ᱯᱮ ᱯᱮᱭᱟ ᱜᱤᱫᱽᱨᱟᱹ ᱠᱤᱱ ᱴᱩᱣᱟ.ᱨ ᱦᱚᱴᱚ ᱠᱟᱫ ᱠᱤᱱᱟ ᱾ ᱥᱟᱠᱨᱚ ᱟᱨ ᱥᱤᱫᱟ.ᱢ ᱾ ᱥᱮᱨᱢᱟ ᱟ.ᱣᱨᱤ ᱟ.ᱪᱩᱨ ᱛᱮᱜᱮ ᱵᱟᱱᱟ ᱦᱚᱲ ᱠᱤᱱ ᱵᱚᱸᱜᱟᱭᱮᱱᱟ ᱾ ᱠᱟ.ᱴᱤᱡ ᱠᱟ.ᱴᱤᱡ ᱜᱤᱫᱽᱨᱟᱹ, ᱦᱩᱰᱤᱧ ᱩᱛᱟ.ᱨᱤᱡ ᱫᱚ ᱮᱱᱮᱜᱮᱭ ᱚᱸᱵᱟᱜ ᱡᱟᱯᱟᱜ ᱠᱟᱱᱟ ᱾
ᱦᱚᱲ ᱠᱚᱦᱚᱸ ᱠᱚ ᱢᱮᱱ ᱜᱮᱭᱟ ᱫᱟᱭᱟ ᱜᱮ ᱢᱟᱥᱮ ᱵᱟᱱᱟ ᱦᱚᱲ ᱵᱤᱱ ᱪᱟᱞᱟᱣ ᱮᱱᱟ, ᱪᱟᱸᱫᱚ ᱦᱚᱸ ᱱᱩᱱᱟ.ᱜ ᱜᱮᱢ ᱱᱤᱨᱢᱟᱭᱟ ᱮᱱ ᱫᱚ !
ᱵᱷᱟᱸᱰᱟᱱ ᱪᱷᱩᱛ ᱠᱚ ᱜᱩᱥᱴᱤ ᱜᱮᱠᱚ ᱠᱟ.ᱢᱤ ᱠᱟᱫᱟ ᱵᱟᱝᱠᱷᱟᱱ ᱱᱟᱦᱟᱜ ᱪᱷᱩᱛ ᱨᱮᱜᱮ ᱛᱟᱦᱮᱸᱱ ᱦᱩᱭᱩᱜ ᱫᱚ ᱾ ᱚᱱᱠᱟ ᱜᱚᱲᱚ ᱜᱚᱯᱚᱲ ᱛᱮᱜᱮ ᱠᱚ ᱠᱟ.ᱢᱤ ᱠᱟᱫᱼᱟ ᱾
ᱱᱤᱛ ᱫᱚ ᱱᱩᱠᱩ ᱜᱤᱫᱽᱨᱟᱹ ᱟᱜ ᱫᱟᱭᱵᱷᱟᱨ ᱫᱚ ᱚᱠᱚᱭᱮ ᱦᱟᱛᱟᱣᱟ ᱾ ᱡᱟᱨᱣᱟ ᱮᱱᱟ ᱠᱚ ᱟ.ᱛᱩ ᱦᱚᱲ ᱾ ᱥᱤᱫᱟ.ᱢ ᱟᱡ ᱢᱟᱨᱟᱝ ᱵᱚᱭᱦᱟ ᱠᱚ ᱢᱮᱛᱟᱫ ᱫᱮᱭᱟ ᱱᱩᱠᱩ ᱢᱟ ᱟᱯᱮ ᱨᱤᱱ ᱜᱤᱫᱽᱨᱟ. ᱜᱮ ᱛᱚᱵᱮ ᱟᱢ ᱴᱷᱮᱱ ᱜᱮᱠᱚ ᱛᱟᱦᱮᱸ ᱚᱪᱚᱱ ᱾
ᱱᱟᱪᱟᱨ ᱦᱚᱲ,ᱫᱟᱫᱟᱛ ᱛᱟᱭ ᱮ ᱢᱮᱱ ᱠᱮᱫᱟ, ᱵᱷᱟ.ᱜᱤ ᱜᱮ ᱠᱟᱛᱷᱟ ᱢᱟ, ᱤᱠᱷᱟ.ᱱ ᱤᱧᱟᱜ ᱜᱷᱟᱨᱚᱸᱡᱽ ᱨᱮᱱᱟᱜ ᱠᱟᱛᱷᱟ ᱢᱟᱯᱮ ᱵᱟᱰᱟᱭ ᱜᱮ ᱤᱧ ᱨᱤᱱ ᱜᱤᱫᱽᱨᱟ. ᱜᱮ ᱵᱮᱥ ᱛᱮ ᱡᱚᱢᱟᱜ ᱵᱟ.ᱧ ᱮᱢ ᱫᱟᱲᱮᱭᱟ ᱠᱚ ᱠᱟᱱᱟ ᱾ ᱱᱩᱠᱩᱧ ᱫᱚᱦᱚ ᱞᱮᱠᱚ ᱠᱷᱟᱱ ᱡᱚᱛᱚ ᱜᱤᱫᱽᱨᱟ. ᱜᱮᱧ ᱦᱟᱨᱠᱮᱛ ᱠᱚᱣᱟ ᱾
ᱟᱯᱮ ᱟ.ᱛᱩ ᱦᱚᱲ ᱜᱮ ᱠᱩᱲᱟ.ᱣ ᱟᱱᱴᱟᱣᱜ ᱠᱚᱜᱮ ᱱᱚᱣᱟ ᱫᱚ ᱫᱷᱚᱨᱢᱚ ᱠᱟ.ᱢᱤ ᱠᱟᱜ ᱯᱮ ᱾
ᱠᱟᱛᱷᱟ ᱢᱟ ᱥᱟ.ᱨᱤ ᱜᱮ, ᱵᱚᱭᱦᱟ ᱨᱤᱱ ᱜᱤᱫᱽᱨᱟᱹ ᱦᱚᱸ ᱟᱡ ᱨᱤᱱ ᱜᱮ ᱾ ᱢᱮᱱᱠᱷᱟᱱ ᱩᱯᱟ.ᱭ ᱢᱟ ᱵᱟ.ᱱᱩᱜ ᱾ ᱡᱟᱦᱟᱸ ᱞᱮᱠᱟᱜᱮ ᱟᱡ ᱜᱮ ᱠᱚᱨᱚᱡ ᱢᱚᱴᱚᱡ ᱛᱮᱭ ᱪᱟᱞᱟᱣ ᱮᱫᱟ, ᱱᱟᱞᱦᱟ ᱵᱟᱝᱠᱷᱟᱱ ᱥᱮᱸᱜᱮᱞ ᱵᱟᱝ ᱡᱩᱞᱩᱜ-ᱟ ᱾ ᱟᱨ ᱦᱚᱸ ᱱᱩᱠᱩ ᱡᱚᱢᱟᱜ ᱵᱟ.ᱧ ᱮᱢ ᱫᱟᱲᱮᱭᱟᱠᱚ ᱠᱷᱟᱱ ᱟ.ᱛᱩ ᱦᱚᱲ ᱜᱮᱠᱚ ᱫᱚᱥᱮᱭᱟ ᱾
ᱟ.ᱛᱩ ᱦᱚᱲ ᱦᱚᱸᱠᱚ ᱵᱟᱰᱟᱭ ᱜᱮᱭᱟ ᱮᱱ ᱨᱮᱦᱚᱸ ᱟᱠᱚ ᱚᱲᱟᱜ ᱨᱤᱱ ᱜᱤᱫᱽᱨᱟᱹ ᱢᱟ.ᱡᱷᱤ ᱢᱟ ᱡᱤᱢᱵᱟ. ᱟᱭ ᱜᱮ ᱾
ᱢᱩᱪᱟ.ᱫ ᱫᱚ ᱥᱤᱫᱟ.ᱢ ᱛᱟᱠᱚ ᱨᱤᱱ ᱜᱮ ᱜᱩᱥᱴᱤ ᱪᱟ.ᱣᱠᱤᱫᱟᱨ ᱦᱟᱲᱟᱢ ᱟᱨ ᱵᱩᱰᱷᱤ ᱠᱚ ᱢᱮᱛᱟᱫ ᱠᱤᱱᱟ, ᱥᱟ.ᱜᱟ.ᱭ ᱛᱮᱫᱚ ᱥᱤᱫᱟ.ᱢ ᱫᱚᱭ ᱦᱚᱯᱚᱱ ᱵᱟ ᱦᱚᱯᱚᱱ ᱟᱭᱳ ᱠᱤᱱ ᱦᱩᱭᱩᱜ-ᱟ ᱾ ᱡᱚᱢᱟᱜ ᱧᱩᱣᱟᱜ ᱛᱮᱫᱚ ᱠᱚ ᱠᱩᱲᱟ.ᱣ ᱟᱱᱴᱟᱣᱜ ᱜᱮᱭᱟ ᱾ ᱪᱟ.ᱣᱠᱤᱫᱟᱨ ᱦᱟᱲᱟᱢᱟᱜ ᱦᱚᱸ ᱠᱟ.ᱢᱤ ᱢᱮᱱᱟᱜ ᱜᱮ ᱛᱟᱭᱟ ᱾ ᱫᱚᱦᱚ ᱠᱮᱫ ᱠᱚᱣᱟ ᱠᱤᱱ, ᱚᱸᱰᱮ ᱜᱮᱠᱚ ᱛᱟᱦᱮᱸᱭᱮᱱᱟ ᱾ ᱦᱟᱞᱟᱝ ᱨᱟᱠᱟᱵ ᱠᱮᱫ ᱠᱚᱣᱟᱭ ᱥᱤᱫᱟ.ᱢ ᱵᱩᱰᱷᱤ ᱾
ᱢᱟᱨᱟᱝ ᱠᱤᱱ ᱫᱚ ᱤᱱᱠᱟ. ᱦᱟᱱᱟ ᱱᱟᱶᱟ ᱵᱟᱛᱞᱟᱣ ᱟ.ᱠᱤᱱ ᱠᱷᱟᱱ ᱪᱷᱩᱴᱟᱹᱣᱜ ᱠᱤᱱ ᱜᱟᱱ ᱟᱠᱟᱱᱟ ᱾ ᱚᱱᱟᱛᱮ ᱢᱮᱨᱚᱢ ᱜᱩᱯᱤ ᱠᱚᱭ ᱵᱷᱮᱡᱟ ᱵᱟᱲᱟ ᱠᱤᱱᱟ, ᱜᱩᱯᱤ ᱦᱚᱲ ᱢᱟᱭ ᱧᱟᱢ ᱠᱮᱫ ᱠᱚᱣᱟ ᱟᱨ ᱦᱚᱸ ᱢᱮᱨᱟᱢ ᱠᱚᱭ ᱠᱤᱨᱤᱧ ᱠᱮᱫ ᱠᱚᱣᱟ ᱾ ᱢᱟᱨᱟᱝ ᱤᱡ ᱫᱚ ᱠᱩᱲᱤ ᱜᱩᱫᱽᱨᱟ. ᱵᱟᱦᱨᱮ ᱠᱟ.ᱢᱤ ᱠᱚᱭ ᱜᱟᱱ ᱮᱱ ᱠᱷᱟᱱ ᱢᱟᱭ ᱱᱟᱯᱟᱭ ᱮᱱ ᱪᱟ.ᱣᱠᱤᱫᱟᱨ ᱵᱩᱰᱷᱤ ᱢᱟ ᱾ ᱥᱟᱨᱟ ᱫᱤᱱ ᱠᱟ.ᱢᱤ ᱟᱨ ᱠᱟ.ᱢᱤ ᱟᱥᱟᱲ ᱟᱜᱷᱷᱟᱬ ᱢᱩᱞᱤᱭᱟᱹ ᱜᱮ ᱵᱟᱭ ᱟ.ᱪᱩ ᱠᱚᱣᱟ ᱾ ᱤᱱᱟ.ᱜ ᱛᱮ ᱦᱩᱰᱤᱧ ᱩᱛᱟ.ᱨᱤᱡ ᱫᱚ ᱜᱩᱯᱤᱭ ᱜᱟᱱ ᱮᱱ ᱠᱷᱟᱱ ᱢᱟ ᱱᱩᱠᱩ ᱟᱛᱮ ᱜᱮᱭ ᱠᱟ.ᱢᱤ ᱨᱟᱠᱟᱵᱟ ᱾ ᱟ.ᱛᱩ ᱦᱚᱲ ᱦᱚᱸᱠᱚ ᱢᱮᱱ ᱜᱮᱭᱟ ᱫᱟᱭᱟ ᱜᱮᱭ ᱠᱟ.ᱢᱤ ᱚᱪᱚ ᱠᱚᱫᱚ ᱥᱮᱛᱟᱜ ᱠᱷᱚᱸ ᱵᱮᱲᱟ ᱦᱟᱺᱥᱩᱨ ᱴᱩᱣᱟ.ᱨ ᱢᱮᱱᱛᱮ ᱱᱚᱝᱠᱟᱢ ᱠᱷᱟᱴᱟᱣ ᱠᱚᱣᱟ ᱾ ᱵᱩᱡᱷᱟ.ᱣ ᱜᱮᱭᱟ ᱠᱚ ᱜᱤᱫᱽᱨᱟ. ᱦᱚᱸ ᱪᱮᱫ ᱟᱫᱚ ᱠᱚ ᱢᱮᱱᱟ ᱾ ᱚᱠᱟᱛᱮ ᱵᱟᱠᱚ ᱥᱮᱱᱚᱜ? ᱚᱠᱚᱭ ᱴᱷᱮᱱ ᱵᱟᱠᱚ ᱞᱟᱹᱭ ᱛᱟᱠᱚᱣᱟ ᱫᱩᱠ ᱫᱚ ᱾
ᱪᱟ.ᱣᱠᱤᱫᱟᱨ ᱵᱩᱰᱷᱤ ᱠᱟ.ᱢᱤ ᱪᱷᱟᱰᱟ ᱠᱟᱛᱮ ᱪᱮᱫ ᱜᱮ ᱵᱟᱭ ᱵᱩᱡᱷᱟ.ᱣᱟ ᱾ ᱦᱚᱯᱚᱱ ᱠᱤᱢᱤᱱ ᱥᱟᱞᱟᱜ ᱦᱚᱸ ᱵᱟᱭ ᱯᱚᱴᱟᱣᱜ ᱜᱮᱭᱟ ᱾ ᱦᱳᱲᱳ ᱪᱟᱣᱞᱮ ᱛᱮᱭ ᱪᱩᱴᱟᱹᱣ ᱟᱠᱟᱱᱟ ᱾ ᱟ.ᱭᱩᱵ ᱫᱟᱠᱟ ᱦᱚᱸ ᱚᱠᱟ ᱫᱤᱱ ᱠᱚᱨᱮ ᱵᱟᱝ ᱡᱚᱢ ᱠᱟᱛᱮ ᱜᱮᱠᱚ ᱡᱟ.ᱯᱤᱫ ᱜᱚᱫᱟ ᱾ ᱚᱱᱠᱟ ᱜᱮᱭ ᱪᱚᱸᱫᱟᱭ ᱫᱚ ᱾ ᱟᱸᱬᱜᱟᱛ ᱨᱮᱢ ᱪᱚᱸᱫᱟᱭ ᱨᱮᱥᱮ ᱾ ᱜᱤᱫᱽᱨᱟ. ᱦᱚᱲ ᱥᱟᱨᱟ ᱫᱤᱱ ᱠᱷᱟᱴᱟᱣ ᱞᱟᱸᱜᱟ ᱛᱮ ᱡᱟ.ᱯᱤᱫ ᱜᱚᱫᱟ ᱠᱚ ᱵᱮᱪᱟᱨᱤ ᱾
ᱚᱠᱚᱭ ᱦᱚᱸ ᱵᱷᱚᱨᱥᱟ ᱵᱟᱠᱚ ᱧᱟᱢᱟ ᱱᱚᱣᱟ ᱠᱚ ᱠᱟᱛᱷᱟ ᱪᱟ.ᱣᱠᱤᱫᱟᱨ ᱵᱩᱰᱷᱤ ᱠᱚ ᱢᱮᱛᱟᱭᱟ ᱾ ᱤᱱᱠᱟ. ᱛᱮᱜᱮ ᱦᱟᱨᱟᱭᱮᱱᱟᱜ ᱾ ᱱᱤᱛ ᱫᱚ ᱢᱟᱨᱟᱝ ᱠᱤᱱ ᱫᱚ ᱟ.ᱠᱤᱱ ᱛᱮᱜᱮ ᱠᱤᱱ ᱵᱟᱯᱞᱟ ᱮᱱᱟ ᱾ ᱥᱚᱨᱠᱟᱨ ᱵᱮᱱᱟᱣ ᱚᱲᱟᱜ ᱤᱱᱫᱽᱨᱟ ᱟᱵᱟᱥ ᱠᱚ ᱧᱟᱢ ᱟᱠᱟᱫᱟ ᱾ ᱚᱸᱰᱮ ᱜᱮ ᱵᱷᱮᱜᱟᱨ ᱨᱮ ᱢᱮᱱᱟᱜ ᱠᱚᱣᱟ ᱾
ᱪᱟ.ᱣᱠᱤᱫᱟᱨ ᱵᱩᱰᱷᱤ ᱫᱷᱚᱨᱚᱢ ᱨᱮᱱᱟᱜ ᱫᱚᱭ ᱠᱟ.ᱢᱤ ᱠᱮᱫᱼᱟ ᱱᱚᱝᱠᱟᱱ ᱫᱚᱥᱟ ᱠᱷᱚᱱᱮ ᱟᱸᱡᱽᱞᱮ ᱨᱟᱠᱟᱵ ᱠᱮᱫ ᱠᱚᱣᱟ, ᱤᱠᱷᱟ.ᱱ ᱚᱞ ᱞᱟ.ᱜᱤᱫ ᱫᱚ ᱤᱥᱠᱩᱞ ᱫᱚ ᱵᱟᱭ ᱵᱷᱮᱡᱟ ᱞᱮᱫ ᱠᱚᱣᱟ ᱾ ᱟ.ᱰᱤ ᱦᱚᱲ ᱜᱮᱠᱚ ᱢᱮᱛᱟᱫ ᱫᱮ ᱛᱟᱸᱦᱮᱱ ᱠᱷᱚᱨᱪᱟ ᱟᱞᱚᱢ ᱩᱭᱦᱟ ᱟᱞᱮ ᱞᱮ ᱮᱢᱚᱜᱼᱟ ᱚᱞ ᱯᱟᱲᱦᱟᱣ ᱨᱮᱱᱟᱜ ᱫᱚ ᱾ ᱢᱮᱱ ᱞᱮᱫ ᱟᱭ ᱩᱱ ᱨᱮ ᱤᱥᱠᱩᱞ ᱠᱚ ᱪᱟᱞᱟᱜ ᱠᱷᱟᱱ ᱢᱮᱨᱚᱢ ᱰᱟᱺᱜᱽᱨᱤ ᱚᱠᱚᱭ ᱮ ᱜᱩᱯᱤ ᱠᱚᱣᱟ?
ᱪᱟ.ᱣᱠᱤᱫᱟᱨ ᱵᱩᱰᱷᱤ ᱫᱚ ᱟᱡᱟᱜ ᱠᱟ.ᱢᱤ ᱨᱟᱠᱟᱵ ᱜᱮᱭ ᱫᱚᱦᱚ ᱞᱮᱫ ᱠᱚᱣᱟ ᱾ ᱜᱚᱨᱚᱡᱽ ᱫᱩᱞᱟ.ᱲ ᱫᱚ ᱵᱟᱝ ᱜᱮ ᱯᱟᱞᱮᱱ ᱾
