ᱱᱮᱥ ᱫᱚ ᱦᱳᱲᱳ ᱦᱚᱸ ᱵᱟᱝ ᱦᱩᱭ ᱞᱮᱱᱟ ᱾ ᱵᱚᱦᱚᱜ ᱛᱤᱨᱩᱵ ᱠᱟᱛᱮ ᱥᱩᱱᱟ.ᱭ ᱵᱷᱟᱵᱽᱱᱟᱜ ᱠᱟᱱᱟ ᱾ ᱡᱟ ᱩᱰᱟ.ᱝ ᱴᱟᱠᱟᱧ ᱫᱚᱦᱚ ᱞᱮᱫᱟ, ᱡᱚᱛᱚ ᱥᱟᱨᱚᱫᱟ ᱠᱚᱢᱯᱟ.ᱱᱤ ᱠᱚ ᱤᱫᱤ ᱠᱮᱫᱟ ᱾ ᱱᱤᱛ ᱫᱚ ᱮᱠᱷᱮᱱ ᱛᱤ ᱜᱮ ᱾ ᱨᱟᱜ ᱢᱮᱫᱦᱟ ᱟᱛᱮᱫ ᱢᱟ.ᱞᱤ ᱵᱩᱴᱩᱭ ᱢᱮᱛᱟᱭ ᱠᱟᱱᱟ ᱵᱤᱴᱤ ᱵᱤᱴᱤ ᱟᱫᱚ ᱵᱟᱝ ᱤᱧ ᱯᱟᱲᱦᱟᱣ ᱫᱟᱲᱮᱭᱟᱢᱟ ᱾ ᱟᱫᱚ ᱵᱟᱝᱠᱷᱟᱱ ᱟᱞᱚᱢ ᱯᱟᱲᱦᱟᱣᱜ-ᱟ ᱾ ᱢᱟ.ᱞᱤ ᱱᱚᱶᱟ ᱟᱸᱡᱚᱢ ᱠᱟᱛᱮᱫ ᱟ.ᱰᱤ ᱡᱩᱨ ᱮ ᱨᱟᱜ ᱠᱮᱫᱟ ᱾ ᱟᱡ ᱟᱯᱟᱛ ᱮ ᱢᱮᱛᱟᱭ ᱠᱟᱱᱟ, ᱵᱟᱵᱟ ᱟᱞᱚᱢ ᱨᱟᱜᱟ ᱾ ᱡᱟᱦᱟᱸ ᱛᱤᱱᱟ.ᱜ ᱟᱱᱟᱴ ᱮᱴᱠᱮᱴᱚᱬᱮ ᱦᱤᱡᱩᱜ ᱨᱮᱦᱚᱸ ᱟᱢᱟᱜ ᱠᱩᱠᱢᱩ ᱫᱩᱧ ᱯᱩᱨᱟ.ᱣ ᱜᱮᱭᱟ ᱾ ᱵᱟᱡᱟᱨ ᱨᱮ ᱜᱤᱫᱽᱨᱟ. ᱴᱤᱭᱤᱥᱳᱱ ᱤᱧ ᱯᱟᱲᱦᱟᱣ ᱠᱚᱣᱟ ᱾ ᱟᱨ ᱟᱢ ᱫᱚ ᱪᱟᱸᱫᱚ ᱨᱮ ᱡᱟ ᱩᱰᱟ.ᱝ ᱠᱟ.ᱣᱰᱤᱢ ᱠᱩᱲᱟ.ᱣᱟ, ᱚᱱᱟ ᱮᱢᱟ.ᱧ ᱢᱮ ᱾ ᱥᱩᱱᱟ.ᱭ ᱢᱮᱱ ᱠᱮᱫᱟ, ᱴᱷᱤᱠ ᱜᱮᱭᱟ ᱵᱤᱴᱤ ᱥᱚᱛ ᱱᱟᱯᱟᱭ ᱰᱟᱦᱟᱨ ᱛᱮ ᱥᱮᱱᱚᱜ ᱢᱮ, ᱢᱚᱱᱮ ᱨᱤᱦᱤᱴ ᱠᱟᱛᱮᱫ ᱚᱞ ᱯᱟᱲᱦᱟᱣᱜ ᱢᱮ, ᱧᱮᱞᱟᱢ ᱢᱤᱫ ᱫᱤᱱ ᱫᱚᱢ ᱡᱤᱛᱠᱟ.ᱨᱚᱜ ᱜᱮᱭᱟ ᱾
ᱫᱚᱥᱟᱨ ᱦᱤᱞᱚᱜ ᱢᱟ.ᱞᱤ ᱫᱚ ᱵᱟᱸᱠᱩᱲᱟᱭ ᱥᱮᱱ ᱮᱱᱟ ᱾ ᱢᱤᱫᱴᱟᱹᱝ ᱠᱟᱜᱚᱡᱽ ᱥᱟᱠᱟᱢ ᱨᱮ ᱥᱟᱱᱟᱢ ᱠᱚ ᱵᱟᱰᱟᱭ ᱚᱪᱚ ᱞᱟ.ᱜᱤᱫ ᱛᱮ ᱟᱡᱟᱜ ᱩᱯᱨᱩᱢ ᱮ ᱮᱢ ᱠᱮᱫᱟ ᱾ ᱚᱱᱟ ᱨᱮ ᱚᱞ ᱛᱟᱦᱮᱸ ᱠᱟᱱᱟ “ᱢᱟ.ᱞᱤ ᱦᱟᱸᱥᱫᱟ, ᱮᱢ ᱮ (ᱥᱟᱱᱛᱟᱲᱤ), ᱵᱤ, ᱮᱰ, ᱴᱤᱭᱩᱥᱚᱱ ᱴᱤᱪᱟᱨ ᱥᱟᱶᱛᱮ ᱨᱚᱯᱚᱲ ᱱᱟᱢᱵᱟᱨ” ᱱᱚᱝᱠᱟ ᱠᱟᱛᱮ ᱟᱭᱢᱟ ᱡᱟᱭᱜᱟ ᱨᱮ ᱯᱟᱢᱯᱞᱮᱴ – ᱪᱩᱴᱟ.ᱣ ᱠᱮᱫᱟ ᱾ ᱵᱟᱨ ᱫᱤᱱ ᱯᱚᱨᱮ ᱟᱭᱢᱟ ᱥᱮᱱ ᱠᱷᱚᱱ ᱯᱷᱳᱱ ᱦᱮᱡ ᱮᱱᱟ ᱾ ᱦᱮᱞᱳ ᱟᱢ ᱜᱮ ᱢᱟ.ᱞᱤ ᱢᱟ.ᱭ ? ᱜᱤᱫᱽᱨᱟ. ᱴᱤᱭᱩᱥᱳᱱᱮᱢ ᱯᱟᱲᱦᱟᱣ ᱠᱚᱣᱟ ? ᱱᱚᱝᱠᱟ ᱠᱟᱛᱮ ᱜᱮ ᱟᱭᱟᱜ ᱯᱟᱲᱦᱟᱣ ᱥᱟᱶ-ᱥᱟᱶᱛᱮ ᱚᱠᱛᱚ ᱚᱰᱚᱠ ᱠᱟᱛᱮᱫ ᱜᱤᱫᱽᱨᱟ. ᱠᱚ ᱴᱤᱭᱩᱥᱚᱱ ᱯᱟᱲᱦᱟᱣ – ᱮ ᱮᱛᱚᱦᱚᱵ ᱠᱮᱫᱼᱟ ᱾ ᱢᱟ.ᱞᱤ ᱢᱟ.ᱭ ᱫᱚ ᱟᱭᱟᱜ ᱚᱞ ᱯᱟᱲᱦᱟᱣ ᱫᱤᱥᱟ. ᱠᱟᱛᱮᱫ ᱡᱟᱹᱥᱛᱤ ᱴᱤᱭᱩᱥᱚᱱ ᱫᱚ ᱵᱟᱭ ᱯᱟᱲᱦᱟᱣ ᱠᱚᱣᱟ ᱾
ᱱᱚᱝᱠᱟ ᱚᱵᱷᱟᱵᱽ ᱛᱟᱞᱟ, ᱟᱱᱟᱴ ᱛᱟᱞᱟ ᱛᱮᱜᱮ ᱢᱟ.ᱞᱤ ᱢᱟ.ᱭ ᱫᱚ ᱟᱭᱟᱜ ᱚᱞ ᱯᱟᱲᱦᱟᱣ ᱮ ᱯᱩᱨᱟ.ᱣ ᱠᱮᱫᱟ ᱾ ᱢᱤᱫ ᱥᱮᱨᱢᱟ ᱯᱚᱨᱮ, ᱢᱟ.ᱞᱤ ᱢᱟ.ᱭ ᱫᱚ ᱢᱟᱪᱮᱛᱟᱹᱱᱤ ᱠᱟ.ᱢᱤ ᱨᱮᱭ ᱵᱚᱦᱟᱞ ᱮᱱᱟ ᱾ ᱱᱤᱛ ᱫᱚ ᱥᱩᱱᱟ. ᱟ.ᱰᱤ ᱠᱩᱥᱤ ᱨᱟᱹᱥᱠᱟ. ᱨᱮ ᱢᱮᱱᱟᱭᱟ ᱾ ᱢᱟ.ᱞᱤ ᱢᱟ.ᱭ ᱫᱚ ᱥᱮᱨᱢᱟ ᱨᱮᱱ ᱥᱤᱧ ᱪᱟᱸᱫᱚ ᱞᱮᱠᱟ ᱧᱩᱛᱟ.ᱛ ᱰᱟᱦᱟᱨᱮ ᱢᱟᱨᱥᱟᱞ ᱠᱮᱫᱼᱟ ᱾
ᱨᱮᱸᱜᱮᱡ ᱛᱮᱛᱟᱝ ᱚᱵᱷᱟᱵᱽ ᱟᱱᱟᱴ ᱥᱟᱦᱟ ᱠᱟᱛᱮᱫ ᱾
ᱢᱚᱱᱮ ᱨᱤᱦᱤᱴ ᱠᱟᱛᱮᱫ ᱠᱟ.ᱢᱤ ᱪᱷᱩᱴᱟ.ᱣᱜ ᱢᱮ ᱾
ᱧᱮᱞᱟᱢ ᱟᱢ ᱦᱚᱸ ᱢᱤᱫ ᱫᱤᱱᱮᱢ ᱡᱤᱛᱠᱟ.ᱨᱚᱜ ᱜᱮᱭᱟ ᱾
***
