ᱟᱢ ᱜᱮ ᱚᱱᱚᱱᱤᱭᱟᱹ
ᱟᱢ ᱜᱮ ᱚᱱᱚᱬᱦᱤᱭᱟᱹ,
ᱯᱚᱠᱮᱴ ᱨᱮ ᱛᱟᱢ ᱠᱚᱞᱚᱢ
ᱦᱟᱴ ᱯᱟᱛᱟ ᱪᱷᱟᱛᱟᱢ ᱫᱟᱲᱟᱱ
ᱟᱢ ᱫᱚ ᱚᱞᱚᱢ ᱡᱷᱚᱞᱚᱢ ᱾
ᱟᱢᱟᱜ ᱯᱚᱠᱮᱴ ᱨᱮᱱᱟᱜ ᱠᱚᱞᱚᱢ
ᱪᱟᱸᱫᱚ ᱞᱮᱠᱟ ᱢᱟᱨᱥᱟᱞᱟ,
ᱜᱟᱨ ᱪᱤᱛᱟᱹᱨ ᱵᱮᱱᱟᱣ ᱞᱟᱹᱜᱤᱫ
ᱯᱳᱸᱰ ᱜᱚᱰᱟᱢ ᱢᱟᱞᱠᱟᱣᱜ-ᱟ ᱾
ᱥᱤᱛᱩᱝ ᱞᱚᱞᱚ ᱥᱟᱦᱟ ᱠᱟᱛᱮ
ᱨᱮᱸᱜᱮᱡ ᱛᱮᱛᱟᱝ ᱫᱮᱭᱟ ᱠᱟᱛᱮ,
ᱦᱚᱲᱟᱜ ᱫᱩᱠ ᱥᱩᱠᱷᱮᱢ ᱚᱞᱟ
ᱜᱩᱛᱩ ᱜᱟᱞᱟᱝ ᱵᱟᱦᱟ ᱢᱟᱞᱟ ᱾
ᱥᱟᱶᱦᱮᱫ ᱵᱟᱠᱷᱳᱞ ᱛᱚᱨᱟᱣ ᱞᱟᱹᱜᱤᱫ
ᱛᱮᱭᱟᱨ ᱮᱫᱟᱢ ᱵᱩᱱᱭᱟᱹᱫᱽ,
ᱢᱟᱹᱱᱢᱤ ᱢᱚᱱᱮ ᱜᱟᱹᱰᱭᱟᱹᱣ ᱞᱟᱹᱜᱤᱫ
ᱚᱞ ᱮᱫᱟᱢ ᱥᱟᱹᱨᱤᱭᱟᱹᱨ ᱾
ᱥᱤᱠᱷᱱᱟᱹᱛ ᱨᱮᱱᱟᱜ ᱡᱩᱞᱩᱜ ᱵᱟᱹᱛᱤ
ᱢᱟᱨᱥᱟᱞ ᱮᱫᱟᱢ ᱠᱷᱮᱨᱣᱟᱲ ᱡᱟᱹᱛᱤ,
ᱟᱢ ᱫᱚ ᱚᱞᱚᱢ ᱡᱷᱚᱞᱚᱢ
ᱟᱢ ᱜᱮ ᱚᱱᱚᱞᱤᱭᱟᱹ
ᱟᱢ ᱜᱮ ᱚᱱᱚᱲᱦᱤᱭᱟᱹ ᱾
***
