ᱪᱟᱹᱛ ᱵᱟ.ᱭᱥᱟᱹᱠ ᱪᱟᱨᱟᱴ ᱥᱤᱛᱩᱝ
ᱠᱩᱦᱩ- ᱠᱩᱦᱩ ᱠᱩᱭᱞᱤ ᱪᱮᱬᱮ
ᱢᱚᱱᱮ ᱡᱤᱣᱤ ᱡᱤᱭᱟ.ᱲ ᱾
ᱟᱥᱟᱲ ᱥᱟᱱ ᱵᱚᱸᱜᱟ ᱡᱟᱨᱜᱮ ᱡᱟᱹᱯᱩᱫ
ᱜᱚᱸᱜᱷᱟ ᱠᱟᱴᱠᱚᱢ ᱦᱟ.ᱠᱩ ᱨᱟᱥᱮ
ᱥᱤᱵᱤᱞ ᱥᱚᱲᱚᱢ ᱢᱮᱥᱟ ᱡᱚᱡᱚ ᱱᱟᱥᱮ ᱾
ᱵᱩᱨᱩ ᱞᱚᱯᱟᱜ ᱥᱚᱰᱚᱜ-ᱥᱚᱠᱲᱟ
ᱵᱟ.ᱨᱩ ᱵᱟ.ᱭᱦᱟ.ᱲ ᱥᱟᱡᱟᱣ ᱟᱠᱟᱱ
ᱦᱳᱲᱳ ᱜᱮᱞᱮ ᱞᱤᱰᱩᱨ ᱟᱠᱟᱱ ᱾
ᱥᱟᱥᱟᱝ ᱥᱟ.ᱲᱤ ᱛᱮ,
ᱵᱟᱸᱫᱮ ᱥᱟᱡᱟᱣ ᱟᱠᱟᱱ ᱞᱮᱠᱟ ᱾
ᱥᱤᱧ ᱪᱟᱸᱫᱚ ᱛᱟᱨᱟᱥ ᱛᱮ,
ᱧᱮᱞᱚᱜ ᱥᱮᱯᱮᱧ ᱥᱚᱱᱟ ᱛᱷᱟ.ᱨᱤ ᱞᱮᱠᱟ ᱾
ᱪᱟᱥ ᱠᱟ.ᱢᱤ ᱥᱟ.ᱨᱤ ᱠᱟᱹᱢᱤ,
ᱚᱠᱛᱚ ᱡᱟ.ᱱᱤ ᱜᱮ ᱞᱟᱹᱠᱛᱤᱜ
ᱠᱷᱟᱴᱟᱣ ᱜᱮᱪᱚ ᱢᱮᱱᱟᱜ ᱵᱟ.ᱲᱛᱤ ᱾
ᱥᱤᱛᱩᱝ, ᱡᱟ.ᱯᱩᱫ,
ᱨᱟᱵᱟᱝ ᱨᱮ ᱜᱮᱛᱚ ᱛᱟᱠᱚᱜ,
ᱚᱠᱛᱚ ᱡᱟ.ᱱᱤ ᱪᱟᱥ ᱠᱟ.ᱢᱤ
ᱵᱟᱝᱠᱷᱟᱱ ᱡᱚᱛᱚ ᱯᱩᱪᱩᱡᱚᱜ ᱾
ᱠᱩᱞᱦᱤ ᱢᱩᱪᱟ.ᱫ ᱡᱷᱟ.ᱱᱴᱤ ᱠᱚᱪᱟ ᱠᱚᱸᱰ ᱨᱮ
ᱚᱲᱮᱡ ᱜᱮᱸᱫᱽᱨᱮᱡ ᱟᱴᱮᱫ ᱨᱮ
ᱥᱮᱛᱟ ᱦᱚᱯᱚᱱ ᱠᱚ
ᱵᱮᱠᱮᱨ- ᱵᱮᱠᱮᱨ ᱨᱟᱵᱟᱝ ᱡᱟᱞᱟ ᱨᱮ ᱾
ᱨᱟᱵᱟᱝ ᱡᱟᱞᱟ ᱟ.ᱰᱤ ᱡᱟᱞᱟ
ᱧᱤᱫᱟ. ᱜᱮᱛᱚ ᱵᱟᱭ ᱟᱸᱜᱟᱜ ᱾
ᱟᱭᱳ ᱫᱩᱞᱟ.ᱲ ᱩᱨᱜᱩᱢ ᱦᱚᱵᱚᱨ
ᱨᱟᱵᱟᱝ ᱜᱮᱪᱚ ᱪᱟᱵᱟᱜ ᱾
ᱛᱟᱺᱜᱤ ᱛᱟᱬᱟᱜ ᱛᱮ ᱟᱸᱜᱟ ᱢᱟᱨᱥᱟᱞ ᱮᱱ
ᱵᱮᱨ ᱫᱚᱭ ᱨᱟᱠᱟᱵ ᱮᱱ
ᱛᱟᱨᱟᱥ ᱵᱟᱡᱟᱣ ᱮᱱ
ᱞᱩᱴᱩᱜ-ᱞᱩᱴᱩᱜ ᱡᱟ.ᱯᱤᱫ ᱠᱮᱫ ᱠᱚ
ᱜᱤᱫᱽᱨᱟ. ᱥᱮᱛᱟ ᱦᱚᱯᱚᱱ ᱠᱚ ᱾᱾
