ᱦᱤᱨᱠᱟᱹ

ᱥᱟᱶᱛᱟ ᱥᱚᱢᱟᱡᱽ ᱟᱢ ᱫᱚ
ᱟᱞᱚᱢ ᱦᱤᱨᱠᱟᱹ ᱦᱟᱜᱼᱟ
ᱥᱟᱨᱪᱟ ᱜᱮᱭᱟ ᱛᱤᱱᱟᱹᱜ
ᱩᱱᱟᱹᱜ ᱥᱟᱦᱬᱟ ᱜᱮᱭᱟ ᱾

ᱡᱟᱹᱛᱤ ᱫᱷᱚᱨᱚᱢ ᱟᱢᱟᱜ
ᱟᱞᱚᱢ ᱵᱚᱠᱚᱞ ᱵᱚᱰᱮ
ᱱᱤᱨᱚᱲ ᱜᱮᱭᱟ ᱛᱤᱱᱟᱹᱜ
ᱩᱱᱟᱹᱜ ᱱᱤᱨᱲᱟᱹ ᱜᱮᱭᱟ ᱾

ᱞᱟᱭ ᱞᱟᱠᱪᱟᱨ ᱟᱢᱟᱜ
ᱟᱞᱚᱢ ᱵᱚᱫᱚᱞ ᱛᱟᱢᱟ
ᱥᱮᱫᱟᱭ ᱟᱹᱨᱤᱪᱟᱹᱞᱤ
ᱯᱟᱸᱡᱟᱭ ᱛᱟᱢ ᱢᱮ ᱾

ᱮᱱᱮᱡ ᱥᱮᱨᱮᱧ ᱟᱢᱟᱜ
ᱟᱞᱚᱢ ᱵᱚᱫᱚᱞ ᱛᱟᱢᱟ
ᱫᱚᱝ ᱞᱟᱜᱽᱬᱮ ᱟᱢᱟᱜ
ᱟᱞᱚᱢ ᱢᱮᱴᱟᱣ ᱾

ᱛᱩᱢᱫᱟᱜ ᱴᱟᱢᱟᱠ ᱟᱢᱟᱜ
ᱟᱞᱚᱢ ᱰᱷᱤᱞᱟᱹᱣ ᱛᱟᱢᱟ
ᱛᱤᱨᱭᱳ ᱵᱟᱱᱟᱢ ᱟᱞᱚᱢ
ᱫᱮᱭᱟᱭ ᱛᱟᱢᱟ ᱾

ᱫᱷᱚᱨᱚᱢ ᱟᱠᱷᱲᱟ ᱟᱞᱚᱢ
ᱱᱤᱥᱚᱱ ᱚᱪᱚᱭ ᱛᱟᱢᱟ
ᱠᱩᱞᱦᱤ ᱫᱷᱩᱲᱤ ᱱᱚᱴᱟᱝ
ᱟᱞᱚᱢ ᱦᱟᱹᱯᱤᱫᱽ ᱛᱟᱢᱟ ᱾

ᱟᱢᱟᱜ ᱦᱚᱲᱢᱚ ᱢᱟᱭᱟᱢ
ᱟᱞᱚᱢ ᱵᱚᱫᱚᱞ ᱛᱟᱢᱟ
ᱜᱮᱞᱮᱡ ᱠᱩᱸᱭ ᱫᱟᱜ
ᱞᱮᱠᱟ ᱱᱤᱨᱚᱲ ᱜᱮᱭᱟ ᱾

ᱟᱢ ᱨᱮ ᱡᱟᱹᱛᱤ ᱫᱷᱚᱨᱚᱢ
ᱟᱢ ᱨᱮ ᱟᱹᱨᱤᱪᱟᱹᱞᱤ
ᱟᱢ ᱜᱮᱢ ᱫᱚᱦᱚᱭ ᱛᱟᱢᱟ
ᱱᱤᱨᱚᱲ ᱥᱟᱶᱛᱟ ᱾

***