ᱚᱠᱚᱭ ᱮ ᱥᱤᱨᱤᱡ ᱠᱮᱫᱼᱟ ᱱᱚᱶᱟ ᱫᱷᱟ.ᱨᱛᱤ,
ᱥᱤᱧ ᱪᱟᱸᱫᱚᱟᱜ ᱛᱟᱨᱟᱥ,
ᱚᱠᱚᱭ ᱮ ᱥᱟᱵ ᱫᱚᱦᱚ ᱟᱠᱟᱫ ᱚᱜᱚᱢ ᱫᱚᱨᱭᱟ,
ᱚᱠᱚᱭᱟᱜ ᱟᱸᱫᱮ ᱛᱮ ᱦᱩᱰᱩᱨ ᱵᱤᱡᱽᱞᱤ,
ᱦᱮ ᱪᱟᱸᱫᱚ ᱟᱢ ᱜᱮ ᱪᱚᱝ ᱢᱟᱨᱟᱝ ᱵᱳᱨᱳ ᱴᱷᱟ.ᱠᱩᱨ ᱡᱤᱭᱩ,
ᱥᱟᱨᱟ ᱜᱷᱟᱱᱮᱢ ᱟᱛᱮᱱ ᱟᱸᱡᱚᱢ ᱟᱞᱮᱭᱟᱜ ᱨᱚᱲ-ᱦᱚᱦᱚ,
ᱨᱟᱦᱞᱟ ᱨᱤᱢᱤᱞ ᱛᱟᱞᱟᱨᱮ ᱟᱢ ᱜᱮ ᱢᱮᱱᱟᱢᱟ ᱫᱟᱱᱟᱝ ᱨᱮ
ᱟᱢ ᱜᱮᱪᱚᱢ ᱠᱚᱭᱚᱜ ᱟᱠᱟᱫ ᱟᱞᱮ ᱥᱮᱫ,
ᱚᱛ ᱨᱮ ᱪᱮ ᱥᱮᱨᱢᱟ ᱨᱮ, ᱦᱚᱭ ᱨᱮ ᱪᱮ ᱫᱟᱜ ᱨᱮ,
ᱯᱷᱩᱨᱪᱟ. ᱢᱟᱨᱥᱟᱞ ᱛᱟᱨᱟᱥ ᱟᱨᱥᱟᱞ ᱨᱮᱱᱟᱜ
ᱚᱨᱥᱚᱝ ᱵᱟᱡᱟᱣᱚᱜ ᱟᱞᱮ ᱴᱷᱮᱱ,
ᱦᱚᱭ ᱦᱤᱥᱤᱫ ᱵᱟᱡᱟᱣᱚᱜ ᱦᱚᱲ ᱵᱮᱱᱟᱣ ᱵᱚᱸᱜᱟ ᱛᱮ,
ᱤᱠᱷᱟ.ᱱ ᱚᱱᱛᱚᱨ ᱵᱚᱸᱜᱟ ᱫᱤᱥᱟ.ᱭ ᱩᱫᱩᱜᱽ ᱱᱟᱯᱟᱭ ᱠᱟ.ᱢᱤ ᱞᱟ.ᱜᱤᱫ,
ᱟᱭᱳ ᱨᱩᱯ ᱛᱮ ᱡᱤᱣᱤᱢ ᱮᱨᱟ ..
ᱡᱟᱦᱮᱨ ᱟᱭᱳ ᱟᱢ ᱫᱚ ᱱᱩᱱᱟᱹᱜ ᱮᱢ ᱱᱟᱯᱟᱭᱟ,
ᱟᱢᱟᱜ ᱩᱭᱦᱟ.ᱨ ᱨᱮ ᱛᱟᱦᱮᱸᱱ ᱥᱟᱱᱟ.ᱧ ᱱᱤᱨᱟᱹᱭ ᱟᱨ ᱱᱟᱯᱟᱭ ᱨᱮ,
ᱟᱢᱟᱜ ᱫᱟᱲᱮ ᱛᱮ ᱥᱟᱦᱟᱜ ᱡᱚᱛᱚ ᱵᱟ.ᱲᱤᱡᱟᱜ,
ᱟᱢᱟᱜ ᱛᱮᱨᱟᱝ ᱥᱟᱨ ᱛᱮ ᱥᱟᱦᱟᱜ ᱥᱚ ᱥᱤᱬᱤᱡᱟᱜ,
ᱟᱢᱟᱜ ᱢᱟᱭᱟ ᱢᱟᱦᱬᱟ ᱫᱟᱲᱮ ᱫᱚ ᱱᱩᱱᱟ.ᱜ ᱱᱟᱯᱟᱭᱟ,
ᱥᱟᱦᱟ ᱠᱟᱜ ᱢᱮ ᱫᱤᱥᱚᱢ ᱨᱮᱭᱟᱜ ᱦᱤᱥᱟ. ᱥᱩᱭᱟ.,
ᱨᱚᱯᱷᱟ ᱠᱟᱜ ᱢᱮ ᱱᱤᱨᱚᱲ ᱫᱷᱚᱨᱚᱢ,
ᱱᱤᱯᱷᱚᱴ ᱠᱟᱜ ᱢᱮ ᱥᱟᱶᱛᱟ ᱨᱮᱭᱟᱜ ᱞᱟᱭ ᱞᱟᱠᱪᱟᱨ,
ᱦᱟᱨᱟ ᱠᱟᱜ ᱢᱮ ᱵᱩᱨᱩ ᱠᱟᱜ ᱢᱮ
ᱟᱞᱮᱭᱟᱜ ᱱᱟᱯᱟᱭ ᱟ.ᱨᱤᱪᱟ.ᱞᱤ ᱾
***
