ᱠᱷᱮᱨᱣᱟᱲ ᱵᱤᱨ ᱵᱟᱱᱴᱟ ᱥᱤᱫᱚ-ᱠᱟᱹᱱᱦᱩ
ᱡᱟᱱᱟᱢ ᱞᱮᱱᱟ ᱠᱤᱱ ᱵᱷᱚᱜᱽᱱᱟᱰᱤᱦ ᱟᱹᱛᱩ ᱨᱮ ᱾
ᱮᱦᱚᱵ ᱞᱮᱫᱼᱟ ᱠᱤᱱ ᱦᱩᱞ ᱪᱤᱨᱜᱟᱹᱞ, ᱦᱩᱞ ᱢᱟᱨᱥᱟᱞ
ᱟᱵᱚᱣᱟᱜ ᱥᱟᱶᱛᱟ ᱠᱚ ᱛᱟᱞᱟ ᱨᱮ ᱾
ᱛᱟᱲᱟᱢ ᱞᱮᱫ ᱟᱹᱠᱤᱱ ᱵᱤᱨ ᱵᱚᱭᱦᱟ ᱥᱤᱫᱚ-ᱠᱟᱹᱱᱦᱩ
ᱠᱟᱹᱯᱤ, ᱟᱜ-ᱥᱟᱨ ᱟᱛᱮ ᱾
ᱯᱷᱩᱞᱚ-ᱡᱷᱟᱱᱚ ᱛᱤᱠᱤᱱ ᱦᱚᱸ ᱫᱤᱥᱟᱹ ᱞᱮᱫ ᱟᱹᱠᱤᱱ
ᱛᱟᱨᱣᱟᱲᱮ, ᱠᱷᱟᱸᱰᱟ ᱟᱛᱮ ᱾
ᱦᱟᱱᱮ ᱥᱟᱰᱮ ᱮᱱᱟ ᱥᱟᱠᱣᱟ
ᱥᱟᱨᱡᱚᱢ ᱜᱤᱨᱟᱹ ᱦᱚᱸ ᱛᱚᱞ ᱮᱱᱟ
ᱮᱵᱷᱮᱱᱚᱜ ᱢᱮ ᱵᱚᱭᱦᱟ ᱮᱵᱷᱮᱱᱚᱜ ᱢᱮ ᱾
ᱟᱢᱟᱜ ᱦᱚᱠ ᱟᱹᱭᱫᱟᱹᱨᱤ ᱠᱚ ᱨᱮᱡ ᱦᱟᱛᱟᱣ ᱞᱟᱹᱜᱤᱫ
ᱪᱤᱨᱜᱟᱹᱞᱚᱜ ᱢᱮ ᱵᱚᱭᱦᱟ ᱪᱤᱨᱜᱟᱹᱞᱚᱜ ᱢᱮ ᱾
ᱥᱟᱭ-ᱥᱟᱭ ᱢᱟᱹᱱᱢᱤ ᱠᱚ ᱡᱟᱨᱣᱟ ᱞᱮᱱ ᱫᱚᱢᱮᱞ-ᱫᱚᱢᱮᱞ
ᱞᱟᱹᱰᱷᱟᱹᱭ ᱛᱟᱯᱟᱢ ᱨᱮ ᱠᱚ ᱡᱩᱢᱤᱫᱽ ᱞᱮᱱ ᱵᱚᱦᱮᱞ-ᱵᱚᱦᱮᱞ
ᱟᱵᱚ ᱦᱚᱸ ᱟᱞᱚ ᱵᱚᱱ ᱦᱤᱲᱤᱧ ᱢᱟ,
ᱟᱞᱚ ᱵᱚᱱ ᱢᱩᱪᱟᱹᱫᱽ ᱢᱟ
ᱫᱤᱥᱚᱢ ᱦᱩᱞ ᱪᱤᱨᱜᱟᱹᱞ ᱫᱚ
ᱫᱤᱥᱚᱢ ᱦᱩᱞ ᱢᱟᱨᱥᱟᱞ ᱫᱚ ᱿
***
