ᱚᱠᱟ ᱞᱮᱠᱟ ᱥᱤᱨᱡᱚᱱᱤᱭᱟ.ᱭ ᱚᱞ ᱟᱠᱟᱫ ᱟᱠᱚᱭ ᱥᱟᱶ ᱪᱚ ᱡᱩᱨᱤ ᱥᱤᱠᱲᱤᱭ ᱡᱚᱲᱟᱣ ᱟᱠᱟᱫ, ᱚᱱᱟ ᱫᱚ ᱵᱟᱯᱞᱟ ᱛᱟᱭᱚᱢ ᱜᱮᱵᱚᱱ ᱵᱟᱰᱟᱭ ᱧᱟᱢᱟ ᱾ ᱚᱠᱚᱭᱤᱡ ᱦᱚᱯᱚᱱ ᱚᱠᱚᱭᱤᱡ ᱦᱚᱯᱚᱱ ᱮᱨᱟ ᱢᱤᱫᱴᱟᱹᱝ ᱜᱷᱟᱨᱚᱸᱡᱽ ᱨᱮ ᱠᱤᱱ ᱡᱩᱨᱤ ᱡᱚᱛᱟ ᱠᱤᱱ ᱛᱟᱦᱮᱸᱱᱟ ᱾
ᱵᱟᱯᱞᱟ ᱛᱟᱭᱚᱢ ᱠᱩᱲᱤ ᱜᱤᱫᱽᱨᱟᱹ ᱫᱚ ᱮᱴᱟᱜ ᱚᱲᱟᱜ ᱨᱮ ᱥᱮᱱ ᱠᱟᱛᱮ ᱠᱤᱢᱤᱱ ᱧᱩᱛᱩᱢ ᱦᱟᱱᱦᱟᱨ ᱦᱚᱧᱦᱟᱨ ᱴᱷᱮᱱ ᱮ ᱪᱷᱟ.ᱴᱭᱟ.ᱨᱚᱜ-ᱟ ᱾
ᱟᱨ ᱟᱭᱢᱟ ᱞᱮᱠᱟᱱ ᱥᱟ.ᱜᱟ.ᱭ ᱛᱮᱭ ᱛᱚᱞᱚᱜᱼᱟ ᱾ ᱟᱨ ᱚᱱᱠᱟ ᱛᱮᱜᱮ ᱠᱚ ᱦᱚᱦᱚ ᱟᱭᱟ ᱾ ᱡᱟᱸᱦᱟ ᱫᱚ ᱟᱭᱳ ᱵᱟᱵᱟ ᱚᱲᱟᱜ ᱨᱮ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱱᱟᱶᱟ ᱥᱟ.ᱜᱟ.ᱭ ᱱᱟᱶᱟ ᱚᱲᱟᱜ ᱱᱟᱶᱟ ᱡᱤᱭᱚᱱ ᱱᱟᱶᱟ ᱜᱷᱟᱨᱚᱸᱡᱽ ᱨᱮ ᱡᱚᱛᱚ ᱜᱮ ᱪᱟᱸᱫᱚ ᱫᱚ ᱠᱩᱲᱤ ᱦᱚᱯᱚᱱ ᱟᱯᱱᱟᱨ ᱨᱮᱱᱟᱜ ᱫᱟᱲᱮᱭ ᱮᱢ ᱟᱠᱟᱫ ᱵᱚᱱᱟ ᱾
ᱵᱟᱯᱞᱟ ᱛᱟᱭᱚᱢ ᱠᱩᱲᱤ ᱦᱚᱯᱚᱱ ᱫᱚ ᱡᱟᱶᱟᱭ ᱚᱲᱟᱜ ᱨᱮᱱᱟᱜ ᱫᱩᱣᱟ.ᱨ ᱜᱟᱱᱟᱰᱮ ᱯᱟᱨᱚᱢ ᱠᱮᱫ ᱠᱷᱟᱱ ᱜᱮ ᱟᱡ ᱴᱷᱮᱱ ᱫᱚ ᱡᱚᱛᱚ ᱜᱮ ᱟ.ᱱᱟ.ᱲᱤ ᱜᱮ ᱾ ᱡᱚᱱᱚᱜ ᱴᱷᱩᱴᱠᱤ ᱴᱷᱮᱱ ᱠᱷᱚᱱ ᱮᱦᱚᱵ ᱠᱟᱛᱮ ᱪᱷᱚᱸᱪ ᱞᱚᱛᱟ ᱟᱨ ᱵᱟᱝ ᱟᱨ ᱦᱚᱸ ᱮᱢᱟᱱ ᱮᱢᱟᱱᱟᱜ ᱚᱱᱟ ᱠᱚᱦᱚᱸ ᱵᱟ.ᱭ ᱵᱟ.ᱭ ᱛᱮ ᱥᱟᱱᱟᱢᱟᱜ ᱜᱮ ᱟᱯᱱᱟᱨ ᱦᱩᱭ ᱟᱭᱟ ᱾
ᱦᱟᱱᱦᱟᱨ ᱦᱚᱧᱦᱟᱨ ᱥᱟᱞᱟᱜ ᱦᱚᱸ ᱟᱨ ᱚᱲᱟᱜ ᱨᱤᱱ ᱥᱮ ᱜᱷᱟᱨᱚᱸᱡᱽ ᱨᱤᱱ ᱥᱟᱞᱟᱜ ᱦᱚᱸ ᱱᱟᱯᱟᱭ ᱛᱮ ᱛᱟᱦᱮᱸᱱ ᱞᱟ.ᱠᱛᱤ ᱛᱟᱭ ᱾ ᱟᱡᱟᱜ ᱥᱤᱵᱤᱞ ᱵᱮᱵᱷᱟᱨ ᱛᱮ ᱰᱟ.ᱜᱽᱣᱟ. ᱛᱮ ᱛᱟᱦᱮᱸᱱ ᱤᱨᱤᱞ ᱠᱩᱲᱤ ᱤᱨᱤᱞ ᱠᱚᱲᱟ ᱦᱚᱸ ᱵᱟ.ᱦᱩ ᱪᱮᱛᱟᱱ ᱨᱮ ᱱᱟᱯᱟᱭ ᱩᱭᱦᱟ.ᱨ ᱥᱟᱨᱥᱟᱣᱜ ᱛᱟᱠᱚ ᱢᱟ ᱾ ᱴᱷᱟᱶ ᱟᱠᱟᱫ ᱠᱚ ᱦᱟᱛᱚᱢ ᱥᱮ, ᱚᱱᱟ ᱚᱲᱟᱜ ᱨᱤᱱ ᱟᱡᱷᱱᱟᱨ ᱤᱨᱤᱞ ᱠᱩᱲᱤ ᱠᱚ ᱟᱛᱟᱝ ᱫᱟᱨᱟᱢ ᱨᱮ ᱢᱚᱱᱮ ᱨᱮ ᱫᱩᱜ ᱮᱢ ᱫᱚ ᱵᱟᱭ ᱴᱷᱤᱠ ᱜᱮᱭᱟ ᱾ ᱦᱤᱨᱤ ᱦᱤᱯᱤᱨᱤ ᱨᱮ ᱦᱤᱡᱩᱜ ᱥᱮᱱᱚᱜ ᱱᱟᱯᱟᱭ ᱨᱚᱲ ᱞᱟᱸᱫᱟ ᱠᱚ ᱧᱟᱢ ᱞᱮᱠᱷᱟᱱ ᱨᱟ.ᱥᱠᱟ. ᱢᱚᱱᱮ ᱛᱮᱠᱚ ᱦᱤᱡᱩᱜ ᱥᱮᱱᱚᱜ-ᱟ ᱾ ᱥᱟᱶᱛᱮ ᱦᱟᱱᱦᱟᱨ ᱦᱚᱧᱦᱟᱨ ᱦᱚᱸ ᱠᱤᱢᱤᱱ ᱪᱮᱛᱟᱱ ᱨᱮ ᱯᱟ.ᱛᱭᱟ.ᱣ ᱛᱟᱦᱮᱸᱱ ᱛᱟ.ᱠᱤᱱᱟ, ᱡᱮ ᱟ.ᱞᱤᱧ ᱞᱤᱧ ᱫᱟᱱᱟᱝ ᱞᱮᱱ ᱠᱷᱟᱱ ᱟ.ᱞᱤᱧ ᱨᱤᱱ ᱦᱚᱯᱚᱱ ᱮᱨᱟ ᱢᱤᱥᱨᱟ ᱫᱚ ᱱᱚᱶᱟ ᱚᱲᱟᱜ ᱨᱮ ᱦᱮᱥᱮᱡ ᱥᱮᱠᱮᱡ ᱠᱚ ᱟᱠᱚ ᱠᱩᱥᱤ ᱵᱟᱦᱟ ᱥᱚᱦᱨᱟᱭ ᱪᱷᱟᱰᱟ ᱦᱚᱸ ᱟᱠᱚ ᱠᱩᱥᱤ ᱠᱚ ᱦᱮᱡ ᱥᱮᱱ ᱫᱟᱲᱮᱭᱟᱜ-ᱟ ᱾ ᱜᱚᱨᱚᱵᱽ ᱦᱚᱸ ᱠᱚ ᱟ.ᱭᱠᱟ.ᱣᱟ, ᱟᱹᱞᱤᱧᱤᱡ ᱠᱤᱢᱤᱱ ᱫᱚ ᱵᱮᱵᱷᱟᱨ ᱛᱟᱭ ᱱᱟᱯᱟᱭ, ᱱᱚᱶᱟ ᱜᱮᱠᱚ ᱠᱷᱚᱡᱚᱜᱼᱟ ᱡᱟᱶᱟᱭ ᱠᱚᱲᱟ ᱨᱤᱱ ᱟᱭᱳ ᱵᱟᱵᱟ ᱫᱚ ᱾
ᱜᱟᱱᱚᱜ ᱜᱟᱯᱟᱱᱚᱜ ᱥᱟ.ᱜᱟ.ᱭ ᱥᱟᱞᱟᱜ ᱫᱚ ᱚᱱᱠᱟ ᱜᱮ ᱡᱚᱠᱷᱟ ᱡᱚᱠᱷᱟ ᱞᱟᱸᱫᱟ ᱞᱟᱯᱟᱱᱫᱟ ᱾ ᱟᱨ ᱢᱟᱨᱟᱝ ᱢᱟ.ᱱ ᱟᱱ ᱥᱟᱞᱟᱜ ᱦᱚᱸ ᱢᱟ.ᱱ ᱮᱢ ᱠᱟᱛᱮ ᱨᱚᱲ ᱫᱚ ᱱᱤᱦᱟ.ᱛᱤ ᱵᱟ.ᱦᱩ ᱠᱩᱲᱤᱭᱟᱜ ᱞᱟ.ᱠᱛᱤ ᱾ ᱟ.ᱛᱩ ᱚᱲᱟᱜ ᱠᱚᱨᱤᱱ ᱥᱟᱶ ᱦᱚᱸ ᱱᱟᱯᱟᱭ ᱛᱮ ᱨᱚᱲ ᱵᱮᱵᱷᱟᱨ ᱨᱮ ᱧᱩᱢ ᱞᱮᱠᱟ ᱜᱮ ᱫᱚᱦᱚ ᱫᱚ ᱩᱭᱦᱟ.ᱨ ᱨᱮᱵᱚᱱ ᱫᱚᱦᱚᱭ ᱢᱟ ᱾
ᱦᱟᱱᱦᱟᱨ ᱦᱚᱧᱦᱟᱨ ᱡᱚᱢ ᱧᱩ ᱨᱮ ᱫᱷᱮᱭᱟᱱ ᱟᱨ ᱨᱩᱣᱟ. ᱦᱟ.ᱥᱩ ᱠᱚᱨᱮ ᱡᱚᱛᱚᱱ ᱡᱚᱜᱟᱣ ᱫᱚ ᱟ.ᱲᱤᱥᱚᱜ ᱫᱚ ᱵᱟᱭ ᱴᱷᱤᱠᱼᱟ ᱾ ᱪᱮᱠᱟ ᱛᱮ ᱵᱟ.ᱭ ᱵᱟ.ᱭ ᱛᱮ ᱩᱢᱮᱨ ᱥᱟᱶᱛᱮ ᱱᱚᱶᱟ ᱫᱷᱟ.ᱨᱛᱤ ᱠᱷᱚᱱ ᱫᱟᱱᱟᱝ ᱚᱜ ᱨᱮᱱᱟᱜ ᱚᱠᱛᱚ ᱛᱟᱠᱚ ᱦᱚᱸ ᱦᱮᱡ ᱥᱩᱨ ᱤᱫᱤᱜ ᱞᱮᱠᱟ ᱚᱱᱟ ᱚᱠᱛᱚ ᱨᱮ ᱢᱚᱱᱮ ᱯᱮᱨᱮᱡ ᱫᱩᱠ ᱜᱩᱜᱩ ᱫᱚ ᱟᱞᱚ ᱦᱩᱭ ᱟᱠᱚ ᱢᱟ ᱾ ᱪᱮᱠᱟᱛᱮ ᱵᱟᱝ ᱢᱟ ᱟᱹᱠᱤᱱ ᱨᱤᱱ ᱦᱚᱯᱚᱱ ᱟᱛᱮ ᱜᱮ ᱚᱱᱟ ᱚᱲᱟᱜ ᱨᱤᱱᱤᱡ ᱵᱟ.ᱦᱩ ᱠᱩᱲᱤ ᱧᱩᱛᱩᱢ ᱛᱮᱜᱮ ᱵᱚ ᱧᱩᱡ ᱟᱠᱟᱱᱟ ᱾ ᱟᱨ ᱩᱱᱠᱤᱱᱤᱡ ᱦᱚᱯᱚᱱ ᱟᱛᱮ ᱜᱮ ᱱᱚᱶᱟ ᱚᱲᱟᱜ ᱨᱤᱱᱤᱡ ᱵᱟ.ᱦᱩ ᱮᱨᱟ ᱫᱚ ᱾
ᱴᱷᱟᱶ ᱟᱠᱟᱱ ᱠᱚ ᱡᱟᱶᱟᱭ ᱚᱲᱟᱜ ᱨᱤᱱ ᱦᱚᱯᱚᱱ ᱮᱨᱟ ᱦᱤᱨᱤ ᱦᱤᱡᱩᱜ ᱥᱮᱱᱚᱜ ᱨᱮ ᱡᱟᱦᱟᱸ ᱛᱤᱱᱟ.ᱜ ᱫᱤᱱ ᱠᱚ ᱛᱟᱦᱮᱸᱱᱟ ᱟᱞᱚ ᱠᱚ ᱟ.ᱲᱤᱥᱚᱜ ᱢᱟ ᱾ ᱚᱱᱠᱟ ᱵᱮᱵᱷᱟᱨ ᱫᱚ ᱵᱟᱵᱚᱱ ᱥᱟᱢᱟᱝ-ᱟ ᱾ ᱨᱩᱣᱟ.ᱲ ᱡᱚᱦᱚᱜ ᱢᱚᱱᱮ ᱨᱮ ᱫᱩᱠ ᱫᱚ ᱟᱞᱚ ᱠᱚ ᱤᱫᱤ ᱛᱟᱨᱟᱭ ᱢᱟ ᱾ ᱵᱤᱫᱟ.ᱭ ᱡᱚᱦᱚᱜ ᱱᱚᱶᱟ ᱦᱚᱸ ᱵᱚᱱ ᱢᱮᱛᱟ ᱠᱚᱢᱟ ᱟᱨ ᱛᱤᱥ ᱯᱮ ᱦᱤᱡᱩᱜ-ᱟ, ᱥᱚᱢᱚᱭ ᱧᱟᱢ ᱠᱟᱛᱮ ᱱᱚᱝᱠᱟ ᱜᱮ ᱧᱮᱞ ᱵᱟᱲᱟ ᱤᱫᱤ ᱞᱮᱯᱮ ᱾ ᱡᱚᱢ ᱧᱩ ᱨᱮᱱᱟᱜ ᱫᱚ ᱢᱟᱨᱟᱝ ᱠᱟᱛᱷᱟ ᱫᱚ ᱵᱟᱝ ᱠᱟᱱᱟ ᱵᱟ.ᱦᱩ ᱠᱩᱲᱤᱭᱟᱜ ᱵᱮᱵᱷᱟᱨ ᱜᱮ ᱥᱤᱵᱤᱞᱟ ᱿ ᱟᱭᱳ ᱵᱟᱵᱟ ᱚᱲᱟᱜ ᱨᱮᱫᱚ ᱱᱚᱶᱟ ᱠᱷᱚᱱ ᱵᱤᱥᱛᱤ ᱫᱚ ᱪᱮᱫ ᱦᱚᱸ ᱵᱟ.ᱱᱩᱜ-ᱟ ᱾ ᱜᱷᱟᱨᱚᱸᱡᱽ ᱨᱮ ᱥᱟᱱᱟᱢ ᱠᱩᱲᱤ ᱦᱚᱯᱚᱱᱟᱜ ᱱᱚᱝᱠᱟ ᱵᱮᱵᱷᱟᱨ ᱱᱤᱦᱟ.ᱛᱤ ᱞᱟ.ᱠᱛᱤ ᱛᱟᱵᱚᱱ ᱾
***
