ᱱᱚᱶᱟ ᱞᱮ-ᱞᱮᱝᱜᱮᱫ ᱫᱷᱟ.ᱨᱛᱤ ᱯᱩᱨᱤ ᱨᱮ ᱥᱤᱨᱡᱚᱱᱤᱭᱟ.ᱣᱟᱜ ᱥᱚᱨᱮᱥ ᱥᱤᱨᱤᱡᱽ ᱫᱚ “ᱢᱟ.ᱱᱢᱤ” ᱥᱤᱨᱤᱡᱽ ᱜᱮ ᱾ ᱫᱷᱟ.ᱨᱛᱤ ᱯᱩᱨᱤ ᱨᱮ ᱟᱭᱢᱟ ᱡᱤᱣᱤᱭᱟᱱ ᱠᱚ ᱢᱮᱱᱟᱜ ᱟᱠᱟᱫ ᱠᱚᱣᱟ, ᱡᱚᱛᱚ ᱡᱤᱵᱽ- ᱡᱤᱭᱟ.ᱞᱤ ᱜᱮ ᱜᱩᱱ ᱛᱮ ᱮᱱᱮᱢ ᱛᱮ ᱫᱷᱟ.ᱨᱛᱤᱯᱩᱨᱤ ᱥᱟᱡᱟᱣ ᱟᱠᱟᱱᱟ ᱾ ᱮᱱ ᱦᱚᱸ ᱢᱟ.ᱱᱢᱤ ᱡᱚᱱᱚᱢ ᱫᱚ ᱟ.ᱰᱤ ᱜᱮ ᱥᱚᱨᱮᱥ ᱜᱮᱭᱟ ᱾ ᱟᱪᱟᱨ- ᱵᱮᱵᱷᱟᱨ, ᱵᱩᱫᱷᱤ- ᱜᱮᱭᱟᱱ, ᱫᱷᱤ-ᱫᱟᱲᱮ ᱨᱚᱲ -ᱞᱟᱸᱫᱟ ᱥᱟᱱᱟᱢᱟᱜ ᱜᱮ ᱥᱤᱨᱡᱚᱱᱤᱭᱟᱜ ᱞᱟᱥᱟᱬᱦᱮᱫ ᱛᱷᱩᱢ ᱜᱮ ᱢᱮᱱᱟᱜ ᱟᱠᱟᱫ-ᱟ ᱾
ᱟᱭᱳ ᱦᱚᱲ ᱟᱨ ᱵᱟᱵᱟ ᱦᱚᱲᱟᱜ ᱠᱟ.ᱢᱤ ᱦᱚᱨᱟ ᱨᱮ ᱫᱚ ᱟᱭᱳ ᱦᱚᱲᱟᱜ ᱠᱟ.ᱢᱤ ᱦᱚᱨᱟ ᱫᱚ ᱟ.ᱰᱤ ᱚᱥᱟᱨ ᱟᱨ ᱜᱟ:ᱦᱤᱨ ᱜᱮᱭᱟ ᱾
ᱫᱷᱟ.ᱨᱛᱤ ᱨᱮᱱ ᱡᱤᱵᱽ ᱡᱤᱭᱟ.ᱞᱤ ᱟᱭᱳ ᱦᱚᱲ ᱠᱚ ᱦᱚᱸ ᱟᱠᱚᱣᱟᱜ ᱜᱷᱟᱨᱚᱸᱡᱽ ᱦᱚᱱ ᱠᱚ ᱞᱟ.ᱜᱤᱫ ᱟ.ᱰᱤ ᱡᱚᱛᱚᱱ ᱟᱨ ᱛᱩᱱᱠᱷᱤ ᱨᱮᱠᱚ ᱛᱟᱦᱮᱸᱱᱟ ᱾ ᱦᱚᱲ ᱦᱚᱯᱚᱱᱟᱜ ᱡᱤᱭᱚᱱ ᱟᱨ ᱟᱺᱜᱤᱵᱷᱟᱨ ᱫᱚ ᱟ.ᱰᱤ ᱜᱮ ᱚᱥᱟᱨᱟ ᱾ ᱡᱮᱞᱮᱠᱟ ᱢᱤᱫ ᱟᱭᱳ ᱦᱚᱲᱟᱜ ᱠᱟ.ᱢᱤ ᱦᱚᱨᱟ ᱫᱚ ᱵᱮᱨ ᱟ.ᱣᱨᱤ ᱨᱟᱠᱟᱵ ᱠᱷᱚᱱ ᱜᱮ ᱮᱦᱚᱵᱚᱜ ᱛᱟᱭᱟ ᱾ ᱪᱷᱚᱸᱪ- ᱪᱷᱚᱲᱟ, ᱜᱮᱡ- ᱜᱩᱨᱤᱡ, ᱤᱥᱤᱱ-ᱵᱟᱥᱟᱝ ᱮᱢᱟᱱ ᱠᱟ.ᱢᱤ ᱟᱨ ᱵᱮᱨ ᱦᱟᱺᱥᱩᱨ ᱡᱚᱛᱚ ᱠᱷᱚᱱ ᱯᱚᱞᱚᱢ ᱛᱮ ᱡᱟ.ᱯᱤᱫᱟᱭ ᱞᱚᱴᱟ ᱵᱟ.ᱴᱤ ᱥᱟᱢᱴᱟᱣ ᱯᱚᱨᱮ ᱜᱮ ᱾ ᱡᱟᱦᱟᱸᱭ ᱟᱭᱳ ᱦᱚᱲ ᱵᱟᱦᱨᱮ ᱠᱟᱹᱢᱤ ᱥᱮᱱᱚᱜ ᱠᱟᱱᱟᱭ ᱤᱥᱤᱱ ᱵᱟᱥᱟᱝ ᱜᱤᱫᱽᱨᱟ. ᱥᱟᱯᱲᱟᱣ ᱥᱟ.ᱛ ᱠᱟᱛᱮ ᱜᱮ ᱥᱮᱱᱚᱜ ᱠᱟᱱᱟᱭ ᱾
ᱟ.ᱛᱩ ᱚᱲᱟᱜ ᱨᱤᱱ ᱟᱭᱳ ᱦᱚᱲ ᱦᱚᱸ ᱚᱲᱟᱜ ᱠᱟ.ᱢᱤ ᱥᱟ.ᱛ ᱠᱟᱛᱮ ᱜᱮ ᱪᱟᱥ ᱠᱟ.ᱢᱤ ᱥᱮ ᱥᱟᱦᱟᱱ ᱫᱤᱯᱤᱞ, ᱥᱟᱠᱟᱢ, ᱫᱟ.ᱛᱟ.ᱱᱤ, ᱫᱩᱠᱷᱢᱟ. ᱛᱮ ᱥᱮᱱᱚᱜ ᱠᱟᱱᱟᱭ ᱾ ᱪᱟᱥ ᱠᱟ.ᱢᱤ ᱠᱷᱚᱱ ᱨᱩᱣᱟ.ᱲ ᱠᱟᱛᱮ ᱫᱟᱜ ᱞᱩ ᱤᱥᱤᱱ ᱵᱟᱥᱟᱝ, ᱡᱚᱛᱚ ᱠᱚ ᱡᱚᱢ ᱚᱪᱚ ᱠᱚᱣᱟᱭ, ᱟᱡ ᱮ ᱡᱚᱢᱟ, ᱞᱚᱴᱟ, ᱵᱟ.ᱴᱤᱭ ᱥᱟ.ᱶᱛᱤᱭᱟ ᱛᱚᱵᱮ ᱠᱟᱛᱮᱫ ᱡᱟ.ᱯᱤᱫ ᱡᱤᱨᱟ.ᱣᱚᱜ-ᱟᱭ ᱾ ᱢᱤᱫ ᱟᱭᱳ ᱦᱚᱲᱟᱜ ᱱᱚᱶᱟ ᱫᱚ ᱫᱤᱱᱟ.ᱢ ᱠᱟ.ᱢᱤ ᱠᱟᱱᱟ ᱾ ᱟᱭᱳ ᱠᱩᱠᱷᱤ ᱠᱷᱚᱱ ᱡᱚᱱᱚᱢ ᱵᱟᱞᱮ ᱵᱮᱠᱮᱨ ᱪᱚᱜ ᱪᱮᱨᱮᱡ ᱛᱤᱱᱟ.ᱜ ᱡᱚᱛᱚᱱ ᱫᱩᱞᱟ.ᱲ ᱛᱮ ᱦᱟᱨᱟ ᱮᱭᱟᱭ ᱥᱤᱠᱷᱱᱟ.ᱛ ᱮᱢᱟᱭᱟᱭ, ᱥᱮᱭᱟᱱ – ᱜᱮᱭᱟᱱᱚᱜ ᱟᱨ ᱢᱟᱨᱟᱝ ᱦᱚᱲ ᱵᱮᱱᱟᱣᱜ ᱨᱮᱱᱟᱜ ᱮ ᱠᱩᱨᱩᱢᱩᱴᱩᱭᱟ ᱾ ᱛᱤᱱᱟ.ᱜ ᱫᱩᱞᱟ.ᱲ, ᱡᱚᱛᱚᱱ ᱛᱮ ᱦᱟᱨᱟ ᱵᱩᱨᱩ ᱟᱠᱟᱱᱟᱭ ᱢᱤᱫ ᱫᱤᱱ ᱡᱟᱶᱟᱭ ᱚᱲᱟᱜ ᱢᱟ ᱥᱮᱱᱚᱜ ᱦᱩᱭᱩᱜ ᱜᱮᱭᱟ ᱾ ᱡᱟᱶᱟᱭ ᱚᱲᱟᱜ ᱨᱮᱱ ᱟᱭᱳ ᱥᱟ.ᱜᱩᱱ ᱞᱚᱴᱟ ᱫᱟᱜ ᱛᱮ ᱟᱛᱟᱝ ᱫᱟᱨᱟᱢ ᱮᱭᱟᱭ ᱱᱟᱶᱟ ᱵᱟ.ᱦᱩ ᱾ ᱛᱷᱟ.ᱨᱤ ᱨᱮ ᱟᱫᱽᱣᱟ ᱪᱟᱣᱞᱮ, ᱫᱷᱩᱵᱤ ᱛᱟᱥᱟᱫ ᱥᱩᱞᱛᱟ. ᱵᱟ.ᱛᱤ ᱪᱩᱢᱟ.ᱣᱲᱟ, ᱚᱡᱚᱜ ᱮᱭᱟᱭ ᱥᱩᱱᱩᱢ ᱥᱟᱥᱟᱝ, ᱡᱟᱸᱜᱟ ᱟ.ᱨᱩᱵ ᱠᱟᱛᱮ ᱚᱲᱟᱜ ᱛᱮ ᱟᱫᱮᱨ ᱮᱭᱟᱭ ᱛᱤᱱᱟ.ᱜ ᱱᱟᱯᱟᱭ ᱟ.ᱨᱤ-ᱪᱟ.ᱞᱤ ᱵᱚᱸᱜᱟ ᱞᱮᱠᱟ ᱜᱮ ᱛᱤᱱᱟ.ᱜ ᱟᱫᱚᱨ ᱟᱨ ᱢᱟ.ᱱ ᱟᱛᱮ ᱾ ᱟᱭᱳ ᱦᱚᱸ ᱵᱟ.ᱦᱩ ᱠᱤᱢᱤᱱ ᱜᱮ ᱛᱟᱦᱮᱸ ᱠᱟᱱᱟᱭ ᱱᱤᱛᱚᱜ ᱫᱚ ᱟᱭᱳ ᱟᱠᱟᱱᱟᱭ ᱾ ᱛᱮᱦᱮᱧ ᱠᱷᱚᱱ ᱜᱮ ᱜᱷᱟᱨᱚᱸᱡᱽ ᱨᱮᱱᱟᱜ ᱟᱺᱜᱤᱵᱷᱟᱨ ᱫᱚ ᱵᱟ.ᱦᱩ ᱠᱤᱢᱤᱱᱟᱜ ᱜᱮ ᱾
ᱡᱟᱶᱟᱭ ᱚᱲᱟᱜ ᱜᱮ ᱱᱤᱡᱮᱨ ᱚᱲᱟᱜ ᱾ ᱥᱟ.ᱜᱩᱱ ᱞᱚᱴᱟ ᱫᱟᱜ ᱛᱮ ᱯᱮᱲᱟ ᱯᱨᱚᱵᱷᱩᱭ ᱫᱟᱨᱟᱢ ᱠᱚᱣᱟ ᱾ ᱟᱭᱳ -ᱵᱟᱵᱟ ᱡᱚᱛᱚᱱ ᱡᱚᱜᱟᱣ, ᱵᱚᱸᱜᱟ -ᱵᱳᱨᱳ ᱥᱮᱵᱟ ᱫᱮᱵᱟ, ᱥᱟᱶᱛᱟ ᱠᱟ.ᱢᱤ ᱨᱮ ᱥᱮᱞᱮᱫᱚᱜ ᱪᱷᱟ.ᱴᱭᱟ.ᱨ ᱨᱮ, ᱵᱟᱯᱞᱟ ᱨᱮ, ᱯᱚᱨᱚᱵᱽ-ᱯᱩᱱᱟ.ᱭ, ᱟᱭᱳ ᱦᱚᱲᱟᱜ ᱜᱮ ᱡᱟ.ᱥᱛᱤ ᱠᱟ.ᱢᱤ ᱛᱟᱦᱮᱸᱱᱟ ᱟᱨ ᱠᱚ ᱛᱚᱨᱟᱣᱟ ᱾ ᱟᱭᱳ ᱦᱚᱲ ᱜᱮ ᱜᱷᱟᱨᱚ’ᱡᱽ ᱞᱟ.ᱣᱲᱤᱭᱟ. ᱫᱚ ᱾ ᱥᱟᱱᱟᱢ ᱟᱭᱳ ᱦᱚᱲ ᱜᱮ ᱥᱤᱠᱷᱱᱟ.ᱛ ᱟ.ᱰᱤ ᱜᱮ ᱞᱟ.ᱠᱛᱤᱭᱟ ᱾ ᱢᱤᱫ ᱟᱭᱳ ᱦᱚᱱ ᱥᱤᱠᱷᱱᱟ.ᱛᱮ ᱛᱟᱦᱮᱸᱱ ᱠᱷᱟᱱ ᱵᱟᱨᱭᱟ ᱜᱷᱟᱨᱚᱸᱡᱽ ᱮ ᱥᱤᱠᱷᱱᱟᱹᱛᱚᱜ-ᱟ ᱾ ᱵᱟᱨᱭᱟ ᱜᱷᱟᱨᱚᱸᱡᱽ ᱮ ᱛᱚᱞ ᱫᱚᱦᱚᱭᱟ ᱾ ᱚᱲᱟᱜ ᱥᱮᱪᱮᱫ ᱞᱮᱱᱞᱷᱟᱱ ᱥᱟᱶᱛᱟ ᱥᱮᱪᱮᱚᱜ-ᱟ ᱾ ᱟ.ᱱ-ᱟ.ᱨᱤ, ᱨᱟᱡᱽᱟ.ᱨᱤ ᱦᱚᱸ ᱵᱟᱲᱟᱭ ᱡᱚᱝ ᱟ.ᱰᱤ ᱜᱮ ᱞᱟ.ᱠᱛᱤᱜ ᱠᱟᱱᱟ ᱱᱤᱛᱚᱜ ᱚᱠᱛᱚ ᱨᱮ ᱾ ᱚᱲᱟᱜ ᱠᱟ.ᱢᱤ ᱥᱮ ᱤᱥᱤᱱ ᱵᱟᱥᱟᱝ ᱥᱩᱢᱩᱝ ᱨᱮᱜᱮ ᱫᱚᱦᱚ ᱠᱟᱠᱚ ᱫᱚ ᱵᱟᱭ ᱵᱮᱥᱚᱜ-ᱟ ᱾
ᱤᱥᱤᱱ ᱵᱟᱥᱟᱝ ᱥᱟᱶᱛᱮ ᱟᱭᱳ ᱦᱚᱲ ᱴᱷᱮᱱ ᱢᱤᱫᱴᱟ.ᱝ note book ᱛᱟᱦᱮᱸᱱ ᱢᱟᱜᱮ ᱵᱟᱲᱮ ᱾ ᱚᱱᱚᱞ ᱛᱟᱞᱟᱛᱮ ᱠᱩᱫᱩᱢ, ᱠᱟ.ᱦᱱᱤ, ᱥᱮᱨᱮᱧ, ᱵᱷᱮᱱᱛᱟ ᱠᱟᱛᱷᱟ ᱟᱨ ᱦᱚᱸ ᱮᱢᱟᱱ ᱠᱚ ᱚᱞ ᱫᱚᱦᱚ ᱟ.ᱰᱤ ᱜᱮ ᱞᱟ.ᱠᱛᱤᱜ ᱠᱟᱱᱟ ᱾ ᱯᱟᱪᱷᱮ ᱚᱠᱚᱭ ᱪᱚ ᱛᱟᱭᱚᱢ ᱵᱤᱫᱟ.ᱞ ᱛᱤᱱᱟᱹᱜ ᱪᱚᱭ ᱞᱟ.ᱠᱛᱤᱜ ᱾ ᱟᱭᱳ ᱦᱚᱲ ᱟᱨ ᱵᱟᱵᱟ ᱦᱚᱲ ᱥᱤᱠᱷᱱᱟ.ᱛᱚᱜ ᱟᱨ ᱥᱟᱶᱛᱟ ᱞᱟᱦᱟᱭ ᱨᱮ ᱜᱚᱲᱚ ᱜᱚᱯᱚᱲᱚ ᱟᱱᱛᱮ ᱞᱟᱦᱟᱜ ᱜᱮ ᱞᱟ.ᱠᱛᱤᱜ ᱠᱟᱱᱟ ᱾
***
