ᱥᱮᱛᱟᱜ ᱨᱮ ᱵᱮᱨᱮᱫ ᱠᱟᱛᱮ ᱨᱚᱦᱚᱲ ᱥᱟᱨᱡᱚᱢ ᱥᱟᱠᱟᱢ, ᱛᱩᱲᱤ ᱥᱩᱱᱩᱢ ᱟᱛᱮ ᱞᱚᱴᱟᱧ ᱜᱷᱟᱥᱟᱣ ᱯᱷᱟᱨᱪᱟᱭᱟ ᱾ ᱞᱚᱴᱟᱨᱮ ᱫᱟᱜ ᱜᱩᱨᱤᱡ ᱰᱩᱸᱵᱩᱜ ᱟᱛᱮ ᱫᱩᱣᱟ.ᱨ ᱚᱰᱚᱠ ᱵᱚᱞᱚᱱ ᱫᱩᱣᱟ.ᱨ ᱠᱚᱧ ᱪᱷᱚᱸᱪ ᱪᱷᱚᱲᱟᱭᱟ ᱾ ᱞᱚᱴᱟ ᱵᱟᱝ ᱠᱷᱟᱱ ᱜᱮ ᱵᱟᱝ ᱜᱟᱱᱚᱜ ᱾ ᱞᱚᱴᱟ ᱫᱚ ᱟ.ᱰᱤ ᱢᱟ.ᱱ ᱟᱱ ᱛᱟᱵᱚᱱ, ᱥᱮᱛᱟᱜ ᱠᱷᱚᱱ ᱟ.ᱭᱩᱵ ᱦᱟ.ᱵᱤᱡ ᱞᱚᱴᱟ ᱫᱚᱵᱚᱱ ᱵᱮᱣᱦᱟᱨᱮᱫ ᱠᱟᱱᱟ ᱾ ᱯᱮᱲᱟ ᱯᱟ.ᱦᱬᱟ. ᱵᱮᱣᱦᱟᱨ ᱨᱮ ᱞᱚᱴᱟᱨᱮ ᱫᱟᱜ ᱜᱮᱵᱚᱱ ᱫᱚᱲᱚᱢ ᱟᱠᱚ ᱠᱟᱱᱟ, ᱵᱚᱸᱜᱟᱜ ᱨᱮ, ᱵᱩᱨᱩᱜ ᱨᱮ ᱞᱚᱴᱟ ᱫᱟᱜ ᱵᱟᱯᱞᱟ ᱨᱮ, ᱵᱟᱦᱟᱨᱮ, ᱥᱚᱦᱨᱟᱭᱨᱮ, ᱵᱷᱟᱸᱰᱟᱱ, ᱵᱤᱱᱛᱤ, ᱦᱚᱭᱚ ᱨᱩᱣᱟ.ᱲ, ᱪᱷᱟ.ᱴᱭᱟ.ᱨ ᱥᱟᱶᱛᱟ ᱨᱮᱱᱟᱜ ᱠᱟ.ᱢᱤ ᱦᱚᱨᱟ, ᱞᱟᱭ-ᱞᱟᱠᱪᱟᱨ ᱫᱷᱚᱨᱚᱢ ᱟ.ᱨᱤ-ᱪᱟ.ᱞᱤ ᱞᱚᱴᱟ ᱫᱟᱜ ᱜᱮᱵᱚᱱ ᱵᱮᱣᱦᱟᱨ ᱾
ᱥᱟᱱᱟᱢ ᱞᱮᱠᱟᱱ ᱠᱟ.ᱢᱤ ᱨᱮᱜᱮ ᱞᱚᱴᱟ ᱫᱟᱜ, ᱵᱟ.ᱦᱩ, ᱡᱟᱶᱟᱭ ᱥᱟᱨ-ᱥᱟ.ᱜᱩᱱ, ᱦᱚᱨᱚᱜ ᱪᱤᱱᱨᱮ, ᱚᱱᱟ ᱯᱮᱨᱮᱡ ᱞᱚᱴᱟ ᱫᱟᱜ ᱜᱮᱵᱚᱱ ᱫᱚᱲᱚᱢ ᱦᱚᱴᱚ ᱠᱟᱜ ᱠᱟᱱᱟ ᱯᱮᱨᱮᱡ ᱞᱚᱴᱟ ᱫᱟᱜ ᱨᱮ ᱦᱳᱲᱳ ᱵᱚᱱ ᱪᱟᱹᱰᱩᱭᱟ ᱟᱨ ᱢᱤᱫ ᱢᱚᱱᱮᱛᱮ ᱚᱲᱟᱜ ᱠᱷᱚᱱ ᱵᱚᱱ ᱚᱰᱚᱠ ᱪᱟᱞᱟᱜ-ᱟ ᱾
ᱨᱩᱣᱟ.ᱲ ᱠᱟᱛᱮ ᱟᱛᱳ ᱢᱟ.ᱡᱷᱤ ᱵᱟᱵᱟ ᱠᱚ ᱟᱨ ᱚᱲᱟᱜ ᱦᱚᱲᱠᱚ, ᱥᱟᱶᱛᱮ ᱯᱮᱲᱟ ᱠᱚ ᱚᱱᱟ ᱥᱟ.ᱜᱩᱱ ᱞᱚᱴᱟ ᱫᱟᱜ ᱠᱚ ᱧᱮᱞᱟ ᱥᱟ.ᱜᱩᱱ ᱜᱮᱭᱟ ᱥᱮ ᱵᱟᱝᱟ ᱾ ᱥᱟ.ᱜᱩᱱ ᱜᱮ ᱠᱷᱟᱱ ᱦᱚᱨᱚᱜ ᱪᱤᱱ, ᱢᱟᱞᱟ ᱪᱚᱱᱫᱚᱱ ᱦᱩᱭᱩᱜ-ᱟ᱾ ᱥᱩᱱᱩᱢ ᱥᱟᱥᱟᱝ ᱚᱡᱚᱜ ᱨᱮᱦᱚᱸ ᱦᱤᱞᱤᱛ ᱟ.ᱪᱩᱨ ᱵᱤᱦᱩᱨ ᱞᱚᱴᱟ ᱫᱟᱜ ᱫᱚᱭ ᱦᱤᱨᱤᱡ ᱤᱫᱤᱭᱟ ᱾ ᱠᱩᱲᱤ ᱜᱤᱫᱽᱨᱟᱹ ᱵᱚᱱ ᱡᱟᱶᱟᱭ ᱞᱮᱠᱷᱟᱱ ᱠᱩᱲᱤ ᱜᱤᱫᱽᱨᱟᱹ ᱵᱤᱫᱟ.ᱭ ᱚᱠᱛᱚ ᱢᱟᱛᱠᱚᱢ
ᱵᱩᱴᱟ.ᱨᱮ ᱞᱚᱴᱟ ᱫᱟᱜ ᱫᱚᱲᱚᱢ ᱠᱟᱛᱮ ᱵᱟᱱᱟᱨ ᱢᱟ.ᱡᱷᱤ ᱠᱤᱱ ᱥᱟᱢᱟᱝ ᱫᱟᱯᱨᱟᱢ ᱫᱩᱲᱩᱵ ᱠᱟᱛᱮ ᱠᱤᱱ ᱛᱚᱯᱚᱞ ᱢᱤᱫᱩᱜ-ᱟ ᱾ ᱚᱱᱟᱛᱮ ᱠᱩᱲᱤ ᱜᱤᱫᱽᱨᱟᱹ ᱞᱚᱴᱟ, ᱛᱷᱟᱹᱨᱤ ᱵᱟᱹᱴᱤ ᱵᱚᱱ ᱮᱢᱟᱭ ᱠᱟᱱᱟ ᱾ ᱯᱮᱲᱟ ᱴᱷᱮᱱ ᱮᱢ ᱪᱟᱞᱟᱜ ᱨᱮᱦᱚᱸ ᱞᱚᱴᱟ ᱫᱟᱜ ᱜᱮ ᱢᱟ.ᱱ ᱛᱟᱵᱚᱱ,
ᱟᱵᱚᱣᱟᱜ ᱥᱟᱶᱛᱟ, ᱟᱵᱚᱣᱟᱜ ᱫᱷᱚᱨᱚᱢ ᱟ.ᱰᱤ ᱱᱟᱯᱟᱭ ᱟ.ᱰᱤ ᱥᱚᱨᱮᱥ ᱾
