ᱮᱵᱷᱮᱱᱚᱜ ᱢᱮᱥᱮ ᱟᱹᱫᱤᱢ ᱥᱟᱱᱛᱟᱲ ᱵᱮᱸᱜᱮᱫᱽ ᱢᱮᱥᱮ ᱜᱚᱴᱟ ᱢᱟᱨᱥᱟᱞ ! ᱚᱠᱟᱭᱮᱱ ᱛᱟᱢᱟ ᱵᱤᱨ ᱡᱷᱟᱨᱱᱟ ᱚᱠᱟᱭᱮᱱ ᱛᱟᱢᱟ ᱟᱵᱚᱞ ᱡᱟᱭᱜᱟ !
ᱯᱚᱨᱡᱟᱛ ᱠᱚ ᱯᱮᱨᱮᱡ ᱮᱱᱟ ᱟᱵᱚ ᱛᱟᱞᱟ
ᱯᱩᱥᱩᱯᱩᱸᱰᱩ ᱪᱟᱵᱟᱜ ᱠᱟᱱᱟ ᱡᱟᱹᱛᱤᱼᱡᱟᱞᱟ!
ᱵᱚᱞᱚᱭᱮᱱᱟ ᱠᱚᱞ ᱠᱟᱹᱨᱠᱷᱟᱱᱟ ᱵᱤᱨ ᱛᱟᱞᱟ
ᱛᱤᱸᱜᱩᱭᱮᱱᱟ ᱫᱷᱤᱨᱤ ᱫᱚᱞᱟᱱ ᱟᱵᱚᱞ ᱡᱟᱭᱜᱟ ᱛᱟᱞᱟ !
ᱱᱤᱛ ᱦᱚᱸ ᱪᱮᱫᱟᱜ ᱟᱵᱚ ᱥᱮᱫᱟᱭ ᱞᱮᱠᱟ ?
ᱢᱮᱫ ᱢᱟᱨᱥᱟᱞ ᱠᱟᱛᱮ ᱨᱮᱦᱚᱸ ᱧᱩᱛᱟᱹᱛ ᱞᱮᱠᱟ ?
ᱛᱟᱦᱟᱣ ᱤᱫᱤᱭᱮᱫ ᱟᱵᱚ ᱡᱩᱜᱽ ᱥᱟᱞᱟᱜ,
ᱪᱮᱠᱟ ᱵᱟᱧᱪᱟᱣ ᱟᱵᱚᱱ ᱟᱹᱫᱤᱢ ᱥᱟᱶᱛᱟ ?
ᱨᱟᱡᱽ ᱟᱹᱱᱟᱹᱨᱤ ᱦᱚᱸᱭ ᱵᱟᱹᱦᱨᱟᱹᱭᱮᱱᱟ,
ᱟᱹᱫᱤᱢ ᱞᱟᱹᱜᱤᱫ ᱢᱮᱫ ᱦᱚᱸ ᱧᱩᱛ ᱪᱟᱵᱟᱭᱮᱱᱟ!
ᱡᱮᱨᱮᱫᱟᱵᱚᱱ ᱚᱲᱟᱜ ᱚᱲᱟᱜ ᱟᱹᱠᱤᱞ ᱵᱟᱹᱛᱤ,
ᱡᱩᱢᱤᱫᱚᱜ ᱟᱵᱚᱱ ᱟᱵᱚ ᱟᱹᱫᱤᱢ ᱥᱟᱱᱛᱟᱲ ᱾
ᱵᱟᱝ ᱧᱟᱢᱚᱜ ᱫᱤᱞᱜᱟᱹᱨᱤᱭᱟᱹ ᱫᱟᱲᱮ ᱠᱤᱨᱤᱧ ᱛᱮ,
ᱵᱟᱝ ᱧᱟᱢᱚᱜ ᱦᱚᱠ ᱟᱹᱭᱫᱟᱹᱨᱤ ᱠᱚᱭ ᱛᱮ!
ᱥᱟᱡᱟᱣᱜ ᱟᱵᱚ ᱟᱜ ᱥᱟᱨ ᱠᱟᱹᱯᱤ ᱥᱟᱯᱟᱵ ᱛᱮ,
ᱦᱩᱞ ᱞᱟᱹᱜᱤᱫ ᱛᱤᱸᱜᱩ ᱠᱮᱴᱮᱡᱚᱜ ᱟᱵᱚᱱ ᱦᱟᱛᱟᱝ ᱫᱤᱞ ᱫᱟᱲᱮ ᱛᱮ ᱾
@@@
