᱠᱟᱹ ᱥᱟᱹᱦᱤᱸᱡ ᱵᱟᱝ ᱠᱚ ᱴᱷᱤᱠᱟᱹ ᱛᱤᱭᱩᱜ ᱫᱟᱲᱮ ᱡᱚᱝ ᱠᱟᱱᱟ᱾ ᱚᱱᱮ ᱠᱟᱛᱷᱟ ᱨᱮ ᱢᱮᱱᱟᱜᱼᱟ, “ᱟᱭᱳᱣᱟᱜ ᱥᱮᱪᱮᱫ ᱵᱮᱜᱚᱨ ᱦᱚᱯᱚᱱᱟᱜ ᱥᱮᱪᱮᱫ ᱚᱠᱟ ᱠᱷᱚᱱ ᱦᱤᱡᱩᱜᱼᱟ?” ᱱᱚᱶᱟ ᱠᱚᱫᱚ ᱟᱵᱚᱣᱟᱜ ᱥᱟᱶᱛᱟ ᱵᱷᱤᱛᱨᱤ ᱨᱮᱭᱟᱜ ᱠᱟᱛᱷᱟ ᱠᱟᱱᱟ ᱾

ᱤᱠᱷᱟᱹᱱ ᱱᱤᱛᱚᱜ ᱟᱵᱚ ᱢᱟᱹᱱᱢᱤᱭᱟᱜ ᱡᱤᱭᱚᱱ, ᱥᱩᱢᱩᱝ ᱟᱵᱚᱣᱟᱜ ᱥᱟᱶᱛᱟ ᱵᱷᱤᱛᱨᱤ ᱨᱮᱫᱚ ᱵᱟᱝ ᱛᱟᱦᱮᱸ ᱫᱚᱦᱚ ᱟᱠᱟᱱᱟ ᱾ ᱱᱤᱛᱚᱜ ᱫᱚ ᱟᱵᱚ ᱡᱤᱣᱤᱫᱚᱜ ᱞᱟᱹᱜᱤᱫ ᱵᱟᱦᱨᱮ ᱦᱚᱲ ᱥᱟᱶ, ᱵᱟᱦᱨᱮ ᱥᱟᱶᱛᱟ ᱥᱟᱶ, ᱵᱟᱦᱨᱮ ᱯᱚᱱᱚᱛ ᱥᱟᱶ ᱟᱨ ᱵᱟᱦᱨᱮ ᱫᱮᱥ ᱫᱩᱱᱤᱭᱟᱹ ᱥᱟᱶ ᱦᱮᱯᱨᱟᱣ ᱦᱩᱭ ᱟᱵᱚ ᱠᱟᱱᱟ᱾ ᱥᱮᱪᱮᱫ ᱞᱟᱹᱜᱤᱫ ᱦᱩᱭᱩᱜ, ᱪᱟᱹᱠᱨᱤ ᱞᱟᱹᱜᱤᱫ ᱦᱩᱭᱩᱜ, ᱩᱛᱱᱟᱹᱣ ᱞᱟᱹᱜᱤᱫ ᱟᱨ ᱥᱟᱢᱮᱞᱟᱭ ᱛᱮ ᱧᱮᱞ ᱞᱮᱠᱷᱟᱱ ᱱᱚᱶᱟ ᱫᱷᱟᱹᱨᱛᱤ ᱯᱩᱨᱤ ᱨᱮ ᱵᱟᱧᱪᱟᱣ ᱛᱟᱦᱮᱸᱱ ᱞᱟᱹᱜᱤᱫ ᱾ ᱡᱟᱦᱟᱸ ᱠᱷᱟᱹᱛᱤᱨ ᱱᱤᱛᱚᱜ ᱞᱮᱠᱟᱱ ᱦᱮᱯᱨᱟᱣ ᱡᱩᱜᱽ ᱨᱮᱫᱚ ᱠᱩᱲᱤ ᱦᱚᱯᱚᱱ ᱠᱚᱦᱚᱸ ᱥᱟᱶᱛᱟ ᱥᱟᱶᱦᱮᱫ ᱥᱟᱞᱟᱜ ᱥᱟᱹᱜᱟᱹᱭ ᱫᱚᱦᱚᱭ ᱟᱹᱰᱤ ᱜᱮ ᱞᱟᱹᱠᱛᱤ ᱯᱟᱲᱟᱣ ᱟᱠᱟᱱᱟ ᱾ ᱵᱟᱵᱟ ᱠᱷᱚᱱ ᱵᱟᱹᱲᱛᱤ ᱟᱭᱳ ᱠᱚᱣᱟᱜ ᱥᱤᱠᱷᱱᱟᱹᱛᱚᱜ ᱰᱟᱦᱟᱨ ᱟᱨ ᱞᱟᱹᱭ ᱞᱟᱠᱪᱟᱨ ᱟᱹᱨᱤᱪᱟᱹᱞᱤ ᱵᱟᱰᱟᱭ ᱠᱟᱜ ᱨᱮᱱᱟᱜ ᱞᱟᱹᱠᱛᱤ ᱯᱟᱲᱟᱣ ᱟᱠᱟᱱᱟ ᱾ ᱛᱚᱵᱮ ᱮᱱᱟᱝ ᱦᱚᱱ ᱦᱚᱯᱚᱱ ᱠᱚ ᱫᱮᱥ ᱫᱤᱥᱚᱢ ᱨᱮᱱᱟᱜ ᱞᱟᱹᱠᱛᱤ ᱞᱮᱠᱟ ᱥᱮᱪᱮᱫ ᱠᱚ ᱟᱢᱮᱴ ᱫᱟᱲᱮᱭᱟᱜᱼᱟ ᱟᱨ ᱡᱤᱭᱚᱱ ᱦᱮᱯᱨᱟᱣ ᱨᱮ ᱢᱟᱬᱟᱝ ᱛᱮᱠᱚ ᱞᱟᱦᱟ ᱫᱟᱲᱮᱭᱟᱜᱼᱟ ᱾ ᱡᱟᱦᱟᱸ ᱠᱷᱟᱹᱛᱤᱨ ᱱᱤᱛᱚᱜ ᱞᱮᱠᱟᱱ ᱡᱩᱜᱽ ᱨᱮ ᱠᱩᱲᱤ ᱦᱚᱯᱚᱱ ᱠᱚᱦᱚᱸ ᱥᱟᱶᱦᱮᱫ ᱪᱟᱨᱪᱟ ᱨᱮᱱᱟᱜ ᱫᱚ ᱟᱹᱰᱤ ᱜᱮ ᱞᱟᱹᱠᱛᱤ ᱯᱟᱲᱟᱣ ᱟᱠᱟᱱᱟ ᱾

***
ᱟᱭᱳ ᱟᱲᱟᱝ ᱟᱜ ᱫᱤᱥ ᱦᱩᱫᱤᱥ

ᱟᱭᱳ ᱟᱲᱟᱝ ᱨᱮᱱᱟᱜ ᱫᱚᱥᱟᱨ ᱢᱮᱱᱮᱛ ᱫᱚ ᱠᱩᱲᱤ ᱦᱚᱯᱚᱱᱟᱜ ᱟᱲᱟᱝ ᱥᱮ ᱟᱭᱳᱣᱟᱜ ᱟᱲᱟᱝ᱾ ᱠᱩᱲᱤ ᱦᱚᱯᱚᱱ ᱟᱡᱟᱜ ᱩᱭᱦᱟᱹᱨ, ᱟᱡᱟᱜ ᱵᱷᱟᱵᱽᱱᱟ ᱟᱨ ᱟᱡᱟᱜ ᱦᱩᱫᱤᱥ ᱱᱚᱶᱟ ᱯᱟᱛᱷᱟᱢ ᱦᱚᱛᱮᱛᱮ ᱡᱮᱜᱮᱛ ᱨᱮᱭ ᱥᱚᱫᱚᱨᱟ ᱾

ᱡᱟᱦᱟᱸ ᱜᱷᱟᱨᱚᱸᱡᱽ ᱨᱮ ᱟᱭᱳ ᱢᱮᱱᱟᱭᱟ ᱟᱨ ᱟᱭᱳᱣᱟᱜ ᱟᱲᱟᱝ ᱦᱚᱯᱚᱱ ᱠᱚᱠᱚ ᱟᱸᱡᱚᱢ ᱮᱫᱼᱟ, ᱩᱱᱠᱩ ᱦᱚᱯᱚᱱ ᱫᱚ ᱥᱚᱨᱮᱥ ᱟᱹᱥᱩᱞᱚᱜ ᱦᱚᱨ ᱰᱟᱦᱟᱨ ᱠᱚ ᱧᱟᱢ ᱡᱚᱝ ᱠᱟᱱ ᱜᱮᱭᱟ ᱾ ᱡᱟᱦᱟᱸ ᱥᱟᱶᱛᱟ ᱨᱮ ᱠᱩᱲᱤ ᱦᱚᱯᱚᱱ ᱠᱚ ᱥᱮᱪᱮᱫ ᱟᱠᱟᱱᱟ ᱚᱱᱟ ᱥᱟᱶᱛᱟ ᱫᱚ ᱢᱟᱬᱟᱝ ᱛᱮ ᱞᱟᱦᱟ ᱟᱠᱟᱱ ᱜᱮᱭᱟ, ᱟᱨ ᱡᱟᱦᱟᱸ ᱫᱤᱥᱚᱢ ᱨᱮ ᱫᱤᱥᱚᱢ ᱥᱟᱥᱚᱱ ᱨᱮ ᱠᱩᱲᱤ ᱦᱚᱯᱚᱱᱟᱜ ᱛᱤ ᱞᱚᱴᱷᱟ ᱢᱮᱱᱟᱜᱼᱟ, ᱚᱱᱟ ᱫᱤᱥᱚᱢ ᱫᱚ ᱡᱮᱜᱮᱛ ᱨᱮ ᱟᱹᱰᱤ ᱱᱟᱯᱟᱭ ᱜᱮ ᱩᱛᱱᱟᱹᱣ ᱟᱠᱟᱱᱟ ᱾ᱟᱭᱳ ᱫᱚ ᱛᱤᱥ ᱦᱚᱸ ᱢᱤᱫ ᱞᱮᱠᱟ ᱫᱚ ᱵᱟᱭ ᱩᱭᱦᱟᱹᱨᱟ ᱾ ᱟᱭᱳ ᱫᱚ ᱚᱞ ᱯᱟᱲᱦᱟᱣᱜ ᱮ ᱢᱮᱱ ᱨᱮᱦᱚᱸ ᱞᱟᱹᱭ ᱞᱟᱠᱪᱟᱨ ᱵᱟᱧᱪᱟᱣ ᱦᱚᱸᱭ ᱢᱮᱱ ᱜᱮᱭᱟ, ᱥᱮᱨᱢᱟ ᱨᱮ ᱩᱰᱟᱹᱣᱜ ᱮ ᱢᱮᱱ ᱨᱮᱦᱚᱸ ᱫᱷᱟᱹᱨᱛᱤ ᱫᱷᱩᱲᱤ ᱩᱭᱩᱝ ᱦᱚᱸᱭ ᱢᱮᱱ ᱜᱮᱭᱟ ᱟᱨ ᱫᱤᱥᱚᱢ ᱫᱤᱥᱚᱢ ᱫᱟᱬᱟᱱ ᱮ ᱢᱮᱱ ᱨᱮᱦᱚᱸ ᱡᱟᱱᱟᱢ ᱟᱹᱛᱩ ᱫᱤᱥᱚᱢ ᱦᱤᱨᱤ ᱫᱚ ᱟᱡ ᱨᱤᱱ ᱦᱚᱯᱚᱱ ᱮ ᱩᱭᱦᱟᱹᱨ ᱟᱠᱚ ᱜᱮᱭᱟ ᱾

ᱟᱭᱳ ᱫᱚ ᱛᱤᱥ ᱦᱚᱸ ᱵᱮᱨᱛᱷᱟ ᱟᱲᱟᱝ ᱫᱚ ᱵᱟᱭ ᱨᱚᱲᱟ ᱾ ᱟᱭᱳ ᱫᱚ ᱛᱤᱥ ᱦᱚᱸ ᱵᱟᱹᱲᱤᱡ ᱦᱚᱨ ᱫᱚ ᱵᱟᱭ ᱩᱫᱩᱜᱟ, ᱟᱭᱳ ᱟᱲᱟᱝ ᱫᱚ ᱥᱮᱨᱢᱟ ᱥᱤᱧ ᱪᱟᱸᱫᱚ ᱡᱩᱞᱩᱜ ᱥᱮᱸᱜᱮᱞ ᱠᱷᱚᱱ ᱦᱚᱸ ᱱᱤᱨᱚᱲᱟ, ᱟᱭᱳ ᱡᱟᱦᱟᱸ ᱟᱲᱟᱝ ᱮ ᱨᱟᱲᱟᱝᱟ, ᱚᱱᱟ ᱫᱚ ᱵᱚᱸᱜᱟ ᱵᱳᱨᱳᱣᱟᱜ ᱟᱲᱟᱝ ᱥᱟᱶ ᱵᱟᱨᱟᱵᱟᱹᱨᱤᱭᱟ ᱾ᱚᱱᱟᱛᱮ ᱡᱮᱜᱮᱛ ᱡᱟᱠᱟᱛ ᱨᱤᱱ ᱟᱭᱳ ᱦᱚᱲ ᱠᱚ, ᱟᱯᱟᱱ ᱟᱹᱯᱤᱱᱟᱜ ᱢᱚᱱᱮ ᱨᱮᱱᱟᱜ ᱠᱟᱛᱷᱟ, ᱟᱯᱟᱱ ᱟᱹᱯᱤᱱᱟᱜ ᱚᱱᱛᱚᱨ ᱨᱮᱱᱟᱜ ᱟᱲᱟᱝ, ᱱᱚᱶᱟ ᱟᱭᱳ ᱟᱲᱟᱝ ᱢᱮᱞᱟᱝᱠᱤ ᱦᱚᱛᱮᱛᱮ ᱯᱷᱚᱴᱮᱞ ᱞᱟᱹᱜᱤᱫ, ᱞᱟᱹᱭ ᱥᱚᱫᱚᱨ ᱞᱟᱹᱜᱤᱫ ᱫᱟᱣ ᱮ ᱪᱟᱞ ᱟᱠᱚ ᱠᱟᱱᱟ᱾ ᱟᱭᱳ ᱟᱲᱟᱝ ᱵᱟᱧᱪᱟᱣ ᱫᱚᱦᱚᱭ ᱫᱤᱥ ᱦᱩᱫᱤᱥ ᱛᱮ ᱥᱟᱡᱟᱣ ᱟᱠᱟᱱ ᱢᱮᱞᱟᱝᱠᱤ ᱜᱮ “ᱟᱭᱳ ᱟᱲᱟᱝ” ᱫᱚ ᱾

ᱦᱩᱫᱤᱥ

ᱱᱚᱶᱟ ‘ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ’ ᱨᱮ ᱫᱚ ᱥᱤᱧᱚᱛ ᱥᱟᱶ ᱥᱟᱶᱛᱮ ᱱᱮᱯᱟᱞ, ᱵᱟᱝᱞᱟᱫᱮᱥ ᱟᱨ ᱡᱮᱜᱮᱛ ᱨᱮᱱᱟᱜ ᱡᱟᱦᱟᱸ ᱫᱤᱥᱚᱢ ᱟᱨᱵᱟᱝ ᱴᱚᱴᱷᱟ ᱨᱮᱜᱮ ᱥᱟᱱᱛᱟᱲ ᱟᱭᱳ ᱦᱚᱲ ᱠᱚ ᱢᱮᱱᱟᱜ ᱵᱚᱱᱟ, ᱡᱚᱛᱚ ᱦᱚᱲ ᱜᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱫᱟᱣ ᱵᱚᱱ ᱧᱟᱢᱟ ᱾ ᱠᱩᱲᱤ ᱦᱚᱯᱚᱱᱟᱜ ᱢᱚᱱᱮ ᱨᱮᱦᱚᱸ ᱟᱹᱰᱤ ᱞᱮᱠᱟᱱ ᱠᱟᱛᱷᱟ ᱜᱩᱨᱞᱟᱹ ᱜᱷᱟᱱᱴᱟᱜᱼᱟ, ᱠᱩᱥᱤ, ᱨᱟᱹᱥᱠᱟᱹ, ᱫᱩᱠ, ᱵᱷᱟᱵᱽᱱᱟ ᱞᱮᱠᱟᱱ ᱞᱮᱠᱟᱱ ᱠᱟᱛᱷᱟ ᱾ ᱥᱟᱶᱛᱟ ᱨᱮᱱᱟᱜ ᱨᱟᱭᱨᱤᱛ ᱟᱨ ᱜᱷᱟᱨᱚᱸᱡᱽ ᱨᱮᱱᱟᱜ ᱜᱷᱩᱲ ᱵᱷᱤᱲ ᱠᱷᱟᱹᱛᱤᱨ ᱟᱠᱚᱣᱟᱜ ᱢᱚᱱᱮ ᱨᱮᱱᱟᱜ ᱦᱩᱰᱩᱜ ᱠᱟᱛᱷᱟ ᱢᱚᱱᱮ ᱜᱟᱺᱦᱤᱨ ᱨᱮᱜᱮ ᱵᱟᱹᱭᱥᱟᱹᱣ ᱛᱟᱦᱮᱸᱱᱟ ᱾ ᱢᱤ ᱢᱤᱫ ᱵᱮᱲᱟ ᱢᱚᱱᱮ ᱨᱮᱱᱟᱜ ᱠᱟᱛᱷᱟ ᱯᱷᱚᱴᱮᱞ ᱥᱟᱱᱟ ᱜᱚᱫ ᱮ ᱨᱮᱦᱚᱸ ᱢᱤᱫ ᱠᱩᱲᱤ ᱦᱚᱯᱚᱱ, ᱜᱷᱟᱨᱚᱸᱡᱽ ᱨᱮᱱᱟᱜ ᱜᱚᱲᱚ ᱟᱱᱟᱴ ᱠᱷᱟᱹᱛᱤᱨ, ᱢᱮᱞᱟᱝᱠᱤ ᱨᱮᱱᱟᱜ ᱚᱵᱷᱟᱵᱽ ᱠᱷᱟᱹᱛᱤᱨ ᱫᱟᱣ ᱜᱮ ᱵᱟᱭ ᱧᱟᱢᱟ ᱾ ᱢᱤᱫ ᱠᱩᱲᱤ ᱦᱚᱯᱚᱱ ᱟᱡ ᱦᱚᱸ ᱥᱟᱶᱛᱟ ᱥᱩᱥᱟᱹᱨ ᱥᱟᱱᱟ ᱮᱭᱟ, ᱟᱡ ᱦᱚᱸ ᱥᱟᱶᱦᱮᱫ ᱥᱟᱶᱦᱟ ᱥᱟᱱᱟ ᱮᱭᱟ ᱟᱨ ᱪᱤᱠᱤ ᱯᱟᱹᱨᱥᱤ ᱦᱚᱸ ᱪᱷᱟᱨᱟᱣ ᱥᱟᱱᱟ ᱮᱭᱟ ᱾ ᱛᱚᱵᱮ ᱚᱱᱟ ᱟᱡᱟᱜ ᱟᱸᱥ ᱟᱡᱟᱜ ᱢᱚᱱᱮ ᱜᱟᱺᱦᱤᱨ ᱨᱮ ᱵᱟᱝ ᱜᱚᱥᱚ ᱢᱚᱥᱚᱫ ᱚᱪᱚ ᱠᱟᱛᱮ ᱯᱷᱩᱴᱟᱹᱣ ᱨᱟᱠᱟᱵ ᱢᱟ, ᱯᱷᱚᱴᱮᱞ ᱚᱰᱚᱠᱚᱜ ᱢᱟ ᱱᱚᱶᱟ ‘ᱟᱭᱳ ᱟᱲᱟᱝ’ ᱢᱮᱞᱟᱝᱠᱤ ᱦᱚᱛᱮᱛᱮ, ᱱᱚᱶᱟ ᱜᱮ ᱟᱭᱳ ᱟᱲᱟᱝ ᱟᱜ ᱯᱩᱭᱞᱩ ᱦᱩᱫᱤᱥ ᱫᱚ ᱾

ᱥᱟᱱᱛᱟᱲ ᱥᱟᱶᱛᱟ ᱫᱚ ᱟᱹᱰᱤ ᱜᱮ ᱥᱚᱨᱮᱥ ᱥᱟᱶᱛᱟ ᱠᱟᱱᱟ ᱾ ᱱᱚᱶᱟ ᱥᱟᱶᱛᱟ ᱨᱮᱜᱮ ᱠᱩᱲᱤ ᱦᱚᱯᱚᱱ ᱠᱚᱫᱚ ᱪᱮᱫ ᱠᱟᱹᱢᱤ ᱞᱟᱹᱜᱤᱫ ᱦᱚᱸ ᱵᱟᱝ ᱠᱚ ᱟᱠᱚᱴ ᱟᱠᱟᱱᱟ ᱾ ᱚᱞ ᱯᱟᱲᱦᱟᱣ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱡᱮᱛᱮ ᱞᱮᱠᱟᱱ ᱠᱟᱹᱢᱤ ᱟᱡᱟᱜ ᱠᱩᱥᱤ ᱡᱟᱹᱱᱤᱭ ᱛᱚᱨᱟᱣ ᱫᱟᱲᱮᱭᱟᱜᱼᱟ ᱾ ᱤᱠᱷᱟᱹᱱ ᱮᱱ ᱦᱚᱸ ᱱᱤᱛᱚᱜ ᱫᱷᱟᱹᱵᱤᱡ ᱱᱚᱶᱟ ᱧᱮᱞᱚᱜ ᱠᱟᱱ ᱜᱮᱭᱟ, ᱟᱵᱚ ᱥᱟᱶᱛᱟ ᱨᱮ ᱟᱭᱳ ᱦᱚᱲ ᱠᱚᱣᱟᱜ ᱥᱟᱶᱛᱟ ᱥᱟᱶᱦᱮᱫ ᱞᱟᱹᱜᱤᱫ ᱮᱱᱮᱢ ᱫᱚ ᱱᱟᱥᱮ ᱠᱚᱢ ᱜᱮᱭᱟ ᱾ ᱵᱟᱝ ᱫᱚ ᱟᱭᱳ ᱦᱚᱲ ᱠᱚ ᱞᱟᱹᱜᱤᱫ ᱢᱮᱞᱟᱝᱠᱤ ᱨᱮᱱᱟᱜ ᱟᱱᱟᱴ ᱠᱷᱟᱹᱛᱤᱨ ᱟᱨ ᱵᱟᱝ ᱫᱚ ᱟᱭᱳ ᱦᱚᱲ ᱠᱚᱣᱟᱜ ᱥᱟᱶᱛᱟ ᱥᱟᱶᱦᱮᱫ ᱪᱮᱛᱟᱱ ᱨᱮ ᱩᱭᱦᱟᱹᱨ ᱨᱮᱱᱟᱜ ᱠᱷᱟᱴᱚ ᱠᱷᱟᱹᱛᱤᱨ ᱾ ᱤᱠᱷᱟᱹᱱ ᱱᱚᱶᱟ ᱦᱚᱸ ᱩᱱᱟᱹᱝ ᱜᱮ ᱥᱟᱹᱨᱤ ᱠᱟᱛᱷᱟ ᱠᱟᱱᱟ, ᱡᱟᱦᱟᱸ ᱥᱟᱶᱛᱟ ᱨᱮ ᱥᱮᱪᱮᱫ ᱟᱢᱮᱴ ᱨᱮ ᱟᱭᱳ ᱦᱚᱲ ᱠᱚᱠᱚ ᱠᱷᱟᱴᱚ ᱜᱮᱭᱟ, ᱥᱟᱶᱛᱟ ᱥᱟᱶᱦᱮᱫ ᱪᱟᱨᱪᱟ ᱨᱮ ᱟᱭᱳ ᱦᱚᱲ ᱠᱚ ᱛᱟᱭᱚᱢ ᱟᱠᱟᱱᱟ, ᱚᱱᱟ ᱥᱟᱶᱛᱟ ᱨᱮᱱᱟᱜ ᱩᱛᱱᱟᱹᱣ ᱨᱤᱦᱤᱴ ᱫᱚ ᱱᱟᱥᱮ ᱠᱚᱢ ᱜᱮ ᱛᱟᱦᱮᱸᱱᱟ ᱾ ᱟᱭᱳᱣᱟᱜ ᱥᱮᱪᱮᱫ ᱵᱮᱜᱚᱨ, ᱟᱭᱳᱣᱟᱜ ᱪᱤᱨᱜᱟᱹᱞ ᱵᱮᱜᱚᱨ ᱟᱨ ᱟᱭᱳᱣᱟᱜ ᱠᱩᱨᱩᱢᱩᱴᱩ ᱵᱮᱜᱚᱨ ᱦᱚᱯᱚᱱ ᱪᱤᱠᱟᱹᱛᱮᱭ ᱞᱟᱦᱟ ᱜᱟᱱ ᱠᱚᱜᱼᱟ᱾

ᱚᱱᱟᱛᱮ ᱡᱮᱜᱮᱛ ᱡᱟᱠᱟᱛ ᱨᱤᱱ ᱡᱮᱛᱮ ᱟᱭᱳ ᱦᱚᱲ (ᱡᱚᱛᱚ ᱵᱚᱭᱚᱥ ᱨᱤᱱ ᱠᱩᱲᱤ ᱦᱚᱯᱚᱱ) ᱠᱚ ᱴᱷᱮᱱ ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ ᱯᱟᱦᱴᱟ ᱠᱷᱚᱱ ᱱᱮᱦᱚᱸᱨ ᱛᱟᱦᱮᱸᱱ ᱠᱟᱱᱟ, ᱫᱮᱻᱫᱮᱞᱟ ᱛᱟᱦᱮᱸᱱ ᱠᱟᱱᱟ, ᱥᱟᱹᱜᱩᱱ ᱫᱟᱨᱟᱢ ᱛᱟᱦᱮᱸᱱ ᱠᱟᱱᱟ, ᱱᱚᱶᱟ ᱟᱭᱳ ᱟᱲᱟᱝ ᱢᱮᱞᱟᱝᱠᱤ ᱛᱮ ᱥᱟᱱᱟᱢ ᱠᱚᱵᱚᱱ ᱨᱮᱞᱟᱣ ᱦᱤᱡᱩᱜ ᱢᱟ, ᱟᱯᱟᱱ ᱟᱹᱯᱤᱱ ᱢᱚᱱᱮ ᱨᱮᱱᱟᱜ ᱩᱭᱦᱟᱹᱨ, ᱦᱩᱫᱤᱥ ᱼ ᱠᱟᱹᱦᱱᱤ, ᱚᱱᱚᱬᱦᱮ, ᱚᱱᱚᱞ ᱛᱮ ᱵᱚᱱ ᱜᱟᱞᱟᱝ ᱜᱟᱵᱟᱱ ᱢᱟ ᱟᱨ ᱵᱚᱱ ᱩᱫᱩᱜ ᱥᱚᱫᱚᱨ ᱢᱟ, ᱟᱵᱚ ᱵᱚᱱ ᱪᱮᱫᱚᱜ ᱥᱟᱶᱛᱮ ᱟᱵᱚ ᱦᱚᱛᱮᱛᱮ ᱱᱟᱥᱮ ᱥᱟᱱᱟᱢ ᱠᱚ ᱥᱮᱪᱮᱫ ᱠᱚ ᱨᱮᱱᱟᱜ ᱫᱟᱣ ᱵᱚᱱ ᱟᱢᱮᱴ ᱢᱟ ᱾ᱥᱟᱱᱛᱟᱲ ᱥᱟᱶᱛᱟ ᱨᱮᱱ ᱠᱩᱲᱤ ᱦᱚᱯᱚᱱ ᱠᱚᱣᱟᱜ ᱯᱩᱭᱞᱩ ᱢᱮᱞᱟᱝᱠᱤ ᱟᱵᱚᱣᱟᱜ ᱩᱭᱦᱟᱹᱨ ᱛᱮ ᱟᱵᱚᱣᱟᱜ ᱦᱩᱱᱟᱹᱨ ᱛᱮ ᱫᱮ ᱵᱚᱱ ᱥᱟᱡᱟᱣ ᱥᱚᱵᱷᱟᱭᱟ, ᱫᱮᱵᱚᱱ ᱛᱤᱸᱜᱩ ᱠᱮᱴᱮᱡᱟ, ᱫᱮᱵᱚᱱ ᱦᱟᱨᱟ ᱨᱟᱠᱟᱵᱟ ᱟᱨ ᱵᱚᱱ ᱞᱟᱦᱟ ᱤᱫᱤᱭᱟ ᱞᱟᱦᱟ ᱥᱮᱫ ᱾ ᱟᱜᱟᱢ ᱵᱤᱫᱟᱹᱞ ᱟᱜᱟᱢ ᱠᱩᱲᱤ ᱦᱚᱯᱚᱱ ᱞᱟᱹᱜᱤᱫ ᱢᱤᱫ ᱫᱚᱲᱦᱚ ᱢᱮᱞᱟᱝᱠᱤ ᱵᱚᱱ ᱵᱮᱱᱟᱣᱟ ᱟᱨ ᱢᱤᱫ ᱱᱟᱶᱟ ᱱᱟᱜᱟᱢ ᱵᱚᱱ ᱚᱞᱼᱛᱚᱞᱟ ᱾

***

ᱥᱟᱱᱫᱮᱥ (Message)

Madan Mohan Soren
Convener
Santali Advisory Board
Sahitya Academi, New Delhi
E-mail: [email protected] E-mail: [email protected]
Mob: 9430380779/9861093783 Mob: 9430380779/9861093783

It gives me immense pleasure to note that, Santali Women Writers under the banner of ‘Aayo Arang Gharonch’ are going to organize their 1st Annual Conference on 4th October 2022 at Debsole near Rasgobindapur under the District of Mayurbhanj of Odisha and to commemorate the same, a Souvenir is also being brought out. Santali Women Writers’ ‘Aayo Arang Gharonch’ (Aayo Arang Family) came into existence about 2 years ago with the noble endeavours
of Smt. Maino Tudu and some distinguished Santali Women Writers from across the country and abroad and on this joyous occasion I would also like to say that, a literary e-magazine, entitled “Aayo Arang” was launched as a joint venture of those women writers. We are now at the doorstep of Centenary Year of Olchiki invention and indeed, it is the hour of introspection, especially on the future of Santali Language, Literature and Script. Although, we have
achieved significant development- linguistically and literarily, but ‘Olchiki’ Script is as yet not properly
disseminated among the speakers of Santali language and others. As holistic development of Santali language is the need of hour, substantial publication of books in Olchiki Script needs to be ensured by the Writers contributing innumerable writings and Publishing in Olchiki Script. All Santali Women Writers’ Convention under the banner of ‘Aayo Arang Gharonch’ (Aayo Arang Family) is another significant event accelerating the movement of Santali Language, Literature and Script.

I hope, Santali Women Writers from across the country and abroad would attend the Conference and interact extensively on different literary issues. On this great occasion, I convey my best wishes
and Sibil Johar to all the Organizers of the Conference, participants, Guests and others and also wish the
Conference and the publication of the Souvenir all success.

ᱵᱮᱣᱨᱟ

ᱤᱧ ᱱᱚᱶᱟ ᱱᱚᱸᱰᱮ ᱚᱞ ᱞᱟᱹᱜᱤᱫ ᱟᱹᱰᱤᱛᱮᱫ ᱨᱟᱹᱥᱠᱟᱹᱧ ᱟᱴᱠᱟᱨ ᱮᱫᱼᱟ ᱪᱤ ᱥᱟᱱᱛᱟᱲᱤ ᱠᱩᱲᱤ ᱚᱱᱚᱞᱤᱭᱟᱹᱠᱚ ‘ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ’ ᱟᱜ ᱪᱤᱨ ᱞᱟᱛᱟᱨ ᱨᱮ ᱯᱩᱭᱞᱩ ᱥᱮᱨᱢᱟᱠᱤᱭᱟᱹ ᱥᱮᱱᱮᱞᱮᱫ ᱫᱟᱨᱟᱭᱠᱟᱱ ᱐᱔ ᱚᱠᱴᱚᱵᱚᱨ ᱒᱐᱒᱒ ᱦᱤᱞᱚᱜ ᱳᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱢᱚᱭᱩᱨᱵᱷᱚᱸᱡᱽ ᱡᱤᱞᱞᱟ ᱨᱮ ᱢᱮᱱᱟᱜ ᱨᱟᱥᱜᱚᱵᱤᱱᱫᱯᱩᱨ ᱥᱩᱨ ᱫᱮᱵᱥᱚᱲ ᱨᱮ ᱥᱟᱯᱲᱟᱣ ᱟᱠᱟᱜᱼᱟ ᱟᱨ ᱱᱚᱶᱟᱜᱮ ᱫᱤᱥᱟᱹ ᱫᱚᱦᱚᱭ ᱞᱟᱹᱜᱤᱫᱛᱮ ᱢᱤᱫᱴᱟᱝ ᱩᱱᱩᱭᱦᱟᱹᱨ ᱥᱟᱠᱟᱢ ᱨᱮᱭᱟᱜ ᱦᱚᱸ ᱪᱷᱟᱯᱟ ᱯᱟᱨᱥᱟᱞ ᱦᱩᱭᱩᱜ ᱠᱟᱱᱟ ᱾ ᱥᱟᱱᱛᱟᱲᱤ ᱠᱩᱲᱤ ᱚᱱᱚᱞᱤᱭᱟᱹ ᱠᱚᱣᱟᱜ ‘ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ’ ᱒
ᱥᱮᱨᱢᱟ ᱞᱟᱦᱟᱛᱮ ᱵᱮᱨᱮᱫ ᱟᱠᱟᱱᱟ ᱢᱟᱭᱱᱚ ᱴᱩᱰᱩ ᱟᱨ ᱵᱷᱟᱨᱚᱛ ᱡᱟᱠᱟᱛ ᱟᱨ ᱵᱟᱦᱨᱮ ᱨᱤᱱ ᱛᱤᱱᱟᱹᱜ ᱜᱟᱱ ᱧᱩᱛᱩᱢᱟᱱ ᱠᱩᱲᱤ ᱚᱱᱚᱞᱤᱭᱟᱹ ᱠᱚᱣᱟᱜ ᱱᱟᱯᱟᱭ ᱠᱩᱨᱩᱢᱩᱴᱩᱛᱮ ᱟᱨ ᱱᱚᱝᱠᱟᱱ ᱨᱟᱹᱥᱠᱟᱹ ᱛᱟᱠᱨᱮ ᱤᱧ ᱢᱮᱱ ᱥᱟᱱᱟᱹᱧ ᱠᱟᱱᱟ ᱪᱤ ᱢᱤᱫ ᱤᱼᱥᱟᱶᱦᱮᱫ ᱯᱟᱛᱷᱟᱢ “ᱟᱭᱳ ᱟᱲᱟᱝ” ᱧᱩᱛᱩᱢ ᱛᱮ ᱱᱩᱠᱩ ᱠᱩᱲᱤ ᱚᱱᱚᱞᱤᱭᱟᱹ ᱠᱚᱣᱟᱜ ᱢᱤᱫ ᱡᱩᱢᱩᱫᱽ ᱥᱟᱯᱲᱟᱣ ᱞᱮᱠᱟᱛᱮ ᱮᱦᱚᱵᱞᱮᱜᱼᱟ ᱾ ᱱᱤᱛᱚᱜ ᱫᱚ ᱟᱵᱚ ᱚᱞᱪᱤᱠᱤ ᱚᱰᱚᱠ ᱨᱮᱭᱟᱜ ᱥᱟᱭ ᱥᱮᱨᱢᱟ ᱵᱚᱞᱚᱱ ᱜᱟᱱᱟᱰᱮ ᱨᱮ ᱢᱮᱱᱟᱜ ᱟᱠᱟᱫ ᱵᱚᱱᱟ ᱟᱨ ᱥᱟᱹᱨᱤᱛᱮᱦᱚᱸ ᱱᱚᱶᱟ ᱵᱮᱲᱟᱫᱚ ᱟᱵᱚᱜᱮ ᱟᱵᱚᱛᱮ ᱩᱭᱩᱝᱟᱜ ᱨᱮᱭᱟᱜ ᱚᱠᱛᱚᱠᱟᱱᱟᱼ ᱢᱮᱱᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ, ᱥᱟᱶᱦᱮᱫ ᱟᱨ ᱪᱤᱠᱤ ᱨᱮᱭᱟᱜ ᱟᱜᱟᱢ ᱩᱛᱷᱱᱟᱹᱣ ᱪᱮᱛᱟᱱ ᱨᱮ ᱾

ᱟᱵᱚᱫᱚ ᱟᱹᱰᱤᱛᱮᱫ ᱩᱛᱷᱱᱟᱹᱣᱜ ᱜᱮ ᱧᱮᱞᱮᱫ ᱨᱮᱦᱚᱸᱼ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱥᱮᱫᱛᱮ ᱼ ᱢᱮᱱᱠᱷᱟᱱ ‘ᱚᱞᱪᱤᱠᱤ’ ᱫᱚ ᱱᱤᱛᱚᱜ ᱫᱷᱟᱹᱨᱤᱡ ᱦᱚᱸ ᱡᱚᱛᱷᱟᱛ ᱞᱮᱠᱟᱛᱮ ᱵᱟᱝ ᱯᱟᱥᱱᱟᱣ ᱟᱠᱟᱱᱟ ᱥᱟᱱᱛᱟᱲᱤ ᱯᱟᱹᱨᱥᱤ ᱨᱚᱲ ᱦᱚᱲ ᱟᱨ ᱮᱴᱟᱜᱠᱚ ᱟᱯᱟᱱ ᱟᱹᱯᱤᱱ ᱛᱟᱞᱟᱨᱮ᱾ ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮᱭᱟᱜ ᱥᱟᱱᱟᱢ ᱯᱟᱦᱴᱟ ᱩᱛᱷᱱᱟᱹᱣ ᱨᱮᱭᱟᱜ ᱱᱤᱭᱟᱹ ᱵᱮᱲᱟᱛᱮ ᱞᱟᱹᱠᱛᱤ ᱢᱮᱱᱟᱜ ᱟᱠᱟᱫ ᱫᱤᱛᱮ ᱚᱞᱪᱤᱠᱤ ᱛᱮ ᱯᱚᱛᱚᱵᱠᱚ ᱨᱮᱭᱟᱜ ᱪᱷᱟᱯᱟ ᱯᱟᱨᱥᱟᱞ ᱨᱮᱭᱟᱜ ᱦᱚᱸ ᱞᱟᱹᱠᱛᱤ ᱢᱮᱱᱟᱜ ᱟᱠᱟᱫᱼᱟ᱾ ᱟᱹᱰᱤᱜᱟᱱ ᱚᱱᱚᱞᱠᱚ ᱚᱞᱮᱫ ᱟᱨ ᱚᱞᱪᱤᱠᱤ ᱛᱮ ᱪᱷᱟᱯᱟᱭᱮᱫ ᱚᱱᱚᱞᱤᱭᱟᱹᱠᱚ ᱦᱚᱛᱮᱛᱮ ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ ᱛᱟᱹᱨᱤ ᱨᱮ ᱥᱟᱱᱛᱟᱲᱤ ᱠᱩᱲᱤ ᱚᱱᱚᱞᱤᱭᱟᱹ ᱠᱚᱣᱟᱜ ᱥᱮᱱᱮᱞᱮᱫ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱥᱚᱶᱦᱮᱫ ᱟᱨ ᱪᱤᱠᱤ ᱨᱮᱭᱟᱜ ᱞᱟᱲᱟᱣᱱᱟ ᱜᱮ ᱞᱚᱜᱚᱱᱮᱫᱼᱟ ᱟᱨ ᱢᱤᱫ ᱧᱩᱢᱧᱟᱢᱚᱜ ᱜᱷᱚᱴᱚᱱ ᱜᱮ ᱠᱟᱱᱟ ᱾

ᱤᱧ ᱟᱸᱥᱚᱜᱼᱟ, ᱫᱤᱥᱚᱢ ᱡᱟᱠᱟᱛ ᱟᱨ ᱵᱟᱦᱨᱮ ᱨᱤᱱ ᱠᱩᱲᱤ ᱚᱱᱚᱞᱤᱭᱟᱹ ᱠᱚ ᱱᱚᱶᱟ ᱥᱮᱱᱮᱞᱮᱫ ᱨᱮᱠᱚ ᱥᱮᱴᱮᱨᱚᱜᱼᱟ ᱟᱨ ᱥᱟᱶᱦᱮᱫ ᱨᱮᱭᱟᱜ ᱦᱟᱱᱟ ᱱᱷᱟᱣᱟ ᱥᱟᱛᱟᱢᱨᱮ ᱡᱤᱞᱤᱧᱛᱮ ᱜᱟᱞᱚᱪ ᱠᱚ ᱫᱚᱦᱚᱭᱟ ᱾ ᱱᱚᱶᱟ ᱢᱟᱨᱟᱝ ᱛᱟᱠᱨᱮ ᱤᱧ ᱤᱧᱟᱜ ᱱᱟᱯᱟᱭ ᱥᱟᱱᱟᱝ ᱟᱨ ᱥᱤᱵᱤᱞ ᱡᱚᱦᱟᱨ ᱤᱧ ᱟᱹᱬᱛᱤᱭᱟᱠᱚ ᱠᱟᱱᱟ ᱼ ᱥᱮᱱᱮᱞᱮᱫ ᱥᱟᱥᱟᱯᱲᱟᱣᱠᱚ, ᱥᱮᱞᱮᱫᱚᱜᱠᱚ, ᱯᱮᱲᱟᱠᱚ ᱟᱨ ᱮᱴᱟᱜᱠᱚ ᱟᱨ ᱟᱸᱥᱚᱜ ᱠᱟᱱᱟ ᱱᱚᱶᱟ ᱥᱮᱱᱮᱞᱮᱫ ᱟᱨ ᱩᱱᱩᱭᱦᱟᱹᱨ ᱥᱟᱠᱟᱢ ᱯᱟᱨᱥᱟᱞ ᱥᱟᱨᱠᱚᱜ ᱥᱟᱜᱩᱱᱠᱚᱜ ᱢᱟ ᱾
(ᱢᱚᱫᱚᱱ ᱢᱳᱦᱚᱱ ᱥᱚᱨᱮᱱ)

ᱥᱟᱱᱫᱮᱥ (Message)

ᱨᱩᱯᱪᱟᱸᱫᱽ ᱦᱟᱸᱥᱫᱟᱜ
ᱫᱤᱥᱟᱹ ᱩᱫᱩᱜᱤᱡ
ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ
ᱠᱷᱚᱲᱚᱜᱽᱯᱩᱨ

ᱟᱹᱭᱩᱨᱤᱭᱟᱹ ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ
ᱵᱤᱥᱟᱠᱷᱟᱯᱟᱴᱱᱟᱢ

ᱜᱩᱱᱢᱟᱹᱱ ᱢᱟᱹᱭ, ᱫᱟᱹᱭ ᱛᱮᱠᱚ,

ᱛᱤᱨᱞᱟᱹ ᱠᱚ ᱱᱚᱜᱼᱚᱭ ᱥᱟᱱᱛᱟᱲᱤ ᱥᱟᱶᱦᱮᱫ ᱟᱠᱷᱲᱟ ᱠᱚ ᱛᱮᱭᱟᱨ ᱟᱠᱟᱫ ᱫᱚ ᱨᱟᱹᱥᱠᱟᱹ ᱨᱮᱱᱟᱜ ᱠᱟᱛᱷᱟ ᱜᱮ ᱾ ᱱᱚᱶᱟ ᱫᱚ ᱯᱟᱹᱨᱥᱤ ᱥᱟᱶᱦᱮᱫ ᱟᱨ ᱞᱟᱠᱪᱟᱨ ᱠᱩᱥᱤᱭᱟᱜ ᱛᱤᱨᱞᱟᱹ ᱦᱚᱯᱚᱱ ᱠᱚᱣᱟᱜ ᱡᱩᱢᱤᱫᱽ ᱧᱟᱯᱟᱢ ᱟᱨ ᱵᱷᱟᱵᱽ ᱮᱯᱮᱢ ᱪᱟᱯᱟᱞ ᱟᱠᱷᱲᱟ ᱦᱚᱸ ᱠᱟᱱᱟ ᱾ ᱟᱯᱮ ᱥᱟᱱᱟᱢ ᱠᱚ ᱟᱭᱢᱟ ᱥᱟᱨᱦᱟᱣ ᱾

ᱱᱟᱜᱟᱢ ᱥᱮᱱ ᱠᱚᱭᱚᱜ ᱞᱮᱠᱷᱟᱱ ᱧᱮᱞᱚᱜᱼᱟ ᱟᱹᱰᱤ ᱡᱚᱠᱷᱟᱱ ᱱᱚᱝᱠᱟᱱ ᱩᱫᱽᱡᱚᱜᱽ ᱦᱟᱛᱟᱣ ᱟᱠᱟᱱ ᱜᱮᱭᱟ ᱾ ᱟᱫᱚᱢ ᱡᱚᱠᱷᱚᱱ ᱡᱚᱲᱟᱣ ᱟᱠᱟᱱ ᱨᱮᱦᱚᱸ ᱟᱭᱢᱟ ᱴᱷᱮᱱ ᱜᱮ ᱯᱟᱥᱳᱲ ᱟᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱟᱭᱢᱟ ᱚᱡᱮ ᱦᱚᱸ ᱢᱮᱱᱟᱜᱼᱟ ᱾ ᱡᱚᱲᱟᱣ ᱧᱟᱢ ᱞᱟᱹᱜᱤᱫ ᱫᱚ ᱛᱤᱱᱟᱹᱜ ᱜᱟᱱ ᱦᱚᱲᱟᱜ ᱟᱹᱰᱤ ᱩᱛᱟᱹᱨ ᱮᱱᱮᱢ ᱛᱟᱦᱮᱸᱱᱟ ᱾ ᱠᱤᱪᱷᱩ ᱦᱚᱲᱟᱜ ᱴᱮᱢᱮᱡ ᱦᱩᱫᱤᱥ ᱛᱮᱜᱮ ᱜᱷᱟᱨᱚᱸᱡᱽ ᱨᱟᱹᱯᱩᱫᱚᱜ ᱵᱚᱛᱚᱨ ᱦᱚᱸ ᱛᱟᱦᱮᱸᱱᱟ ᱾ ᱟᱸᱥᱚᱜ ᱟᱹᱧ ᱱᱤᱭᱟᱹ ᱵᱟᱨ ᱠᱟᱛᱷᱟ ᱫᱤᱥᱟᱹ ᱫᱚᱦᱚ ᱥᱟᱞᱟᱜ ᱯᱟᱹᱣᱲᱤ ᱯᱮ ᱜᱤᱰᱤ ᱤᱫᱤᱭᱟ ᱾

ᱵᱟᱰᱟᱭ ᱠᱮᱫᱟᱹᱧ ᱜᱷᱟᱨᱚᱸᱡᱽ ᱨᱮᱭᱟᱜ ᱯᱩᱭᱞᱳ ᱥᱮᱱᱮᱞᱮᱫ ᱫᱚ ᱔ᱴᱦ ᱚᱠᱴᱚᱵᱚᱨ ᱒᱐᱒᱒ ᱨᱮ ᱳᱰᱤᱥᱟ ᱯᱚᱱᱚᱛ ᱢᱚᱭᱩᱨᱵᱷᱚᱸᱡᱽ ᱡᱮᱞᱟ ᱫᱮᱣᱥᱳᱲ ᱨᱮ ᱦᱩᱭᱩᱜ ᱠᱟᱱᱟ ᱾ ᱥᱟᱱᱟᱢ ᱯᱚᱱᱚᱛ ᱠᱷᱚᱱ ᱢᱟᱹᱭ ᱫᱟᱹᱭ ᱛᱮᱠᱚ ᱠᱚ ᱥᱮᱞᱮᱫᱚᱜᱼᱟ ᱾ ᱱᱚᱶᱟ ᱫᱚ ᱟᱸᱡᱚᱢ ᱟᱨ ᱞᱟᱹᱭ ᱡᱚᱝ ᱦᱚᱸ ᱜᱚᱨᱚᱵᱽ ᱟᱨ ᱨᱟᱹᱥᱠᱟᱹ ᱵᱩᱡᱷᱟᱹᱣᱜ ᱠᱟᱱᱟ ᱾ ᱢᱮᱱ ᱟᱠᱚ ᱠᱚᱲᱟ ᱦᱚᱯᱚᱱ ᱥᱤᱠᱷᱤᱛ ᱞᱮᱱᱠᱷᱟᱱ ᱢᱤᱫ ᱦᱚᱲ ᱟᱨ ᱠᱩᱲᱤ ᱦᱚᱯᱚᱱ ᱥᱤᱠᱷᱤᱛ ᱞᱮᱱᱠᱷᱟᱱ ᱜᱷᱟᱨᱚᱸᱡᱽ ᱥᱩᱫᱷᱟᱹ ᱦᱚᱲ ᱠᱚ ᱥᱤᱠᱷᱤᱛᱚᱜᱼᱟ ᱾ ᱥᱤᱠᱷᱤᱛ ᱟᱭᱳ ᱨᱮᱱ ᱦᱚᱯᱚᱱ ᱫᱚ ᱛᱤᱥ ᱦᱚᱸ ᱵᱮᱥᱤᱠᱷᱤᱛ ᱫᱚ ᱵᱟᱝ ᱠᱚ ᱦᱩᱭᱩᱜᱼᱟ ᱾

ᱡᱚᱦᱟᱨ …                                                               Sd-

***

ᱥᱟᱱᱫᱮᱥ (Message)

ᱛᱤᱨᱞᱟᱹ ᱚᱱᱚᱞᱤᱭᱟᱹ ᱠᱚ ᱫᱤᱥᱟᱹ ᱠᱟᱛᱮ

ᱢᱟᱱᱚᱛᱟᱱ ᱞᱚᱠᱷᱚᱱ ᱠᱤᱥᱠᱩ
ᱯᱟᱨᱥᱮᱛ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ (Central Committee)

ᱡᱚᱦᱟᱨ,
ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ ᱫᱚ, ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱯᱟᱦᱴᱟ ᱠᱷᱚᱱ ᱥᱟᱹᱜᱩᱱ ᱫᱟᱨᱟᱢ ᱟᱨ ᱥᱟᱨᱦᱟᱣ ᱪᱟᱞ ᱦᱩᱭᱩᱜ ᱠᱟᱱᱟ ᱾ ᱣᱮᱵᱽᱞᱟᱹᱭᱤᱱ ᱛᱟᱞᱟᱛᱮ ᱛᱤᱨᱞᱟᱹ ᱠᱚ ᱢᱤᱫ ᱥᱩᱛᱟᱹᱢ ᱛᱮ ᱛᱚᱞ ᱠᱟᱛᱮ ᱟᱢ ᱫᱚ ᱟᱹᱰᱤ ᱱᱟᱯᱟᱭ ᱥᱟᱛᱟᱢ ᱠᱚ ᱟᱛᱮ ᱥᱟᱶᱦᱮᱫ ᱮᱢ ᱪᱟᱨᱪᱟᱣ ᱮᱫᱟ᱾ ᱥᱟᱢᱟᱝ ᱥᱟᱢᱟᱝ ᱧᱟᱯᱟᱢ ᱠᱟᱛᱮ ᱥᱟᱶᱦᱮᱫ ᱪᱟᱨᱪᱟᱣ ᱵᱟᱨᱮ ᱛᱮ ᱜᱟᱞᱢᱟᱨᱟᱣ ᱨᱮᱫᱚ ᱟᱹᱰᱤᱜᱟᱱ ᱨᱟᱹᱥᱠᱟᱹ ᱢᱮᱱᱟᱜᱼᱟ᱾ ᱢᱤᱫ ᱵᱤᱥᱥᱟᱭ ᱥᱚᱛᱟᱵᱽᱫᱷᱤ ᱨᱮ ᱟᱭᱳ ᱟᱲᱟᱜ ᱜᱷᱟᱨᱚᱸᱡᱽ ᱛᱤᱨᱞᱟᱹ ᱠᱚ ᱩᱫᱽᱜᱟᱹᱣ ᱮᱢ ᱫᱚ ᱢᱟᱨᱟᱝ ᱵᱩᱱᱤᱭᱟᱹᱫᱽ ᱠᱟᱹᱢᱤ ᱠᱟᱱᱟ᱾ ᱪᱮᱫᱟᱜ ᱥᱮ ᱱᱤᱛ ᱦᱚᱸ ᱠᱚᱲᱟ ᱠᱚᱣᱟᱜ ᱛᱟᱹᱨᱤ ᱜᱚᱵᱚᱞ ᱠᱷᱚᱱ ᱠᱩᱲᱤ ᱠᱚ ᱵᱟᱝ ᱠᱚ ᱚᱰᱚᱠ ᱫᱟᱲᱮᱭᱟᱜ ᱠᱟᱱᱟ᱾ ᱱᱚᱝᱠᱟᱱ ᱚᱠᱛᱮ ᱛᱤᱨᱞᱟᱹ ᱠᱚ ᱛᱟᱹᱨᱮ ᱨᱮ ᱛᱤᱸᱜᱩ ᱟᱠᱟᱱᱟᱭ ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ᱾ ᱛᱤᱨᱞᱟᱹ ᱠᱚᱦᱚᱸ ᱚᱲᱟᱜ ᱥᱚᱝᱥᱟᱨ ᱨᱮᱱᱟᱜ ᱠᱟᱹᱢᱤ ᱠᱚ ᱥᱟᱢᱴᱟᱣ ᱠᱟᱛᱮ ᱚᱞ ᱵᱮᱞ ᱠᱚ ᱞᱟᱦᱟᱜ ᱠᱟᱱᱟ ᱾ ᱟᱠᱚᱣᱟᱜ ᱞᱟᱹᱵᱤᱫ ᱢᱚᱱᱮ ᱠᱷᱚᱱ ᱫᱟᱢᱟᱱ ᱥᱟᱶᱦᱮᱫ ᱥᱤᱨᱡᱟᱹᱣᱜ ᱠᱟᱱᱟ᱾ ᱡᱟᱦᱟᱸ ᱠᱚᱫᱚ ᱠᱚᱲᱟ ᱚᱱᱚᱞᱤᱭᱟᱹ ᱠᱚᱭ ᱵᱷᱟᱵᱽᱱᱟ ᱚᱪᱚᱭᱮᱫ ᱠᱚᱣᱟ ᱾ ᱠᱚᱲᱟ ᱠᱚᱣᱟᱜ ᱡᱟᱸᱜᱟ ᱨᱮᱱᱟᱜ ᱦᱟᱥᱟ ᱥᱟᱦᱟᱜ ᱠᱟᱱ ᱛᱮ ᱵᱚᱛᱚᱨ ᱠᱚ ᱟᱹᱭᱠᱟᱹᱣ ᱮᱫᱟ᱾ ᱚᱱᱟᱛᱮ ᱦᱟᱱᱟ ᱱᱟᱣᱟ ᱠᱚ ᱵᱟᱹᱠ ᱮᱫᱟ ᱾

ᱡᱩᱜᱽ ᱵᱚᱫᱚᱞᱚᱜ ᱠᱟᱱᱟ᱾ᱛᱤᱨᱞᱟᱹ ᱚᱞᱚᱜ ᱛᱮᱠᱚ ᱞᱟᱦᱟᱜ ᱠᱟᱱᱟ᱾ ᱫᱤᱥᱚᱢ ᱪᱟᱪᱞᱟᱣ ᱨᱮᱠᱚ ᱞᱟᱦᱟᱜ ᱠᱟᱱᱟ᱾ᱵᱷᱟᱨᱚᱛ ᱨᱮᱱᱟᱜ ᱮᱭᱟᱭ ᱜᱮᱢᱚᱬᱮ ᱯᱷᱩᱨᱜᱟᱹᱞ ᱢᱟᱦᱟᱸ ᱯᱟᱨᱟᱵᱽ ᱪᱟᱞᱟᱣ ᱯᱟᱞᱟᱣ ᱞᱮᱠᱟᱱ ᱚᱠᱛᱮ ᱫᱽᱨᱚᱣᱯᱚᱫᱤ ᱢᱩᱨᱢᱩ ᱨᱟᱥᱴᱨᱚᱯᱚᱛᱤ ᱞᱮᱠᱟᱛᱮ ᱵᱷᱟᱨᱚᱛ ᱨᱮᱱᱟᱜ ᱢᱟᱹᱱ ᱢᱟᱹᱪᱤ ᱨᱮᱭ ᱫᱩᱲᱩᱵ ᱮᱱᱟ ᱾ ᱱᱟᱥᱟ ᱠᱷᱚᱱ ᱢᱚᱦᱟᱥᱩᱱ ᱛᱮ ᱪᱟᱞᱟᱜ ᱠᱟᱱᱟ ᱱᱤᱠᱚᱞᱟᱱᱟᱯᱩ ᱢᱩᱱ ᱞᱮᱠᱟᱱ ᱟᱹᱫᱤᱵᱟᱹᱥᱤ ᱛᱤᱨᱞᱟᱹ᱾ ᱥᱟᱶᱦᱮᱫ ᱜᱟᱵᱟᱱ ᱨᱮᱱᱟᱜ ᱥᱚᱨᱮᱥ ᱥᱤᱨᱯᱷᱟᱹ, ᱱᱚᱵᱮᱞ ᱥᱤᱨᱯᱷᱟᱹ ᱟᱢᱮᱴ ᱮᱫᱟ ᱠᱚ ᱛᱤᱨᱞᱟᱹ ᱚᱱᱚᱞᱤᱭᱟᱹ ᱾

ᱥᱟᱱᱛᱟᱲᱤ ᱯᱟᱹᱨᱥᱤ ᱞᱟᱦᱟᱱᱛᱤ ᱨᱮ ᱛᱤᱨᱞᱟᱹ ᱠᱚᱣᱟᱜ ᱟᱹᱰᱤᱜᱟᱱ ᱮᱱᱮᱢ ᱢᱮᱱᱟᱜᱼᱟ ᱾ ᱱᱤᱛᱚᱜ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱤᱥᱠᱩᱞ ᱠᱷᱚᱱ ᱡᱮᱜᱮᱛ ᱵᱤᱨᱫᱟᱹ ᱜᱟᱲ ᱨᱮ ᱚᱞᱚᱜ ᱯᱚᱲᱦᱚᱱ ᱪᱟᱞᱟᱜ ᱠᱟᱱᱟ᱾ ᱟᱢᱮᱨᱤᱠᱟ, ᱤᱝᱞᱚᱸᱰ ᱠᱷᱚᱱ ᱡᱟᱯᱟᱱ ᱦᱟᱹᱵᱤᱡ ᱥᱟᱱᱛᱟᱲᱤ ᱯᱟᱹᱨᱥᱤ ᱜᱚᱵᱮᱥᱚᱬᱟ ᱪᱟᱞᱟᱜ ᱠᱟᱱᱟ ᱾ ᱚᱱᱟᱛᱮᱧ ᱢᱮᱱᱟ ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ ᱢᱚᱡᱽ ᱛᱮ ᱞᱟᱦᱟ ᱪᱟᱞᱟᱜ ᱢᱟ ᱟᱨ ᱥᱟᱱᱛᱟᱲᱤ ᱯᱟᱹᱨᱥᱤ ᱥᱟᱶᱦᱮᱫ ᱠᱤᱥᱟᱹᱬ ᱠᱚᱜᱼᱟ ᱾

***

ᱥᱟᱱᱫᱮᱥ

ᱢᱟᱹᱱᱤᱡ ᱥᱚᱯᱱᱟ ᱦᱮᱸᱵᱽᱨᱚᱢ
ᱠᱷᱚᱲᱚᱜᱽᱯᱩᱨ
ᱯᱩᱪᱷᱤᱢ ᱵᱟᱝᱞᱟ

ᱢᱟᱬᱟᱝ ᱛᱮ “ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ” ᱤᱧᱟᱜ ᱢᱟᱱᱚᱛ ᱡᱚᱦᱟᱨ ᱾ ᱵᱟᱨ ᱯᱚᱫᱽ ᱥᱟᱱᱫᱮᱥ ᱚᱞ ᱨᱮᱱᱟᱜ ᱫᱟᱣᱤᱧ ᱧᱟᱢ ᱟᱠᱟᱫ ᱛᱮ ᱥᱟᱨᱦᱟᱣ ᱜᱮ ᱾ ᱜᱚᱴᱟ ᱫᱤᱥᱚᱢ ᱡᱚᱠᱷᱚᱱ ᱵᱚᱛᱚᱨ ᱛᱮ ᱞᱩᱠᱩᱫ ᱞᱩᱠᱩᱫ ᱚᱱᱟ ᱚᱠᱛᱚ ᱟᱡᱟᱨ ᱵᱚᱛᱚᱨ ᱛᱮ ᱚᱲᱟᱜ ᱠᱷᱚᱱ ᱚᱠᱚᱭ ᱦᱚᱸ ᱵᱟᱝ ᱠᱚ ᱚᱰᱚᱠᱚᱜ ᱠᱟᱱ ᱛᱟᱦᱮᱸᱫ ᱾ ᱚᱱᱠᱟᱱ ᱚᱠᱛᱚ ᱨᱮ ‘ᱟᱭᱳ’ ᱫᱚ ᱛᱷᱤᱨ ᱵᱟᱭ ᱛᱟᱦᱮᱸ ᱫᱟᱲᱮ ᱟᱠᱟᱣᱟᱫᱟ ᱾ ᱩᱭᱦᱟᱹᱨ ᱞᱮᱫᱟᱭ ᱪᱮᱫ ᱞᱮᱠᱟᱛᱮ ᱟᱵᱚᱣᱟᱜ ᱥᱟᱱᱛᱟᱲ ᱥᱚᱢᱟᱡᱽ ᱦᱟᱨᱟ ᱵᱩᱨᱩᱜᱼᱟ ᱾ ᱩᱭᱦᱟᱹᱨ ᱞᱮᱫᱟᱭ ᱡᱟᱱᱟᱢ ᱯᱟᱹᱨᱥᱤ ᱛᱮ ᱡᱷᱚᱛᱚ ᱦᱚᱲ ᱵᱚᱱ ᱢᱟᱨᱥᱟᱞᱚᱜᱼᱟ ᱾ ᱚᱱᱠᱟᱱ ᱚᱠᱛᱚ ᱨᱮ ᱜᱟᱺᱦᱤᱨ ᱩᱭᱦᱟᱹᱨ ᱞᱮᱫᱟᱭ ᱠᱩᱲᱤ ᱦᱚᱯᱚᱱᱟᱜ ᱠᱟᱛᱷᱟ, ᱩᱭᱦᱟᱹᱨ ᱞᱮᱫᱟᱭ ᱟᱭᱳ ᱠᱚ ᱟᱛᱮ ᱢᱤᱫ ᱜᱟᱶᱛᱟᱭ ᱵᱮᱨᱮᱫᱟ ᱾

ᱡᱟᱦᱟᱸ ᱫᱚ ᱚᱲᱟᱜ ᱠᱷᱚᱱ ᱜᱮ ᱟᱵᱚᱣᱟᱜ ᱯᱟᱹᱨᱥᱤ, ᱥᱟᱶᱦᱮᱫ ᱪᱟᱨᱪᱟ ᱦᱩᱭ ᱫᱟᱲᱮᱭᱟᱜᱼᱟ Online ᱛᱮ ᱠᱟᱹᱢᱤᱦᱚᱨᱟ ᱫᱚᱭ ᱥᱟᱵᱟ ᱟᱨ ᱠᱟᱹᱢᱤ ᱫᱚᱭ ᱮᱦᱚᱵ ᱩᱛᱟᱹᱨ ᱞᱮᱫᱼᱟ ᱾ ᱟᱨ ᱚᱱᱟ ᱜᱟᱶᱛᱟ ᱨᱮᱱᱟᱜ ᱧᱩᱛᱩᱢ ᱫᱚᱦᱚ ᱠᱮᱫᱟᱭ “ᱟᱭᱳ ᱟᱲᱟᱝ” ᱾ ᱟᱹᱰᱤ ᱨᱟᱹᱥᱠᱟᱹ ᱵᱮᱣᱨᱟ ᱥᱟᱱᱟᱢ ᱠᱚ ᱴᱷᱮᱱ ᱥᱮᱴᱮᱨ ᱮᱱᱟ ᱾

ᱮᱦᱚᱵ ᱮᱫᱟ ᱠᱚ ᱠᱟᱹᱢᱤᱦᱚᱨᱟ, ᱜᱟᱶᱛᱟ ᱟᱡᱟᱜ ᱛᱟᱲᱟᱢ ᱰᱟᱦᱟᱨ ᱛᱮᱭ ᱞᱟᱦᱟ ᱤᱫᱤ ᱮᱱᱟ ᱾ ᱟᱹᱰᱤ ᱱᱟᱯᱟᱭ ᱟᱭᱳ ᱠᱚ ᱟᱛᱮ ᱠᱟᱹᱢᱤ ᱢᱟᱨᱥᱟᱞ ᱨᱮᱱᱟᱜ ᱛᱟᱨᱟᱥ ᱦᱚᱸ ᱡᱷᱟᱞᱠᱟᱣ ᱨᱟᱠᱟᱵ ᱮᱱᱟ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱢᱤᱫ ᱠᱚᱬ ᱠᱷᱚᱱ ᱟᱨ ᱢᱤᱫ ᱠᱚᱬ ᱢᱟ ᱦᱮᱸᱜᱮ, ᱫᱚᱨᱮᱭᱟ ᱯᱟᱨᱚᱢ ᱦᱚᱸ ᱡᱷᱟᱞᱠᱟᱣ ᱥᱮᱴᱮᱨ ᱮᱱᱟ ᱛᱟᱨᱟᱥ ᱫᱚ ᱾ ᱟᱨ ᱚᱱᱟ ᱨᱮᱱᱟᱜ ᱥᱮᱨᱢᱟ ᱯᱩᱨᱟᱹᱣ ᱥᱮᱱᱮᱞᱮᱫ ᱜᱮ ᱦᱩᱭᱩᱜ ᱞᱟᱹᱜᱤᱫ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮ ᱨᱟᱥᱜᱚᱵᱤᱱᱫᱽᱯᱩᱨ, ᱫᱮᱣᱥᱳᱲ ᱟᱹᱛᱩᱨᱮ, ᱔ ᱚᱠᱴᱚᱵᱚᱨ ᱒᱐᱒᱒ ᱢᱟᱹᱦᱤᱛ ᱨᱮ ᱾

ᱤᱧ ᱫᱚ ᱟᱸᱥᱤᱧ ᱫᱚᱦᱚᱭᱮᱫᱟ, ᱱᱚᱶᱟ ᱜᱷᱟᱨᱚᱸᱡᱽ ᱫᱚ ᱟᱡᱟᱜ ᱠᱟᱹᱢᱤᱦᱚᱨᱟ, ᱟᱡᱟᱜ ᱫᱤᱥ ᱦᱩᱫᱤᱥ, ᱟᱡᱟᱜ ᱟᱜᱟᱢ ᱰᱟᱦᱟᱨ ᱥᱟᱸᱜᱮ ᱟᱭᱳ ᱠᱚ ᱟᱛᱮ ᱟᱵᱚᱣᱟᱜ ᱥᱟᱱᱛᱟᱲ ᱥᱚᱢᱟᱡᱽ, ᱥᱟᱶᱦᱮᱫ, ᱯᱟᱹᱨᱥᱤ, ᱨᱮᱱᱟᱜ ᱠᱟᱹᱢᱤᱦᱚᱨᱟᱭ ᱛᱚᱸᱜᱮ ᱫᱚᱦᱚᱭ ᱢᱟ ᱾ ᱟᱨ ᱦᱚᱸ ᱟᱜᱟᱢ ᱫᱤᱱ ᱛᱷᱤᱨ ᱵᱟᱝ ᱛᱟᱦᱮᱸ ᱠᱟᱛᱮ ᱟᱡ ᱨᱮᱱ ᱥᱚᱦᱮᱫ ᱠᱚ ᱟᱛᱮ ᱢᱟᱨᱥᱟᱞ ᱛᱟᱨᱟᱥ ᱫᱷᱟᱹᱨᱛᱤ ᱛᱟᱞᱟᱨᱮᱭ ᱪᱷᱟᱯᱞᱟᱶ ᱫᱚᱦᱚᱭ ᱢᱟ ᱾ ᱟᱨ ᱤᱧ ᱟᱸᱥᱤᱧ ᱫᱚᱦᱚ ᱮᱫᱟ, “ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ” ᱡᱟᱦᱟᱸ ᱥᱮᱨᱢᱟ ᱯᱩᱨᱟᱹᱣ ᱢᱤᱫᱩᱱ ᱮ ᱫᱚᱦᱚ ᱟᱠᱟᱫᱼᱟ, ᱚᱱᱟ ᱦᱚᱸ ᱱᱟᱯᱟᱭ ᱛᱮ ᱯᱟᱨᱚᱢᱚᱜ ᱢᱟ ᱟᱨ ᱥᱟᱨ ᱠᱚᱜ ᱥᱟᱹᱜᱩᱱ ᱠᱚᱜ ᱢᱟ ᱾ ᱱᱚᱶᱟ ᱠᱟᱹᱢᱤᱦᱚᱨᱟ ᱨᱮ ᱞᱟᱯᱷᱟᱝ ᱩᱭᱦᱟᱹᱨ ᱠᱚ, ᱥᱚᱦᱮᱫ ᱠᱚ ᱟᱨ ᱧᱮᱧᱮᱞᱤᱭᱟᱹ ᱠᱚ ᱤᱧ ᱥᱮᱫ ᱠᱷᱚᱱ ᱡᱤᱣᱤ ᱜᱟᱹᱦᱤᱸᱨ ᱠᱷᱚᱱ ᱚᱱᱛᱚᱨ ᱫᱩᱞᱟᱹᱲ ᱥᱟᱨᱦᱟᱣ ᱟᱨ ᱡᱚᱦᱟᱨᱤᱧ ᱪᱟᱞ ᱟᱠᱚ ᱠᱟᱱᱟ ᱾

***

ᱥᱟᱱᱫᱮᱥ

ᱥᱳᱵᱷᱟ ᱦᱟᱸᱥᱫᱟ
Kharagpur
New Development
Rly Qu. No – S/11/31 Unit – 8
Post – Kharagpur
Dist – West Medinipur
Pin – 721301

ᱡᱚᱦᱟᱨ!
ᱤᱧ ᱟᱹᱰᱤ ᱛᱮᱫ ᱨᱟᱹᱥᱠᱟᱹᱧ ᱟᱴᱠᱟᱨ ᱮᱫᱟ ᱐᱔/᱑᱐/᱒᱐᱒᱒ ᱢᱟᱹᱦᱤᱛ ᱦᱤᱞᱚᱜ ᱯᱟᱨᱤᱯᱟᱫᱟ ᱨᱮ ᱟᱭᱳ ᱟᱲᱟᱝ ᱜᱷᱟᱸᱨᱚᱧᱡᱽ ᱨᱤᱱ ᱥᱚᱦᱮᱫ ᱠᱚ ᱦᱚᱛᱮᱛᱮ ᱦᱮᱞᱢᱮᱞ ᱥᱟᱯᱲᱟᱣ ᱟᱠᱟᱱᱟ ᱱᱚᱣᱟ ᱫᱤᱥᱟᱹ ᱠᱟᱛᱮ ᱩᱱᱩᱭᱦᱟᱹᱨ ᱥᱟᱠᱟᱢ ᱦᱚᱸᱭ ᱯᱟᱨᱥᱟᱞ ᱮᱫᱟ᱾ ᱱᱚᱣᱟ ᱟᱭᱳ ᱟᱲᱟᱝ ᱜᱷᱟᱸᱨᱚᱧᱡᱽ ᱥᱟᱶᱦᱮᱫ ᱟᱠᱷᱲᱟ ᱫᱚ ᱢᱟᱲᱟᱝ ᱠᱷᱚᱱ ᱢᱟᱲᱟᱝ ᱥᱮᱫ ᱜᱮ ᱞᱟᱦᱟ ᱤᱫᱤᱜ ᱠᱟᱱᱟ᱾ ᱟᱵᱚᱣᱟᱜ ᱱᱚᱣᱟ ᱫᱚ ᱟᱹᱰᱤ ᱜᱚᱨᱚᱵᱽ ᱨᱮᱱᱟᱜ ᱠᱟᱛᱷᱟ᱾ ᱟᱨ ᱥᱟᱨᱦᱟᱣ ᱨᱮᱱᱟᱜ ᱦᱚᱸ ᱠᱟᱱᱟ᱾ ᱟᱵᱚᱨᱤᱱ ᱛᱤᱨᱞᱟᱹ ᱠᱚ ᱥᱟᱶᱦᱮᱫ ᱦᱟᱨᱟ ᱵᱩᱨᱩᱭ ᱨᱮ ᱱᱚᱝᱠᱟ ᱜᱮᱠᱚ ᱞᱟᱦᱟ ᱤᱫᱤᱜ ᱢᱟ ᱾

ᱢᱩᱪᱟᱹᱫ ᱨᱮ ᱢᱟᱱᱚᱛᱟᱱ, ᱢᱟᱱᱚᱛᱤᱭᱟᱹ ᱯᱮᱲᱟ ᱠᱚ, ᱥᱮᱞᱮᱫ ᱟᱠᱟᱱ ᱯᱮᱲᱟ ᱠᱚ, ᱜᱟᱞᱚᱪᱤᱭᱟᱹ ᱠᱚ ᱥᱟᱶᱛᱮ ᱟᱭᱳ ᱟᱲᱟᱝ ᱜᱷᱟᱸᱨᱚᱧᱡᱽ ᱪᱮᱛᱟᱱ ᱨᱮ ᱱᱟᱯᱟᱭ ᱩᱭᱦᱟᱹᱨ ᱟᱨ ᱟᱸᱥ ᱫᱚᱦᱚ ᱟᱠᱟᱫ ᱯᱮᱲᱟ ᱠᱚ ᱢᱟᱱᱚᱛ ᱡᱚᱦᱟᱨ ᱤᱧ ᱵᱟᱰᱟᱭ ᱦᱚᱪᱚᱭᱮᱫ ᱯᱮᱭᱟ᱾ ᱥᱟᱶᱛᱮ ᱥᱮᱞᱮᱫ ᱟᱨ ᱩᱱᱩᱭᱦᱟᱹᱨ ᱥᱟᱠᱟᱢ ᱯᱟᱨᱥᱟᱞ ᱥᱟᱹᱜᱩᱱᱚᱜ ᱢᱟ ᱢᱮᱱᱛᱮ ᱟᱸᱥ ᱤᱧ ᱫᱚᱦᱚ ᱮᱫᱟ ᱾

ᱡᱚᱦᱟᱨ

***

ᱥᱟᱱᱫᱮᱥ

ᱢᱟᱹᱱᱤᱡ ᱡᱚᱵᱟ ᱢᱩᱨᱢᱩ
(Convenor)
K.K. Birla Foundation
New Delhi.

ᱤᱧ ᱱᱚᱶᱟ ᱵᱟᱰᱟᱭ ᱠᱟᱛᱮ ᱟᱹᱰᱤ ᱨᱟᱹᱥᱠᱟᱹᱧ ᱟᱹᱭᱠᱟᱹᱣ ᱠᱮᱫᱼᱟ ᱪᱮ ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ ᱯᱟᱦᱴᱟ ᱥᱮᱫ ᱠᱷᱚᱱ ᱫᱟᱨᱟᱠᱟᱱ ᱤᱸᱝᱨᱟᱹᱡᱤ ᱢᱟᱹᱦᱤᱛ ᱐᱔᱾᱑᱐᱾᱒᱐᱒᱒ ᱦᱤᱞᱚᱜ ᱢᱤᱫ ᱢᱟᱦᱟᱸ ᱨᱮᱱᱟᱜ ᱥᱟᱶᱦᱮᱫ ᱦᱮᱞᱢᱮᱞ ᱥᱟᱯᱲᱟᱣ ᱟᱠᱟᱱᱟ ᱟᱨ ᱚᱸᱰᱮ ᱢᱤᱫ ᱩᱱᱩᱭᱦᱟᱹᱨ ᱦᱚᱸ ᱯᱟᱨᱥᱟᱞᱚᱜ ᱞᱟᱹᱜᱤᱫ ᱾

ᱥᱟᱹᱨᱤ ᱜᱮ ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ ᱯᱟᱦᱴᱟ ᱥᱮᱫ ᱠᱷᱚᱱ ᱱᱚᱝᱠᱟᱱ ᱥᱟᱶᱦᱮᱫ ᱠᱟᱹᱢᱤᱦᱚᱨᱟ ᱥᱟᱯᱲᱟᱣ ᱠᱷᱟᱹᱛᱤᱨ ᱥᱟᱱᱟᱢ ᱥᱚᱦᱮᱫᱤᱭᱟᱹ ᱠᱚ ᱴᱷᱮᱱ ᱤᱧ ᱯᱟᱦᱴᱟ ᱥᱮᱫ ᱠᱷᱚᱱ ᱚᱱᱛᱚᱨ ᱢᱚᱱᱮ ᱛᱮ ᱥᱟᱨᱦᱟᱣ ᱤᱧ ᱪᱟᱞ ᱠᱮᱫᱼᱟ, ᱡᱮᱢᱚᱱ ᱱᱚᱶᱟ ᱠᱟᱹᱢᱤᱦᱚᱨᱟ ᱥᱟᱨ ᱠᱚᱜ ᱥᱟᱹᱜᱩᱱ ᱠᱚᱜ ᱢᱟ ᱟᱨ ᱱᱚᱶᱟ ᱨᱮᱱᱟᱜ ᱞᱟᱯᱷᱟᱝ ᱩᱭᱦᱟᱹᱨ ᱟᱸᱥ ᱠᱩᱠᱢᱩ ᱥᱩᱜᱩᱲ ᱛᱮ ᱜᱮᱞᱮ ᱵᱤᱞᱤ ᱠᱚᱜ ᱢᱟ ᱾

***

MESSAGE

Dr. Parvati Soren
Jamsedpur, Jharkhand.

It is very pleasant feeling to see someone in continuous progression and fruitful succession when your high expectations and fellow feelings are involved with it. Because I am the on-looker of this pleasant experience.

Probably half of the population of our santal society might not have got the half of its part to represent the literature, but our women have assembled the new creation named- “AYO ARANG” as an e-magazine. So, from the half of this population you may observe that this magazine has introduced many more new writers with this existing good book – poems, short stories, and many more articles which are better from one another on its own. It worked as a
massage that they have the best skills, ahead of the tricks who govern the house. That which was not getting the limelight of public.

Best wishes and thanks to the creators and artisans of the magazine –“AYO ARANG”. Fortunately I got opportunity to listen and also to look into their compositions, that I felt a great excitement . In saying this- it would not be over statement in an exaggeration that – there is a different colour, having different opinion and canvas in their compositions. Their glimps of creativity shows the affection, devotion, gentleness and touch of love in their composition, which can be easily felt.

The vision and hypothesis of “AYO ARANG” and the courage to give a shape into reality is just shows their enthusiasm, and embodying this idea. The founder members have done the great work. Within these two years, successful publication of eight volumes of lustreous , souvenir articles and poetries have been put on view in e-media, which is very much appreciable. With the flow of time, expectations of readers desire to grab more and more
literatures or articles and heighten the responsibilities of editors too. It would be a huge challenge for editor to select and publish the quality articles and to avoid the repetitions for amelioration of the magazine, so that freshness of magazine may be nurtured.

I would like to extend my heartiest appraisal to creators of this e-magazine “AYO ARANG”, its litterateurs, and also towards the learned readers. My best wishes for future endeavour to all esteem members of “AYO ARANG GHARONJ” and as a reader, I expect to have a niceish and classy reading in future.
Johar!

***

ᱥᱟᱸᱫᱮᱥ

ᱜᱷᱟᱥᱤᱨᱟᱢ ᱥᱚᱨᱮᱱ
ᱨᱟᱣᱩᱞᱠᱮᱞᱟ
ᱳᱰᱤᱥᱟ

ᱵᱟᱰᱟᱭ ᱠᱟᱛᱮ ᱨᱟᱹᱥᱠᱟᱹ ᱜᱮᱧ ᱟᱴᱠᱟᱨ ᱠᱮᱫᱟ ᱪᱤ ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ ᱟᱡᱟᱜ ᱮᱛᱚᱦᱚᱵ ᱥᱮᱨᱢᱟᱠᱤᱭᱟᱹ ᱥᱮᱱᱮᱞᱮᱫ ᱫᱟᱨᱟᱠᱟᱱ ᱤᱸᱢᱟᱺ ᱐᱔/᱑᱐/᱒᱒ ᱨᱮ ᱦᱩᱭᱩᱜᱼᱟ ᱾

ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ ᱥᱟᱶ ᱫᱚ ᱤᱧᱟᱜ ᱜᱷᱟᱨᱚᱸᱡᱟᱜ ᱟᱹᱰᱤ ᱥᱩᱯᱩᱨ ᱥᱟᱹᱜᱟᱹᱭ ᱾ ᱧᱮᱞ ᱧᱮᱞ ᱛᱮᱜᱮ ᱵᱟᱨ ᱵᱚᱪᱷᱚᱨ ᱯᱟᱨᱚᱢᱮᱱᱟ ᱾ ᱟᱨ ᱱᱚᱣᱟ ᱜᱷᱟᱨᱚᱸᱡᱽ ᱵᱩᱥᱟᱹᱲ ᱠᱟᱛᱮ ᱟᱹᱰᱤ ᱢᱟᱨᱟᱝ ᱫᱟᱨᱮᱭ ᱦᱟᱨᱟᱵᱩᱨᱩ ᱥᱟᱶᱛᱮ ᱚᱱᱟ ᱫᱟᱨᱮ ᱨᱮᱭᱟᱜ ᱟᱹᱰᱤᱜᱟᱱ ᱜᱮ ᱰᱟᱹᱨ ᱟᱨ ᱰᱟᱹᱨ ᱯᱤᱪᱷᱤ ᱩᱥᱛᱟᱹᱭ ᱵᱟᱦᱟ ᱢᱚᱸᱦᱮᱭᱮᱱ ᱛᱮ ᱟᱡᱟᱜ ᱥᱚᱸᱫᱷᱟᱬ ᱥᱚ ᱜᱚᱴᱟ ᱪᱟᱢᱯᱟᱴᱟᱣᱚᱜ ᱠᱟᱱᱟ ᱾

ᱥᱟᱱᱛᱟᱲᱤ ᱯᱟᱹᱨᱥᱤ ᱥᱟᱶ ᱥᱟᱱᱛᱟᱲ ᱡᱟᱹᱛᱤᱭᱟᱜ ᱥᱟᱶᱦᱮᱫ ᱟᱨ ᱥᱚᱥᱱᱚᱜ ᱦᱚᱸ ᱟᱹᱰᱤ ᱜᱮ ᱠᱤᱥᱟᱹᱬᱟ ᱟᱨ ᱚᱱᱚᱞᱤᱭᱟᱹ ᱠᱚ ᱜᱮ ᱟᱠᱚᱣᱟᱜ ᱦᱩᱱᱟᱹᱨ ᱫᱟᱭ ᱛᱮ ᱫᱤᱥᱚᱢ ᱦᱚᱲ ᱴᱷᱮᱱ ᱠᱚ ᱯᱷᱚᱴᱮᱞ ᱥᱚᱫᱚᱨ ᱠᱮᱭᱟ ᱾ ᱱᱚᱣᱟ ᱫᱷᱚᱱ ᱠᱚ ᱢᱩᱨᱩᱭ ᱨᱮ ᱥᱟᱢᱴᱟᱣ ᱫᱚᱦᱚ ᱟᱨ ᱱᱚᱣᱟ ᱩᱪᱷᱟᱹᱱ ᱟᱨ ᱪᱷᱟᱨᱟᱣ ᱞᱟᱹᱜᱤᱫ ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ ᱨᱮᱱ ᱥᱚᱦᱮᱫ ᱠᱚᱣᱟᱜ ᱠᱩᱨᱩᱢᱩᱴᱩ ᱪᱷᱩᱴᱟᱹᱣ ᱥᱟᱨᱦᱟᱣᱟᱱ ᱜᱮᱭᱟ ᱾

ᱥᱟᱶᱦᱮᱫ ᱟᱹᱨᱥᱤ ᱨᱮᱜᱮ ᱢᱤᱫ ᱡᱟᱹᱛᱤᱭᱟᱜ ᱟᱹᱨᱤᱪᱟᱹᱞᱤ, ᱞᱟᱭᱼᱞᱟᱠᱪᱟᱨ ᱟᱨ ᱡᱟᱹᱛᱤᱭᱟᱹᱨᱤ ᱜᱩᱱ ᱡᱷᱟᱞᱠᱟᱣᱚᱜᱼᱟ ᱾

ᱱᱚᱣᱟ ᱜᱷᱟᱨᱚᱸᱡᱽ ᱟᱡᱟᱜ ᱛᱟᱲᱟᱢ ᱰᱟᱦᱟᱨ ᱨᱮ ᱟᱞᱚᱜᱮᱭ ᱛᱚᱦᱚᱫᱚᱜ ᱢᱟ, ᱟᱞᱚᱭ ᱦᱟᱲᱟᱜᱚᱜ ᱢᱟ ᱟᱨ ᱡᱟᱭ ᱫᱤᱱ ᱡᱤᱭᱟᱹᱲ ᱜᱮ ᱛᱟᱦᱮᱱ ᱢᱟ ᱾ ᱟᱨ ᱱᱟᱣᱟ ᱱᱟᱣᱟ ᱚᱱᱚᱞᱤᱭᱟᱹ ᱠᱚᱭ ᱩᱫᱽᱜᱟᱹᱣ ᱠᱚ ᱢᱟ ᱢᱮᱱᱛᱮ ᱦᱩᱫᱤᱥ ᱤᱧ ᱫᱚᱦᱚ ᱠᱮᱫᱟ ᱿

ᱤᱸᱢᱟᱺ ᱐᱑/᱐᱙/᱒᱐᱒᱒
ᱜᱷᱟᱥᱤᱨᱟᱢ ᱥᱚᱨᱮᱱ

***

ᱥᱟᱱᱫᱮᱥ

ᱰᱨᱹ ᱵᱤᱡᱚᱭ ᱠᱩᱢᱟᱨ ᱢᱩᱨᱢᱩ
Ex. CMO. Coal India.
Jamshedpur, Jharkhand.

ᱟᱹᱰᱤ ᱨᱟᱹᱥᱠᱟᱹ ᱥᱟᱞᱟᱜ ᱥᱟᱱᱟᱢ “ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ” ᱨᱤᱱ ᱥᱟᱯᱲᱮᱫ ᱠᱚ, ᱚᱱᱚᱞᱤᱭᱟᱹ ᱠᱚ ᱟᱨ ᱥᱟᱶ᱐ᱮ ᱱᱚᱣᱟ ᱤᱼᱢᱮᱜᱟᱡᱤᱱ ᱨᱤᱱ ᱫᱩᱞᱟᱹᱲᱤᱭᱟᱹ ᱯᱟᱹᱴᱷᱣᱟᱹ ᱠᱚ ᱦᱚᱸ ᱤᱧᱟᱜ ᱢᱟᱱᱚ᱐ ᱡᱚᱦᱟᱨ ᱟᱨ ᱟᱭᱢᱟ ᱥᱟᱨᱦᱟᱣ! ᱠᱳᱨᱳᱱᱟᱼᱠᱟᱞ ᱟᱹᱰᱤ ᱜᱟᱱ ᱱᱟᱣᱟᱼᱱᱟᱣᱟ ᱱᱟᱱᱟ ᱼ ᱦᱩᱱᱟᱹᱨ ᱟᱭᱼᱩᱯᱟᱹᱭ ᱵᱚᱱ ᱪᱮᱫ ᱟᱱᱟ ᱟᱨ ᱫᱤᱥᱚᱢ ᱡᱟᱠᱟ᱐ ᱨᱮ ᱯᱟᱥᱱᱟᱣ ᱢᱮᱱᱟᱜ ᱵᱚᱱ ᱵᱚᱭᱦᱟᱼᱢᱤᱥᱤ ᱠᱚ ᱡᱚᱲᱟᱣ ᱜᱮᱵᱚᱱ ᱐ᱟᱸᱦᱮᱭᱮᱱᱟ ᱱᱚᱱᱠᱟ ᱜᱮ ᱟᱨᱼᱟᱨ ᱟᱹᱰᱤᱜᱟᱱ ᱤᱼᱢᱮᱜᱟᱡᱤᱱ ᱟᱨ ᱵᱷᱟᱨᱪᱩᱣᱟᱞ ᱢᱤᱴᱤᱝ ᱐ᱮ᱾ᱚᱱᱚᱞᱤᱭᱟᱹ ᱠᱚ ᱥᱟᱶ ᱯᱟᱹᱴᱷᱣᱟᱹ ᱠᱚᱦᱚᱸ ᱡᱚᱲᱟᱣ ᱐ᱮᱜᱮ ᱵᱚᱱ ᱐ᱟᱸᱦᱮᱭᱮᱱᱟ ᱟᱨ ᱱᱩᱱ ᱢᱟᱨᱟᱝ ᱫᱟᱸᱫᱷᱤ ᱦᱚᱸ ᱵᱚᱱ ᱯᱟᱨᱚᱢ ᱟᱹᱜᱩ ᱠᱮᱫᱟ ᱱᱟᱯᱟᱭ ᱐ᱮᱜᱮ᱾ᱚᱱᱚᱞᱤᱭᱟᱹ ᱠᱚᱣᱟᱜ ᱚᱱᱚᱞ ᱫᱚ ᱥᱟᱱᱟᱢ ᱢᱟᱱᱣᱟ ᱟᱨ ᱥᱟᱶᱦᱮᱫ ᱫᱤᱥᱼᱦᱩᱫᱤᱥ ᱥᱟᱶ᱐ᱮ ᱥᱟᱱᱟᱢ ᱥᱟᱸᱣᱦᱮᱫ ᱢᱟᱹᱱᱢᱤᱭᱟᱜ ᱢᱚᱱᱮ ᱨᱮᱱᱟᱜ ᱵᱷᱟᱵᱽ ᱦᱚᱸᱭ ᱞᱟᱹᱭ ᱥᱚᱫᱚᱨ ᱫᱟᱲᱮᱭᱟᱜ ᱱᱟᱯᱟᱭ ᱥᱚᱨᱮᱥ ᱟᱹᱲᱟᱹ ᱜᱟᱵᱟᱱ ᱐ᱮ ᱐ᱚᱲᱮᱼᱥᱩ᱐ᱟᱹᱢ ᱐ᱮ ᱜᱩ᱐ᱩᱼᱜᱟᱞᱟᱝ ᱥᱚᱼᱥᱚᱸᱫᱷᱟᱲ ᱵᱟᱦᱟᱼᱢᱟᱞᱟ ᱞᱮᱠᱟᱜᱮ᱾ᱯᱟᱹᱨᱥᱤ ᱵᱟᱦᱟ ᱥᱚᱸᱫᱷᱟᱲ ᱵᱚᱱ ᱯᱟᱥᱱᱟᱣ ᱠᱮᱫ ᱾

ᱯᱩᱭᱞᱩ ᱢᱟᱹᱱᱢᱤ ᱜᱤᱫᱟᱹᱨ ᱯᱤᱞᱪᱩ ᱦᱟᱲᱟᱢ ᱟᱨ ᱯᱤᱞᱪᱩ ᱵᱩᱰᱷᱤ ᱠᱤᱱ ᱨᱟᱜ ᱦᱚᱢᱚᱨ ᱞᱮᱫ ᱠᱷᱚᱱ ᱜᱮ ᱟᱵᱚ ᱢᱟᱹᱱᱢᱤᱭᱟᱜ ᱵᱷᱟᱥᱟ ᱯᱟᱹᱨᱥᱤ ᱫᱚ ᱮᱦᱚᱵ ᱞᱮᱱ ᱐ᱟᱵᱚᱱ᱾ ᱡᱮᱞᱮᱠᱟ ᱟᱹᱠᱤᱱᱟᱜ ᱠᱷᱚᱡᱚᱜ, ᱚᱱᱟ ᱞᱮᱠᱟ ᱜᱮ ᱟᱲᱟᱝ ᱠᱤᱱ ᱯᱷᱳᱴᱮᱞ ᱞᱮᱫᱟ ᱟᱨ ᱚᱱᱟᱜᱮ ᱟᱹᱠᱤᱱ ᱠᱤᱱ ᱦᱟᱨᱟ ᱵᱩᱨᱩ ᱤᱫᱤᱭᱮᱱ ᱥᱟᱶ ᱵᱷᱟᱥᱟᱼᱯᱟᱹᱨᱥᱤ ᱦᱚᱸ ᱦᱟᱨᱟ ᱵᱩᱨᱩ ᱤᱫᱤᱭᱮᱱ ᱾ᱢᱟᱹᱱᱢᱤ ᱵᱚᱱ ᱥᱟᱦᱟᱨᱮᱱ ᱯᱟᱹᱨᱥᱤ ᱦᱚᱸ ᱟᱹᱲᱟᱹ ᱐ᱮ ᱥᱟᱦᱟᱨᱮᱱ᱾ᱢᱟᱹᱱᱢᱤᱭᱟᱜ ᱢᱚᱱᱮ ᱨᱮᱱᱟᱝ ᱵᱷᱟᱵᱽ ᱜᱮ ᱟᱲᱟᱝ ᱞᱮᱠᱟ᱐ᱮ ᱢᱮᱱ ᱞᱮᱱ ᱟᱨ ᱚᱱᱠᱟᱜᱮ ᱯᱟᱹᱨᱥᱤ ᱐ᱟᱵᱚᱱ ᱞᱮᱜᱮᱡᱼᱞᱮᱜᱮᱡ ᱦᱟᱨᱟ ᱵᱩᱨᱩ ᱮᱱ᱾

ᱚᱱᱚᱞᱤᱭᱟᱹ ᱠᱚ ᱱᱤ᱐ ᱦᱚᱸ ᱟᱵᱚ ᱯᱟᱹᱨᱥᱤ ᱫᱟᱨᱮ ᱨᱮ ᱫᱟᱜ ᱠᱚ ᱜᱩᱨᱤᱡ ᱠᱚ ᱫᱩᱞ ᱤᱫᱤᱭᱮᱫ ᱐ᱮ ᱯᱟᱹᱨᱥᱤ ᱫᱟᱨᱮ ᱫᱚ ᱦᱟᱹᱨᱭᱟᱹᱲ ᱜᱮ᱾ᱯᱟᱹᱨᱥᱤ ᱫᱟᱨᱮ ᱫᱚ ᱵᱟᱦᱟᱜᱼᱟ, ᱥᱚᱸᱫᱷᱟᱲᱮᱭ ᱯᱟᱥᱱᱟᱣᱮᱫᱟ ᱾

ᱟᱯᱮᱠᱚᱣᱟᱜ ᱠᱩᱨᱩᱢᱩᱴᱩ ᱧᱮᱞ ᱧᱟᱢᱚᱜ ᱠᱟᱱᱟ᱾ “ᱟᱭᱳ ᱟᱲᱟᱝ” ᱤᱼᱢᱮᱜᱟᱡᱤᱱ ᱦᱚᱸ ᱱᱚᱝᱠᱟ ᱜᱮ ᱦᱟᱨᱟᱜ ᱢᱟ ᱞᱮᱜᱮᱡᱼᱞᱮᱜᱮᱡ!

ᱡᱚᱦᱟᱨ!

***

Message

Maino Murmu
Program director
[Santal international Association, Dallas Texas, USA]

I am glad to learn that Ayo Alang , dedicated to women has been actively putting their efforts in the upliftment of the Santali language and literature and providing the opportunity to women writers from all around the globe.

Despite challenges the Ayo Alang has survived many obstacles and is continuing to accelerate its step in noble activity.

I would humbly wish program turns out to a grand success and on the joyous occasion, I extend my warm greeting johar to all members of the organizing committee, participants, delegates, Honorable guest. And wish the association would keep their good work and this program would be very productive in every respect.
Thanking you,
With best regards.

Yours sincerely
Maino Murmu
Program director
[Santal international Association, Dallas Texas, USA]

***

Message

Ram Chandra Tudu
Adviser (Technical Support Ayo Arang)
Asst. General Secretary
(All India Santali Writers’ Association)

With great pleasure I would like to appreciate the literary development initiatives of Team Ayo Arang. Passing through the domestic works Team Ayo Arang has demonstrated its ability to guide the new Santali Women Writers to exhibit their talent on sustainable growth of Santali literature professionally. Founder member’s hard work and dedication to develop literature E-page has now emerging as the popular reading pages amongst literature lovers all over the world. On this First Ayo Arang Literature Conference, I hope that objectives of publishing E-Magazine may cruise over millions of literature lovers throughout the world.

Reliable literature initiatives result credible, sustainable literature.

All the Best to team “AYO ARANG”.

Sd-

***

PROGRAMME

Date : 04-10-2022 (Inaugural Session) : 10:00 a.m. to 12:00 Noon

1. Dharma Nehor from HITAL
2. Reception of the Inaugurator, Chief Guest and Guests of Honour,
3. Inauguration of the Conference,
4. Welcome Song by Org. Committee,
5. Welcome Address by Mrs. Maina Tudu
Founder – AYO ARANG,
6. Flag Hosting of Ayo Arang
7. Flag Hosting Song
8. Release of Souvenir and New Books.
9. Felicitation.
10. Brief on Programme by Mr. Ram Chandra Tudu Assistant General Secretary, All India Santali Writers’ Association Central Committee, Organising Head, Adviser – AYO ARANG.

Chief Guest : Mrs. Swapna Hembram, Eminent Writer, Senior Executive AISWA. Guests of Hohour : Mr. Madan Mohan Soren, Convenor, Santali Advisory Board Sahitya Akademi, New Delhi.
: Mr. Rupchand Hansdah, Adviser, AISWA
: Mr. Lakshman Kisku, President, AISWA.
: Mr. Rabindra Nath Murmu, General Secretary, AISWA.
: Mrs. Bharati Hansdah, President, Jilla Parishad, Baripada, Mayurbhanj, Odisha.
: Mrs. Laxmi Hansdah, Sarpanch, Debsole Gram Panchayat.
: Mr. Ghasiram Soren, Adviser Ayo Arang.
: Mr. Shankarsan Santra, Head Master, Debsole Sevashram School.
: Mr. Ghanashyam Murmu, Debsole.
Host : Mrs. Chinmayee Hansdah (Marandi)
: Mrs. Chhaya Mandi
Vote of Thanks : Mrs. Salho Soren

1st Session (12:00 Noon to 1:30 p.m.)
Discussion on defferent face of Literature
Guest : Mrs. Joba Murmu
Welcome : Mrs. Raimati Hembram
Chair : Mrs. Tala Tudu
Welcome Song : Mrs. Mani Soren
Papers : Mrs. Saleema Marandi
(Ol Chiki Literacy and Literature development – Required step)
: Dr. Parvati Soren
(Female Health issues and it’s prevention)
: Mrs. Santi Lata Marandi (Soren)
(Responsible of Mother and daughter-in-law on domestic work)
: Mrs. Sarada Murmu
(Ancient culture in present scenery)
: Mrs. Jhano Murmu
(Intercaste marriage and it’s effects on our Society)
: Mrs. Malati Baskey
(Education – A present Trend in our Society)
Vote of Thanks : Miss Shokalmoni Soren

Lunch (1:30 p.m. to 3:00 p.m.)
2nd Session (3:00 p.m. to 4:30 p.m.)

Guest                : Mrs. Sova Hansdah
Welcome          : Miss Pabitra Hembram
Chair                 : Mrs. Suchitra Hansdah
Welcome Song : Local Organising Committee

Papers      : Mrs. Dikumoni Soren
(Proper use of Handi in our Society)
: Miss. Anjali Kisku
(Employment / Service – Necessary for Women)
: Mrs. Sarojini Beshra
(Women on Sports and Administration)
: Mrs. Samala Hembram
(Rules and Regulations of our Festivals and place of Women at religious Ceremony)
: Mrs. Malati Hembram
(Electronics Media and Social Media – IT)
: Mrs. Basanti Lata Marndi
(Effects of Religious belief on our Society and it’s Preventions)

Vote of Thanks : Mrs. Malati Murmu

Tea break (4:30 p.m. to 4:45 p.m.)
3rd Session (4:45 p.m to 6:30 p.m.)
Topic – Poetry Convension

Guest : Mrs. Chinmayee Hansdah (Marandi)
Welcome : Miss Sandhya Mandi
Chair : Mrs Maina Tudu
: Mrs. Chhaya Mandi
Welcome Song : Mrs. Annie Kisku

Papers : Miss Sikha Hembram
: Miss Minati Marndi
: Mrs. Salge Sarna Hembram
Vote of Thanks : Mrs. Arsu Hansdah

ᱠᱟᱹᱢᱤᱦᱚᱨᱟ

ᱢᱟᱹ ᱐᱔ᱹ᱑᱐ᱹ᱒᱐᱒᱒ ᱦᱤᱛ
(ᱩᱰᱷᱟᱹᱣ ᱟᱠᱷᱲᱟ) ᱺ
ᱥᱮᱛᱟᱜ ᱑᱐ᱺ᱐᱐ ᱠᱷᱚᱱ ᱛᱤᱠᱤᱱ ᱑᱒ᱺ᱐᱐

᱑ᱹ ᱫᱷᱚᱨᱢᱚ ᱱᱮᱦᱚᱸᱨ ᱦᱤᱛᱟᱹᱞ ᱠᱷᱚᱱ
᱒ᱹ ᱟᱠᱷᱲᱟ ᱩᱰᱷᱟᱹᱣᱤᱭᱟᱹ ᱦᱚᱛᱮᱛᱮ ᱟᱛᱟᱝ ᱫᱟᱨᱟᱢ, ᱢᱟᱨᱟᱝ ᱯᱮᱲᱟ ᱟᱨ ᱢᱟᱹᱱᱟᱱ ᱯᱮᱲᱟ ᱾
᱓ᱹ ᱜᱩᱨᱩ ᱜᱚᱢᱠᱮ ᱯᱦᱚᱴᱚ ᱨᱮ ᱵᱟᱦᱟᱢᱟᱞᱟ, ᱢᱟᱨᱟᱝ ᱯᱮᱲᱟ ᱦᱚᱛᱮᱛᱮ᱾
᱔ᱹ ᱠᱟᱹᱢᱤᱭᱟᱹ ᱠᱩᱢᱩᱴ ᱯᱟᱦᱴᱟ ᱠᱷᱚᱱ ᱥᱟᱹᱜᱩᱱ ᱫᱟᱨᱟᱢ ᱥᱮᱨᱮᱧ ᱾
᱕ᱹ ᱢᱟᱹᱱᱤᱡ ᱢᱟᱭᱱᱚ ᱴᱩᱰᱩ ᱦᱚᱛᱮᱛᱮ ᱥᱟᱹᱜᱩᱱ ᱫᱟᱨᱟᱢ ᱜᱟᱞᱚᱪ
ᱵᱩᱱᱤᱭᱟᱹᱫᱤᱭᱟᱹ – ᱟᱭᱳ ᱟᱲᱟᱝ ᱾
᱖ᱹ ᱟᱭᱳ ᱟᱲᱟᱝ ᱨᱮᱱᱟᱜ ᱪᱤᱨ ᱦᱤᱯᱤᱲ ᱾
᱗ᱹ ᱟᱭᱳ ᱟᱲᱟᱝ ᱪᱤᱨ ᱦᱤᱯᱤᱲ ᱥᱮᱨᱮᱧ ᱾
᱘ᱹ ᱢᱟᱹᱱ ᱨᱟᱢ ᱪᱚᱸᱫᱽᱨᱚ ᱴᱩᱰᱩ ᱦᱚᱛᱮᱛᱮ ᱟᱠᱷᱲᱟ ᱨᱮᱱᱟᱜ ᱵᱤᱥᱲᱤ ᱪᱷᱤᱸᱵᱽᱲᱤ
ᱡᱚᱜᱚ ᱥᱩᱛᱨᱮᱛ, ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ (Central Committee), ᱢᱩᱬᱩᱛ ᱠᱩᱢᱩᱴ ᱥᱟᱯᱲᱮᱛ, ᱟᱭᱳ ᱟᱲᱟᱝ ᱫᱤᱥᱟᱹ ᱩᱫᱩᱜᱤᱭᱟᱹ ᱾
᱙ᱹ ᱩᱱᱩᱭᱦᱟᱹᱨ ᱟᱨ ᱱᱟᱶᱟ ᱯᱚᱛᱚᱵ ᱠᱚ ᱨᱮᱱᱟᱜ ᱩᱰᱷᱟᱹᱣ ᱥᱟᱹᱜᱩᱱ ᱾
᱑᱐ᱹ ᱥᱟᱨᱦᱟᱣᱱᱟ ᱪᱟᱞ ᱾

ᱢᱟᱨᱟᱝ ᱯᱮᱲᱟ ᱺ ᱢᱟᱹᱱᱤᱡ ᱥᱚᱯᱱᱟ ᱦᱮᱸᱵᱽᱨᱚᱢ, ᱧᱩᱛᱩᱢᱟᱱ ᱚᱱᱚᱞᱤᱭᱟᱹ ᱾
ᱢᱟᱹᱱᱟᱱ ᱯᱮᱲᱟ ᱠᱚ ᱺ ᱢᱟᱱᱚᱛᱟᱱ ᱢᱚᱫᱚᱱ ᱢᱳᱦᱚᱱ ᱥᱚᱨᱮᱱ, ᱠᱚᱱᱵᱷᱮᱱᱚᱨ,                                                    ᱥᱟᱱᱛᱟᱲᱤ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱫᱤᱥᱟᱹ
ᱩᱫᱩᱜᱤᱭᱟᱹ, ᱱᱟᱶᱟ ᱫᱤᱞᱞᱤ ᱾
ᱺ   ᱢᱟᱱᱚᱛᱟᱱ ᱨᱩᱯᱪᱟᱸᱫᱽ ᱦᱟᱸᱥᱫᱟᱜ, ᱫᱤᱥᱟᱹ ᱩᱫᱩᱜᱤᱭᱟᱹ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱾
ᱺ   ᱢᱟᱱᱚᱛᱟᱱ ᱞᱚᱠᱷᱚᱱ ᱠᱤᱥ, ᱯᱟᱨᱥᱮᱛ, ᱵᱷᱟᱨᱚᱛ ᱡᱟᱠᱟᱛ
ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱾
ᱺ   ᱢᱟᱱᱚᱛᱟᱱ ᱨᱚᱵᱤᱱᱫᱽᱨᱚᱱᱟᱛᱷ ᱢᱩᱨᱢᱩ, ᱥᱩᱛᱨᱮᱛ, ᱵᱷᱟᱨᱚᱛ ᱡᱟᱠᱟᱛ
ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱾
ᱺ   ᱢᱟᱹᱱᱤᱡ ᱵᱷᱟᱨᱚᱛᱤ ᱦᱟᱸᱥᱫᱟᱜ, ᱯᱟᱨᱥᱮᱛ, ᱡᱤᱞᱞᱟ ᱯᱚᱨᱤᱥᱚᱫᱽ, ᱵᱟᱨᱤᱯᱚᱫᱟ,
ᱢᱚᱭᱩᱨᱵᱷᱚᱸᱡᱽ, ᱳᱰᱤᱥᱟ ᱾
ᱺ   ᱢᱟᱹᱱᱤᱡ ᱞᱚᱠᱷᱢᱤ ᱦᱟᱸᱥᱫᱟᱜ, ᱥᱚᱨᱯᱚᱸᱪ, ᱫᱮᱣᱥᱳᱲ ᱜᱽᱨᱟᱢ ᱯᱚᱧᱪᱟᱛ
ᱺ   ᱢᱟᱱᱚᱛᱟᱱ ᱜᱷᱟᱥᱤᱨᱟᱢ ᱥᱚᱨᱮᱱ, ᱟᱭᱳ ᱟᱲᱟᱝ ᱫᱤᱥᱟᱹ ᱩᱫᱩᱜᱤᱭᱟᱹ᱾
ᱺ   ᱢᱟᱱᱚᱛᱟᱱ ᱥᱚᱝᱠᱚᱨᱥᱟᱱ ᱥᱟᱱᱛᱨᱟ, ᱢᱩᱬᱩᱛ ᱢᱟᱪᱮᱛ, ᱫᱮᱣᱥᱳᱲ ᱥᱮᱵᱟᱥᱨᱚᱢ ᱟᱥᱲᱟ ᱾
ᱺ  ᱢᱟᱱᱚᱛᱟᱱ ᱜᱷᱚᱱᱚᱥᱭᱟᱢ ᱢᱩᱨᱢᱩ, ᱫᱮᱣᱥᱳᱲ ᱾

ᱟᱠᱷᱲᱟ ᱪᱟᱪᱞᱟᱣ ᱺ ᱢᱟᱹᱱᱤᱡ ᱪᱤᱱᱢᱚᱭᱤ ᱦᱟᱸᱥᱫᱟᱜ (ᱢᱟᱨᱟᱱᱰᱤ)
ᱺ ᱢᱟᱹᱱᱤᱡ ᱪᱷᱟᱭᱟ ᱢᱟᱱᱰᱤ
ᱵᱤᱫᱟᱹᱭ ᱥᱟᱨᱦᱟᱣ ᱺ ᱢᱟᱹᱱᱤᱡ ᱥᱟᱞᱦᱚ ᱥᱚᱨᱮᱱ

ᱯᱩᱭᱞᱩ ᱟᱠᱷᱲᱟ
(᱑᱒ᱺ᱐᱐ ᱠᱷᱚᱱ ᱑ᱺ᱓᱐ ᱛᱤᱠᱤᱱ)
ᱞᱮᱠᱟᱱ ᱞᱮᱠᱟᱱ ᱥᱟᱛᱟᱢ ᱪᱮᱛᱟᱱ ᱨᱮ ᱥᱟᱶᱦᱮᱫ ᱜᱟᱞᱚᱪ

ᱱᱮᱶᱛᱟ ᱯᱮᱲᱟ     ᱺ ᱢᱟᱹᱱᱤᱡ ᱡᱚᱵᱟ ᱢᱩᱨᱢᱩ
ᱥᱟᱹᱜᱩᱱ ᱫᱟᱨᱟᱢ ᱺ ᱢᱟᱹᱱᱤᱡ ᱨᱟᱹᱭᱢᱚᱛᱤ ᱦᱮᱸᱵᱽᱨᱚᱢ
ᱢᱟᱹᱪᱤ                   ᱺ ᱢᱟᱹᱱᱤᱡ ᱛᱟᱞᱟ ᱴᱩᱰᱩ
ᱥᱟᱹᱜᱩᱱ ᱫᱟᱨᱟᱢ ᱥᱮᱨᱮᱧ ᱺ ᱢᱟᱹᱱᱤᱡ ᱢᱟᱹᱱᱤ ᱥᱚᱨᱮᱱ

ᱜᱟᱞᱚᱪᱤᱭᱟᱹ ᱠᱚ ᱺ ᱢᱟᱹᱱᱤᱡ ᱥᱚᱞᱤᱢᱟ ᱢᱟᱨᱟᱱᱰᱤ
(ᱪᱤᱠᱤ ᱪᱷᱟᱨᱟᱣ ᱟᱨ ᱥᱟᱶᱦᱮᱫ ᱦᱟᱨᱟᱵᱩᱨᱩ ᱨᱮ ᱞᱟᱹᱠᱛᱤᱭᱟᱱ ᱯᱟᱹᱣᱲᱤ)
ᱺ ᱰᱨᱹ ᱯᱟᱨᱵᱚᱛᱤ ᱥᱚᱨᱮᱱ
(ᱠᱩᱲᱤ ᱦᱚᱯᱚᱱᱟᱜ ᱦᱚᱲᱢᱚ ᱟᱡᱟᱨ ᱟᱨ ᱴᱮᱠᱟᱣ ᱫᱟᱨᱟᱢ)
ᱺ ᱢᱟᱹᱱᱤᱡ ᱥᱟᱱᱛᱤ ᱞᱚᱛᱟ ᱢᱟᱨᱟᱱᱰᱤ (ᱥᱚᱨᱮᱱ)
(ᱜᱷᱟᱨᱚᱸᱡᱽ ᱠᱟᱹᱢᱤ ᱨᱮ ᱵᱟᱹᱦᱩᱠᱩᱲᱤ ᱟᱨ ᱟᱭᱳᱣᱟᱜ ᱟᱺᱜᱤᱵᱷᱟᱨ)
ᱺ ᱢᱟᱹᱱᱤᱡ ᱥᱟᱨᱚᱫᱟ ᱢᱩᱨᱢᱩ
(ᱟᱵᱚᱣᱟᱜ ᱞᱟᱠᱪᱟᱨ (ᱮᱱᱮᱡ ᱥᱮᱨᱮᱧ) ᱨᱮ ᱥᱮᱫᱟᱭ ᱟᱨ ᱱᱤᱛᱚᱜᱟᱜ ᱪᱤᱛᱟᱹᱨ)
ᱺ ᱢᱟᱹᱱᱤᱡ ᱡᱷᱟᱱᱚ ᱢᱩᱨᱢᱩ
(ᱟᱵᱚ ᱥᱟᱶᱛᱟ ᱨᱮ ᱪᱷᱟᱹᱛᱤᱠ ᱥᱟᱶ ᱵᱟᱯᱞᱟ ᱨᱮᱱᱟᱜ ᱵᱟᱹᱲᱤᱡ ᱚᱨᱥᱚᱝ)
ᱺ ᱢᱟᱹᱱᱤᱡ ᱢᱟᱞᱚᱛᱤ ᱵᱟᱥᱠᱮ
(ᱟᱵᱚ ᱥᱟᱶᱛᱟ ᱨᱮ ᱥᱮᱪᱮᱫ ᱨᱮᱱᱟᱜ ᱩᱭᱦᱟᱹᱨ ᱵᱷᱟᱵᱽᱱᱟ)

ᱵᱤᱫᱟᱹᱭ ᱥᱟᱨᱦᱟᱣ ᱺ ᱢᱟᱹᱱᱤ ᱥᱚᱠᱚᱞᱢᱩᱱᱤ ᱥᱚᱨᱮᱱ

ᱫᱟᱠᱟ ᱡᱚᱢ
(᱑ᱺ᱓᱐ ᱠᱷᱚᱱ ᱓ᱺ᱐᱐ ᱛᱤᱠᱤᱱ)
ᱫᱚᱥᱟᱨ ᱟᱠᱷᱲᱟ
(᱓ᱺ᱐᱐ ᱠᱷᱚᱱ ᱔ᱺ᱓᱐ ᱛᱟᱨᱟᱥᱤᱧ)

ᱱᱮᱶᱛᱟ ᱯᱮᱲᱟ ᱺ ᱢᱟᱹᱱᱤᱡ ᱥᱚᱵᱷᱟ ᱦᱟᱸᱥᱫᱟ
ᱥᱟᱹᱜᱩᱱ ᱫᱟᱨᱟᱢ ᱺ ᱢᱟᱹᱱᱤ ᱯᱚᱵᱤᱛᱨᱟ ᱦᱮᱸᱵᱽᱨᱚᱢ
ᱢᱟᱹᱪᱤ ᱺ ᱢᱟᱹᱱᱤᱡ ᱥᱩᱪᱤᱛᱨᱟ ᱦᱟᱸᱥᱫᱟᱜ
ᱥᱟᱹᱜᱩᱱ ᱫᱟᱨᱟᱢ ᱥᱮᱨᱮᱧ ᱺ ᱴᱚᱴᱷᱟ ᱠᱟᱹᱢᱤᱭᱟᱹ ᱠᱩᱢᱩᱴ ᱦᱚᱛᱮᱛᱮ

ᱜᱟᱞᱚᱪᱤᱭᱟᱹ ᱠᱚ ᱺ ᱢᱟᱹᱱᱤᱡ ᱫᱤᱠᱩᱢᱩᱬᱤ ᱥᱚᱨᱮᱱ
(ᱥᱟᱶᱛᱟ ᱨᱮ ᱦᱟᱺᱰᱤ ᱨᱮᱱᱟᱜ ᱡᱚᱛᱷᱟᱛ ᱵᱮᱵᱷᱟᱨ)
ᱺ ᱢᱟᱹᱱᱤᱡ ᱚᱧᱡᱚᱞᱤ ᱠᱤᱥᱠᱩ
(ᱪᱟᱹᱠᱨᱤ ᱠᱟᱹᱢᱤᱨᱮ ᱠᱩᱲᱤ ᱦᱚᱯᱚᱱᱟᱜ ᱛᱤᱱᱟᱹᱜ ᱞᱟᱹᱠᱛᱤ)
ᱺ ᱢᱟᱹᱱᱤᱡ ᱥᱚᱨᱳᱡᱤᱱᱤ ᱵᱮᱥᱨᱟ
(ᱠᱷᱮᱞᱚᱸᱰ ᱟᱨ ᱫᱤᱥᱚᱢ ᱥᱟᱥᱚᱱ ᱨᱮ ᱠᱩᱲᱤ ᱦᱚᱯᱚᱱ)
ᱺ ᱢᱟᱹᱱᱤᱡ ᱥᱟᱢᱚᱞᱟ ᱦᱮᱸᱵᱽᱨᱚᱢ
(ᱟᱵᱚᱣᱟᱜ ᱯᱟᱨᱟᱵᱽ ᱯᱩᱱᱟᱹᱭ ᱨᱮ ᱱᱮᱭᱟᱢ ᱱᱮᱢᱟᱪᱟᱨ ᱟᱨ ᱵᱚᱸᱜᱟ ᱛᱷᱟᱱ ᱨᱮ ᱠᱩᱲᱤ ᱠᱚᱣᱟᱜ ᱴᱷᱟᱶ)
ᱺ ᱢᱟᱹᱱᱤᱡ ᱢᱟᱞᱚᱛᱤ ᱦᱮᱸᱵᱽᱨᱚᱢ
(ᱤᱞᱮᱠᱴᱨᱚᱱᱤᱠᱥ ᱢᱮᱰᱤᱭᱟ (ᱮᱞᱮᱪᱴᱨᱚᱱᱤᱪᱥ ᱬᱮᱰᱤᱟ) )
ᱺ ᱢᱟᱹᱱᱤᱡ ᱵᱟᱥᱚᱱᱛᱤ ᱞᱚᱛᱟ ᱢᱟᱨᱱᱰᱤ
(ᱥᱟᱶᱛᱟ ᱨᱮ ᱟᱸᱫᱷᱟᱯᱟᱹᱛᱭᱟᱹᱣ ᱨᱮᱱᱟᱜ ᱚᱨᱥᱚᱝ ᱟᱨ ᱴᱮᱠᱟᱣ ᱫᱟᱨᱟᱢ ᱦᱚᱨ)
ᱵᱤᱫᱟᱹᱭ ᱥᱟᱨᱦᱟᱣ ᱺ ᱢᱟᱹᱱᱤᱡ ᱢᱟᱞᱚᱛᱤ ᱢᱩᱨᱢᱩ

ᱪᱟᱦᱟ ᱧᱩ
(᱔ᱺ᱓᱐ ᱠᱷᱚᱱ ᱔ᱺ᱔᱕)
ᱛᱮᱥᱟᱨ ᱟᱠᱷᱲᱟ
(ᱛᱟᱨᱟᱥᱤᱧ ᱔ᱺ᱔᱕ ᱠᱷᱚᱱ ᱖ᱺ᱓᱐)

ᱥᱟᱛᱟᱢ ᱼ ᱚᱱᱚᱬᱦᱮ ᱟᱠᱷᱲᱟ ᱟᱨ ᱫᱤᱥ ᱦᱩᱫᱤᱥ

ᱱᱮᱶᱛᱟ ᱯᱮᱲᱟ ᱺ ᱢᱟᱹᱱᱤᱡ ᱪᱤᱱᱢᱚᱭᱤ ᱦᱟᱸᱥᱫᱟᱜ (ᱢᱟᱨᱟᱱᱰᱤ)
ᱥᱟᱹᱜᱩᱱ ᱫᱟᱨᱟᱢ ᱺ ᱢᱟᱹᱱᱤ ᱥᱚᱱᱫᱷᱭᱟ ᱢᱟᱱᱰᱤ
ᱢᱟᱹᱪᱤ ᱺ ᱢᱟᱹᱱᱤᱡ ᱢᱟᱭᱱᱚ ᱴᱩᱰᱩ, ᱢᱟᱹᱱᱤᱡ ᱪᱷᱟᱭᱟ ᱢᱟᱱᱰᱤ
ᱥᱟᱹᱜᱩᱱ ᱫᱟᱨᱟᱢ ᱥᱮᱨᱮᱧ ᱺ ᱢᱟᱹᱱᱤᱡ ᱟᱱᱱᱤ ᱠᱤᱥᱠᱩ

ᱚᱱᱚᱬᱦᱮ ᱯᱟᱲᱦᱟᱣ ᱺ ᱢᱟᱹᱱᱤ ᱥᱤᱠᱷᱟᱹ ᱦᱮᱸᱵᱽᱨᱚᱢ
ᱺ ᱢᱟᱹᱱᱤ ᱢᱤᱱᱚᱛᱤ ᱢᱟᱨᱱᱰᱤ
ᱺ ᱢᱟᱹᱱᱤᱡ ᱥᱟᱞᱜᱮ ᱥᱟᱨᱱᱟ ᱦᱮᱸᱵᱽᱨᱚᱢ
ᱵᱤᱫᱟᱹᱭ ᱥᱟᱨᱦᱟᱣ ᱺ ᱢᱟᱹᱱᱤᱡ ᱟᱹᱨᱥᱩ ᱦᱟᱸᱥᱫᱟᱜ ᱾

Organised By : Ayo Arang & Majhi Baba Debsole Gram Panchayat.

Local Organisers :

Mr. Lalu Hembram (Majhi Baba, Debsole),
Mr. Ram Chandra Tudu – 9490077293,
Mr. Ghana Shyam Murmu,
Mr Kanhu Tudu,
Mr. Sombrai Marndi,
Mr. Muchiram Hembram (Jag Majhi),
Mrs. Parvati Tudu,
Mr. Muchiram Hembram,
Mrs. Singo Tudu,
Mrs. Rangi Hembram (Majhi Ayo),
Mrs. Malati Murmu,
Miss Lasna Hansdah,
Miss Purnima Soren,
Miss Gitarani Murmu,
Mrs. Rankini Murmu,
Mrs. Basanti Tudu,
Mrs. Malati Tudu.

ᱵᱟᱰᱟᱭ ᱛᱮᱭᱟᱜ

᱑ᱹ Delegate Registration Fee ᱫᱚ Rsᱹ ᱓᱐᱐/ᱼ ᱴᱟᱠᱟ ᱥᱩᱢᱩᱝ ᱾
᱒ᱹ ᱥᱟᱱᱛᱟᱲᱤ ᱯᱚᱛᱚᱵ ᱯᱩᱛᱷᱤ ᱫᱚᱠᱟᱱ ᱛᱟᱦᱮᱸᱱᱟ ᱾
᱓ᱹ ᱱᱚᱶᱟ ᱥᱮᱱᱮᱞᱮᱫ ᱨᱮᱫᱚ ᱚᱞ ᱪᱤᱠᱤ ᱛᱮ ᱚᱞ ᱟᱠᱟᱱ ᱯᱚᱛᱚᱵ ᱠᱚᱜᱮ ᱩᱰᱟᱹᱣ ᱞᱟᱹᱜᱤᱫ ᱫᱟᱣ ᱮ ᱧᱟᱢᱟ ᱾
᱔ᱹ “ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ” ᱥᱟᱶ ᱥᱟᱹᱜᱟᱹᱭ ᱫᱚᱦᱚᱭ ᱟᱨ ᱚᱱᱟᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ, ᱞᱟᱛᱟᱨ ᱨᱮᱱᱟᱜ ᱮᱞᱮᱞ ᱥᱟᱶ ᱥᱟᱹᱜᱟᱹᱭ ᱵᱚᱱ ᱡᱚᱲᱟᱣ ᱢᱟ ᱺᱼ ᱗᱙᱐᱑᱓᱕᱐᱗᱙᱒, ᱘᱗᱗᱗᱗ ᱖᱕᱕᱒᱖ …
᱕ᱹ ᱟᱭᱳ ᱟᱲᱟᱝ ᱤᱼᱯᱟᱛᱷᱟᱢ ᱨᱮᱱᱟᱜ ᱚᱱᱚᱞ ᱠᱚ ᱯᱟᱲᱦᱟᱣ ᱞᱟᱹᱜᱤᱫ ᱛᱮ ᱠᱷᱟᱱ ᱞᱟᱛᱟᱨ ᱨᱮ ᱮᱢ ᱟᱠᱟᱱ Website Link Google ᱨᱮᱯᱮ Search ᱫᱟᱲᱮᱭᱟᱜᱼᱟ – https://ayoarang.in . 6. Route / ᱦᱚᱨ – Bus – Baripada to Debsole, Rail – Kharagpur To Amarda Road Local, Exp. KGP To Jaleswar. Amarda Road To Debsole 10 KM By Auto/Bus. Further Detail contact – 9490077293, 7901350792.

***

ᱴᱚᱴᱷᱟ ᱠᱟᱹᱢᱤᱦᱚᱨᱟ ᱠᱩᱢᱩᱴ
(Local Organising Committee)

1. Mr. Lalu Hembram (Majhi Baba, Debsole)
2. Mr. Ram Chandra Tudu
3. Mr. Ghanashyam Murmu
4. Mr. Kanhu Tudu
5. Mr. Somrai Marndi
6. Mr. Muchiram Hembram (Jog Majhi)
7. Mr. Muchiram Hembram.

ᱯᱮᱲᱟ ᱫᱟᱨᱟᱢ ᱨᱮ ᱺᱼ
1. Mr. Ghanashyam Murmu
2. Mr. Jangha Soren
3. Mrs. Singo Tudu
4. Mrs. Parvati Tudu
5. Miss. Lasna Hansdah
6. Mrs. Rangi Hembram

ᱫᱷᱚᱨᱢᱚ ᱱᱮᱦᱚᱸᱨ (Dharma Nehor) :-
1. Purnima Soren
2. Malati Murmu
3. Gitarani Murmu & Team

ᱥᱟᱹᱜᱩᱱ ᱫᱟᱨᱟᱢ ᱥᱮᱨᱮᱧ (Welcome Song) :-
1. Rankini Murmu
2. Parbati Tudu
3. Basanti Tudu
4. Malati Tudu

***

ᱟᱭᱳ ᱟᱲᱟᱝ ᱠᱟᱹᱢᱤᱭᱟᱹ ᱠᱩᱢᱩᱴ ᱥᱚᱦᱮᱫ ᱠᱚ
(Executive Members) :

Mrs. Maina Tudu

Mrs. Chhaya Mandi

Mrs. Salho Soren

Mrs. Chinmayee Hansdah (Marandi)

Mrs. Tala Tudu

Mrs. Suchitra Hansdah

Mrs. Sarojini Beshra

Mrs. Rani Murmu

Miss Saro Hansdah

Miss Shakuntala Marndi

Mrs. Salge Sarna Hembram

Honorary Advisors

Mrs. Yashoda Murmu, New Delhi.

Mrs. Swapna Hembram, Kharagpur, WB.

Mrs. Joba Murmu, Jamsedpur, Jharkhand.

Dr. Parvati Soren, Jamsedpur, Jharkhand.

***

ᱤᱼᱯᱟᱛᱷᱟᱢ ᱫᱚ ᱪᱮᱫ?

ᱤᱼᱯᱟᱛᱷᱟᱢ ᱥᱮ ᱤᱼᱢᱮᱜᱟᱡᱤᱱ (ELECTRONICS MEGAZINE) ᱫᱚ ᱳᱱᱞᱤᱱᱮ ᱨᱮ ᱯᱟᱨᱥᱟᱞᱚᱜ ᱢᱤᱫ ᱯᱟᱛᱷᱟᱢ ᱠᱟᱱᱟ ᱾ ᱳᱱᱞᱤᱱᱮ ᱣᱮᱵᱥᱤᱴᱮ ᱨᱮ ᱚᱞ ᱵᱮᱞ ᱠᱚ ᱯᱟᱨᱥᱟᱞ ᱞᱮᱠᱷᱟᱱ, ᱢᱤᱫ ᱜᱷᱟᱹᱲᱤᱠ ᱨᱮᱜᱮ ᱡᱮᱜᱮᱛ ᱡᱟᱠᱟᱛ ᱨᱤᱱ ᱥᱟᱶᱦᱮᱫ ᱫᱩᱞᱟᱹᱲᱤᱭᱟᱹ ᱠᱚ ᱟᱵᱚᱣᱟᱜ ᱚᱞᱼᱵᱮᱞ ᱠᱚ ᱯᱟᱲᱦᱟᱣ ᱫᱟᱲᱮᱭᱟᱜᱼᱟ ᱾

ᱟᱭᱳ ᱟᱲᱟᱝ ᱫᱚ ᱥᱟᱱᱛᱟᱲ ᱠᱩᱲᱤ ᱚᱱᱚᱞᱤᱭᱟᱹ ᱠᱚᱣᱟᱜ ᱢᱤᱫ ᱥᱟᱶᱦᱮᱫ ᱢᱮᱞᱟᱝᱠᱤ ᱠᱟᱱᱟ᱾ ᱥᱟᱶᱦᱮᱫ ᱫᱚ ᱚᱞ ᱛᱮ ᱦᱩᱭᱩᱜ ᱟᱨ ᱪᱟᱨᱪᱟ ᱛᱮ ᱦᱩᱭᱩᱜ, ᱮᱱᱮᱡ ᱠᱟᱛᱮ ᱦᱩᱭᱩᱜ ᱟᱨᱵᱟᱝ ᱥᱮᱨᱮᱧ ᱠᱟᱛᱮ ᱦᱩᱭᱩᱜ, ᱡᱟᱦᱟᱸ ᱞᱮᱠᱟᱛᱮᱜᱮ ᱠᱩᱲᱤ ᱦᱚᱯᱚᱱ ᱠᱚ ᱟᱠᱚᱣᱟᱜ ᱥᱟᱶᱦᱮᱫ ᱦᱩᱱᱟᱹᱨ ᱱᱚᱶᱟ ᱚᱱᱞᱟᱭᱤᱱ ᱢᱮᱞᱟᱝᱠᱤ ᱦᱚᱛᱮᱛᱮ ᱡᱮᱜᱮᱛ ᱨᱮ ᱟᱵᱚ ᱨᱤᱱ ᱦᱚᱲ ᱦᱚᱯᱚᱱ ᱴᱷᱮᱱ ᱵᱚᱱ ᱥᱮᱴᱮᱨ ᱫᱟᱲᱮᱭᱟᱜᱼᱟ ᱾

ᱱᱤᱛᱚᱜ ᱞᱮᱠᱟᱱ ᱡᱩᱜᱽᱨᱮ ᱳᱱᱞᱟᱭᱤᱱ ᱛᱮ ᱟᱹᱰᱤ ᱞᱮᱠᱟᱱ ᱠᱟᱹᱢᱤ ᱦᱚᱨᱟ ᱪᱟᱞᱟᱜ ᱠᱟᱱᱟ᱾ ᱥᱟᱶᱦᱮᱫ ᱪᱮᱛᱟᱱ ᱨᱮ ᱠᱟᱹᱢᱤᱦᱚᱨᱟ ᱦᱚᱸ ᱟᱹᱰᱤᱜᱟᱱ ᱜᱮ ᱟᱹᱰᱤ ᱨᱤᱦᱤᱴ ᱨᱮ ᱪᱟᱞᱟᱜ ᱠᱟᱱᱟ᱾ ᱡᱟᱦᱟᱸ ᱞᱮᱠᱟ ᱯᱩᱭᱞᱩ ᱨᱮᱜᱮ ᱵᱚ ᱧᱩᱢ ᱦᱟᱞᱟᱝ ᱫᱟᱲᱮᱭᱟᱜᱼᱟ, ‘ᱵᱤᱨᱢᱟᱹᱞᱤ ᱤᱼᱯᱟᱛᱷᱟᱢ’, ᱱᱚᱶᱟ ᱫᱚ ᱥᱟᱱᱛᱟᱲ ᱥᱟᱶᱛᱟ ᱨᱮᱱᱟᱜ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮ ᱯᱩᱭᱞᱩ ᱤᱼᱯᱟᱛᱷᱟᱢ ᱠᱟᱱᱟ ᱾ ᱱᱚᱶᱟ ᱨᱮᱫᱚ ᱠᱩᱲᱤ ᱠᱚᱲᱟ ᱥᱟᱱᱟᱢ ᱠᱚᱜᱮ ᱟᱠᱚᱣᱟᱜ ᱚᱞᱼᱵᱮᱞ ᱠᱚ ᱯᱟᱨᱥᱟᱞ ᱥᱚᱫᱚᱨ ᱚᱪᱚ ᱫᱟᱲᱮᱭᱟᱜᱼᱟ ᱾ ᱚᱱᱠᱟ ᱜᱮ ᱱᱚᱶᱟ ‘ᱟᱭᱳ ᱟᱲᱟᱝ ᱤᱼᱯᱟᱛᱷᱟᱢ’ ᱫᱚ ᱥᱟᱱᱛᱟᱲ ᱥᱟᱶᱛᱟ ᱨᱤᱱ ᱥᱩᱢᱩᱝ ᱠᱩᱲᱤ ᱦᱚᱯᱚᱱ ᱚᱱᱚᱞᱤᱭᱟᱹ ᱠᱚ ᱞᱟᱹᱜᱤᱫ ᱯᱩᱭᱞᱩ ᱤᱼᱯᱟᱛᱷᱟᱢ ᱠᱟᱱᱟ ᱾

ᱱᱤᱛᱚᱜ ᱥᱟᱱᱛᱟᱲ ᱥᱟᱶᱛᱟ ᱨᱮᱱ ᱟᱹᱰᱤᱜᱟᱱ ᱠᱩᱲᱤ ᱦᱚᱯᱚᱱ ᱠᱚᱜᱮ ᱥᱟᱶᱦᱮᱫ ᱚᱞᱼᱵᱮᱞ ᱥᱮ ᱥᱟᱶᱦᱮᱫ ᱪᱟᱨᱪᱟ ᱨᱮᱠᱚ ᱟᱬᱜᱚ ᱦᱮᱡ ᱟᱠᱟᱱᱟ ᱾ ᱟᱹᱰᱤ ᱜᱟᱱ ᱠᱩᱲᱤ ᱦᱚᱯᱚᱱ ᱜᱮ ᱥᱟᱶᱦᱮᱫ ᱪᱟᱨᱪᱟ ᱨᱮᱱᱟᱜ ᱥᱩᱵᱤᱫᱷᱟ ᱠᱚ ᱧᱟᱢᱮᱫ ᱥᱟᱶᱼᱥᱟᱶᱛᱮ ᱟᱨ ᱦᱚᱸ ᱚᱱᱠᱟᱱ ᱟᱹᱰᱤᱜᱟᱱ ᱠᱩᱲᱤ ᱦᱚᱯᱚᱱ ᱢᱮᱱᱟᱜ ᱠᱚᱣᱟ, ᱡᱟᱦᱟᱸᱭ ᱠᱚᱫᱚ ᱚᱞᱼᱵᱮᱞ ᱠᱟᱛᱮ ᱨᱮᱦᱚᱸ ᱯᱚᱛᱚᱵ ᱯᱩᱛᱷᱤ ᱪᱷᱟᱯᱟ ᱯᱟᱨᱥᱟᱞ ᱞᱟᱹᱜᱤᱫ ᱚᱠᱩᱲᱟᱹᱱ ᱠᱷᱟᱹᱛᱤᱨ ᱥᱟᱶᱦᱮᱫ ᱪᱟᱨᱪᱟ ᱠᱷᱚᱱ ᱠᱚ ᱯᱟᱹᱪᱷᱞᱟᱹ ᱜᱚᱫᱚᱜᱼᱟ ᱾ ᱟᱠᱚᱣᱟᱜ ᱢᱚᱱᱮ ᱜᱟᱹᱦᱤᱸᱨ ᱨᱮᱱᱟᱜ ᱠᱟᱛᱷᱟ, ᱦᱚᱲ ᱴᱷᱮᱱ ᱥᱮᱴᱮᱨ ᱚᱪᱚ ᱨᱮᱠᱚ ᱟᱱᱟᱴ ᱮᱴᱠᱮᱴᱚᱬᱮ ᱜᱚᱫᱚᱜ ᱠᱟᱱᱟ ᱾ ᱚᱱᱠᱟᱱ ᱠᱩᱲᱤ ᱦᱚᱯᱚᱱ ᱠᱚᱣᱟᱜ ᱥᱟᱶᱦᱮᱫ ᱚᱞᱼᱵᱮᱞ ᱜᱮ ᱫᱤᱥᱚᱢ ᱦᱚᱲ ᱴᱷᱮᱱ ᱥᱚᱫᱚᱨ ᱞᱟᱹᱜᱤᱫ ᱱᱚᱶᱟ ᱤᱼᱯᱟᱛᱷᱟᱢ ᱫᱚ ᱮᱛᱚᱦᱚᱵ ᱦᱩᱭ ᱮᱱᱟ ᱾

ᱱᱤᱛᱚᱜ ᱱᱚᱶᱟ ᱤᱼᱯᱟᱛᱷᱟᱢ ᱨᱮ ᱥᱤᱧᱚᱛ ᱫᱤᱥᱚᱢ ᱥᱟᱶᱼᱥᱟᱶᱛᱮ ᱥᱤᱧᱚᱛ ᱠᱷᱚᱱ ᱵᱟᱦᱨᱮ ᱨᱤᱱ ᱠᱩᱲᱤ ᱚᱱᱚᱞᱤᱭᱟᱹ ᱠᱚᱦᱚᱸ ᱱᱚᱶᱟ ᱨᱮ ᱟᱠᱚᱣᱟᱜ ᱚᱞᱼᱵᱮᱞ ᱠᱚ ᱪᱷᱟᱯᱟ ᱯᱟᱨᱥᱟᱞ ᱫᱟᱲᱮᱭᱟᱜ ᱠᱟᱱᱟ ᱾ ᱚᱱᱟ ᱨᱮᱱᱟᱜ ᱚᱲᱟᱜ ᱥᱟᱦᱴᱟ ᱥᱮ Home Page ᱨᱮᱱᱟᱜ ᱪᱤᱛᱟᱹᱨ ᱜᱮ ᱞᱟᱛᱟᱨ ᱨᱮᱵᱚ ᱧᱮᱞ ᱫᱟᱲᱮᱭᱟᱜᱼᱟ ᱾

ᱟᱭᱳ ᱟᱲᱟᱝ ᱭᱩᱴᱤᱣᱩᱵᱽ (ᱭᱚᱩᱴᱩᱵᱮ) ᱳᱯᱷᱤᱥᱤᱭᱟᱞ ᱪᱟᱱᱮᱞ ᱨᱮ ᱠᱟᱹᱢᱤᱦᱚᱨᱟ ᱺ-

ᱱᱤᱛᱚᱜ ᱞᱮᱠᱟᱱ ᱰᱤᱡᱤᱴᱟᱞ ᱫᱩᱱᱤᱭᱟᱹ ᱨᱮ ᱚᱱᱞᱟᱭᱤᱱ ᱛᱮ ᱥᱟᱶᱛᱟ ᱨᱮᱱᱟᱜ, ᱥᱟᱶᱦᱮᱫ ᱨᱮᱱᱟᱜ, ᱞᱮᱠᱟᱱ ᱞᱮᱠᱟᱱ ᱠᱟᱹᱢᱤᱦᱚᱨᱟ ᱪᱟᱞᱟᱜ ᱠᱟᱱᱟ ᱾ ᱮᱱᱮᱡ ᱥᱮᱨᱮᱧ ᱦᱩᱭᱩᱜ ᱥᱮ ᱨᱟᱹᱥᱠᱟᱹ ᱨᱚᱢᱚᱡᱽ ᱠᱟᱛᱷᱟ ᱦᱩᱭᱩᱜ ᱥᱟᱱᱟᱢ ᱞᱮᱠᱟᱱᱟᱜ ᱠᱟᱹᱢᱤᱦᱚᱨᱟ ᱛᱟᱠᱚ ᱦᱚᱲ ᱭᱩᱴᱤᱣᱩᱵᱽ ᱢᱮᱞᱟᱝᱠᱤ ᱨᱮ ᱩᱫᱩᱜ ᱥᱚᱫᱚᱨ ᱠᱟᱛᱮ ᱟᱠᱚᱣᱟᱜ ᱦᱩᱱᱟᱹᱨ ᱠᱚ ᱪᱷᱟᱨᱟᱣ ᱯᱟᱥᱱᱟᱣ ᱫᱟᱲᱮᱭᱟᱜ ᱠᱟᱱᱟ ᱾
ᱱᱚᱶᱟ ᱦᱩᱫᱤᱥ ᱠᱷᱚᱱ ᱜᱮ ᱟᱭᱳ ᱟᱲᱟᱝ ᱦᱚᱸ, ᱥᱟᱱᱛᱟᱲᱤ ᱠᱩᱲᱤ ᱚᱱᱚᱞᱤᱭᱟᱹ ᱠᱚᱣᱟᱜ ᱥᱟᱶᱦᱮᱫ ᱦᱩᱱᱟᱹᱨ, ᱵᱷᱤᱰᱭᱳ ᱦᱚᱛᱮᱛᱮ ᱟᱨ ᱦᱚᱸ ᱵᱷᱟᱹᱜᱤ ᱥᱟᱹᱦᱤᱸᱡ, ᱯᱩᱥᱴᱟᱹᱣ ᱥᱟᱹᱦᱤᱸᱡ ᱫᱮᱥ ᱫᱩᱱᱤᱭᱟᱹ ᱨᱮ ᱪᱷᱟᱨᱟᱣ ᱯᱟᱥᱱᱟᱣ ᱫᱤᱥᱟᱹ ᱠᱟᱛᱮ ᱜᱮ ᱠᱩᱲᱤ ᱵᱚᱭᱦᱟ ᱠᱚᱣᱟᱜ ᱞᱮᱠᱟᱱ ᱞᱮᱠᱟᱱ ᱦᱩᱱᱟᱹᱨ ᱵᱷᱤᱰᱭᱳ ᱦᱚᱛᱮᱛᱮ ᱭᱩᱴᱤᱣᱩᱵᱽ ᱨᱮᱭ ᱪᱷᱟᱨᱟᱣ ᱯᱟᱥᱱᱟᱣ ᱟᱹᱜᱩ ᱟᱠᱟᱫᱼᱟ ᱾ ᱱᱚᱶᱟ ᱢᱮᱞᱟᱝᱠᱤ ᱠᱷᱚᱱ ᱠᱩᱲᱤ ᱵᱚᱭᱦᱟ ᱠᱚ ᱟᱠᱚᱣᱟᱜ ᱦᱩᱱᱟᱹᱨ ᱨᱮᱱᱟᱜ ᱡᱚᱛᱷᱟᱛ ᱪᱷᱟᱨᱟᱣ ᱧᱟᱢ ᱥᱟᱶ ᱥᱟᱶᱛᱮ ᱵᱷᱟᱹᱜᱤ ᱩᱯᱨᱩᱢ ᱠᱚ ᱟᱢᱮᱴ ᱫᱟᱲᱮ ᱡᱚᱝ ᱠᱟᱱᱟ ᱾
ᱚᱱᱟ ᱨᱮᱱᱟᱜ ᱜᱮ ᱢᱤᱫ ᱡᱷᱚᱞᱚᱠ ᱞᱟᱛᱟᱨ ᱨᱮᱵᱚ ᱧᱮᱞᱟ ᱺᱼ

Ads

“ᱵᱤᱨ ᱢᱟᱹᱞᱤ” ᱨᱮ ᱚᱱᱚᱞ ᱮᱢ ᱟᱨ ᱚᱱᱟ ᱯᱟᱲᱦᱟᱣ ᱞᱟᱹᱜᱤᱫ ᱞᱟᱛᱟᱨ ᱨᱮ ᱢᱮᱱᱟᱜ ᱴᱷᱤᱠᱬᱟᱹ ᱥᱟᱶ ᱥᱟᱹᱜᱟᱹᱭ ᱵᱚ ᱡᱚᱲᱟᱣ ᱢᱟ ᱺᱼ

ᱵᱤᱱᱛᱤ ᱜᱩᱨᱩ (Binti Guru)

ᱢᱟᱱᱚᱛᱟᱱ ᱞᱳᱵᱟ ᱢᱩᱨᱢᱩ (Mr. Loba Murmu)
Jhargram
West Bengal

ᱵᱤᱱᱛᱤ ᱠᱚ ᱞᱟᱹᱜᱤᱫ ᱞᱟᱛᱟᱨ ᱨᱮ ᱮᱢᱮᱱ ᱮᱞᱮᱞ ᱥᱟᱶ ᱥᱟᱹᱜᱟᱹᱭ ᱵᱚ ᱡᱚᱲᱟᱣ ᱢᱟ ᱺ-
Mob – 9883084163, 9002758634

Santali Dictionary By Mrs. Maina Tudu

ᱱᱚᱶᱟ Santali Dictionary ᱦᱟᱛᱟᱣ ᱞᱟᱹᱜᱤᱫ ᱛᱮ ᱞᱟᱛᱟᱨ ᱨᱮᱱᱟᱜ ᱮᱞᱮᱞ ᱥᱟᱶ ᱥᱟᱹᱜᱟᱹᱭ ᱡᱚᱲᱟᱣ ᱛᱟᱵᱚᱱ ᱯᱮ :-

Mob :- 9490077293, 7901350792

Online Ol Chiki Classes

ᱫᱷᱟᱹᱨᱛᱤ ᱯᱩᱨᱤ ᱨᱮ ᱠᱚᱨᱚᱱᱟ ᱟᱡᱟᱨ ᱥᱚᱲᱚ ᱵᱚᱞᱚᱭᱮᱱᱟ ᱒᱐᱑᱙ ᱥᱟᱞᱮᱨᱮ ᱾ ᱵᱟᱹᱭ ᱵᱟᱹᱭ ᱛᱮ ᱱᱚᱶᱟ ᱟᱡᱟᱨ ᱜᱚᱴᱟ ᱫᱷᱟᱹᱨᱛᱤ ᱯᱟᱥᱱᱟᱣᱮᱱ ᱥᱟᱶᱼᱥᱟᱶᱛᱮ ᱵᱷᱟᱨᱚᱛ ᱫᱤᱥᱚᱢ ᱨᱮᱦᱚᱸ ᱱᱚᱶᱟ ᱟᱡᱟᱨ ᱫᱚ ᱒᱐᱒᱐ ᱥᱟᱞᱮᱨᱮ ᱵᱚᱞᱚ ᱦᱮᱡ ᱮᱱ ᱜᱮᱭᱟ ᱾ ᱱᱚᱶᱟ ᱟᱡᱟᱨ ᱠᱷᱟᱹᱛᱤᱨ ᱢᱩᱡ ᱩᱯᱤ ᱞᱮᱠᱟ ᱢᱟᱹᱱᱢᱤ ᱠᱚ ᱜᱚᱡ ᱢᱩᱪᱟᱹᱫ ᱤᱫᱤᱜ ᱠᱟᱱ ᱛᱟᱦᱮᱸᱱ ᱾ ᱡᱟᱦᱟᱸ ᱠᱷᱟᱹᱛᱤᱨ ᱮᱴᱟᱜ ᱫᱤᱥᱚᱢ ᱠᱚ ᱞᱮᱠᱟ ᱜᱮ ᱵᱷᱟᱨᱚᱛ ᱫᱤᱥᱚᱢ ᱦᱚᱸ ᱫᱤᱥᱚᱢ ᱡᱟᱠ ᱮ ᱠᱟᱨᱦᱟᱲ ᱯᱟᱴᱮᱫ ᱮᱥᱮᱫ ᱠᱮᱫᱼᱟ ᱾ ᱪᱮᱫᱟᱜ ᱥᱮ ᱱᱚᱶᱟ ᱟᱡᱟᱨ ᱫᱚ ᱦᱚᱲ ᱠᱷᱚᱱ ᱦᱚᱲ ᱩᱪᱟᱹᱲ ᱟᱡᱟᱨ ᱛᱟᱦᱮᱸ ᱠᱟᱱᱟ ᱾ ᱦᱚᱲ ᱟᱯᱟᱱ ᱟᱹᱯᱤᱱ ᱚᱲᱟᱜ ᱨᱮ ᱠᱟᱨᱦᱟᱲ ᱯᱟᱴᱮᱫ ᱠᱟᱛᱮ ᱠᱚ ᱛᱟᱦᱮᱸ ᱮᱱᱟ ᱾

ᱡᱟᱦᱟᱸ ᱠᱷᱟᱹᱛᱤᱨ ᱥᱟᱱᱟᱢ ᱞᱮᱠᱟᱱ ᱠᱟᱹᱢᱤ ᱠᱟᱹᱨᱫᱷᱟᱹᱱᱤ, ᱚᱞᱚᱜ ᱯᱟᱲᱦᱟᱣ ᱴᱷᱟᱠᱮᱫ ᱠᱟᱛᱮ ᱛᱟᱦᱮᱸ ᱫᱚᱦᱚ ᱮᱱᱟ ᱾ ᱯᱟᱲᱦᱟᱣᱜ ᱠᱟᱱ ᱜᱤᱫᱽᱨᱟᱹ ᱠᱚᱣᱟᱜ ᱡᱤᱭᱚᱱ ᱰᱟᱢᱟᱰᱩᱞ ᱪᱟᱵᱟ ᱮᱱᱟ ᱾ ᱡᱟᱦᱟᱸ ᱠᱷᱟᱹᱛᱤᱨ ᱵᱟᱹᱭ ᱵᱟᱹᱭ ᱛᱮ ᱮᱛᱚᱦᱚᱵ ᱮᱱᱟ ᱳᱱᱞᱟᱹᱭᱤᱱ ᱛᱮ ᱠᱟᱹᱢᱤ ᱠᱟᱹᱥᱱᱤ ᱟᱨ ᱚᱞᱚᱜ ᱯᱟᱲᱦᱟᱣ ᱦᱚᱸ ᱾

ᱱᱚᱝᱠᱟᱱ ᱵᱮᱲᱟᱨᱮ ᱤᱧ ᱢᱟᱭᱱᱚ ᱴᱩᱰᱩ, ᱥᱮᱪᱮᱫ ᱥᱟᱛᱟᱢ ᱪᱮᱛᱟᱱ ᱨᱮ ᱞᱮᱠᱟᱱ ᱞᱮᱠᱟᱱ ᱵᱷᱤᱰᱭᱳ ᱠᱚ ᱭᱩᱴᱤᱣᱩᱵᱽ ᱨᱮᱧ ᱟᱯᱞᱳᱰ ᱮᱫ ᱛᱟᱦᱮᱸᱫ ᱾ᱱᱚᱶᱟ ᱠᱚ ᱧᱮᱞ ᱠᱟᱛᱮ ᱡᱷᱟᱨᱠᱷᱚᱸᱰ ᱥᱮᱫ ᱨᱤᱱ ᱛᱤᱱᱟᱹᱝ ᱜᱟᱱ ᱜᱤᱫᱽᱨᱟᱹ ᱤᱧ ᱴᱷᱮᱱ ᱱᱮᱦᱚᱸᱨ ᱠᱚ ᱫᱚᱦᱚ ᱞᱮᱫᱼᱟ, ᱳᱱᱞᱟᱹᱭᱤᱱ ᱛᱮ ᱚᱞ ᱪᱤᱠᱤ ᱥᱮᱪᱮᱫ ᱠᱚ ᱨᱮᱱᱟᱜ ᱾ᱡᱟᱦᱟᱸ ᱫᱚ ᱒᱐᱒᱐ ᱠᱚᱨᱮ ᱠᱷᱚᱱ ᱜᱩᱜᱚᱞ ᱢᱤᱴ ᱛᱮ ᱚᱞ ᱪᱤᱠᱤ ᱥᱮᱪᱮᱫ ᱠᱚ ᱨᱮᱱᱟᱜ ᱤᱧ ᱮᱛᱚᱦᱚᱵ ᱠᱮᱫᱼᱟ ᱾ ᱢᱤᱫ ᱥᱮᱨᱢᱟ ᱜᱟᱱ ᱞᱟᱹᱭ ᱵᱟᱲᱟᱦᱟᱫ ᱠᱚ ᱛᱟᱭᱚᱢ, ᱛᱟᱭᱚᱢ ᱫᱚ ᱱᱚᱶᱟ ᱳᱱᱞᱟᱹᱭᱤᱱ ᱚᱞ ᱪᱤᱠᱤ ᱠᱞᱟᱥ ᱫᱚ ᱟᱭᱳ ᱟᱲᱟᱝ ᱥᱟᱶᱤᱧ ᱥᱮᱞᱮᱫ ᱠᱟᱫᱼᱟ ᱾ ᱱᱚᱶᱟ ᱳᱱᱞᱟᱹᱭᱤᱱ ᱠᱞᱟᱥ ᱨᱮ ᱜᱚᱴᱟᱯᱟᱲᱟ ᱨᱤᱱ ᱟᱹᱰᱤ ᱞᱮᱠᱟᱱ ᱟᱪᱮᱛᱤᱭᱟᱹ ᱠᱚ ᱥᱮᱞᱮᱫ ᱨᱮ ᱢᱮᱱᱟᱜ ᱠᱚᱣᱟ ᱾ ᱪᱮᱫᱚᱜ ᱡᱚᱝ ᱥᱩᱢᱩᱝ ᱞᱟᱹᱜᱤᱫ ᱠᱩᱲᱤ ᱠᱚᱲᱟ, ᱟᱥᱲᱟ, ᱵᱤᱨᱫᱟᱹᱜᱟᱲ ᱨᱮ ᱥᱮᱪᱮᱫᱚᱜ ᱠᱟᱱ ᱟᱪᱮᱛᱤᱭᱟᱹ ᱠᱚ ᱟᱠᱚᱣᱟᱜ ᱚᱠᱛᱚ ᱟᱨ ᱞᱟᱹᱠᱛᱤ ᱞᱮᱠᱟ ᱠᱚ ᱥᱮᱪᱮᱫᱚᱜ ᱠᱟᱱᱟ ᱾ ᱱᱚᱶᱟ ᱳᱱᱞᱤᱱᱮ ᱳᱞ ᱪᱦᱤᱠᱤ ᱪᱞᱟᱥᱥᱮᱥ ᱠᱟᱹᱢᱤᱦᱚᱨᱟ ᱫᱚ ᱥᱩᱢᱩᱝ ᱥᱟᱶᱛᱟᱨᱤ ᱥᱮᱵᱟ ᱠᱟᱱᱟ ᱢᱮᱱᱮᱛ ᱯᱚᱞᱟ ᱛᱮ, ᱵᱤᱱ ᱠᱟᱹᱣᱰᱤ ᱠᱷᱚᱨᱚᱪ ᱠᱟᱛᱮ ᱡᱟᱦᱟᱸᱭ ᱜᱮ ᱡᱟᱦᱟᱸ ᱠᱷᱚᱱ ᱚᱞ ᱪᱤᱠᱤᱭ ᱪᱮᱫ ᱫᱟᱲᱮᱭᱟᱜᱼᱟ ᱾ ᱡᱟᱦᱟᱸ ᱫᱚ ᱦᱟᱯᱛᱟ ᱨᱮᱭᱟᱜ ᱡᱚᱛᱚ ᱡᱟᱹᱨᱩᱢ ᱢᱟᱦᱟᱸ ᱜᱮ ᱟᱹᱭᱩᱵ ᱵᱮᱲᱟ ᱗ ᱴᱟᱲᱟᱝ ᱨᱮ ᱜᱚᱚᱜᱞᱮ ᱬᱮᱮᱴ ᱦᱚᱛᱮᱛᱮ ᱦᱩᱭᱩᱜ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱥᱟᱹᱠᱷᱭᱟᱹᱛ ᱞᱮᱠᱟᱛᱮ ᱛᱤᱱᱟᱹᱝ ᱜᱟᱱ ᱪᱤᱛᱟᱹᱨ ᱞᱟᱛᱟᱨ ᱥᱟᱦᱴᱟ ᱨᱮ ᱮᱢ ᱮᱱᱟ ᱾

ᱱᱚᱶᱟ Online Ol Chiki Classes ᱠᱷᱚᱱ ᱫᱚ ᱚᱞ ᱪᱤᱠᱤ ᱛᱮ ᱚᱞ, ᱯᱟᱲᱦᱟᱣ, ᱟᱹᱲᱟᱹ ᱜᱟᱵᱟᱱ, ᱟᱹᱭᱟᱹᱛ ᱜᱟᱵᱟᱱ, ᱨᱚᱱᱚᱲ, ᱥᱟᱶᱛᱮ ᱞᱮᱠᱟᱱ ᱞᱮᱠᱟᱱ ᱥᱤᱞᱟᱵᱟᱥ ᱥᱟᱛᱟᱢ ᱪᱮᱛᱟᱱ ᱨᱮᱦᱚᱸ ᱥᱮᱪᱮᱫᱚᱜ ᱜᱟᱱᱚᱜᱼᱟ ᱾

***

Webline Meeting

ᱠᱚᱨᱳᱱᱟ ᱠᱟᱲ ᱨᱮ ᱟᱭᱳ ᱟᱲᱟᱝ ᱤᱼᱯᱟᱛᱷᱟᱢ ᱵᱮᱨᱮᱫ ᱮᱱ ᱛᱟᱭᱚᱢ ᱟᱹᱰᱤ ᱜᱟᱱ ᱥᱟᱱᱛᱟᱲ ᱠᱩᱲᱤ ᱚᱱᱚᱞᱤᱭᱟᱹ ᱠᱚᱜᱮ ᱡᱚᱯᱚᱲᱟᱣ ᱨᱮᱠᱚ ᱦᱮᱡ ᱮᱱᱟ ᱾ ᱠᱚᱨᱳᱱᱟ ᱞᱮᱠᱟᱱ ᱢᱟᱨᱟᱝ ᱟᱡᱟᱨ ᱠᱷᱟᱹᱛᱤᱨ ᱡᱮᱜᱮᱛ ᱨᱮᱱᱟᱜ ᱥᱟᱱᱟᱢ ᱞᱮᱠᱟᱱ ᱠᱟᱹᱢᱤᱦᱚᱨᱟ ᱠᱚᱜᱮ ᱚᱲᱟᱜ ᱨᱮ ᱛᱟᱦᱮᱸ ᱠᱟᱛᱮ ᱳᱱᱞᱤᱱᱮ ᱠᱚᱛᱮ ᱛᱚᱨᱟᱣ ᱮᱛᱚᱦᱚᱵ ᱮᱱᱟ ᱾ ᱥᱟᱶᱛᱟ ᱨᱮᱱᱟᱜ ᱜᱟᱞᱚᱪ, ᱥᱟᱶᱦᱮᱫ ᱪᱟᱨᱪᱟ ᱮᱢᱟᱱ ᱠᱚᱦᱚᱸ ᱳᱱᱞᱤᱱᱮ ᱛᱮ ᱟᱹᱰᱤ ᱜᱮ ᱡᱩᱨᱥᱩᱨ ᱪᱟᱞᱟᱣ ᱮᱱᱟ ᱾

ᱱᱚᱝᱠᱟᱱ ᱵᱮᱲᱟᱨᱮ ᱟᱭᱳ ᱟᱲᱟᱝ ᱤᱼᱯᱟᱛᱷᱟᱢ ᱦᱚᱛᱮᱛᱮ ᱡᱩᱦᱩᱲᱟᱹᱣ ᱨᱮᱠᱚ ᱦᱮᱡ ᱟᱠᱟᱱ ᱠᱩᱲᱤ ᱚᱱᱚᱞᱤᱭᱟᱹ ᱠᱚᱦᱚᱸ ᱳᱱᱞᱤᱱᱮ ᱛᱮ ᱥᱟᱶᱦᱮᱫ ᱪᱟᱨᱪᱟ ᱨᱮᱱᱟᱜ ᱠᱚ ᱴᱷᱟᱹᱣᱠᱟᱹ ᱜᱚᱴᱟ ᱠᱮᱫᱼᱟ ᱾ ᱡᱟᱦᱟᱸ ᱠᱷᱟᱹᱛᱤᱨ ᱒᱖ᱼ᱑᱒ᱼ᱒᱐᱒᱐ ᱦᱤᱞᱚᱜ ᱯᱩᱭᱞᱩ ᱟᱭᱳ ᱟᱲᱟᱝ ᱣᱮᱵᱽᱞᱟᱹᱭᱤᱱ ᱥᱟᱶᱦᱮᱫ ᱟᱠᱷᱲᱟ ᱠᱚ ᱥᱟᱯᱲᱟᱣ ᱞᱮᱫᱼᱟ ᱾ ᱡᱟᱦᱟᱸᱨᱮ ᱜᱟᱹᱠᱷᱩᱲ ᱠᱩᱲᱤ ᱚᱱᱚᱞᱤᱭᱟᱹ ᱥᱟᱶ ᱥᱟᱶᱛᱮ ᱱᱟᱶᱟ ᱜᱮᱠᱚ ᱮᱛᱚᱦᱚᱵ ᱟᱠᱟᱫ ᱚᱱᱚᱞᱤᱭᱟᱹ ᱠᱩᱲᱤ ᱠᱚᱦᱚᱸ ᱡᱚᱛᱚ ᱛᱮ ᱑᱙ ᱦᱚᱲ ᱠᱩᱲᱤ ᱚᱱᱚᱞᱤᱭᱟᱹ ᱠᱚ ᱥᱟᱶᱦᱮᱫ ᱜᱟᱞᱚᱪ ᱨᱮᱠᱚ ᱥᱮᱞᱮᱫ ᱞᱮᱱᱟ ᱾ ᱱᱚᱝᱠᱟ ᱜᱮ ᱤᱱᱟᱹ ᱛᱟᱭᱚᱢ ᱦᱚᱸ ᱡᱚᱛᱚ ᱪᱟᱸᱫᱚ ᱨᱮᱱᱟᱜ ᱯᱩᱱᱟᱜ ᱧᱩᱦᱩᱢ ᱢᱟᱦᱟᱸᱨᱮ ᱣᱮᱵᱽᱞᱟᱹᱭᱤᱱ ᱥᱟᱶᱦᱮᱫ ᱟᱠᱷᱲᱟ ᱠᱚ ᱛᱚᱨᱟᱣ ᱤᱫᱤ ᱠᱮᱫᱼᱟ ᱾

ᱟᱵᱚ ᱥᱟᱶᱛᱟ ᱨᱮ ᱧᱮᱞ ᱟᱠᱟᱱᱟ, ᱥᱟᱶᱦᱮᱫ ᱜᱟᱞᱚᱪ ᱞᱟᱹᱜᱤᱫ ᱠᱩᱲᱤ ᱚᱱᱚᱞᱤᱭᱟᱹ ᱠᱚ ᱟᱠᱚ ᱛᱮᱠᱚ ᱵᱮᱨᱮᱫ ᱨᱟᱠᱟᱵ ᱦᱮᱡ ᱟᱠᱟᱱ ᱨᱮᱦᱚᱸ ᱥᱟᱶᱦᱮᱫ ᱟᱠᱷᱲᱟ ᱨᱮᱫᱚ ᱥᱟᱶᱦᱮᱫ ᱜᱟᱞᱚᱪ ᱞᱟᱹᱜᱤᱫ ᱵᱟᱹᱲᱛᱤ ᱫᱟᱣ ᱵᱟᱠᱚ ᱧᱟᱢ ᱟᱠᱟᱫᱼᱟ ᱾ ᱡᱟᱦᱟᱸ ᱠᱷᱟᱹᱛᱤᱨ ᱠᱩᱲᱤ ᱠᱚᱣᱟᱜ ᱥᱟᱶᱦᱮᱫ ᱦᱩᱱᱟᱹᱨ ᱫᱚ ᱫᱟᱱᱟᱝ ᱨᱮᱜᱮ ᱛᱟᱦᱮᱸ ᱫᱚᱦᱚᱜᱼᱟ ᱾ ᱤᱠᱷᱟᱹᱱ ᱟᱭᱳ ᱟᱲᱟᱝ ᱫᱚ ᱢᱤᱫᱴᱟᱹᱝ ᱱᱚᱝᱠᱟᱱ ᱥᱟᱶᱦᱮᱫ ᱟᱠᱷᱲᱟ ᱥᱟᱯᱲᱟᱣ ᱮᱱᱟ, ᱡᱟᱦᱟᱸ ᱨᱮᱫᱚ ᱟᱹᱰᱤᱜᱟᱱ ᱠᱩᱲᱤ ᱚᱱᱚᱞᱤᱭᱟᱹ ᱠᱚᱜᱮ ᱟᱠᱚᱣᱟᱜ ᱥᱟᱶᱦᱮᱫ ᱦᱩᱱᱟᱹᱨ ᱡᱷᱤᱡ ᱢᱮᱞᱟᱝᱠᱤ ᱨᱮ ᱥᱚᱫᱚᱨ ᱥᱟᱢᱟᱝ ᱨᱮᱱᱟᱜ ᱫᱟᱣ ᱠᱚ ᱧᱟᱢ ᱠᱮᱫᱼᱟ ᱾ ᱒᱐ ᱦᱚᱲ ᱠᱩᱲᱤ ᱚᱱᱚᱞᱤᱭᱟᱹ ᱛᱮ ᱮᱛᱚᱦᱚᱵ ᱞᱮᱱ ᱣᱮᱵᱽᱞᱟᱹᱭᱤᱱ ᱥᱟᱶᱦᱮᱫ ᱟᱠᱷᱲᱟ, ᱛᱮᱦᱮᱧ ᱫᱚ ᱱᱚᱶᱟ ᱨᱮ ᱥᱟᱭ ᱠᱷᱚᱱ ᱦᱚᱸ ᱵᱟᱹᱲᱛᱤ ᱠᱩᱲᱤ ᱚᱱᱚᱞᱤᱭᱟᱹ ᱵᱚᱱ ᱧᱟᱢ ᱫᱟᱲᱮᱭᱟ ᱠᱚᱣᱟ ᱾

ᱚᱱᱟ ᱠᱚ ᱨᱮᱱᱟᱜ ᱡᱷᱚᱞᱚᱠ ᱜᱮ ᱞᱟᱛᱟᱨ ᱥᱟᱦᱴᱟ ᱨᱮ ᱱᱟᱥᱮ ᱵᱚᱱ ᱧᱮᱞᱟ ᱺᱼ

***

Name of the Donors and Amount of the Donation
ᱟᱭᱳ ᱟᱲᱟᱝ ᱥᱮᱱᱮᱞᱮᱫ ᱛᱚᱨᱟᱣ ᱞᱟᱹᱜᱤᱫ ᱠᱚ ᱮᱢ ᱟᱠᱟᱫ ᱥᱚᱦᱚᱫ ᱟᱨ ᱥᱚᱦᱚᱫᱤᱭᱟᱹ ᱠᱚ ᱾

1. Mrs. Maina Tudu & Family – Rs. 10,000
2. Mrs. Salho Soren & Family – Rs. 11,000
3. Dr. Maya Majhi – Rs. 10,000
4. Mrs. Chhaya Mandi & Family – Rs. 12,035
5. Mrs. Maino Murmu – Rs. 10,000
6. Mrs. Sarojini Beshra – Rs. 5,000
7. Mrs. Mani Soren – Rs. 1,000
8. Miss Shakuntala Marndi – Rs. 2,000
9. Mrs. Tala Tudu – Rs. 1,000
10. Mrs. Samala Hembram – Rs. 1,000
11. Miss Pabitra Hembram – Rs. 1,000
12. Mrs. Sarada Murmu – Rs. 1,001
13. Mrs. Jaleswari Hansdah – Rs. 1,000
14. Miss Shokalmoni Soren – Rs. 200
15. Mrs. Suchitra Hansdah – Rs. 5,000
16. Mrs. Salge Sarna Hembram – Rs. 5,000
17. Mrs. Arsu Hansdah – Rs. 1,000
18. Mrs. Malati Baskey – Rs. 2,100
19. Mrs. Swapna Hembram – Rs. 1,000
20. Mrs. Preeti Soren Hembram – Rs. 2,000
21. Mrs. Dikumoni Soren – Rs. 1,000
22. Mrs. Jhano Murmu – Rs. 2,000
23. Mrs. Raimati Hembram – Rs. 1,001
24. Mrs. Saraswati Soren – Rs. 1,000
25. Mrs. Jaba Hansdah – Rs. 2,000
26. Miss Sikha Hembram – Rs. 1,000
27. Mrs. Sova Hansdah – Rs. 1,000
28. Mrs. Meena Baskey – Rs. 1,500
29. Mrs. Rani Murmu – Rs. 500.
30. Mrs. Chinmayee Hansdah (Marandi) – Rs. 4,000
31. Dr. Parvati Soren – Rs. 5,000
32. Mrs. Sitamani Mandi – Rs. 1,000
33. Mrs. Saleema Marandi – Rs. 1,111
34. Mrs. Hiramani Murmu – Rs. 1,011

Donors from outside
35. Mr. Ful Chand Hansdah – Rs. 1,001 (Requested to Donate by Mrs. Chhaya Mandi)
36. Mr. Karan Kumar Murmu – Rs. 501 (,, ,, … by Mrs. Chhaya Mandi)
37. Mr. Shankar Saren – Rs. 500 (By Mrs. Chhaya Mandi)
38. Mr. Kalyan Baliyal – Rs. 1,500 (By Mrs. Chhaya Mandi)
39. Mr. Kherwal Bir – Rs. 1,000 (By Mrs. Chhaya Mandi)
40. Dr. Asit Hembram – Rs. 1,000 (By Mrs. Chhaya Mandi)
41. Mr. Majhia Majhi – Rs. 1,111 (By Mrs. Chhaya Mandi)
42. Mrs. Devi Murmu – Rs. 500 ( By Mrs. Mani Soren)
43. Mr. Harisankar Mardi – Rs. 1,000
44. Mr. Shyama Sundar Majhi – Rs. 1,000
45. Mr. Kuna Hansdah – Rs. 1,000
46. Dr. Rabindra Mandi – Rs. 1,000
47. Mr. Kuanr Marandi – Rs. 1,000
48. Mr. Surya Hansdah – 5,000
49. Mr. Chhotray Murmu – Rs. 1,000
50. Mr. Thakurdas Hansdah – Rs. 2,000

***

ᱚᱱᱚᱞ ᱛᱷᱳᱠ

ᱪᱤᱨᱜᱟᱹᱞ ᱟᱲᱟᱝ

ᱢᱟᱹᱱᱤᱡ ᱛᱟᱞᱟ ᱴᱩᱰᱩ
ᱠᱚᱨᱚᱱᱰᱤ, ᱡᱷᱟᱨᱠᱷᱚᱸᱰ

ᱟᱭᱳ ᱠᱚ, ᱫᱟᱹᱭ ᱠᱚ, ᱢᱟᱹᱭ ᱠᱚ,
ᱫᱮ ᱫᱮᱞᱟ ᱵᱚᱱ ᱡᱚᱛᱚ ᱠᱚ……… ᱾

ᱥᱟᱶᱛᱟ ᱪᱮᱛᱟᱱ ᱫᱟᱭᱟ ᱫᱩᱞᱟᱹᱲ ᱢᱮᱱᱟᱜ ᱛᱟᱢ,
ᱯᱟᱹᱨᱥᱤ ᱥᱟᱶᱦᱮᱫ ᱥᱟᱶ ᱥᱩᱯᱩᱨ ᱥᱟᱹᱜᱟᱹᱭ ᱢᱮᱱᱟᱜ ᱛᱟᱢ ᱾

ᱟᱢᱟᱜ ᱞᱟᱯᱷᱟ ᱡᱟᱸᱜᱟ ᱨᱮ ᱯᱟᱹᱛᱭᱟᱹᱣ ᱢᱮᱱᱟᱜ ᱠᱷᱟᱱ,
ᱠᱟᱹᱢᱤ ᱠᱟᱹᱨᱫᱟᱹᱱᱤ ᱨᱮ ᱢᱩᱠᱨᱩᱲ ᱢᱮᱱᱟᱢ ᱠᱷᱟᱱ ᱾

ᱛᱤᱨᱞᱟᱹ ᱠᱟᱱᱟᱢ ᱢᱮᱱᱛᱮ ᱜᱚᱨᱚᱵᱽ ᱢᱮᱱᱟᱜ ᱠᱷᱟᱱ,
ᱡᱮᱜᱮᱫ ᱨᱮ ᱡᱤᱛᱠᱟᱹᱨ ᱟᱲᱟᱝ ᱟᱸᱫᱚᱲ ᱥᱟᱱᱟᱢ ᱠᱷᱟᱱ ᱾

ᱯᱟᱹᱛᱭᱟᱹᱣ ᱨᱮᱭᱟᱜ ᱫᱟᱲᱮ ᱟᱢ ᱨᱮ ᱢᱮᱱᱟᱜ ᱠᱷᱟᱱ,
ᱟᱹᱨᱩ ᱯᱷᱮᱨᱟᱣ ᱨᱮᱭᱟᱜ ᱥᱟᱱᱟᱝ ᱢᱮᱱᱟᱜ ᱠᱷᱟᱱ ᱾

ᱵᱟᱝ ᱜᱟᱱᱚᱜᱟᱜ ᱠᱚ ᱜᱟᱱ ᱚᱪᱚᱭ ᱠᱟᱛᱮ,
ᱵᱟᱝ ᱩᱭᱦᱟᱹᱨ ᱛᱤᱭᱩᱜᱟᱜ ᱠᱚ ᱩᱭᱦᱟᱹᱨ ᱟᱹᱪᱩᱨ ᱠᱟᱛᱮ ᱾

ᱜᱷᱟᱨᱚᱸᱡᱽ ᱢᱟᱬᱟᱝ ᱵᱚᱱ ᱫᱩᱞᱟᱹᱲ ᱮᱦᱚᱵ ᱢᱟ,
ᱚᱞ ᱵᱮᱞ ᱛᱟᱵᱚ ᱵᱚᱱ ᱥᱟᱦᱟᱨ ᱯᱮᱨᱮᱡᱽ ᱢᱟ ᱾

ᱜᱮᱭᱟᱱ ᱵᱟᱹᱛᱤ ᱢᱟᱬᱟᱝ ᱵᱚᱱ ᱡᱮᱨᱮᱫ ᱞᱮᱜᱟᱭ ᱢᱟ,
ᱥᱮᱪᱮᱛ ᱥᱤᱠᱷᱱᱟᱹᱛ ᱵᱚᱱ ᱪᱮᱫ ᱥᱮᱬᱟᱭ ᱢᱟ ᱾

ᱠᱷᱮᱨᱣᱟᱲ ᱦᱚᱯᱚᱱ ᱢᱟᱬᱟᱝ ᱵᱚᱱ ᱡᱩᱢᱤᱫ ᱠᱚᱢᱟ,
ᱥᱟᱶᱛᱟ ᱵᱚᱱ ᱥᱟᱡᱟᱣ ᱥᱟᱶᱟᱨ ᱢᱟ ᱾

ᱵᱟᱹᱲᱤᱡᱟᱜ ᱢᱟᱬᱟᱝ ᱵᱚᱱ ᱥᱟᱦᱟᱭ ᱢᱟ,
ᱱᱟᱯᱟᱭᱟᱜ ᱠᱚ ᱵᱚᱱ ᱟᱯᱱᱟᱨ ᱫᱟᱲᱮᱭᱟᱜ ᱢᱟ ᱾

ᱞᱟᱭ ᱞᱟᱠᱪᱟᱨ ᱢᱟᱬᱟᱝ ᱵᱚᱱ ᱫᱚᱲᱦᱚᱭ ᱢᱟ,
ᱟᱜᱟᱢ ᱵᱚᱱ ᱟᱦᱞᱟ ᱢᱟᱨᱥᱟᱞ ᱢᱟ ᱾

ᱯᱟᱹᱨᱥᱤ ᱥᱟᱶᱦᱮᱫ ᱵᱚᱱ ᱡᱤᱭᱟᱹᱲ ᱫᱚᱦᱚᱭ ᱢᱟ,
ᱡᱟᱹᱛᱤ ᱥᱟᱶᱛᱟ ᱵᱚᱱ ᱞᱟᱦᱟᱭ ᱢᱟ ᱾

ᱡᱟᱭ ᱡᱤᱱ, ᱡᱟᱭ ᱡᱤᱱ, ᱡᱟᱭ ᱡᱤᱱ ᱟᱲᱟᱝ,
ᱚᱣᱟᱝ ᱨᱮᱵᱚᱱ ᱛᱟᱨᱠᱚ ᱛᱟᱠᱮᱨ ᱚᱪᱚᱭ ᱢᱟ ᱿

***

ᱟᱭᱳ ᱩᱢᱩᱞ

ᱢᱟᱹᱱᱤ ᱯᱚᱵᱤᱛᱨᱟ ᱦᱮᱢᱵᱽᱨᱚᱢ
ᱯᱩᱨᱵᱚ ᱵᱚᱨᱫᱷᱚᱢᱟᱱ
ᱯᱩᱪᱷᱤᱢ ᱵᱟᱝᱞᱟ

ᱟᱭᱳ ᱩᱢᱩᱞ ᱨᱮᱜᱮ ᱥᱩᱠᱷ ᱫᱚ ᱧᱟᱢᱚᱜ
ᱟᱧᱪᱟᱨ ᱩᱢᱩᱞ ᱨᱮᱜᱮ ᱨᱟᱹᱥᱠᱟᱹ,
ᱟᱭᱳ ᱠᱳᱞᱮ ᱨᱮᱜᱮ ᱫᱩᱠᱷ ᱫᱚ ᱪᱟᱵᱟᱜ
ᱠᱮᱪᱟᱜ ᱢᱚᱱᱮ ᱨᱮ ᱠᱩᱥᱤ ᱦᱟᱨᱟᱜ᱾᱾

ᱫᱟᱨᱮ ᱩᱢᱩᱞ ᱨᱮᱫᱚ ᱥᱤᱛᱩᱝ
ᱪᱟᱛᱚᱢ ᱩᱢᱩᱞ ᱨᱮᱫᱚ ᱫᱟᱜ,
ᱦᱤᱡᱩᱜ ᱨᱮᱦᱚᱸ ᱛᱟᱨᱥᱮ ᱟᱛᱮ
ᱵᱟᱝ ᱦᱤᱡᱩᱜᱼᱟ ᱟᱭᱳ ᱩᱢᱩᱞ ᱨᱮᱦᱚᱸ ᱱᱟᱥᱮ᱾᱾

ᱟᱭᱳ ᱵᱮᱜᱚᱨ ᱟᱢᱟᱜ ᱛᱟᱲᱟᱢ
ᱫᱷᱟᱹᱨᱛᱤ ᱨᱮ ᱟᱢᱟᱜ ᱡᱟᱱᱟᱢ,
ᱵᱟᱝ ᱦᱩᱭ ᱠᱚᱜᱼᱟ ᱯᱟᱞᱮᱱ
ᱟᱭᱳ ᱩᱢᱩᱞ ᱡᱩᱫᱤ ᱵᱟᱝ ᱛᱟᱸᱦᱮᱱ᱾᱾

ᱟᱭᱳ ᱠᱷᱚᱱᱟᱜ ᱜᱮ ᱟᱢᱟᱜ ᱟᱜᱟᱢ
ᱞᱟᱦᱟ ᱟᱠᱟᱱᱟᱢ ᱟᱢᱫᱚ ᱢᱟᱲᱟᱝ,
ᱦᱟᱢᱮᱴ ᱨᱮᱦᱚᱸᱢ ᱥᱮᱨᱢᱟ ᱞᱟᱯᱷᱟᱝ
ᱟᱭᱳ ᱩᱢᱩᱞ ᱫᱚ ᱟᱞᱚᱢ ᱫᱟᱱᱟᱝ᱾᱾

ᱟᱢᱟᱜ ᱞᱟᱸᱫᱟ ᱢᱮᱫᱦᱟ ᱧᱮᱞᱛᱮ
ᱟᱭᱳᱭ ᱟᱹᱭᱠᱟᱹᱣ ᱡᱤᱣᱤ ᱨᱮ ᱛᱤᱨᱯᱤᱫ,
ᱩᱠᱩᱭ ᱨᱮᱦᱚᱸᱢ ᱢᱚᱱᱮ ᱵᱟᱹᱲᱤᱡ
ᱟᱭᱳ ᱥᱟᱢᱟᱝ ᱨᱮ ᱥᱚᱫᱚᱨᱚᱜ ᱚᱱᱟ ᱜᱷᱟᱹᱲᱤᱡ᱾᱾

ᱟᱭᱳ ᱜᱮᱭ ᱟᱯᱱᱟᱨ ᱢᱮᱭᱟ ᱟᱢ
ᱥᱟᱱᱟᱢ ᱞᱮᱠᱟᱱᱟᱜ ᱦᱟᱨᱠᱮᱛ ᱠᱷᱚᱱᱟᱜ,
ᱮᱴᱟᱜ ᱦᱚᱲ ᱠᱚ ᱥᱟᱦᱟ ᱜᱤᱰᱤᱢ ᱨᱮᱦᱚᱸ
ᱟᱭᱳ ᱢᱚᱱᱮ ᱫᱚᱭ ᱥᱩᱛᱩᱜ ᱢᱮᱭᱟ ᱮᱱᱦᱚᱸ᱾᱾

ᱟᱭᱳ ᱛᱟᱞᱟ ᱨᱮᱜᱮ ᱢᱮᱱᱟᱜ
ᱞᱟᱹᱲᱦᱟᱹᱭ ᱨᱮᱭᱟᱜ ᱫᱟᱲᱮ,
ᱡᱤᱭᱚᱱ ᱨᱮᱭᱟᱜ ᱢᱩᱦᱤᱢ ᱫᱚᱥᱟ
ᱦᱤᱡᱩᱜ ᱨᱮᱦᱚᱸ ᱡᱟᱦᱟᱸ ᱜᱮ᱾᱾

ᱟᱭᱳ ᱜᱮ ᱠᱟᱱᱟᱭ ᱠᱩᱱᱟᱹᱢᱤ ᱪᱟᱸᱫᱚ ᱢᱩᱞᱩᱜ
ᱫᱷᱩᱸᱫᱽ ᱨᱮᱱ ᱵᱟᱠ ᱡᱩᱞᱩf,
ᱟᱭᱳ ᱜᱮ ᱠᱟᱱᱟᱭ ᱞᱩᱠᱷᱤ ᱮᱨᱟ
ᱵᱟᱹᱱᱩᱜ ᱠᱚᱣᱟ ᱚᱠᱚᱭ ᱦᱚᱸ ᱟᱭᱳ ᱠᱷᱚᱱ ᱫᱚ ᱥᱮᱲᱟ ᱾

***

ᱠᱩᱸᱵᱟᱹ

ᱢᱟᱹᱱᱤᱡ ᱪᱷᱟᱭᱟ ᱢᱟᱱᱰᱤ
ᱥᱟᱱᱛᱨᱟᱜᱟᱪᱤ
ᱯᱩᱪᱷᱤᱢ ᱵᱟᱝᱞᱟ

ᱟᱹᱛᱩ ᱨᱮᱱᱟᱜ ᱠᱩᱞᱦᱤ ᱢᱩᱪᱟᱹᱫ ᱨᱮ
ᱠᱩᱸᱵᱟᱹ ᱠᱟᱛᱮ ᱢᱮᱱᱟᱭᱟ ᱵᱩᱰᱷᱤ ᱟᱭᱳ᱾
ᱦᱚᱲ ᱠᱚ ᱢᱮᱱᱟ ᱵᱟᱭ ᱵᱷᱟᱹᱜᱤᱭᱟ
ᱵᱟᱹᱲᱤᱡ ᱱᱚᱡᱚᱨ ᱢᱮᱱᱟᱜ ᱛᱟᱭᱟ ᱢᱮᱫ ᱨᱮ᱾

ᱵᱮᱲᱟ ᱦᱟᱺᱥᱩᱨ ᱟᱹᱭᱩᱵ ᱛᱟᱨᱟ
ᱪᱤᱞᱤ ᱦᱚᱸ ᱵᱟᱠᱚ ᱥᱮᱱᱚᱜ ᱚᱱᱛᱮ᱾
ᱵᱚᱛᱚᱨᱟᱭᱟ ᱠᱚ ᱪᱮᱫ ᱪᱚᱭ ᱵᱟᱰᱟᱭ
ᱯᱟᱞᱮᱱ ᱪᱮᱠᱟ ᱵᱚᱱᱟᱭ᱾

ᱥᱤᱧ ᱨᱟᱴᱯᱟᱴ ᱴᱟᱹᱴᱤ ᱥᱤᱞᱯᱤᱧ
ᱴᱮᱥᱟ ᱴᱮᱜᱷᱟᱱ ᱠᱟᱛᱮ᱾
ᱟᱴᱮᱫ ᱡᱚᱝ ᱟᱭ ᱫᱷᱟᱫᱽᱨᱟ ᱯᱟᱹᱴᱭᱟᱹ
ᱥᱤᱠᱤᱲ ᱼᱮ ᱫᱟᱱᱟᱝ ᱚᱲᱮᱡ ᱠᱷᱟᱱᱛᱟ ᱛᱮ᱾

ᱧᱤᱫᱟᱹ ᱧᱩᱛ ᱮ ᱥᱟᱦᱟᱭ ᱞᱟᱹᱜᱤᱫ
ᱡᱩᱞᱟᱭ ᱰᱤᱵᱽᱨᱤ ᱥᱩᱞᱛᱟᱹ ᱵᱟᱹᱛᱤ᱾
ᱦᱚᱲᱢᱚ ᱨᱮ ᱡᱤᱭᱤ ᱡᱤᱭᱤᱫ ᱡᱤᱵᱚᱱ
ᱵᱚᱨ ᱵᱚᱛᱚᱨ ᱦᱚᱸ ᱛᱟᱭ ᱛᱟᱦᱮᱸᱱ᱾

ᱵᱷᱩᱜᱟᱹᱜ ᱴᱟᱹᱴᱤ ᱯᱷᱟᱫᱟ ᱠᱷᱚᱱᱟᱜ
ᱧᱮᱞᱚᱜ ᱢᱟᱨᱥᱟᱞ ᱡᱩᱞᱩᱫ ᱡᱩᱞᱩᱫ ᱾
ᱚᱠᱚᱭ ᱪᱚᱠᱚ ᱧᱮᱞ ᱞᱮᱫ ᱛᱤᱥ!
ᱠᱟᱛᱷᱟ ᱯᱟᱥᱱᱟᱣ ᱮᱱᱟ ᱚᱱᱟ ᱥᱮᱸᱜᱮᱞ ᱰᱟᱹᱱᱟᱜ᱾

ᱥᱚᱨᱠᱟᱨ ᱜᱚᱲᱚ ᱪᱟᱣᱞᱮ ᱧᱟᱢᱟᱭ
ᱠᱟᱨᱟ ᱠᱩᱴᱟᱹ ᱦᱟᱞᱟᱝ ᱥᱟᱦᱟᱱ᱾
ᱤᱥᱤᱱ ᱠᱟᱜ ᱟᱭ ᱢᱤᱫ ᱫᱤᱱ ᱨᱮᱜᱮ
ᱵᱟᱨ ᱯᱮ ᱫᱤᱱ ᱵᱟᱥᱠᱮ ᱫᱟᱠᱟ ᱡᱚᱢᱟᱭ᱾

ᱛᱚᱨᱦᱮᱫ ᱠᱷᱟᱱᱛᱟ ᱥᱚᱣᱟ ᱢᱳᱫᱮ
ᱵᱚᱨᱚᱲ ᱛᱚᱨᱚᱡ ᱛᱮᱜᱮᱭ ᱛᱤᱠᱤ᱾
ᱞᱟᱡᱟᱣ ᱫᱟᱯᱟᱞ ᱚᱲᱮᱡ ᱞᱩᱜᱽᱲᱤ
ᱧᱩᱛᱩᱢ ᱞᱮᱠᱟᱭ ᱵᱟᱸᱫᱮ᱾

ᱛᱟᱦᱮᱸ ᱠᱟᱱ ᱛᱟᱭ ᱥᱚᱝᱥᱟᱨ
ᱛᱮᱭᱟᱨ ᱞᱮᱫᱟᱭ ᱜᱷᱟᱨᱚᱸᱡᱽ
ᱠᱤᱢᱤᱱ ᱡᱟᱞᱟ ᱥᱟᱥᱮᱛ ᱟᱹᱰᱤ
ᱚᱠᱚᱭ ᱴᱷᱮᱱ ᱫᱚᱭ ᱞᱟᱹᱞᱤᱥ᱾
ᱛᱟᱞᱟ ᱚᱲᱟᱜ ᱠᱤᱢᱤᱱ ᱡᱟᱹᱨᱤ
ᱢᱟᱱᱟᱣ ᱵᱟᱛᱟᱣ ᱵᱟᱹᱱᱩᱜ᱾
ᱠᱟᱛᱷᱟ ᱪᱮᱛᱟᱱ ᱠᱟᱛᱷᱟᱭ ᱯᱟᱹᱥᱤᱨ
ᱠᱤᱢᱤᱱ ᱥᱤᱸᱭᱟᱹ ᱡᱟᱹᱨᱤ᱾

ᱵᱷᱮᱜᱟᱨ ᱛᱟᱦᱮᱸᱱ ᱨᱤᱠᱟᱹᱠᱮᱫᱟᱭ
ᱦᱚᱯᱚᱱ ᱢᱟᱭᱟ ᱪᱷᱟᱰᱟ ᱠᱟᱛᱮ᱾
ᱚᱠᱚᱭ ᱟᱫᱚᱭ ᱫᱳᱥᱮ ᱱᱤᱛᱚᱜ?
ᱠᱚᱯᱟᱲ ᱞᱤᱠᱷᱚᱱ ᱱᱚᱝᱠᱟᱱ ᱜᱮᱛᱟᱭ᱾

***

ᱛᱤᱨᱞᱟᱹ ᱡᱤᱣᱤ

ᱢᱟᱹᱱᱤᱡ ᱢᱟᱹᱱᱤ ᱥᱚᱨᱮᱱ
ᱡᱟᱢᱥᱮᱫᱽᱯᱩᱨ
ᱡᱷᱟᱨᱠᱷᱚᱸᱰ

ᱠᱩᱲᱤ ᱦᱚᱯᱚᱱ ᱡᱟᱱᱟᱢ
ᱚᱠᱟ ᱵᱩᱜᱤ ᱚᱠᱟ ᱵᱟᱹᱲᱤᱡ
ᱚᱠᱟ ᱨᱮᱪᱚ ᱛᱤᱱ ᱨᱮᱢ ᱵᱟᱹᱲᱤᱡᱚᱜ
ᱵᱟᱝ ᱨᱮ ᱨᱚᱲᱚᱜᱚᱼᱟ ᱿

ᱡᱟᱱᱟᱢ ᱚᱲᱟᱜ ᱨᱮ ᱛᱟᱦᱮᱱ ᱵᱷᱩᱨ ᱫᱚ
ᱟᱳᱚ ᱵᱟᱵᱟ ᱟᱯᱟ ᱵᱟᱨᱮ ᱢᱚᱦᱚᱛ ᱫᱤᱥᱟᱹ ᱠᱟᱛᱮ
ᱠᱟᱛᱷᱟ ᱵᱟᱝᱜᱤᱧ ᱟᱸᱡᱚᱢ ᱚᱪᱚ ᱠᱚᱣᱟ ᱢᱮᱱᱛᱮ
ᱡᱤᱣᱤ ᱞᱩᱠᱩᱫ ᱞᱩᱠᱩᱫ ᱿

ᱵᱟᱢ ᱨᱚᱲ ᱨᱮ ᱢᱮᱱ ᱟᱠᱚ
ᱠᱩᱲᱤ ᱜᱤᱫᱨᱟᱹᱭ ᱜᱚᱨᱚᱵᱽ ᱜᱮᱭᱟ
ᱨᱚᱲ ᱨᱮᱢᱟᱢ ᱢᱮᱱ ᱟᱠᱚ
ᱢᱚᱪᱟ ᱨᱮ ᱞᱟᱜᱟᱢ ᱵᱟᱹᱱᱩᱜ ᱿

ᱦᱟᱴ ᱯᱟᱛᱟᱛᱢ ᱫᱟᱲᱟᱱ ᱨᱮ
ᱢᱮᱱ ᱟᱠᱚ ᱠᱩᱲᱤ ᱜᱤᱫᱽᱨᱟᱭ ᱵᱟᱲᱤᱡ ᱜᱮᱭᱟ
ᱤᱥᱠᱩᱞ ᱠᱚᱞᱮᱡᱽ ᱵᱮᱲᱟ ᱨᱮ
ᱢᱮᱛᱟᱢᱟ ᱠᱚ ᱦᱟᱱᱤ ᱱᱩᱭ ᱥᱟᱶ ᱮᱢ ᱧᱮᱞᱮ ᱿

ᱡᱟᱶᱟᱭ ᱚᱲᱟ ᱨᱮ ᱞᱩᱠᱩᱫ ᱞᱩᱠᱩᱫ
ᱚᱠᱟᱹᱧ ᱜᱟᱱᱮᱫ ᱚᱠᱟᱹᱧ ᱵᱟᱹᱲᱤᱡᱮᱫ
ᱦᱟᱱᱦᱟᱨ ᱦᱚᱸᱧᱦᱟᱨ ᱚᱲᱟᱜ ᱦᱚᱲ
ᱯᱟᱪᱷᱮ ᱠᱚ ᱟᱲᱤᱥᱟᱹᱧ ᱠᱟᱱ ᱿

ᱫᱟᱠᱟ ᱩᱛᱩ ᱤᱥᱤᱱ ᱵᱟᱥᱟᱝ ᱢᱤᱼᱢᱤ ᱫᱤᱱ
ᱫᱟᱠᱟ ᱡᱟᱹᱣ ᱜᱚᱫᱚ ᱩᱛᱩ ᱨᱚᱝᱜᱚ ᱜᱚᱫᱚ
ᱞᱩ ᱦᱟᱴᱤᱧ ᱛᱮ ᱢᱤᱼ ᱢᱤ ᱫᱤᱱ
ᱩᱛᱩ ᱫᱟᱠᱟ ᱦᱚᱸ ᱠᱚᱢ ᱜᱚᱫᱚᱜ ᱿

ᱯᱮᱲᱟ ᱯᱩᱨᱵᱷᱩ ᱠᱚ ᱦᱤᱡᱩᱜ ᱨᱮ
ᱞᱚᱴᱟ ᱫᱟᱜ ᱨᱚᱲ ᱥᱟᱰᱮ ᱟᱭᱟᱢ
ᱟᱨᱦᱚᱸ ᱢᱮᱛᱟᱢᱟ ᱯᱷᱟᱞᱱᱟ ᱵᱟᱦᱩ
ᱵᱮᱵᱷᱟᱨ ᱫᱚ ᱵᱟᱭ ᱵᱟᱰᱟᱭ ᱿

ᱡᱟᱦᱟᱸ ᱥᱮᱫ ᱮᱢ ᱥᱮᱱᱚᱜ ᱨᱮ
ᱡᱤᱣᱤ ᱞᱩᱠᱩᱫ ᱞᱩᱠᱩᱫ
ᱱᱚᱭᱟ ᱦᱚᱲᱢᱚᱧ ᱨᱚᱯᱷᱟ ᱠᱮᱭᱟ ᱥᱮ ᱵᱟᱝ
ᱱᱚᱶᱟ ᱦᱚᱲᱢᱚ ᱪᱷᱤᱛᱤ ᱵᱤᱛᱤ ᱛᱤᱧ ᱿

ᱛᱤᱨᱞᱟᱹ ᱡᱤᱣᱤ ᱦᱩᱰᱩᱜ ᱦᱩᱰᱩᱜ
ᱚᱠᱟ ᱨᱮ ᱫᱚ ᱱᱤᱨᱟᱭ ᱛᱟᱦᱮᱱ
ᱚᱠᱟ ᱨᱮ ᱫᱚ ᱥᱚᱨᱮᱥ ᱛᱟᱦᱮᱱ
ᱵᱟᱝ ᱜᱮ ᱨᱚᱲᱚᱜᱚ ᱿

***

ᱨᱮᱸᱜᱮᱡ ᱦᱚᱯᱚᱱ ᱮᱨᱟ

ᱢᱟᱹᱱᱤᱡ ᱥᱟᱨᱚᱫᱟ ᱢᱩᱨᱢᱩ
ᱡᱟᱲᱜᱽᱨᱟᱢ
ᱯᱩᱪᱷᱤᱢ ᱵᱟᱝᱞᱟ

ᱤᱧᱫᱚ ᱨᱮᱸᱜᱮᱡ ᱚᱲᱟᱜ ᱨᱮᱱ ᱦᱚᱯᱚᱱ ᱮᱨᱟ,
ᱟᱭᱳ ᱵᱟᱵᱟ ᱵᱟᱝᱠᱤᱱ ᱵᱷᱮᱡᱟ ᱟᱠᱟᱫᱤᱧ ᱤᱛᱩᱱ ᱟᱥᱲᱟ ᱾
ᱢᱤᱫ ᱵᱤᱛᱟᱹ ᱞᱟᱡ ᱵᱷᱟᱛᱟᱣ ᱞᱟᱹᱜᱤᱫᱛᱮ ᱪᱟᱞᱟᱜ ᱟᱹᱠᱤᱱ ᱱᱟᱞᱦᱟ,
ᱚᱵᱷᱟᱵᱽ ᱡᱟᱞᱟᱨᱮ ᱤᱧᱦᱚᱸ ᱠᱤᱱ ᱠᱟᱹᱲᱢᱤ ᱠᱟᱹᱫᱤᱧᱼᱟ ᱾
ᱤᱧᱫᱚ ᱠᱤᱥᱟᱹᱲ ᱠᱚᱨᱮᱱ ᱠᱟᱹᱲᱢᱤ ᱠᱩᱲᱤ,
ᱵᱟᱹᱱᱩᱜ ᱱᱟᱯᱟᱭ ᱦᱚᱨᱚᱜ ᱵᱟᱸᱫᱮ ᱵᱟᱹᱱᱩᱜᱼᱟ ᱱᱟᱯᱟᱭ ᱞᱩᱜᱽᱲᱤ ᱾
ᱰᱟᱦᱟᱨ ᱫᱷᱟᱨᱮ ᱨᱮᱹᱧ ᱜᱩᱯᱤ ᱥᱟᱸᱜᱮ ᱢᱮᱨᱚᱢ ᱵᱷᱤᱰᱤ,
ᱠᱟᱹᱢᱤ ᱠᱚᱛᱤᱧ ᱤᱧᱟᱹᱜ ᱜᱤᱛᱤᱞ ᱜᱷᱟᱥᱟᱣ ᱡᱚᱜ ᱜᱤᱰᱤ ᱾
ᱤᱧ ᱡᱩᱴᱤ ᱜᱤᱫᱽᱨᱟᱹ ᱤᱛᱩᱱ ᱟᱥᱲᱟ ᱛᱮᱠᱚ ᱪᱟᱞᱟᱜ
ᱤᱧᱫᱚ ᱢᱮᱱᱟᱹᱧ ᱜᱟᱨᱚᱡ ᱥᱟᱨᱚᱡ ᱢᱮᱨᱚᱢ ᱵᱷᱤᱰᱤ ᱥᱟᱞᱟᱜ ᱾
ᱪᱟᱞᱟᱜ ᱥᱟᱹᱱᱟᱹᱧ ᱤᱧᱦᱚᱸ ᱩᱱᱠᱩ ᱛᱩᱞᱩᱡ ᱟᱥᱲᱟ,
ᱯᱟᱞᱮ ᱦᱟᱯᱮᱱ ᱚᱞᱚᱜ ᱵᱟᱝᱛᱮ ᱦᱚᱲ ᱠᱚ ᱠᱚ ᱯᱚᱥᱲᱟ ᱾
ᱧᱮᱞᱟᱹᱧ ᱛᱤᱱᱟᱹᱜ ᱞᱮᱠᱟᱱ ᱠᱩᱠᱢᱩ ᱚᱲᱮᱡ ᱯᱟᱹᱴᱣᱟᱹ ᱨᱮ,
ᱦᱚᱸᱡᱟᱝ ᱢᱮᱱᱟᱹᱧ ᱩᱯᱷᱟᱹᱲ ᱛᱚᱯᱟᱜ ᱞᱚᱴᱚᱡ ᱠᱚᱴᱷᱮ ᱜᱷᱟᱧᱡᱞᱚᱝ ᱯᱟᱨᱠᱚᱢ ᱨᱮ ᱾
ᱜᱤᱛᱤᱡ ᱠᱟᱛᱮ ᱱᱟᱱᱟ ᱦᱩᱱᱟᱹᱨ ᱤᱧᱫᱩᱧ ᱩᱭᱦᱟᱹᱨᱟ,
ᱟᱞᱮ ᱫᱚᱞᱮ ᱨᱮᱸᱜᱮᱡ ᱜᱮᱭᱟ ᱤᱧᱫᱚ ᱨᱮᱸᱜᱮᱡ ᱦᱚᱯᱚᱱ ᱮᱨᱟ ᱾

ᱦᱚᱲ ᱠᱚ ᱴᱷᱮᱱ ᱠᱟᱹᱢᱤ ᱠᱟᱹᱢᱤᱛᱮ ᱤᱧᱫᱩᱧ ᱦᱟᱨᱟᱭᱮᱱ,
ᱚᱞᱚᱜ ᱠᱚᱲᱟ ᱠᱤᱥᱟᱹᱲ ᱦᱚᱯᱚᱱ ᱞᱮᱞᱛᱤᱧ ᱡᱟᱸᱣᱟᱭ ᱞᱮᱱ ᱾
ᱛᱷᱟᱹᱭᱟᱹ ᱠᱟᱛᱮ ᱠᱚ ᱛᱩᱫ ᱠᱤᱫᱤᱧ ᱜᱚᱦᱚᱲ ᱠᱤᱫᱤᱧ ᱟᱠᱚ ᱨᱟᱫᱽ ᱨᱟᱫᱽ,
ᱵᱚᱛᱚᱨ ᱥᱞᱛᱞᱟᱜ ᱚᱸᱰᱮ ᱠᱷᱚᱱᱟᱜ ᱤᱧᱢᱟ ᱨᱤᱴᱟᱹᱢ ᱯᱟᱴ ᱾
ᱱᱟᱪᱟᱨ ᱱᱤᱫᱷᱟᱹᱱ ᱫᱚᱥᱟ ᱠᱷᱟᱹᱛᱤᱨ ᱟᱹᱰᱤ ᱜᱮᱞᱮ ᱩᱫᱷᱤᱱ,
ᱦᱟᱨᱠᱮᱛ ᱥᱟᱥᱮᱛ ᱛᱟᱞᱟ ᱛᱮᱜᱮ ᱪᱟᱞᱟᱜ ᱛᱟᱞᱮ ᱫᱤᱱ ᱾
ᱵᱟᱹᱱᱩᱜ ᱛᱟᱞᱮ ᱪᱟᱣᱞᱮ ᱦᱳᱲᱳ ᱵᱟᱹᱱᱩᱜ ᱛᱟᱞᱮ ᱴᱟᱠᱟ,
ᱠᱟᱹᱢᱤ ᱞᱮᱱᱼᱱᱟ ᱧᱟᱢᱚᱜ ᱟᱱᱟᱝ ᱠᱟᱹᱴᱤᱡ ᱫᱟᱜ ᱫᱟᱠᱟ ᱾
ᱛᱤᱨᱮᱱ ᱯᱩᱛᱼᱞᱟᱹ ᱞᱮᱠᱟ ᱜᱮᱪᱮᱧ ᱮᱱᱮᱡ ᱚᱪᱚᱜ ᱠᱟᱱ,
ᱱᱟᱪᱟᱨ ᱱᱤᱫᱷᱟᱹᱱ ᱦᱚᱲᱟᱜ ᱫᱚ ᱦᱟᱭ᱾ ᱢᱟᱹᱱ ᱫᱚ ᱵᱟᱹᱱᱩᱜ ᱟᱱ ᱾
ᱯᱟᱱᱛᱮ ᱟᱹᱱᱤᱧ ᱵᱟᱧᱪᱟᱜ ᱞᱟᱹᱜᱤᱫ ᱟᱹᱯᱟᱹᱥᱩᱞ ᱰᱟᱦᱟᱨ,
ᱴᱤᱯᱤᱱ ᱫᱟᱠᱟ ᱛᱟᱨᱮᱱ ᱨᱮ ᱜᱟᱢᱪᱷᱟ ᱠᱟᱹᱢᱤᱧ ᱪᱟᱞᱟᱜ ᱵᱟᱡᱟᱨ ᱾

***

ᱦᱤᱞᱤ

ᱪᱤᱱᱢᱚᱭᱤ ᱦᱟᱸᱥᱫᱟᱜ (ᱢᱟᱨᱟᱱᱰᱤ)
ᱡᱷᱟᱲᱜᱽᱨᱟᱢ
ᱯᱩᱪᱷᱤᱢ ᱵᱟᱝᱞᱟ

ᱥᱮᱛᱟᱜ ᱥᱤᱥᱤᱨ ᱥᱤᱧ ᱪᱟᱸᱫᱚ ᱛᱟᱨᱟᱥ ᱛᱮ
ᱡᱷᱟᱞᱠᱟᱣᱜ ᱡᱷᱤᱞᱤ ᱢᱤᱞᱤ,
ᱟᱹᱧᱪᱤᱨ ᱯᱟᱹᱧᱪᱤᱨ ᱪᱟᱛᱚᱢ ᱚᱲᱟᱜ ᱠᱷᱚᱱ
ᱥᱩᱯᱟᱹᱲᱤ ᱦᱮᱨᱢᱮᱫ ᱫᱤᱯᱤᱞ ᱚᱰᱚᱠ ᱮᱱᱟᱭ ᱦᱤᱞᱤ ᱾

ᱥᱚᱠᱚᱲ ᱵᱚᱠᱚᱲ ᱟᱹᱛᱩ ᱢᱩᱪᱟᱹᱫ ᱜᱟᱰᱟ,
ᱨᱤᱞᱟᱹᱢᱟᱞᱟ ᱞᱤᱞ ᱫᱟᱜ,
ᱪᱷᱮᱢᱮᱠ ᱪᱷᱮᱢᱮᱠ ᱯᱟᱹᱭᱬᱤ ᱥᱟᱰᱮ
ᱦᱤᱞᱤ ᱨᱩᱣᱟᱹᱲᱟᱭ ᱦᱮᱨᱢᱮᱫ ᱨᱮᱛᱟᱭ ᱞᱩ ᱫᱟᱜ ᱾

ᱮᱱᱮᱡ ᱡᱚᱝ ᱟᱠᱚ ᱞᱮᱴᱠᱟ
ᱠᱩᱞᱦᱤ ᱫᱷᱩᱲᱤ ᱨᱮ ᱰᱤᱜᱽᱞᱟᱹ ᱰᱤᱜᱽᱞᱤ,
ᱠᱩᱴᱩᱢ ᱥᱟᱹᱦᱤᱸᱡ ᱵᱟᱸᱫᱮ ᱟᱛᱮ
ᱞᱚᱜᱚᱱ ᱞᱚᱜᱚᱱᱮ ᱛᱟᱲᱟᱢᱟ ᱦᱤᱞᱤ ᱾

ᱦᱚᱴᱚᱜ ᱨᱮᱛᱟᱭ ᱦᱟᱨ ᱢᱟᱞᱟ
ᱥᱟᱶᱛᱮ ᱴᱟᱠᱟ ᱢᱚᱦᱚᱨ,
ᱢᱩ ᱞᱩᱞᱩᱠ ᱢᱚᱪᱟ ᱫᱷᱟᱹᱵᱤᱡ
ᱟᱬᱜᱚ ᱠᱚᱜᱼᱟ ᱡᱚᱦᱚᱨ ᱾

ᱛᱮᱞ ᱥᱟᱶᱟᱨ ᱦᱚᱲᱢᱚ ᱨᱮᱛᱟᱭ ᱠᱷᱚᱫᱟ
ᱦᱮᱸᱫᱮ ᱜᱮ ᱟᱹᱰᱤ ᱱᱟᱯᱟᱭ, ᱥᱩᱯᱩ ᱨᱮ ᱵᱟᱹᱡᱩ,
ᱨᱚᱫ ᱨᱮ ᱯᱟᱱ ᱠᱟᱱᱴᱟ
ᱥᱟᱺᱜᱤᱧ ᱠᱷᱚᱱ ᱜᱮ ᱞᱟᱸᱫᱟᱭ ᱾

ᱯᱟᱹᱴᱭᱟᱹ ᱜᱟᱞᱟᱝ ᱢᱟᱛᱠᱚᱢ ᱦᱟᱞᱟᱝ,
ᱥᱮᱱ ᱜᱮ ᱢᱚᱦᱚᱸᱰᱟ ᱩᱨᱤᱡᱚᱜᱼᱟᱭ,
ᱫᱚᱝ ᱞᱟᱜᱽᱬᱮ ᱮᱱᱮᱡ ᱟᱠᱷᱲᱟ ᱠᱚᱨᱮ ᱦᱚᱸ
ᱞᱟᱦᱟ ᱨᱮᱜᱮ ᱫᱟᱨᱟᱭ ᱾

ᱥᱮᱫᱟᱭ ᱥᱮᱨᱮᱧ ᱢᱚᱪᱟ ᱨᱮᱜᱮ
ᱥᱮᱨᱮᱧᱮ ᱛᱮᱞᱟᱭ ᱧᱚᱦᱚᱬ ᱧᱚᱦᱚᱬ,
ᱛᱟᱨᱠᱚᱜ ᱠᱚᱲᱟᱢ ᱠᱚᱞᱮ ᱨᱮᱜᱮ ᱴᱟᱢᱟᱠ ᱛᱩᱢᱫᱟᱜ
ᱥᱟᱰᱮ ᱥᱟᱶᱛᱮ ᱢᱚᱱᱮᱨ ᱠᱚᱬ ᱾

ᱵᱷᱤᱛ ᱯᱤᱸᱰᱟᱹ ᱥᱤᱨᱟᱜᱼᱟᱭ
ᱵᱮᱸᱜᱮᱫ ᱩᱨᱤᱡ ᱟᱛᱮ ᱡᱮᱨᱮᱲᱟᱭ,
ᱵᱟᱦᱟ ᱰᱟᱹᱨ, ᱥᱟᱠᱟᱢ, ᱪᱮᱬᱮ, ᱵᱷᱤᱛ ᱨᱮ
ᱛᱤᱛᱮ ᱯᱚᱛᱟᱣ ᱠᱚᱣᱟᱭ ᱾

ᱯᱮ ᱫᱤᱱ ᱢᱟᱬᱟᱝ ᱦᱟᱺᱰᱤ ᱫᱟᱠᱟᱭ ᱤᱥᱤᱱ
ᱯᱟᱨᱟᱵᱽ ᱢᱟᱬᱟᱝ ᱠᱷᱚᱱᱼᱮ ᱥᱟᱯᱲᱟᱣᱜ,
ᱚᱠᱟ ᱯᱟᱨᱟᱵᱽ ᱯᱩᱱᱟᱹᱭ ᱚᱠᱟ ᱞᱟᱹᱠᱛᱤ
ᱡᱩᱜᱟᱹᱲ ᱠᱟᱜᱼᱟᱭ ᱪᱮᱫ ᱠᱚ ᱤᱱᱟᱹ ᱦᱤᱞᱚᱜᱟᱜ ᱥᱟᱯᱟᱵ ᱾

ᱡᱚᱛᱚ ᱠᱷᱚᱱ ᱢᱟᱬᱟᱝ ᱵᱮᱨᱮᱫ ᱟᱛᱮ
ᱜᱩᱨᱤᱡᱟᱭ ᱞᱩᱸᱰᱟᱹᱭᱟᱭ ᱜᱚᱴᱟ ᱚᱲᱟᱜ ᱩᱱᱤ,
ᱡᱚᱛᱚᱱᱟᱭ ᱩᱠᱷᱩᱲ ᱰᱷᱤᱝᱠᱤ ᱦᱟᱴᱟᱜ ᱰᱟᱹᱞᱤᱡ
ᱴᱩᱝᱠᱤ ᱠᱷᱟᱹᱧᱪᱤ ᱫᱟᱹᱣᱲᱟᱹ ᱰᱷᱟᱹᱯᱱᱤ ᱾

ᱡᱟᱦᱟᱸᱭ ᱠᱚ ᱦᱤᱡᱩᱜ ᱫᱩᱲᱩᱵᱼᱮ ᱢᱮᱛᱟ ᱠᱚ
ᱥᱚᱸᱜᱮ ᱛᱮᱜᱮ ᱩᱫᱩᱜᱟᱭ ᱵᱮᱵᱷᱟᱨ,
ᱞᱚᱴᱟ ᱫᱟᱜ ᱟᱛᱮ ᱚᱰᱚᱠ ᱠᱟᱛᱮ
ᱯᱮᱲᱟ ᱠᱚ ᱧᱮᱞᱛᱮ ᱩᱸᱜᱩᱫ ᱟᱛᱮ ᱡᱚᱦᱟᱨ ᱾

ᱰᱟᱺᱜᱽᱨᱤ ᱢᱮᱨᱚᱢ ᱠᱟᱰᱟ ᱵᱷᱤᱰᱤ ᱥᱤᱢ ᱥᱩᱠᱨᱤ
ᱪᱟᱨᱟ ᱡᱚᱜᱡᱚᱢ ᱟᱡ ᱥᱟᱢᱟᱝ ᱛᱮᱠᱚ ᱦᱤᱡᱩᱜ,
ᱰᱟᱠᱟᱰᱟᱜ ᱨᱮ ᱫᱟᱠᱟ ᱵᱟᱦᱱᱤ ᱨᱮ ᱪᱷᱟᱹᱱᱤ,
ᱨᱟᱪᱟ ᱨᱮ ᱪᱟᱨᱟ ᱮᱨ ᱚᱴᱚ ᱠᱟᱛᱮ ᱵᱟᱹᱫ ᱛᱮ ᱫᱟᱠᱟᱭ ᱤᱫᱤ ᱾

ᱡᱚᱛᱚ ᱠᱚᱜᱮ ᱦᱟᱹᱴᱤᱧ ᱥᱟᱴᱟᱣ ᱠᱚᱣᱟᱭ
ᱯᱟᱛᱲᱟ ᱫᱟᱠᱟ, ᱡᱤᱞ ᱩᱛᱩ, ᱞᱮᱴᱚ ᱯᱤᱴᱷᱟᱹ,
ᱟᱡ ᱡᱚᱜᱼᱡᱚᱢ ᱵᱤᱫᱟᱹᱞ ᱛᱮᱫᱚ
ᱴᱩᱠᱩᱡ ᱪᱮᱞᱟᱝ ᱠᱷᱟᱭᱚᱜ ᱥᱤᱴᱷᱟᱹ ᱾

ᱥᱮᱛᱟᱜ ᱥᱤᱸᱜᱟᱹᱲ ᱞᱚᱞᱚ ᱪᱩᱞᱦᱟᱹ ᱠᱩᱰᱟᱹᱢ ᱨᱮ
ᱫᱩᱲᱩᱵ ᱟᱛᱮ ᱫᱟᱠᱟ ᱩᱛᱩᱭ ᱤᱥᱤᱱ,
ᱚᱠᱚᱭ ᱪᱚᱝ ᱮ ᱨᱟᱭᱵᱟᱨ ᱞᱮᱱ
ᱧᱟᱢ ᱞᱮᱫᱮᱭᱟᱠᱚ ᱱᱩᱱᱟᱹᱜ ᱱᱟᱯᱟᱭ ᱠᱤᱢᱤᱱ ᱾

ᱦᱤᱞᱤ ᱫᱟᱹᱭ ᱢᱟᱭ ᱯᱟᱸᱡᱟ ᱦᱟᱱᱟ
ᱡᱟᱱᱟᱢ ᱫᱤᱥᱚᱢ ᱡᱟᱱᱟᱢ ᱟᱭᱳᱣᱟᱜ ᱰᱟᱦᱟᱨ,
ᱧᱟᱛᱮᱭᱟ, ᱠᱤᱢᱤᱱ, ᱮᱢᱟᱱ ᱤᱠᱷᱟᱹᱱ
ᱵᱟᱠᱚ ᱯᱟᱸᱡᱟ ᱞᱮᱫᱮ ᱪᱟᱞᱟᱣ ᱮᱱᱟᱠᱚ ᱵᱟᱡᱟᱨ ᱾

***

ᱟᱭᱳ ᱟᱲᱟᱝ

ᱢᱟᱹᱱᱤᱡ ᱥᱟᱞᱦᱚ ᱥᱚᱨᱮᱱ
ᱨᱟᱣᱩᱞᱠᱮᱞᱟ
ᱳᱰᱤᱥᱟ

ᱡᱮᱜᱮᱛ ᱡᱟᱠᱟᱛ ᱥᱟᱱᱟᱢ ᱛᱤᱨᱞᱟᱹᱟᱞᱮ
ᱢᱤᱫ ᱢᱚᱱᱟᱛᱮ ᱡᱩᱲᱦᱟᱹᱣᱮᱱ ᱞᱮ ᱟᱞᱮ
ᱟᱭᱳ ᱟᱲᱟᱝ ᱧᱩᱛᱩᱢ ᱜᱷᱟᱨᱚᱸᱡᱽ ᱛᱟᱞᱮ᱾

ᱱᱚᱱᱚᱞ ᱥᱟᱨ ᱡᱚᱥ ᱚᱞᱮ ᱠᱮᱴᱮᱡᱽ
ᱥᱟᱰᱮ ᱛᱤᱨᱮ ᱥᱟᱠᱚᱢ ᱥᱮᱠᱮᱡ ᱥᱮᱠᱮᱡ
ᱜᱷᱟᱨᱚᱸᱡᱽ ᱛᱟᱞᱮ ᱢᱚᱡᱽ ᱜᱮ ᱦᱮᱥᱮᱡ ᱥᱮᱠᱮᱡ᱾

ᱥᱚᱨᱮᱥ ᱠᱷᱚᱱ ᱥᱚᱨᱮᱥ ᱥᱟᱹᱜᱟᱹᱭ ᱟᱹᱰᱤ
ᱫᱟᱹᱭ ᱢᱟᱹᱭ ᱦᱤᱞᱤ ᱡᱷᱤ ᱵᱟᱹᱦᱩ ᱵᱤᱴᱤ
ᱥᱟᱶᱦᱮᱫ ᱟᱠᱷᱲᱟ ᱨᱤᱦᱤᱴ ᱟᱹᱰᱤ᱾

ᱵᱟᱭ ᱵᱟᱪᱷᱟᱣ ᱨᱮᱸᱜᱮᱡ ᱠᱤᱥᱟᱹᱬ
ᱥᱩᱛᱩᱜ ᱠᱟᱞᱮ ᱭᱳ ᱡᱚᱛᱚ ᱥᱚᱦᱮᱫ
ᱥᱟᱶᱛᱟ ᱩᱛᱷᱱᱟᱹᱣ ᱜᱚᱲᱚ ᱥᱚᱦᱚᱫ᱾

ᱡᱟᱱᱟᱢ ᱟᱲᱟᱝ ᱫᱚ ᱨᱟᱲᱟᱝ ᱨᱟᱲᱟᱝ
ᱨᱚᱲ ᱯᱤᱪᱷᱤ ᱥᱟᱰᱮ ᱴᱟᱲᱟᱝ ᱴᱟᱲᱟᱝ
ᱛᱟᱲᱟᱢ ᱠᱟᱜᱼᱟ ᱭᱳ ᱢᱟᱲᱟᱝ ᱢᱟᱲᱟᱝ᱾

ᱯᱮᱬᱮ ᱯᱟᱬᱦᱟᱸᱰ ᱡᱷᱟᱹᱞᱟᱜ ᱥᱟᱹᱲᱤ
ᱢᱟᱨᱟᱜ ᱯᱷᱤᱧᱪᱟᱹᱨ ᱟᱧᱪᱟᱨ ᱥᱟᱹᱲᱤ
ᱦᱚᱨᱚᱜ ᱵᱟᱸᱫᱮ ᱩᱯᱩᱨᱩᱢ ᱥᱟᱶᱛᱟ ᱥᱟᱹᱲᱤ᱿

***

ᱛᱤᱨᱞᱟ. ᱦᱚᱯᱚᱱ

ᱢᱟᱹᱱᱤᱡ ᱦᱤᱨᱟᱹᱢᱚᱬᱤ ᱢᱩᱨᱢᱩ
ᱯᱩᱪᱷᱤᱢ ᱵᱟᱝᱞᱟ

ᱪᱟᱸᱫᱚ ᱵᱚᱸᱜᱟ ᱛᱤᱨᱞᱟᱹ ᱦᱚᱯᱚᱱ ᱟᱜ ᱢᱚᱱᱮ ᱫᱚ ᱟᱹᱰᱤ ᱥᱚᱨᱮᱥ ᱜᱮᱭ ᱵᱮᱱᱟᱣ ᱟᱠᱟᱫᱼᱟ᱾ ᱛᱤᱨᱞᱟᱹ ᱦᱚᱯᱚᱱ ᱟᱜ ᱢᱚᱱᱮ ᱨᱮ ᱥᱟᱦᱟᱣ ᱫᱟᱲᱮ, ᱢᱟᱹᱱ ᱥᱚᱱᱢᱟᱱ, ᱟᱺᱜᱤᱵᱷᱟᱨ, ᱞᱟᱥᱮᱨ ᱱᱚᱡᱚᱨ, ᱡᱤᱫᱽ ᱢᱮᱱᱟᱜᱼᱟ ᱾ ᱛᱤᱨᱞᱟᱹ ᱦᱚᱯᱚᱱ ᱡᱟᱦᱟᱸᱱᱟᱜ ᱠᱟᱹᱢᱤ ᱢᱟᱲᱟᱝ ᱨᱮ ᱛᱟᱭᱚᱢ ᱢᱟᱲᱟᱝ ᱩᱭᱦᱟᱹᱨ ᱠᱟᱛᱮ ᱠᱟᱹᱢᱤ ᱠᱚ ᱞᱟᱦᱟᱜᱼᱟ ᱾
ᱛᱤᱨᱞᱟᱹ ᱦᱚᱯᱚᱱ ᱚᱠᱟ ᱠᱟᱹᱢᱤ ᱨᱮᱦᱚᱸ ᱵᱟᱠᱚ ᱠᱚᱢᱟ ᱾ ᱥᱟᱱᱟᱢ ᱠᱟᱹᱢᱤ ᱜᱮ ᱠᱚ ᱫᱟᱲᱮᱭᱟᱜᱼᱟ ᱾ ᱛᱤᱨᱞᱟᱹ ᱦᱚᱯᱚᱱ ᱟᱜ ᱫᱤᱞ ᱫᱟᱲᱮ ᱵᱟᱹᱲᱛᱤ ᱜᱮᱭᱟ ᱾ ᱛᱤᱨᱞᱟᱹ ᱦᱚᱯᱚᱱ ᱟᱜ ᱡᱤᱵᱚᱱ ᱫᱚ ᱟᱹᱰᱤ ᱥᱚᱨᱮᱥ ᱜᱮᱭᱟ ᱾

***

ᱛᱤᱨᱞᱟᱹ ᱦᱚᱯᱚᱱ

ᱥᱚᱱᱫᱷᱭᱟ ᱢᱟᱱᱰᱤ
ᱯᱩᱪᱷᱤᱢ ᱵᱟᱝᱞᱟ

ᱛᱤᱨᱞᱟᱹ ᱦᱚᱯᱚᱱ ᱡᱟᱱᱟᱢ ᱠᱟᱛᱮ,
ᱟᱞᱚᱢ ᱢᱚᱱᱮ ᱡᱟᱱᱟᱢ ᱢᱤᱪᱷᱟᱹ ᱜᱮ᱾
ᱟᱢ ᱦᱚᱸ ᱥᱤᱨᱡᱚᱱᱤᱭᱟᱹ ᱨᱮᱱ ᱥᱤᱨᱡᱚᱱᱤᱡ,
ᱚᱱᱟ ᱛᱮᱫᱚ ᱢᱚᱱᱮ ᱟᱞᱚᱢ ᱵᱟᱹᱲᱤᱡᱽ᱾

ᱛᱤᱨᱞᱟᱹ ᱜᱮᱛᱚ ᱜᱷᱟᱨᱚᱸᱡᱽ ᱮ ᱥᱚᱵᱷᱟᱭ,
ᱥᱟᱱᱟᱢ ᱠᱚ ᱟᱜ ᱫᱩᱠ ᱮ ᱥᱟᱦᱟᱭ᱾
ᱛᱤᱨᱞᱟᱹ ᱵᱮᱜᱚᱨ ᱚᱲᱟᱜ ᱫᱩᱣᱟᱹᱨ,
ᱵᱩᱡᱷᱟᱹᱣᱜ ᱟᱹᱰᱤ ᱴᱟᱢᱟᱨ ᱴᱟᱢᱩᱨ᱾

ᱛᱤᱨᱞᱟᱹ ᱟᱢ ᱜᱮᱛᱚ ᱥᱤᱨᱡᱚᱱᱤᱡ,
ᱥᱟᱱᱟᱢ ᱠᱚ ᱡᱚᱛᱚᱱ ᱡᱚᱜᱟᱣᱤᱡ᱾
ᱥᱩᱞᱩᱠ ᱜᱷᱟᱨᱚᱸᱡᱽ ᱛᱮᱭᱟᱨ ᱨᱮ,
ᱟᱢᱟᱜ ᱜᱮ ᱮᱱᱮᱢ ᱛᱟᱸᱦᱮᱱ ᱢᱟᱲᱟᱝ ᱨᱮ᱾

ᱚᱞᱚᱜ ᱯᱟᱲᱦᱟᱣᱜ ᱥᱟᱱᱟᱢ ᱥᱮᱫ ᱛᱮ,
ᱢᱮᱱᱟᱜ ᱠᱚᱣᱟ ᱢᱟᱲᱟᱝ ᱨᱮ᱾
ᱚᱲᱟᱜ ᱨᱮᱱᱟᱜ ᱠᱟᱹᱢᱤ ᱪᱷᱟᱰᱟ ᱦᱚᱸ,
ᱠᱟᱹᱢᱤ ᱠᱟᱱᱟ ᱠᱚ ᱫᱤᱥᱚᱢ ᱨᱮᱱᱟᱜ ᱦᱚᱸ᱾

ᱥᱟᱶᱛᱟ ᱥᱩᱥᱟᱹᱨ ᱠᱟᱹᱢᱤ ᱨᱮ,
ᱛᱤᱨᱞᱟᱹ ᱢᱮᱱᱟᱜ ᱠᱚ ᱞᱟᱦᱟ ᱨᱮ᱾
ᱯᱟᱹᱨᱥᱤ ᱥᱟᱶᱦᱮᱫ ᱪᱟᱨᱪᱟᱣ ᱨᱮ,
ᱵᱟᱹᱱᱩᱜ ᱠᱚᱣᱟ ᱛᱟᱭᱚᱢ ᱨᱮ᱾

ᱱᱟᱦᱟᱜ ᱱᱚᱣᱟ ᱥᱚᱥᱱᱚᱜ ᱡᱩᱜᱽ ᱨᱮ,
ᱛᱤᱨᱞᱟᱹ ᱵᱟᱝ ᱠᱚ ᱛᱟᱸᱦᱮᱱ ᱛᱟᱭᱚᱢ ᱨᱮ᱾
ᱥᱟᱱᱟᱢ ᱥᱮᱫ ᱛᱮᱠᱚ ᱞᱟᱦᱟ ᱪᱟᱞᱟᱜ,
ᱪᱟᱯᱳ ᱡᱩᱲᱩ ᱠᱚ ᱦᱟᱛᱟᱣ ᱡᱚᱱᱟᱜ᱾

***

ᱪᱮᱫᱟᱜ ᱥᱮ ᱟᱢ ᱫᱚᱢ ᱛᱤᱨᱞᱟᱹ ᱠᱟᱱᱟ

ᱢᱟᱹᱱᱤᱡ ᱥᱚᱞᱤᱢᱟ ᱢᱟᱨᱟᱱᱰᱤ
ᱢᱚᱭᱩᱨᱵᱷᱚᱸᱡᱽ
ᱳᱰᱤᱥᱟ

ᱵᱟᱹᱲᱛᱤ ᱜᱮᱢ ᱠᱟᱹᱢᱤ ᱨᱮᱦᱚᱸ
ᱟᱢᱟᱜ ᱠᱟᱛᱷᱟ ᱫᱚ ᱵᱟᱝ ᱠᱚ ᱵᱩᱡᱷᱟᱹᱣᱼᱟ
ᱟᱭᱳ ᱵᱟᱵᱟ ᱚᱲᱟᱜ ᱨᱮᱦᱚᱸ ᱵᱟᱝ
ᱡᱟᱶᱟᱭ ᱚᱲᱟᱜ ᱨᱮᱦᱚᱸ ᱵᱟᱝᱟ
ᱪᱮᱫᱟᱜ ᱥᱮ ᱟᱢ ᱫᱚᱢ ᱛᱤᱨᱞᱟᱹ ᱠᱟᱱᱟ ᱾

ᱥᱮᱛᱟᱜ ᱠᱷᱚᱱ ᱟᱹᱭᱩᱵ ᱫᱷᱟᱹᱵᱤᱡ
ᱟᱢ ᱫᱚᱢ ᱠᱷᱟᱴᱟᱣᱜᱼᱟ
ᱡᱤᱨᱟᱹᱣ ᱧᱚᱜᱚᱜ ᱢᱮ ᱦᱚᱸ ᱵᱟᱝ ᱠᱚ ᱢᱮᱛᱟᱢ
ᱟᱨ ᱦᱚᱸ ᱵᱚᱨᱚᱢ ᱠᱟᱹᱢᱤ ᱜᱮᱠᱚ ᱩᱫᱩᱜ ᱟᱢᱟ
ᱪᱮᱫᱟᱜ ᱥᱮ ᱟᱢ ᱫᱚᱢ ᱛᱤᱨᱞᱟᱹ ᱠᱟᱱᱟ ᱾

ᱠᱟᱹᱢᱤ ᱡᱚᱛᱚᱣᱟᱜ ᱮᱢ ᱪᱟᱵᱟ ᱠᱟᱜ ᱨᱮᱦᱚᱸ
ᱢᱮᱛᱟᱢ ᱟᱠᱚ ᱚᱲᱟᱜ ᱨᱮ ᱪᱮᱫ ᱪᱚᱢ ᱠᱟᱹᱢᱤ ᱠᱟᱱᱟ
ᱠᱟᱹᱢᱤ ᱨᱮᱭᱟᱜ ᱫᱚ ᱞᱮᱠᱷᱟ ᱜᱮᱛᱟᱢ ᱵᱟᱹᱱᱩᱜ
ᱥᱟᱨᱟ ᱠᱷᱚᱱ ᱠᱷᱩᱴᱩᱨ ᱼ ᱠᱷᱩᱴᱩᱨ ᱮᱢ ᱪᱷᱩᱴᱟᱹᱣ ᱠᱚᱜᱼᱟ
ᱪᱮᱫᱟᱜ ᱥᱮ ᱟᱢ ᱫᱚᱢ ᱛᱤᱨᱞᱟᱹ ᱠᱟᱱᱟ ᱾

ᱡᱟᱦᱟᱸᱱᱟᱜ ᱜᱮ ᱦᱚᱲ ᱠᱚ ᱨᱚᱲ ᱟᱢᱟ
ᱨᱚᱨᱚᱲ ᱛᱩᱞᱩᱡ ᱠᱚ ᱨᱚᱦᱮᱫ ᱢᱮᱭᱟ
ᱛᱮᱞᱟ ᱨᱚᱲ ᱫᱚ ᱟᱞᱚᱢ ᱨᱩᱣᱟᱹᱲᱟ
ᱡᱚᱵᱟᱵᱽ ᱠᱷᱟᱱ ᱫᱚᱢ ᱵᱟᱹᱲᱤᱡ ᱠᱚ ᱢᱮᱛᱟᱢᱟ
ᱪᱮᱫᱟᱜ ᱥᱮ ᱟᱢ ᱫᱚᱢ ᱛᱤᱨᱞᱟᱹ ᱠᱟᱱᱟ ᱾

ᱡᱟᱦᱟᱸ ᱨᱮᱜᱮᱢ ᱛᱟᱦᱮᱸᱱ ᱟᱥᱨᱟ ᱫᱚᱢ ᱠᱷᱚᱡᱚᱜᱼᱟ
ᱱᱟᱹᱲᱤ ᱠᱟᱱᱟᱢ ᱥᱮᱬᱟ ᱫᱟᱨᱮ ᱦᱚᱸᱢ ᱞᱟᱹᱠᱛᱤᱜᱼᱟ
ᱵᱤᱱ ᱡᱷᱟᱴᱟ ᱛᱮ ᱚᱦᱚᱜᱮᱢ ᱦᱟᱨᱟ ᱠᱮᱭᱟ
ᱫᱟᱨᱮ ᱨᱮᱱᱟᱝ ᱩᱢᱩᱞ ᱦᱚᱢ ᱠᱷᱚᱡᱽ ᱜᱮᱭᱟ
ᱪᱮᱫᱟᱜ ᱥᱮ ᱟᱢ ᱫᱚᱢ ᱛᱤᱨᱞᱟᱹ ᱠᱟᱱᱟ ᱾

ᱡᱤᱣᱤ ᱛᱟᱢ ᱫᱚ ᱞᱚᱜ ᱨᱮᱦᱚᱸ
ᱞᱚ ᱠᱟᱛᱮᱱ ᱛᱚᱨᱚᱡᱚᱜ ᱨᱮᱦᱚᱸ
ᱚᱱᱛᱚᱨ ᱢᱚᱱ ᱛᱟᱢᱮ ᱨᱟᱜᱽ ᱨᱮᱦᱚᱸ
ᱦᱚᱲ ᱥᱟᱢᱟᱝ ᱨᱮᱫᱚ ᱞᱟᱸᱫᱟ ᱠᱟᱛᱮ ᱜᱮ ᱨᱚᱲ ᱢᱮ
ᱪᱮᱫᱟᱜ ᱥᱮ ᱟᱢ ᱫᱚᱢ ᱛᱤᱨᱞᱟᱹ ᱠᱟᱱᱟ ᱾

ᱛᱤᱱᱟᱹᱜ ᱫᱤᱱ ᱱᱚᱝᱠᱟ ᱫᱚᱢ ᱛᱷᱤᱨ ᱠᱚᱜᱼᱟ
ᱛᱤᱥᱮᱢ ᱠᱮᱴᱮᱡᱟ ᱞᱤᱪᱟᱹᱲ ᱢᱚᱱᱮ ᱛᱟᱢ
ᱫᱤᱥᱚᱢ ᱛᱮ ᱫᱚ ᱡᱤᱣᱤ ᱛᱟᱢ ᱞᱚ ᱛᱚᱨᱚᱡᱚᱜᱼᱟ
ᱦᱚᱲᱢᱚ ᱥᱟᱱᱟᱢ ᱛᱟᱢ ᱜᱚᱥᱚ ᱢᱚᱥᱚᱫᱚᱜᱼᱟ
ᱪᱮᱫᱟᱜ ᱥᱮ ᱟᱢ ᱫᱚᱢ ᱛᱤᱨᱞᱟᱹ ᱠᱟᱱᱟ ᱾

ᱟᱞᱚᱢ ᱵᱚᱛᱚᱨ ᱞᱟᱡᱟᱣᱚᱜ ᱠᱟᱹᱢᱤ ᱤᱫᱤ ᱢᱮ
ᱠᱚᱲᱟ ᱥᱟᱶ ᱦᱚᱠ ᱦᱚᱸᱛᱟᱢ ᱢᱮᱱᱟᱜ ᱜᱮ
ᱛᱤᱥ ᱦᱚᱸ ᱞᱤᱪᱟᱹᱲ ᱟᱞᱚᱢ ᱩᱣᱦᱟᱹᱨᱚᱜᱼᱟ
ᱫᱤᱞ ᱵᱷᱚᱨᱥᱟ ᱥᱟᱦᱟᱥ ᱛᱟᱢ
ᱦᱟᱯᱮᱱ ᱵᱤᱫᱟᱹᱞ ᱨᱮ ᱟᱢ ᱛᱮᱜᱮ
ᱢᱟᱬᱟᱝ ᱥᱮᱫ ᱮᱢ ᱞᱟᱦᱟᱜᱼᱟ
ᱪᱮᱫᱟᱜ ᱥᱮ ᱟᱢ ᱫᱚᱢ ᱛᱤᱨᱞᱟᱹ ᱠᱟᱱᱟ ᱾

***

ᱥᱮᱨᱮᱧ

ᱢᱟᱹᱱᱤᱡ ᱥᱟᱢᱚᱞᱟ ᱦᱮᱸᱵᱽᱨᱚᱢ
ᱡᱷᱟᱲᱜᱽᱨᱟᱢ
ᱯᱩᱪᱷᱤᱢ ᱵᱟᱝᱞᱟ

ᱚᱞ ᱪᱤᱠᱤ ᱛᱮ ᱚᱞ ᱵᱟᱢ ᱪᱮᱫᱽ ᱠᱷᱟᱱ ᱾
ᱡᱟᱱᱟᱢ ᱟᱲᱟᱝ ᱛᱮ ᱵᱟᱢ ᱨᱚᱲ ᱠᱷᱟᱱ ᱾
ᱟᱹᱫᱤᱢ ᱡᱟᱹᱛᱤ ᱼᱼᱼ ᱟᱹᱫᱤᱢ ᱡᱟᱹᱛᱤ,
ᱥᱟᱶᱛᱟ ᱫᱚ ᱪᱤᱠᱟᱹᱢ ᱩᱨᱩᱢ ᱞᱮᱫ ᱾᱾

ᱮᱴᱟᱜ ᱡᱟᱹᱛᱤ ᱠᱚ ᱛᱟᱞᱟ ᱨᱮᱢ ᱛᱟᱦᱮᱸᱱ ᱨᱮ ᱾
ᱡᱟᱱᱟᱢ ᱟᱲᱟᱝ ᱛᱮ ᱨᱚᱲ ᱫᱚᱢ ᱞᱟᱡᱟᱣᱮᱱ ᱾
ᱟᱹᱫᱤᱢ ᱡᱟᱹᱛᱤ ᱼᱼᱼ ᱟᱹᱫᱤᱢ ᱡᱟᱹᱛᱤ,
ᱟᱢ ᱫᱚᱨᱮ ᱛᱤᱥᱮᱢ ᱟᱹᱠᱤᱞᱚᱜ ᱾᱾

ᱵᱟᱹᱭᱨᱤ ᱥᱟᱞᱟᱜ ᱡᱩᱫᱤ ᱟᱢ ᱜᱟᱛᱮᱜᱼᱟ ᱾
ᱫᱤᱥᱚᱢ ᱛᱟᱞᱟ ᱨᱮ ᱥᱮᱸᱜᱮᱞᱮᱢ ᱡᱩᱞᱟ ᱾
ᱟᱹᱫᱤᱢ ᱡᱟᱹᱛᱤ ᱼᱼᱼ ᱟᱹᱫᱤᱢ ᱡᱟᱹᱛᱤ,
ᱥᱟᱣᱛᱟ ᱫᱚ ᱪᱤᱠᱟᱹᱢ ᱩᱨᱩᱢ ᱞᱮᱫ ᱾᱾

***

ᱡᱷᱟᱨᱱᱟ ᱜᱟᱰᱟ

ᱢᱟᱹᱱᱤᱡ ᱥᱩᱞᱚᱛᱟ ᱦᱟᱸᱥᱫᱟᱜ
ᱠᱷᱚᱲᱚᱜᱽᱯᱩᱨ
ᱯᱩᱪᱷᱤᱢ ᱵᱟᱝᱞᱟ

ᱵᱩᱨᱩ ᱨᱮᱱᱟᱜ ᱡᱷᱟᱨᱱᱟ ᱫᱟᱜ
ᱜᱟᱰᱟ ᱨᱮᱜᱮ ᱢᱮᱥᱟᱜ ᱠᱟᱱ
ᱢᱟᱥᱮ ᱜᱟᱰᱟ ᱞᱟᱹᱭᱟᱹᱧ ᱢᱮ
ᱚᱠᱟ ᱟᱫᱚᱢ ᱪᱟᱞᱟᱜ ᱠᱟᱱ ᱾

ᱥᱤᱧ ᱧᱤᱫᱟᱹᱢ ᱟᱹᱛᱩᱜ ᱠᱟᱱ
ᱠᱟᱹᱦᱤᱸᱥ ᱵᱮᱡᱟᱨ ᱵᱟᱹᱱᱩᱜ ᱛᱟᱢ
ᱢᱟᱱᱟ ᱵᱟᱫᱷᱟ ᱵᱟᱝ ᱟᱛᱟᱢ
ᱵᱚᱛᱚᱨ ᱦᱚᱸ ᱵᱟᱹᱱᱩᱜ ᱛᱟᱢ ᱾

ᱚᱠᱚᱭ ᱠᱚᱫᱚ ᱜᱟᱛᱮ ᱛᱟᱢ
ᱵᱤᱧ ᱠᱤᱫᱤᱧ ᱢᱟᱜᱟᱲ ᱛᱟᱭᱟᱱ
ᱡᱟᱹᱛ ᱵᱤᱪᱟᱹᱨ ᱵᱟᱹᱱᱩᱜ ᱛᱟᱢ
ᱨᱟᱹᱜᱤ ᱠᱟᱹᱦᱤᱸᱥ ᱦᱚᱸ ᱵᱟᱝ ᱾

ᱥᱩᱠ ᱨᱮᱜᱮ ᱚᱠᱚᱭ ᱦᱟᱞᱮ
ᱫᱩᱠ ᱨᱮᱜᱮ ᱵᱟᱝ ᱚᱠᱚᱭ
ᱢᱚᱱᱮᱨ ᱠᱟᱛᱷᱟ ᱟᱸᱡᱚᱢ ᱞᱟᱹᱜᱤᱫ
ᱚᱠᱚᱭ ᱦᱚᱸ ᱵᱟᱭ ᱥᱚᱢᱚᱭ ᱾

ᱵᱚᱦᱮᱞ ᱛᱩᱞᱩᱡ ᱛᱤᱱᱟᱹᱜ
ᱦᱟᱞᱮᱢ ᱛᱟᱣᱟᱜ ᱛᱟᱨᱠᱚᱜ
ᱦᱟᱹᱥᱩ ᱡᱟᱞᱟ ᱜᱩᱜᱩ ᱠᱟᱛᱮ
ᱠᱟᱹᱢᱤᱢ ᱨᱤᱦᱤᱴᱚᱜ ᱾

***

ᱪᱟᱢᱯᱟ ᱵᱟᱦᱟ

ᱢᱟᱹᱱᱤᱡ ᱟᱹᱨᱥᱩ ᱦᱟᱸᱥᱫᱟᱜ
ᱵᱷᱩᱵᱚᱱᱮᱥᱣᱚᱨ
ᱳᱰᱤᱥᱟ

ᱮᱱᱟ ᱵᱟᱦᱟ
ᱪᱟᱢᱯᱟ ᱵᱟᱦᱟ
ᱵᱩᱨᱩ ᱥᱚᱸᱜᱷᱟ ᱨᱮᱢ ᱵᱟᱦᱟ ᱟᱠᱟᱱ
ᱟᱹᱰᱤ ᱪᱚᱨᱚᱠ ᱮᱢ ᱧᱮᱞᱚᱜ᱾

ᱠᱚᱨᱚᱢ ᱠᱚᱯᱟᱲ ᱱᱟᱯᱟᱭ ᱛᱟᱢᱟ
ᱞᱟᱯᱷᱟᱝ ᱰᱟᱹᱨ ᱨᱮᱢ ᱵᱟᱦᱟ ᱟᱠᱟᱱ
ᱥᱟᱠᱟᱢ ᱫᱟᱱᱟᱝ ᱨᱮᱢ ᱵᱟᱦᱟ ᱟᱠᱟᱱ
ᱩᱠᱩ ᱫᱟᱱᱟᱝ ᱠᱷᱚᱱ ᱮᱢ ᱠᱚᱭᱚᱜᱽ ᱾

ᱦᱤᱥᱤᱫ ᱦᱚᱭ ᱛᱮᱢ ᱦᱤᱞᱟᱹᱣᱜ
ᱜᱟᱹ ᱣᱤᱡᱽ ᱞᱮᱠᱟᱢ ᱧᱮᱞᱚᱜ
ᱱᱟᱥᱮ ᱵᱷᱩᱴᱩᱜ ᱵᱟᱦᱟ
ᱞᱟᱸᱫᱟᱭ ᱞᱮᱠᱟᱢ ᱧᱮᱞᱚᱜ ᱾

ᱮᱱᱟ ᱵᱟᱦᱟ ᱪᱟᱢᱯᱟ ᱵᱟᱦᱟ
ᱵᱩᱥᱟᱹᱲ ᱮᱱᱟᱢ ᱯᱷᱩᱴᱟᱹᱣ ᱮᱱᱟᱢ
ᱨᱟᱥᱟ ᱛᱮᱢ ᱯᱮᱨᱮᱡ ᱮᱱᱟ
ᱵᱟᱦᱟ ᱥᱚᱸᱫᱷᱟᱲ ᱥᱳ
ᱦᱤᱥᱤᱫ ᱦᱚᱭ ᱛᱮ
ᱜᱚᱴᱟ ᱯᱟᱥᱱᱟᱣ ᱮᱱᱟ ᱾

ᱮᱱᱟ ᱵᱟᱦᱟ ᱪᱟᱢᱯᱟ ᱵᱟᱦᱟ
ᱦᱤᱥᱤᱫ ᱦᱤᱥᱤᱫ ᱦᱚᱭ ᱛᱮ
ᱟᱢᱮᱢ ᱥᱚᱫᱚᱨ ᱮᱱᱟ
ᱫᱤᱥᱚᱢ ᱦᱚᱲᱟᱜ
ᱢᱚᱱᱮᱢ ᱨᱤᱡᱷᱟᱹᱣ
ᱟᱢᱮᱢ ᱵᱟᱦᱟ ᱞᱮᱱᱟ ᱾

ᱮᱱᱟ ᱵᱟᱦᱟ ᱪᱟᱢᱯᱟ ᱵᱟᱦᱟ
ᱟᱹᱜᱩ ᱠᱮᱢᱟᱹᱧ ᱢᱮᱱᱛᱮ
ᱵᱟᱦᱟ ᱠᱮᱢᱟᱹᱧ ᱮᱱᱛᱮ
ᱤᱧ ᱢᱟᱹᱧ ᱛᱟᱭᱚᱢ ᱮᱱᱟ
ᱚᱠᱚᱭ ᱪᱚᱠᱚ ᱵᱟᱦᱟ ᱟᱱᱟ
ᱤᱧ ᱫᱩᱧ ᱮᱲᱩ ᱮᱱᱟ ᱾

***

ᱭᱩᱴᱮᱨᱟᱭᱤᱱ ᱯᱨᱳᱞᱮᱯᱥ (Uterine Prolapse)

ᱰᱨᱹ ᱯᱟᱨᱵᱚᱛᱤ ᱥᱚᱨᱮᱱ
ᱡᱟᱢᱥᱮᱫᱽᱯᱩᱨ,
ᱡᱷᱟᱨᱠᱷᱚᱸᱰ

ᱠᱩᱲᱤ ᱦᱚᱯᱚᱱᱟᱜ ᱞᱟᱡ ᱵᱷᱤ᱐ᱨᱤ ᱜᱚᱨᱵᱷᱟᱥᱚᱭ ᱡᱚᱠᱷᱚᱱ ᱨᱟᱪᱟ ᱡᱚᱝ ᱦᱚᱨ ᱥᱮᱫ ᱐ᱮ ᱵᱟᱦᱨᱮ ᱚᱰᱚᱠᱚᱜᱼᱟ, ᱚᱱᱟ ᱜᱮ ᱵᱚᱱ ᱢᱮᱱᱟ – ᱯᱨᱚᱞᱟᱯᱥ ᱾ ᱜᱚᱨᱵᱷᱟᱥᱚᱭ ᱫᱚ ᱞᱟ᱐ᱟᱨ ᱞᱟᱡ ᱨᱮ ᱡᱟᱝ ᱠᱷᱚᱱ ᱵᱟᱵᱮᱨ ᱞᱮᱠᱟᱱᱟᱜ ᱡᱤᱞ ᱟᱨ ᱞᱤᱜᱟᱢᱮᱱᱴᱥ ᱐ᱮ ᱐ᱚᱞ ᱟᱠᱟ ᱠᱚᱜᱼᱟ, ᱱᱚᱣᱟ ᱡᱤᱞ ᱟᱨ ᱞᱤᱜᱟᱢᱮᱱᱴᱥ ᱠᱚ ᱡᱟᱹᱥ᱐ᱤ ᱠᱚᱢᱡᱳᱨᱚᱜ ᱠᱷᱟᱱ ᱡᱟᱹᱥ᱐ᱤ ᱚᱨᱚᱜᱚᱜᱼᱟ ᱥᱮ ᱛᱤᱸᱡᱟᱹᱣᱜᱼᱟ, ᱱᱚᱣᱟ ᱥᱟᱶᱼᱥᱟᱶ ᱐ᱮ ᱜᱚᱨᱵᱷᱟᱥᱚᱭ ᱞᱟ᱐ᱟᱨ ᱥᱮᱱ ᱨᱮ ᱐ᱟᱸᱦᱮᱱ ᱜᱤᱫᱽᱨᱟᱹ ᱚᱰᱚᱠᱚᱜ ᱦᱚᱨ (ᱪᱮᱨᱶᱤᱽ), ᱵᱷᱮᱡᱟᱭᱱᱟᱞ ᱣᱟᱞ, ᱨᱟᱪᱟ ᱵᱞᱟᱰᱚᱨ (Urinary bladder), ᱴᱟᱺᱰᱤ ᱡᱚᱝ ᱦᱚᱨ (Rectum) ᱨᱮᱱ ᱞᱟ᱐ᱟᱨ ᱵᱷᱟᱜᱽ, ᱡᱟᱦᱟᱸ ᱐ᱮ ᱜᱚᱨᱵᱷᱟᱥᱚᱭ ᱮ ᱥᱮᱯᱮᱧ ᱧᱚᱜ ᱟᱠᱟᱜᱼᱟ, ᱱᱚᱣᱟ ᱠᱚᱦᱚᱸ ᱡᱚ᱐ᱚ ᱠᱚᱢᱡᱳᱨ ᱡᱟᱣᱨᱟᱜᱼᱟ, ᱠᱷᱟᱱ ᱜᱮ ᱜᱚᱨᱵᱷᱟᱥᱳᱭ ᱫᱚ ᱵᱟᱹᱭᱼᱵᱟᱹᱭ ᱐ᱮ ᱨᱟᱪᱟ ᱦᱚᱨ ᱐ᱮ ᱞᱟ᱐ᱟᱨ ᱥᱮᱱ ᱟᱬᱜᱚ ᱦᱤᱡᱩᱜᱼᱟ ᱟᱨ ᱐ᱟᱭᱚᱢ ᱫᱚ ᱵᱟᱦᱨᱮ ᱦᱚᱸ ᱚᱰᱚᱠ ᱩ᱐ᱟᱹᱨᱚᱜᱼᱟ᱾ ᱱᱚᱣᱟ ᱫᱚ ᱜᱤᱫᱽᱨᱟᱹ ᱮᱸᱜᱟ᱐ᱚᱜ ᱩᱢᱮᱨ ᱠᱷᱚᱱ ᱦᱚᱲᱢᱚ ᱵᱟᱦᱟᱜ ᱐ᱷᱩᱠᱟᱹᱢᱚᱜ ᱫᱷᱟᱹᱵᱤᱡ ᱨᱤᱱ ᱡᱚ᱐ᱚ ᱠᱩᱲᱤ ᱦᱚᱯᱚᱱ ᱜᱮ ᱧᱟᱢ ᱫᱟᱲᱮᱭᱟᱠᱚᱣᱟ᱾ᱮᱱ ᱦᱚᱸ ᱵᱟᱹᱲ᱐ᱤ ᱩᱢᱮᱨᱟᱱ ᱠᱚ ᱢᱩᱫᱽ ᱨᱮ ᱵᱟᱹᱲ᱐ᱤ ᱧᱮᱞᱚᱜᱚᱜᱼᱟ ᱾
ᱱᱚᱨᱢᱟᱞ ᱜᱚᱨᱵᱷᱟᱥᱚᱭ ᱯᱨᱳᱞᱮᱯᱥ ᱜᱚᱨᱵᱷᱟᱥᱚᱭ ᱱᱚᱣᱟ ᱦᱩᱭᱩᱜ ᱠᱟᱨᱚᱱᱼ

᱑) ᱡᱟᱹᱥ᱐ᱤ ᱜᱤᱫᱽᱨᱟᱹ ᱞᱟᱜᱮ ᱞᱟᱜᱮ ᱡᱟᱱᱟᱢ
᱒) ᱜᱤᱫᱽᱨᱟᱹ ᱡᱟᱱᱟᱢᱚᱜ ᱡᱚᱠᱷᱚᱱ ᱟᱹᱰᱤ ᱡᱟᱹᱥ᱐ᱤ ᱠᱚᱥᱴᱚ ᱥᱮ ᱫᱟᱲᱮ ᱞᱟᱜᱟ᱐ᱚᱜ
᱓) ᱡᱟᱱᱟᱢ ᱦᱚᱨ ᱟᱹᱣᱨᱤ ᱥᱟᱯᱲᱟᱣ ᱨᱮ ᱫᱟᱲᱮ ᱮᱢᱚᱜᱚᱜ
᱔) ᱡᱟᱱᱟᱢ ᱦᱚᱨ ᱡᱟᱹᱥ᱐ᱤ ᱜᱷᱟᱹᱞᱚᱜ
᱕) ᱰᱮᱞᱤᱵᱷᱚᱨᱤ ᱯᱚᱨᱮ ᱡᱤᱨᱟᱹᱣ ᱵᱟᱝ ᱦᱟ᱐ᱟᱣ ᱠᱟ᱐ᱮ ᱦᱟᱢᱟᱞ ᱠᱟᱹᱢᱤ ᱠᱚ ᱐ᱚᱨᱟᱣ
᱖) ᱭᱩᱴᱮᱨᱚᱥ ᱥᱟᱯᱳᱨᱴᱟᱨ ᱡᱤᱞ ᱠᱚ ᱡᱟᱹᱥ᱐ᱤ ᱠᱚᱢᱡᱳᱨ ᱟᱨ ᱚᱨᱚᱜᱚᱜ ᱠᱷᱟᱹ᱐ᱤᱨ
᱗) ᱡᱟᱹᱥ᱐ᱤ ᱢᱚᱴᱟ ᱠᱩᱲᱤ
᱘) ᱠᱳᱱᱥᱴᱤᱯᱮᱥᱚᱱᱼ ᱵᱚᱨᱟᱵᱳᱨ ᱞᱟᱡ ᱯᱨᱮᱥᱚᱨ ᱵᱟᱹᱲ᱐ᱤ ᱐ᱟᱸᱦᱮᱱ
᱙) ᱯᱨᱮᱜᱽᱱᱮᱱᱥᱤ ᱚᱠ᱐ᱚ ᱮᱱᱤᱢᱤᱭᱟ ᱥᱮ ᱢᱟᱭᱟᱢ ᱠᱚᱢ ᱐ᱟᱦᱮᱸᱱ ᱠᱷᱟᱱ

ᱞᱟᱜᱮ ᱞᱟᱜᱮ ᱜᱤᱫᱽᱨᱟᱹ ᱚᱢᱚᱱᱚᱜ ᱨᱮ ᱦᱚᱲᱢᱚ ᱩᱰᱷᱟᱹᱣ ᱚᱠ᱐ᱚ ᱵᱟᱭ ᱧᱟᱢᱟ, ᱡᱟᱱᱟᱢ ᱚᱠ᱐ᱚ ᱦᱚᱨ ᱟᱹᱣᱨᱤ ᱵᱮᱱᱟᱣᱜ ᱨᱮ ᱡᱟᱹᱥ᱐ᱤ ᱫᱟᱲᱮ ᱞᱟᱜᱟᱣ ᱨᱮ, ᱱᱚᱣᱟ ᱠᱷᱟᱹ᱐ᱤᱨ ᱦᱚᱨ ᱠᱚᱦᱚᱸ ᱜᱷᱟᱹᱞᱚᱜ ᱨᱮ ᱭᱩᱴᱮᱨᱚᱥ ᱨᱤᱱ ᱥᱟᱯᱚᱨᱴ ᱡᱤᱞ ᱠᱚ ᱜᱷᱟᱹᱞ ᱟᱨ ᱠᱚ ᱠᱚᱢᱡᱳᱨᱚᱜᱼᱟ᱾ᱜᱤᱫᱽᱨᱟᱹ ᱡᱟᱱᱟᱢ ᱯᱚᱨᱮ ᱡᱤᱨᱟᱹᱣ ᱟᱹᱰᱤ ᱞᱟᱹᱠ᱐ᱤᱭᱟ᱾ ᱢᱤᱫ ᱪᱟᱸᱫᱚ ᱐ᱟᱨᱟ ᱠᱷᱚᱱ ᱯᱮ ᱪᱟᱸᱫᱚ ᱫᱷᱟᱹᱵᱤᱡ ᱡᱤᱨᱟᱹᱣ ᱟᱹᱰᱤ ᱞᱟᱹᱠ᱐ᱤᱭᱟ᱾ ᱱᱚᱣᱟ ᱥᱚᱢᱚᱭ ᱨᱮ ᱦᱚᱲᱢᱚ ᱩᱰᱷᱟᱹᱣ ᱨᱩᱣᱟᱹᱲᱚᱜᱼᱟ᱾ ᱵᱮᱥ ᱫᱟᱲᱮ ᱦᱚᱲᱢᱚ ᱠᱷᱟᱱ ᱢᱤᱫ ᱪᱟᱸᱫᱚ ᱐ᱟᱨᱟ ᱐ᱮᱜᱮ ᱟᱨ ᱠᱚᱢᱡᱳᱨ ᱦᱚᱲᱢᱚ ᱫᱚ ᱯᱮ ᱪᱟᱸᱫᱚ ᱞᱟᱜᱟᱣ ᱜᱚᱫᱚᱜ ᱠᱟᱱᱟ᱾ ᱚᱱᱟ ᱐ᱮᱜᱮ ᱯᱨᱮᱜᱽᱱᱮᱱᱥᱤ ᱥᱚᱢᱚᱭ ᱮᱱᱤᱢᱤᱭᱟ ᱥᱮ ᱢᱟᱭᱟᱢ ᱠᱚᱢ ᱟᱨ ᱚᱱᱠᱟᱜᱮ ᱦᱚᱲᱢᱚ ᱠᱚᱢᱡᱳᱨ ᱟᱞᱚ ᱐ᱟᱦᱮᱱ ᱢᱟ, ᱚᱱᱟ ᱵᱚᱱ ᱠᱩᱨᱩᱢᱩᱴᱩᱭᱟ᱾ ᱱᱚᱣᱟ ᱭᱩᱴᱮᱨᱟᱭᱤᱱ ᱯᱨᱚᱞᱟᱯᱥ ᱥᱮ ᱜᱚᱨᱵᱷᱟᱥᱚᱭ ᱥᱟᱶᱼᱥᱟᱶ ᱐ᱮ ᱵᱞᱟᱰᱚᱨ, ᱭᱩᱨᱮ᱐ᱷᱨᱟ, ᱥᱚᱨᱵᱷᱤᱠᱥ, ᱵᱷᱮᱡᱟᱭᱱᱟᱞ ᱣᱟᱞ ᱟᱨ ᱞᱟ᱐ᱟᱨ ᱵᱷᱟᱜᱽ ᱨᱮᱱ ᱨᱮᱠᱴᱚᱢ ᱠᱚᱦᱚᱸ ᱥᱟᱢᱮᱞᱟᱭ ᱠᱚ ᱐ᱟᱸᱦᱮᱱᱟ᱾ ᱚᱱᱟ ᱠᱷᱟᱹ᱐ᱤᱨ ᱐ᱮ ᱵᱞᱟᱰᱚᱨ ᱐ᱮᱱᱚᱜ ᱠᱟᱱ ᱐ᱮ ᱨᱟᱪᱟ ᱡᱚᱝ ᱨᱮ ᱟᱱᱟᱴ ᱦᱩᱭᱩᱜᱼᱟ᱾ᱠᱚᱱᱥᱴᱤᱯᱮᱥᱚᱱ ᱨᱮ ᱵᱚᱨᱟᱵᱚᱨ ᱞᱟᱡ ᱯᱨᱮᱥᱚᱨ ᱡᱟᱹᱥ᱐ᱤ ᱠᱷᱟᱹ᱐ᱤᱨ ᱦᱚᱸ ᱯᱨᱚᱞᱟᱯᱥ ᱦᱩᱭᱩᱜ ᱠᱟᱱᱟ᱾ ᱪᱮᱠᱟ᱐ᱮ ᱵᱚᱱ ᱵᱟᱰᱟᱭ ᱯᱨᱚᱞᱟᱯᱥ ᱮᱦᱚᱵᱚᱜ ᱠᱟᱱᱟ ᱼ ᱟᱭᱩᱵ ᱵᱮᱲᱟ ᱠᱟᱹᱢᱤ ᱞᱟᱸᱜᱟ ᱯᱚᱨᱮ ᱼ ᱰᱟᱸᱰᱟ ᱦᱟᱹᱥᱩ ᱐ᱟᱞᱟᱼᱢᱟᱞᱟ ᱨᱮ, ᱜᱤ᱐ᱤᱡ ᱞᱮᱱ ᱠᱷᱟᱱ ᱟᱨᱟᱢ ᱵᱩᱡᱷᱟᱹᱣᱜᱼᱟ᱾ ᱡᱟᱸᱦᱟᱱᱟᱜ ᱡᱤᱱᱤᱥ ᱜᱮ ᱨᱟᱪᱟ ᱦᱚᱨ ᱐ᱮ ᱟᱬᱜᱚᱱ ᱠᱟᱱᱟ ᱟᱨ ᱠᱷᱩᱜ ᱥᱮ ᱞᱟᱸᱫᱟ ᱞᱮᱠᱷᱟᱱ ᱡᱟᱹᱥ᱐ᱤ ᱟᱬᱜᱚᱱ ᱠᱟᱱ ᱞᱮᱠᱟ ᱵᱩᱡᱷᱟᱹᱣᱜᱼᱟ᱾ ᱱᱚᱣᱟ ᱫᱚ ᱜᱤ᱐ᱤᱡ ᱞᱮᱱ ᱠᱷᱟᱱ ᱵᱷᱤ᱐ᱨᱤ ᱥᱮᱱ ᱵᱚᱞᱚᱱᱟ᱾ᱱᱚᱣᱟ ᱯᱨᱳᱞᱟᱯᱥ ᱠᱷᱟᱹ᱐ᱤᱨ ᱐ᱟᱲᱟᱢ ᱵᱟᱲᱟ ᱦᱚᱸ ᱟᱥᱩᱵᱤᱫᱷᱟ ᱵᱩᱡᱷᱟᱹᱣᱜᱼᱟ᱾ ᱰᱤᱥᱪᱟᱨᱡᱽ ᱠᱚ ᱦᱩᱭᱩᱜᱼᱟ᱾ᱨᱟᱪᱟ ᱡᱚᱝ ᱨᱮ ᱵᱮᱥ ᱪᱚᱱᱴᱨᱚᱞ ᱵᱟᱝ ᱐ᱟᱦᱮᱸᱱᱟ᱾ ᱡᱟᱹᱥ᱐ᱤ ᱡᱩᱨ ᱞᱟᱸᱫᱟ ᱥᱮ ᱠᱷᱩᱜ ᱞᱮᱠᱷᱟᱱ ᱨᱟᱪᱟ ᱫᱟᱜ ᱠᱟᱹᱴᱤᱡᱼᱠᱟᱹᱴᱤᱡ ᱡᱚᱨᱚᱜᱼᱟ ᱟᱨ ᱵᱟᱝ ᱵᱟᱨᱼᱵᱟᱨ ᱨᱟᱪᱟ ᱡᱚᱝ ᱥᱮᱱᱚᱜ ᱥᱟᱱᱟᱦᱟ᱾ᱱᱚᱣᱟ ᱩᱰᱩᱠᱚᱜ ᱠᱟᱱ ᱭᱩᱴᱮᱨᱚᱥ ᱠᱟᱹᱡ ᱵᱷᱤ᱐ᱨᱤ ᱥᱮᱱ ᱴᱷᱮᱞᱟᱣ ᱠᱷᱟᱹᱲ ᱞᱮᱠᱷᱟᱱ ᱨᱟᱪᱟ ᱫᱟᱜ ᱱᱟᱯᱟᱭ ᱐ᱮ ᱩᱰᱩᱠᱚᱜᱼᱟ᱾ ᱱᱚᱣᱟ ᱨᱮᱱᱟᱝ ᱱᱤᱵᱟᱨᱚᱱᱼ ᱯᱨᱮᱜᱽᱱᱮᱱᱥᱤ ᱚᱠ᱐ᱚ ᱥᱚᱢᱚᱭ ᱢᱚ᱐ᱚ ᱪᱮᱠᱟᱯ ᱱᱟᱯᱟᱭ ᱐ᱮ ᱦᱩᱭ ᱠᱚᱜ ᱢᱟ᱾ᱰᱮᱞᱤᱵᱷᱮᱨᱤ ᱢᱟᱲᱟᱝ ᱠᱩᱲᱤ ᱦᱚᱯᱚᱱ ᱯᱩᱨᱟᱹᱼᱯᱩᱨᱤ ᱯᱷᱤᱴᱮ ᱐ᱟᱸᱦᱮ ᱠᱚᱜ ᱢᱟᱭ, ᱚᱲᱟᱜ ᱨᱮ ᱰᱮᱞᱤᱵᱷᱮᱨᱤ ᱦᱩᱭᱩᱜ ᱠᱷᱟᱱ ᱜᱤᱫᱽᱨᱟᱹ ᱚᱰᱚᱠᱚᱜ ᱦᱚᱨ ᱯᱩᱨᱟᱹᱼᱯᱩᱨᱤ ᱟᱹᱣᱨᱤ ᱵᱮᱱᱟᱣᱜ ᱢᱟᱲᱟᱝ ᱫᱟᱲᱮ ᱟᱞᱚᱭ ᱞᱟᱜᱟᱣ ᱢᱟ᱾ᱰᱮᱞᱤᱵᱷᱟᱨᱤ ᱯᱚᱨᱮ ᱮᱠᱥᱚᱨᱥᱟᱭᱤᱡᱽ, ᱯᱷᱤᱡᱤᱭᱚ᱐ᱷᱮᱨᱟᱯᱤ ᱟᱨ ᱢᱟᱹᱞᱤᱥ ᱟᱹᱰᱤ ᱡᱚᱨᱩᱨᱤᱭᱟ᱾ᱰᱮᱞᱤᱵᱷᱟᱨᱤ ᱯᱚᱨᱮ ᱠᱚᱢ ᱥᱮ ᱠᱚᱢ ᱯᱮ ᱪᱟᱸᱫᱚ ᱫᱷᱟᱹᱵᱤᱡ ᱦᱟᱢᱟᱞᱟᱜ ᱡᱤᱱᱤᱥ ᱠᱚ ᱟᱞᱚᱭ ᱐ᱩᱞ ᱢᱟ, ᱡᱟᱹᱥ᱐ᱤ ᱦᱟᱢᱟᱞ ᱠᱟᱹᱢᱤ ᱟᱞᱚᱭ ᱠᱟᱹᱢᱤ ᱢᱟ, ᱱᱟᱯᱟᱭ ᱡᱚᱢᱟᱜ ᱠᱚ, ᱡᱮᱢᱚᱱ ᱦᱟᱭᱤ ᱯᱨᱳᱴᱤᱱ ᱰᱟᱭᱤᱴᱼᱫᱟᱹᱞ, ᱡᱤᱞ, ᱵᱤᱞᱤ, ᱦᱟᱹᱠᱩ, ᱥᱳᱭᱟᱵᱤᱱ, ᱐ᱳᱣᱟ, ᱟᱲᱟᱜ ᱥᱟᱠᱟᱢ, ᱡᱚᱼᱵᱟᱦᱟ, ᱟᱭᱢᱟ ᱐ᱮᱭ ᱡᱚᱢ ᱢᱟ, ᱡᱟᱸᱦᱟ᱐ᱮ ᱦᱚᱲᱢᱚ ᱐ᱟᱭ ᱞᱚᱜᱚᱱ ᱩᱰᱷᱟᱹᱣ ᱨᱩᱣᱟᱹᱲᱚᱜ ᱢᱟ᱾ ᱢᱟᱲᱟᱝ ᱨᱮ ᱚᱞ ᱟᱠᱟᱱ ᱠᱟᱨᱚᱱ ᱠᱚ ᱟᱞᱚ ᱦᱩᱭᱩᱜ ᱢᱟ, ᱚᱱᱟ ᱞᱟᱹᱜᱤᱫ ᱵᱚᱱ ᱠᱩᱨᱩᱢᱩᱴᱩᱭ ᱢᱟ ᱡᱮᱢᱚᱱᱼ ᱞᱚᱜᱚᱱᱼᱞᱚᱜᱚᱱ ᱜᱤᱫᱽᱨᱟᱹ ᱡᱟᱱᱟᱢ ᱵᱟᱝ, ᱡᱟᱹᱥ᱐ᱤ ᱜᱤᱫᱽᱨᱟᱹ ᱵᱟᱝ, ᱯᱨᱮᱜᱽᱱᱮᱱᱥᱤ ᱚᱠ᱐ᱚ ᱦᱚᱸ ᱦᱚᱲᱢᱚᱼᱦᱟᱭᱡᱤᱱ ᱫᱚᱦᱚ, ᱨᱮᱞᱮᱠᱥᱮᱥᱚᱱ ᱟᱨ ᱨᱟᱣᱟᱞ ᱮᱠᱥᱚᱨᱥᱟᱭᱤᱡᱽ᱾ ᱜᱤᱫᱽᱨᱟᱹ ᱡᱟᱱᱟᱢ ᱦᱚᱨ ᱦᱩᱰᱤᱧ ᱜᱮ ᱠᱷᱟᱱ ᱳᱯᱟᱨᱮᱥᱚᱱ ᱠᱟ᱐ᱮ ᱜᱮ ᱜᱤᱫᱽᱨᱟᱹ ᱫᱚ ᱡᱟᱱᱟᱢ ᱚᱪᱚ ᱞᱟᱹᱠ᱐ᱤᱜ ᱠᱟᱱᱟ᱾

ᱟᱨ ᱡᱩᱫᱤ ᱯᱨᱳᱞᱟᱯᱥ ᱦᱩᱭ ᱩ᱐ᱟᱹᱨᱮᱱ ᱜᱮᱭᱟ, ᱮᱱᱠᱷᱟᱱ ᱱᱚᱣᱟ ᱫᱚ ᱳᱯᱟᱨᱮᱥᱚᱱ ᱠᱟ᱐ᱮ ᱭᱩᱴᱮᱨᱚᱥ ᱠᱚ ᱚᱰᱚᱠ ᱜᱤᱰᱤ ᱠᱟᱜᱼᱟ, ᱡᱩᱫᱤ ᱜᱤᱫᱽᱨᱟᱹ ᱠᱚ ᱟᱹᱣᱨᱤ ᱠᱚ ᱚᱢᱚᱱᱚᱜᱼᱟ, ᱮᱱᱠᱷᱟᱱ ᱫᱚ ᱨᱤᱯᱮᱭᱟᱨ ᱨᱮᱱᱟᱝ ᱠᱚ ᱪᱮᱥᱴᱟᱭᱟ᱾

***

ᱥᱟᱶᱛᱟᱨᱮ ᱛᱤᱨᱞᱟᱹ ᱥᱮᱪᱮᱫ

ᱢᱟᱹᱱᱤᱡ ᱢᱤᱱᱟ ᱢᱩᱨᱢᱩ ᱵᱟᱥᱠᱮ
ᱵᱷᱩᱵᱚᱱᱮᱥᱚᱨ
ᱳᱰᱤᱥᱟ

“ᱠᱩᱲᱤᱼᱵᱟᱹᱦᱩ ᱠᱩᱲᱤ ᱟᱭᱳᱼᱦᱟᱱᱦᱟᱨ ᱟᱭᱳ
ᱛᱤᱨᱞᱟᱹ ᱦᱟᱜ ᱡᱩᱫᱟᱹ ᱡᱩᱫᱟᱹ ᱧᱩᱛᱩᱢ
ᱚᱞ ᱯᱟᱲᱦᱟᱣ ᱥᱮᱪᱮᱫ ᱞᱮᱱᱠᱷᱟᱱᱮ
ᱦᱩᱱᱟᱹᱨ ᱛᱮ ᱡᱚᱲᱟᱣ ᱡᱩᱴᱤᱡ ᱟᱭᱟᱭ ᱩᱯᱩᱨᱩᱢ” ᱾

ᱢᱤᱫ ᱥᱩᱥᱟᱹᱨ ᱥᱟᱶᱟᱨ ᱱᱤᱨᱟᱹᱭ ᱱᱤᱯᱷᱚᱴ ᱥᱟᱶᱛᱟ ᱜᱚᱲᱦᱚᱱ ᱞᱟᱹᱜᱤᱫ ᱛᱮᱠᱷᱟᱱ ᱛᱤᱨᱞᱟᱹ ᱚᱞ ᱯᱟᱲᱦᱟᱣ ᱥᱮᱪᱮᱫ ᱥᱤᱠᱷᱱᱟᱹᱛᱚᱜ ᱫᱚ ᱟᱹᱰᱤ ᱟᱹᱰᱤ ᱫᱚᱨᱠᱟᱨ ᱟᱨ ᱞᱟᱹᱠᱛᱤ ᱢᱮᱱᱟᱜᱼᱟ ᱾ ᱟᱭᱳ ᱜᱮ ᱟᱡ ᱨᱤᱱ ᱜᱤᱫᱽᱨᱟᱹ ᱯᱤᱫᱽᱨᱟᱹ ᱠᱚᱨᱤᱱ ᱯᱩᱭᱞᱩ ᱢᱟᱪᱮᱛᱟᱹᱱᱤ ᱠᱟᱱᱟᱭ ᱾ ᱟᱭᱳ ᱦᱚᱲ ᱥᱮᱪᱮᱫ ᱠᱚᱜ ᱠᱷᱟᱱᱮ ᱵᱟᱰᱟᱭ ᱫᱟᱲᱮᱭᱟᱜ ᱟᱭ ᱚᱠᱟ ᱵᱮᱥᱟ ᱟᱨ ᱚᱠᱟ ᱵᱷᱟᱹᱜᱤᱭᱟ ᱾ ᱦᱚᱱ ᱦᱚᱯᱚᱱ ᱠᱚᱛᱟᱭ ᱱᱟᱯᱟᱭ ᱥᱮᱪᱮᱫ ᱞᱟᱯᱷᱟᱝ ᱥᱟᱪᱟᱨᱦᱮᱫ ᱪᱮᱫ ᱪᱤᱱᱦᱟᱹᱣ ᱥᱤᱠᱷᱟᱹᱣ ᱫᱟᱲᱮ ᱟᱠᱚ ᱟᱭ ᱾ ᱤᱠᱷᱟᱹᱱ ᱟᱵᱚ ᱥᱟᱶᱛᱟ ᱨᱮ ᱠᱚᱲᱟ ᱠᱷᱚᱱ ᱠᱩᱲᱤᱭᱟᱜ ᱥᱮᱪᱮᱫ ᱫᱚᱨ ᱫᱚ ᱟᱹᱰᱤ ᱠᱚᱢᱟ ᱾ ᱚᱱᱟᱛᱮ ᱛᱚᱯᱷᱟᱛ ᱟᱨ ᱵᱟᱝ ᱚᱱᱛᱚᱨ ᱰᱮᱦᱮᱨ ᱧᱮᱞᱚᱜᱼᱟ ᱾ ᱟᱵᱚ ᱨᱤᱱ ᱛᱤᱱᱟ.ᱜ ᱜᱟᱱ ᱢᱟᱨᱮᱦᱟᱹᱴᱤᱭᱟᱹ ᱩᱭᱦᱟᱹᱨ ᱵᱷᱟᱵᱽᱱᱟ ᱟᱭᱳ ᱵᱟᱵᱟ ᱢᱟᱠᱚ ᱢᱮᱱᱟ ᱦᱚᱯᱚᱱ ᱮᱢ ᱚᱞ ᱯᱟᱲᱦᱟᱣ ᱚᱪᱚ ᱠᱟᱭ ᱠᱷᱟᱱ ᱢᱤᱫ ᱫᱤᱱᱮ ᱟᱹᱥᱩᱞ ᱢᱮᱭᱟ ᱾ ᱟᱨ ᱦᱚᱯᱚᱱ ᱮᱨᱟ ᱢᱟ ᱮᱴᱟᱜ ᱚᱲᱟᱜ ᱫᱩᱣᱟᱹᱨ ᱛᱮ ᱪᱟᱞᱟᱜ ᱟᱭ ᱾ ᱵᱮᱥ ᱵᱷᱟ.ᱜᱤ ᱠᱟᱹᱢᱤ ᱯᱟᱹᱭᱴᱟᱹᱲᱤ ᱠᱚᱢ ᱪᱮᱫ ᱥᱮᱬᱟ ᱟᱭ ᱠᱷᱟᱱ ᱡᱟᱦᱟᱸ ᱛᱤᱥ ᱠᱟᱛᱷᱟ ᱵᱟᱢ ᱟᱸᱡᱚᱢᱟ ᱾ᱱᱚᱛᱮ ᱥᱚᱨᱠᱟᱨ ᱫᱚᱭ ᱠᱟᱠᱞᱮ ᱮᱫᱼᱟ ᱠᱚᱲᱟ ᱟᱨ ᱠᱩᱲᱤ ᱜᱤᱫᱽᱨᱟᱹ ᱵᱟᱱᱟᱨ ᱜᱮ ᱠᱤᱱ ᱢᱤᱫ ᱥᱚᱢᱟᱱᱟ ᱾ ᱠᱚᱲᱟ ᱜᱤᱫᱽᱨᱟᱹ ᱞᱮᱠᱟ ᱜᱮ ᱠᱩᱲᱤ ᱜᱤᱫᱽᱨᱟᱹ ᱟᱜ ᱦᱚᱸ ᱟᱹᱭᱫᱟᱹᱨᱤ ᱢᱮᱱᱟᱜᱼᱟ ᱚᱞ ᱯᱟᱲᱦᱟᱣ ᱠᱟᱛᱮ ᱱᱤᱡᱚᱨ ᱡᱟᱸᱜᱟ ᱛᱮ ᱛᱤᱸᱜᱩ ᱠᱮᱴᱮᱡᱚᱜ ᱞᱟᱹᱜᱤᱫ ᱾ ᱫᱤᱥᱚᱢ ᱨᱮ ᱮᱴᱟᱜ ᱡᱟᱹᱛᱤ ᱠᱚ ᱞᱮᱠᱟ ᱟᱵᱚ ᱥᱟᱶᱛᱟ ᱨᱤᱱ ᱛᱤᱨᱞᱟᱹ ᱦᱚᱯᱚᱱ ᱠᱚᱣᱟᱜ ᱥᱮᱪᱮᱫ ᱫᱚᱨ ᱫᱚ ᱩᱱᱠᱩ ᱥᱟᱶ ᱵᱟᱭ ᱵᱟᱨᱟᱵᱟᱹᱨᱤᱭᱟ ᱾

ᱛᱤᱨᱞᱟᱹ ᱥᱮᱪᱮᱫ ᱨᱮᱱᱟᱜ ᱞᱟᱹᱠᱛᱤ ᱟᱨ ᱞᱟᱵᱽ ᱺ ᱛᱤᱨᱞᱟᱹ ᱥᱮᱪᱮᱫ ᱞᱮᱱᱠᱷᱟᱱᱮ ᱟᱜᱟᱢ ᱫᱟᱨᱟᱢ ᱨᱮ ᱱᱟᱯᱟᱭ ᱡᱤᱵᱚᱱ ᱠᱷᱟNᱰᱟᱣ ᱞᱟᱹᱜᱤᱫ ᱟᱹᱰᱤ ᱞᱮᱠᱟᱱ ᱟᱹᱥᱩᱞᱚᱜ ᱨᱮᱱᱟᱜ ᱯᱟᱱᱛᱷᱟ ᱟᱨ ᱵᱟᱝ ᱛᱟᱠ ᱮ ᱧᱟᱢᱟ ᱾ ᱡᱮᱞᱮᱠ ᱪᱟᱹᱠᱨᱤ ᱱᱩᱠᱨᱤ, ᱵᱮᱯᱟᱨ ᱟᱯᱟᱨ, ᱞᱩᱜᱽᱲᱤ ᱞᱟᱯᱚ ᱥᱤᱞᱟᱹᱭ, ᱥᱟᱬᱮᱥ ᱜᱮᱭᱟᱱ ᱛᱮ ᱪᱟᱥᱵᱟᱥ ᱮᱢᱟᱱ ᱾ ᱟᱵᱚ ᱥᱟᱶᱛᱟ ᱨᱮ ᱧᱮᱞᱚᱜ ᱠᱟᱱ ᱠᱟᱹᱡ ᱠᱟᱹᱡ ᱩᱢᱮᱨ ᱨᱮ ᱠᱩᱥᱤᱵᱟᱹᱥᱤ ᱛᱮ ᱧᱟᱯᱟᱢ ᱵᱟᱯᱞᱟ ᱟᱨ ᱤᱱᱟᱹ ᱛᱟᱭᱚᱢ ᱠᱟᱹᱣᱰᱤ ᱟᱱᱟᱴ ᱠᱷᱟᱹᱛᱤᱨ ᱜᱷᱟᱨᱚᱸᱡᱽ ᱪᱚᱲᱟᱣ ᱨᱮ ᱚᱵᱷᱟᱵᱽ ᱦᱟᱨᱠᱮᱛ ᱮᱴᱠᱮᱴᱚᱬᱮ ᱾ ᱛᱟᱭᱚᱢ ᱵᱤᱫᱟᱹᱞ ᱫᱚ ᱱᱟᱢᱟᱞ ᱟᱹᱥᱩᱞᱚᱜ ᱵᱟᱝ ᱠᱷᱟᱱ ᱦᱟᱺᱰᱤ ᱯᱟᱣᱨᱟᱹ ᱟᱠᱷᱨᱤᱧ ᱪᱷᱟᱰᱟ ᱟᱨ ᱪᱮᱫ ᱩᱯᱟᱹᱭ ᱥᱮ ᱪᱟᱨᱟ ᱜᱮ ᱵᱟᱝ ᱛᱟᱦᱮᱸᱱ ᱠᱟᱱᱟ ᱾ ᱚᱱᱟᱛᱮ ᱛᱤᱨᱞᱟᱹ ᱦᱚᱯᱚᱱ ᱥᱮᱪᱮᱫᱚᱜ ᱱᱤᱦᱟ.ᱛᱤ ᱫᱚᱨᱠᱟᱨᱚᱜ ᱠᱟᱱᱟ ᱾ ᱡᱟᱦᱟᱸ ᱛᱮ ᱟᱵᱚ ᱥᱟᱶᱛᱟ ᱨᱮᱱᱟᱜ ᱱᱚᱣᱟ ᱡᱮᱞᱢᱮ ᱴᱮᱠᱮᱨ ᱪᱤᱛᱟᱹᱨ ᱵᱚᱫᱚᱞ ᱦᱩᱭ ᱫᱟᱲᱮᱭᱟᱜᱼᱟ ᱾

ᱛᱤᱨᱞᱟᱹ ᱥᱮᱪᱮᱫ ᱠᱚᱜ ᱠᱷᱟᱱᱮ ᱟᱡᱟᱜ ᱦᱚᱠ ᱟᱹᱭᱫᱟᱹᱨᱤ ᱵᱟᱵᱚᱛ ᱛᱮ ᱵᱟᱰᱟᱭ ᱫᱟᱲᱮᱭᱟᱜ ᱟᱭ ᱾ ᱥᱟᱶᱛᱟ ᱨᱮ ᱧᱮᱞᱚᱜ ᱠᱟᱱ ᱦᱚᱱ ᱠᱤᱢᱤᱱ ᱪᱮᱛᱟᱱ ᱱᱟᱦᱟᱪᱟᱨ ᱠᱩᱥᱤᱜ ᱠᱷᱟᱱᱮᱢ ᱫᱚᱦᱚ ᱮᱼᱠᱟᱱᱟ ᱾ ᱵᱟᱠᱷᱟᱱ ᱵᱟᱨᱚ rᱚᱸᱡᱚᱱ ᱥᱟᱛᱟᱣ ᱠᱟᱛᱮᱢ ᱵᱟᱹᱜᱤ ᱮᱼᱠᱟᱱᱟ ᱾ ᱟᱨ ᱵᱟᱝ ᱠᱷᱟᱱᱮᱢ ᱪᱷᱩᱴᱠᱤ ᱟᱭ ᱠᱟᱱᱟ ᱾ ᱱᱚᱝᱠᱟᱱ ᱡᱟᱭᱜᱟ ᱨᱮᱫᱚ ᱠᱩᱲᱤ ᱦᱚᱯᱚᱱ ᱥᱮᱪᱮᱫ ᱠᱚᱜ ᱠᱷᱟᱱᱮ ᱟᱹᱭᱤᱱ ᱠᱟᱹᱱᱩᱱ ᱨᱮᱱᱟᱜ ᱟᱥᱨᱟ ᱤᱫᱤ ᱠᱟᱛᱮ ᱟᱡᱟᱜ ᱦᱚᱠ ᱞᱟᱹᱜᱤᱫ ᱞᱟᱹᱲᱦᱟᱹᱭ ᱫᱟᱲᱮᱭᱟᱜ ᱟᱭ ᱾ ᱟᱨ ᱜᱮ ᱛᱤᱨᱞᱟᱹ ᱠᱚ ᱥᱮᱪᱮᱫᱚᱜ ᱠᱷᱟᱱ ᱱᱟᱵᱟᱞᱤᱠ ᱵᱟᱯᱞᱟ ᱠᱚᱢᱚᱜ ᱥᱟᱶᱛᱮ ᱟᱭᱳ ᱵᱮᱱᱟᱣᱜ ᱚᱠᱛᱮ ᱜᱤᱫᱽᱨᱟᱹ ᱥᱟᱶᱛᱮ ᱮᱸᱜᱟᱛ ᱦᱟᱱᱟᱥ ᱫᱚᱨ ᱦᱚᱸ ᱪᱟᱵᱟ ᱫᱟᱲᱮᱭᱟᱜᱼᱟ ᱾

ᱛᱤᱨᱞᱟᱹ ᱥᱮᱪᱮᱫ ᱨᱮ ᱥᱚᱨᱠᱟᱨᱤ ᱯᱚᱨᱛᱚᱱ ᱺ ᱟᱵᱚ ᱟᱹᱫᱤᱵᱟᱹᱥᱤ ᱠᱩᱲᱤ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱥᱚᱨᱠᱟᱨ ᱟᱵᱟᱥᱤᱠ ᱠᱚᱱᱭᱟᱥᱨᱚᱢ ᱟᱹᱰᱤ ᱴᱷᱟᱶ ᱨᱮ ᱵᱮᱱᱟᱣ ᱟᱠᱟᱫᱟᱭ ᱾ ᱡᱟᱦᱟᱸ ᱨᱮ ᱤᱱᱠᱟᱹ ᱯᱚᱞᱟ ᱛᱮ ᱡᱚᱢ ᱧᱩ ᱠᱷᱟᱛᱟ ᱠᱚᱞᱚᱢ ᱯᱚᱛᱚᱵ ᱥᱟᱶᱛᱮ ᱭᱩᱱᱤᱯᱷᱚᱨᱢ ᱠᱚ ᱧᱟᱢ ᱮᱫᱼᱟ ᱚᱞ ᱯᱟᱲᱦᱟᱣ ᱵᱟᱠᱷᱨᱟ ᱾ ᱤᱱᱟᱹ ᱨᱮᱦᱚᱸ ᱥᱟᱶᱛᱟ ᱨᱤᱱ ᱥᱟᱱᱟᱢ ᱠᱩᱲᱤ ᱜᱤᱫᱽᱨᱟᱹ ᱚᱞᱚᱜ ᱯᱟᱲᱦᱟᱣ ᱞᱟᱹᱜᱤᱫ ᱫᱟᱣ ᱵᱟᱠᱚ ᱧᱟᱢ ᱫᱟᱲᱮᱭᱟᱜ ᱠᱟᱱᱟ ᱾ ᱡᱟᱦᱟᱸ ᱛᱤᱱᱟ.ᱜ ᱠᱚ ᱯᱟᱲᱦᱟᱣᱜ ᱠᱟᱱᱟ ᱩᱱᱠᱩ ᱢᱩᱫᱽ ᱨᱮ ᱟᱫᱷᱟᱱ ᱫᱚ ᱦᱟᱭᱤᱼᱥᱠᱩᱞ ᱛᱟᱭᱚᱢ ᱟᱨ ᱢᱟᱲᱟᱝ ᱥᱮᱫ ᱵᱟᱠᱚ ᱯᱟᱲᱦᱟᱣg ᱠᱟᱱᱟ ᱾ ᱚᱠᱟᱨᱮ ᱜᱷᱟᱨᱚᱸᱡᱽ ᱨᱮ ᱴᱟᱠᱟ ᱯᱩᱭᱥᱟᱹ ᱟᱱᱟᱴ ᱛᱟᱦᱮᱸᱱ ᱠᱟᱱᱟ ᱛᱚ ᱚᱠᱟ ᱠᱚᱨᱮ ᱫᱚ ᱠᱩᱲᱤ ᱜᱤᱫᱽᱨᱟᱹ ᱦᱟᱜ ᱵᱟᱝ ᱨᱟᱹᱡᱤ ᱛᱮᱨᱮᱦᱚᱸ ᱠᱚ ᱵᱟᱯᱞᱟ ᱠᱟᱠᱚ ᱠᱟᱱᱟ ᱾ ᱚᱱᱟ ᱞᱟᱹᱜᱤᱫ ᱟᱭᱳ ᱵᱟᱵᱟ ᱠᱚ ᱵᱩᱡᱷᱟᱹᱣᱜ ᱟᱨ ᱪᱤᱨᱜᱟᱹᱞᱚᱜ ᱫᱚᱨᱠᱟᱨᱚᱜ ᱠᱟᱱᱟ ᱾ ᱠᱩᱲᱤ ᱜᱤᱫᱽᱨᱟᱹ ᱦᱚᱸ ᱞᱟᱯᱷᱟᱝ ᱪᱮᱥᱮᱫ ᱚᱪᱚ ᱠᱚ ᱞᱟᱹᱜᱤᱫ ᱟᱠᱚᱣᱟᱜ ᱡᱟᱸᱜᱟ ᱛᱮ ᱛᱤᱸᱜᱩ ᱠᱮᱴᱮᱡ ᱚᱪᱚ ᱟᱠᱚ ᱞᱟᱹᱜᱤᱫ ᱫᱟᱣ ᱮᱢᱟ ᱠᱚ
ᱵᱟᱠᱷᱨᱟ ᱾ ᱚᱱᱠᱟ ᱜᱮ ᱠᱚᱞᱮᱡᱽ ᱤᱱᱵᱷᱚᱨᱥᱤᱴᱤ ᱠᱚᱨᱮ ᱧᱩᱛᱩᱢ ᱚᱞ ᱞᱟᱹᱜᱤᱫ ᱟᱨ ᱪᱟᱹᱠᱨᱤ ᱧᱟᱢ ᱠᱚᱨᱮ ᱦᱚᱸ ᱠᱩᱲᱤ ᱠᱚ ᱞᱟᱹᱜᱤᱫ ᱫᱚ ᱨᱟᱠᱷᱟ ᱢᱮᱱᱟᱜᱼᱟ ᱾

ᱱᱤᱛᱱᱟᱝ ᱥᱟᱶᱛᱟᱨᱮ ᱛᱤᱨᱞᱟᱹ ᱥᱮᱪᱮᱫ ᱺ ᱱᱤᱛᱚᱜᱟᱜ ᱡᱩᱜᱽ ᱨᱮ ᱟᱹᱰᱤ ᱞᱮᱠᱟᱱ ᱴᱚᱴᱷᱟᱨᱮ ᱟᱵᱚ ᱨᱤᱱ ᱛᱤᱨᱞᱟᱹ ᱠᱚ ᱥᱮᱴᱮᱨ ᱫᱟᱲᱮ ᱟᱠᱟᱣ ᱟᱫᱟᱜᱼᱟ ᱾ ᱰᱟᱠᱛᱚᱨ, ᱤᱱᱡᱤᱱᱤᱭᱟᱨ, ᱯᱨᱚᱯᱷᱮᱥᱚᱨ, ᱯᱩᱞᱤᱥ ᱯᱷᱚᱨᱥ, ᱥᱯᱚᱨᱴᱥ ᱟᱛᱷᱮᱞᱮᱴᱤᱠᱥ ᱮᱢᱟᱱ ᱠᱚᱨᱮ ᱾ ᱟᱨ ᱛᱤᱱᱟ.ᱜ ᱜᱟᱱ ᱫᱚ ᱫᱤᱥᱚᱢ ᱫᱩᱱᱤᱭᱟᱹ ᱨᱮ ᱦᱚᱸ ᱟᱠᱚᱣᱟᱜ ᱧᱩᱛᱩᱢ ᱠᱚ ᱢᱟᱨᱥᱟᱞ ᱫᱟᱲᱮ ᱟᱠᱟᱣ ᱟᱫᱟ ᱾ ᱚᱱᱛᱮ ᱫᱚ ᱛᱤ ᱠᱟᱹᱴᱩᱵ ᱨᱮ ᱞᱮᱠᱷᱟ ᱥᱤᱫ ᱤᱱᱟ.ᱜ ᱜᱟᱱ ᱨᱮᱦᱚᱸ ᱜᱮ ᱠᱚ ᱾ ᱢᱟᱦᱟ ᱢᱟᱹᱦᱤᱢ ᱨᱟᱥᱴᱨᱚᱯᱚᱛᱤ ᱢᱟᱹᱱᱤᱡ ᱫᱨᱚᱣᱯᱚᱫᱤ ᱢᱩᱨᱢᱩ, ᱮᱵᱷoᱨᱮᱥᱴ ᱦᱮᱢᱟᱞ ᱩᱥᱩᱞ
ᱵᱩᱨᱩ ᱴᱩᱭ ᱫᱮᱡ ᱨᱮ ᱢᱟᱹᱭ ᱵᱤᱱᱤᱛᱟ ᱥᱚᱨᱮᱱ, ᱯᱚᱫᱽᱢᱚ ᱥᱨᱤ ᱰᱨᱹ ᱫᱚᱢᱚᱭᱚᱱᱛᱤ ᱵᱮᱥᱨᱟ, ᱢᱟᱹᱱᱤᱡ ᱡᱚᱢᱩᱱᱟ ᱴᱩᱰᱩ, ᱢᱟᱹᱱᱤᱡ ᱪᱟᱹᱢᱤ ᱢᱩᱨᱢᱩ ᱮᱢᱟᱱ ᱾ ᱱᱩᱠᱩ ᱥᱟᱱᱟᱢ ᱛᱤᱨᱞᱟᱹ ᱦᱚᱯᱚᱱ ᱟᱠᱚᱣᱟᱜ ᱥᱮᱪᱮᱫ ᱟᱨ ᱦᱩᱱᱟᱹᱨ ᱫᱟᱲᱮ ᱛᱮ ᱛᱮᱦᱮᱧ ᱩᱱᱟ.ᱜ ᱞᱟᱯᱷᱟᱝ ᱴᱷᱟᱶ ᱨᱮᱠᱚ ᱥᱮᱴᱮᱨ ᱫᱟᱲᱮ ᱟᱠᱟᱣ ᱟᱫᱟᱜᱼᱟ ᱾

ᱡᱟᱭ ᱛᱮᱫ ᱺ ᱢᱤᱫ ᱠᱚᱲᱟ ᱦᱚᱯᱚᱱ ᱚᱞ ᱯᱟᱲᱦᱟᱣg ᱠᱷᱟᱱᱮ ᱟᱡ ᱥᱩᱢᱩᱝ ᱮᱠᱞᱟ ᱜᱮ ᱥᱮᱪᱮᱫᱚᱜ ᱟᱭ ᱾ ᱤᱠᱷᱟᱹᱱ ᱢᱤᱫ ᱛᱤᱨᱞᱟᱹ ᱦᱚᱯᱚᱱ ᱚᱞ ᱯᱟᱲᱦᱟᱣg ᱠᱷᱟᱱᱮ ᱥᱟᱱᱟᱢ ᱜᱷᱟᱨᱚᱸᱡᱽ ᱦᱚᱲ ᱠᱚ ᱥᱮᱪᱮᱫᱚᱜᱼᱟ ᱾ ᱜᱷᱟᱨᱚᱸᱡᱽ ᱨᱤᱱ ᱥᱟᱱᱟᱢ ᱦᱚᱲ ᱠᱚᱣᱟᱜ ᱡᱚᱛᱚᱱ, ᱵᱩᱜᱤ ᱟᱨ ᱵᱷᱟᱹᱞᱟᱹᱭ ᱞᱟᱹᱜᱤᱫ ᱛᱤᱨᱞᱟᱹ ᱟᱜ ᱮᱱᱮᱢ ᱟᱨ ᱟᱞᱟᱭ ᱫᱚ ᱠᱚᱲᱟ ᱦᱚᱯᱚᱱ ᱠᱷᱚᱱ ᱟᱹᱰᱤ ᱵᱤᱥᱛᱤᱭᱟ ᱾ ᱚᱱᱟ ᱛᱮ ᱟᱹᱛᱩ ᱫᱤᱥᱚᱢ ᱛᱟᱭ ᱥᱚᱦᱚᱨ ᱵᱟᱡᱟᱨ ᱛᱤᱨᱞᱟᱹ ᱠᱚ ᱞᱟᱯᱷᱟᱝ ᱥᱮᱪᱮᱫ ᱧᱟᱢ ᱵᱟᱠᱷᱨᱟ ᱡᱚᱛᱚ ᱠᱚᱛᱮ ᱠᱩᱨᱩᱢᱩᱴᱩᱭ ᱞᱟ.ᱠᱛᱤᱜ ᱠᱟᱱᱟ ᱾ ᱥᱟᱱᱟᱢ ᱛᱤᱨᱞᱟᱹ ᱦᱚᱯᱚᱱ ᱚᱞ ᱯᱟᱲᱦᱟᱣ ᱨᱮᱱᱟᱜ ᱛᱟᱠ ᱠᱚ ᱧᱟᱢ ᱫᱟᱲᱮᱭᱟᱜ ᱮᱱᱟᱝ ᱟᱨ ᱫᱟᱣ ᱠᱚ ᱦᱟᱛᱟᱣ ᱞᱮ ᱮᱱᱟᱝ ᱜᱮ ᱟᱵᱚ ᱡᱟᱹᱛᱤ ᱥᱟᱶᱛᱟ ᱞᱟᱦᱟgᱼᱟ ᱞᱟᱯᱷᱟᱝ ᱚᱜᱼᱟ ᱾ ᱟᱵᱚ ᱥᱟᱶᱛᱟ ᱨᱮ ᱛᱤᱨᱞᱟᱹ ᱫᱤᱥᱟᱹ ᱛᱮ ᱢᱤᱫ ᱚᱱoᱬᱦᱮ ᱤᱧ ᱫᱚᱲᱚᱢ ᱠᱮᱫᱼᱟ ᱼ

ᱛᱤᱨᱞᱟᱹ ᱡᱚᱱᱚᱢ

ᱤᱧ ᱫᱚ ᱥᱟᱫᱮᱨ ᱦᱚᱯᱚᱱ ᱮᱨᱟ ᱫᱩᱞᱟᱹᱲᱤᱭᱟᱹ ᱢᱤᱥᱮᱨᱟ
ᱚᱠᱚᱭ ᱨᱤᱱ ᱫᱚ ᱪᱷᱟᱛᱟ ᱩᱢᱩᱞ ᱡᱩᱨᱤ ᱡᱤᱛᱟᱹ ᱾
ᱦᱟᱛᱚᱢ ᱠᱟᱹᱠᱤ ᱢᱟᱹᱢᱤ ᱦᱤᱞᱤ ᱚᱠᱚᱭ ᱨᱤᱱ
ᱚᱠᱚᱭ ᱨᱤᱱ ᱫᱚ ᱦᱚᱱ ᱠᱤᱢᱤᱱ ᱾
ᱢᱤᱫ ᱟᱭᱳ ᱦᱟᱱᱦᱟᱨ ᱟᱭᱳ
ᱟᱨ ᱦᱚᱸ ᱠᱟᱹᱱᱟᱹᱧ ᱜᱚᱲᱚᱢ ᱟᱭᱳ ᱾

ᱛᱤᱨᱞᱟᱹ ᱨᱩᱯ ᱛᱤᱧ ᱡᱟᱱᱟᱢ ᱟᱠᱟᱱ
ᱛᱷᱚᱵᱽᱲᱮ ᱞᱟᱵᱽᱲᱮ ᱫᱩᱧ ᱵᱟᱝ ᱠᱟᱱ ᱾
ᱥᱟᱶᱛᱟ ᱵᱟᱭ ᱡᱚᱴᱮᱫ ᱚᱪᱚ ᱟᱹᱧ ᱱᱟᱦᱮᱞ ᱠᱟᱸᱬᱵᱟ
ᱤᱧ ᱞᱟᱹᱜᱤᱫ ᱥᱟᱹᱲᱤᱢ ᱫᱮᱡ ᱢᱟᱱᱟ ᱢᱟ.ᱱᱛᱤ ᱵᱟᱨᱚᱱ ᱜᱮᱭᱟ ᱾
ᱤᱠᱷᱟᱹᱱ ᱥᱟᱵ ᱞᱮᱠᱷᱟᱱᱤᱧ ᱱᱚᱱᱚᱞ ᱠᱚᱞᱚᱢ
ᱞᱟᱯᱷᱟᱝ ᱞᱟᱥᱟᱬᱦᱮᱫᱚᱜ ᱛᱤᱧ ᱛᱤᱨᱞᱟᱹ ᱡᱚᱱᱚᱢ ᱾
ᱦᱩᱭ ᱫᱟᱲᱮ ᱟᱜᱼᱟᱹᱧ ᱢᱤᱫ ᱢᱟᱪᱮᱛᱟᱹᱱᱤ
ᱰᱟᱠᱛᱚᱨ ᱠᱟᱛᱮ ᱥᱮᱵᱟ ᱫᱟzᱮ ᱟᱠᱚᱣᱟᱹᱧ ᱨᱩᱜᱤ ᱾
ᱥᱤᱯᱟᱹᱦᱤ ᱵᱩᱨᱫᱤ ᱛᱮ ᱫᱤᱥᱚᱢ ᱦᱚᱨᱦᱚ
ᱵᱟᱹᱭᱨᱤ ᱴᱷᱮᱱ ᱠᱷᱚᱱ ᱥᱤᱧ ᱚᱛ ᱫᱩᱜ ᱫᱚᱦᱚ ᱾
ᱪᱟᱸᱫᱚ ᱛᱟᱨᱟᱥ ᱫᱟᱜ ᱡᱟᱹᱲᱤ ᱴᱷᱚᱯ ᱞᱮᱠᱟᱧ ᱱᱤᱨᱞᱟᱹ
ᱵᱟ.ᱱᱩᱜ ᱠᱚ ᱵᱟᱹᱭᱨᱤ ᱵᱟ.ᱱᱩᱜ ᱛᱤᱧ ᱟᱹᱱᱟ.ᱲᱤ ᱵᱤᱨᱱᱟᱹ ᱾
ᱜᱚᱨᱚᱡᱽ ᱥᱤᱵᱤᱞ ᱫᱟᱭᱟ ᱫᱩᱞᱟᱹᱲ ᱤᱠᱟᱹ
ᱜᱩᱱ ᱛᱮ ᱥᱟᱹᱜᱟᱹᱭ ᱤᱧ ᱥᱩᱞᱩᱠ ᱥᱩᱜᱩᱲ ᱥᱩᱨᱟᱹ ᱾
ᱚᱛ ᱨᱮ ᱡᱟᱝ ᱚᱢᱚᱱ ᱯᱚᱴᱠᱚᱡ ᱦᱟᱨᱟ ᱵᱩᱨᱩᱜ ᱞᱮᱠᱟ
ᱚᱱᱛᱚᱨ ᱚᱲᱮᱡ ᱢᱟᱭᱟᱢ ᱨᱚᱰᱚᱡ ᱢᱟᱹᱱᱢᱤ ᱡᱟᱹᱛᱤᱧ ᱵᱟᱧᱪᱟᱣᱼᱟ ᱾
ᱛᱚᱵᱮ ᱨᱮᱦᱚᱸ ᱜᱮ
ᱮᱱ ᱦᱚᱸ ᱜᱮ!
ᱡᱤᱵᱚᱱ ᱨᱮᱱᱟᱜ ᱛᱤᱠᱤᱱ ᱛᱟᱨᱟᱥᱤᱧ ᱚᱠᱛᱮ
ᱴᱷᱟᱺᱴ ᱴᱩᱣᱟᱹᱨ ᱱᱟᱪᱟᱨ ᱱᱤᱫᱷᱟᱹᱱ ᱠᱚ ᱵᱮᱲᱟ ᱨᱮ ᱾
ᱠᱷᱟᱹᱲᱤ ᱱᱟᱹᱲᱤ ᱨᱮ ᱤᱧ ᱜᱤᱧ ᱩᱫᱩᱜᱚᱜᱼᱟ
ᱥᱤ ᱞᱮᱠᱷᱟᱱ ᱰᱷᱮᱞᱟᱠ ᱨᱟᱠᱟᱵ ᱞᱮᱠᱟ ᱾
ᱰᱟ.ᱦᱬᱤ ᱯᱟᱺᱜᱽᱬᱤ ᱱᱟᱡᱚᱢ
ᱤᱧ ᱫᱚ ᱚᱛᱮ ᱦᱚᱲᱤᱧ ᱡᱚᱡᱚᱢ ᱾
ᱡᱟᱦᱟᱸᱭ ᱜᱚᱲᱦᱚᱱ ᱟᱭ ᱩᱱᱟ.ᱜ ᱫᱩᱞᱟᱹᱲ ᱡᱚᱛᱚᱱ
ᱩᱱᱤ ᱪᱮ ᱱᱟᱥᱟᱣ ᱠᱮᱭᱟᱭ ᱢᱟᱹᱱᱢᱤ ᱡᱤᱵᱚᱱ ?
ᱢᱟᱹᱱ ᱥᱟᱨᱦᱟᱣ ᱤᱧ ᱟᱛᱟᱝ ᱟᱸᱡᱽᱞᱮ ᱞᱮᱠᱟ
ᱫᱚᱥ ᱫᱩᱥᱟᱹᱣ ᱢᱟᱜᱟᱞ ᱦᱩᱧ ᱥᱟᱦᱟᱣ ᱠᱟᱜᱼᱟ ᱾
ᱡᱮᱢᱚᱱ ᱞᱚᱞᱚᱼᱨᱟᱵᱟᱝᱼᱡᱟᱹᱯᱩᱫ ᱞᱮᱵᱮᱫᱼᱛᱷᱟᱹᱭᱟᱹᱼᱞᱟ
ᱫᱷᱟᱹᱨᱛᱤ ᱟᱭᱳᱭ ᱥᱟᱦᱟᱣ ᱫᱟᱲᱮᱭᱟᱜ ᱠᱟᱱᱟ ᱾
ᱥᱟᱦᱟᱣ ᱴᱟᱨᱦᱟᱣ ᱫᱟᱲᱮᱭᱟᱜ ᱛᱮᱜᱮᱧ ᱯᱟᱞᱮ
ᱢᱤᱨᱛᱷᱤᱠᱟ ᱥᱟᱶ ᱛᱩᱞᱩᱡᱚᱜᱼᱟᱭ ᱛᱤᱨᱞᱟᱹ ᱡᱮᱜᱮᱛ ᱨᱮ ᱾
ᱢᱤᱫ ᱵᱟᱨᱟᱵᱟᱹᱨᱤ ᱥᱚᱢᱟᱱ ᱦᱟᱢᱟᱞ ᱫᱚᱨᱡᱟ
ᱡᱩᱜᱮ ᱡᱩᱜᱮ ᱛᱤᱨᱞᱟᱹ ᱫᱷᱟᱹᱨᱛᱤ ᱥᱟᱞᱟᱜ ᱮ ᱧᱟᱢᱟ ᱾

***

ᱪᱷᱩᱴᱠᱤ ᱟᱭᱳ

ᱢᱟᱹᱱᱤᱡ ᱥᱳᱵᱷᱟ ᱦᱟᱸᱥᱫᱟᱜ
ᱠᱷᱚᱲᱚᱜᱽᱯᱩᱨ, ᱯᱩᱪᱷᱤᱢ ᱵᱟᱝᱞᱟ

ᱞᱚᱣᱟᱰᱤ ᱟᱛᱩ ᱨᱤᱱᱤᱡ ᱥᱤᱨᱩ ᱜᱚᱢᱠᱮ ᱫᱚ ᱟᱹᱰᱤ ᱱᱟᱯᱟᱭ ᱦᱚᱲ᱾ ᱮᱨᱟᱛ ᱫᱷᱚᱱᱢᱩᱱᱤ ᱦᱚᱸ ᱱᱟᱯᱟᱭ ᱵᱮᱵᱷᱟᱨ ᱛᱟᱭ, ᱟᱛᱩ ᱚᱲᱟᱜ ᱦᱚᱲ ᱟᱹᱰᱤ ᱜᱮᱠᱚ ᱠᱩᱥᱤ ᱟᱹᱠᱤᱱᱟ ᱱᱩᱠᱤᱱ ᱡᱩᱨᱤᱡᱚᱛᱟ ᱾ ᱢᱤᱫ ᱦᱚᱯᱚᱱ ᱛᱟᱹᱠᱤᱱ ᱦᱚᱯᱚᱱ ᱛᱮᱫ ᱫᱚ ᱪᱟᱹᱧᱪᱤᱨ ᱜᱷᱩᱴᱩ ᱮᱛᱚᱦᱚᱵ ᱵᱤᱨᱫᱟᱹᱜᱟᱲ ᱨᱮᱭ ᱯᱟᱲᱦᱟᱜ ᱠᱟᱱᱟᱭ᱾ ᱤᱨᱟᱹᱞ ᱥᱮᱨᱢᱟ ᱩᱢᱮᱨ ᱛᱟᱭ ᱾ ᱥᱤᱨᱩ ᱜᱚᱢᱠᱮ ᱮᱨᱟᱛ ᱟᱨ ᱦᱚᱯᱚᱱ ᱜᱷᱟᱸᱨᱚᱧᱡᱽ ᱨᱮ ᱱᱩᱠᱩ ᱯᱮᱱᱮᱦᱚᱲ ᱜᱮ ᱢᱮᱱᱟᱜ ᱠᱚᱣᱟ ᱾ ᱥᱤᱨᱩ ᱜᱚᱢᱠᱮ ᱛᱮᱠᱚ ᱫᱚ ᱯᱮ ᱵᱚᱭᱦᱟ ᱟᱠᱚ, ᱡᱷᱚᱛᱚ ᱜᱮᱠᱚ ᱵᱷᱤᱱᱟᱹ ᱵᱷᱤᱱᱤ ᱟᱠᱟᱱᱟ ᱾ ᱢᱮᱱᱠᱷᱟᱱ ᱵᱚᱭᱦᱟ ᱫᱚ ᱟᱹᱰᱤ ᱱᱟᱯᱟᱭ ᱥᱟᱹᱜᱟᱹᱭ ᱢᱮᱱᱟᱜ ᱠᱚᱣᱟ, ᱡᱷᱚᱛᱚᱣᱟᱜ ᱨᱮ ᱜᱚᱲᱚ ᱜᱚᱯᱚᱲᱚ ᱠᱚ ᱛᱟᱦᱮᱱᱟ᱾ ᱦᱟᱥᱟ ᱡᱟᱭᱜᱟ ᱛᱮᱫᱚ ᱟᱹᱰᱤ ᱜᱮᱠᱚ ᱠᱤᱥᱟᱹᱬ ᱜᱮᱭᱟ᱾ ᱡᱚᱢᱟᱜ ᱧᱩᱣᱟᱜ ᱮᱠᱟᱞ ᱜᱮ ᱟᱱᱟᱴ ᱵᱟᱹᱱᱩᱜ ᱟᱱ ᱛᱟᱠᱚᱣᱟ ᱾

ᱥᱤᱨᱩ ᱜᱚᱢᱠᱮᱭᱟᱜ ᱱᱟᱹᱭᱦᱟᱹᱨ ᱨᱤᱱ ᱦᱚᱲ ᱦᱚᱸ ᱟᱹᱰᱤ ᱠᱚ ᱱᱟᱯᱟᱭᱟ᱾ ᱟᱹᱰᱤ ᱠᱤᱥᱟᱹᱬ ᱦᱚᱲ ᱠᱟᱱᱟ ᱠᱚ ᱟᱛᱩ ᱨᱤᱱ ᱢᱟᱹᱡᱷᱤ ᱦᱚᱲ ᱠᱟᱱᱟ ᱠᱚ ᱾ ᱥᱤᱨᱩ ᱮᱨᱟᱛ ᱫᱚ ᱦᱚᱲ ᱪᱮᱛᱟᱱ ᱨᱮ ᱟᱹᱰᱤ ᱡᱩᱨ ᱫᱟᱭᱟ ᱢᱮᱱᱟᱜ ᱛᱟᱭᱟ᱾ ᱨᱮᱸᱜᱮᱡ ᱱᱟᱪᱟᱨ ᱦᱚᱲ ᱠᱚ ᱚᱲᱟᱜ ᱛᱮ ᱦᱚᱦᱚ ᱠᱟᱛᱮ ᱡᱚᱢ ᱧᱩ ᱮᱢᱟ ᱠᱚᱣᱟᱭ᱾ ᱚᱱᱟᱛᱮ ᱥᱤᱨᱩ ᱜᱚᱢᱠᱮ ᱟᱹᱰᱤ ᱠᱩᱥᱤ ᱜᱮ ᱟᱹᱭᱠᱟᱹᱣ ᱛᱟᱦᱮᱸᱜ ᱾ ᱱᱚᱣᱟ ᱠᱟᱛᱷᱟ ᱦᱚᱸ ᱮᱨᱟᱛ ᱢᱮᱛᱟᱭ ᱛᱟᱦᱮᱸᱜ ᱼ ᱮ ᱜᱳ ᱨᱮᱸᱜᱮᱡ ᱱᱟᱪᱟᱨ ᱦᱚᱲ ᱮᱢ ᱠᱟᱛᱮ ᱫᱚ ᱵᱟᱝ ᱪᱟᱵᱟᱜᱼᱟ, ᱡᱟᱦᱟᱸ ᱜᱮᱢ ᱫᱟᱲᱮᱭᱟᱜ ᱮᱢᱟ ᱠᱚᱢ᱾ ᱫᱷᱚᱱᱢᱩᱱᱤ ᱦᱚᱸ ᱮᱢᱚᱜ ᱫᱚ ᱟᱹᱰᱤ ᱨᱟᱹᱥᱠᱟᱹᱭ ᱵᱩᱡᱷᱟᱹᱣ ᱛᱟᱦᱮᱸᱜ᱾ ᱟᱛᱩ ᱚᱲᱟᱜ ᱦᱚᱲ ᱥᱩᱨ ᱥᱟᱰᱜᱮ ᱨᱤᱱ ᱦᱚᱲ ᱠᱚ ᱥᱤᱨᱩ ᱮᱨᱟᱛ ᱫᱚ ᱟᱹᱰᱤ ᱠᱚ ᱠᱩᱥᱤ ᱟᱭᱟ᱾ ᱡᱟᱦᱟᱱᱟᱜ ᱠᱟᱹᱢᱤ ᱜᱮ ᱵᱟᱝ ᱠᱤᱱ ᱟᱱᱟᱴᱚᱜ ᱛᱟᱦᱮᱸᱜ ᱾ ᱟᱹᱰᱤ ᱱᱟᱯᱟᱭ ᱛᱮ ᱦᱮᱥᱮᱡ ᱥᱮᱠᱮᱡ ᱢᱮᱱᱟᱜ ᱠᱤᱱᱟ ᱥᱤᱨᱩ ᱜᱚᱢᱠᱮ ᱟᱨ ᱮᱨᱟᱛ ᱚᱱᱟ ᱥᱟᱶᱛᱮ ᱦᱚᱯᱚᱱ ᱛᱮᱫ ᱥᱤᱵᱩ ᱾ ᱥᱤᱵᱩ ᱫᱚ ᱱᱚᱜᱼᱚᱭ ᱯᱨᱟᱭᱢᱟᱨᱤ ᱤᱥᱠᱩᱞ ᱨᱮ ᱯᱟᱲᱦᱟᱜ ᱠᱟᱱᱟᱭ ᱯᱮ ᱪᱟᱱᱟᱪ ᱨᱮ ᱾ ᱢᱤᱫ ᱫᱤᱱ ᱥᱤᱵᱩ ᱵᱟᱹᱵᱩ ᱮᱸᱜᱟᱛ ᱴᱷᱮᱱ ᱨᱮᱰᱦᱟᱸ ᱠᱟᱱᱟᱭ, ᱟᱭᱳ ᱤᱧ ᱫᱚ ᱢᱟᱢᱚ ᱚᱲᱟᱜ ᱥᱮᱱᱚᱜ ᱵᱩᱡᱷᱟᱹᱣ ᱤᱧ ᱠᱟᱱᱟ ᱜᱟᱯᱟ ᱜᱮ ᱢᱟᱢᱚ ᱚᱲᱟᱜ ᱞᱟᱝ ᱥᱮᱱᱚᱜᱼᱟ᱾ ᱟᱭᱳ ᱫᱚ ᱵᱮᱴᱟᱭ ᱢᱮᱛᱟᱭ ᱠᱟᱱᱟ ᱵᱮᱴᱟ ᱦᱩᱭ ᱮᱱᱛᱮ ᱟᱢ ᱵᱟᱵᱟ ᱪᱮᱫ ᱞᱟᱹᱭ ᱮᱫᱟᱭ, ᱥᱮᱱᱚᱜ ᱟᱞᱟᱝ ᱵᱟᱨ ᱥᱤᱧ ᱛᱟᱦᱮᱸ ᱠᱟᱛᱮ ᱞᱟᱝ ᱨᱩᱣᱟᱹᱲ ᱦᱤᱡᱩᱜᱼᱟ ᱾ ᱵᱮᱴᱟ ᱢᱚᱱᱮ ᱟᱞᱚᱢ ᱵᱟᱹᱲᱤᱡ ᱛᱟᱢᱟ ᱾ ᱵᱟᱵᱟ ᱦᱟᱴ ᱥᱮᱱ ᱟᱠᱟᱱᱟᱭ ᱨᱩᱣᱟᱹᱲ ᱦᱮᱡ ᱞᱮᱱ ᱜᱮᱭ ᱟᱫᱩᱧ ᱢᱮᱛᱟᱭᱟ ᱦᱩᱭ ᱥᱮ? ᱱᱚᱝᱠᱟ ᱞᱟᱹᱭ ᱵᱟᱲᱟ ᱛᱮᱜᱮ ᱥᱤᱨᱩ ᱜᱚᱢᱠᱮ ᱫᱚ ᱚᱲᱟᱜ ᱛᱮᱭ ᱨᱩᱣᱟᱹᱲ ᱦᱮᱡ ᱮᱱᱟᱭ᱾ ᱥᱮᱴᱮᱨ ᱛᱚᱨᱟ ᱥᱤᱵᱩ ᱵᱮᱴᱟᱜᱮ ᱢᱮᱱ ᱜᱚᱫ ᱠᱮᱫ ᱟᱭ ᱵᱟᱵᱟ ᱜᱟᱯᱟ ᱜᱮ ᱟᱭᱳ ᱛᱤᱞᱤᱧ ᱢᱟᱢᱚ ᱚᱲᱟᱜ ᱞᱤᱧ ᱥᱮᱱᱚᱜᱼᱟ ᱦᱳᱭ ᱥᱮ? ᱵᱟᱵᱟ ᱟᱫᱚ ᱼ ᱟᱢ ᱫᱚ ᱪᱮᱫ ᱮᱢ ᱢᱮᱱ ᱮᱫᱟ? ᱥᱤᱨᱩ ᱟᱹᱣᱨᱤ ᱛᱮᱞᱟ ᱮᱢ ᱨᱮᱜᱮ ᱫᱷᱚᱱᱢᱩᱱᱤ ᱜᱮ ᱢᱮᱱ ᱜᱚᱫ ᱠᱮᱫᱼᱟᱭ ᱵᱮᱴᱟ ᱵᱟᱯᱮᱥᱮ ᱵᱟᱵᱟ ᱱᱤᱛᱚᱜ ᱜᱮ ᱦᱟᱴ ᱠᱷᱚᱱᱟᱜ ᱨᱩᱣᱟᱹᱲ ᱮᱱᱟᱭ ᱫᱩᱲᱩᱵ ᱡᱤᱨᱟᱹᱣ ᱦᱚᱪᱚ ᱟᱭ ᱢᱮᱥᱮ ᱚᱲᱟᱜ ᱨᱮ ᱢᱮᱱᱟᱭ ᱜᱮᱭᱟᱛᱚ ᱪᱮᱫᱟᱜ ᱩᱱᱟᱹᱜ ᱫᱚᱢ ᱦᱚᱨᱚᱵᱚᱨᱚᱜ ᱠᱟᱱᱟ ᱢᱟᱥᱮ? ᱥᱤᱨᱩ ᱜᱚᱢᱠᱮ ᱫᱚ ᱢᱮᱱ ᱜᱚᱫ ᱠᱮᱫᱼᱟᱭ ᱦᱩᱭ ᱵᱮᱴᱟ ᱦᱩᱭ ᱪᱮᱫᱟᱜ ᱵᱟᱹᱵᱤᱱ ᱥᱮᱱᱚᱜᱼᱟ ᱜᱟᱯᱟᱢ ᱞᱟᱹᱭ ᱮᱫᱟ ᱛᱚ ᱵᱮᱴᱟ ᱱᱟᱯᱟᱭ ᱠᱟᱛᱷᱟ ᱜᱟᱯᱟ ᱜᱮ ᱥᱮᱱᱚᱜ ᱵᱤᱱ ᱾ ᱵᱮᱴᱟ ᱵᱟᱵᱟᱣᱟᱜ ᱠᱟᱛᱷᱟ ᱟᱸᱡᱚᱢ ᱛᱮ ᱨᱟᱹᱥᱠᱟᱹ ᱛᱮ ᱨᱟᱪᱟ ᱨᱮ ᱫᱚᱱ ᱵᱟᱲᱟ ᱜᱚᱫ ᱟᱱᱟᱭ ᱾ ᱥᱟᱹᱨᱤᱜᱮ ᱜᱤᱫᱽᱨᱟᱹ ᱩᱢᱮᱨ ᱫᱚ ᱟᱹᱰᱤ ᱜᱮ ᱱᱟᱯᱟᱭᱟ ᱡᱟᱦᱟᱢ ᱠᱷᱚᱡᱟ ᱚᱱᱟᱢ ᱧᱟᱢ ᱞᱮᱠᱷᱟᱱ ᱟᱹᱰᱤ ᱜᱮ ᱨᱟᱹᱥᱠᱟᱹ ᱫᱚ ᱵᱩᱡᱷᱟᱹᱜᱼᱟ᱾ ᱚᱱᱠᱟ ᱜᱮ ᱥᱤᱵᱩ ᱵᱟᱹᱵᱩ ᱫᱚ ᱢᱟᱢᱚ ᱚᱲᱟᱜ ᱟᱭᱳ ᱥᱟᱶ ᱜᱟᱯᱟ ᱥᱮᱱᱚᱜ ᱟᱭ, ᱟᱹᱰᱤ ᱨᱟᱹᱥᱠᱟᱹ ᱨᱤᱥᱠᱤ ᱥᱤᱵᱩ ᱵᱮᱴᱟ ᱯᱟᱞᱮᱱ ᱨᱟᱹᱥᱠᱟᱹ ᱛᱮ ᱧᱤᱫᱟᱹ ᱦᱚᱸ ᱵᱟᱝ ᱜᱮᱭ ᱡᱟᱹᱯᱤᱫ ᱫᱟᱲᱮᱭᱟᱜᱼᱟ᱾ ᱡᱚᱛᱚ ᱦᱚᱲ ᱜᱮ ᱢᱟᱢᱚ ᱚᱲᱟᱜ ᱥᱮᱱᱚᱜ ᱫᱚᱵᱚᱱ ᱨᱟᱹᱥᱠᱟᱹᱜ ᱜᱮᱭᱟ ᱾ ᱢᱟᱢᱚ ᱚᱲᱟᱜ ᱥᱮᱱ ᱫᱚ ᱟᱹᱰᱤ ᱨᱟᱹᱥᱠᱟᱹ ᱜᱮ ᱟᱹᱭᱠᱟᱹᱜᱼᱟ ᱾ ᱱᱚᱣᱟ ᱠᱟᱛᱷᱟ ᱟᱸᱡᱚᱢ ᱠᱟᱛᱮ ᱥᱤᱨᱩ ᱮᱨᱟᱛ ᱦᱚᱸ ᱢᱚᱱᱮ ᱢᱚᱱᱮᱛᱮ ᱨᱟᱹᱥᱠᱟᱹ ᱜᱮ ᱟᱹᱭᱠᱟᱹᱣ ᱮᱫᱟᱭ᱾ ᱟᱯᱟ ᱵᱟᱨᱮ ᱚᱲᱟᱜ ᱥᱮᱱᱚᱜ ᱚᱠᱚᱭ ᱵᱟᱭ ᱨᱟᱹᱥᱠᱟᱹᱜ ᱾

ᱫᱚᱥᱟᱨ ᱦᱤᱞᱚᱜ ᱟᱹᱣᱨᱤ ᱵᱮᱲᱟ ᱨᱟᱠᱟᱵ ᱛᱮᱜᱮ ᱥᱤᱵᱩ ᱵᱟᱹᱵᱩ ᱫᱚ ᱵᱮᱨᱮᱫ ᱟᱠᱟᱱᱟᱭ᱾ ᱵᱮᱨᱮᱫ ᱛᱚᱨᱟ ᱮᱸᱜᱟᱛ ᱛᱮᱫ ᱢᱮᱛᱟᱭ ᱠᱟᱱᱟᱭ ᱦᱮᱸ ᱟᱭᱳ ᱛᱤᱨᱮᱞᱟᱝ ᱥᱮᱱᱚᱜᱼᱟ ᱢᱟᱢᱚ ᱚᱲᱟᱜ ᱫᱚ᱾ ᱟᱭᱳ ᱫᱚ ᱢᱮᱱ ᱜᱚᱫ ᱠᱮᱫ ᱠᱮᱫ ᱟᱭ ᱵᱮᱴᱟ ᱥᱮᱱᱚᱜ ᱜᱮᱭᱟᱞᱟᱝ ᱛᱚ ᱵᱟᱹᱥᱭᱟᱹᱢ ᱫᱟᱠᱟ ᱡᱚᱢ ᱵᱟᱲᱟ ᱠᱟᱛᱮ᱾ ᱚᱲᱟᱜ ᱨᱮᱱᱟᱜ ᱥᱟᱱᱟᱢᱟᱜ ᱠᱟᱹᱢᱤ ᱥᱟᱹᱛ ᱵᱟᱲᱟ ᱠᱟᱛᱮ ᱛᱮᱭᱟᱨ ᱮᱱᱟ ᱠᱤᱱ ᱫᱷᱚᱱᱢᱩᱱᱤ ᱟᱨ ᱦᱚᱯᱚᱱ ᱛᱮᱫ᱾ ᱥᱤᱨᱩ ᱜᱚᱢᱠᱮ ᱢᱚᱴᱚᱨ ᱜᱟᱹᱰᱤ ᱨᱮ ᱫᱮᱡ ᱦᱚᱴᱚ ᱥᱮᱱ ᱮᱱᱟᱭ᱾ ᱜᱟᱹᱰᱤ ᱨᱮ ᱫᱮᱡ ᱦᱚᱴᱚ ᱠᱟᱛᱮ ᱚᱲᱟᱜ ᱛᱮ ᱨᱩᱣᱟᱹᱲ ᱮᱱᱟᱭ ᱾ ᱫᱷᱚᱱᱢᱩᱱᱤ ᱛᱤᱠᱤᱱ ᱦᱚᱸ ᱥᱮᱴᱮᱨ ᱮᱱᱟ ᱠᱤᱱ ᱟᱭᱳ ᱵᱟᱵᱟ ᱚᱲᱟᱜ᱾ ᱥᱤᱵᱩ ᱵᱮᱴᱟ ᱫᱚ ᱟᱹᱰᱤ ᱨᱟᱹᱥᱠᱟᱹ ᱜᱮ ᱟᱹᱭᱠᱟᱹᱣ ᱮᱫᱟᱭ ᱢᱟᱢᱚ ᱚᱲᱟᱜ ᱥᱮᱴᱮᱨ ᱮᱱ ᱠᱷᱟᱱᱮ᱾ ᱱᱚᱛᱮ ᱢᱟᱢᱚ ᱚᱲᱟᱜ ᱨᱮᱦᱚᱸ ᱡᱷᱚᱛᱚ ᱦᱚᱲ ᱜᱮ ᱨᱟᱹᱥᱠᱟᱹ ᱠᱚ ᱵᱩᱡᱷᱟᱹᱣ ᱮᱫᱟ ᱦᱚᱯᱚᱱ ᱢᱟᱹᱭ ᱫᱷᱚᱱᱢᱩᱱᱤ ᱟᱨ ᱦᱚᱯᱚᱱ ᱛᱮᱫ ᱠᱤᱱ ᱦᱮᱡ ᱟᱠᱟᱱᱟ ᱱᱚᱛᱮ᱾ ᱫᱷᱚᱱᱢᱩᱱᱤ ᱫᱚ ᱮᱸᱜᱟᱛ ᱛᱮᱫ ᱜᱮ ᱢᱮᱛᱟᱭ ᱠᱟᱱᱟᱭ ᱟᱭᱳ ᱜᱟᱯᱟ ᱛᱟᱦᱮᱸ ᱠᱟᱛᱮ ᱢᱮᱭᱟᱝ ᱜᱮ ᱞᱤᱧ ᱨᱩᱣᱟᱹᱲᱟ᱾ ᱮᱸᱜᱟᱛ ᱛᱮᱫ ᱢᱮᱱ ᱜᱚᱫᱟᱭ ᱦᱮᱸᱫᱟ ᱵᱤᱴᱤ ᱵᱟᱨᱥᱤᱧ ᱜᱟᱱ ᱵᱟᱝ ᱵᱤᱱ ᱛᱟᱦᱮᱱᱟ᱾ ᱫᱷᱚᱱᱢᱩᱱᱤ ᱫᱚ ᱢᱮᱢᱮᱱ ᱠᱟᱱᱟᱭ ᱵᱟᱝ ᱟᱭᱳ ᱵᱟᱝ ᱾ ᱵᱟᱝ ᱞᱤᱧ ᱛᱟᱦᱮᱱᱟ ᱾ ᱦᱚᱯᱚᱱᱤᱧᱟᱜ ᱥᱠᱩᱞ ᱢᱮᱱᱟᱜ ᱛᱟᱭᱟ, ᱱᱚᱛᱮ ᱡᱟᱶᱟᱭ ᱦᱚᱸ ᱚᱲᱟᱜ ᱨᱮ ᱟᱹᱰᱤ ᱡᱩᱨ ᱦᱚᱨᱚᱵᱚᱨᱚᱜ ᱟᱭ᱾ ᱦᱚᱯᱚᱱᱤᱧ ᱜᱮ ᱟᱹᱰᱤ ᱡᱩᱨ ᱢᱟᱢᱚ ᱚᱲᱟᱜ ᱦᱤᱡᱩᱜ ᱨᱮᱰᱦᱟᱸ ᱠᱮᱫᱼᱟᱭ, ᱚᱱᱟᱛᱮᱞᱤᱧ ᱦᱮᱡ ᱜᱚᱫ ᱮᱱᱟ ᱾ ᱢᱤᱫ ᱵᱚᱸᱜᱟ ᱛᱟᱭᱚᱢ ᱡᱟᱶᱟᱭ ᱛᱟᱞᱮ ᱟᱨᱦᱚᱸ ᱞᱮ ᱦᱤᱡᱩᱜᱼᱟ ᱾ ᱚᱱᱟ ᱚᱠᱛᱚ ᱫᱚ ᱛᱟᱦᱮᱱ ᱟᱞᱮ ᱜᱮᱞ ᱫᱤᱱ ᱜᱟᱱ᱾ ᱟᱭᱳ ᱫᱚ ᱱᱚᱣᱟ ᱜᱮ ᱢᱮᱱ ᱜᱚᱫ ᱠᱮᱫᱼᱟᱭ ᱦᱳᱭ ᱛᱚᱵᱮ ᱵᱤᱴᱤ᱾ ᱡᱟᱶᱟᱭ ᱦᱚᱸ ᱟᱹᱰᱤ ᱫᱤᱱ ᱜᱮ ᱱᱟᱹᱭᱦᱟᱹᱨ ᱛᱮ ᱵᱟᱭ ᱦᱮᱡ ᱟᱠᱟᱱᱟ᱾ ᱫᱷᱚᱱᱢᱩᱱᱤ ᱛᱤᱠᱤᱱ ᱫᱚ ᱢᱤᱫ ᱫᱤᱱ ᱛᱟᱦᱮᱸ ᱠᱟᱛᱮ ᱜᱮ ᱟᱫᱚ ᱠᱤᱱ ᱨᱩᱣᱟᱹᱲ ᱮᱱᱟ ᱾ ᱟᱠᱚᱣᱟᱜ ᱛᱮ ᱟᱭᱳ ᱵᱟᱵᱟ ᱚᱲᱟᱜ ᱠᱷᱚᱱ ᱨᱩᱣᱟᱹᱲ ᱠᱟᱛᱮ ᱵᱟᱹᱨᱥᱤᱧ ᱦᱳᱭ ᱟᱠᱟᱱᱟ ᱛᱮᱥᱟᱨ ᱫᱤᱱ ᱦᱤᱞᱚᱜ ᱠᱷᱟᱱ ᱜᱮ ᱫᱷᱚᱱᱚᱢᱩᱱᱤ ᱫᱚ ᱨᱩᱣᱟᱹ ᱮᱦᱚᱵ ᱠᱮᱫᱮᱭᱟ ᱾ ᱥᱤᱨᱩ ᱜᱚᱢᱠᱮ ᱮᱨᱟᱛ ᱛᱮᱫ ᱰᱟᱠᱛᱚᱨ ᱚᱲᱟᱜ ᱤᱫᱤ ᱠᱮᱫᱮᱭᱟᱭ ᱾ ᱰᱟᱠᱛᱚᱨ ᱵᱟᱹᱵᱩ ᱢᱟᱭᱟᱝ ᱯᱚᱨᱤᱠᱠᱷᱟ ᱢᱮᱛᱟ ᱫᱮᱭᱟᱭ ᱢᱟᱭᱟᱝ ᱯᱚᱨᱤᱠᱠᱷᱟ ᱠᱟᱛᱮ ᱧᱮᱞ ᱮᱱᱟ ᱴᱟᱭᱯᱷᱚᱭᱮᱰ ᱨᱩᱣᱟᱹ ᱫᱷᱚᱱᱢᱩᱱᱤ ᱫᱚ ᱧᱟᱢ ᱟᱠᱟᱫᱮᱭᱟ᱾ ᱟᱫᱚ ᱨᱟᱱ ᱦᱚᱸ ᱠᱤᱱ ᱟᱹᱜᱩ ᱛᱚᱨᱟ ᱠᱮᱫᱼᱟ ᱾ ᱨᱟᱱ ᱡᱚᱢ ᱵᱟᱲᱟ ᱠᱟᱛᱮ ᱫᱷᱚᱱᱢᱩᱱᱤ ᱫᱚ ᱱᱟᱯᱟᱭ ᱜᱮ ᱟᱹᱭᱠᱟᱹᱣ ᱮᱫᱟᱭ ᱢᱮᱱ ᱫᱚ ᱨᱩᱣᱟᱹ ᱪᱟᱵᱟ ᱟᱠᱟᱱ ᱛᱟᱭᱟ᱾ ᱢᱮᱱᱠᱷᱟᱱ ᱪᱮᱫ ᱮᱢ ᱞᱟᱹᱭᱟ ᱢᱚᱬᱮ ᱛᱩᱨᱩᱭ ᱢᱟᱦᱟ ᱛᱟᱭᱚᱢ ᱠᱷᱟᱱ ᱟᱨᱦᱚᱸ ᱨᱩᱣᱟᱹ ᱧᱟᱢ ᱠᱮᱫᱮᱭᱟ ᱾ ᱟᱨᱦᱚᱸ ᱫᱷᱚᱱᱢᱩᱱᱤ ᱫᱚ ᱰᱟᱠᱛᱟᱨ ᱚᱲᱟᱜ ᱤᱫᱤ ᱠᱮᱫᱮᱭᱟᱭ ᱥᱤᱨᱩ ᱜᱚᱢᱠᱮ᱾ ᱰᱟᱠᱛᱟᱨ ᱧᱮᱞ ᱵᱟᱲᱟ ᱠᱟᱛᱮ ᱨᱟᱱ ᱢᱩᱨᱜᱟᱹᱱ ᱮᱢᱟ ᱫᱮᱭᱟᱭ ᱱᱚᱣᱟ ᱠᱟᱛᱷᱟ ᱦᱚᱸ ᱰᱟᱠᱛᱟᱨ ᱵᱟᱹᱵᱩ ᱢᱮᱱᱮᱱ ᱠᱟᱱᱟᱭ ᱱᱤᱭᱟᱹ ᱨᱟᱱ ᱛᱮᱜᱮ ᱵᱮᱥᱚᱜᱼᱟᱭ ᱾ ᱰᱟᱠᱛᱟᱨᱟᱜ ᱱᱚᱣᱟ ᱠᱟᱛᱷᱟ ᱟᱸᱡᱚᱢ ᱠᱟᱛᱮ ᱥᱤᱨᱩ ᱜᱚᱢᱠᱮ ᱱᱟᱯᱟᱭ ᱜᱮ ᱟᱹᱭᱠᱟᱹᱣ ᱠᱮᱫᱼᱟᱭ᱾ ᱪᱮᱫᱟᱜ ᱵᱟᱝᱢᱟ ᱮᱨᱟᱛᱟᱭ ᱟᱜ ᱱᱚᱝᱠᱟ ᱨᱩᱣᱟᱹ ᱠᱷᱟᱹᱛᱤᱨ ᱟᱹᱰᱤ ᱩᱭᱦᱟᱹᱨ ᱨᱮ ᱛᱟᱦᱮᱸ ᱠᱟᱱᱟᱭ᱾ ᱱᱤᱛ ᱫᱚ ᱰᱟᱠᱛᱚᱨ ᱵᱟᱹᱵᱩᱣᱟᱜ ᱠᱟᱛᱷᱟ ᱟᱸᱡᱚᱢ ᱛᱮ ᱢᱚᱱᱮ ᱨᱮ ᱠᱟᱹᱴᱤᱡ ᱫᱟᱲᱮ ᱧᱟᱢ ᱠᱮᱫᱼᱟᱭ ᱾ ᱰᱟᱠᱛᱚᱨ ᱚᱲᱟᱜ ᱠᱷᱚᱱᱟᱜ ᱨᱩᱣᱟᱹᱲ ᱠᱟᱛᱮ ᱥᱤᱨᱩ ᱜᱚᱢᱠᱮ ᱫᱚ ᱮᱨᱟᱛ ᱛᱮᱫ ᱢᱮᱛᱟᱭ ᱠᱟᱱᱟᱭ ᱮᱜᱳ ᱱᱤᱛᱚᱜ ᱫᱚ ᱪᱮᱫ ᱦᱚᱸ ᱟᱞᱚᱢ ᱠᱟᱹᱢᱤᱭᱟ ᱾ ᱵᱟᱹᱨᱥᱤᱧ ᱜᱟᱱ ᱦᱟᱯᱮ ᱡᱤᱨᱟᱹᱣ ᱞᱮᱱ ᱢᱮ ᱵᱟᱝᱠᱷᱟᱱ ᱟᱨᱦᱚᱸ ᱨᱩᱣᱟᱹᱲ ᱦᱮᱡ ᱞᱮᱱᱠᱷᱟᱱ ᱟᱹᱰᱤ ᱢᱩᱥᱠᱤᱞᱟ᱾ ᱚᱱᱟᱛᱮ ᱥᱤᱨᱩ ᱜᱚᱢᱠᱮ ᱱᱟᱹᱭᱦᱟᱹᱨ ᱛᱮ ᱠᱷᱚᱵᱚᱨ ᱵᱷᱮᱡᱟ ᱠᱮᱫᱼᱟᱭ᱾ ᱥᱤᱨᱩ ᱦᱟᱱᱟᱨᱛᱮᱫ ᱵᱩᱰᱷᱤ ᱦᱚᱧᱦᱟᱨ ᱛᱮᱫ ᱦᱟᱲᱟᱢ ᱠᱤᱱ ᱦᱮᱡ ᱮᱱᱟ ᱫᱷᱚᱱᱢᱩᱱᱤ ᱛᱮᱠᱚ ᱚᱲᱟᱜ ᱾ ᱟᱭᱳ ᱵᱟᱵᱟ ᱛᱤᱠᱤᱱ ᱦᱮᱡ ᱠᱟᱛᱮ ᱥᱤᱨᱩ ᱟᱨ ᱫᱷᱚᱱᱢᱩᱱᱤ ᱫᱚ ᱟᱹᱰᱤ ᱱᱟᱯᱟᱭ ᱠᱤᱱ ᱟᱹᱭᱠᱟᱹᱣ ᱠᱮᱫᱼᱟ᱾ ᱱᱚᱣᱟ ᱫᱚ ᱥᱟᱹᱨᱤᱭᱟᱜ ᱠᱟᱱᱟ ᱨᱩᱣᱟᱹ ᱨᱟᱵᱟᱝ ᱨᱮ ᱡᱟᱦᱟᱭ ᱜᱮ ᱥᱩᱨ ᱨᱮᱠᱚ ᱛᱟᱦᱮᱱ ᱠᱷᱟᱱ ᱟᱹᱰᱤ ᱱᱟᱯᱟᱭ ᱟᱴᱠᱟᱨᱚᱜᱼᱟ᱾ ᱢᱚᱱᱮ ᱨᱮ ᱟᱹᱰᱤ ᱫᱟᱲᱮ ᱟᱹᱭᱠᱟᱹᱜᱼᱟ᱾ ᱚᱱᱠᱟ ᱜᱮ ᱥᱤᱨᱩ ᱛᱤᱠᱤᱱ ᱦᱚᱸ ᱟᱹᱭᱠᱟᱹᱣ ᱮᱫᱟ ᱾

ᱫᱷᱚᱱᱢᱩᱱᱤ ᱮᱸᱜᱟᱛ ᱟᱯᱟᱛ ᱦᱮᱡ ᱠᱟᱛᱮ ᱯᱮᱼᱯᱩᱱ ᱢᱟᱦᱟ ᱦᱩᱭ ᱜᱚᱫ ᱮᱱᱟ ᱢᱮᱱᱠᱷᱟᱱ ᱱᱤᱛ ᱦᱚᱸ ᱫᱷᱚᱱᱢᱩᱱᱤ ᱱᱟᱯᱟᱭ ᱫᱚ ᱵᱟᱝᱜᱮᱭ ᱵᱩᱡᱷᱟᱹᱣ ᱮᱫᱟ᱾ ᱨᱩᱣᱟᱹ ᱫᱚ ᱪᱟᱵᱟ ᱟᱠᱟᱱ ᱛᱟᱭᱟ ᱢᱮᱱᱠᱷᱟᱱ ᱟᱹᱰᱤ ᱡᱩᱨ ᱞᱟᱸᱜᱟ ᱜᱮ ᱟᱹᱭᱠᱟᱹᱣ ᱮᱫᱟᱭ᱾ ᱥᱤᱨᱩ ᱜᱚᱢᱠᱮ ᱦᱚᱸ ᱪᱮᱫᱟᱜ ᱪᱚ ᱢᱚᱱᱮ ᱨᱮ ᱵᱮᱥ ᱜᱮ ᱵᱟᱝ ᱮ ᱟᱹᱭᱠᱟᱹᱣ ᱮᱫᱟ ᱾ ᱢᱤᱫ ᱫᱤᱱ ᱫᱚ ᱧᱤᱫᱟᱹ ᱵᱮᱲᱟ ᱡᱷᱚᱛᱚ ᱠᱚ ᱡᱟᱹᱯᱤᱫ ᱟᱠᱟᱫᱟ ᱟᱪᱠᱟ ᱜᱮ ᱫᱷᱚᱱᱢᱩᱱᱤᱭᱟᱜ ᱟᱲᱟᱝ ᱟᱸᱡᱚᱢ ᱮᱱᱟ ᱥᱤᱨᱩ ᱜᱮ ᱟᱸᱡᱚᱢ ᱠᱮᱫᱼᱟᱭ, ᱥᱤᱨᱩ ᱫᱚ ᱩᱥᱟᱹᱨᱟ ᱜᱮ ᱵᱮᱨᱮᱫ ᱠᱟᱛᱮ ᱧᱮᱞᱮ ᱫᱚᱭ ᱫᱷᱚᱱᱢᱩᱱᱤ ᱛᱤ~ ᱡᱟᱸᱜᱟ ᱨᱮᱭᱟᱲ ᱟᱠᱟᱱ ᱛᱟᱭᱟ, ᱱᱚᱛᱮ ᱦᱚᱲᱢᱚ ᱛᱤ~ ᱡᱟᱸᱜᱟ ᱦᱚᱸ ᱚᱨ ᱮᱫ ᱛᱟᱭᱟᱭ᱾ ᱢᱤᱨᱩ ᱜᱚᱢᱠᱮ ᱫᱚ ᱪᱮᱫ ᱪᱤᱠᱟᱹᱭᱟᱭ ᱫᱤᱥ ᱦᱩᱫᱤᱥ ᱟᱫ ᱮᱱ ᱛᱟᱭᱟ᱾ ᱢᱮᱱᱠᱷᱟᱱ ᱡᱟᱸᱦᱟ ᱜᱮ ᱪᱤᱠᱟᱹ ᱦᱩᱭᱩᱜ ᱛᱟᱭᱟ᱾ ᱟᱛᱩ ᱨᱤᱱ ᱠᱚᱲᱟ ᱠᱚ ᱦᱚᱦᱚ ᱠᱟᱛᱮ ᱦᱟᱥᱯᱟᱛᱟᱞ ᱤᱫᱤ ᱨᱮᱱᱟᱜ ᱠᱚ ᱠᱩᱨᱩᱢᱩᱴᱩ ᱠᱮᱫᱼᱟ ᱟᱫᱚ ᱦᱟᱥᱯᱟᱛᱟᱞ ᱠᱚ ᱤᱫᱤ ᱮ ᱠᱟᱱᱟ ᱢᱮᱱᱠᱷᱟᱱ ᱦᱟᱥᱯᱟᱛᱟᱞ ᱟᱹᱣᱨᱤ ᱥᱮᱴᱮᱨ ᱛᱮᱜᱮ ᱫᱷᱚᱱᱢᱩᱱᱤ ᱟᱸᱡᱮᱫ ᱮᱱᱟᱭ᱾ ᱦᱟᱥᱯᱟᱛᱟᱞ ᱠᱚ ᱤᱫᱤ ᱥᱮᱴᱮᱨ ᱠᱮᱫᱮᱭᱟ, ᱰᱟᱠᱛᱚᱨ ᱵᱟᱹᱵᱩ ᱧᱮᱞ ᱠᱟᱛᱮ ᱱᱚᱣᱟ ᱜᱮ ᱢᱮᱱ ᱠᱮᱫᱼᱟᱭ ᱪᱮᱫ ᱦᱚᱸ ᱪᱤᱠᱟᱹ ᱛᱮᱱᱟᱜ ᱵᱟᱹᱱᱩᱜᱼᱟ ᱾ ᱥᱤᱨᱩ ᱜᱚᱢᱠᱮ ᱛᱤ~ ᱡᱟᱸᱜᱟ ᱧᱩᱨᱩᱜ ᱞᱮᱠᱟᱭ ᱟᱹᱭᱠᱟᱹᱣ ᱮᱫᱟ, ᱢᱮᱱᱠᱷᱟᱱ ᱚᱠᱚᱭ ᱪᱮᱫ ᱮᱢ ᱢᱮᱛᱟᱭᱟ? ᱥᱤᱨᱩ ᱜᱚᱢᱠᱮᱭᱟᱜ ᱫᱚ ᱪᱮᱫ ᱦᱚᱸ ᱦᱩᱲᱟᱹᱜ ᱵᱟᱹᱱᱩᱜ ᱟᱱ ᱛᱟᱭᱟ᱾ ᱰᱟᱠᱛᱚᱨ ᱴᱷᱮᱱ ᱫᱚᱭ ᱧᱮᱞ ᱦᱚᱪᱚ ᱟᱠᱟᱫᱮᱭᱟ᱾ ᱥᱤᱨᱩ ᱜᱚᱢᱠᱮ ᱢᱟ ᱟᱹᱰᱤ ᱱᱟᱯᱟᱭ ᱦᱚᱲ ᱠᱟᱱᱟᱭ, ᱡᱩᱨᱤᱡᱚᱛᱟ ᱦᱚᱸ ᱟᱹᱰᱤ ᱱᱟᱯᱟᱭ ᱠᱤᱱ ᱛᱟᱦᱮᱸ ᱠᱟᱱᱟ ᱦᱮᱥᱮᱡ ᱥᱮᱠᱮᱡ᱾ ᱱᱮᱣ ᱠᱷᱟᱹᱯᱟᱹᱨᱤ ᱦᱚᱸ ᱵᱟᱝᱠᱤᱱ ᱵᱟᱰᱟᱭ ᱛᱟᱦᱮᱸᱫ, ᱱᱩᱱᱟᱹᱜ ᱱᱟᱯᱟᱭ ᱥᱚᱦᱟᱜᱽ ᱫᱩᱞᱟᱹᱲ ᱠᱷᱚᱱᱟᱜ ᱪᱟᱸᱫᱚᱭ ᱨᱟᱪᱟᱜ ᱪᱷᱟᱲᱟᱣ ᱤᱫᱤ ᱠᱮᱫᱮᱭᱟ ᱟᱹᱰᱤ ᱫᱩᱠ ᱨᱮᱱᱟᱜ ᱠᱟᱛᱷᱟ᱾ ᱟᱛᱩ ᱚᱲᱟᱜ ᱦᱚᱲ ᱟᱹᱰᱤ ᱫᱩᱠ ᱜᱮᱠᱚ ᱟᱴᱠᱟᱨ ᱮᱫᱟ ᱾ ᱫᱷᱚᱱᱢᱩᱭᱟᱜ ᱵᱮᱵᱷᱟᱨ ᱵᱟᱝ ᱠᱚ ᱦᱤᱲᱤᱧ ᱫᱟᱲᱮᱟᱜ ᱠᱟᱱᱟ ᱾

ᱱᱤᱛᱚᱜ ᱫᱚ ᱥᱤᱨᱩ ᱜᱚᱢᱠᱮ ᱟᱨ ᱦᱚᱯᱚᱱ ᱛᱮᱫ ᱥᱤᱵᱩ ᱟᱹᱰᱤ ᱜᱮ ᱠᱤᱱ ᱮᱥᱠᱟᱨ ᱮᱱᱟ᱾ ᱢᱮᱱᱠᱷᱟᱱ ᱦᱟᱱᱟᱨ ᱛᱮᱫ ᱵᱩᱰᱷᱤ ᱦᱚᱧᱦᱟᱨ ᱛᱮᱫ ᱦᱟᱲᱟᱢ ᱪᱤᱠᱟᱹ ᱠᱤᱱ ᱵᱟᱹᱜᱤ ᱟᱹᱠᱤᱱᱟ ᱜᱚᱲᱚᱢ ᱠᱚᱲᱟᱼᱡᱟᱶᱟᱭ ᱜᱚᱢᱠᱮ ᱟᱹᱰᱤ ᱩᱭᱦᱟᱹᱨ ᱵᱷᱟᱹᱵᱤᱛ ᱨᱮ ᱢᱮᱱᱟᱜ ᱠᱤᱱᱟ ᱦᱟᱲᱟᱢ ᱵᱩᱰᱷᱤ᱾ ᱪᱤᱠᱟᱹ ᱠᱤᱱ ᱥᱮᱱᱚᱜᱼᱟ ᱱᱩᱠᱤᱱ ᱵᱟᱹᱜᱤ ᱠᱟᱛᱮ᱾ ᱪᱮᱫ ᱠᱤᱱ ᱩᱯᱟᱹᱭᱟ ᱵᱟᱝ ᱠᱤᱱ ᱫᱤᱥᱟᱹ ᱵᱟᱥᱟ ᱫᱟᱲᱮᱭᱟᱜ ᱠᱟᱱᱟ᱾ ᱧᱮᱞ ᱧᱮᱞ ᱛᱮ ᱚᱠᱛᱚ ᱢᱟ ᱯᱟᱨᱚᱢ ᱤᱫᱤᱜ ᱠᱟᱱ ᱦᱩᱭ ᱜᱚᱫ ᱮᱱᱟ ᱢᱤᱫ ᱵᱚᱸᱜᱟ ᱜᱟᱱ ᱮᱱ ᱦᱚᱸᱜᱮ ᱵᱟᱝ ᱠᱤᱱ ᱞᱟᱹᱭ ᱫᱟᱲᱮᱭᱟᱜ ᱠᱟᱱᱟ ᱡᱟᱶᱟᱭ ᱜᱚᱢᱠᱮᱛ ᱥᱤᱨᱩ ᱴᱷᱮᱱ ᱾ ᱥᱤᱨᱩᱣᱟᱜ ᱫᱚᱥᱟ ᱢᱟ ᱪᱮᱫ ᱮᱢ ᱞᱟᱹᱭᱟ ᱦᱟᱱᱟᱨ ᱟᱭᱳ ᱦᱚᱧᱦᱟᱨ ᱦᱟᱲᱟᱢ ᱢᱮᱱᱟᱜ ᱠᱤᱱᱛᱮ ᱱᱟᱥᱮ ᱱᱟᱯᱟᱭᱮ ᱟᱹᱭᱠᱟᱹᱣ ᱮᱫᱟ ᱾ ᱥᱤᱵᱩ ᱵᱮᱴᱟᱣᱟᱜ ᱠᱟᱛᱷᱟ ᱞᱟᱹᱭ ᱜᱮ ᱵᱟᱝ ᱜᱟᱱᱚᱜᱼᱟ ᱟᱭᱳ ᱵᱮᱜᱚᱨ ᱢᱤᱫᱴᱟᱝ ᱞᱮᱴᱠᱟ ᱚᱠᱟ ᱞᱮᱠᱟᱭ ᱛᱟᱦᱮᱱᱟ? ᱡᱟᱦᱟᱸᱭ ᱜᱮ ᱟᱹᱭᱠᱟᱹᱣ ᱫᱟᱲᱮᱭᱟᱜᱼᱟᱭ ᱾ ᱥᱤᱨᱩ ᱜᱚᱢᱠᱮ ᱦᱚᱸ ᱩᱭᱦᱟᱹᱨ ᱵᱷᱟᱵᱽᱱᱟ ᱛᱮ ᱨᱚᱦᱚᱲ ᱜᱚᱥᱚ ᱪᱟᱵᱟᱜ ᱠᱟᱱᱟᱭ᱾ ᱥᱤᱨᱩ ᱜᱚᱢᱠᱮ ᱧᱮᱞ ᱛᱮ ᱟᱛᱩ ᱚᱲᱟᱜ ᱦᱚᱲ ᱫᱚ ᱟᱹᱰᱤ ᱡᱩᱨ ᱫᱩᱠ ᱜᱮᱠᱚ ᱟᱴᱠᱟᱨ ᱮᱫᱟ᱾ ᱥᱟᱹᱨᱤᱭᱟᱜ ᱠᱟᱛᱷᱟ ᱠᱟᱱᱟ ᱱᱚᱣᱟ ᱫᱩᱠ ᱨᱮᱱᱟᱜ ᱠᱟᱛᱷᱟ ᱚᱠᱚᱭ ᱴᱷᱮᱱᱮᱢ ᱞᱟᱹᱭᱟ᱾ ᱡᱤᱭᱚᱱ ᱨᱮᱱᱟᱜ ᱥᱟᱱᱟᱢᱟᱜ ᱪᱟᱵᱟ ᱮᱱ ᱞᱮᱠᱟ ᱜᱮ ᱥᱤᱨᱩ ᱜᱚᱢᱠᱮ ᱟᱹᱭᱠᱟᱹᱣ ᱮᱫᱟᱭ ᱾ ᱯᱮᱲᱟ ᱯᱟᱹᱬᱦᱟᱹ ᱛᱤᱱᱟᱹᱜ ᱠᱚ ᱵᱩᱡᱷᱟᱹᱣ ᱮ ᱠᱟᱱᱟ ᱮᱱᱛᱮ ᱨᱮᱦᱚᱸ ᱥᱤᱨᱩ ᱜᱚᱢᱠᱮ ᱪᱮᱫᱟᱜ ᱪᱚ ᱵᱚᱦᱚᱜ ᱵᱟᱝᱜᱮ ᱠᱟᱹᱢᱤᱭᱮᱫ ᱛᱟᱭᱟ᱾ ᱫᱷᱚᱱᱢᱩᱱᱤ ᱱᱚᱣᱟ ᱫᱷᱩᱲᱤ ᱫᱷᱟᱹᱨᱛᱤ ᱨᱮ ᱵᱟᱹᱱᱩᱜ ᱮᱭᱟ ᱩᱭᱦᱟᱹᱨ ᱛᱮᱦᱚᱸ ᱵᱟᱝᱜᱮᱭ ᱩᱭᱦᱟᱹᱨ ᱛᱤᱭᱩᱜ ᱫᱟᱲᱮᱭᱟᱜ ᱠᱟᱱᱟ᱾ ᱢᱤᱫ ᱫᱤᱱ ᱥᱤᱨᱩ ᱦᱚᱧᱦᱟᱨ ᱛᱮᱫ ᱦᱟᱲᱟᱢ ᱦᱟᱱᱟᱨ ᱛᱮᱫ ᱵᱩᱰᱷᱤ ᱡᱟᱶᱟᱭ ᱜᱚᱢᱠᱮᱛ ᱱᱟᱹᱭᱦᱟᱹᱨ ᱥᱮᱱᱚᱜ ᱨᱮᱱᱟᱜ ᱠᱟᱛᱷᱟ ᱠᱤᱱ ᱢᱮᱛᱟᱭ ᱠᱟᱱᱟ ᱥᱟᱶᱛᱮ ᱜᱚᱲᱚᱢ ᱠᱚᱲᱟ ᱦᱚᱸ᱾ ᱥᱤᱨᱩ ᱜᱚᱢᱠᱮ ᱫᱚ ᱦᱟᱱᱟᱨ ᱦᱚᱧᱦᱟᱨᱟᱜ ᱠᱟᱛᱷᱟ ᱵᱟᱝᱜᱮᱭ ᱜᱤᱰᱤ ᱞᱮᱫᱼᱟ, ᱱᱟᱹᱭᱦᱟᱨ ᱛᱮ ᱥᱮᱱᱚᱜ ᱨᱮᱵᱮᱱ ᱮᱱᱟᱭ ᱾ ᱦᱚᱧᱦᱟᱨ ᱛᱮᱫ ᱦᱟᱲᱟᱢ ᱦᱟᱱᱟᱨ ᱛᱮᱫ ᱵᱩᱰᱷᱤ ᱱᱚᱣᱟ ᱠᱟᱛᱷᱟ ᱟᱸᱡᱚᱢ ᱠᱟᱛᱮ ᱨᱟᱹᱥᱠᱟᱹ ᱜᱮ ᱠᱤᱱ ᱟᱴᱠᱟᱨ ᱠᱮᱫᱼᱟ᱾ ᱪᱮᱫᱟᱜ ᱵᱟᱝᱢᱟ ᱡᱟᱶᱟᱭ ᱜᱚᱢᱠᱮᱛ ᱟᱠᱚ ᱚᱲᱟᱜ ᱠᱤᱱ ᱤᱫᱤ ᱞᱮᱠᱷᱟᱱ ᱡᱤᱣᱤ ᱨᱮ ᱯᱟᱞᱮᱱ ᱟᱹᱰᱤ ᱡᱩᱨ ᱥᱟᱹᱱᱛᱤ ᱠᱤᱱ ᱧᱟᱢᱟ ᱾ ᱱᱚᱛᱮ ᱜᱚᱲᱚᱢ ᱛᱮᱫ ᱠᱚᱲᱟ ᱦᱚᱸ ᱢᱟᱢᱚ ᱚᱲᱟᱜ ᱥᱮᱱ ᱠᱟᱛᱮ ᱯᱟᱞᱮᱱ ᱱᱟᱥᱮ ᱫᱚ ᱱᱟᱯᱟᱭ ᱜᱮᱭ ᱟᱹᱭᱠᱟᱹᱣᱟ ᱾ ᱚᱱᱟᱛᱮ ᱫᱚᱥᱟᱨ ᱦᱤᱞᱚᱜ ᱜᱮᱠᱚ ᱥᱮᱱ ᱮᱱᱟ᱾ ᱟᱭᱳ ᱵᱟᱵᱟ ᱫᱚ ᱟᱭᱢᱟ ᱞᱮᱠᱟᱱᱟᱜ ᱠᱚ ᱩᱭᱦᱟᱹᱨᱟ, ᱜᱤᱫᱽᱨᱟᱹ ᱠᱚ ᱱᱟᱯᱟᱭ ᱛᱟᱦᱮᱱ ᱞᱟᱹᱜᱤᱫ ᱾ ᱦᱚᱯᱚᱱ ᱮᱨᱟᱛ ᱫᱷᱚᱱᱢᱩᱱᱤ ᱵᱟᱹᱱᱩᱜ ᱮᱭᱟ ᱱᱚᱣᱟ ᱫᱷᱩᱲᱤ ᱫᱷᱟᱹᱨᱛᱤ ᱨᱮ, ᱮᱱᱛᱮ ᱨᱮᱦᱚᱸ ᱱᱩᱠᱤᱱ ᱟᱭᱳ ᱵᱟᱵᱟ ᱡᱟᱶᱟᱭ ᱜᱚᱢᱠᱮᱛ ᱫᱚ ᱟᱯᱱᱟᱨ ᱤᱡ ᱦᱚᱯᱚᱱ ᱞᱮᱠᱟ ᱜᱮᱠᱤᱱ ᱫᱩᱞᱟᱹᱲ ᱟᱭᱟ᱾ ᱥᱤᱨᱩ ᱜᱚᱢᱠᱮ ᱦᱚᱸ ᱦᱚᱧᱦᱟᱨ ᱛᱮᱫ ᱦᱟᱲᱟᱢ ᱦᱟᱱᱟᱨ ᱛᱮᱫ ᱵᱩᱰᱷᱤ ᱛᱤᱠᱤᱱ ᱟᱹᱰᱤ ᱟᱴ ᱢᱟᱱᱚᱛ ᱟᱹᱠᱤᱱᱟᱭ ᱾

ᱱᱟᱹᱭᱦᱟᱹᱨ ᱨᱮ ᱵᱟᱨ ᱦᱟᱯᱛᱟ ᱜᱟᱱ ᱛᱟᱦᱮᱸ ᱠᱟᱛᱮ ᱟᱫᱚ ᱥᱤᱨᱩ ᱜᱚᱢᱠᱮ ᱟᱨ ᱦᱚᱯᱚᱱ ᱛᱮᱫ ᱟᱠᱚ ᱚᱲᱟᱜ ᱛᱮᱠᱚ ᱤᱫᱤ ᱥᱮᱴᱮᱨ ᱠᱟᱫ ᱠᱤᱱᱟ ᱾ ᱢᱚᱬᱮ ᱛᱩᱨᱩᱭ ᱵᱚᱸᱜᱟ ᱛᱟᱭᱚᱢ ᱠᱷᱟᱱ ᱜᱮ ᱥᱤᱨᱩ ᱮᱨᱟᱛᱟᱭᱟᱜ ᱵᱷᱟᱸᱰᱟᱱ ᱠᱟᱹᱢᱤ ᱠᱚ ᱪᱩᱠᱟᱹᱣ ᱠᱮᱫᱼᱟ ᱾ ᱱᱚᱣᱟ ᱛᱟᱭᱚᱢ ᱠᱷᱟᱱ ᱜᱮ ᱱᱟᱹᱭᱦᱟᱹᱨ ᱨᱤᱱ ᱥᱟᱱᱟᱢ ᱠᱚ ᱜᱮᱠᱚ ᱢᱮᱢᱮᱱ ᱠᱟᱱᱟ ᱪᱷᱩᱴᱠᱤ ᱟᱹᱜᱩ ᱞᱟᱹᱜᱤᱫ ᱢᱮᱱᱠᱷᱟᱱ ᱥᱤᱨᱩ ᱜᱚᱢᱠᱮ ᱫᱚ ᱵᱟᱝᱜᱮᱭ ᱨᱮᱵᱮᱱ ᱠᱟᱱᱟ᱾ ᱟᱛᱩ ᱚᱲᱟᱜ ᱦᱚᱲ ᱦᱚᱸ ᱢᱮᱢᱮᱱ ᱠᱟᱱ ᱜᱮᱭᱟ ᱠᱚ ᱾ ᱟᱫᱚ ᱵᱟᱝᱠᱷᱟᱱ ᱪᱤᱠᱟᱹ ᱛᱮ ᱱᱚᱣᱟ ᱜᱷᱟᱸᱨᱚᱧᱡᱽ ᱱᱟᱯᱟᱭ ᱛᱮ ᱛᱟᱦᱮᱱᱟ ᱾ ᱱᱚᱣᱟ ᱠᱚ ᱵᱩᱡᱷᱟᱹ ᱵᱩᱡᱷᱤ ᱵᱟᱲᱟ ᱠᱟᱛᱮ ᱥᱤᱨᱩ ᱜᱚᱢᱠᱮ ᱠᱚ ᱨᱮᱵᱮᱱ ᱦᱚᱪᱚ ᱠᱮᱫᱮᱭᱟ ᱾ ᱥᱤᱨᱩ ᱜᱚᱢᱠᱮᱭ ᱨᱮᱵᱮᱱ ᱮᱱᱠᱷᱟᱱ ᱱᱟᱹᱭᱦᱟᱨ ᱯᱟᱦᱴᱟ ᱨᱤᱱ ᱥᱟᱱᱟᱢ ᱠᱚᱜᱮ ᱟᱹᱰᱤ ᱨᱟᱹᱥᱠᱟᱹ ᱠᱚ ᱟᱴᱠᱟᱨ ᱠᱮᱫᱼᱟ, ᱟᱫᱚ ᱟᱠᱚ ᱜᱮ ᱵᱟᱹᱦᱩ ᱧᱮᱧᱮᱞ ᱠᱚ ᱪᱷᱩᱴᱟᱹᱣ ᱮᱱᱟ ᱾ ᱱᱚᱛᱮ ᱚᱲᱟᱜ ᱨᱤᱱ ᱵᱚᱠᱚ ᱵᱚᱭᱦᱟ ᱦᱚᱸ ᱥᱤᱨᱩ ᱜᱚᱢᱠᱮ ᱞᱟᱹᱜᱤᱫ ᱟᱹᱰᱤ ᱱᱟᱯᱟᱭ ᱠᱩᱲᱤ ᱜᱤᱫᱽᱨᱟᱹ ᱠᱚ ᱧᱟᱢ ᱠᱮᱫᱮᱭ, ᱵᱟᱱᱟᱨ ᱯᱟᱦᱴᱟ ᱠᱷᱚᱱ ᱜᱮ ᱠᱩᱥᱤ ᱵᱟᱹᱥᱤ ᱦᱩᱭ ᱮᱱᱟ᱾ ᱟᱫᱚ ᱯᱮᱲᱟ ᱞᱮᱠᱟ ᱜᱮ ᱟᱹᱜᱩ ᱠᱟᱛᱮ ᱵᱟᱦᱟᱥᱟᱶᱦᱟ ᱠᱮᱫ ᱠᱤᱱᱟᱠᱚ ᱾

ᱥᱤᱨᱩ ᱜᱚᱢᱠᱮᱭᱟᱜ ᱡᱤᱣᱤ ᱨᱮ ᱵᱚᱛᱚᱨ ᱫᱚ ᱢᱮᱱᱟᱜ ᱜᱮᱭᱟ, ᱮᱱᱛᱮ ᱨᱮᱦᱚᱸ ᱪᱮᱫᱟᱜ ᱪᱚ ᱩᱭᱦᱟᱹᱨ ᱦᱮᱡ ᱜᱚᱫᱚᱜ ᱛᱟᱭᱟ ᱱᱚᱝᱠᱟ! ᱥᱟᱹᱨᱤ ᱜᱮ ᱱᱩᱭ ᱠᱩᱲᱤ ᱜᱤᱫᱽᱨᱟᱹ ᱦᱚᱸ ᱫᱷᱚᱱᱢᱩᱱᱤ ᱞᱮᱠᱟ ᱜᱮ ᱯᱟᱞᱮᱱ ᱪᱮᱫᱟᱜ ᱵᱟᱝᱢᱟ ᱼ ᱟᱛᱩ ᱦᱚᱲ, ᱚᱲᱟᱜ ᱦᱚᱲ, ᱚᱱᱟ ᱥᱟᱶᱛᱮ ᱯᱮᱲᱟ ᱦᱚᱲ ᱠᱚ ᱥᱟᱶ ᱦᱚᱸ ᱟᱹᱰᱤ ᱡᱩᱨ ᱢᱮᱥᱟᱜ ᱠᱟᱱᱟᱭ᱾ ᱡᱷᱚᱛᱚ ᱦᱚᱲ ᱥᱟᱶ ᱜᱮ ᱞᱟᱸᱫᱟ ᱠᱟᱛᱮ ᱜᱮ ᱨᱚᱲᱟᱭ᱾ ᱚᱱᱟᱛᱮ ᱟᱛᱩ ᱦᱚᱲ ᱠᱚ ᱚᱲᱟᱜ ᱦᱚᱲ ᱠᱚ ᱱᱚᱣᱟ ᱠᱟᱛᱷᱟ ᱜᱮ ᱞᱟᱹᱭ ᱮᱫᱟ ᱠᱚ ᱫᱷᱚᱱᱢᱩᱱᱤ ᱵᱟᱹᱦᱩ ᱜᱮ ᱯᱟᱞᱮᱱ ᱦᱮᱡ ᱨᱩᱣᱟᱹᱲ ᱮᱱᱟᱭ ᱱᱚᱣᱟ ᱚᱲᱟᱜ ᱛᱮᱫᱚ᱾ ᱡᱷᱚᱛᱚ ᱠᱷᱚᱱᱟᱜ ᱢᱟᱨᱟᱝ ᱠᱟᱛᱷᱟ ᱫᱚ ᱵᱮᱴᱟ ᱥᱤᱵᱩ ᱟᱹᱰᱤ ᱜᱮ ᱫᱩᱞᱟᱹᱲᱮ ᱠᱟᱱᱟᱭ᱾ ᱡᱟᱦᱟᱸ ᱫᱚ ᱟᱭᱳ ᱜᱮ ᱚᱱᱠᱟᱭ ᱫᱩᱞᱟᱹᱲ ᱥᱟᱹᱨᱤ ᱟᱭᱟ ᱾ ᱥᱟᱱᱟᱢ ᱦᱚᱲ ᱜᱮ ᱟᱹᱰᱤ ᱦᱟᱦᱟᱲᱟ ᱜᱮᱠᱚ ᱟᱹᱭᱠᱟᱹᱣ ᱮᱫᱟ ᱾ ᱱᱚᱛᱮ ᱥᱤᱵᱩ ᱵᱟᱹᱵᱩ ᱦᱚᱸ ᱱᱟᱣᱟ ᱟᱭᱳᱣᱟᱜ ᱫᱩᱞᱟᱹᱲ ᱛᱮ ᱟᱹᱰᱤ ᱡᱩᱨ ᱠᱩᱥᱤ ᱨᱟᱹᱥᱠᱟᱹ ᱨᱮ ᱢᱮᱱᱟᱭᱟ᱾ ᱢᱤᱫ ᱵᱟᱨ ᱵᱚᱸᱜᱟ ᱛᱮᱜᱮ ᱥᱤᱨᱩ ᱜᱚᱢᱠᱮᱭᱟᱜ ᱜᱷᱟᱸᱨᱚᱧᱡᱽ ᱨᱮ ᱦᱮᱥᱮᱡ ᱥᱮᱠᱮᱡ ᱜᱮ ᱟᱹᱭᱠᱟᱹᱜ ᱠᱟᱱᱟ ᱾ ᱚᱱᱟ ᱫᱚ ᱥᱤᱨᱩ ᱜᱚᱢᱠᱮ ᱦᱚᱸ ᱱᱟᱯᱟᱭ ᱛᱮ ᱟᱹᱭᱠᱟᱹᱣ ᱫᱟᱲᱮᱭᱟᱜ ᱠᱟᱱᱟᱭ᱾ ᱜᱷᱟᱸᱨᱚᱧᱡᱽ ᱨᱮ ᱛᱤᱨᱞᱟᱹ ᱦᱚᱯᱚᱱ ᱵᱟᱝ ᱛᱟᱦᱮᱱ ᱠᱷᱟᱱ ᱚᱠᱟ ᱞᱮᱠᱟ ᱟᱴᱠᱟᱨᱚᱜᱼᱟ, ᱚᱱᱟ ᱫᱚ ᱥᱤᱨᱩ ᱜᱚᱢᱠᱮ ᱥᱟᱹᱨᱤ ᱜᱮ ᱟᱹᱭᱠᱟᱹᱣ ᱠᱮᱫᱼᱟᱭ ᱾ ᱪᱷᱩᱴᱠᱤ ᱮᱨᱟ ᱫᱩᱞᱟᱹᱨᱤ ᱢᱟᱹᱭ ᱥᱟᱹᱨᱤᱜᱮ ᱟᱹᱰᱤ ᱱᱟᱯᱟᱭ ᱩᱭᱦᱟᱹᱨ ᱛᱟᱭ, ᱟᱹᱰᱤ ᱱᱟᱯᱟᱭ ᱢᱚᱱᱮ ᱛᱟᱭ ᱾ ᱵᱮᱴᱟ ᱥᱤᱵᱩ ᱫᱚ ᱟᱡ ᱤᱡ ᱡᱟᱱᱟᱢ ᱜᱤᱫᱽᱨᱟᱹ ᱞᱮᱠᱟ ᱜᱮ ᱫᱩᱠᱟᱹᱲᱮ ᱠᱟᱱᱟᱭ ᱾ ᱚᱱᱟᱛᱮ ᱥᱟᱱᱟᱢ ᱦᱚᱲ ᱜᱮ ᱫᱩᱞᱟᱹᱨᱤ ᱪᱷᱩᱴᱠᱤ ᱮᱨᱟ ᱫᱚ ᱟᱹᱰᱤ ᱜᱮᱠᱚ ᱫᱩᱞᱟᱹᱲᱮ ᱠᱟᱱᱟ ᱾ ᱥᱤᱨᱩ ᱜᱚᱢᱠᱮ ᱦᱚᱸ ᱟᱹᱰᱤ ᱨᱟᱹᱥᱠᱟᱹ ᱨᱮ ᱢᱮᱱᱟᱭᱟ ᱾

ᱱᱚᱛᱮ ᱵᱮᱴᱟ ᱥᱤᱵᱩ ᱦᱚᱸ ᱯᱨᱟᱭᱢᱟᱨᱤ ᱥᱠᱩᱞ ᱠᱷᱚᱱᱟᱜ ᱦᱟᱭ ᱥᱠᱩᱞ ᱨᱮ ᱠᱤᱱ ᱵᱷᱚᱨᱛᱤ ᱠᱮᱫᱮᱭᱟ ᱟᱨ ᱰᱩᱞᱩᱝ ᱜᱟᱹᱰᱤ ᱠᱤᱱ ᱠᱤᱨᱤᱧ ᱟᱫᱮᱭᱟ᱾ ᱚᱱᱟ ᱰᱩᱞᱩᱝ ᱜᱟᱹᱰᱤ ᱛᱮᱜᱮ ᱥᱠᱩᱞ ᱫᱚᱭ ᱦᱤᱡᱩᱜ ᱥᱮᱱᱚᱜ ᱠᱟᱱᱟ ᱥᱤᱵᱩ ᱵᱮᱴᱟ ᱫᱚ᱾ ᱟᱨᱦᱚᱸ ᱨᱟᱹᱥᱠᱟᱹ ᱨᱮᱱᱟᱜ ᱠᱟᱛᱷᱟ ᱫᱩᱞᱟᱹᱨᱤ ᱦᱚᱸ ᱦᱟᱢᱟᱞ ᱦᱚᱲᱢᱚ ᱢᱮᱱᱟᱭᱟ ᱾ ᱵᱩᱲᱠᱤ ᱮᱨᱟ ᱵᱚᱸᱜᱟ ᱛᱟᱞᱟ ᱟᱠᱟᱱ ᱫᱷᱚᱱᱢᱩᱱᱤ ᱨᱤᱱ ᱟᱭᱳ ᱵᱟᱵᱟ ᱦᱚᱸ ᱞᱚᱜᱚᱱ ᱞᱚᱜᱚᱱ ᱜᱮ ᱦᱤᱨᱤ ᱠᱤᱱ ᱦᱮᱡ ᱜᱚᱫᱚᱜᱼᱟ ᱾ ᱫᱩᱞᱟᱹᱨᱤ ᱢᱟᱹᱭ ᱦᱚᱸ ᱟᱹᱰᱤ ᱡᱩᱨ ᱠᱩᱥᱤ ᱜᱮ ᱟᱹᱭᱠᱟᱹᱣ ᱟᱭ ᱟᱨ ᱱᱩᱠᱤᱱ ᱟᱭᱳ ᱵᱟᱵᱟ ᱦᱚᱸ ᱚᱱᱠᱟ ᱜᱮ ᱾ ᱱᱚᱛᱮ ᱥᱤᱵᱩ ᱵᱮᱴᱟᱣᱟᱜ ᱠᱟᱛᱷᱟ ᱢᱟ ᱞᱟᱹᱭ ᱜᱮ ᱵᱟᱝ ᱜᱟᱱᱚᱜᱼᱟ᱾ ᱵᱟᱨᱭᱟ ᱵᱟᱨᱭᱟ ᱢᱟᱢᱚ ᱚᱲᱟᱜ ᱨᱮᱱᱟᱜ ᱫᱩᱞᱟᱹᱲ, ᱥᱟᱹᱨᱤ ᱜᱮ ᱫᱷᱚᱱᱢᱩᱱᱤ ᱱᱚᱣᱟ ᱫᱷᱩᱲᱤ ᱫᱷᱟᱹᱨᱛᱤ ᱨᱮ ᱵᱟᱹᱱᱩᱜ ᱮᱭᱟ ᱢᱮᱱᱠᱷᱟᱱ ᱫᱷᱚᱱᱢᱩᱱᱤ ᱫᱚ ᱡᱷᱚᱛᱚᱢᱟᱜ ᱜᱮᱭ ᱵᱟᱹᱜᱤ ᱦᱚᱴᱚ ᱟᱠᱟᱣᱫᱟ ᱾ ᱫᱩᱞᱟᱹᱨᱤ ᱦᱚᱸ ᱧᱟᱢ ᱟᱠᱟᱫᱟᱭ ᱵᱟᱨᱭᱟ ᱵᱟᱨᱭᱟ ᱟᱭᱳ ᱵᱟᱵᱟ, ᱵᱚᱠᱚ ᱵᱚᱭᱦᱟ ᱚᱲᱟᱜ ᱾ ᱥᱤᱨᱩ ᱜᱚᱢᱠᱮ ᱦᱚᱸ ᱵᱟᱵᱟᱨᱭᱟ ᱱᱟᱹᱭᱦᱟᱹᱨ ᱟᱭᱢᱟ ᱫᱩᱞᱟᱹᱲ ᱾ ᱵᱟᱨᱭᱟ ᱱᱟᱹᱭᱦᱟᱹᱨ ᱨᱤᱱ ᱥᱟᱱᱟᱢ ᱠᱚᱜᱮ ᱠᱚ ᱦᱤᱨᱤ ᱦᱤᱯᱤᱨᱤᱜᱼᱟ, ᱟᱹᱰᱤ ᱱᱟᱯᱟᱭ ᱥᱟᱹᱜᱟᱹᱭ ᱛᱮᱠᱚ ᱛᱚᱞ ᱟᱠᱟᱱᱟ ᱾ ᱱᱚᱝᱠᱟ ᱦᱚᱸ ᱢᱚᱱᱮ ᱨᱮ ᱦᱮᱡ ᱜᱚᱫᱚᱜᱼᱟ ᱯᱟᱞᱮᱱ ᱪᱚᱴ ᱪᱟᱸᱫᱳᱭ ᱥᱮᱯᱮᱧ ᱟᱠᱟᱫ ᱠᱚᱣᱟ ᱾ ᱫᱷᱚᱱᱢᱩᱱᱤ ᱨᱤᱱ ᱟᱭᱳ ᱵᱟᱵᱟ, ᱵᱚᱠᱚ ᱵᱚᱭᱦᱟ, ᱦᱤᱞᱤ ᱥᱟᱱᱟᱢ ᱠᱚᱜᱮ ᱫᱩᱞᱟᱹᱨᱤ ᱢᱟᱹᱭ ᱫᱚ ᱟᱹᱰᱤ ᱜᱮᱠᱚ ᱫᱩᱞᱟᱹᱲ ᱟᱭᱟ ᱾ ᱚᱱᱟᱛᱮ ᱫᱩᱞᱟᱹᱨᱤ ᱢᱟᱹᱭ ᱦᱚᱸ ᱞᱚᱜᱚᱱ ᱞᱚᱜᱚᱱ ᱜᱮ ᱦᱤᱨᱤ ᱫᱚᱭ ᱥᱮᱱ ᱜᱚᱫᱚᱜᱼᱟ ᱾ ᱫᱩᱞᱟᱹᱨᱤ ᱢᱟᱹᱭ ᱟᱜ ᱵᱮᱵᱷᱟᱨ ᱛᱮ ᱫᱷᱚᱱᱢᱩᱱᱤ ᱢᱮᱱᱟᱭ ᱞᱮᱠᱟ ᱜᱮᱠᱚ ᱟᱹᱭᱠᱟᱹᱣᱟ᱾ ᱫᱩᱞᱟᱹᱨᱤ ᱢᱟᱹᱭ ᱦᱚᱸ ᱚᱸᱰᱮ ᱜᱮ ᱡᱟᱱᱟᱢ ᱚᱲᱟᱜ ᱞᱮᱠᱟᱭ ᱟᱹᱭᱠᱟᱹᱣᱟ ᱾ ᱥᱟᱹᱨᱤ ᱜᱮ ᱱᱚᱣᱟ ᱫᱷᱟᱹᱨᱛᱤ ᱨᱮ ᱫᱩᱞᱟᱹᱲ, ᱥᱩᱞᱩᱠ, ᱱᱤᱨᱟᱹᱭ ᱛᱟᱦᱮᱱ ᱜᱮ ᱯᱟᱞᱮᱱ ᱱᱟᱯᱟᱭᱟ ᱾ ᱫᱩᱞᱟᱹᱨᱤ ᱫᱚ ᱱᱩᱱᱟᱹᱜ ᱜᱮ ᱱᱟᱯᱟᱭ ᱩᱭᱦᱟᱹᱨ ᱛᱟᱭ ᱱᱟᱯᱟᱭ ᱵᱮᱵᱷᱟᱨ ᱛᱟᱭ, ᱯᱮᱭᱟ ᱚᱲᱟᱜ ᱫᱚ ᱫᱤᱫ ᱜᱮ ᱫᱚᱦᱚ ᱟᱠᱟᱫᱟᱭ ᱾

ᱫᱩᱞᱟᱹᱨᱤ ᱦᱟᱢᱟᱞ ᱦᱚᱲᱢᱚ ᱠᱷᱚᱱᱟᱜ ᱟᱬᱜᱳ ᱮᱱᱟᱭ ᱵᱤᱴᱤ ᱜᱮ ᱦᱮᱢ ᱦᱚᱵᱚᱨ ᱟᱱᱟᱭ ᱾ ᱥᱤᱨᱩ ᱜᱚᱢᱠᱮ ᱟᱜ ᱚᱲᱟᱜ ᱫᱚ ᱟᱨᱦᱚᱸ ᱢᱟᱨᱥᱟᱞ ᱮᱱ ᱞᱮᱠᱟ ᱟᱹᱭᱠᱟᱹᱣᱚᱜ ᱠᱟᱱᱟ᱾ ᱥᱟᱱᱟᱢ ᱦᱚᱲ ᱜᱮ ᱟᱹᱰᱤ ᱨᱟᱹᱥᱠᱟᱹ ᱨᱮ ᱢᱮᱱᱟᱜ ᱠᱚᱣᱟ᱾ ᱵᱟᱱᱟᱨ ᱯᱟᱦᱴᱟ ᱨᱤᱱ ᱟᱭᱳ ᱵᱟᱵᱟ ᱠᱤᱱ ᱥᱮᱴᱮᱨ ᱮᱱᱟ ᱾ ᱪᱮᱫ ᱛᱮᱦᱚᱸ ᱮᱴᱠᱮᱴᱚᱬᱮ ᱵᱟᱹᱱᱩᱜᱼᱟ, ᱛᱤᱱᱟᱹᱜ ᱨᱟᱹᱥᱠᱟᱹ ᱨᱮᱱᱟᱜ ᱠᱟᱛᱷᱟ ᱾ ᱫᱩᱞᱟᱹᱨᱤ ᱢᱟᱹᱭ ᱢᱚᱱᱮ ᱢᱚᱱᱮᱛᱮ ᱩᱭᱦᱟᱹᱨ ᱮᱫᱟᱭ ᱪᱮᱫ ᱫᱩᱠᱷ ᱜᱮ ᱵᱟᱝᱠᱚ ᱟᱹᱭᱠᱟᱹᱣ ᱦᱚᱪᱚ ᱞᱤᱫᱤᱧᱟ ᱵᱟᱱᱟᱨ ᱯᱟᱦᱴᱟ ᱟᱭᱳ ᱵᱟᱵᱟ ᱚᱲᱟᱜ ᱠᱷᱚᱱᱟᱜ ᱾ ᱫᱩᱞᱟᱹᱨᱤ ᱥᱟᱶᱛᱮ ᱥᱤᱨᱩ ᱜᱚᱢᱠᱮ, ᱥᱤᱵᱩ ᱵᱮᱴᱟ ᱱᱩᱠᱩᱣᱟᱜ ᱢᱚᱞᱚᱝ ᱫᱚ ᱟᱹᱰᱤ ᱱᱟᱯᱟᱭᱟ ᱾ ᱥᱤᱨᱩ ᱜᱚᱢᱠᱮ ᱱᱚᱝᱠᱟᱱ ᱪᱷᱩᱴᱠᱤ ᱮᱨᱟᱭ ᱧᱟᱢ ᱡᱚᱝᱟ ᱩᱭᱦᱟᱹᱨ ᱛᱮᱦᱚᱸ ᱵᱟᱝᱜᱮᱭ ᱩᱭᱦᱟᱹᱨ ᱛᱤᱭᱩᱜ ᱫᱟᱲᱮᱭᱟᱜ ᱠᱟᱱᱟ ᱾ ᱱᱚᱛᱮ ᱵᱟᱵᱟᱨᱭᱟ ᱱᱟᱹᱭᱦᱟᱹᱨ ᱦᱚᱸ ᱚᱱᱠᱟ ᱜᱮ ᱱᱟᱯᱟᱭ ᱾ ᱫᱷᱟᱹᱨᱛᱤ ᱨᱮ ᱱᱚᱝᱠᱟᱱ ᱦᱟᱱᱟᱨ ᱵᱩᱰᱷᱤ ᱦᱚᱧᱦᱟᱨ ᱦᱟᱲᱟᱢ ᱢᱮᱱᱟᱜ ᱠᱚᱣᱟ ᱹ ᱹ ᱹ ᱹ ᱹ ᱡᱟᱦᱟᱸ ᱫᱩᱠ ᱢᱩᱦᱤᱢ ᱨᱤᱧ ᱛᱟᱦᱮᱸ ᱠᱟᱱᱟ ᱚᱱᱟ ᱫᱩᱠ ᱫᱚᱨᱭᱟ ᱠᱷᱚᱱᱟᱜ ᱱᱟᱹᱭᱦᱟᱹᱨ ᱯᱟᱦᱴᱟ ᱱᱚᱛᱮ ᱪᱷᱩᱴᱠᱤ ᱮᱨᱟ ᱫᱩᱞᱟᱹᱨᱤᱭᱟᱜ ᱢᱚᱞᱚᱝ ᱡᱚᱥ ᱛᱮ ᱯᱟᱞᱮᱱ ᱥᱟᱱᱟᱢᱟᱜ ᱜᱮ ᱥᱟᱹᱜᱩᱱ ᱟᱠᱟᱱᱟ ᱾

ᱥᱤᱵᱩ ᱵᱮᱴᱟ ᱦᱚᱸ ᱜᱮᱞᱵᱟᱨ ᱪᱟᱱᱟᱪ ᱯᱟᱥ ᱠᱟᱛᱮ ᱱᱤᱛᱚᱜ ᱪᱚᱞᱞᱮᱜᱮ ᱨᱮ ᱠᱤᱱ ᱵᱷᱚᱨᱛᱤ ᱠᱮᱫᱮᱭᱟ᱾ ᱟᱹᱰᱤ ᱱᱟᱯᱟᱭ ᱛᱮ ᱚᱞᱚᱜ ᱯᱟᱲᱦᱟᱜ ᱠᱟᱱᱟᱭ᱾ ᱫᱩᱞᱟᱹᱨᱤ ᱟᱨ ᱥᱤᱨᱩ ᱜᱚᱢᱠᱮ ᱟᱹᱰᱤ ᱦᱮᱥᱮᱡ ᱥᱮᱠᱮᱡ ᱢᱮᱱᱟᱜ ᱠᱤᱱᱟ᱾ ᱵᱤᱴᱤ ᱦᱚᱸ ᱢᱟᱨᱟᱝ ᱤᱫᱤ ᱮᱱᱟᱭ, ᱯᱮ ᱥᱮᱨᱢᱟ ᱩᱢᱮᱨ ᱦᱩᱭ ᱮᱱ ᱛᱟᱭᱟ ᱾ ᱫᱩᱞᱟᱹᱨᱤᱭᱟᱜ ᱱᱚᱣᱟ ᱜᱮ ᱩᱭᱦᱟᱹᱨ ᱢᱮᱱᱟᱜ ᱛᱟᱭᱟ ᱢᱤᱫᱴᱟᱝ ᱵᱮᱴᱟ ᱟᱨ ᱢᱤᱫᱴᱟᱝ ᱵᱤᱴᱤ ᱟᱫᱚ ᱜᱷᱟᱸᱨᱚᱧᱡᱽ ᱵᱟᱝᱞᱤᱧ ᱢᱟᱨᱟᱝᱟ ᱾ ᱪᱮᱫᱟᱜ ᱵᱟᱝ ᱥᱮ ᱱᱩᱠᱤᱱ ᱜᱤᱫᱽᱨᱟᱹ ᱱᱟᱯᱟᱭ ᱛᱮ ᱚᱞᱚᱜ ᱯᱟᱲᱦᱟᱣ ᱥᱮᱬᱟ ᱦᱚᱪᱚ ᱠᱤᱱᱟ ᱾ ᱦᱩᱲᱩ ᱪᱟᱣᱞᱮ ᱟᱹᱠᱷᱨᱤᱧ ᱠᱟᱛᱮ ᱚᱞᱚᱜ ᱥᱮᱬᱟ ᱦᱚᱪᱚ ᱫᱚ ᱟᱹᱰᱤ ᱟᱱᱟᱴᱟ ᱾ ᱚᱱᱟ ᱫᱚ ᱥᱤᱨᱩ ᱜᱚᱢᱠᱮ ᱟᱨ ᱫᱩᱞᱟᱹᱨᱤᱭᱟᱜ ᱩᱭᱦᱟᱹᱨ ᱢᱮᱱᱟᱜ ᱛᱟᱹᱠᱤᱱᱟ ᱾ ᱧᱮᱞ ᱧᱮᱞ ᱛᱮᱜᱮ ᱵᱮᱴᱟ ᱦᱚᱸ ᱠᱚᱞᱮᱡᱽ ᱠᱷᱟᱱᱟᱜ ᱵᱤᱹ ᱮᱹ ᱯᱟᱥ ᱠᱟᱛᱮ ᱩᱰᱩᱠ ᱮᱱᱟᱭ ᱾ ᱥᱤᱨᱩ ᱜᱚᱢᱠᱮᱭᱟᱜ ᱩᱭᱦᱟᱹᱨ ᱢᱮᱱᱟᱜ ᱛᱟᱭᱟ ᱥᱤᱵᱩ ᱵᱮᱴᱟ ᱵᱤᱹ ᱮᱰᱹ ᱯᱟᱲᱦᱟᱣ ᱦᱚᱪᱚ ᱨᱮᱱᱟᱜ ᱾ ᱢᱚᱱᱮ ᱩᱨᱤᱡ ᱠᱟᱛᱮ ᱵᱷᱚᱨᱛᱤ ᱠᱮᱫᱮᱭᱟᱭ ᱵᱤᱹ ᱮᱰᱹ ᱠᱚᱞᱮᱡᱽ ᱨᱮ᱾ ᱱᱚᱛᱮ ᱵᱤᱴᱤ ᱦᱚᱸ ᱦᱟᱭ ᱥᱠᱩᱞ ᱨᱮ ᱯᱟᱲᱦᱟᱜ ᱠᱟᱱᱟᱭ ᱾ ᱵᱟᱨᱭᱟ ᱜᱤᱫᱽᱨᱟᱹ ᱟᱨ ᱡᱩᱨᱤ ᱡᱚᱛᱟ ᱱᱟᱭ ᱛᱮ ᱱᱟᱯᱟᱭ ᱛᱮ ᱢᱮᱱᱟᱜ ᱠᱚᱣᱟ᱾ ᱥᱤᱵᱩ ᱵᱮᱴᱟ ᱫᱚ ᱛᱤᱥ ᱦᱚᱸ ᱟᱭᱳᱣᱟᱜ ᱚᱵᱷᱟᱵᱽ ᱵᱟᱝᱜᱮᱭ ᱟᱹᱭᱠᱟᱹᱣ ᱞᱮᱫᱼᱟ ᱾ ᱟᱭᱳ ᱵᱟᱵᱟᱣᱟᱜ ᱫᱩᱞᱟᱹᱲ ᱨᱮᱭ ᱦᱟᱨᱟ ᱵᱩᱨᱩ ᱮᱱᱟ ᱾ ᱵᱤᱹ ᱮᱰᱹ ᱯᱟᱥ ᱠᱟᱛᱮ ᱦᱚᱸ ᱩᱰᱩᱠ ᱮᱱᱟᱭ ᱾ ᱛᱤᱥ ᱠᱚᱨᱮᱪᱚ ᱵᱟᱨ ᱥᱮᱨᱢᱟ ᱯᱟᱨᱚᱢ ᱮᱱᱟ ᱥᱤᱵᱩ ᱵᱮᱴᱟ ᱫᱚ ᱚᱠᱟ ᱦᱚᱸ ᱵᱟᱝ ᱜᱮᱭ ᱵᱩᱡᱷᱟᱹᱣ ᱞᱮᱫᱼᱟ ᱾ ᱱᱚᱣᱟ ᱫᱚ ᱥᱟᱹᱨᱤ ᱠᱟᱛᱷᱟ ᱠᱟᱱᱟ ᱨᱟᱹᱥᱠᱟᱹ ᱥᱮ ᱱᱟᱯᱟᱭ ᱚᱠᱛᱚ ᱫᱚ ᱟᱹᱰᱤ ᱞᱚᱜᱚᱱ ᱜᱮ ᱯᱟᱨᱚᱢᱚᱜᱼᱟ, ᱢᱮᱱᱠᱷᱟᱱ ᱫᱩᱠ ᱦᱟᱨᱠᱮᱛ ᱥᱮ ᱵᱟᱹᱲᱤᱡ ᱚᱠᱛᱚ ᱫᱚ ᱵᱟᱝ ᱜᱮ ᱯᱟᱨᱚᱢ ᱞᱟᱹᱜᱤᱫᱚᱜᱼᱟ ᱾ ᱚᱱᱠᱟ ᱜᱮ ᱥᱤᱵᱩ ᱵᱮᱴᱟ ᱦᱚᱸ ᱱᱟᱯᱟᱭ ᱜᱮ ᱯᱟᱲᱦᱟᱜ ᱠᱟᱱᱛᱮ ᱵᱟᱨ ᱥᱮᱨᱢᱟ ᱫᱚ ᱵᱟᱝ ᱜᱮᱭ ᱟᱹᱭᱠᱟᱹᱣ ᱫᱟᱲᱮᱭᱟᱜ ᱠᱟᱱᱟ ᱾ ᱱᱤᱛᱚᱜ ᱫᱚ ᱥᱤᱵᱩ ᱵᱟᱹᱵᱩ ᱪᱟᱹᱠᱨᱤ ᱨᱮᱱᱟᱜ ᱯᱷᱚᱨᱢ ᱠᱚᱜᱮᱭ ᱯᱷᱤᱞᱟᱯ ᱵᱟᱲᱟ ᱮᱫᱟ᱾ ᱥᱟᱹᱨᱤ ᱜᱮ ᱥᱤᱵᱩ ᱵᱮᱴᱟ ᱫᱚ ᱢᱤᱫ ᱥᱮᱨᱢᱟ ᱛᱟᱭᱚᱢ ᱠᱷᱟᱱ ᱜᱮ ᱢᱟᱪᱮᱫ ᱪᱟᱹᱠᱨᱤ ᱧᱟᱢ ᱠᱮᱫᱼᱟᱭ᱾ ᱚᱱᱟ ᱫᱚ ᱦᱟᱭ ᱥᱠᱩᱞ ᱨᱮ ᱾

ᱱᱚᱣᱟ ᱪᱟᱹᱠᱨᱤ ᱧᱟᱢ ᱠᱟᱛᱮ ᱟᱭᱳ ᱵᱟᱵᱟ ᱟᱹᱰᱤ ᱡᱩᱨ ᱠᱩᱥᱤ ᱨᱟᱹᱥᱠᱟᱹ ᱜᱮ ᱠᱤᱱ ᱟᱴᱠᱟᱨ ᱠᱮᱫᱼᱟ ᱾ ᱱᱚᱛᱮ ᱥᱤᱵᱩ ᱵᱮᱴᱟ ᱦᱚᱸ ᱱᱚᱣᱟ ᱪᱟᱹᱠᱨᱤ ᱦᱩᱭ ᱟᱠᱟᱱ ᱨᱮᱱᱟᱜ ᱵᱮᱣᱨᱟ ᱟᱸᱡᱚᱢ ᱠᱟᱛᱮ ᱥᱤᱵᱩ ᱵᱮᱴᱟ ᱫᱚ ᱟᱭᱳ ᱜᱮ ᱞᱟᱦᱟᱭ ᱢᱮᱛᱟᱭ ᱠᱟᱱᱟ ᱾ ᱢᱮᱱᱠᱷᱟᱱ ᱱᱚᱣᱟ ᱠᱷᱚᱵᱚᱨ ᱫᱚ ᱥᱤᱨᱩ ᱜᱚᱢᱠᱮ ᱜᱮᱭ ᱢᱮᱛᱟ ᱫᱮ ᱛᱟᱦᱮᱸᱜ ᱫᱩᱞᱟᱹᱨᱤ ᱫᱚ ᱱᱤᱛᱚ ᱫᱚ ᱵᱮᱴᱟᱣᱟᱜ ᱢᱚᱪᱟ ᱠᱷᱚᱱ ᱟᱸᱡᱚᱢ ᱮᱫᱟᱭ ᱮᱸᱜᱟᱛ ᱛᱮᱫ ᱫᱩᱞᱟᱹᱨᱤ ᱾ ᱟᱭᱳ ᱟᱭᱳ ᱵᱟᱰᱟᱭᱟᱢ ᱤᱧᱟᱜ ᱢᱟᱪᱮᱫ ᱪᱟᱹᱠᱨᱤ ᱦᱩᱭ ᱟᱠᱟᱱ ᱛᱤᱧᱟ ᱨᱟᱹᱥᱠᱟᱹ ᱵᱟᱢ ᱵᱩᱡᱷᱟᱹᱣ ᱮᱫᱟ? ᱱᱚᱣᱟ ᱠᱟᱛᱷᱟ ᱟᱸᱡᱚᱢ ᱠᱟᱛᱮ ᱟᱭᱳᱣᱟᱜ ᱢᱮᱫ ᱨᱮ ᱢᱮᱫ ᱫᱟᱜ ᱼ ᱪᱮᱫ ᱠᱷᱟᱹᱛᱤᱨ? ᱥᱤᱵᱩ ᱵᱮᱴᱟ ᱦᱚᱸ ᱵᱟᱝᱜᱮᱭ ᱟᱴᱠᱟᱨ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱜ? ᱥᱤᱵᱩ ᱵᱟᱹᱵᱩ ᱟᱭᱳᱣᱟᱜ ᱢᱮᱫ ᱫᱟᱜ ᱡᱚᱨᱚ ᱧᱮᱞ ᱛᱮ ᱫᱩᱲᱩᱵ ᱛᱷᱤᱨ ᱮᱱᱟᱭ᱾ ᱥᱤᱵᱩ ᱵᱮᱴᱟ ᱟᱭᱳᱭᱟᱜ ᱛᱤᱨᱮ ᱥᱟᱵ ᱠᱟᱛᱮ ᱠᱩᱞᱤᱭᱮ ᱠᱟᱱᱟᱭ ᱦᱮᱸ ᱟᱭᱳ ᱤᱧᱟᱜ ᱪᱟᱹᱠᱨᱤ ᱦᱩᱭ ᱠᱟᱱᱟ ᱱᱚᱣᱟ ᱠᱟᱛᱷᱟ ᱟᱸᱡᱚᱢ ᱠᱟᱛᱮ ᱟᱢᱟᱜ ᱢᱮᱫ ᱨᱮ ᱢᱮᱫ ᱫᱟᱜ ᱪᱮᱫᱟᱜ? ᱦᱮᱸᱫᱟ ᱟᱭᱳ ᱱᱚᱣᱟ ᱥᱟᱹᱜᱩᱱ ᱵᱮᱣᱨᱟ ᱛᱮ ᱵᱟᱢ ᱠᱩᱥᱤ ᱞᱮᱱᱟ ᱟᱭᱳ ᱯᱟᱞᱮᱱ ᱵᱟᱢ ᱠᱩᱥᱤ ᱟᱠᱟᱱᱟ ᱟᱭᱳ ᱦᱮᱸᱥᱮ? ᱱᱚᱣᱟ ᱠᱟᱛᱷᱟ ᱟᱸᱡᱚᱢ ᱠᱟᱛᱮ ᱮᱸᱜᱟᱛ ᱛᱮᱫ ᱟᱨᱦᱚᱸ ᱡᱩᱨ ᱛᱮ ᱨᱟᱜ ᱠᱮᱫᱼᱟᱭ᱾ ᱟᱫᱚ ᱱᱚᱣᱟ ᱠᱟᱛᱷᱟ ᱜᱮ ᱟᱭᱳ ᱫᱚ ᱢᱮᱱ ᱠᱮᱫᱼᱟᱭ ᱵᱮᱴᱟ ᱟᱢ ᱟᱨ ᱦᱚᱯᱚᱱ ᱢᱟᱹᱭ ᱞᱟᱹᱜᱤᱫ ᱛᱮ ᱥᱤᱧ ᱧᱤᱫᱟᱹ ᱪᱚᱴ ᱪᱟᱸᱫᱳ ᱴᱷᱮᱱᱤᱧ ᱜᱚᱰ ᱡᱚᱦᱟᱨ ᱮᱫᱟ ᱟᱹᱠᱷᱤᱨ ᱟᱹᱵᱤᱱᱟᱜ ᱢᱟᱨᱥᱟᱞᱚᱜ ᱢᱟ᱾ ᱛᱮᱦᱮᱧ ᱤᱧᱟᱜ ᱠᱩᱠᱢᱩ ᱥᱟᱹᱨᱤ ᱮᱱᱟ ᱵᱮᱴᱟ ᱡᱤᱣᱤ ᱨᱮ ᱟᱹᱰᱤ ᱡᱩᱨ ᱥᱟᱹᱱᱛᱤᱧ ᱧᱟᱢ ᱠᱮᱫᱼᱟ ᱵᱮᱴᱟ᱾ ᱤᱧᱟᱜ ᱡᱟᱦᱟᱸ ᱠᱩᱠᱢᱩ ᱛᱟᱦᱮᱸ ᱠᱟᱱᱟ ᱵᱮᱴᱟ ᱥᱟᱹᱨᱤ ᱮᱱᱟ ᱵᱮᱴᱟ ᱥᱟᱹᱨᱤ ᱮᱱᱟ᱾ ᱱᱚᱣᱟ ᱫᱚ ᱤᱧᱟᱜ ᱫᱩᱠ ᱨᱮᱱᱟᱜ ᱢᱮᱫ ᱫᱟᱜ ᱵᱟᱝ ᱠᱟᱱᱟ ᱵᱮᱴᱟ, ᱨᱟᱹᱥᱠᱟᱹ ᱛᱮ ᱤᱧᱟᱜ ᱢᱮᱫ ᱫᱟᱜ ᱡᱚᱨᱚᱜ ᱠᱟᱱᱟ ᱵᱮᱴᱟ ᱾

ᱱᱚᱣᱟ ᱠᱟᱛᱷᱟ ᱟᱸᱡᱚᱢ ᱠᱟᱛᱮ ᱥᱤᱵᱩ ᱵᱮᱴᱟ ᱦᱚᱸ ᱟᱹᱰᱤ ᱢᱟᱨᱟᱝ ᱛᱮ ᱨᱟᱜ ᱜᱚᱫ ᱠᱮᱫᱼᱟᱭ᱾ ᱟᱫᱚ ᱟᱭᱳ ᱴᱷᱮᱱ ᱦᱟᱹᱲᱩᱵ ᱜᱚᱫ ᱮᱱᱟᱭ᱾ ᱥᱤᱵᱩ ᱵᱮᱴᱟ ᱦᱚᱸ ᱨᱟᱜ ᱛᱩᱞᱩᱡ ᱜᱮ ᱮᱸᱜᱟᱛ ᱛᱮᱫ ᱢᱮᱛᱟᱭ ᱠᱟᱱᱟᱭ, ᱟᱭᱳ ᱟᱢ ᱫᱚ ᱤᱧᱤᱡ ᱪᱷᱩᱴᱠᱤ ᱟᱭᱳ ᱠᱟᱱᱟᱢ ᱥᱟᱹᱨᱤ ᱜᱮ, ᱢᱮᱱᱠᱷᱟᱱ ᱟᱭᱳ ᱟᱢ ᱫᱚ ᱤᱧ ᱴᱷᱮᱱ ᱪᱷᱩᱴᱠᱤ ᱟᱭᱳ ᱫᱚ ᱵᱟᱝ ᱠᱟᱱᱟᱢ ᱟᱭᱳ᱾ ᱦᱩᱰᱤᱧ ᱦᱩᱰᱤᱧ ᱠᱷᱚᱱᱮᱢ ᱦᱟᱺᱵᱩᱫ ᱦᱟᱨᱟ ᱠᱤᱫᱤᱧᱟ, ᱫᱟᱜ ᱫᱟᱠᱟᱢ ᱟᱡᱚ ᱟᱫᱤᱧᱟ, ᱩᱢ ᱚᱡᱚᱜ ᱨᱮ ᱛᱤᱥ ᱦᱚᱸ ᱵᱟᱢ ᱦᱤᱲᱤᱧ ᱟᱠᱟᱫᱤᱧᱟ, ᱤᱧᱟᱜ ᱛᱚᱦᱚᱫ ᱦᱟᱲᱟᱜ ᱨᱮ ᱟᱭᱳ ᱟᱢᱟᱜ ᱢᱮᱫ ᱫᱟᱜ ᱡᱚᱨᱚ ᱟᱠᱟᱱᱟ ᱟᱹᱰᱤ ᱫᱩᱞᱟᱹᱲ ᱨᱮᱢ ᱫᱚᱦᱚ ᱟᱠᱟᱫᱤᱧᱟ ᱟᱭᱳ, ᱟᱢᱟᱜ ᱱᱚᱣᱟ ᱫᱩᱞᱟᱹᱲ ᱨᱮᱱᱟᱜ ᱚᱨᱡᱚ ᱜᱮ ᱛᱮᱦᱮᱧ ᱫᱚ ᱥᱟᱹᱨᱤ ᱮᱱᱟ ᱟᱭᱳ᱾ ᱱᱚᱣᱟ ᱫᱷᱩᱲᱤ ᱫᱷᱟᱹᱨᱛᱤ ᱨᱮ ᱥᱟᱱᱟᱢ ᱜᱤᱫᱽᱨᱟᱹ ᱠᱚ ᱤᱧ ᱞᱮᱠᱟᱱ ᱟᱭᱳ ᱠᱚ ᱧᱟᱢ ᱟᱱᱠᱷᱟᱱ ᱯᱟᱞᱮᱱ ᱤᱧ ᱞᱮᱠᱟ ᱜᱮᱠᱚ ᱦᱟᱨᱟ ᱵᱩᱨᱩᱜᱼᱟ᱾ ᱟᱫᱚ ᱟᱭᱳ ᱟᱨ ᱦᱚᱯᱚᱱ ᱛᱮ ᱠᱤᱱ ᱞᱟᱸᱫᱟ ᱢᱤᱫ ᱟᱱᱟ ᱾

ᱱᱚᱛᱮ ᱥᱤᱨᱩ ᱜᱚᱢᱠᱮ ᱦᱚᱸ ᱫᱟᱱᱟᱝ ᱨᱮᱭ ᱛᱤᱸᱜᱩ ᱞᱮᱱ ᱛᱟᱦᱮᱫ, ᱫᱟᱱᱟᱝ ᱠᱷᱚᱱᱟᱜ ᱱᱚᱣᱟ ᱠᱟᱛᱷᱟ ᱠᱚ ᱟᱸᱡᱚᱢ ᱠᱟᱛᱮ ᱥᱤᱨᱩ ᱜᱚᱢᱠᱮᱭᱟᱜ ᱦᱤᱰᱤᱨ ᱦᱤᱰᱤᱨ ᱢᱮᱫ ᱫᱟᱜ ᱡᱚᱨᱚᱜ ᱠᱟᱱ ᱛᱟᱭᱟ᱾ ᱛᱟᱦᱟᱣ ᱛᱟᱦᱟᱣ ᱛᱮ ᱥᱤᱨᱩ ᱜᱚᱢᱠᱮ ᱥᱟᱢᱟᱝ ᱥᱮᱫ ᱦᱮᱡ ᱮᱱᱟᱭ, ᱟᱫᱚᱭ ᱢᱮᱱ ᱜᱚᱫ ᱠᱮᱫᱼᱟ, ᱱᱚᱜᱼᱭ ᱱᱚᱝᱠᱟ, ᱥᱟᱹᱨᱤᱜᱮ ᱜᱳ ᱵᱟᱹᱵᱩ ᱮᱸᱜᱟᱛ ᱟᱢ ᱫᱚ ᱢᱟᱹᱱᱢᱤ ᱪᱤᱱᱛᱮ ᱪᱟᱸᱫᱳ ᱵᱚᱸᱜᱟ ᱯᱟᱞᱮᱱ ᱱᱚᱣᱟ ᱚᱲᱟᱜ ᱨᱮ ᱵᱚᱸᱜᱟ ᱜᱮᱭ ᱵᱷᱮᱡᱟ ᱟᱠᱟᱫ ᱢᱮᱭᱟ᱾ ᱟᱢᱟᱜ ᱱᱚᱣᱟ ᱮᱱᱮᱢ ᱫᱚ ᱛᱤᱥ ᱦᱚᱸ ᱵᱟᱝ ᱜᱤᱧ ᱦᱤᱲᱤᱧ ᱠᱮᱭᱟ ᱟᱨ ᱱᱚᱣᱟ ᱨᱤᱱ ᱫᱚ ᱡᱤᱣᱤᱫ ᱵᱷᱩᱨ ᱫᱚ ᱚᱦᱚᱜᱤᱧ ᱦᱟᱞᱟ ᱨᱩᱣᱟᱹᱲ ᱠᱮᱢᱟ᱾ ᱤᱧ ᱴᱷᱮᱱ ᱟᱢ ᱫᱚ ᱵᱚᱸᱜᱟ ᱵᱟᱨᱟ ᱵᱟᱹᱨᱤ ᱠᱟᱱᱟᱢ᱾ ᱥᱟᱱᱟᱢ ᱛᱤᱨᱞᱟᱹ ᱦᱚᱯᱚᱱ ᱠᱚᱣᱟᱜ ᱩᱭᱦᱟᱹᱨ ᱟᱢ ᱞᱮᱠᱟ ᱜᱮ ᱦᱩᱭ ᱠᱚᱜ ᱢᱟ ᱵᱟᱲᱮ᱾ ᱥᱤᱨᱩ ᱮᱨᱟᱛ ᱦᱚᱸ ᱢᱮᱱ ᱜᱚᱫ ᱠᱮᱫᱼᱟᱭ ᱮᱜᱳ ᱼ ᱵᱟᱹᱵᱩ ᱟᱯᱟᱛ ᱤᱧᱟᱜ ᱢᱚᱞᱚᱝ ᱫᱚ ᱥᱟᱹᱨᱤ ᱜᱮ ᱟᱹᱰᱤ ᱱᱟᱯᱟᱭᱟ, ᱟᱢ ᱞᱮᱠᱟᱱ ᱵᱚᱸᱜᱟ ᱵᱟᱨᱟ ᱵᱟᱹᱨᱤ ᱦᱚᱲ ᱥᱟᱶ ᱜᱷᱟᱸᱨᱚᱧᱡᱽ ᱥᱤᱠᱲᱤ ᱨᱤᱧ ᱛᱚᱞ ᱟᱠᱟᱱᱟ᱾ ᱟᱨᱦᱚᱸ ᱡᱚᱛᱚ ᱠᱷᱚᱱᱟᱜ ᱡᱤᱣᱤ ᱨᱮᱱᱟᱜ ᱢᱟᱨᱟᱝ ᱨᱟᱹᱥᱠᱟᱹ ᱛᱤᱧ ᱥᱤᱵᱩ ᱵᱮᱴᱟ ᱞᱮᱠᱟᱱ ᱞᱮᱴᱠᱟ ᱪᱟᱸᱫᱳ ᱵᱚᱸᱜᱟ ᱤᱧᱟᱜ ᱠᱚᱞᱮ ᱨᱮ ᱪᱟᱞ ᱟᱠᱟᱣ ᱫᱤᱧᱟᱭ᱾ ᱛᱤᱥ ᱦᱚᱸ ᱵᱟᱝ ᱤᱧ ᱩᱭᱦᱟᱹᱨ ᱞᱮᱫ ᱛᱟᱦᱮᱸᱫ ᱢᱮᱱᱠᱷᱟᱱ ᱛᱮᱦᱮᱧ ᱫᱚ ᱨᱟᱹᱥᱠᱟᱹ ᱛᱮ ᱢᱮᱫ ᱫᱟᱜ ᱡᱚᱨᱚᱜ ᱠᱟᱱ ᱛᱤᱧᱟ ᱵᱟᱹᱵᱩ ᱟᱯᱟᱛ᱾ ᱤᱧᱟᱜ ᱢᱚᱞᱚᱝ ᱥᱟᱹᱨᱤ ᱜᱮ ᱟᱹᱰᱤ ᱱᱟᱭᱟ ᱟᱹᱰᱤ ᱱᱟᱯᱟᱭᱟ ᱾

***

ᱪᱤᱨᱜᱟᱹᱞ

ᱢᱟᱹᱱᱤᱡ ᱢᱟᱞᱚᱛᱤ ᱦᱮᱢᱵᱽᱨᱚᱢ
ᱡᱷᱟᱲᱜᱽᱨᱟᱢ
ᱯᱩᱪᱷᱤᱢ ᱵᱟᱝᱞᱟ

“ᱫᱤᱫᱤ, ᱮ ᱫᱟᱹᱭ! ᱫᱟᱹᱭ! ᱵᱮᱨᱮᱫ ᱢᱮᱥᱮ, ᱚᱠᱚᱭ ᱪᱚ ᱥᱤᱞᱯᱤᱧ ᱠᱚ ᱴᱷᱮᱞᱟᱣ ᱮᱫᱟ ᱾ ”ᱫᱷᱟᱲᱯᱟᱲᱟᱣ ᱵᱮᱨᱮᱫ ᱮᱱᱟᱭ ᱥᱚᱵᱷᱟ ᱫᱟᱹᱭ, ᱨᱟᱱᱤᱭᱟᱜ ᱠᱷᱟᱭ ᱠᱷᱚᱭ ᱦᱚᱦᱚᱛᱮ ᱾
ᱵᱟᱦᱨᱮ ᱨᱮ ᱡᱷᱤᱯᱤᱨ ᱡᱷᱤᱯᱤᱨ ᱢᱤᱫ ᱟᱛᱚᱢ ᱫᱟᱜ ᱾ ᱥᱚᱵᱷᱟ ᱯᱷᱳᱱ ᱞᱟᱲᱟ ᱠᱟᱛᱮᱭ ᱧᱮᱞᱟ, ᱧᱤᱫᱟᱹ ᱵᱟᱨ ᱥᱟᱰᱮ ᱠᱟᱱᱟ ᱾ ᱵᱟᱲᱜᱮ ᱫᱷᱟᱨᱮ ᱦᱩᱰᱤᱧ ᱡᱟᱱᱟᱞᱟ ᱦᱟᱱᱟ ᱫᱷᱟᱨᱮ ᱨᱮᱱᱟᱜ ᱥᱟᱯᱟᱨᱚᱢ ᱥᱟᱠᱟᱢ ᱠᱷᱚᱱ ᱞᱤᱸᱡᱤ ᱫᱟᱜ ᱞᱟᱛᱟᱨ ᱨᱮ ᱟᱴᱮᱫ ᱟᱠᱟᱱ ᱜᱷᱳᱸᱜᱳ ᱚᱲᱮᱡ ᱨᱮ ᱡᱚᱨᱚᱜ ᱠᱟᱱᱟ, ᱴᱚᱲᱚᱜ~ ᱴᱚᱲᱚᱜ~ ᱴᱚᱲᱚᱜ ᱾

ᱥᱤᱞᱯᱤᱧ ᱟᱨᱦᱚᱸ ᱢᱤᱫ ᱫᱷᱟᱣ ᱞᱟᱲᱟᱣ ᱮᱱᱟ ᱾ ᱥᱚᱱᱛᱚᱨ ᱠᱟᱛᱮ ᱥᱚᱵᱷᱟ ᱚᱱᱛᱮ ᱠᱚᱭᱚᱜ ᱠᱟᱛᱮ ᱩᱭᱦᱟᱹᱨ ᱠᱮᱫᱟᱭ, ᱚᱠᱚᱭ ᱫᱚ ᱩᱱᱟᱹᱜ ᱧᱤᱫᱟᱹ!ᱠᱟᱹᱡ ᱫᱷᱟᱫᱚᱥ ᱦᱚᱸᱭ ᱫᱷᱟᱫᱚᱥᱮᱱᱟ ᱾ ᱢᱳᱵᱟᱭᱤᱞ ᱯᱷᱳᱱ ᱨᱮᱱᱟᱜ ᱨᱟᱣᱟᱞ ᱢᱟᱨᱥᱟᱞ ᱛᱮ ᱯᱟᱹᱴᱭᱟᱹ ᱞᱟᱛᱟᱨ ᱨᱮᱱᱟᱜ ᱦᱮᱸᱥᱳ ᱟᱨ ᱦᱟᱯᱟᱭ ᱳᱰᱳᱝ ᱠᱮᱫᱟ᱾ᱚᱛ ᱨᱮᱜᱮ ᱟᱭᱟᱜ ᱵᱤᱪᱷᱱᱟᱹ ᱠᱷᱚᱱ ᱦᱟᱱᱟ ᱥᱟ ᱨᱮ ᱢᱟᱨᱟᱝ ᱵᱤᱪᱷᱱᱟᱹ ᱨᱮ ᱥᱟᱨ ᱥᱟᱨ ᱡᱟ.ᱯᱤᱫ ᱠᱟᱛᱮ ᱠᱚ ᱚᱸᱪᱮᱛ ᱟᱠᱟᱱᱟ ᱢᱩᱱᱤ, ᱦᱤᱸᱥᱤ, ᱠᱟᱹᱨᱢᱤ, ᱡᱷᱟᱱᱳ, ᱢᱟᱭᱱᱚ ᱾ ᱥᱤᱛᱟᱹᱨᱟᱢᱯᱩᱨ ᱚᱞᱚᱜ ᱟᱠᱷᱲᱟ ᱨᱮᱱ ᱜᱮᱞ ᱠᱷᱚᱱ ᱜᱮᱞ ᱢᱚᱬᱮ ᱥᱮᱨᱢᱟ ᱨᱮᱱ ᱦᱩᱰᱤᱧ ᱦᱩᱰᱤᱧ ᱯᱟᱹᱴᱷᱩᱣᱟᱹ ᱠᱩᱲᱤ ᱜᱤᱫᱽᱨᱟᱹ ᱠᱚ ᱾

ᱚᱱᱟ ᱛᱟᱞᱟᱨᱮ ᱟᱨ ᱢᱤᱫ ᱫᱷᱟᱣ ᱥᱤᱞᱯᱤᱧ ᱞᱟᱲᱟᱣ ᱮᱱᱟ᱾ ᱠᱷᱟᱱ ᱥᱚᱵᱷᱟ ᱫᱚ ᱨᱟᱱᱤ ᱦᱟᱯᱟᱭ ᱮᱢᱟᱫᱮᱛᱮ ᱠᱷᱟᱭ ᱠᱷᱚᱭᱮ ᱢᱮᱛᱟᱫᱮᱭᱟ “ᱪᱚᱞᱚ ᱥᱮ᱾’’ ᱫᱩwᱟᱹᱨ ᱥᱳᱨ ᱨᱮᱠᱤᱱ ᱛᱤNᱜᱩᱭᱮᱱ ᱛᱮ ᱥᱚᱵᱷᱟᱭ ᱦᱚᱦᱚ ᱠᱮᱫᱟ ‘ᱚᱠᱚᱭ?’
ᱪᱮᱫ ᱛᱮᱞᱟ ᱦᱚᱸ ᱵᱟ.ᱱᱩᱜ-ᱟ᱾ᱟᱨ ᱢᱤᱫ ᱫᱷᱟᱣ ᱥᱤᱞᱯᱤᱧ ᱞᱟᱛᱟᱨ ᱥᱮᱫ ᱨᱮ ᱰᱷᱟᱠᱟᱭᱮᱱᱟ᱾

ᱥᱚᱵᱷᱟ ᱟᱨ ᱦᱚᱸ ᱡᱳᱨ ᱛᱮᱭ ᱦᱚᱦᱚ ᱠᱮᱫᱟ ‘ᱚᱠᱚᱭ ᱫᱚ?’ ᱟᱨ ᱦᱚᱸ ᱛᱷᱤᱨ ᱛᱷᱟᱨ ᱾ ᱱᱤᱡᱷᱩᱢ ᱾

ᱟᱫᱚ ᱵᱟᱹᱭ ᱵᱟᱹᱭ ᱛᱮ ᱥᱚᱵᱷᱟ ᱥᱤᱞᱯᱤᱧ ᱮ ᱡᱷᱤᱡ ᱞᱮᱠᱷᱟᱱ ᱨᱟᱱᱤ ᱫᱚ ᱠᱟᱭᱫᱷᱤ ᱫᱟᱞ ᱞᱟᱹᱜᱤᱫ ᱦᱟᱯᱟᱭ ᱛᱩᱞ ᱠᱮᱫᱟ ᱟ.ᱰᱤ ᱡᱳᱨ ᱛᱮ ᱾ᱧᱮᱞᱮᱭᱟᱠᱤᱱ ᱢᱤᱫᱴᱟᱝ ᱦᱮᱸᱫᱮ ᱥᱮᱛᱟ ᱾ ᱞᱚᱦᱚᱫ ᱥᱚᱨᱮᱡ ᱯᱚᱴᱮᱡ ᱟᱠᱟᱱᱟᱭ ᱾ ᱟ.ᱠᱤᱱ ᱧᱮᱞ ᱛᱮ ᱢᱮᱞᱟ ᱯᱤᱸᱰᱟᱹ ᱥᱮᱫ ᱮ ᱞᱟᱦᱟ ᱪᱟᱞᱟᱣ ᱮᱱᱟ᱾ ᱥᱚᱵᱷᱟ ᱛᱟᱹᱠᱤᱱᱟᱜ ᱠᱚᱲᱟᱢ ᱠᱷᱚᱱ ᱫᱷᱤᱨᱤ ᱦᱚᱸᱥᱚᱨ ᱧᱩᱨᱮᱱᱟ ᱢᱤᱫᱴᱟᱝ ᱾

ᱚᱵᱤᱥᱥᱤ ᱵᱚᱛᱚᱨ ᱨᱮᱱᱟᱜ ᱜᱮ ᱠᱟᱛᱷᱟ ᱾ ᱥᱚᱵᱷᱟ ᱢᱮᱱᱮᱛ ᱥᱚᱵᱷᱟ ᱥᱚᱨᱮᱱ ᱫᱚ ᱡᱟᱶᱟᱭᱟᱭ ᱚᱲᱟᱜ ᱠᱷᱚᱱ ᱳᱰᱳᱝ ᱵᱟᱦᱮᱨ ᱠᱩᱲᱤ ᱦᱚᱯᱚᱱ ᱾ ᱵᱟᱝ ᱟ! ᱚᱲᱟᱜ ᱠᱷᱚᱱ ᱳᱰᱳᱠ ᱧᱤᱨ ᱨᱮᱱᱟᱜ ᱡᱟᱸᱦᱟ ᱚᱡᱮ ᱠᱚ ᱥᱟᱶᱛᱟ ᱨᱮ ᱛᱟᱸᱦᱮᱱᱼᱡᱮᱞᱮᱠ ᱦᱟᱱᱦᱟᱨ ᱦᱚᱧᱦᱟᱨ ᱜᱚᱲᱚᱢ ᱥᱩᱠ ᱵᱟᱝ ᱮᱢ ᱫᱟᱲᱮ ᱨᱮᱱᱟᱜ ᱠᱟᱹᱭ, ᱥᱮ ᱢᱟᱛᱟᱞ ᱡᱟᱶᱟᱭᱟᱭ, ᱚᱲᱟᱜ ᱨᱮ ᱫᱟᱞ ᱛᱚᱞ, ᱵᱟᱝᱠᱷᱟᱱ ᱱᱤᱡᱮᱨ ᱡᱟᱶᱟᱭ ᱮ ᱛᱟᱸᱦᱮᱱ ᱛᱩᱞᱩᱡ ᱮᱴᱟᱜ ᱠᱚᱲᱟ ᱥᱟᱞᱟᱜ ᱥᱚᱞᱚᱢ ᱞᱚᱴᱚᱢᱼᱥᱚᱵᱷᱟ ᱟᱜ ᱡᱤᱭᱚᱱᱨᱮ ᱚᱱᱟ ᱠᱚᱫᱚ ᱪᱮᱫ ᱦᱚᱸ ᱵᱟᱝ ᱾

ᱴᱮᱠᱥᱴᱟᱭᱤᱞ ᱤᱱᱡᱤᱱᱤᱭᱟᱨᱤᱝ ᱥᱮᱪᱮᱫ ᱛᱮ ᱥᱮᱪᱮᱫ ᱟᱠᱟᱱ ᱥᱚᱵᱷᱟ ᱡᱚᱠᱷᱮᱡ ᱵᱟᱯᱞᱟ ᱠᱟᱛᱮ ᱤᱱᱠᱟᱢ ᱴᱮᱠᱥ ᱚᱯᱷᱤᱥᱟᱨ ᱡᱟᱶᱟᱭ ᱠᱚᱲᱟ ᱢᱟᱨᱟᱝ ᱵᱟᱡᱟᱨ ᱛᱮᱭ ᱵᱟᱱᱤᱡ ᱤᱫᱤ ᱠᱮᱫᱮᱭᱟ, ᱩᱱ ᱫᱚ ᱯᱮᱲᱟ ᱯᱟᱹᱲᱦᱟᱹ ᱥᱟᱨᱦᱟᱣ ᱥᱟᱨᱦᱟᱣ ᱞᱮᱫᱟ ᱠᱚ ᱾ ᱥᱟᱹᱨᱤ ᱜᱮ ᱢᱟᱹᱭ ᱟᱜ ᱢᱚᱞᱚᱝ ᱠᱟᱱᱟ ᱵᱚᱴᱷᱮ !
ᱥᱚᱵᱷᱟ ᱛᱟᱹᱠᱤᱱᱟᱜ ᱥᱤᱼᱯᱩᱨᱩᱥ ᱥᱟᱹᱜᱟᱹᱭ ᱦᱚᱸ ᱟᱹᱰᱤ ᱱᱟᱯᱟᱭ᱾ ᱫᱤᱱᱟᱹᱢᱠᱟᱨ ᱡᱤᱭᱚᱱ ᱨᱮ ᱛᱟᱸᱦᱮ ᱠᱟᱛᱮ ᱞᱟᱵᱷ ᱞᱚᱠᱥᱟᱱ ᱦᱤᱥᱟᱹᱵᱽ ᱱᱤᱠᱟᱹᱥ ᱨᱮᱱᱟᱜ ᱜᱷᱟᱹᱰᱨᱤ ᱨᱮᱫᱚ ᱵᱟ.ᱠᱤᱱ ᱟᱪᱩᱨᱚᱜ-ᱟ ᱮᱠᱮᱱ ᱾ ᱟᱠᱤᱱᱟᱜ ᱫᱩᱞᱟᱹᱲ ᱥᱟᱹᱜᱟᱹᱭ ᱡᱮᱣᱭᱮᱫ ᱫᱚᱦᱚᱭ ᱞᱟ.ᱜᱤᱫ ᱵᱟᱱᱟ ᱦᱚᱲ ᱵᱟᱱᱟ ᱦᱚᱲ ᱞᱟ.ᱜᱤᱫ ᱚᱠᱛᱚ ᱠᱤᱱ ᱦᱟ.ᱴᱤᱧ ᱠᱟᱜ-ᱟ ᱮᱠᱟᱞ ᱾ ᱚᱱᱟ ᱚᱠᱛᱚ ᱫᱚᱠᱤᱱ ᱠᱷᱟᱸᱰᱟᱣ ᱟ, ᱟᱠᱤᱱ ᱯᱟᱱᱛᱮ ᱯᱟᱱᱛᱮ ᱫᱩᱲᱩᱵ ᱠᱟᱛᱮᱼ ᱫᱟᱸᱲᱟᱱ ᱪᱟᱞᱟᱣ ᱠᱟᱛᱮᱼ ᱥᱳᱨ ᱨᱮ ᱥᱟ:ᱜᱤᱧ ᱨᱮ ᱾

ᱚᱱᱠᱟ ᱜᱮ ᱢᱤᱫᱴᱟᱝ ᱫᱟᱸᱲᱟᱱ ᱨᱮᱱᱟᱜ ᱜᱷᱚᱴᱚᱱ ᱵᱟᱠᱤᱱ ᱦᱤᱲᱤᱧ ᱫᱟᱲᱮᱭᱟᱜ-ᱟ ᱡᱟ ᱡᱩᱜᱽ᱾ ᱹᱹ ᱳᱲᱤᱥᱟ ᱯᱚᱱᱚᱛ ᱨᱮᱱᱟᱝ ᱢᱤᱫ ᱜᱟ:ᱦᱤᱨ ᱥᱟᱨᱡᱚᱢ ᱵᱤᱨ ᱾ ᱛᱟᱞᱟᱨᱮ ᱥᱳᱜᱷᱳᱲ ᱢᱤᱫ ᱫᱟᱜ ᱫᱩᱞᱩᱱ ᱾ ᱚᱱᱟ ᱦᱤᱞᱚᱜ ᱥᱚᱵᱷᱟ ᱛᱟᱠᱤᱱ ᱚᱱᱟ ᱵᱤᱨ ᱧᱮᱞ ᱧᱮᱞ ᱛᱮ ᱵᱤᱨ ᱛᱟᱞᱟᱛᱮ ᱥᱩᱲᱩᱠᱩᱡ ᱦᱚᱨ ᱛᱮ ᱯᱟᱱᱛᱮ ᱛᱮᱠᱤᱱ ᱛᱟᱲᱟᱢ ᱟᱠᱟᱫᱟ ᱾ ᱥᱳᱨ ᱥᱳᱨ ᱡᱮᱯᱮᱫ ᱛᱤᱸᱜᱩ ᱫᱟᱨᱮ ᱨᱮᱱᱟᱜ ᱩᱨᱜᱩᱢ ᱥᱟᱦᱮᱫ ᱡᱮᱞᱮᱠᱟ ᱟ.ᱠᱤᱱᱟᱜ ᱢᱚᱱᱮ ᱨᱮᱱᱟᱜ ᱩᱨᱜᱩᱢᱮ ᱜᱟ.ᱭᱩᱡ ᱢᱮᱥᱟᱭᱮᱫᱟ ᱾ ᱛᱟᱲᱟᱢ ᱛᱩᱞᱩᱡ ᱠᱤᱱ ᱧᱮᱞᱟ ᱞᱟᱦᱟ ᱥᱮᱫ ᱨᱮ ᱛᱩᱨᱩᱭ ᱮᱭᱟᱭ ᱥᱮᱨᱢᱟ ᱨᱮᱱ ᱜᱤᱫᱽᱨᱟᱹ ᱠᱚᱠᱚ ᱫᱩᱲᱩᱵ ᱟᱠᱟᱱᱟ ᱾ ᱢᱤᱫᱴᱟᱝ ᱩᱥᱩᱞ ᱫᱟᱨᱮ ᱨᱮᱱᱟᱜ ᱢᱚᱴᱟ ᱞᱟᱰᱮ ᱨᱮᱦᱮᱫ ᱨᱮ ᱾ ᱡᱷᱟᱯᱟᱨ ᱡᱷᱩᱯᱩᱨ ᱩᱵ, bᱩᱛᱟᱹᱢ ᱛᱚᱯᱟᱜ ᱚᱲᱮᱡ ᱚᱲᱮᱡ ᱡᱟᱢᱟ ᱾ ᱟᱠᱚ ᱛᱟᱞᱟᱨᱮ ᱨᱚᱲ ᱯᱤᱪᱷᱩ ᱦᱤ~ᱦᱤ ᱠᱚ ᱞᱟᱸᱫᱟᱭᱮᱫᱟ ᱾ ᱡᱟᱸᱦᱟᱭ ᱡᱟᱸᱦᱟᱭ ᱫᱚ ᱡᱷᱤᱞᱟᱹᱝ ᱟᱠᱟᱱ ᱦᱟᱱᱟ ᱱᱟ.ᱲᱤ ᱠᱷᱚᱱ ᱱᱚᱣᱟ ᱱᱟ.ᱲᱤ ᱠᱚ ᱟᱠᱟ ᱵᱟᱲᱟᱜ ᱠᱟᱱᱟ ᱾ ᱮᱰᱜᱟᱨ ᱨᱟᱭᱤᱡ ᱵᱳᱨᱳᱡ ᱨᱮᱱ ᱦᱩᱰᱤᱧ ᱴᱟᱨᱡᱟᱱ ᱞᱮᱠᱟ᱾ᱩᱱᱠᱩ ᱜᱤᱫᱽᱨᱟᱹ ᱫᱚ ᱟᱫᱚ ᱴᱟᱴᱠᱟ ᱟ.ᱠᱤᱱ ᱞᱟᱦᱟ ᱨᱮᱱ ᱢᱤᱫ ᱟ.ᱰᱤ ᱮᱥᱮᱞ ᱮᱥᱮᱞ ᱫᱤᱠᱩ ᱥᱟᱸᱜᱮ ᱜᱷᱟᱨᱚᱸᱡᱽ ᱞᱟᱦᱟ ᱨᱮᱠᱚ ᱛᱤᱸᱜᱩᱭᱮᱱᱟ ᱾ “ᱯᱩᱭᱥᱟᱹ ᱫᱮᱱ, ᱯᱩᱭᱥᱟᱹ ᱫᱮᱱ” ᱞᱟᱹᱭ ᱠᱟᱛᱮ ᱪᱮᱨᱚ ᱵᱮᱨᱚ ᱠᱚ ᱪᱷᱩᱴᱟᱹᱣ ᱮᱱᱟ ᱾ ᱚᱱᱟ ᱜᱟᱫᱮᱞ ᱨᱮᱱ ᱢᱩᱲᱩᱫ ᱦᱚᱲ ᱫᱚ ᱦᱤᱨᱠᱟᱹ ᱥᱟᱞᱟᱜ ᱯᱟᱨᱥ ᱠᱷᱚᱱ ᱢᱚᱬᱮ ᱜᱚᱴᱟᱝ ᱜᱮᱞ ᱴᱟᱠᱟ ᱨᱮᱱᱟᱜ ᱠᱷᱩᱪᱨᱟᱹᱭ ᱪᱟᱯᱟᱫ ᱟᱫ ᱠᱚᱣᱟ᱾ᱚᱱᱟ ᱯᱩᱭᱥᱟᱹ ᱦᱟᱞᱟᱝ ᱧᱟᱢ ᱠᱟᱛᱮ ᱪᱮᱫ ᱛᱟᱠᱚ ᱨᱟᱹᱥᱠᱟᱹ ᱜᱳᱞᱢᱟᱞ ᱾ ᱥᱚᱵᱷᱟ ᱛᱟ.ᱠᱤᱱ ᱦᱚᱸ ᱟᱠᱚ ᱥᱟᱢᱟᱝ ᱨᱮᱠᱤᱱ ᱥᱮᱱ ᱥᱳᱨ ᱮᱱ ᱠᱷᱟᱱ ᱩᱱᱠᱤᱱ ᱯᱟᱨᱤ ᱠᱚ ᱡᱷᱳᱞᱮ ᱡᱷᱳᱞᱮᱭᱟᱫ ᱠᱤᱱᱟ ᱾ ᱥᱚᱵᱷᱟ ᱢᱤᱫ ᱜᱤᱫᱽᱨᱟᱹ ᱟᱜ ᱛᱤᱭ ᱥᱟᱵ ᱠᱮᱫ ᱛᱮ ᱢᱮᱛᱟ ᱫᱮᱭᱟᱭ ‘ᱮᱭ, ᱪᱮᱫᱟᱜ ᱯᱩᱭᱥᱟᱹ ᱯᱮ ᱠᱷᱚᱡᱚᱜ ᱠᱟᱱᱟ?’

ᱩᱱᱤ ᱜᱤᱫᱽᱨᱟᱹ ᱥᱚᱵᱷᱟ ᱟᱜ ᱪᱩᱯᱩᱫ ᱠᱷᱚᱱ ᱟᱭᱟᱜ ᱛᱤ ᱯᱮᱴᱮᱨ ᱪᱷᱟᱲᱟᱣ ᱪᱷᱟᱲᱟᱣ ᱮ ᱢᱮᱱ ᱠᱮᱫᱟ “ᱞᱟ.ᱰᱩ ᱡᱚᱢ ᱞᱟ.ᱜᱤᱫ”

ᱼ“ ᱞᱟ.ᱰᱩ ᱡᱚᱢ ᱞᱟ.ᱜᱤᱫ ᱦᱚᱲ ᱴᱷᱮᱱ ᱯᱩᱭᱥᱟᱹ ᱠᱚᱭ ᱦᱳᱭᱳᱜ-ᱟ?”

ᱤᱱᱟᱹ ᱛᱟᱞᱟᱨᱮ ᱥᱚᱵᱷᱟ ᱨᱮᱱ ᱚᱲᱟᱜ ᱦᱚᱲ ᱥᱩᱨᱮᱥ ᱥᱚᱵᱷᱟᱭ ᱦᱚᱦᱚ ᱟᱫᱮ ᱠᱷᱟᱱ ᱵᱩᱸᱫᱤ ᱜᱤᱫᱽᱨᱟᱹ ᱠᱟᱹᱡ ᱮ ᱛᱷᱤᱨ ᱮᱱᱛᱮ ᱥᱚᱵᱷᱟ ᱥᱮᱫ ᱠᱚᱭᱚᱜ ᱠᱟᱛᱮ ᱥᱟᱱᱛᱟᱲ ᱛᱮ ᱠᱩᱞᱤ ᱠᱮᱫᱮᱭᱟᱭ “ᱟᱢ ᱫᱚ ᱥᱟᱱᱛᱟᱲ ᱠᱟᱱᱟᱢ?” ᱥᱚᱵᱷᱟ ᱦᱚᱸ ᱩᱱᱟᱹᱜ ᱜᱮ ᱦᱟᱦᱟᱲᱟ ᱠᱟᱛᱮᱭ ᱠᱩᱞᱤ ᱠᱮᱫᱮᱭᱟ, “ᱟᱢ ᱦᱚᱸ ᱥᱟᱱᱛᱟᱲ ᱜᱤᱫᱽᱨᱟᱹ? ᱪᱮᱫ ᱛᱟᱢ ᱧᱩᱛᱩᱢ?”

ᱤᱱᱟᱹ ᱚᱠᱛᱮ ᱛᱟᱭᱚᱢ ᱥᱮᱫ ᱠᱷᱚᱱ ᱟᱨ ᱢᱤᱫ ᱜᱟᱫᱮᱞ ᱫᱟᱸᱲᱟᱱᱤᱭᱟᱹ ᱠᱚ ᱦᱤᱡᱩᱜ ᱠᱟᱱ ᱠᱷᱟᱱ ᱡᱷᱚᱛᱚ ᱜᱤᱫᱽᱨᱟᱹ ᱥᱟᱞᱟᱜ ᱥᱚᱵᱷᱟ ᱟᱜ ᱛᱤ ᱨᱮ ᱵᱩᱸᱫᱤ ᱟᱠᱟᱱ ᱜᱤᱫᱽᱨᱟᱹ ᱦᱚᱸ ᱛᱤ ᱛᱟᱭ ᱪᱷᱟᱲᱟᱣ ᱠᱟᱛᱮᱭ ᱫᱟᱹᱲ ᱠᱮᱫᱟ᱾ᱫᱟᱹᱲ ᱫᱟᱹᱲ ᱛᱮ ᱠᱤᱠᱭᱟᱹᱣ ᱟᱛᱮ ᱥᱚᱵᱷᱟ ᱟᱜ ᱠᱟᱛᱷᱟ ᱨᱮᱱᱟᱜ ᱛᱮᱞᱟᱭ ᱮᱢ ᱠᱮᱫᱟ “ᱢᱤᱼᱞᱚᱱ” ᱾

ᱚᱱᱟ ᱦᱤᱞᱚᱜ ᱥᱚᱵᱷᱟ ᱫᱚ ᱫᱟᱸᱲᱟᱱ ᱠᱷᱚᱱᱟᱜ ᱛᱤᱱᱟᱹᱜ ᱛᱤᱱᱟᱹᱜ ᱦᱟᱨᱠᱮᱛ ᱮ ᱜᱩᱜᱩ ᱟ.ᱜᱩ ᱞᱮᱫᱟ ᱾ ᱚᱱᱟ ᱦᱤᱞᱚᱜ ᱠᱷᱚᱱ ᱥᱩᱨᱮᱥ ᱥᱚᱵᱷᱟ ᱛᱤᱱᱟᱹᱜ ᱮ ᱵᱩᱡᱷᱟᱹ ᱵᱩᱡᱷᱤ ᱟᱠᱟᱫᱮᱭᱟ ᱾ “ᱥᱚᱵᱷᱟ, ᱥᱚᱱᱟᱛᱤᱧ, ᱚᱱᱠᱟ ᱫᱚ ᱵᱟᱠᱚ ᱩᱭᱦᱟᱹᱨᱟ ᱾ ᱫᱤᱥᱚᱢ ᱨᱮ ᱥᱟᱥᱟᱭ ᱜᱤᱫᱽᱨᱟᱹ ᱚᱱᱠᱟ ᱦᱟᱞᱚᱛ ᱨᱮ ᱢᱮᱱᱟᱜ ᱠᱚᱣᱟ ᱾ ᱡᱷᱚᱛᱚᱢ ᱮᱢ ᱦᱟᱞᱟᱝ ᱥᱟᱢᱴᱟᱣ ᱫᱟᱲᱮᱭᱟᱠᱚᱣᱟ? ᱪᱤᱠᱟᱹᱭ ᱟᱠᱚ, ᱟᱭᱳ ᱵᱟᱵᱟ ᱨᱳᱡᱽᱜᱟᱨ ᱞᱟ.ᱜᱤᱫ ᱵᱤᱨ ᱨᱮ ᱫᱷᱤᱨᱤ ᱨᱟ.ᱯᱩᱫ ᱵᱟᱝ ᱠᱷᱟᱱ ᱥᱟᱦᱟᱱ ᱫᱤᱯᱤᱞ ᱾ ᱟᱠᱳ ᱫᱚ ᱱᱚᱣᱟ ᱠᱚᱨᱮ᱾ᱟᱠᱚ ᱟᱛᱳ ᱠᱚᱨᱮ ᱚᱱᱠᱟᱱ ᱵᱤᱨᱫᱟᱹᱜᱟᱲ ᱦᱚᱸ ᱵᱟᱱᱩᱜ-ᱟ ᱡᱟ.ᱱᱤᱡ ᱾ ᱥᱤᱠᱷᱱᱟᱹᱛ ᱰᱟᱦᱟᱨ ᱛᱮ ᱟ.ᱪᱩ ᱞᱮᱠᱟᱱ ᱦᱚᱲ ᱦᱚᱸ ᱵᱟ.ᱱᱩᱜ ᱠᱳᱣᱟ ᱾ ᱛᱟᱞᱟᱨᱮ ᱵᱟᱦᱨᱮ ᱠᱷᱚᱱᱟᱜ ᱠᱤᱸᱥᱟᱹᱲ ᱫᱟᱸᱲᱟᱱᱤᱭᱟᱹ ᱠᱚ ᱟᱠᱳᱣᱟᱜ ᱵᱟᱞᱮ ᱨᱤᱫᱚᱭ ᱨᱮ ᱞᱟᱞᱚᱪ ᱠᱚ ᱨᱚᱦᱚᱭ ᱦᱚᱴᱚ ᱠᱟᱜ ᱠᱟᱱᱟ ᱾

ᱥᱚᱵᱷᱟ ᱨᱤᱫᱚᱭ ᱟᱛᱮᱭ ᱩᱢᱟᱹᱱᱟ, ᱥᱤᱠᱷᱱᱟᱹᱛ ᱛᱮ, ᱜᱮᱭᱟᱱ ᱛᱮ ᱟᱭᱳ ᱵᱟᱵᱟ ᱠᱚ ᱪᱮᱸᱜᱷᱟᱣ ᱞᱮᱱ ᱠᱷᱟᱱ ᱜᱤᱫᱽᱨᱟᱹ ᱠᱚᱣᱟᱜ ᱦᱩᱱᱟᱹᱝ ᱱᱚᱣᱟ ᱦᱟᱞᱚᱛ ᱫᱚ ᱵᱟᱝ ᱦᱳᱭ ᱠᱚᱜ ᱛᱟᱠᱚᱭᱟ ᱾

ᱥᱚᱵᱷᱟ ᱫᱚ ᱵᱤᱠᱩᱞ ᱨᱟᱦᱟ ᱛᱮᱭ ᱞᱟᱹᱭᱟ, “ᱛᱚᱵᱮ ᱟᱵᱚ ᱟᱜ ᱠᱤ ᱡᱟᱸᱦᱟ ᱪᱮᱫ ᱠᱟᱹᱢᱤ ᱨᱮᱱᱟᱜ ᱵᱟᱱᱩᱜ-ᱟ ᱜᱳ?”
ᱼ ᱪᱤᱠᱟᱹᱭᱟᱢ ᱟᱫᱚ? ᱼ ᱥᱩᱨᱮᱥ ᱡᱮᱸᱞᱮᱧ ᱧᱚᱜ ᱥᱟᱦᱮᱫ ᱠᱟᱛᱮᱭ ᱞᱟᱹᱭ ᱠᱮᱫᱟ ᱾
ᱼ ᱡᱩᱫᱤ ᱚᱱᱠᱟᱱ ᱚᱱᱟ ᱠᱚ ᱟᱛᱳ ᱛᱟᱞᱟᱨᱮ ᱵᱤᱨᱫᱟᱹᱜᱟᱲ ᱵᱮᱱᱟᱣ ᱠᱟᱛᱮ ᱱᱤᱡᱮ ᱛᱮᱜᱮ ᱩᱱᱠᱩ ᱥᱤᱠᱷᱱᱟᱹᱛ ᱠᱟᱠᱚ?
ᱼ ᱚᱠᱚᱭᱮ ᱠᱟ.ᱢᱤᱭᱟ?
ᱼ ᱤᱧ!ᱟᱞᱟᱝ!
ᱼ ᱠᱷᱤᱯᱤ!ᱚᱱᱟ ᱠᱚᱫᱚ ᱠᱤ ᱤᱧ ᱟᱢᱟᱜ ᱠᱟ.ᱢᱤ?ᱚᱱᱟ ᱫᱚ ᱥᱚᱨᱠᱟᱨᱟᱜ ᱠᱟ.ᱢᱤ ᱾ ᱟᱹᱰᱤ ᱡᱮᱞᱮᱧ ᱯᱨᱚᱥᱮᱥ᱾ ᱼᱥᱩᱨᱮᱥ ᱞᱟᱸᱫᱟ ᱠᱟᱛᱮᱭ ᱞᱟᱹᱭ ᱠᱮᱫᱟ ᱾ “ᱪᱚᱞᱚ, ᱛᱮᱦᱮᱧ ᱥᱤᱴᱤ ᱥᱮᱱᱴᱟᱨ ᱞᱟᱝ ᱪᱟᱞᱟᱜ-ᱟ ᱾ ᱟ.ᱰᱤ ᱢᱟᱦᱟ ᱵᱟᱞᱟᱝ ᱪᱟᱞᱟᱣ ᱟᱠᱟᱱᱟ ᱾”

ᱢᱤᱫ ᱡᱷᱚᱴᱠᱟ ᱛᱮ ᱥᱚᱵᱷᱟ ᱨᱟ.ᱜᱤ ᱠᱟᱛᱮ ᱥᱟᱦᱟᱭᱮᱱ ᱛᱮᱭ ᱞᱟᱹᱭ ᱠᱮᱫᱟ, “ᱵᱟᱝ ᱾” ᱟᱫᱚ ᱞᱚᱦᱚᱫ ᱨᱟᱦᱟᱛᱮᱭ ᱨᱚᱲ ᱤᱫᱤ ᱠᱮᱫᱟ, “ᱵᱟᱝ ᱟ ᱜᱳ, ᱤᱧ ᱫᱚᱧ ᱚᱦᱚ ᱠᱮᱭᱟ ᱾ ᱱᱚᱣᱟ ᱞᱳᱜᱳᱫ ᱵᱤᱪᱷᱽᱱᱟᱹ ᱡᱮᱞᱮᱠᱟ ᱤᱧᱫᱚ ᱥᱤᱠᱤᱲᱤᱧ ᱠᱟᱱᱟ, ᱚᱱᱚᱠᱟ ᱜᱮ ᱢᱟᱨᱟᱝ ᱵᱟᱡᱟᱨ ᱨᱮᱱᱟᱜ ᱞᱤᱞ ᱢᱟᱨᱥᱟᱞ ᱛᱮᱸᱦᱚ ᱤᱧ ᱫᱩᱧ ᱟᱸᱫᱷᱟᱜ ᱠᱟᱱᱟ ᱾ ᱟᱢ ᱫᱚ ᱪᱮᱫᱟᱜ ᱛᱮᱦᱮᱧ ᱦᱚᱸ ᱵᱟᱢ ᱵᱩᱡᱽ ᱫᱟᱲᱮᱭᱟᱜ ᱠᱟᱱᱟ, ᱢᱤᱞᱚᱱ ᱛᱟᱠᱚᱭᱟᱜ ᱚᱱᱠᱟ ᱟᱭᱢᱟ ᱰᱚᱭᱢᱟ ᱵᱟᱲᱟᱭ, ᱩᱱᱠᱩᱣᱟᱜ ᱚᱥᱤᱠᱷᱱᱟᱹᱛ, ᱩᱱᱠᱩᱣᱟᱜ ᱵᱮ ᱦᱤᱨᱞᱟᱹ ᱤᱧ ᱫᱚ ᱵᱟᱭ ᱡᱟᱹᱯᱤᱫ ᱦᱚᱪᱚ ᱤᱧ ᱠᱟᱱᱟ ᱾”

ᱢᱤᱫ ᱫᱤᱱ ᱥᱟ.ᱨᱤ ᱥᱟ.ᱨᱤ ᱜᱮ ᱢᱤᱫᱴᱟᱝ ᱥᱮᱛᱟᱜ ᱨᱮ ᱥᱚᱵᱷᱟ ᱢᱤᱫ ᱜᱮᱫᱟᱜ ᱛᱮᱭ ᱳᱰᱳᱝ ᱵᱟᱦᱮᱨ ᱞᱮᱱ ᱛᱟᱸᱦᱮ᱾ ᱳᱰᱳᱝ ᱢᱟᱲᱟᱝ ᱦᱤᱞᱚᱜ ᱧᱤᱫᱟᱹ ᱟᱹᱰᱤ ᱡᱳᱨ ᱠᱤᱱ ᱠᱷᱟᱹᱯᱟᱹᱨᱤ ᱞᱮᱱᱟ ᱾ ᱥᱩᱨᱮᱥ ᱠᱤᱠᱭᱟᱹᱣ ᱠᱟᱛᱮᱭ ᱞᱟᱹᱭ ᱞᱮᱫᱟ , “ᱥᱚᱵᱷᱟ ᱤᱧ ᱫᱚ ᱟ.ᱰᱤ ᱢᱟᱦᱟ ᱠᱷᱚᱱᱟᱜ ᱟᱢᱟᱜ ᱱᱚᱝᱠᱟᱱ ᱥᱟᱱᱟ ᱠᱚᱧ ᱟᱸᱡᱚᱢ ᱥᱟᱦᱟᱣ ᱟ.ᱜᱩᱭᱮᱫ ᱛᱟᱢᱟ ᱾ ᱟᱫᱚ ᱥᱟᱦᱟᱣ ᱨᱮᱱᱟᱜ ᱥᱤᱢᱟᱹᱭ ᱯᱟᱨᱚᱢ ᱠᱮᱫᱟ ᱾ ᱤᱧ ᱫᱚ ᱤᱧᱟᱜ ᱚᱲᱟᱜ ᱥᱟᱢᱴᱟᱣ ᱞᱟ.ᱜᱤᱫ, ᱥᱟᱡᱟᱣ ᱞᱟ.ᱜᱤᱫ ᱤᱧ ᱵᱟᱯᱞᱟ ᱟ.ᱜᱩ ᱟᱠᱟᱫ ᱢᱮᱭᱟ ᱾ ᱫᱤᱥᱚᱢ ᱥᱩᱥᱟᱹᱨ ᱞᱟ.ᱜᱤᱫ ᱫᱚ ᱵᱟᱝ ᱾ ᱱᱚᱝᱠᱟᱱ ᱩᱫᱩᱠᱷᱩᱞᱤᱭᱟᱹ ᱥᱟᱱᱟ ᱢᱟ ᱤᱧ ᱫᱚ ᱚᱦᱚᱧ ᱵᱟᱛᱟᱣ ᱠᱮᱭᱟ ᱾ ᱳᱰᱳᱠᱚᱜ ᱢᱮᱥᱮ ᱫᱩ ᱴᱟᱠᱟ ᱠᱟᱣᱰᱤ ᱨᱮᱱᱟᱜ ᱴᱟᱱ ᱯᱟᱲᱟᱣ ᱞᱮᱠᱷᱟᱱ,ᱢᱤᱫ ᱵᱮᱲᱟ ᱡᱚᱢ ,ᱚᱲᱮᱡ ᱯᱟᱹᱴᱤᱭᱟᱹ ᱨᱮ ᱜᱤᱛᱤᱡ ᱼ ᱵᱟᱨ ᱥᱤᱧ ᱛᱮᱜᱮ ᱥᱩᱥᱟᱹᱨ ᱠᱟᱹᱢᱤ ᱜᱷᱩᱪᱟᱹᱜ ᱛᱟᱢᱟ ᱾”
ᱳᱰᱳᱝ ᱞᱮᱱᱟᱭ ᱥᱚᱵᱷᱟ, ᱪᱷᱟᱛᱟ ᱫᱟᱨᱮ ᱫᱩᱞᱟᱹᱲ ᱵᱟ.ᱜᱤ ᱦᱚᱴᱚ ᱠᱟᱛᱮ ,ᱥᱚᱝᱥᱟᱨ ᱥᱩᱠ ᱵᱟ.ᱜᱤ ᱦᱚᱴᱚ ᱠᱟᱛᱮ ᱾ ᱚᱱᱤᱪᱤᱛ ᱟᱨ ᱧᱩᱛᱟᱹᱛ ᱨᱮᱱᱟᱜ ᱦᱚᱨ ᱨᱮ ᱾ ᱩᱱᱦᱚᱸ ᱵᱟᱭ ᱵᱟᱲᱟᱭᱟ ᱪᱮᱫ ᱞᱮᱠᱟᱛᱮ, ᱪᱮᱫ ᱮ ᱠᱟᱹᱢᱤᱭᱟ ᱾ ᱠᱷᱟᱹᱞᱤ ᱠᱟᱹᱢᱤ ᱨᱮᱱᱟᱜ ᱵᱩᱴᱩᱧ ᱦᱟᱥᱳ ᱨᱤᱫᱚᱭ ᱨᱮᱛᱟᱭ ᱾

ᱚᱲᱟᱜ ᱠᱷᱚᱱ ᱳᱰᱳᱝ ᱠᱟᱛᱮ ᱢᱤᱫ ᱥᱤᱧ ᱦᱟᱱᱛᱮ ᱱᱟᱛᱮ ᱟᱹᱛᱷᱟᱹᱲᱤᱭ ᱫᱟᱸᱲᱟ ᱵᱟᱲᱟ ᱠᱮᱫᱛᱮ ᱯᱩᱨᱩᱞᱤᱭᱟᱹ ᱡᱤᱞᱟᱹ ᱨᱮᱱᱟᱜ ᱵᱩᱨᱩ ᱠᱷᱚᱪᱞᱟᱜ ᱢᱤᱫ ᱟᱛᱳ ᱥᱤᱛᱟᱹᱨᱟᱢ ᱯᱩᱨ ᱮ ᱪᱟᱞᱟᱣ ᱮᱱᱟ ᱾ ᱯᱮᱲᱟ ᱥᱟᱹᱜᱟᱹᱭ ᱦᱟᱛᱚᱢ ᱴᱷᱮᱱ ᱾ ᱦᱟᱛᱚᱢ ᱫᱚ ᱮᱠᱞᱟ ᱦᱚᱲ ᱾ᱜᱤᱫᱽᱨᱟᱹ ᱯᱤᱫᱽᱨᱟᱹ ᱵᱟᱱᱩᱜ ᱠᱚ ᱛᱟᱭᱟ ᱾ ᱠᱩᱢᱟᱹᱝ ᱟᱰᱤ ᱢᱟᱦᱟ ᱨᱮᱭ ᱜᱚᱡ ᱵᱟᱹᱜᱤ ᱠᱟᱣᱫᱮᱭᱟ ᱾ ᱱᱤᱛ ᱫᱚ ᱯᱮᱲᱟ ᱯᱟᱹᱲᱦᱟᱹ ᱪᱷᱟᱲᱟ ᱚᱝᱥᱚ ᱵᱚᱝᱥᱚ ᱪᱮᱞᱮ ᱦᱚᱸ ᱵᱟᱱᱩᱜ ᱠᱚᱣᱟ ᱾ ᱵᱚᱭᱮᱥ ᱟᱠᱟᱱᱟᱭ᱾ᱞᱩᱛᱩᱨ ᱛᱮᱦᱚ ᱠᱟᱹᱡ ᱜᱮᱭ ᱟᱸᱡᱚᱢᱟ ᱱᱮ ᱫᱚ ᱾ ᱦᱟᱛᱚᱢ ᱫᱚ ᱦᱚᱢᱚᱱ ᱛᱮᱫ ᱥᱚᱵᱷᱟ ᱧᱮᱞ ᱠᱟᱛᱮ ᱟᱰᱤ ᱠᱩᱥᱤ ᱾ ᱛᱚᱵᱮ ᱮᱠᱞᱟ ᱡᱟᱶᱭᱟᱭ ᱪᱷᱟᱲᱟ ᱦᱤᱨᱤ ᱦᱮᱡ ᱨᱮᱱᱟᱜ ᱚᱡᱮ ᱫᱚᱭ ᱵᱩᱡᱽ ᱠᱮᱫᱟ ᱵᱟᱨ ᱥᱤᱧ ᱯᱮ ᱢᱟᱦᱟ ᱛᱟᱭᱚᱢ ᱾ ᱟᱸᱡᱚᱢ ᱠᱟᱛᱮ ᱟᱰᱤᱭ ᱵᱩᱡᱷᱟᱹ ᱵᱩᱡᱷᱤ ᱠᱮᱫᱮᱭᱟ ᱾ ᱟᱠᱷᱤᱨᱮ ᱩᱭᱦᱟᱹᱨᱟᱫᱮᱭᱟ ᱾ “ᱠᱩᱲᱤ ᱦᱚᱯᱚᱱ ᱫᱚ ᱡᱟᱶᱟᱭ ᱟᱛᱮ ᱜᱮᱠᱚ ᱥᱚᱵᱷᱟᱜᱟᱢᱟᱹᱭ ᱾ ᱚᱲᱟᱜ ᱨᱩᱭᱟᱹᱲ ᱪᱟᱞᱟᱜ ᱢᱮ ᱫᱩ ᱾”

ᱢᱤᱫ ᱫᱤᱱ ᱚᱲᱟᱜ ᱠᱷᱚᱱ ᱥᱚᱵᱷᱟ ᱨᱮᱱ ᱠᱤᱸᱥᱟᱹᱲ ᱟᱭᱳ ᱵᱟᱵᱟ ᱠᱚ ᱦᱮᱡ ᱮᱱᱟ᱾ᱦᱟᱱᱦᱟᱨ ᱦᱚᱧᱦᱟᱨ ᱦᱚᱸ᱾ᱤᱫᱤ ᱞᱟᱜᱤᱫ ᱾ ᱥᱚᱵᱷᱟ ᱟᱡ ᱟᱭᱳ ᱦᱤᱰᱤᱨ ᱦᱤᱰᱤᱨ ᱨᱟᱜ ᱠᱟᱛᱮᱭ ᱞᱟᱹᱭ ᱠᱮᱫᱟ, “ᱟᱞᱮᱭᱟᱜ ᱢᱟᱹᱱ ᱥᱚᱱᱢᱟᱱ ᱫᱚ ᱫᱷᱩᱲᱤ ᱨᱮ ᱟᱞᱚᱢ ᱞᱳᱥᱳ ᱯᱳᱰᱳᱭ ᱛᱟᱞᱮᱭᱟ ᱵᱤᱴᱤ ᱾” ᱥᱚᱵᱷᱟ ᱟᱜ ᱢᱤᱫᱴᱟᱝ ᱠᱟᱛᱷᱟ, “ᱤᱧ ᱫᱚ ᱚᱦᱚᱧ ᱥᱚᱝᱥᱟᱨ ᱠᱮᱭᱟ ᱾” ᱯᱮᱲᱟ ᱯᱟᱹᱲᱦᱟᱹ ᱟᱜ ᱚᱱᱚᱨ ᱜᱚᱱᱚᱨ ᱢᱤᱫ ᱚᱠᱛᱮ ᱢᱩᱪᱟᱹᱫᱮᱱ ᱠᱷᱟᱱ ᱟᱹᱰᱤ ᱥᱟᱱᱛᱤᱭ ᱵᱩᱡᱷᱟᱹᱣ ᱠᱮᱫᱟ ᱥᱚᱵᱷᱟ ᱾

ᱥᱚᱵᱷᱟ ᱠᱚᱴᱟ ᱢᱟᱦᱟ ᱚᱱᱦᱮᱲᱟ ᱥᱟᱹᱦᱤᱡ ᱠᱩᱝᱠᱤ ᱞᱮᱠᱟ ᱦᱟᱛᱚᱢ ᱛᱟᱠᱚ ᱟᱛᱳᱭ ᱫᱟᱸᱲᱟ ᱵᱟᱲᱟ ᱠᱮᱫᱟ ᱾ ᱦᱟᱛᱚᱢ ᱛᱟᱠᱚ ᱟᱜ ᱦᱩᱰᱤᱧ ᱦᱩᱰᱤᱧ ᱟᱛᱳ᱾ᱟᱛᱳ ᱛᱟᱭᱚᱢ ᱯᱟᱪᱷᱮ ᱵᱤᱨ ᱟᱨ ᱵᱤᱨ ᱾ ᱵᱟᱨ ᱜᱮᱞ ᱯᱮ ᱜᱟᱱ ᱚᱲᱟᱜ᱾ᱚᱱᱠᱟ ᱜᱮ ᱪᱩᱢᱠᱟᱹᱜ ᱪᱩᱢᱠᱟᱹᱜ ᱟᱛᱳ ᱢᱮᱱᱟᱜ-ᱟ ᱰᱩᱝᱨᱤ ᱦᱟᱱᱟ ᱫᱷᱟᱨᱮ ᱱᱚᱣᱟ ᱫᱷᱟᱨᱮ ᱾ ᱵᱤᱨ ᱦᱟᱱᱟᱥᱟ ᱱᱚᱣᱟᱥᱟ ᱾ ᱵᱟᱡᱟᱨ ᱦᱟᱴ, ᱨᱟᱱ ᱢᱩᱨᱜᱟᱹᱱ, ᱤᱥᱠᱩᱞ ᱠᱚ, ᱦᱟᱥᱯᱟᱛᱟᱞ ᱠᱚᱫᱚ ᱰᱩᱝᱨᱤ ᱯᱟᱨᱚᱢ ᱢᱚᱬᱮ ᱛᱩᱨᱩᱭ ᱜᱚᱴᱟᱝ ᱟᱛᱳ ᱯᱟᱨᱚᱢ ᱠᱟᱛᱮ ᱾ ᱦᱩᱰᱤᱧ ᱤᱛᱩᱱ ᱟᱥᱲᱟ ᱢᱮᱱᱟᱜ ᱨᱮᱸᱦᱚ ᱵᱟᱨ ᱯᱮ ᱟᱛᱳ ᱛᱟᱞᱟᱨᱮ ᱾ ᱚᱞᱚᱜ ᱥᱮᱱᱚᱜ ᱨᱟᱹᱥᱠᱟᱹ ᱫᱚ ᱵᱟᱱᱩᱜ ᱛᱟᱠᱚ ᱜᱤᱫᱽᱨᱟᱹ ᱟᱜ, ᱡᱟᱸᱦᱟ ᱛᱤᱱᱟᱹᱜ ᱪᱮᱬᱮ ᱥᱮᱸᱫᱽᱨᱟ ᱨᱮ ᱢᱮᱱᱟᱜ ᱛᱟᱠᱚ ᱾ ᱜᱤᱫᱽᱨᱟᱹ ᱠᱚ ᱵᱩᱡᱽ ᱠᱚ ᱥᱮᱸᱲᱟ ᱞᱮᱠᱷᱟᱱ ᱢᱮᱨᱚᱢ ᱜᱩᱯᱤ ᱟᱨ ᱵᱟᱝᱠᱷᱟᱱ ᱠᱩᱞᱦᱤ ᱢᱩᱪᱟᱹᱫ ᱢᱟᱪᱟ ᱟᱡᱟᱨᱮ ᱾ ᱛᱚᱵᱮ ᱨᱟᱯᱩᱫ ᱨᱟᱯᱩᱫ ᱯᱤᱪ ᱰᱟᱦᱟᱨ ᱫᱚ ᱟᱠᱚ ᱟᱛᱳ ᱛᱟᱞᱟᱛᱮ ᱯᱟᱨᱚᱢ ᱪᱟᱞᱟᱣ ᱟᱠᱟᱱᱟ ᱢᱤᱫᱴᱟᱝ ᱾ ᱚᱱᱟ ᱥᱟᱝ ᱛᱮ ᱚᱪᱪᱷᱮ ᱵᱷᱟᱨᱚᱛ ᱫᱤᱥᱚᱢ ᱟᱨ ᱰᱤᱡᱤᱴᱟᱞ ᱵᱷᱟᱨᱚᱛ ᱫᱤᱥᱚᱢ ᱾ ᱟᱛᱳ ᱨᱮ ᱯᱮ ᱯᱳᱱᱭᱟ ᱥᱢᱟᱨᱴ ᱯᱷᱳᱱ ᱾ ᱚᱱᱟ ᱥᱢᱟᱨᱴ ᱯᱷᱳᱱ ᱡᱤᱣᱤ ᱩᱨᱤᱡ ᱠᱟᱛᱮᱭ ᱨᱤᱠᱟᱹᱭᱟ ᱟᱛᱳ ᱨᱮᱱ ᱡᱚᱝᱞᱤ ᱦᱚᱲ ᱠᱚ ᱥᱢᱟᱨᱴ ᱠᱚ ᱞᱟᱹᱜᱤᱫ ᱾

ᱥᱚᱵᱷᱟ ᱢᱚᱱᱮᱭ ᱜᱚᱴᱟ ᱩᱛᱟᱹᱨ ᱠᱮᱫ ᱛᱟᱭᱟ ᱯᱮ ᱯᱳᱱ ᱢᱟᱦᱟ ᱵᱷᱤᱛᱟᱹᱨ ᱨᱮᱜᱮ ᱾ ᱟᱭᱟᱜ ᱵᱟᱯᱞᱟ ᱨᱮ ᱧᱟᱢ ᱥᱚᱱᱟ ᱨᱮᱱᱟᱜ ᱡᱷᱩᱢᱠᱟᱹ ᱯᱟᱥᱟ ᱟᱠᱷᱨᱤᱧ ᱠᱟᱛᱮ ᱚᱱᱟ ᱠᱟᱹᱴᱤᱡ ᱴᱟᱠᱟ ᱛᱮᱭ ᱮᱦᱚᱵ ᱠᱮᱫᱟ ᱟᱭᱟᱜ ᱛᱟᱲᱟᱢ ᱾ ᱟᱛᱳ ᱨᱮᱱ ᱦᱩᱰᱤᱧ ᱦᱩᱰᱤᱧ ᱜᱤᱫᱽᱨᱟ. ᱠᱚ ᱟᱛᱮ ᱟᱭᱟᱜ ᱚᱞᱚᱜ ᱟᱠᱷᱲᱟ ᱮᱦᱚᱵ ᱮᱱ ᱛᱟᱭᱟ ᱟᱹᱰᱤ ᱨᱟᱹᱥᱠᱟᱹ ᱥᱟᱞᱟᱜ ᱾ ᱥᱮᱛᱟᱜ ᱟ.ᱭᱩᱵ ᱦᱟᱛᱚᱢ ᱟᱜ ᱦᱩᱰᱤᱧ ᱪᱷᱟᱴᱠᱟ ᱯᱮᱨᱮᱡ ᱠᱚᱜ ᱛᱟᱭᱟ ,ᱚ ,ᱚᱛ, ᱚᱜ, ᱚᱝ, ᱚᱞ ᱾ ᱮ, ᱵᱤ, ᱥᱤ, ᱰᱤ ᱾ ᱚ, ᱟ ᱨᱮᱱᱟᱜ ᱪᱮᱨᱚ ᱵᱮᱨᱚ ᱟᱲᱟᱝ ᱛᱮ ᱾

ᱥᱚᱵᱷᱟ ᱫᱚ ᱟᱛᱳ ᱨᱮᱱ ᱦᱩᱰᱤᱧ ᱜᱤᱫᱽᱨᱟᱹ ᱠᱚᱭ ᱯᱟᱲᱦᱟᱣ ᱠᱚᱣᱟ ᱾ ᱛᱚᱵᱮ ᱯᱩᱭᱞᱩ ᱨᱮ ᱜᱤᱫᱽᱨᱟᱹ ᱯᱟᱸᱡᱟ ᱟ.ᱜᱩ ᱛᱮ ᱟᱹᱰᱤ ᱦᱟᱨᱠᱮᱛ ᱞᱮᱱᱟᱭ ᱾ ᱟᱛᱳ ᱚᱲᱟᱜ ᱨᱮ ᱢᱚᱬᱮ ᱛᱩᱨᱩᱭ ᱥᱮᱨᱢᱮ ᱩᱢᱮᱨ ᱨᱮᱱ ᱜᱤᱫᱽᱨᱟ. ᱚᱲᱟᱜ ᱨᱮᱱᱟᱜ ᱠᱟᱹᱢᱤ ᱟᱨ ᱟᱡ ᱨᱮᱱ ᱦᱩᱰᱤᱧ ᱵᱚᱭᱦᱟ ᱵᱩᱦᱤᱱ ᱵᱩᱞᱟᱹᱣ ᱠᱟᱹᱢᱤ ᱵᱟ.ᱜᱤ ᱠᱟᱛᱮ ᱚᱞᱚᱜ ᱞᱮᱠᱟᱱᱟᱜ ᱢᱟᱜᱱᱟ ᱠᱟᱹᱢᱤᱨᱮ ᱪᱮᱫᱟᱜ ᱠᱚ ᱠᱳᱞ ᱠᱚᱣᱟ ᱾ ᱮᱚ ᱦᱚᱸ ᱢᱩᱪᱟᱹᱫ ᱦᱟᱹᱵᱤᱡ ᱥᱚᱵᱷᱟ ᱟ.ᱜᱩ ᱫᱟᱲᱮ ᱟᱠᱟᱫ ᱠᱚᱣᱟᱭ ᱾ ᱚᱞᱚᱜ ᱨᱮᱱᱟᱜ ᱥᱮ ᱥᱤᱠᱷᱱᱟᱹᱛ ᱨᱮᱱᱟᱜ ᱜᱚᱱᱚᱝ ᱪᱮᱫ ᱚᱱᱟᱭ ᱵᱩᱡᱷᱟᱹᱣ ᱚᱪᱚ ᱫᱟᱲᱮ ᱟᱠᱟᱫ ᱠᱚᱣᱟ ᱟᱛᱳ ᱦᱚᱲ ᱾ ᱵᱟᱝ ᱦᱤᱡᱩᱜ ᱜᱤᱫᱽᱨᱟ. ᱠᱚᱫᱚ ᱞᱟ.ᱰᱩ ᱢᱤᱴᱷᱟᱹᱭ ᱮᱢ ᱠᱟᱛᱮ ᱦᱚᱸᱭ ᱵᱷᱩᱞᱟᱹᱣ ᱟ.ᱜᱩ ᱠᱚᱣᱟ ᱾ ᱠᱟᱹᱡ ᱢᱟᱨᱟᱝ ᱥᱮ ᱚᱞᱚᱜ ᱵᱟ.ᱜᱤ ᱠᱚᱫᱚ ᱵᱤᱨᱫᱟᱹᱜᱟᱲ ᱛᱮ ᱪᱟᱞᱟᱜ ᱮ ᱵᱤᱱᱛᱤ ᱟᱠᱚᱭᱟ ᱾ ᱤᱫᱤ ᱦᱚᱴᱚ ᱠᱟᱠᱚᱭᱟᱭ ᱾ ᱴᱷᱟᱠᱮᱫᱚᱜ ᱴᱷᱮᱱ ᱫᱚ ᱞᱟᱹᱭ ᱜᱚᱲᱚ ᱟᱠᱚᱭᱟᱭ ᱾ ᱜᱤᱫᱽᱨᱟᱹ ᱟᱜ ᱱᱚᱱᱚᱞ ᱞᱟᱪᱷᱟ ᱡᱚᱜᱟᱲ ᱨᱮᱱᱟᱜ ᱫᱟᱭᱤᱛ ᱫᱚ ᱥᱚᱵᱷᱟ ᱟᱜ ᱜᱮ ᱾

ᱢᱟᱦᱟ ᱢᱟᱦᱟᱛᱮ ᱥᱚᱵᱷᱟ ᱟᱜ ᱚᱞᱚᱜ ᱟᱠᱷᱲᱟ ᱨᱮ ᱯᱟᱹᱴᱷᱩᱭᱟᱹ ᱟᱹᱰᱤ ᱠᱚ ᱵᱟ.ᱲᱛᱤᱜ ᱠᱟᱱᱟ ᱾ ᱪᱮᱫᱟᱜ ᱥᱮ ᱱᱟᱦᱟᱜ ᱫᱚ ᱥᱚᱵᱷᱟ ᱴᱩᱣᱟᱹᱨ ᱥᱟᱱᱛᱟᱲ ᱜᱤᱫᱽᱨᱟᱹ ᱠᱚ ᱞᱟ.ᱜᱤᱫ ᱟᱡ ᱴᱷᱮᱱ ᱛᱟᱸᱦᱮ ᱠᱟᱛᱮ ᱯᱟᱲᱦᱟᱣ ᱥᱮᱪᱮᱫ ᱨᱮᱱᱟᱜ ᱮ ᱵᱚᱱᱫᱮᱡ ᱟᱠᱟᱫᱟ ᱾ ᱟᱲᱮ ᱯᱟᱥᱮ ᱟᱛᱳ ᱢᱟ ᱦᱮᱸᱜᱮ ᱥᱟ:ᱜᱤᱧ ᱟᱛᱳ ᱠᱷᱚᱱ ᱦᱚᱸᱭ ᱯᱟᱸᱡᱟ ᱟ.ᱜᱩ ᱠᱚᱣᱟ ᱚᱱᱠᱟᱱ ᱜᱤᱫᱽᱨᱟᱹ ᱾ ᱩᱱᱠᱩ ᱛᱟᱸᱦᱮ ᱞᱟ.ᱜᱤᱫ ᱦᱟᱛᱚᱢᱟᱜ ᱠᱩᱰᱟᱹᱢ ᱫᱷᱟᱨᱮ ᱟᱨ ᱵᱟᱨᱭᱟ ᱜᱟᱱ ᱪᱷᱤᱴᱟᱹ ᱵᱮᱲᱟ ᱚᱲᱟᱜ ᱮ ᱵᱟ.ᱲᱛᱤ ᱟᱠᱟᱫᱟ ᱾ ᱥᱚᱵᱷᱟ ᱟᱜ ᱱᱚᱣᱟ ᱞᱟᱹᱲᱦᱟᱹᱭ ᱧᱮᱞ ᱠᱟᱛᱮ ᱦᱟᱛᱚᱢᱟᱜ ᱨᱤᱫᱚᱭ ᱨᱮᱱᱟᱜ ᱢᱤᱫᱴᱟᱝ ᱯᱟᱦᱴᱟ ᱡᱷᱤᱡ ᱞᱮᱱᱟ ᱾ ᱦᱟᱛᱚᱢ ᱪᱮᱫ ᱮ ᱵᱩᱡᱽ ᱠᱮᱫᱟ ᱦᱮᱸ ᱪᱚ ᱟᱭᱟᱜ ᱥᱟᱱᱟᱢ ᱥᱚᱢᱯᱚᱛᱤ ᱥᱚᱵᱷᱟ ᱟᱜ ᱠᱟᱹᱢᱤ ᱨᱮᱭ ᱫᱟᱱ ᱟᱠᱟᱫᱟ ᱾ ᱜᱤᱫᱽᱨᱟᱹ ᱠᱚᱣᱟᱜ ᱚᱞᱚᱜ ᱠᱷᱚᱨᱚᱪ ᱛᱮᱭᱟᱨ ᱞᱟ.ᱜᱤᱫ ᱛᱮ ᱦᱟᱛᱚᱢ ᱥᱟᱞᱟᱜ ᱚᱯᱥᱚᱨ ᱚᱜ ᱚᱠᱛᱚ ᱨᱮ ᱠᱷᱟᱲᱟᱝ ᱡᱚᱱᱚᱜ ᱠᱤᱛᱟᱹ ᱯᱟᱹᱴᱭᱟᱹ ᱵᱮᱱᱟᱣ ᱟᱭ ᱾ ᱵᱟᱡᱟᱨ ᱫᱤᱠᱩ ᱱᱚᱝᱠᱟᱱᱟᱜ ᱤᱭᱩᱱᱤᱠ ᱡᱤᱱᱤᱥ ᱟ.ᱰᱤ ᱫᱟᱢ ᱟᱛᱮᱠᱚ ᱦᱟᱛᱟᱣᱟ ᱾ ᱤᱱᱟᱹ ᱵᱮᱜᱚᱨ ᱥᱚᱵᱷᱟ ᱠᱚᱞᱠᱟᱛᱟ ᱨᱮᱱᱟᱜ ᱢᱤᱫ ᱵᱟᱨ ᱵᱩᱴᱤᱠ ᱨᱮᱱ ᱠᱚᱱᱥᱟᱞᱴᱮᱱᱴ ᱦᱤᱥᱟᱹᱵᱽ ᱛᱮᱭ ᱠᱟᱹᱢᱤᱭᱟ ᱾ ᱦᱟᱛᱚᱢᱟᱜ ᱚᱲᱟᱜ ᱨᱮᱱᱟᱜ ᱵᱟᱲᱜᱮ ᱨᱮ ᱡᱚᱢ ᱞᱟ.ᱜᱤᱫ ᱟᱲᱟᱜ ᱥᱟᱠᱟᱢ ᱟᱨ ᱥᱮᱨᱢᱟ ᱨᱮ ᱢᱤᱫ ᱫᱷᱟᱣ ᱟᱨᱡᱟᱣ ᱦᱳᱲᱳ ᱛᱮᱜᱮ ᱵᱮᱥ ᱪᱟᱞᱟᱜ-ᱟ ᱾ ᱛᱚᱵᱮ ᱡᱟ ᱥᱩᱠ ᱛᱮ ᱦᱟᱨᱟ ᱟᱠᱟᱱ ᱥᱚᱵᱷᱟ ᱚᱱᱟ ᱟᱨᱡᱟᱣ ᱠᱟᱹᱢᱤ ᱨᱮᱫᱚ ᱟᱹᱰᱤ ᱦᱟᱨᱠᱮᱛ ᱛᱟᱞᱟ ᱛᱮᱜᱮ ᱯᱟᱹᱨᱠᱟᱹᱣ ᱦᱳᱭ ᱟᱠᱟᱱ ᱛᱟᱭᱟ ᱾

ᱟᱛᱳ ᱨᱮᱱ ᱥᱟᱱᱟᱢ ᱦᱚᱲ ᱥᱚᱵᱷᱟ ᱟᱜ ᱥᱮᱵᱮᱞ ᱵᱮᱵᱷᱟᱨ ᱛᱮ ᱟᱹᱰᱤ ᱠᱚ ᱠᱩᱥᱤ ᱠᱟᱣ ᱫᱮᱭᱟ ᱾ ᱥᱚᱵᱷᱟ ᱩᱱᱠᱩ ᱥᱟᱞᱟᱜ ᱠᱷᱟᱨᱥᱟᱞᱟᱜ ᱢᱚᱱᱮ ᱛᱮᱭ ᱜᱟᱞ ᱢᱟᱨᱟᱣᱟ ᱚᱞᱚᱜ ᱯᱚᱲᱦᱚᱱ ᱨᱮᱱᱟᱜ ᱠᱟᱛᱷᱟ ᱠᱚᱢᱟ ᱦᱮᱸᱜᱮ, ᱥᱚᱨᱠᱟᱨᱟᱜ ᱠᱟᱛᱷᱟ ᱠᱚ, ᱩᱱᱠᱩᱭᱟᱜ ᱠᱟᱹᱢᱤ ᱠᱚ, ᱟᱭᱤᱱ ᱠᱚ, ᱟᱯᱱᱟᱨᱟᱜ ᱟᱹᱭᱫᱟᱹᱨ ᱠᱚ ᱾ ᱟᱨᱮ ᱢᱮᱛᱟ ᱠᱚᱣᱟ ᱡᱩᱢᱤᱫᱚᱜ ᱞᱟᱹᱜᱤᱫ ᱾ ᱵᱤᱨ ᱵᱩᱨᱩ ᱫᱟᱨᱮ ᱱᱟᱹᱲᱤ ᱵᱟᱧᱪᱟᱣ ᱫᱚᱦᱚ, ᱟᱨ ᱵᱟᱦᱨᱮ ᱫᱤᱠᱩ ᱴᱷᱮᱱ ᱟᱯᱱᱟᱨᱟᱜ ᱫᱚᱨ ᱵᱟᱲᱦᱟᱣ ᱾ ᱚᱱᱠᱟ ᱜᱮ ᱟᱛᱳ ᱨᱮᱱ ᱵᱟᱨ ᱦᱚᱲ ᱠᱟᱹᱡ ᱥᱤᱠᱷᱱᱟᱹᱛ ᱠᱚᱲᱟ ᱜᱤᱫᱽᱨᱟᱹ ᱥᱚᱵᱷᱟ ᱟᱜ ᱠᱟᱹᱢᱤ ᱨᱮ ᱜᱚᱲᱚ ᱞᱮᱠᱟ ᱟᱨᱟᱢ ᱠᱤᱱ ᱜᱚᱜ ᱟᱠᱟᱫᱟ ᱾ ᱦᱩᱰᱤᱧ ᱜᱤᱫᱽᱨᱟᱹ ᱠᱤᱱ ᱯᱟᱲᱦᱟᱣ ᱠᱚᱣᱟ᱾ᱩᱱᱠᱤᱱ ᱪᱮᱛᱟᱱ ᱥᱚᱵᱷᱟ ᱮᱢᱚᱱ ᱚᱨᱥᱚᱝ ᱮ ᱜᱤᱰᱤ ᱟᱠᱟᱫᱟ ᱥᱚᱵᱷᱟ ᱫᱟᱹᱭ ᱡᱟᱸᱦᱟᱱᱟᱜ ᱮ ᱞᱟᱹᱭ ᱞᱮᱠᱷᱟᱱ ᱜᱮ ᱡᱤᱣᱤ ᱩᱨᱤᱡ ᱟᱛᱮ ᱠᱤᱱ ᱠᱟᱹᱢᱤᱭᱟ ᱾ ᱦᱟᱱᱟ ᱟᱯᱤᱥ ᱱᱚᱣᱟ ᱟᱯᱤᱥ ᱡᱟᱸᱦᱟ ᱫᱚᱨᱠᱟᱨ ᱛᱮ ᱪᱟᱞᱟᱣ ᱠᱚᱭ ᱟ.ᱪᱩ ᱵᱟᱲᱟ ᱠᱤᱱᱟ ᱾ ᱟᱹᱠᱤᱱ ᱦᱚᱸ ᱱᱟᱣᱟ ᱠᱟᱛᱮ ᱞᱟᱯᱷᱟᱝ ᱥᱮᱪᱮᱫ ᱟᱢᱮᱴ ᱨᱮᱱᱟᱜ ᱠᱤᱱ ᱠᱩᱨᱩᱢᱩᱴᱩ ᱟᱠᱟᱫᱟ ᱾ ᱢᱤᱫ ᱫᱤᱱ ᱟᱹᱰᱤ ᱦᱚᱨᱚᱵᱚᱨᱚ ᱠᱟᱛᱮ ᱦᱮᱡ ᱮᱱᱛᱮ ᱠᱤᱱ ᱞᱟᱹᱭ ᱠᱮᱫᱟ, “ᱮ ᱫᱟᱹᱭ, ᱵᱷᱟᱨᱚᱛ ᱫᱤᱥᱚᱢ ᱨᱮᱱᱟᱜ ᱡᱷᱚᱛᱚ ᱠᱷᱚᱱ ᱪᱮᱛᱟᱱ ᱢᱟᱹᱪᱤ ᱨᱮᱫᱚ ᱥᱟᱱᱛᱟᱲ ᱦᱚᱲᱮ ᱫᱩᱲᱩᱵ ᱮᱱ ᱫᱚ ᱾………ᱹᱟᱫᱚ ᱟᱵᱚ ᱥᱟᱱᱛᱟᱲ ᱵᱟᱵᱚ ᱦᱟᱨᱠᱮᱛᱚᱜ-ᱟ ᱦᱮᱸᱥᱮ ᱾” ᱥᱚᱵᱷᱟ ᱚᱱᱟ ᱦᱤᱞᱳᱜ ᱪᱮᱫ ᱦᱚᱸ ᱵᱟᱝ ᱞᱟᱹᱭ ᱠᱟᱛᱮ ᱞᱟᱸᱫᱟ ᱞᱮᱫᱟᱭ ᱾ ᱥᱟᱹᱨᱤ ᱜᱮᱛᱚ ᱥᱚᱨᱠᱟᱨᱟᱜ ᱢᱟᱨᱟᱝ ᱢᱟᱨᱟᱝ ᱦᱩᱫᱟᱹ ᱨᱮᱫᱚ ᱛᱤᱱᱟᱹᱜ ᱛᱤᱱᱟᱹᱜ ᱥᱟᱱᱛᱟᱲ ᱠᱚ ᱦᱚᱸ ᱢᱮᱱᱟᱜ ᱠᱚᱣᱟ ᱾

ᱥᱚᱵᱷᱟ ᱥᱟᱞᱟᱜ ᱟᱨ ᱢᱮᱱᱟᱭᱟ ᱨᱟᱱᱤ ᱾ ᱪᱷᱟᱰᱣᱤ ᱠᱩᱲᱤ ᱜᱤᱫᱽᱨᱟᱹ ᱾ ᱦᱤᱨᱚᱢ ᱥᱤᱠᱤᱲ ᱵᱟᱭ ᱥᱟᱦᱟᱣ ᱫᱟᱲᱮ ᱟᱠᱟᱫ ᱛᱮ ᱳᱰᱳᱝ ᱦᱮᱡ ᱟᱠᱟᱱᱟᱭ ᱾ ᱥᱚᱵᱷᱟ ᱟᱹᱰᱤ ᱡᱚᱛᱚᱱ ᱛᱮ ᱫᱚᱨᱚᱫᱽ ᱛᱮ ᱟᱥᱨᱟᱭ ᱮ ᱮᱢ ᱠᱟᱣ ᱫᱮᱭᱟ ᱾ ᱥᱚᱵᱷᱟ ᱨᱮᱱ ᱩᱢᱩᱞ ᱞᱮᱠᱟ ᱥᱟᱶ ᱥᱟᱶ ᱨᱮᱭ ᱛᱟᱸᱦᱮᱱᱟ ᱾

ᱥᱚᱵᱷᱟ ᱟᱜ ᱠᱩᱠᱢᱩ ᱛᱟᱭ ᱟᱭᱟᱜ ᱱᱚᱣᱟ ᱚᱞᱚᱜ ᱟᱠᱷᱲᱟ ᱨᱮᱡᱤᱥᱴᱨᱮᱥᱚᱱ ᱮ ᱧᱟᱢᱟ ᱢᱤᱫ ᱫᱤᱱ ᱵᱤᱨᱫᱟᱹᱜᱟᱲ ᱞᱮᱠᱟᱛᱮ ᱾ ᱯᱨᱟᱛᱷᱚᱢᱤᱠ ᱥᱤᱠᱠᱷᱟ ᱫᱚᱯᱛᱚᱨ ᱨᱮ ᱟᱭᱤᱡ ᱜᱟᱛᱮ ᱥᱩᱥᱤᱞᱟᱭ ᱪᱟ.ᱠᱨᱤᱭᱟ ᱾ ᱫᱟᱭᱤᱛ ᱮ ᱦᱟᱛᱟᱣ ᱟᱠᱟᱫᱟ ᱥᱚᱵᱷᱟ ᱟᱜ ᱠᱩᱠᱢᱩ ᱯᱩᱨᱟᱹᱣ ᱨᱮᱱᱟᱜ ᱾ ᱴᱟᱠᱟ ᱯᱩᱭᱥᱟᱹ ᱞᱟᱹᱜᱤᱫ ᱫᱤᱠᱩ ᱜᱟᱛᱮ ᱠᱚᱛᱟᱭ ᱮ ᱞᱟᱹᱭ ᱵᱟᱲᱟ ᱟᱠᱳᱣᱟ ᱾ ᱠᱷᱮᱯᱟ ᱠᱷᱮᱯᱤ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱠᱚ ᱢᱮᱱᱟᱜ ᱠᱚᱣᱟ ᱾ᱦᱟᱯᱛᱟ ᱨᱮ ᱦᱮᱡ ᱠᱟᱛᱮ ᱢᱤᱫ ᱵᱟᱨ ᱥᱤᱧ ᱠᱚ ᱜᱚᱲᱟ ᱟᱭᱟ ᱾ ᱮᱱᱹᱡᱤᱹᱣᱳ ᱛᱟᱞᱟ ᱛᱮᱦᱚ ᱜᱚᱲᱚᱭ ᱧᱟᱢ ᱜᱮᱭᱟ ᱟᱹᱰᱤ ᱾ ᱤᱱᱰᱤᱵᱷᱤᱡᱩᱣᱟᱞ ᱦᱚᱸ ᱾ ᱢᱤᱫ ᱞᱚ ᱤᱭᱟᱨ ᱜᱟᱛᱮ ᱦᱚᱸ ᱢᱮᱱᱟᱭ ᱛᱟᱭᱟ ᱾ ᱟᱭᱤᱱ ᱠᱚᱭ ᱵᱤᱱᱛᱤ ᱵᱟᱲᱟ ᱟᱭᱟ ᱾ ᱥᱟᱹᱨᱤᱜᱮ ᱪᱤᱠᱟᱹ ᱞᱮᱠᱟᱛᱮᱪᱚ ᱛᱤᱱᱟᱹᱜ ᱨᱟᱣᱟᱞ ᱥᱟᱹᱦᱤᱡ ᱥᱟᱱᱟᱢ ᱠᱟᱹᱢᱤ ᱠᱚ ᱞᱟᱦᱟ ᱪᱟᱞᱟᱜ ᱠᱟᱱᱟ ᱥᱚᱵᱷᱟ ᱦᱚᱸ ᱵᱟᱭ ᱵᱩᱡᱽ ᱫᱟᱲᱮᱭᱟᱜ ᱠᱟᱱᱟ ᱾ ᱟᱡ ᱦᱚᱸ ᱠᱤᱨᱭᱟᱹᱭ ᱦᱟᱛᱟᱣ ᱟᱠᱟᱫᱟ ᱱᱚᱣᱟ ᱴᱚᱴᱷᱟ ᱢᱤᱫ ᱫᱤᱱ ᱥᱤᱠᱷᱱᱟᱹᱛ ᱛᱮᱭ ᱟᱸᱫᱳᱲᱟ ᱾

ᱦᱟᱛᱚᱢ ᱢᱤᱫ ᱫᱤᱱᱮ ᱜᱚᱛᱚᱭᱮᱱᱟ ᱾ ᱥᱚᱵᱷᱟ ᱟᱹᱰᱤ ᱯᱷᱟᱸᱠ ᱯᱷᱟᱸᱠ ᱮ ᱵᱩᱡᱽ ᱠᱮᱫᱟ᱾ᱟᱭᱟᱜ ᱵᱚᱦᱚᱜ ᱪᱮᱛᱟᱱ ᱠᱷᱚᱱ ᱫᱳᱜ ᱫᱟᱨᱟᱢ ᱨᱮᱱᱟᱜ ᱪᱷᱟᱛᱟ ᱥᱟᱦᱟᱭᱮᱱ ᱞᱮᱠᱟᱭ ᱵᱩᱡᱷᱟᱹᱣ ᱠᱮᱫᱟ ᱾ ᱟᱨ ᱡᱟᱸᱦᱟᱭ ᱠᱚᱲᱟ ᱦᱚᱲ ᱠᱚ ᱮᱠᱞᱟ ᱠᱩᱲᱤ ᱦᱚᱯᱚᱱ ᱧᱮᱞ ᱞᱮᱠᱷᱟᱱ ᱜᱮ ᱫᱩᱞᱟᱹᱲᱤᱭᱟᱹᱜ ᱥᱟᱱᱟ ᱠᱚᱣᱟ, ᱪᱷᱟᱛᱟᱨ ᱩᱢᱩᱞ ᱟᱴᱮᱫ ᱥᱟᱱᱟ ᱠᱚᱣᱟ, ᱩᱱᱠᱩ ᱫᱚ ᱟᱨ ᱦᱚᱸ ᱠᱚ ᱥᱟᱥᱛᱟᱭᱮᱱᱟ ᱾ ᱟᱭᱟᱜ ᱮᱞᱟᱠ ᱨᱮᱱ ᱢᱟᱛᱚ ᱦᱮᱸ ᱜᱮ ᱾ ᱵᱟᱦᱨᱮ ᱠᱚᱨᱮᱱ ᱦᱚᱸ ᱱᱮᱛᱟ ᱠᱚ ᱢᱚᱱᱛᱤᱨᱤ ᱠᱚᱨᱮᱱ ᱜᱤᱫᱽᱨᱟᱹ ᱠᱚ ᱥᱚᱵᱷᱟ ᱠᱮᱴᱮᱡ ᱨᱟᱦᱟ ᱛᱮᱭ ᱢᱮᱛᱟ ᱠᱚᱣᱟ, “ᱤᱧ ᱠᱤ ᱱᱚᱣᱟ ᱟᱸᱥ ᱛᱮᱜᱮ ᱚᱲᱟᱜ ᱫᱩᱭᱟᱹᱨ ᱵᱟᱹᱜᱤ ᱠᱟᱛᱮ ᱱᱤᱱ ᱥᱟ:ᱜᱤᱧ ᱨᱮ ᱢᱤᱱᱟᱹᱧᱟ ᱾ ᱱᱩᱠᱩ ᱜᱤᱫᱽᱨᱟᱹ ᱟᱜ ᱫᱟᱭᱤᱛ ᱦᱟᱛᱟᱣ ᱯᱮᱥᱮ ᱧᱮᱞ ᱯᱤᱭᱟᱹᱧ ᱪᱮᱫ ᱞᱮᱠᱟ ᱯᱮ ᱠᱚᱲᱟ ᱟᱠᱟᱱᱟ ᱾” ᱮᱱᱦᱚᱸ ᱧᱩᱛ ᱧᱤᱫᱟᱹ ᱥᱤᱞᱯᱤᱧ ᱴᱷᱮᱞᱟᱣ ᱵᱟᱲᱟᱭ ᱾ ᱦᱚᱨ ᱵᱤᱨ ᱨᱮ ᱜᱷᱮᱨᱟᱣ ᱵᱟᱲᱟᱭ᱾ ᱩᱱᱠᱩ ᱫᱚ ᱢᱤᱫ ᱮᱠᱞᱟ ᱠᱩᱲᱤ ᱦᱚᱯᱚᱱᱟᱜ ᱮᱠᱞᱟ ᱛᱟᱸᱦᱮ ᱟᱥᱯᱚᱨᱫᱷᱟᱛᱮ ᱦᱟᱦᱟᱲᱟ ᱠᱚ ᱵᱩᱡᱷᱟᱹᱣᱟ ᱾

ᱢᱤᱫᱴᱟᱝ ᱛᱤᱠᱤᱱ ᱨᱮ ᱥᱚᱵᱷᱟ ᱢᱮᱞᱟ ᱯᱤᱸᱰᱟᱹᱨᱮ ᱫᱩᱲᱩᱵ ᱠᱟᱛᱮ ᱢᱤᱫᱴᱟᱜ ᱜᱮᱸᱫᱟᱜ ᱨᱮ ᱥᱩᱛᱟᱹᱢ ᱛᱮ ᱵᱟᱦᱟ ᱱᱟᱹᱲᱤᱭ ᱨᱟᱠᱟᱵ ᱮᱫᱟ ᱾ ᱨᱟᱹᱱᱤ ᱫᱚ ᱚᱲᱟᱜ ᱵᱷᱤᱛᱟᱹᱨ ᱥᱮᱫ ᱨᱮ ᱪᱮᱫ ᱠᱚᱛᱮ ᱪᱚᱭ ᱡᱚᱦᱚᱲ ᱟᱠᱟᱱᱟ ᱾ ᱜᱤᱫᱽᱨᱟᱹ ᱠᱚᱫᱚ ᱚᱲᱟᱜ ᱥᱮᱫ ᱨᱮᱠᱚ ᱠᱷᱮᱞ ᱵᱟᱲᱟᱭᱮᱫᱟ ᱡᱟ.ᱱᱤᱡ! ᱢᱤᱫ ᱜᱟ.ᱰᱤ ᱯᱩᱞᱤᱥ ᱥᱚᱵᱷᱟ ᱟᱜ ᱪᱷᱟᱴᱠᱟ ᱨᱮᱠᱚ ᱛᱤᱸᱜᱩᱭᱮᱱᱟ ᱾ ᱢᱤᱫ ᱯᱩᱞᱤᱥ ᱥᱚᱵᱷᱟ ᱟᱜ ᱩᱯᱩᱨᱩᱢ ᱵᱟᱲᱟᱭ ᱠᱟᱛᱮ ᱢᱮᱛᱟᱫᱮᱭᱟᱭ, “ᱟᱢ ᱧᱩᱛᱩᱢ ᱛᱮ ᱜᱤᱫᱽᱨᱟᱹ ᱟᱠᱷᱨᱤᱧ ᱨᱮᱱᱟᱜ ᱞᱟᱞᱤᱥ ᱢᱮᱱᱟᱜ-ᱟ ᱾” ᱥᱚᱵᱷᱟ ᱛᱷᱤᱨ ᱢᱮᱫᱦᱟ ᱩᱱᱠᱩ ᱥᱮᱫ ᱮ ᱟᱴᱮᱫ ᱠᱮᱫ ᱛᱮ ᱰᱟᱴᱟ ᱛᱮ ᱥᱩᱛᱟᱹᱢᱮ ᱜᱟ:ᱰᱤᱡ ᱠᱮᱫ ᱛᱮ ᱵᱟᱹᱭ ᱵᱟᱹᱭ ᱛᱮᱭ ᱞᱟᱹᱭ ᱠᱮᱫᱟ, “ᱚ! ᱵᱷᱟᱜᱮ ᱜᱮ,ᱯᱚᱨᱢᱟᱱ ᱩᱫᱩᱜᱽ ᱯᱮ ᱾ ᱞᱟᱹᱭ ᱯᱮ ᱛᱤᱥ ᱚᱠᱚᱭ ᱨᱮᱱ ᱜᱤᱫᱽᱨᱟ. ᱠᱳᱢᱲᱳ ᱠᱟᱛᱮᱧ ᱟᱹᱠᱷᱨᱤᱧ ᱟᱠᱟᱫ ᱠᱚᱣᱟ ᱾”

ᱼ ᱦᱮᱸ ᱯᱚᱨᱢᱟᱱ ᱢᱟᱞᱮ ᱮᱢᱟᱢ ᱜᱮ ᱾ ᱟᱨ ᱢᱤᱫᱴᱟᱝ ᱠᱟᱛᱷᱟ, ᱟᱢ ᱫᱚ ᱚᱠᱚᱭ ᱞᱟᱹᱭ ᱛᱮ ᱥᱮ ᱚᱠᱚᱭ ᱦᱚᱠᱩᱢ ᱛᱮ ᱱᱚᱣᱟ ᱵᱤᱨ ᱟᱜ ᱴᱚᱴᱷᱟ ᱥᱮᱫ ᱵᱟᱲᱜᱮᱢ ᱵᱟ.ᱲᱛᱤᱭᱮᱫᱟ ᱾ ᱡᱚᱫᱤᱭᱳ ᱱᱚᱣᱟ ᱟᱛᱳ ᱨᱮᱱ ᱥᱟᱱᱟᱢ ᱦᱚᱲ ᱜᱮ ᱵᱤᱨ ᱟᱜ ᱴᱚᱴᱷᱟ ᱨᱮ ᱢᱮᱱᱟᱜ ᱯᱮᱭᱟ ᱾ ᱟᱹᱰᱤ ᱞᱚᱜᱚᱱ ᱯᱟᱴᱟ ᱠᱚ ᱥᱚᱫᱚᱨ ᱯᱮ ᱾ ᱵᱟ.ᱱᱩᱜ ᱠᱷᱟᱱ ᱵᱤᱨ ᱟᱭᱟᱜ ᱴᱚᱴᱷᱟᱭ ᱦᱟᱛᱟᱣ ᱨᱩᱭᱟᱹᱲᱟ ᱾ ᱥᱚᱵᱷᱟ ᱚᱱᱠᱟ ᱜᱮ ᱢᱤᱫ ᱢᱚᱱᱮᱛᱮ ᱠᱟᱹᱢᱤ ᱠᱟᱹᱢᱤᱛᱮᱭ ᱛᱮᱞᱟ ᱠᱮᱫᱟ, “ᱦᱩᱢ ᱾” ᱯᱩᱞᱤᱥ ᱠᱚ ᱨᱩᱭᱟᱹᱲᱮᱱᱟ ᱥᱟᱱᱟᱢᱟᱜ ᱧᱮᱞ ᱵᱟᱲᱟ ᱠᱟᱛᱮ ᱾ ᱥᱚᱵᱷᱟ ᱫᱚ ᱟᱛᱳ ᱢᱟ.ᱡᱷᱤ ᱠᱚᱴᱷᱮᱱ ᱮ ᱛᱷᱩᱛᱤ ᱵᱟᱲᱟ ᱠᱮᱫᱟ ᱾

ᱢᱟ.ᱡᱷᱤ ᱦᱟᱲᱟᱢ ᱟᱥᱳᱣᱟᱥ ᱠᱟᱛᱮ ᱞᱟᱹᱭ ᱠᱮᱫᱟᱭ, “ᱵᱟᱝᱟ ᱢᱟᱹᱭ, ᱩᱱᱟᱹᱜ ᱥᱳᱡᱷᱮ ᱠᱟᱱᱛᱮ ᱾ ᱟᱞᱮ ᱫᱚ ᱮᱭᱟᱭ ᱯᱤᱲᱦᱤ ᱛᱟᱸᱦᱮ ᱦᱚᱲ ᱱᱚᱣᱟ ᱵᱷᱤᱴᱟᱹ ᱵᱚᱥᱢᱚᱛᱟ ᱨᱮ ᱾ ᱟᱞᱮ ᱨᱟᱠᱟᱵ ᱠᱤ ᱩᱱᱟᱹᱜ ᱥᱳᱡᱷᱮ ᱾ ᱵᱤᱨ ᱵᱩᱨᱩ ᱢᱟᱜ ᱯᱷᱟᱨᱪᱟ ᱠᱟᱛᱮ ᱟᱛᱳ ᱞᱮ ᱵᱮᱨᱮᱫ ᱟᱠᱟᱫᱟ ᱾ᱟᱞᱮᱫᱚ ᱯᱟᱴᱟ ᱨᱮᱱᱟᱜ ᱫᱷᱟᱨ ᱵᱟᱞᱮ ᱫᱷᱟᱨᱟᱣᱟ ᱾ ᱩᱱ ᱫᱚ ᱱᱚᱰᱮ ᱥᱚᱨᱠᱟᱨ ᱱᱟᱹᱭ, ᱪᱮᱞᱮ ᱱᱟᱹᱭ! ᱵᱤᱨ ᱜᱟᱡᱟᱲ! ᱚᱠᱚᱭ ᱫᱚ ᱯᱟᱴᱟᱢ ᱠᱚᱭᱮᱭᱟ ᱾”

ᱮᱱᱦᱚᱸ ᱥᱚᱵᱷᱟ, ᱵᱤᱥᱮᱥ ᱠᱟᱭᱛᱮ ᱠᱩᱲᱤ ᱦᱚᱯᱚᱱ ᱠᱚ ᱥᱚᱱᱛᱚᱨ ᱮ ᱢᱮᱛᱟᱫ ᱠᱚᱣᱟ ᱾ ᱪᱮᱫᱟᱜ ᱥᱮ ᱠᱩᱲᱤ ᱦᱚᱯᱚᱱ ᱫᱚ ᱩᱱᱟᱹᱜ ᱞᱚᱜᱚᱱ ᱵᱟᱠᱚ ᱪᱤᱠᱟᱹ ᱠᱚᱣᱟ ᱯᱩᱞᱤᱥ ᱾ ᱟᱨ ᱦᱚᱸ ᱜᱷᱟᱱᱮ ᱫᱚ ᱮᱲᱮ ᱜᱮᱭ ᱢᱚᱱᱮ ᱜᱚᱫᱟ᱾ᱛᱚᱵᱮ ᱯᱩᱨᱟᱹ ᱮᱲᱮ ᱜᱮ ᱡᱮ ᱵᱟᱝ ᱠᱟᱱᱟ ᱚᱱᱟᱫᱚ ᱵᱩᱡᱷᱟᱹᱣ ᱮᱱᱟ ᱵᱟᱨ ᱥᱤᱧ ᱯᱮ ᱢᱟᱦᱟ ᱛᱟᱭᱚᱢ᱾ᱟᱛᱳᱨᱮ ᱵᱟᱨ ᱜᱟ.ᱰᱤ ᱯᱩᱞᱤᱥ ᱠᱚ ᱵᱚᱞᱚᱭᱮᱱᱟ ᱾ ᱯᱩᱞᱤᱥ ᱠᱚ ᱞᱟᱹᱭ ᱠᱮᱫᱟ, “ᱵᱤᱨ ᱟᱜ ᱱᱚᱣᱟ ᱴᱚᱴᱷᱟ ᱨᱮ ᱫᱟᱨᱮ ᱠᱚ ᱨᱚᱦᱚᱭ ᱦᱳᱭᱳᱜ-ᱟ ᱾ ᱥᱚᱨᱠᱟᱨᱟᱜ ᱦᱚᱠᱩᱢ ᱾ ᱡᱟᱦᱟᱭᱟᱜ ᱠᱟᱜᱚᱡᱽ ᱯᱚᱛᱚᱨ ᱢᱮᱱᱟᱜ-ᱟ ᱟ.ᱜᱩᱭ ᱛᱟᱯᱮ ᱾ ᱟᱨ ᱵᱟᱝ ᱠᱷᱟᱱ ᱚᱲᱟᱜ ᱟᱲᱟᱜᱽ ᱯᱮ ᱾” ᱢᱮᱱᱠᱷᱟᱱ ᱟᱛᱳ ᱨᱮᱱ ᱟᱭᱳ ᱦᱚᱲ ᱠᱚ ᱦᱚᱨ ᱠᱚ ᱮᱥᱮᱫ ᱠᱮᱫᱟ ᱾ ᱟᱛᱳ ᱵᱷᱤᱛᱤᱨ ᱵᱟᱝ ᱠᱚ ᱵᱚᱞᱚ ᱦᱚᱪᱚᱭᱟᱜ-ᱟ ᱢᱮᱱᱛᱮ ᱾ ᱞᱟᱦᱟ ᱨᱮᱭ ᱛᱤᱸᱜᱩ ᱟᱠᱟᱱᱟ ᱥᱚᱵᱷᱟ ᱾ ᱦᱟᱱᱟ ᱱᱚᱣᱟ ᱡᱩᱠᱛᱤ ᱛᱮᱭ ᱪᱷᱟᱸᱫᱟᱭᱮᱫ ᱠᱚᱣᱟ ᱾

ᱢᱤᱫ ᱜᱷᱟᱲᱤ ᱛᱮ ᱪᱮᱫ ᱪᱚ ᱪᱤᱠᱟᱹᱭᱮᱱ ! ᱢᱤᱫ ᱯᱩᱞᱤᱥ ᱦᱚᱲ ᱫᱚ ᱥᱚᱵᱷᱟ ᱟᱜ ᱩᱵ ᱨᱮ ᱥᱟᱵ ᱠᱟᱛᱮ ᱫᱷᱟᱠᱞᱟᱣ ᱥᱟᱦᱟ ᱠᱮᱫᱮᱭᱟᱭ ᱾ ᱨᱳᱦᱮᱫ ᱠᱟᱛᱮᱭ ᱞᱟᱹᱭ ᱠᱮᱫᱟ, “ᱢᱮᱱ, ᱥᱩᱥᱟᱹᱨᱤᱭᱟᱜ ᱠᱟᱱᱟᱭ! ᱥᱩᱥᱟᱹᱨᱤᱭᱟ.! ᱚᱱᱟ ᱦᱚᱸ ᱦᱚᱲᱟᱜ ᱴᱚᱴᱷᱟ ᱨᱮ!” ᱟᱨ ᱢᱤᱫ ᱯᱩᱞᱤᱥ ᱫᱚ ᱜᱮᱸᱫᱟᱜ ᱮ ᱥᱟᱵ ᱧᱟᱢ ᱠᱮᱫ ᱛᱟᱭ ᱛᱮ ᱟᱧᱪᱟᱨᱮ ᱜᱚᱦᱚᱲ ᱧᱩᱨ ᱠᱮᱫ ᱛᱟᱭᱟ ᱦᱚᱲᱢᱚ ᱠᱷᱚᱱ᱾ᱟᱫᱚ ᱟᱡ ᱛᱟᱞᱚᱢ ᱯᱟᱨᱚᱢ ᱠᱟᱛᱮ ᱦᱩᱫᱽ ᱦᱩᱫᱽ ᱞᱟᱦᱟ ᱥᱮᱫ ᱠᱚ ᱵᱚᱞᱚ ᱪᱟᱞᱟᱣ ᱮᱱᱟ ᱾ ᱥᱟᱢᱟᱝ ᱨᱮᱜᱮ ᱥᱚᱵᱷᱟ ᱟᱜ ᱚᱞᱚᱜ ᱟᱥᱲᱟ ᱾ ᱚᱸᱰᱮ ᱵᱚᱞᱚ ᱠᱟᱛᱮ ᱚᱲᱟᱜ ᱠᱷᱚᱱᱟᱜ ᱛᱷᱟ.ᱨᱤ ᱵᱟᱹᱴᱤ ᱠᱚ, ᱜᱤᱫᱽᱨᱟᱹ ᱟᱜ ᱱᱚᱱᱚᱞ ᱞᱟᱪᱷᱟ ᱠᱚ, ᱵᱟᱦᱨᱮ ᱠᱚ ᱪᱟᱯᱟᱫ ᱳᱰᱳᱝ ᱠᱮᱫᱟ ᱾ ᱚᱲᱟᱜ ᱞᱚᱱᱰᱚᱼ ᱵᱷᱚᱱᱰᱚ ᱠᱚ ᱫᱷᱩᱨᱟᱹᱣ ᱮᱱᱟ ᱾ ᱚᱱᱟ ᱠᱚ ᱧᱮᱞ ᱠᱟᱛᱮ ᱜᱤᱫᱽᱨᱟᱹ ᱠᱚ ᱵᱚᱛᱚᱨ ᱛᱮ ᱨᱟᱼ ᱨᱟᱜ ᱠᱚ ᱪᱷᱩᱴᱟᱹᱣ ᱮᱱᱟ ᱾ ᱟᱪᱠᱟ ᱜᱷᱚᱴᱚᱱ ᱛᱮ ᱥᱚᱵᱷᱟ ᱪᱮᱫ ᱮ ᱪᱤᱠᱟᱹᱭᱟ ᱵᱟᱭ ᱵᱩᱡᱽ ᱫᱟᱲᱮᱭᱟᱫᱟ ᱾ ᱟᱫᱚ ᱮᱵᱷᱮᱱᱮᱱ ᱞᱮᱠᱟᱭ ᱫᱟᱹᱲ ᱪᱟᱞᱟᱣ ᱮᱱᱛᱮ ᱪᱟᱯᱟᱫ ᱜᱤᱰᱤ ᱫᱩᱨᱤᱵᱽ ᱠᱚ ᱵᱟᱧᱪᱟᱣ ᱮ ᱫᱷᱩᱨᱟᱹᱣ ᱮᱱᱟ ᱾ ᱢᱤᱫ ᱯᱩᱞᱤᱥ ᱫᱚ ᱥᱚᱵᱷᱟ ᱜᱚᱦᱚᱲ ᱨᱩᱭᱟᱹᱲ ᱠᱟᱛᱮ ᱠᱚᱲᱟᱢ ᱨᱮᱱᱟᱜ ᱫᱟᱯᱟᱞ ᱦᱚᱸᱭ ᱜᱚᱦᱚᱲ ᱚᱲᱮᱡ ᱠᱮᱫ ᱛᱟᱭᱟ ᱾ ᱦᱚᱯᱚᱨᱚᱜ ᱜᱮᱸᱫᱟᱜ ᱮ ᱜᱚᱦᱚᱲ ᱚᱲᱮᱡ ᱠᱮᱫ ᱛᱟᱭᱟ ᱾ ᱦᱚᱲᱢᱚᱨᱮ ᱥᱟᱭᱟ ᱟᱨ ᱚᱲᱮᱡ ᱵᱞᱟᱭᱩᱡᱽ ᱟᱛᱮ ᱜᱮ ᱥᱚᱵᱷᱟ ᱠᱤᱠᱭᱟᱹᱣ ᱠᱤᱠᱭᱟᱹᱣ ᱛᱮ ᱜᱤᱫᱽᱨᱟ. ᱠᱚᱣᱟᱜ ᱚᱞᱚᱜ ᱫᱩᱨᱤᱵᱽ ᱠᱚ ᱦᱟᱞᱟᱝ ᱥᱟᱢᱴᱟᱣ ᱠᱟᱛᱮ ᱠᱚᱲᱟᱢ ᱨᱮᱭ ᱦᱟ.ᱲᱩᱵ ᱡᱟᱣᱨᱟᱭᱮᱫᱟ ᱾

ᱥᱚᱵᱷᱟ ᱟᱜ ᱦᱟᱞᱚᱛ ᱧᱮᱞ ᱠᱟᱛᱮ ᱟᱨ ᱠᱚ ᱟᱛᱳ ᱨᱮᱱ ᱠᱩᱲᱤ ᱦᱚᱯᱚᱱ ᱠᱚ ᱠᱚ ᱞᱟᱦᱟ ᱦᱤᱡᱩᱜ ᱠᱟᱱ ᱠᱷᱟᱱ ᱢᱤᱫ ᱯᱩᱞᱤᱥ ᱫᱚᱭ ᱞᱟᱹᱭ ᱠᱮᱫᱟ, “ᱢᱳᱴᱮ ᱟᱞᱚ ᱯᱮ ᱦᱤᱡᱩᱜ-ᱟ ᱾ ᱵᱟᱝ ᱠᱷᱟᱱ ᱟᱯᱮᱭᱟᱜ ᱦᱚᱸ ᱱᱚᱣᱟ ᱦᱟᱞᱚᱛ ᱦᱳᱭᱳᱜ ᱛᱟᱯᱮᱭᱟ ᱾” ᱥᱚᱵᱷᱟ ᱫᱚ ᱨᱟᱜ ᱨᱟᱜ ᱛᱮ ᱚᱱᱟ ᱠᱚᱭ ᱜᱚᱦᱚᱲ ᱥᱟᱢᱴᱟᱣ ᱮᱫᱟ ᱾ ᱦᱟ.ᱲᱩᱵ ᱩᱠᱩᱭᱮᱫᱟᱭ ᱡᱤᱣᱤ ᱩᱨᱤᱡ ᱠᱟᱛᱮ᱾ᱥᱚᱵᱷᱟ ᱟᱜ ᱚᱱᱟ ᱠᱟᱹᱢᱤ ᱠᱚ ᱟᱠᱚᱴ ᱞᱟ.ᱜᱤᱫ ᱠᱚᱲᱟ ᱯᱩᱞᱤᱥᱟᱜ ᱚᱸᱡᱚᱨᱟ ᱛᱤ ᱠᱚᱠᱚ ᱫᱟᱸᱲᱟ ᱵᱟᱲᱟ ᱠᱮᱫᱟ ᱥᱚᱵᱷᱟ ᱟᱜ ᱦᱚᱲᱢᱚ ᱠᱚᱨᱮ ᱾ ᱮᱱᱦᱚᱸ ᱠᱚᱲᱟᱢ ᱠᱷᱚᱱ ᱵᱟᱭ ᱜᱤᱰᱤᱭᱮᱫᱟ ᱥᱚᱵᱷᱟ ᱟᱡ ᱨᱮᱱ ᱫᱩᱞᱟᱹᱲ ᱨᱮᱱ ᱯᱟᱹᱴᱷᱩᱣᱟᱹ ᱠᱚᱣᱟᱜ ᱱᱚᱱᱚᱞ, ᱞᱟᱪᱷᱟ, ᱯᱚᱛᱚᱵ ᱾ ᱛᱟᱨᱟ ᱜᱷᱚᱱᱴᱟ ᱜᱟᱱ ᱞᱚᱱᱰᱚ ᱵᱷᱚᱱᱰᱚ ᱠᱟᱹᱢᱤ ᱠᱟᱛᱮ ᱯᱩᱞᱤᱥ ᱠᱚ ᱨᱩᱭᱟᱹᱲᱮᱱᱟ ᱾ ᱛᱤNᱜᱩ ᱟᱠᱟᱱ ᱠᱩᱲᱤ ᱦᱚᱯᱚᱱ ᱥᱮᱫ ᱠᱚᱭᱚᱜ ᱠᱟᱛᱮ ᱠᱚ ᱞᱟᱹᱭ ᱛᱚᱨᱟ ᱠᱮᱫᱟ, “ᱟᱯᱮ ᱯᱟ.ᱨᱤ ᱟᱨ ᱢᱤᱫ ᱫᱤᱱ ᱾ ᱠᱟᱜᱚᱡᱽ ᱠᱚ ᱡᱚᱜᱟᱲ ᱯᱮ ᱾”

ᱥᱚᱵᱷᱟ ᱮᱠᱞᱟ ᱨᱟᱪᱟ ᱨᱮ ᱫᱩᱲᱩᱵ ᱟᱠᱟᱱᱟᱭ ᱟ.ᱛᱩ ᱜᱤᱰᱤ ᱢᱮᱲ ᱞᱮᱠᱟ᱾ᱢᱮᱫ ᱠᱷᱚᱱᱟᱜ ᱢᱮᱫ ᱫᱟᱜ ᱡᱚᱨᱚᱜ ᱠᱟᱱ ᱛᱟᱭᱟ ᱦᱤᱰᱤᱨ ᱦᱤᱰᱤᱨ ᱾ ᱜᱤᱫᱽᱨᱟᱹ ᱠᱚ ᱠᱷᱩᱱᱴᱤ ᱨᱮ ᱡᱟᱯᱟᱜ ᱠᱟᱛᱮ ᱠᱚ ᱨᱟᱜ ᱮᱫᱟ ᱾ ᱨᱟᱱᱤ ᱫᱟᱹᱲ ᱦᱮᱡ ᱮᱱ ᱛᱮᱭ ᱢᱤᱫᱴᱟᱝ ᱜᱮᱸᱫᱟᱜ ᱛᱮᱭ ᱯᱚᱴᱚᱢ ᱠᱮᱫᱮᱛᱮᱭ ᱵᱮᱨᱮᱫ ᱠᱮᱫᱮᱭᱟ, “ᱚᱲᱟᱜ ᱪᱚᱞᱚ ᱫᱟᱹᱭ, ᱦᱚᱲ ᱠᱚ ᱦᱤᱡᱩᱜ ᱠᱟᱱᱟ, ᱠᱚᱭᱚᱜ ᱟᱠᱟᱫ ᱟᱠᱚ ᱾”
ᱥᱚᱵᱷᱟ, ᱠᱟᱞᱚᱜ ᱵᱟᱞᱚᱜ ᱥᱚᱵᱷᱟ ᱨᱚᱲ ᱠᱮᱫᱟᱭ, “ᱪᱮᱫ ᱨᱮᱱᱟᱜ ᱞᱟᱡᱟᱣ ᱤᱧᱟᱜ ᱨᱟᱹᱱᱤ᱾ᱫᱤᱠᱩ ᱴᱷᱮᱱ ᱤᱧ ᱳᱫᱳᱲ ᱮᱱ ᱛᱮ………ᱩᱱᱠᱩ ᱫᱤᱥᱚᱢ ᱨᱮᱱ ᱪᱮᱛᱟᱱ ᱢᱟᱪᱤᱨᱮ ᱡᱟᱸᱦᱟᱭ ᱠᱚ ᱫᱩᱲᱩᱵ ᱟᱠᱟᱱᱟ, ᱤᱧ ᱨᱮᱱ ᱜᱮ ᱫᱟᱹᱭ, ᱤᱧ ᱨᱮᱱ ᱜᱮ ᱢᱟᱹᱭ, ᱤᱧᱟᱜ ᱢᱟᱭᱟᱢ ᱵᱳᱦᱮᱞᱚᱜ ᱠᱟᱱᱟ ᱩᱱᱠᱩᱭᱟᱜ ᱦᱚᱲᱢᱚ ᱨᱮ᱾ᱩᱱᱠᱩ ᱫᱚ ᱛᱮᱦᱮᱧ ᱵᱟᱠᱚ ᱳᱫᱳᱲᱮᱱ ᱛᱮ! ᱞᱟᱹᱭ ᱢᱮ ᱨᱟᱹᱱᱤ ᱵᱟᱠᱚ ᱳᱫᱳᱲᱮᱱ ᱛᱮ ᱾”

***

ᱩᱢᱩᱞ

ᱢᱟᱹᱱᱤᱡ ᱥᱩᱪᱤᱛᱨᱟ ᱦᱟᱸᱥᱫᱟᱜ
ᱦᱩᱜᱽᱞᱤ
ᱯᱩᱪᱷᱤᱢ ᱵᱟᱝᱞᱟ

ᱫᱩᱞᱤ ᱢᱟᱹᱭ ᱨᱮᱥᱴ ᱨᱩᱢ ᱨᱮ ᱵᱚᱞᱚ ᱠᱟᱛᱮ ᱰᱨᱮᱥ ᱠᱚᱭ ᱵᱚᱫᱚᱞ ᱮᱱᱟ ᱾ ᱦᱚᱨᱚᱜ ᱨᱮᱭᱟᱜ ᱥᱟᱞᱣᱟᱨ ᱵᱚᱫᱚᱞ ᱠᱟᱛᱮ ᱯᱩᱸᱰ ᱥᱟᱞᱣᱟᱨ ᱠᱟᱹᱢᱤᱡᱽ ᱮ ᱦᱚᱨᱚᱜ ᱠᱮᱫᱟ ᱾ ᱡᱟᱸᱜᱟ ᱯᱟᱱᱟᱦᱤ ᱢᱤᱫ ᱫᱷᱟᱨᱮ ᱨᱮ ᱫᱚᱦᱚ ᱠᱟᱛᱮ, ᱦᱮᱸᱫᱮ ᱯᱟᱱᱟᱦᱤ ᱡᱟᱸᱜᱟ ᱨᱮ ᱦᱚᱨᱚᱜ ᱠᱮᱫᱟᱭ ᱾ ᱱᱟᱯᱟᱭ ᱥᱟᱺᱦᱤᱡ ᱩᱵ ᱠᱚᱭ ᱱᱟᱹᱠᱤᱡ ᱯᱷᱟᱨᱪᱟ ᱮᱱᱛᱮᱭ ᱥᱩᱫ ᱮᱱᱟ ᱾ ᱟᱨ ᱡᱟᱹᱞᱛᱤ ᱛᱮᱭ ᱡᱟᱹᱞᱛᱤ ᱠᱮᱫ ᱛᱮ ᱵᱚᱦᱚᱜ ᱨᱮ ᱠᱮᱯ ᱮ ᱦᱚᱨᱚᱜ ᱠᱮᱫᱟ ᱾ ᱱᱟᱨᱥᱟᱜ ᱱᱚᱶᱟ ᱯᱩᱸᱰ ᱜᱮ ᱛᱳᱣᱟ ᱞᱮᱠᱟ ᱛᱮᱦᱮ ᱛᱮᱦᱮ ᱰᱨᱮᱥ ᱮ ᱦᱚᱨᱚᱜ ᱞᱮᱠᱷᱟᱱ ᱢᱚᱱᱮ ᱡᱤᱣᱤ ᱨᱮ ᱟᱹᱰᱤ ᱥᱟᱹᱱᱛᱤ ᱜᱮ ᱵᱩᱡᱷᱟᱹᱣᱜᱼᱟ ᱾ ᱟᱨ ᱟᱹᱰᱤ ᱛᱷᱤᱨᱞᱟᱹ ᱜᱮ ᱟᱹᱭᱠᱟᱹᱣᱜᱼᱟ ᱾ ᱟᱯᱱᱟᱨᱟᱜ ᱯᱟᱨᱚᱢ ᱟᱠᱟᱱ ᱡᱤᱭᱚᱱ ᱨᱮᱱᱟᱜ ᱟᱱᱟᱴ ᱮᱴᱠᱮᱴᱚᱬᱮ ᱥᱟᱱᱟᱢᱟᱜ ᱢᱮᱫ ᱥᱟᱢᱟᱝ ᱠᱷᱚᱱᱟᱜ ᱪᱷᱟᱱ ᱜᱚᱫᱚᱜ ᱛᱟᱭᱟ ᱾ ᱡᱤᱣᱤ ᱡᱟᱹᱛᱤ ᱨᱮ ᱨᱟᱣᱟᱞ ᱜᱮᱭ ᱵᱩᱡᱷᱟᱹᱣᱟ ᱾ ᱨᱩᱜᱤ ᱠᱚᱣᱟᱜ ᱥᱮᱵᱟ ᱡᱚᱛᱚᱱ ᱨᱮ ᱢᱚᱱᱮ ᱴᱟᱱᱟᱣᱜ ᱛᱟᱭᱟ ᱾ ᱟᱨ ᱱᱚᱶᱟ ᱦᱚᱸᱭ ᱜᱚᱴᱟ ᱩᱛᱟᱹᱨ ᱟᱠᱟᱫᱟ ᱛᱟᱭᱚᱢ ᱞᱟᱦᱟ ᱵᱟᱝ ᱟᱹᱦᱤ ᱵᱷᱟᱹᱵᱤ ᱠᱟᱛᱮ ᱱᱚᱶᱟ ᱦᱟᱥᱯᱟᱛᱟᱞ ᱨᱮᱜᱮ ᱱᱟᱨᱥ ᱫᱚᱭ ᱛᱟᱦᱮᱸᱱᱟ ᱾ ᱜᱷᱟᱨᱚᱸᱡᱽ ᱥᱚᱝᱥᱟᱨ ᱨᱮᱱᱟᱜ ᱠᱟᱛᱷᱟ ᱠᱚᱫᱚ ᱟᱫᱚ ᱮᱠᱟᱞ ᱵᱟᱭ ᱩᱭᱦᱟᱹᱨᱟ ᱾ ᱟᱭᱳ ᱵᱟᱵᱟ ᱜᱮᱭ ᱡᱚᱜᱟᱣ ᱡᱚᱛᱚᱱ ᱠᱤᱱᱟ ᱾ ᱛᱮᱦᱮᱧ ᱯᱮ ᱥᱮᱨᱢᱟ ᱦᱩᱭ ᱮᱱᱟ ᱢᱤᱫᱤᱱᱯᱩᱨ ᱥᱚᱫᱚᱨ ᱦᱟᱥᱯᱟᱛᱟᱞ ᱨᱮ ᱯᱟᱨᱢᱟᱱᱮᱸᱴ ᱥᱴᱟᱯᱷ ᱞᱮᱠᱟᱛᱮᱭ ᱵᱟᱦᱟᱞ ᱟᱠᱟᱱᱟ ᱾ ᱫᱩᱞᱤ ᱢᱟᱹᱭ ᱟᱹᱰᱤ ᱜᱚᱨᱚᱡᱽ ᱫᱩᱞᱟᱹᱲ ᱟᱛᱮ ᱨᱩᱜᱤ ᱠᱚᱭ ᱨᱚᱲ ᱟᱠᱚᱣᱟ ᱟᱨ ᱵᱩᱜᱤ ᱵᱟᱹᱲᱤᱡ ᱠᱟᱛᱷᱟ ᱠᱚᱭ ᱠᱩᱞᱤ ᱵᱟᱲᱟ ᱠᱚᱣᱟ ᱾ ᱟᱨ ᱱᱟᱯᱟᱭ ᱞᱮᱠᱟ ᱤᱧᱡᱮᱠᱥᱚᱱ ᱠᱚ ᱟᱨ ᱥᱮᱞᱟᱭᱤᱱ ᱠᱚᱭ ᱞᱟᱜᱟᱣ ᱟᱠᱚᱣᱟ ᱾ ᱟᱡ ᱠᱚ ᱧᱮᱞ ᱞᱮᱠᱷᱟᱱ ᱜᱮ ᱨᱩᱜᱤ ᱠᱚ ᱟᱹᱰᱤ ᱡᱩᱨ ᱠᱚ ᱨᱟᱹᱥᱠᱟᱹᱜᱼᱟ ᱾ ᱟᱨ ᱟᱹᱰᱤ ᱡᱩᱨ ᱠᱚ ᱠᱩᱥᱤ ᱟᱭᱟ ᱾ ᱛᱮᱦᱮᱧ ᱫᱚ ᱱᱟᱭᱤᱴ ᱰᱤᱣᱴᱤ ᱯᱟᱲᱟᱣ ᱟᱠᱟᱱᱟ ᱾ ᱢᱮᱞ – ᱣᱚᱨᱰ ᱨᱮ ᱾

ᱣᱟᱨᱰ ᱨᱮ ᱫᱩᱲᱩᱵ ᱠᱟᱛᱮ ᱠᱟᱹᱢᱤ ᱠᱟᱱᱟᱭ ᱨᱮᱡᱤᱥᱴᱟᱨ ᱠᱷᱟᱛᱟ ᱚᱰᱚᱠ ᱠᱟᱛᱮ ᱨᱩᱜᱤ ᱠᱚᱣᱟᱜ ᱧᱩᱛᱩᱢ ᱮ ᱧᱮᱞ ᱮᱫᱟ ᱾ ᱚᱠᱚᱭ ᱨᱩᱜᱤᱭᱟᱜ ᱪᱮᱫ ᱨᱟᱱ ᱤᱧᱡᱮᱠᱥᱚᱱ ᱠᱚ ᱞᱟᱜᱟᱣᱜᱼᱟ ᱾ ᱢᱚᱱᱮ ᱩᱨᱤᱡ ᱠᱟᱛᱮᱭ ᱧᱮᱞ ᱵᱟᱲᱟᱭᱮᱫᱼᱟ ᱾ ᱢᱤᱫᱴᱟᱹᱝ ᱵᱟᱹᱦᱩ ᱠᱩᱲᱤ ᱟᱸᱫᱟᱜ ᱛᱟᱣᱟᱜ ᱫᱟᱹᱲ ᱦᱮᱡ ᱠᱟᱛᱮ ᱢᱮᱱ ᱜᱚᱫ ᱠᱮᱫ ᱟᱭ, “ᱥᱤᱥᱴᱟᱨ ᱫᱮᱞᱟ ᱥᱮ ᱦᱤᱡᱩᱜ ᱢᱮ, ᱤᱧᱤᱡ ᱨᱩᱜᱤ ᱵᱮᱥ ᱵᱟᱹᱱᱩᱜ ᱮᱭᱟ ᱾ ᱠᱷᱩᱜ ᱠᱷᱩᱜ ᱛᱮ ᱫᱚᱭᱚᱜ ᱮᱱᱟᱭ ᱟᱨ ᱡᱤᱣᱤ ᱠᱚ ᱦᱟᱹᱭ ᱯᱷᱟᱹᱭᱩᱜ ᱠᱟᱱ ᱛᱟᱭᱟ ᱾ ᱥᱟᱦᱮᱫ ᱵᱟᱭ ᱦᱟᱛᱟᱣ ᱫᱟᱲᱮᱭᱟᱜ ᱠᱟᱱᱟ ᱾ ᱫᱩᱞᱤ ᱦᱚᱸ ᱢᱚᱪᱟᱨᱮ ᱢᱟᱥᱠ ᱦᱚᱨᱚᱜ ᱦᱚᱨᱚᱜ ᱛᱮ ᱩᱥᱟᱹᱨᱟ ᱩᱱᱤ ᱵᱟᱹᱦᱩ ᱠᱩᱲᱤᱭᱟᱜ ᱛᱟᱭᱚᱢ ᱛᱟᱭᱚᱢ ᱛᱮ ᱨᱩᱜᱤ ᱴᱷᱮᱱ ᱮ ᱥᱮᱴᱮᱨ ᱮᱱᱟ ᱾ ᱧᱮᱞ ᱛᱚᱨᱟᱭ ᱫᱷᱟᱠ ᱜᱚᱫ ᱮᱱᱟ, ᱵᱚᱣᱟᱲ ᱦᱟᱹᱠᱩ ᱞᱮᱠᱟᱭ ᱟᱸᱜᱚᱵ ᱟᱸᱜᱚᱵᱚᱜ ᱠᱟᱱᱟ ᱾ ᱢᱮᱫ ᱠᱚᱦᱚᱸ ᱩᱞᱴᱟᱹᱣ ᱟᱠᱟᱱ ᱛᱟᱭᱟ ᱾ ᱮᱨᱟ ᱛᱟᱭ ᱪᱮᱫ ᱮ ᱪᱤᱠᱟᱹᱭᱟ, ᱟᱹᱰᱤ ᱟᱹᱴᱩᱯᱟᱹᱴᱩ ᱜᱮᱭ ᱵᱩᱡᱷᱟᱹᱣ ᱮᱫᱟ ᱾ ᱡᱟᱦᱟᱸᱱᱟᱜ ᱵᱟᱝ ᱵᱷᱟᱹᱵᱤ ᱠᱟᱛᱮ ᱟᱹᱰᱤ ᱞᱚᱜᱚᱱ ᱚᱠᱥᱤᱡᱮᱱ ᱮ ᱞᱟᱜᱟᱣ ᱟᱫᱮᱭᱟ ᱾ ᱟᱨ ᱰᱟᱠᱛᱚᱨ ᱮ ᱦᱚᱦᱚ ᱟᱹᱜᱩ ᱠᱮᱫᱮᱭᱟ ᱾ ᱰᱟᱠᱛᱚᱨᱟᱜ ᱠᱟᱛᱷᱟ ᱞᱮᱠᱟᱛᱮ ᱩᱛᱟᱹᱦᱩᱞᱤ ᱵᱟᱨᱭᱟ ᱤᱧᱡᱮᱠᱥᱚᱱ ᱮ ᱮᱢᱟᱫᱮᱭᱟ ᱟᱨ ᱥᱮᱞᱟᱭᱤᱱ ᱮ ᱞᱟᱜᱟᱣ ᱟᱫᱮᱭᱟ ᱾ ᱵᱟᱹᱭ ᱵᱟᱹᱭ ᱛᱮ ᱟᱸᱜᱚᱵ ᱟᱸᱜᱚᱵ ᱦᱚᱸ ᱱᱟᱥᱮ ᱠᱚᱢ ᱮᱱ ᱞᱮᱠᱟ ᱟᱹᱭᱠᱟᱹᱣ ᱮᱱᱟ ᱾ ᱰᱟᱠᱛᱚᱨ ᱮ ᱪᱟᱞᱟᱣ ᱮᱱᱟ ᱾ ᱮᱴᱟᱜ ᱱᱟᱨᱥ ᱠᱚᱠᱚ ᱪᱟᱞᱟᱣ ᱮᱱ ᱨᱮᱦᱚᱸ ᱫᱩᱞᱤ ᱢᱟᱹᱭ ᱫᱚ ᱚᱸᱰᱮ ᱠᱷᱚᱱ ᱪᱤᱠᱟᱹᱛᱮᱭ ᱥᱟᱦᱟᱜᱼᱟ ᱚᱱᱟ ᱨᱮᱱᱟᱜ ᱫᱟᱲᱮ ᱵᱟᱹᱱᱩᱜ ᱛᱟᱭᱟ ᱾ ᱚᱠᱚᱭ ᱪᱚ ᱢᱮᱬᱦᱮᱫ ᱥᱤᱠᱲᱤ ᱛᱮ ᱡᱟᱸᱜᱟ ᱠᱚ ᱪᱷᱟᱸᱫᱟ ᱟᱠᱟᱫ ᱛᱟᱭ ᱞᱮᱠᱟ ᱛᱤᱸᱜᱩ ᱛᱷᱤᱨ ᱠᱟᱛᱮ ᱨᱩᱜᱤ ᱥᱮᱫ ᱮ ᱠᱚᱭᱚᱜ ᱟᱠᱟᱫᱟ ᱾

ᱚᱱᱛᱚᱨ ᱫᱟᱨᱦᱟ ᱨᱮ ᱦᱮᱸᱫᱮ ᱨᱤᱢᱤᱞ ᱦᱚᱭ ᱫᱟᱜ ᱛᱮ ᱥᱟᱱᱟᱢᱟᱜ ᱩᱞᱟᱹᱴ ᱠᱟᱪᱟᱲ ᱨᱟᱹᱯᱩᱫ ᱪᱷᱟᱠᱟ ᱪᱷᱩᱲᱚᱜ ᱠᱟᱱ ᱛᱟᱭᱟ ᱾ ᱡᱟᱦᱟᱸᱭᱟᱜ ᱪᱟᱛᱚᱢ ᱩᱢᱩᱞ ᱨᱮ ᱛᱤᱸᱜᱩ ᱠᱟᱛᱮ ᱫᱟᱜ ᱡᱟᱹᱯᱩᱫ ᱥᱤᱛᱩᱝ ᱞᱚᱞᱚ ᱡᱤᱣᱤᱭ ᱨᱮᱭᱟᱲᱟ ᱢᱮᱱᱛᱮ ᱢᱤᱫ ᱫᱤᱱ ᱮ ᱵᱷᱟᱹᱵᱤ ᱞᱮᱫᱼᱟ ᱾ ᱡᱟᱦᱟᱸᱭᱟᱜ ᱛᱤᱨᱮ ᱥᱟᱵ ᱠᱟᱛᱮ ᱛᱟᱲᱟᱢ ᱥᱟᱱᱟ ᱞᱮᱫᱮᱭᱟ ᱡᱤᱭᱚᱱ ᱰᱟᱦᱟᱨ, ᱡᱟᱦᱟᱸᱭᱟᱜ ᱥᱟᱠᱚᱢ ᱥᱤᱸᱫᱩᱨ ᱵᱟᱝ ᱛᱮ ᱱᱤᱛ ᱦᱚᱸ ᱟᱹᱡᱟᱹᱲᱤ ᱜᱮ ᱢᱮᱱᱟᱜᱼᱟ ᱞᱮᱸᱜᱟ ᱛᱤ, ᱠᱚᱪᱮ ᱨᱮᱜᱮ ᱢᱮᱱᱟᱜᱼᱟ ᱦᱚᱨᱟᱥᱤ, ᱢᱤᱫ ᱫᱤᱱ ᱛᱟᱞᱟ ᱴᱟᱺᱰᱤ ᱨᱮ ᱰᱷᱟᱠᱟ ᱜᱤᱰᱤ ᱠᱟᱛᱮᱭ ᱧᱤᱨ ᱯᱩᱪᱩᱡ ᱞᱮᱱᱟ ᱾ᱠᱟᱹᱦᱤᱸᱥ ᱟᱹᱲᱤᱥ ᱛᱮ ᱢᱚᱱᱮ ᱡᱤᱣᱤ ᱫᱷᱤᱛᱠᱟᱹᱨ ᱞᱮᱱᱟ ᱫᱩᱠ ᱫᱟᱨᱦᱟ ᱠᱷᱚᱱ ᱛᱤᱸᱜᱩ ᱴᱟᱨᱦᱟᱣ ᱠᱟᱛᱮ ᱠᱤᱨᱤᱭᱟᱹᱭ ᱟᱛᱟᱝ ᱞᱮᱫᱟ ᱪᱟᱸᱫᱚ ᱴᱷᱮᱱ – “ᱪᱟᱸᱫᱚ ᱩᱱᱤᱭᱟᱜ ᱚᱱᱟ ᱢᱮᱫᱦᱟ ᱛᱤᱥ ᱨᱮᱦᱚᱸ ᱤᱧ ᱥᱟᱢᱟᱝ ᱨᱮ ᱟᱞᱚᱢ ᱡᱷᱟᱞᱠᱟᱣᱟ ᱾ ᱩᱱᱤᱭᱟᱜ ᱩᱢᱩᱞ ᱠᱷᱚᱱᱟᱜ ᱡᱟᱭᱡᱩᱜᱽ ᱥᱟᱦᱟᱨᱮ ᱫᱚᱦᱚ ᱠᱟᱹᱧ ᱢᱮ ᱾”

ᱩᱱᱤᱭᱟᱜ ᱦᱟᱞᱚᱛ ᱧᱮᱞ ᱛᱮ ᱫᱩᱞᱤ ᱢᱟᱹᱭ ᱢᱮᱫ ᱠᱚᱬᱨᱮ ᱢᱮᱫ ᱫᱟᱜ ᱵᱟᱝ ᱥᱟᱸᱵᱽᱲᱟᱣᱜ ᱠᱟᱱᱟ ᱾ ᱦᱩᱨᱩᱢᱮ ᱰᱤᱜᱤᱨ ᱵᱚᱨᱥᱮ ᱥᱮᱸᱜᱮᱞ ᱞᱮᱠᱟ ᱡᱤᱣᱤ ᱞᱚᱜ ᱠᱟᱱᱟ ᱢᱚᱜᱚᱫ ᱢᱚᱜᱚᱫ ᱚᱛ ᱥᱮᱨᱢᱟ ᱩᱭᱦᱟᱹᱨ ᱫᱚᱨᱮᱭᱟ ᱨᱮ ᱩᱱᱩᱢ ᱠᱟᱛᱮ ᱦᱟᱹᱛᱲᱟᱹᱣ ᱟᱹᱪᱩᱨ ᱮᱫᱟᱭ ᱥᱮᱫᱟᱭ ᱱᱟᱜᱟᱢ ᱾

ᱟᱪᱠᱟ ᱜᱮ ᱮᱵᱷᱮᱱ ᱮᱱᱟᱭ ᱩᱱᱤ ᱵᱟᱹᱦᱩ ᱠᱩᱲᱤᱭᱟᱜ ᱦᱚᱦᱚ ᱟᱲᱟᱝ ᱛᱮ – ᱥᱤᱥᱴᱟᱨ ᱥᱮᱞᱟᱭᱤᱱ ᱪᱟᱵᱟ ᱟᱠᱟᱱ ᱛᱟᱭᱟ ᱾”

***

ᱠᱩᱲᱤ ᱦᱚᱯᱚᱱ ᱡᱟᱱᱟᱢ

ᱥᱟᱨᱚ ᱦᱟᱸᱥᱫᱟᱜ
ᱢᱟᱭᱩᱨᱵᱷᱚᱸᱡᱽ, ᱳᱰᱤᱥᱟ

ᱢᱤᱫᱴᱟ.ᱝ ᱠᱩᱲᱤ ᱦᱚᱯᱚᱱᱟᱜ ᱡᱟᱱᱟᱢ
ᱡᱟᱦᱟᱸᱭ ᱴᱷᱮᱱ ᱢᱮᱱᱟᱜ ᱟᱨ ᱢᱤᱫ ᱥᱤᱨᱡᱚᱱ ᱫᱟᱲᱮ
ᱮᱱᱦᱚᱸ ᱪᱮᱫᱟᱜ ᱩᱱᱤ ᱪᱮᱛᱟᱱ ᱨᱮ ᱵᱟᱹᱲᱤᱡ ᱱᱚᱡᱚᱨ
ᱥᱟᱶᱛᱟ ᱦᱟᱜ ᱵᱟᱹᱲᱤᱡ ᱩᱭᱦᱟᱹᱨ
ᱠᱚᱲᱟ ᱦᱚᱯᱚᱱᱟᱜ ᱵᱟᱹᱲᱤᱡ ᱱᱚᱡᱚᱨ
ᱢᱮᱱᱟᱜᱼᱟ ᱱᱚᱣᱟ ᱫᱚ ᱥᱮᱫᱟᱭ ᱠᱷᱚᱱ ᱜᱮ
ᱡᱮᱢᱚᱱ ᱚᱞ ᱛᱳᱞ ᱟᱠᱟᱱᱟ ᱵᱤᱫᱷᱤᱼᱵᱤᱫᱷᱟᱹᱱ ᱨᱮ
ᱡᱚᱠᱷᱚᱱ ᱢᱤᱫᱴᱟᱹᱝ ᱠᱩᱲᱤ ᱜᱤᱫᱽᱨᱟᱹ
ᱱᱚᱣᱟ ᱫᱷᱩᱲᱤ ᱫᱷᱟᱹᱨᱛᱤ ᱟᱹᱣᱨᱤ ᱞᱮᱵᱮᱫ ᱚᱠᱛᱚ
ᱟᱭᱳᱣᱟᱜ ᱠᱩᱠᱷᱤ ᱨᱮ, ᱟᱨᱮ ᱪᱟᱸᱫᱚ ᱢᱟᱹᱫᱽ ᱨᱮ
ᱵᱮᱱᱟᱣᱮᱫ ᱟᱭ ᱟᱡᱟᱜ ᱛᱟᱲᱟᱢ ᱰᱟᱦᱟᱨ
ᱢᱚᱱᱮ ᱨᱮ ᱢᱤᱫᱴᱟᱹᱝ ᱜᱮ ᱟᱸᱥ ᱫᱚᱦᱚ ᱠᱟᱛᱮ
ᱱᱚᱣᱟ ᱫᱷᱩᱲᱤᱼᱫᱷᱟᱹᱨᱛᱤ ᱨᱮ ᱞᱮᱵᱮᱫ ᱞᱟᱹᱜᱤᱫ
ᱟᱡᱟᱜ ᱴᱷᱟᱶ ᱮ ᱯᱟᱱᱛᱮᱭᱮᱫ ᱱᱚᱣᱟ ᱩᱭᱦᱟᱹᱨ ᱠᱟᱛᱮ
ᱪᱮᱫ ᱢᱤᱨᱛᱤᱠᱟ ᱨᱮ ᱤᱧᱟᱜ ᱵᱟᱞᱮ ᱤᱞ
ᱯᱷᱟ.ᱠᱬᱟᱹᱜ ᱨᱮ ᱵᱚᱫᱚᱞ ᱫᱟᱲᱮᱭᱟᱜᱼᱟᱹᱧ ?
ᱡᱩᱫᱤ ᱞᱮᱵᱮᱫ ᱠᱮᱫ ᱟᱹᱧ ᱫᱷᱩᱲᱤᱼᱫᱷᱟᱹᱨᱛᱤ
ᱛᱚᱵᱮ ᱪᱮᱫ ᱥᱮᱨᱢᱟ ᱞᱟᱯᱷᱟᱝ ᱨᱮ ᱩᱰᱟᱹᱣ ᱫᱟᱲᱮᱭᱟᱜᱼᱟᱹᱧ ?
ᱱᱚᱣᱟ ᱫᱚ ᱠᱩᱲᱤ ᱦᱚᱯᱚᱱᱟᱜ ᱚᱞᱚᱝ ᱞᱤᱠᱷᱚᱱ
ᱡᱩᱜᱽ ᱵᱚᱫᱚᱞᱚᱜ ᱠᱟᱱᱟ, ᱠᱩᱲᱤᱼᱠᱚᱲᱟ ᱡᱚᱛᱚ ᱢᱤᱫ ᱥᱚᱢᱟᱱ
ᱮᱱᱦᱚᱸ ᱥᱟᱶᱛᱟ ᱨᱮ, ᱜᱷᱟᱨᱚᱸᱡᱽ ᱨᱮ ᱱᱤᱛᱦᱚᱸ ᱢᱮᱱᱟᱜᱼᱟ
ᱠᱩᱲᱤᱼᱠᱚᱲᱟ ᱜᱤᱫᱽᱨᱟᱹ ᱨᱮ ᱚᱨᱚᱠᱼᱯᱷᱚᱨᱚᱠ
ᱢᱮᱱᱠᱷᱟᱱ ᱚᱠᱚᱭ ᱚᱠᱟᱞᱮᱠᱟᱭ ᱠᱚᱯᱟᱲᱟᱱᱟ
ᱚᱠᱚᱭ ᱫᱚ ᱵᱮᱥ, ᱚᱠᱚᱭᱟᱜ ᱫᱚ ᱵᱟᱹᱲᱤᱡ ᱠᱚᱯᱟᱲ
ᱵᱟᱰᱟᱭ ᱠᱟᱛᱷᱟ ᱢᱮᱱ ᱟᱠᱚ ᱥᱮᱫᱟᱭ ᱠᱷᱚᱱ ᱜᱮ
ᱡᱚᱛᱚ ᱠᱷᱚᱱ ᱥᱳᱨᱮᱥ ᱜᱮᱭᱟ ᱠᱩᱲᱤ ᱦᱚᱯᱚᱱ ᱡᱟᱱᱟᱢ
ᱟᱨ ᱠᱩᱲᱤ ᱦᱚᱯᱚᱱ ᱡᱟᱱᱟᱢ ᱫᱚ ᱮᱴᱟᱜ ᱚᱲᱟᱜ ᱥᱚᱵᱷᱟᱜ ᱞᱟᱹᱜᱤᱫ ᱜᱮ
ᱡᱩᱫᱤ ᱢᱤᱫ ᱠᱩᱲᱤ ᱨᱤᱱ ᱱᱟᱣᱟ ᱯᱮᱲᱟ ᱵᱟᱝ ᱠᱚ ᱥᱟᱨᱼᱥᱟᱹᱜᱩᱱᱚᱜ
ᱚᱠᱚᱭ ᱦᱚᱸ ᱵᱟᱝ ᱠᱚ ᱥᱤᱵᱤᱞ ᱟᱭᱟ
ᱛᱚᱵᱮ ᱚᱠᱚᱭ ᱴᱷᱮᱱ ᱟᱹᱛᱷᱟᱹᱣᱲᱤ ᱫᱚ ᱴᱷᱟᱶ ᱮ ᱧᱟᱢᱟ ?
ᱮᱱᱠᱷᱟᱱ ᱩᱱᱤᱭᱟᱜ ᱚᱲᱟᱜ ᱫᱩᱣᱟᱹ ᱨ ᱫᱚ ᱚᱠᱟᱨᱮ ?
ᱪᱮᱫᱟᱜ ᱥᱮ ᱠᱩᱲᱤᱭᱟᱜ ᱫᱚ ᱡᱟᱶᱟᱭ ᱚᱲᱟᱜ ᱜᱮ ᱚᱲᱟᱜ ᱫᱩᱣᱟᱹᱨ
ᱚᱞᱚᱝ ᱞᱤᱠᱷᱚᱱ ᱨᱮ ᱠᱚᱯᱟᱲ ᱛᱟᱭ ᱯᱚᱥᱟᱜ ᱜᱮᱭᱟ
ᱪᱟᱹᱠᱨᱤᱼᱵᱟᱹᱠᱨᱤ ᱦᱚᱸ ᱵᱟᱝ ᱧᱟᱢ ᱞᱮᱱᱠᱷᱟᱱ
ᱪᱮᱫ ᱟᱭᱳᱼᱵᱟᱵᱟ ᱚᱲᱟᱜ ᱨᱮ ᱴᱟᱷᱶ ᱮ ᱧᱟᱢᱟ ?
ᱫᱟᱫᱟᱼᱦᱤᱞᱤ ᱦᱤᱨᱞᱟᱹ ᱨᱮ ᱥᱩᱠ ᱛᱮ ᱡᱤᱭᱚᱱ ᱮ ᱠᱷᱟᱸᱰᱟᱣᱟ?
ᱢᱤᱫ ᱫᱤᱱ ᱟᱭᱳᱼᱵᱟᱵᱟ ᱵᱟᱝ ᱛᱟᱦᱮᱱ ᱨᱮ ᱟᱫᱚ ᱚᱠᱚᱭ ᱟᱥᱨᱟ ᱨᱮ?
ᱡᱟᱦᱟᱸ ᱛᱤᱥ ᱦᱤᱞᱤᱼᱫᱟᱫᱟ ᱥᱤᱠᱤᱲ ᱥᱟᱹᱜᱟᱹᱭ ᱵᱟᱝ ᱥᱟᱦᱟᱣ ᱨᱮ
ᱪᱮᱫ ᱟᱭᱳ ᱵᱟᱵᱟ ᱚᱲᱟᱜ ᱨᱮ ᱟᱡᱟᱜ ᱦᱚᱠ ᱮ ᱧᱟᱢᱟ?
ᱚᱠᱚᱭ ᱫᱚ ᱫᱚᱞ ᱵᱟᱫᱚᱞᱤ ᱟᱛᱮ ᱠᱚ ᱵᱟᱹᱱᱤᱡ ᱤᱫᱤ ᱠᱮᱫᱮ
ᱚᱠᱚᱭ ᱫᱚ ᱜᱩᱲᱫᱟᱹᱣ ᱧᱟᱯᱟᱢ ᱮᱱ ᱥᱚᱝᱥᱟᱨ ᱡᱚᱝ ᱟᱱᱟᱭ
ᱚᱠᱚᱭ ᱫᱚ ᱛᱟᱦᱮᱭᱮᱱ ᱢᱟᱨᱮ ᱥᱮᱛᱟ ᱵᱩᱥᱩᱵ ᱞᱮᱠᱟ
ᱟᱱᱟᱴ ᱫᱚ ᱩᱱᱤ ᱠᱩᱲᱤ ᱦᱚᱯᱚᱱᱟᱜ ᱜᱮ ᱛᱟᱦᱮᱸᱭᱮᱱᱟ
ᱮᱱ ᱦᱚᱸ ᱦᱚᱲᱟᱜ ᱪᱷᱤᱼ ᱛᱷᱩ ᱫᱮᱭᱟ ᱠᱟᱛᱮ
ᱟᱡᱟᱜ ᱡᱟᱸᱜᱟ ᱨᱮ ᱛᱤᱸᱜᱩ ᱠᱮᱴᱮᱡ ᱮᱱᱟᱭ
ᱮᱱᱛᱮ ᱨᱮᱦᱚᱸ ᱡᱟᱸᱜᱮ ᱫᱚ ᱥᱟᱢᱟᱝ ᱦᱩᱭ ᱠᱟᱱ ᱜᱮᱭᱟ
ᱠᱟᱨᱚᱱ ᱩᱱᱤᱭᱟᱜ ᱱᱟᱥᱮ ᱩᱢᱮᱨ ᱵᱟᱹᱲᱛᱤ ᱜᱚᱫ ᱮᱱᱟ
ᱡᱟᱦᱟᱸ ᱠᱟᱨᱚᱱ ᱛᱮ ᱟᱡ ᱱᱤᱛ ᱦᱟᱹᱵᱤᱡ ᱴᱷᱟᱶ ᱵᱟᱭ ᱧᱟᱢ ᱟᱠᱟᱫ
ᱛᱚᱵᱮ ᱥᱟᱱᱟᱢ ᱜᱟᱹᱠᱷᱩᱲᱟᱱ, ᱵᱩᱫᱷᱤᱼᱡᱤᱣᱤᱭᱟᱱ ᱠᱚ
ᱟᱯᱟᱱᱼᱟᱹᱯᱤᱱ ᱩᱭᱦᱟᱹᱨ ᱵᱷᱟᱹᱵᱤ ᱱᱚᱡᱚᱨ ᱛᱮᱠᱚ ᱠᱚᱭᱚᱜ ᱟᱭ ᱠᱟᱱ
ᱪᱮᱫᱟᱜ ᱵᱟᱭ ᱥᱚᱝᱥᱟᱨ ᱡᱚᱝ ᱠᱟᱱᱟ ?
ᱯᱟᱪᱷᱮ ᱡᱟᱦᱟᱱ ᱦᱩᱲᱟᱹᱜ ᱢᱟᱛᱚ ᱵᱟᱹᱱᱩᱜ ᱱᱩᱭ ᱨᱮ!
ᱤᱫᱩ ᱯᱟᱪᱷᱮ ᱚᱠᱚᱭ ᱥᱟᱶ ᱫᱩᱞᱟᱹᱲ ᱥᱟᱹᱜᱟᱹᱭ ᱪᱟᱞᱟᱜ ᱠᱟᱱ!
ᱥᱮᱛᱟᱜ ᱨᱮ ᱚᱰᱚᱠ ᱠᱟᱛᱮ ᱪᱟᱸᱫᱚ ᱦᱟᱹᱥᱩᱨᱚᱜ ᱨᱮ ᱚᱲᱟᱜ ᱛᱮ ᱥᱮᱴᱮᱨᱚᱜ
ᱟᱭᱢᱟ ᱞᱮᱠᱟᱱ ᱠᱟᱛᱷᱟ ᱨᱚᱲ ᱢᱟᱸᱜᱟᱞ ᱨᱮᱠᱚ ᱪᱷᱩᱴᱟᱹᱣ ᱠᱚᱜ ᱦᱚᱲ
ᱟᱹᱛᱩᱼ ᱴᱚᱞᱟ, ᱥᱟᱭᱼ ᱯᱩᱲᱥᱤ ᱨᱤᱱ ᱠᱟᱹᱢᱤᱼ ᱠᱟᱹᱥᱱᱤ ᱠᱩᱲᱤ ᱦᱚᱯᱚᱱ ᱠᱚ
ᱪᱮᱫ ᱦᱚᱸ ᱵᱟᱝ ᱢᱮᱱ ᱠᱟᱛᱮ ᱥᱩᱢᱩᱝ ᱟᱸᱡᱚᱢ ᱛᱷᱤᱨ ᱠᱟᱜᱼᱟ ᱠᱚ
ᱢᱚᱞᱚᱝ ᱨᱮᱱᱟᱜ ᱩᱫᱽᱜᱟᱹᱨ ᱫᱟᱜ, ᱱᱚᱛᱮ ᱳᱯᱤᱥ ᱠᱟᱹᱢᱤ ᱞᱟᱸᱜᱟ ᱛᱮ
ᱟᱨ ᱱᱚᱛᱮ ᱦᱚᱲᱟᱜ ᱵᱮᱼᱵᱟᱹᱲᱤᱡ ᱨᱚᱲ ᱫᱮᱭᱟ ᱠᱟᱛᱮ
ᱮᱱ ᱦᱚᱸ ᱚᱲᱟᱜ ᱛᱮ ᱨᱩᱣᱟᱹᱲ ᱦᱤᱡᱩᱜᱼᱟᱭ
ᱟᱨ ᱱᱚᱣᱟ ᱜᱮ ᱞᱮᱛᱟᱲ ᱢᱚᱱᱮ ᱨᱮ ᱩᱭᱦᱟᱹᱨᱟᱭ……ᱹᱹ
ᱪᱮᱫᱟᱜ ᱤᱧ ᱡᱟᱱᱟᱢ ᱮᱱᱟ ᱠᱩᱲᱤ ᱜᱤᱫᱽᱨᱟᱹ ?
ᱪᱮᱫ ᱠᱩᱲᱤ ᱦᱚᱯᱚᱱ ᱡᱟᱱᱟᱢ ᱫᱚ ᱠᱟᱹᱭ ᱠᱟᱱᱟ?
ᱢᱤᱫ ᱠᱩᱲᱤ ᱦᱚᱯᱚᱱ ᱛᱟᱦᱮᱸ ᱢᱟᱨᱮ ᱞᱮᱱᱠᱷᱟᱱ
ᱪᱮᱫ ᱩᱱᱤᱭᱟᱜ ᱫᱚ ᱜᱩᱡᱩᱜ ᱦᱚᱨ ᱰᱟᱦᱟᱨ ᱜᱮ……ᱹᱹ?
ᱵᱟᱝᱟ………ᱹᱹᱹᱹ
ᱦᱚᱲᱟᱜ ᱢᱚᱪᱟ ᱫᱚ ᱛᱤᱥ ᱦᱚᱸ ᱵᱟᱢ ᱵᱚᱸᱫᱚ ᱫᱟᱲᱮᱭᱟᱜᱼᱟ
ᱵᱮᱥᱟᱜ ᱮᱢ ᱠᱟᱹᱢᱤ, ᱵᱟᱹᱲᱤᱡᱟᱜ ᱮᱢ ᱠᱟᱹᱢᱤ
ᱦᱚᱲᱟᱜ ᱫᱚ ᱦᱟᱱᱟ ᱼᱱᱷᱟᱣᱟ ᱨᱚᱲ ᱜᱮ ᱠᱟᱹᱢᱤ
ᱥᱤᱧ ᱪᱟᱸᱫᱚ ᱫᱚ ᱩᱱ ᱚᱠᱛᱚ ᱦᱚᱸᱭ ᱨᱟᱠᱟᱵᱚᱜ ᱜᱮᱭᱟ
ᱡᱚᱠᱷᱚᱱ ᱡᱮᱜᱮᱛ ᱡᱟᱠᱟᱛ ᱦᱚᱲ ᱡᱟᱹᱯᱤᱫ ᱨᱮᱠᱚ ᱛᱟᱦᱮᱸᱱᱟ
ᱚᱱᱠᱟ ᱜᱮ ᱱᱤᱡᱚᱨᱟᱜ ᱞᱩᱛᱩᱨ ᱵᱚᱸᱫᱽ ᱞᱟᱹᱠᱛᱤ ᱠᱟᱱᱟ
ᱟᱢᱟᱜ ᱠᱟᱹᱢᱤ ᱟᱢ ᱥᱟᱢᱴᱟᱣ ᱡᱚᱝ ᱢᱮ
ᱡᱤᱭᱚᱱ ᱟᱹᱰᱤ ᱱᱟᱯᱟᱭ ᱛᱮ ᱠᱷᱟᱸᱰᱟᱣᱚᱜᱼᱟ
ᱟᱨ ᱟᱢ ᱟᱢᱟᱜ ᱢᱚᱱ ᱠᱩᱥᱤᱜ ᱡᱤᱭᱚᱱ ᱮᱢ ᱠᱷᱟᱸᱰᱟᱣ ᱫᱟᱲᱮᱭᱟᱜᱼᱟ ᱾

***

ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ (SANTALI WIKIPEDIA)