ᱢᱤᱫ ᱚᱲᱟᱜ ᱨᱮ ᱢᱤᱫ ᱦᱟᱲᱟᱢ ᱟᱨ ᱵᱩᱰᱷᱤ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱩᱱᱠᱤᱱ ᱨᱮᱱ ᱵᱟᱨᱭᱟ ᱦᱚᱯᱚᱱ – ᱢᱤᱫ ᱠᱚᱲᱟ ᱟᱨ ᱠᱩᱲᱤ ᱜᱤᱫᱽᱨᱟ. ᱾ ᱩᱱᱠᱤᱱ ᱜᱤᱫᱽᱨᱟ. ᱫᱚ ᱚᱞᱚᱜ ᱯᱚᱲᱦᱚᱱ ᱥᱟᱶᱛᱮ ᱚᱲᱟᱜ ᱨᱮᱭᱟᱜ ᱠᱟ.ᱢᱤ ᱠᱚ ᱨᱮᱦᱚᱸ ᱟ.ᱰᱤ ᱜᱮ ᱠᱤᱱ ᱪᱷᱩᱴᱟᱹᱣᱜ-ᱟ ᱾ ᱟᱠᱚᱣᱟᱜ ᱟᱪᱟᱨ ᱵᱮᱵᱷᱟᱨ ᱦᱚᱸ ᱟ.ᱰᱤ ᱜᱮ ᱱᱟᱯᱟᱭ ᱛᱟᱠᱚᱣᱟ ᱾ ᱯᱟᱲᱦᱟᱣ ᱥᱟ.ᱛ ᱮᱱ ᱛᱟᱭᱚᱢ ᱵᱟ.ᱵᱩ ᱜᱤᱫᱽᱨᱟ. ᱫᱚ ᱪᱟ.ᱠᱨᱤ ᱠᱚᱭ ᱧᱟᱢ ᱠᱮᱫᱼᱟ ᱾ ᱠᱷᱟᱱ ᱜᱮ ᱩᱱᱤ ᱫᱚ ᱠᱚ ᱵᱟᱯᱞᱟ ᱠᱮᱫᱮᱭᱟ ᱾ ᱚᱲᱟᱜ ᱨᱮ ᱱᱟᱣᱟ ᱵᱟ.ᱦᱩ ᱦᱮᱡ ᱮᱱ ᱠᱷᱟᱱ ᱟ.ᱰᱤ ᱨᱟ.ᱥᱠᱟ. ᱛᱮ ᱫᱤᱱ ᱠᱚ ᱠᱷᱟᱸᱰᱟᱣ ᱠᱮᱫᱼᱟ ᱾ ᱱᱟᱯᱟᱭ ᱨᱮᱜᱮ ᱠᱚ ᱛᱟᱦᱮᱸᱭᱮᱱᱟ ᱟᱨ ᱡᱚᱛᱚ ᱠᱟ.ᱢᱤ ᱜᱮ ᱜᱚᱲᱚ ᱜᱚᱯᱚᱲᱚ ᱛᱮᱠᱚ ᱠᱟ.ᱢᱤᱭᱟ ᱾ ᱚᱠᱟ ᱠᱟ.ᱢᱤ ᱦᱚᱸ ᱵᱟᱹᱦᱩ ᱫᱚ ᱵᱟᱠᱚ ᱟᱞᱟᱭ ᱜᱤᱰᱤ ᱟᱭᱟ ᱾
ᱢᱤᱫ ᱫᱤᱱ ᱦᱤᱞᱚᱜ ᱚᱱᱠᱟ ᱜᱮ ᱫᱟᱠᱟ ᱩᱛᱩ ᱤᱥᱤᱱ ᱦᱩᱭᱮᱱ ᱠᱷᱟᱱ ᱵᱟᱹᱦᱩ ᱫᱚ ᱦᱚᱧᱦᱟᱨ ᱵᱟᱵᱟ ᱞᱚᱴᱟ ᱫᱟᱜ ᱥᱩᱨ ᱠᱟᱛᱮ ᱢᱮᱛᱟᱫᱮᱭᱟᱭ – ᱫᱮᱞᱟ ᱵᱟ ᱫᱟᱠᱟ ᱡᱚᱢ ᱟ.ᱨᱩᱵᱚᱜ ᱵᱤᱱ ᱾ ᱟᱫᱚ ᱵᱟᱵᱟᱭ ᱢᱮᱱ ᱠᱮᱫᱼᱟ ᱦᱚᱭ ᱛᱚᱵᱮ ᱭᱳ ᱿ ᱞᱚᱴᱟ ᱫᱟᱜ ᱥᱟᱵ ᱠᱟᱛᱮ ᱵᱟᱵᱟᱭ ᱵᱮᱨᱮᱫ ᱮᱱᱟ ᱟᱨ ᱮ ᱢᱮᱱ ᱠᱮᱫᱼᱟ – ᱫᱮᱞᱟ ᱵᱚᱱ ᱡᱚᱛᱚ ᱜᱮ ᱥᱟᱶ ᱛᱮ ᱵᱚᱱ ᱫᱩᱲᱩᱵᱼᱟ ᱾ ᱮᱱᱠᱷᱟᱱ ᱡᱚᱛᱚ ᱦᱚᱲ ᱜᱮ ᱥᱟᱶ ᱛᱮ ᱠᱚ ᱫᱩᱲᱩᱵ ᱮᱱᱟ ᱾ ᱵᱟᱹᱦᱩ ᱫᱚᱭ ᱢᱮᱱ ᱠᱮᱫᱼᱟ, ᱤᱧ ᱫᱩᱧ ᱛᱟᱭᱚᱢᱚᱜ-ᱟ ᱾ ᱵᱟᱹᱦᱩ ᱫᱚ ᱡᱚᱛᱚ ᱦᱚᱲ ᱮ ᱞᱩ ᱟᱫ ᱠᱚᱣᱟ ᱾ ᱫᱟᱠᱟ ᱡᱚᱢ ᱡᱚᱠᱷᱟᱜ ᱩᱛᱩ ᱢᱟ ᱩᱥᱛᱟ.ᱭ ᱠᱷᱟᱨᱟ ᱛᱟᱦᱮᱸ ᱠᱟᱱᱟ ᱾ ᱟᱫᱚ ᱩᱱᱤ ᱠᱚᱲᱟ ᱫᱚ ᱟ.ᱰᱤ ᱛᱮᱫ ᱜᱮᱭ ᱮᱫᱽᱨᱮ ᱮᱱᱟ ᱾ ᱟᱨ ᱮ ᱢᱮᱱ ᱠᱮᱫᱼᱟ ᱵᱟᱹᱦᱩᱣᱟᱜ ᱢᱚᱱᱮ ᱫᱚ ᱚᱠᱟᱨᱮ ? ᱩᱛᱩ ᱢᱟ ᱩᱱᱟᱹᱜ ᱮ ᱠᱷᱟᱨᱟ ᱟᱠᱟᱫ ᱫᱚ ᱾ ᱦᱟᱯᱮᱧ ᱨᱚᱲ ᱟᱭ ᱨᱮᱜᱮ ᱾ ᱠᱷᱟᱱ ᱜᱮ ᱟᱡ ᱵᱟᱵᱟᱭ ᱢᱮᱱ ᱠᱮᱫᱼᱟ – ᱦᱟᱯᱮ ᱵᱟᱹᱵᱩ ᱩᱱᱟᱹᱜ ᱚᱱᱠᱟ ᱫᱚ ᱵᱟᱝ ᱠᱚ ᱨᱟ.ᱜᱤ ᱜᱚᱫᱚᱜ-ᱟ ᱾ ᱢᱤᱢᱤᱫ ᱫᱷᱟᱣ ᱫᱚ ᱵᱟ.ᱲᱛᱤ ᱪᱩᱲᱛᱤ ᱦᱩᱭ ᱜᱚᱫᱚᱜ ᱜᱮᱭᱟ ᱾ ᱚᱱᱟ ᱢᱮᱱᱛᱮ ᱵᱟᱹᱦᱩᱢ ᱨᱚᱦᱮᱫ ᱩᱛᱟ.ᱨᱮᱭᱟ ᱚᱱᱟ ᱫᱚ ᱵᱟᱭ ᱡᱩᱛᱟ ᱾ ᱦᱩᱰᱤᱧ ᱦᱩᱰᱤᱧ ᱠᱟᱛᱷᱟ ᱠᱷᱟᱹᱛᱤᱨ ᱵᱟᱝ ᱠᱚ ᱱᱮᱭᱟᱣ ᱱᱤᱯᱥᱟ.ᱜ-ᱟ ᱾ ᱱᱚᱝᱠᱟ ᱨᱮ ᱫᱚ ᱜᱷᱟᱨᱚᱸᱡᱽ ᱨᱮ ᱥᱩᱞᱩᱠ ᱥᱟ.ᱜᱟ.ᱭ ᱵᱟᱝ ᱛᱟᱦᱮᱸᱱᱟ ᱾ ᱚᱱᱠᱟ ᱢᱮᱱ ᱠᱟᱛᱮ ᱫᱟᱠᱟ ᱠᱚ ᱡᱚᱢ ᱦᱩᱭ ᱠᱮᱫᱼᱟ ᱾
ᱚᱱᱟ ᱛᱟᱭᱚᱢ ᱵᱟ.ᱦᱩ ᱠᱩᱲᱤ ᱦᱚᱸ ᱫᱟᱠᱟ ᱡᱚᱢ ᱮ ᱫᱩᱲᱩᱵ ᱮᱱᱟ ᱾ ᱡᱚᱢ ᱡᱚᱠᱷᱟᱜ ᱩᱛᱩ ᱟ.ᱰᱤ ᱛᱮᱫ ᱜᱮ ᱠᱷᱟᱨᱟ ᱠᱮᱫᱮᱭᱟ ᱾ ᱟᱫᱚᱭ ᱩᱭᱦᱟ.ᱨ ᱵᱷᱟᱵᱽᱱᱟ ᱮᱱᱟ – ᱱᱩᱱᱟᱹᱜ ᱠᱷᱟᱨᱟ ᱩᱛᱩ ᱥᱟᱞᱟᱜ ᱪᱮᱫ ᱞᱮᱠᱟᱛᱮ ᱫᱟᱠᱟ ᱠᱚ ᱡᱚᱢ ᱠᱮᱫᱼᱟ ᱟᱨ ᱚᱠᱚᱭ ᱦᱚᱸ ᱪᱮᱫ ᱦᱚᱸ ᱵᱟᱝ ᱠᱚ ᱢᱮᱛᱟᱫᱤᱧᱟ ᱾ ᱫᱟᱠᱟ ᱡᱚᱢ ᱦᱩᱭ ᱛᱟᱭᱚᱢ ᱟᱡ ᱡᱟᱶᱟᱭ ᱮ ᱢᱮᱛᱟᱭ ᱠᱟᱱᱟ – ᱮᱛᱮ ᱜᱳ ! ᱩᱛᱩ ᱢᱟ ᱩᱱᱟᱹᱜ ᱠᱷᱟᱨᱟ ᱟᱠᱟᱱ ᱫᱚ ᱮᱱ ᱨᱮᱦᱚᱸ ᱤᱧ ᱢᱟ ᱚᱠᱚᱭ ᱦᱚᱸ ᱵᱟᱝ ᱯᱮ ᱨᱚᱲ ᱟᱹᱫᱤᱧᱟ ᱾ ᱟᱨ ᱟᱢ ᱦᱚᱸ ᱵᱟᱢ ᱢᱮᱛᱟᱫᱤᱧᱟ ᱟ.ᱰᱤ ᱫᱩᱠ ᱜᱮᱧ ᱵᱩᱡᱷᱟ.ᱣ ᱠᱮᱫᱼᱟ ᱾ ᱮᱱᱠᱷᱟᱱ ᱩᱱᱤ ᱠᱚᱲᱟ ᱟᱡ ᱵᱟᱵᱟ ᱦᱟᱜ ᱠᱟᱛᱷᱟ ᱩᱭᱦᱟ.ᱨ ᱦᱮᱡ ᱟᱫᱮᱭᱟ ᱾ ᱟᱫᱚ ᱵᱟ.ᱦᱩᱭ ᱢᱮᱛᱟᱭ ᱠᱟᱱᱟ – ᱮᱜᱳ ᱢᱤᱢᱤᱫ ᱫᱤᱱ ᱫᱚ ᱚᱱᱠᱟ ᱦᱩᱭ ᱜᱚᱫᱚᱜ ᱜᱮᱭᱟ ᱾ ᱚᱱᱟ ᱢᱮᱱᱛᱮ ᱟᱢ ᱞᱮ ᱨᱩᱦᱤᱫ ᱢᱮᱭᱟ ᱚᱱᱠᱟ ᱫᱚ ᱵᱟᱭ ᱡᱩᱛᱚᱜ-ᱟ ᱾ ᱩᱱ ᱚᱠᱛᱚ ᱟᱡ ᱟᱭᱳ ᱦᱚᱸᱭ ᱥᱮᱴᱮᱨᱮᱱᱟ ᱟᱨ ᱟ.ᱠᱤᱱᱟᱜ ᱠᱟᱛᱷᱟ ᱟᱸᱡᱚᱢ ᱠᱟᱛᱮ ᱟ.ᱰᱤ ᱜᱮ ᱠᱩᱥᱤ ᱮᱱᱟᱭ ᱾ ᱱᱚᱝᱠᱟ ᱜᱮ ᱱᱟᱯᱟᱭ ᱜᱮ ᱵᱩᱯᱩᱡᱷᱟ.ᱣ ᱠᱟᱛᱮ ᱛᱟᱦᱮᱱ ᱞᱮᱠ ᱠᱟᱱᱟ ᱾ ᱡᱤᱭᱚᱱ ᱰᱟᱦᱟᱨ ᱨᱮ ᱦᱚᱭ ᱦᱤᱥᱤᱫ ᱵᱟᱡᱟᱣᱜ ᱜᱮᱭᱟ, ᱮᱴᱠᱮᱴᱚᱬᱮ ᱦᱚᱸ ᱫᱟᱨᱟᱢ ᱥᱟᱢᱟᱝ ᱠᱟᱛᱮ, ᱮᱨᱮᱲ ᱠᱟᱛᱮ ᱞᱟᱦᱟᱜ ᱛᱮ ᱦᱩᱭᱩᱜ-ᱟ ᱾ ᱱᱟᱯᱟᱭ ᱨᱚᱲ ᱱᱟᱯᱟᱭ ᱟᱪᱟᱨ ᱵᱮᱵᱷᱟᱨ ᱜᱮ ᱥᱩᱞᱩᱠ ᱜᱷᱟᱨᱚᱸᱡᱽ ᱨᱮᱭᱟᱜ ᱩᱯᱩᱨᱩᱢ ᱫᱚ ᱾
***
