ᱦᱟᱨᱟ ᱨᱟᱛᱟ ᱡᱩᱣᱟᱹᱱ ᱵᱮᱲᱟ ᱨᱮ
ᱵᱚᱦᱚᱜ ᱩᱵ ᱛᱤᱧ ᱯᱟᱺᱰᱩᱭᱮᱱ
ᱩᱢᱮᱨ ᱟ.ᱣᱨᱤ ᱦᱩᱭᱩᱜ ᱨᱮᱜᱮ
ᱦᱚᱲᱢᱚ ᱛᱤᱧ ᱟᱫᱷᱚᱲ ᱮᱱ ᱿
ᱯᱟᱺᱰᱩ ᱩᱵ ᱛᱤᱧ ᱫᱟᱯᱟᱞ ᱮᱫᱟ
ᱦᱟᱱᱟ ᱱᱟᱣᱟ ᱨᱚᱝ ᱛᱮ
ᱧᱩᱬᱩᱡ ᱼ ᱧᱩᱬᱩᱡ ᱤᱧ ᱦᱮᱸᱫᱮ ᱠᱟᱜᱼᱠᱟᱱ
ᱫᱤᱱᱟᱹᱢ ᱵᱚᱦᱚᱜ ᱩᱵ ᱛᱤᱧ ᱿
ᱪᱮᱫ ᱚᱱᱠᱟ ᱚᱠᱛᱚ ᱥᱮᱴᱮᱨ ᱮᱱ
ᱠᱩᱪᱤ ᱩᱢᱮᱨ ᱠᱷᱚᱱ ᱩᱵ ᱯᱟᱺᱰᱩᱜ ᱠᱟᱱ
ᱦᱚᱲᱢᱚ ᱨᱮ ᱦᱟᱱᱟ ᱱᱟᱣᱟ ᱵᱮᱢᱟᱨ ᱞᱟᱫᱮᱜ ᱠᱟᱱ
ᱛᱤᱱᱟᱹᱜ ᱫᱤᱱ ᱫᱩᱧ ᱡᱤᱣᱤᱫᱚᱜ ᱿
ᱞᱟᱦᱟᱜ ᱞᱟᱹᱜᱤᱫ ᱤᱧ ᱨᱤᱠᱟᱹ ᱮᱫᱟ
ᱛᱤ ᱡᱟᱸᱜᱟ ᱰᱟᱸᱰᱟ ᱜᱮ ᱦᱟᱹᱥᱩᱧᱟ
ᱡᱚᱢ ᱮᱫᱟᱹᱧ ᱡᱤᱣᱤᱫ ᱫᱚᱜ ᱞᱟᱹᱜᱤᱫ
ᱞᱟᱡ ᱜᱮ ᱫᱤᱱᱟᱹᱢ ᱜᱮ ᱦᱟᱹᱥᱩᱧᱟ ᱿
ᱫᱤᱱᱟᱹᱢ ᱜᱮ ᱰᱟᱠᱴᱚᱨ ᱚᱲᱟᱜ
ᱴᱟᱠᱟ ᱯᱩᱭᱥᱟᱹ ᱠᱷᱚᱨᱪᱟ
ᱨᱟᱱ ᱡᱚᱢ ᱡᱚᱢ ᱛᱮ ᱡᱤᱭᱚᱱ ᱠᱷᱟᱸᱰᱟᱣ
ᱥᱩᱠ ᱫᱚ ᱚᱠᱟ ᱨᱮ ᱛᱤᱧ ᱢᱮᱱᱟᱜ ᱛᱤᱱᱟᱹᱜ ᱿
ᱵᱟᱭ ᱵᱟᱪᱷᱟᱣ ᱩᱢᱮᱨ ᱱᱤᱛᱚᱜ
ᱵᱚᱦᱚᱜ ᱩᱵ ᱯᱟᱺᱰᱩᱜ ᱠᱟᱱ
ᱵᱟᱭ ᱵᱟᱪᱷᱟᱣᱜ ᱠᱟᱱ ᱦᱚᱲᱢᱚ ᱱᱤᱛᱚᱜ
ᱵᱮᱢᱟᱨ ᱟᱡᱟᱨ ᱜᱮ ᱡᱟᱜ ᱧᱟᱢᱚᱜ ᱠᱟᱱ ᱿
ᱩᱵ ᱯᱟᱺᱰᱩ ᱥᱟᱶ ᱥᱟᱶ ᱛᱮ
ᱵᱚᱦᱚᱜ ᱩᱵ ᱦᱚᱸ ᱧᱩᱨᱩᱜ ᱠᱟᱱ
ᱡᱩᱜᱽ ᱜᱮ ᱯᱟᱞᱮᱱ ᱱᱚᱝᱠᱟᱱᱟ
ᱡᱤᱣᱤᱫᱚᱜ ᱨᱮᱱᱟᱜ ᱡᱤᱭᱚᱱ ᱦᱚᱸ ᱠᱚᱢᱚᱜ ᱠᱟᱱ ᱿
