ᱡᱟᱱᱟᱢ ᱟᱭᱳ ᱠᱷᱟᱹᱛᱤᱨ ᱞᱮᱵᱮᱫ ᱟᱠᱟᱫᱟᱢ
ᱱᱚᱣᱟ ᱫᱷᱩᱲᱤ ᱫᱷᱟᱹᱨᱛᱤ ᱾
ᱡᱟᱱᱟᱢ ᱟᱭᱳ ᱪᱮᱛᱟᱱ ᱡᱟᱦᱟᱱ ᱠᱟᱛᱷᱟ
ᱟᱞᱚᱢ ᱞᱟᱹᱭᱟ ᱵᱟᱹᱲᱛᱤ ᱾
ᱦᱩᱰᱤᱧ ᱩᱢᱮᱨ ᱠᱷᱚᱱ ᱩᱢ ᱟᱹᱨᱩᱵ ᱢᱮᱭᱟᱭ
ᱡᱟᱱᱟᱢ ᱟᱭᱳ ᱜᱮ ᱫᱤᱱᱟᱹᱢ ᱾
ᱟᱢ ᱯᱟᱹᱨᱤ ᱡᱚᱜᱟᱣ ᱡᱚᱛᱚᱱᱮᱢ
ᱵᱚᱸᱜᱟ ᱵᱩᱨᱩ ᱠᱚ ᱥᱤᱱᱟᱹᱢ ᱾
ᱡᱚᱜᱽ ᱨᱮᱸᱦᱚᱭ ᱨᱟᱪᱟ ᱠᱚ
ᱟᱢ ᱜᱩᱻᱜᱩᱫ ᱠᱟᱛᱮᱫ ᱾
ᱫᱟᱠᱟ ᱠᱚᱦᱚᱸᱭ ᱟᱡᱚ ᱟᱢᱟ
ᱜᱩᱞᱩ ᱞᱟᱹᱰᱩ ᱠᱟᱛᱮᱫ ᱾
ᱡᱟᱱᱟᱢ ᱟᱭᱳ ᱪᱮᱛᱟᱱ ᱛᱤᱥ ᱦᱚᱸ
ᱟᱞᱚᱢ ᱫᱚᱦᱚᱭ ᱢᱚᱱᱮ ᱡᱤᱣᱤ ᱵᱮᱡᱟᱨ ᱾
ᱦᱩᱰᱤᱧ ᱩᱢᱮᱨ ᱨᱮ ᱡᱟᱱᱟᱢ ᱟᱭᱳ ᱜᱮ
ᱢᱚᱱᱮ ᱡᱤᱣᱤ ᱛᱟᱢ ᱠᱷᱚᱡᱟᱨ ᱾
ᱡᱟᱱᱟᱢ ᱟᱭᱳ ᱟᱜ ᱫᱩᱞᱟᱹᱲ ᱛᱮᱜᱮ
ᱫᱷᱟᱹᱨᱛᱤ ᱢᱮᱱᱟᱜ ᱯᱚᱴᱚᱢ ᱾
ᱪᱮᱫᱟᱜ ᱛᱚᱵᱮ ᱱᱤᱛ ᱩᱱᱤᱭᱟᱜ
ᱫᱩᱞᱟᱹᱲ ᱫᱚᱵᱚᱱ ᱞᱚᱴᱚᱢ ᱾
About the author
ᱥᱳᱠᱚᱞ ᱢᱚᱱᱤ ᱥᱚᱨᱮᱱ
ᱢᱟᱹᱱᱤ ᱥᱳᱠᱚᱞ ᱢᱚᱱᱤ ᱥᱚᱨᱮᱱ ᱫᱚ ᱢᱤᱫ ᱯᱟᱹᱴᱷᱩᱣᱟᱹ ᱠᱟᱱᱟᱭ ᱾ ᱵᱚᱨᱫᱷᱚᱢᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱟᱱᱛᱟᱲᱤ ᱛᱮ ᱮᱢᱹᱮᱹ ᱥᱟᱹᱛ ᱠᱟᱛᱮ ᱱᱤᱛᱚᱜ ᱫᱚ B.ed. ᱮ ᱯᱟᱲᱦᱟᱣᱜ ᱠᱟᱱᱟᱭ ᱾ ᱟᱡᱟᱜ ᱟᱹᱛᱩ ᱫᱤᱥᱚᱢ ᱫᱚ ᱵᱟᱝᱠᱩᱲᱟ, ᱯᱩᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮ ᱾
View all posts
ᱞᱟᱦᱟ ᱪᱟᱞᱟᱜ ᱢᱮ ᱥᱩᱠᱳᱞᱢᱩᱱᱤ, ᱟᱢᱟᱜ ᱛᱟᱲᱟᱢ ᱰᱟᱦᱟᱨ ᱟᱨ ᱠᱚᱜ ᱥᱟᱹᱜᱩᱱ ᱠᱚᱜ ᱢᱟ᱾ ᱟᱹᱰᱤ ᱢᱟᱡᱽ ᱚᱱᱚᱬᱦᱮᱸ, ᱱᱚᱝᱠᱟ ᱜᱮ ᱟᱨᱦᱚᱸ ᱚᱞ ᱢᱮ᱾