ᱛᱚᱠᱟᱨᱤᱧ ᱜᱷᱮᱸᱴ ᱫᱚᱦᱚᱭ
ᱱᱚᱶᱟ ᱯᱷᱟᱹᱜᱩᱱ ᱵᱚᱸᱜᱟ ᱨᱮᱱᱟᱜ
ᱨᱮᱭᱟᱲ ᱦᱤᱥᱤᱫ ᱦᱚᱭ !
ᱛᱚᱠᱟᱨᱤᱧ ᱨᱮᱵᱮᱫ ᱫᱚᱦᱚᱭ
ᱵᱟ.ᱫᱽ ᱟᱲᱮ ᱠᱟ.ᱥᱤ ᱵᱟᱦᱟ
ᱯᱚᱲᱚᱭ ᱯᱚᱲᱚᱭ !
ᱛᱚᱠᱟᱨᱤᱧ ᱯᱩᱸᱡᱤᱭᱟ
ᱵᱟᱜ ᱡᱩᱞᱩᱝ ᱠᱚᱣᱟᱜ
ᱧᱤᱫᱟ. ᱡᱩᱞᱩᱜ ᱛᱟᱨᱟᱥ !
ᱛᱚᱠᱟᱨᱤᱧ ᱛᱚᱯᱟ ᱠᱟᱜ
ᱯᱩᱭᱞᱩ ᱡᱟ.ᱲᱤ ᱚᱠᱛᱚ
ᱫᱷᱩᱲᱤ ᱦᱟᱥᱟ ᱨᱮᱱᱟᱜ
ᱱᱟᱥᱮ ᱥᱚᱸᱫᱷᱟᱲ ᱥᱚ !!
ᱪᱤᱠᱟ.ᱧ ᱦᱟᱞᱟᱝ ᱡᱚᱝ
ᱯᱤᱯᱤᱲᱤᱭᱟ.ᱝ ᱯᱷᱟ.ᱠᱬᱟ.ᱜ ᱨᱮᱱᱟᱜ
ᱟᱨᱟᱜ ᱞᱤᱞ ᱴᱤᱠᱞᱤ !
ᱪᱤᱠᱟ.ᱧ ᱜᱚᱪᱷᱟ ᱡᱚᱝ
ᱞᱟᱯᱷᱟᱝ ᱥᱮᱨᱢᱟ ᱨᱤᱱ
ᱪᱤᱨᱤᱡ ᱵᱤᱛᱨᱤᱡ ᱤᱯᱤᱞ !
ᱪᱤᱠᱟ.ᱧ ᱥᱟᱞᱟ ᱡᱚᱝ
ᱥᱮᱛᱟᱜ ᱥᱤᱥᱤᱨ ᱨᱮ
ᱡᱷᱟᱞᱠᱟᱣᱜ ᱡᱷᱤᱞ ᱢᱤᱞ ᱫᱷᱤᱨᱤ !
ᱪᱤᱠᱟ.ᱧ ᱛᱤᱭᱩᱜ ᱡᱚᱝ
ᱞᱤᱴᱟ. ᱟᱜ ᱨᱮ ᱢᱮᱱᱟᱜ
ᱚᱨᱚᱱ ᱵᱚᱨᱚᱱ ᱨᱚᱝ ᱯᱤᱴᱟ.ᱨᱤ !!
ᱪᱤᱠᱟ.ᱧ ᱩᱰᱟ.ᱣ ᱠᱮ ᱦᱩᱱᱟ.ᱝ
ᱦᱮ°ᱫᱮ ᱨᱤᱢᱤᱞ ᱨᱮ ᱫᱩᱲᱩᱵ ᱠᱟᱛᱮ !
ᱪᱤᱠᱟ.ᱧ ᱫᱟᱬᱟ ᱠᱮ ᱦᱩᱱᱟ.ᱝ
ᱜᱟ.ᱦᱤᱸᱨ ᱫᱚᱨᱭᱟ ᱫᱟᱜ ᱵᱷᱤᱛᱤᱨ ᱨᱮ !
ᱪᱤᱠᱟ.ᱧ ᱟᱸᱡᱽᱞᱮ ᱠᱮ ᱦᱩᱱᱟ.ᱝ
ᱵᱟᱦᱟ ᱞᱮᱠᱟ ᱡᱩᱞᱩᱜ ᱥᱮᱸᱜᱮᱞ !
ᱪᱤᱠᱟ.ᱧ ᱵᱩᱡᱷᱟ.ᱣ ᱠᱮ ᱦᱩᱱᱟ.ᱝ
ᱪᱮᱬᱮ ᱪᱤᱯᱨᱩᱜ ᱠᱚᱣᱟᱜ ᱨᱚᱲ ᱪᱮᱨ ᱵᱮᱨ !
ᱛᱚᱠᱚᱭ ᱫᱚᱭ ᱞᱟ.ᱭᱟ.ᱧ
ᱥᱤᱨᱡᱚᱱᱤᱭᱟ. ᱦᱟᱜ ᱛᱟᱦᱮᱸᱱ ᱴᱷᱟᱶ
ᱥᱮᱱᱚᱜ ᱦᱚᱨ ᱫᱚ ᱚᱠᱟ !
ᱠᱩᱞᱤ ᱡᱚᱝ ᱟ.ᱧ ᱦᱩᱱᱟ.ᱝ
ᱱᱩᱱᱟ.ᱜ ᱱᱟᱯᱟᱭ ᱫᱷᱟ.ᱨᱛᱤ
ᱪᱮᱠᱟᱭ ᱥᱤᱨᱡᱚᱱ ᱠᱮᱫᱼᱟ !
ᱠᱩᱠᱢᱩ ᱫᱚ ᱱᱤᱛ ᱠᱟᱱᱟ,
ᱟᱜᱟᱢ ᱠᱟᱱ ᱪᱮ ᱱᱟᱜᱟᱢ ᱠᱟᱱᱟ !
ᱤᱧ ᱫᱷᱟ.ᱨᱛᱤ ᱨᱮ
ᱚᱢᱚᱱ ᱟᱬᱜᱚᱧ ᱨᱮᱱᱟᱜ
ᱩᱭᱦᱟ.ᱨ ᱫᱚ ᱪᱮᱫ ᱠᱟᱱᱟ !
ᱛᱷᱩᱢ ᱦᱩᱱᱟ.ᱝ ᱤᱧ ᱠᱚᱭ ᱛᱟᱨᱟᱭᱮ
ᱱᱚᱶᱟ ᱫᱷᱟ.ᱨᱛᱤ ᱨᱮᱱᱟᱜ
ᱡᱚᱵᱽᱨᱟ ᱡᱷᱟ.ᱴᱤ ᱠᱷᱚᱱ
ᱫᱤᱱ ᱜᱮ ᱥᱟᱦᱟ ᱨᱮ ᱫᱚᱦᱚ ᱠᱟᱹᱧ ᱢᱟᱭ !
ᱟᱡᱟᱜ ᱥᱤᱨᱤᱡᱽ ᱨᱮᱱᱟᱜ
ᱱᱟᱯᱟᱭ ᱜᱚᱲᱦᱚᱱ ᱡᱚᱜᱟᱣ ᱡᱚᱛᱚᱱ
ᱦᱚᱨ ᱜᱮ ᱵᱟᱲᱮ ᱩᱫᱩᱜ ᱟ.ᱧ ᱢᱟᱭ !
ᱥᱟ.ᱨᱤ ᱜᱮ ᱱᱤᱨᱚᱲ ᱜᱚᱲᱦᱚᱱ ᱫᱚ
ᱠᱚᱭ ᱛᱮ ᱦᱚᱸ ᱵᱟᱭ ᱧᱟᱢᱚᱜ
ᱠᱤᱨᱤᱧ ᱛᱮ ᱦᱚᱸ ᱵᱟᱝ !
ᱜᱚᱫ ᱛᱮ ᱦᱚᱸ ᱵᱟᱝ ᱜᱟᱱᱚᱜ
ᱜᱚᱪᱷᱟ ᱛᱮ ᱦᱚᱸ ᱵᱟᱝ !
ᱡᱚᱠᱷᱚᱱ ᱚᱯᱮᱞ ᱟᱠᱟᱱ ᱨᱮ
ᱠᱩᱠᱢᱩ ᱞᱮᱠᱟ ᱜᱟᱱᱚᱜ ᱧᱮᱞ ᱡᱚᱝ ᱜᱮ
ᱟᱨ ᱵᱟᱝ ᱟ.ᱭᱠᱟ.ᱣ ᱡᱚᱝ ᱜᱮ !
ᱢᱮᱱᱟᱢ ᱡᱚᱠᱷᱚᱱ ᱫᱷᱟ.ᱨᱛᱤ ᱨᱮ
ᱧᱮᱞ ᱡᱚᱝ ᱢᱮ ᱡᱤᱵᱚᱱ
ᱟ.ᱭᱠᱟ.ᱣ ᱡᱚᱝ ᱢᱮ !!
ᱟ.ᱰᱤ ᱥᱚᱨᱮᱥ… ᱟᱨ ᱟ.ᱰᱤ ᱱᱟᱯᱟᱭ ᱜᱟᱵᱟᱱ ᱚᱱᱚᱬᱦᱮ… 🎉