ᱟᱵᱚ ᱛᱤᱨᱞᱟᱹ ᱦᱚᱯᱚᱱ ᱠᱚ ᱫᱚ ᱟᱹᱰᱤ ᱜᱮ ᱞᱟᱡᱟᱣ ᱟᱨ ᱵᱚᱛᱚᱨ ᱛᱟᱵᱚᱱ ᱢᱮᱱᱟᱜ-ᱟ ᱾self image ᱟᱨ self confidence ᱫᱚ ᱠᱚᱢ ᱜᱮ ᱛᱟᱵᱚᱱᱟ ᱾
ᱵᱷᱟᱨᱚᱛ ᱫᱤᱥᱚᱢ ᱨᱮ ᱨᱟᱹᱥᱤ ᱟᱹᱛᱩ ᱡᱟᱦᱟᱸ ᱞᱮᱠᱟ, ᱚᱱᱠᱟᱜᱮ ᱟᱢᱮᱨᱤᱠᱟ ᱨᱮᱭᱟᱜ ᱱᱤᱭᱩ ᱡᱚᱨᱥᱤ (New jersey) ᱦᱚᱸ ᱨᱟᱹᱥᱤ ᱟᱹᱛᱩ ᱞᱮᱠᱟ ᱜᱮ ᱵᱩᱡᱷᱟ.ᱣᱜ-ᱟ | ᱱᱚᱶᱟ ᱫᱚ ᱟᱫᱚ ᱪᱟᱸᱫᱚ ᱦᱟᱺᱥᱩᱨ ᱫᱤᱥᱚᱢ ᱠᱟᱱᱟ ᱾ ᱵᱷᱟᱨᱚᱛ ᱫᱚ ᱪᱟᱸᱫᱚ ᱨᱟᱠᱟᱵ ᱫᱤᱥᱚᱢ ᱠᱟᱱᱟ ᱾
ᱱᱚᱶᱟ ᱠᱚᱫᱚ ᱤᱧᱟᱜ ᱡᱤᱭᱚᱱ ᱨᱮᱱᱟᱜ ᱠᱟᱛᱷᱟ ᱠᱟᱱᱟ ᱾
ᱛᱤᱠᱤᱱ ᱠᱷᱚᱱ ᱛᱟᱨᱟᱥᱤᱧ ᱚᱠᱛᱚ ᱦᱩᱭ ᱤᱫᱤᱜ ᱠᱟᱱ ᱛᱟᱦᱮᱸᱫ ᱵᱟᱹᱵᱩ ᱫᱚ ᱥᱚᱢᱚᱭ ᱨᱮ ᱚᱞ ᱤᱛᱩᱱ ᱟᱥᱲᱟ ᱠᱷᱚᱱᱮ ᱨᱩᱣᱟᱹᱲ ᱦᱮᱡ ᱮᱱᱟ, ᱥᱟᱱᱛᱟᱲ ᱯᱤᱡᱟᱹ ᱫᱚ ᱟᱹᱰᱤ ᱜᱮᱭ ᱠᱩᱥᱤᱭᱟᱜ-ᱟ (ᱪᱦᱹᱮᱞᱮ ᱯᱤᱴᱷᱟᱹ ᱜᱤᱫᱽᱨᱟᱹ ᱨᱮ ᱟᱡ ᱜᱮᱭ ᱧᱩᱛᱩᱢ ᱟᱠᱟᱫ-ᱟ) ᱚᱱᱟ ᱠᱚ ᱮᱢ ᱵᱟᱲᱟ ᱠᱟᱛᱮ ᱤᱧ ᱦᱚᱸ ᱠᱩᱢᱟᱱ ᱠᱞᱟᱥ (Kumon class) ᱵᱟᱠᱷᱨᱟᱹᱧ ᱥᱟᱯᱲᱟᱣ ᱤᱫᱤᱭᱮᱱᱟ ᱾ ᱠᱩᱢᱟᱱ ᱠᱞᱟᱥ ᱫᱚ ᱜᱤᱫᱽᱨᱟᱹ ᱠᱚᱣᱟᱜ ᱮᱠᱥᱴᱨᱟ ᱞᱟᱹᱨᱱᱤᱝ ᱤᱱᱥᱴᱤᱪᱩᱴ ᱠᱟᱱᱟ ᱾
ᱤᱧ ᱫᱚ mini van ᱪᱟᱹᱞᱩ (drive) ᱠᱟᱛᱮ ᱠᱩᱢᱟᱱ ᱠᱞᱟᱥ ᱛᱮᱹᱧ ᱥᱮᱴᱮᱨ ᱮᱱᱟ ᱾ ᱥᱟᱱᱟᱢ ᱠᱚ ᱡᱚᱦᱟᱨ ᱤᱧ ᱢᱮᱛᱟᱫ ᱠᱚᱣᱟ ᱾ ᱜᱤᱫᱽᱨᱟᱹ ᱠᱚᱣᱟᱜ attendance ᱤᱧ ᱤᱫᱤᱭᱮᱫ ᱛᱟᱦᱮᱫ ᱾ Homework submit ᱵᱟᱠᱷᱨᱟ ᱜᱤᱫᱽᱨᱟᱹ ᱠᱚᱣᱟᱜ ᱡᱤᱞᱤᱧ ᱞᱟᱹᱭᱤᱱ ᱛᱟᱦᱮᱸ ᱠᱟᱱᱟ ᱾ ᱡᱚᱛᱚ ᱠᱚᱜᱮ ᱟᱯᱟᱱ ᱟᱹᱯᱤᱱ ᱢᱟᱹᱪᱤ ᱨᱮ ᱠᱚ ᱫᱩᱲᱩᱵ ᱮᱱᱟ ᱾
ᱡᱷᱩᱨᱠᱟᱹ ᱠᱷᱚᱱ ᱵᱟᱦᱨᱮ waiting room ᱨᱮ ᱠᱤᱱ ᱫᱩᱲᱩᱵ ᱞᱮᱱᱟ ᱢᱤᱫ ᱮᱸᱜᱟᱛ ᱟᱨ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱾ ᱩᱱᱠᱤᱱ ᱫᱚ ᱨᱩᱥᱤᱭᱟᱱ ᱠᱟᱱᱟ ᱠᱤᱱ ᱾ ᱧᱮᱞ ᱡᱚᱝ ᱫᱚ ᱟᱹᱰᱤ ᱪᱷᱚᱨᱚᱠ ᱟ.ᱠᱤᱱ ᱾ ᱟᱹᱰᱤ ᱱᱟᱯᱟᱭ ᱠᱤᱱ ᱜᱟᱞᱢᱟᱨᱟᱣ ᱠᱟᱱᱟ ᱾ ᱠᱟᱪᱚ ᱥᱤᱞᱯᱤᱧ ᱠᱷᱚᱱ ᱦᱟᱱᱟ ᱯᱟᱦᱴᱟ ᱜᱮ ᱠᱷᱟᱹᱛᱤᱨ ᱨᱚᱲ ᱫᱚ ᱵᱟᱝ ᱟᱸᱡᱚᱢᱚᱜ ᱠᱟᱱ ᱛᱟᱹᱠᱤᱱᱟ ᱾ ᱟᱫᱚ ᱤᱧ ᱦᱚᱸ ᱟᱹᱰᱤ ᱜᱷᱟᱹᱲᱤᱠ ᱤᱧ ᱠᱚᱭᱚᱜ ᱟᱠᱟᱫ ᱠᱤᱱᱟ ᱾ ᱜᱤᱫᱽᱨᱟᱹ ᱨᱤᱱ ᱡᱚᱛᱚ ᱟᱭᱳ ᱵᱟᱵᱟ ᱫᱚ ᱵᱟᱹᱧ ᱪᱤᱱᱦᱟᱹᱣ ᱟᱠᱟᱫ ᱠᱚᱣᱟ ᱾ Company director ᱮ ᱢᱮᱛᱟᱫ ᱫᱤᱧᱟ, ᱪᱮᱫ ᱠᱩᱠᱞᱤ ᱢᱮᱱᱟᱜ-ᱟ ᱠᱩᱞᱤ ᱠᱤᱱ ᱢᱮ ᱾
ᱟᱫᱚᱧ ᱠᱩᱞᱤ ᱠᱮᱫ ᱠᱤᱱᱟ ᱾ᱪᱮᱫ, admission ᱵᱟᱠᱷᱨᱟ ᱵᱤᱱ ᱦᱮᱡ ᱟᱠᱟᱱᱟ ?
ᱟᱫᱚ ᱩᱱᱤ ᱟᱭᱳ ᱦᱚᱲ ᱫᱚᱭ ᱛᱷᱤᱨ ᱟᱠᱟᱱᱟ ᱾
ᱟᱡᱤᱡ ᱦᱚᱯᱚᱱ ᱮᱨᱟ ᱜᱮᱭ ᱢᱮᱱ ᱠᱮᱫ-ᱟ, ᱦᱚᱭ ᱾
ᱟᱫᱚ ᱤᱧᱤᱧ ᱢᱮᱛᱟᱫ ᱫᱮᱭᱟ, ᱟᱢ ᱟᱭᱳ ᱜᱮᱭ ᱨᱚᱲ ᱢᱟ ᱾ ᱩᱱᱤ ᱠᱩᱲᱤ ᱜᱤᱫᱽᱨᱟᱹᱭ ᱢᱮᱱ ᱠᱮᱫ-ᱟ, ᱤᱧ ᱟᱭᱳ ᱫᱚ ᱤᱝᱞᱤᱥ ᱨᱚᱲ ᱵᱟᱭ ᱵᱟᱰᱟᱭᱟ ᱾
ᱱᱚᱶᱟ ᱠᱟᱛᱷᱟ ᱟᱸᱡᱚᱢ ᱠᱟᱛᱮ ᱤᱧ ᱦᱟᱦᱟᱲᱟ ᱜᱮᱹᱧ ᱵᱩᱡᱷᱟᱹᱣ ᱠᱮᱫ-ᱟ ᱾ ᱯᱟᱹᱛᱤᱭᱟᱹᱣ ᱜᱮ ᱵᱟᱹᱧ ᱯᱟᱹᱛᱤᱭᱟᱹᱣᱜ ᱠᱟᱱᱟ ᱩᱱᱤ ᱤᱝᱞᱤᱥ ᱨᱚᱲ ᱵᱟᱭ ᱵᱟᱰᱟᱭᱟ ᱢᱮᱱᱛᱮ ᱾ ᱟᱡᱟᱜ confidence ᱟᱨ self image ᱧᱮᱞ ᱠᱟᱛᱮ ᱟᱹᱰᱤ ᱜᱮᱹᱧ ᱵᱷᱟᱹᱲᱩᱢᱵᱷᱟᱜ ᱮᱱᱟ ᱾ ᱟᱨ ᱡᱚᱛᱚᱣᱟᱜ ᱩᱱᱤ ᱢᱟᱹᱭ ᱜᱤᱫᱽᱨᱟᱹ ᱜᱮ ᱤᱝᱞᱤᱥ ᱫᱚ ᱨᱩᱥᱤᱭᱟᱱ ᱯᱟᱹᱨᱥᱤ ᱛᱮᱭ ᱛᱚᱨᱡᱚᱢᱟ ᱮᱫ ᱛᱟᱦᱮᱸᱫ ᱾
ᱱᱚᱶᱟ ᱧᱮᱞ ᱠᱟᱛᱮ ᱤᱧᱤᱧ ᱩᱭᱦᱟᱹᱨ ᱠᱮᱫ-ᱟ, ᱚᱱᱟ ᱡᱟᱭᱜᱟ ᱨᱮ ᱡᱩᱫᱤ ᱟᱵᱚ ᱦᱚᱲ ᱠᱚ ᱛᱟᱦᱮᱸ ᱠᱚᱜ-ᱟ, ᱩᱱᱠᱩ ᱫᱚ ᱦᱩᱱᱟᱹᱝ ᱠᱚ ᱞᱟᱸᱫᱟ ᱟᱠᱚᱣᱟ ᱟᱨ ᱟᱵᱚ ᱫᱚ ᱦᱩᱱᱟᱹᱝ ᱞᱟᱡᱟᱣ ᱛᱮ ᱵᱚᱱ ᱠᱟᱹᱨᱤᱜᱷᱟᱢ ᱠᱚᱜ-ᱟ ᱾
ᱮᱴᱟᱜ ᱫᱤᱥᱚᱢ ᱦᱚᱲ ᱫᱚ ᱟᱠᱚ ᱯᱟᱹᱨᱥᱤ ᱛᱮᱜᱮ ᱠᱚ ᱨᱚᱲᱟ ᱾ ᱱᱚᱰᱮ ᱟᱢᱮᱨᱤᱠᱟ ᱨᱮ ᱦᱚᱸ ᱡᱩᱫᱤ ᱤᱧᱤᱡ ᱜᱟᱛᱮ ᱦᱚᱸ ᱤᱧ ᱥᱟᱶ ᱫᱚ ᱤᱝᱞᱤᱥ ᱛᱮᱭ ᱜᱟᱯᱟᱞᱢᱟᱨᱟᱣᱜ ᱨᱮᱦᱚᱸ ᱟᱡᱤᱡ ᱜᱤᱫᱽᱨᱟᱹ ᱥᱟᱶ ᱫᱚ ᱟᱡᱟᱜ ᱡᱟᱱᱟᱢ ᱟᱲᱟᱝ ᱛᱮᱜᱮᱭ ᱨᱚᱲ ᱟᱭᱟ ᱾
ᱟᱵᱚ ᱫᱚ ᱱᱤᱛ ᱦᱚᱸ ᱵᱟᱵᱚᱱ ᱵᱩᱡᱷᱟᱹᱣᱜ ᱠᱟᱱᱟᱹ ᱪᱮ ᱡᱟᱱᱟᱢ ᱨᱚᱲ, ᱚᱞ ᱫᱚ ᱛᱤᱱᱟᱹᱜ ᱢᱟᱨᱟᱝ-ᱟ, ᱚᱱᱟ ᱜᱮ ᱟᱵᱚᱣᱟᱜ ᱩᱯᱨᱩᱢ (Identity) ᱠᱟᱱᱟᱹ ᱟᱵᱚ ᱛᱤᱱ ᱵᱷᱩᱨ ᱟᱵᱚᱣᱟᱜ ᱡᱟᱱᱟᱢ ᱨᱚᱲ ᱛᱮ ᱵᱟᱵᱚᱱ ᱨᱚᱲᱟ ᱟᱵᱚᱣᱟᱜ ᱥᱟᱶᱛᱟ ᱞᱟᱦᱟᱜ ᱞᱟᱹᱜᱤᱫ ᱚᱠᱛᱚ ᱞᱟᱜᱟᱣ ᱟᱵᱚᱱᱟ ᱾
ᱟᱵᱚ ᱫᱚ ᱟᱵᱚᱣᱟᱜ ᱨᱚᱲ ᱚᱱᱠᱟ ᱵᱚᱱ ᱨᱚᱲᱟ ᱪᱮ ᱮᱴᱟᱜ ᱫᱤᱥᱚᱢ ᱦᱚᱲ ᱠᱚᱦᱚᱸ ᱚᱱᱟ ᱧᱮᱞ ᱛᱮ ᱟᱠᱚᱛᱮ ᱨᱚᱲ ᱥᱟᱱᱟ ᱠᱚ ᱢᱟ ᱾ ᱱᱚᱶᱟ ᱠᱚ ᱨᱮᱱᱟᱜ ᱮᱠᱥᱯᱮᱨᱤᱭᱮᱱᱥ ( experience ) ᱠᱷᱚᱱ ᱜᱮ ᱱᱚᱶᱟ ᱠᱟᱛᱷᱟ ᱢᱮᱱ ᱥᱟᱱᱟᱹᱧ ᱠᱟᱱᱟ ᱪᱤ ᱡᱟᱦᱟᱸ ᱨᱮᱜᱮ ᱵᱚᱱ ᱛᱟᱦᱮᱸᱱ, ᱟᱹᱛᱩ ᱨᱮ, ᱵᱟᱡᱟᱨ ᱨᱮ, ᱥᱮ ᱟᱢᱮᱨᱤᱠᱟ ᱟᱨ ᱞᱚᱱᱰᱚᱱ ᱨᱮ, ᱟᱭᱳ ᱟᱲᱟᱝ ᱫᱚ ᱵᱚᱱ ᱨᱚᱲ ᱢᱟ ᱟᱨ ᱵᱚᱱ ᱯᱟᱥᱱᱟᱣ ᱢᱟ ᱾
***
