ᱵᱟᱹᱫᱽ ᱫᱚ ᱥᱤ ᱥᱤᱭᱟᱜ ᱢᱮ
ᱟᱲᱮ ᱦᱚᱸ ᱥᱟᱢᱟᱜ ᱥᱟᱢᱟᱜᱟᱜ ᱢᱮ
ᱥᱤᱢᱟᱹ ᱫᱷᱤᱨᱤ ᱧᱮᱞ ᱧᱮᱞᱟᱜ ᱢᱮ
ᱵᱟᱹᱫᱽ ᱨᱮ ᱦᱳᱲᱳ ᱨᱟᱸᱵᱽᱲᱟ ᱵᱟᱢ ᱪᱟᱥ ᱨᱮᱦᱚᱸ ᱾
ᱱᱤᱛ ᱜᱮᱥᱮ ᱵᱟᱡᱟᱨ ᱪᱟᱣᱞᱮ
ᱵᱚᱸᱜᱟ ᱯᱤᱪᱷᱤ ᱥᱚᱨᱠᱟᱨᱮ ᱮᱢᱚᱜ
ᱛᱟᱭᱚᱢ ᱵᱤᱫᱟᱹᱞ ᱚᱠᱚᱭ ᱵᱟᱰᱟᱭ
ᱟᱠᱟᱞᱟᱭ ᱪᱮ ᱥᱟᱶᱟᱭ ᱦᱤᱡᱩᱜ ᱾
ᱟᱜ ᱪᱟᱲᱦᱟᱣ ᱪᱟᱲᱦᱟᱣᱟᱜ ᱢᱮ
ᱩᱜᱽᱞᱤ ᱦᱚᱸ ᱞᱟᱥᱮᱨ ᱞᱟᱥᱮᱨᱟᱜ ᱢᱮ
ᱵᱩᱨᱩ ᱦᱚᱨ ᱞᱮᱵᱮᱫ ᱞᱮᱵᱮᱫᱟᱜ ᱢᱮ
ᱥᱮᱸᱫᱽᱨᱟ ᱫᱚ ᱵᱟᱢ ᱥᱮᱱᱚᱜ ᱨᱮ ᱦᱚᱸ ᱾
ᱛᱮᱦᱮᱧ ᱜᱮ ᱥᱮ ᱫᱤᱥᱚᱢ ᱫᱩᱱᱤᱭᱟᱹ
ᱦᱚᱲ ᱠᱚ ᱢᱮᱛᱟᱢ ᱵᱷᱟᱹᱭᱟᱹ ᱵᱷᱟᱹᱭᱟᱹ
ᱛᱟᱭᱚᱢ ᱵᱤᱫᱟᱹᱞ ᱚᱠᱚᱭ ᱵᱟᱰᱟᱭ
ᱨᱮᱡ ᱢᱮᱭᱟ ᱠᱚ ᱵᱤᱨ ᱜᱟᱰᱟ ᱱᱟᱹᱭ ᱾
ᱢᱤᱫ ᱢᱚᱠᱟ ᱡᱚᱠᱷᱟ ᱠᱟᱛᱮ
ᱢᱤᱫ ᱵᱤᱛᱟᱹ ᱛᱟᱲᱟᱢ ᱢᱮ ᱦᱚ
ᱵᱩᱠᱟᱹ ᱛᱚᱯᱟ ᱟᱢᱟᱜ ᱚᱛ ᱦᱟᱥᱟ
ᱡᱟᱭᱡᱩᱜᱽ ᱵᱟᱧᱪᱟᱣ ᱫᱚᱦᱚᱭ ᱢᱮ ᱦᱚ ᱾
᱒᱐᱑᱙ (NRC NPR Protests ᱚᱠᱛᱚ ᱨᱮᱱᱟᱜ)
***
