ᱟᱞᱮᱭᱤᱡ ᱢᱤᱫ ᱦᱟᱛᱚᱢ ᱮ ᱛᱟᱦᱮᱸ ᱠᱟᱱᱟ ᱾ ᱠᱟ.ᱦᱱᱤ ᱞᱟᱹᱭ ᱠᱚ ᱫᱚ, ᱟ.ᱰᱤ ᱪᱚᱨᱚᱠ ᱮ ᱢᱮᱱ ᱫᱟᱲᱮᱭᱟᱜᱼᱟ ᱚᱠᱚᱭ ᱴᱷᱮᱱ ᱚᱠᱟ ᱞᱮᱠᱟ ᱞᱟᱹᱭ ᱦᱩᱭᱩᱜ ᱟ, ᱚᱱᱠᱟ ᱜᱮ ᱨᱟᱦᱟ ᱟᱛᱮᱭ ᱞᱟᱹᱭ ᱟᱞᱮᱭᱟ ᱾ ᱟ.ᱭᱩᱵ ᱛᱟᱨᱟ ᱚᱠᱟ ᱚᱠᱟ ᱫᱤᱱ ᱠᱚᱨᱮ ᱠᱟ.ᱦᱱᱤ ᱞᱟᱹᱭ ᱞᱟ.ᱜᱤᱫ ᱞᱮ ᱡᱩᱨᱮᱭᱟ ᱾ ᱡᱟᱸᱦᱟ ᱚᱠᱚᱭ ᱚᱠᱟ ᱢᱚᱱᱮ ᱨᱮ ᱵᱷᱮᱫᱟᱣ ᱟᱠᱟᱫ ᱞᱮᱭᱟ ᱚᱱᱟ ᱜᱮ ᱫᱚᱦᱲᱟ ᱛᱮᱞᱮ ᱢᱮᱛᱟᱭᱟ ᱾ ᱟᱯᱟᱱ ᱟ. ᱯᱤᱱᱟᱜ ᱞᱮ ᱞᱟᱹᱭ ᱜᱚᱫᱟ ᱾ ᱰᱷᱮᱨ ᱫᱚ ᱰᱟ.ᱱ ᱵᱷᱩᱛ ᱟᱜ ᱜᱮᱭ ᱟᱸᱡᱚᱢ ᱟᱞᱮᱭᱟ ᱟᱨ ᱵᱟᱝᱠᱷᱟᱱ ᱟᱡᱟᱜ ᱥᱮᱫᱟᱭ ᱦᱩᱰᱤᱧ ᱨᱮᱱᱟᱜ ᱠᱟᱛᱷᱟ ᱠᱚ, ᱱᱚᱝᱠᱟ ᱜᱮ ᱢᱤᱢᱤᱫ ᱫᱤᱱ ᱢᱤᱫᱴᱟᱹᱝ ᱟᱨ ᱦᱩᱰᱤᱧ ᱫᱷᱟᱨᱟ ᱟᱜ ᱠᱷᱟᱱ ᱵᱟᱨᱭᱟ ᱜᱟᱱ ᱾
ᱰᱟ.ᱱ ᱵᱷᱩᱛ ᱟᱜ ᱠᱷᱟᱱ ᱵᱚᱛᱚᱨ ᱛᱮ ᱟᱡ ᱥᱩᱨ ᱜᱮᱞᱮ ᱴᱷᱮᱞᱟᱣ ᱴᱷᱮᱯᱮᱞᱟᱣ ᱞᱮ ᱥᱩᱨᱩᱜ-ᱟ ᱾ ᱨᱚᱲ ᱠᱚᱦᱚᱸ ᱠᱷᱟᱭ ᱠᱷᱚᱭ ᱜᱚᱫᱚᱜ ᱛᱟᱞᱮᱭᱟ ᱾ ᱡᱟᱹᱥᱛᱤ ᱞᱮ ᱴᱷᱮᱞᱟᱣ ᱞᱮᱱ ᱠᱷᱟᱱ ᱢᱮᱛᱟ ᱞᱮᱭᱟᱭ ᱱᱚᱝᱠᱟ ᱠᱷᱟᱱ ᱟᱫᱚ ᱵᱟ.ᱧ ᱞᱟᱹᱭ ᱟᱯᱮᱭᱟ, ᱢᱤᱫ ᱥᱟᱶᱛᱮᱞᱮ ᱢᱮᱱ ᱜᱚᱫᱟ ᱟᱫᱚ ᱵᱟᱞᱮ ᱨᱮᱰᱮᱫ ᱢᱮᱭᱟ ᱾ ᱱᱩᱭ ᱜᱮ ᱴᱷᱮᱞᱟᱜ ᱠᱟᱱᱟ ᱪᱮ ᱦᱟ.ᱱᱤ ᱜᱮ ᱫᱚᱥ ᱫᱚᱯᱚᱥᱚᱜ ᱟᱞᱮ ᱾ ᱨᱟᱜ ᱦᱚᱸᱞᱮ ᱨᱚᱜ ᱜᱚᱫᱽ ᱜᱮᱭᱟ ᱚᱠᱟ ᱡᱚᱦᱚᱜ ᱠᱚᱨᱮ ᱫᱚ ᱾
ᱱᱚᱝᱠᱟ ᱜᱮ ᱥᱟ.ᱨᱤ ᱠᱟᱛᱷᱟ, ᱠᱟ.ᱦᱱᱤ ᱫᱚ ᱵᱟᱝ ᱠᱟᱱᱟ ᱺᱼ
ᱢᱤᱫᱴᱟᱹᱝ ᱟ.ᱛᱩ ᱨᱮ ᱢᱤᱫ ᱟᱭᱳ ᱦᱚᱲ ᱵᱮᱢᱟᱨ ᱟᱡᱟᱨ ᱨᱮᱭ ᱯᱟᱲᱟᱣ ᱞᱮᱱᱟ, ᱚᱠᱟ ᱠᱚᱨᱮ ᱨᱟᱱ ᱵᱟᱲᱟ ᱠᱟᱛᱮ ᱦᱚᱸ ᱵᱟᱭ ᱵᱮᱥᱚᱜ ᱠᱟᱱ ᱛᱮ ᱚᱡᱷᱟ ᱡᱟᱱ ᱠᱚ ᱧᱮᱞ ᱵᱟᱲᱟ ᱠᱟᱛᱮ, ᱢᱤᱫ ᱰᱟ.ᱴᱩ ᱡᱟᱱ ᱠᱚ ᱨᱚᱯᱚᱲ ᱟ.ᱜᱩ ᱠᱮᱫᱮᱭᱟ ᱾ ᱵᱟᱝᱢᱟ ᱠᱟ.ᱢᱤᱭᱟᱭ ᱟᱨ ᱚᱲᱟᱜ ᱠᱚᱨᱮᱱᱟᱜ ᱫᱚᱥ ᱠᱚ ᱥᱟᱶᱛᱮ ᱟᱡᱟᱨ ᱨᱮ ᱯᱟᱲᱟᱣ ᱛᱤᱱᱤᱡ ᱦᱚᱸᱭ ᱵᱮᱥᱚᱜᱼᱟ ᱾ ᱫᱤᱱ ᱠᱚ ᱧᱮᱞ ᱠᱟᱛᱮ ᱟᱡᱟᱜ ᱚᱠᱟ ᱫᱤᱱ ᱠᱟ.ᱢᱤ ᱜᱟᱱᱚᱜᱼᱟ, ᱚᱱᱟ ᱫᱤᱱ ᱮ ᱞᱟᱹᱭ ᱟᱫ ᱠᱚᱣᱟ ᱾ ᱟᱸᱡᱚᱢ ᱟᱠᱟᱫᱟ.ᱧ ᱱᱚᱝᱠᱟ ᱡᱟᱱ ᱟᱛᱮ ᱠᱟ.ᱢᱤ ᱫᱚ ᱟ.ᱛᱩ ᱦᱚᱲ ᱠᱚᱦᱚᱸ ᱠᱚ ᱵᱟᱰᱟᱭ ᱦᱚᱪᱚ ᱠᱚᱣᱟ ᱾ ᱚᱱᱟ ᱫᱤᱱ ᱥᱮᱴᱮᱨ ᱮᱱᱟ ᱡᱟᱱ ᱦᱚᱸᱭ ᱦᱮᱡ ᱮᱱᱟ, ᱚᱠᱚᱭ ᱠᱚ ᱱᱚᱝᱠᱟᱭᱮ ᱠᱟᱱᱟ ᱩᱱᱠᱩᱭ ᱪᱤᱱᱦᱟ.ᱣ ᱠᱚᱣᱟ ᱾ ᱪᱮᱫ ᱞᱮᱠᱟᱛᱮᱭ ᱪᱤᱱᱦᱟ.ᱣ ᱠᱚᱣᱟ ? ᱥᱟᱶᱛᱮ ᱥᱚᱸᱜᱮ ᱨᱮᱭ ᱟ.ᱜᱩ ᱟᱠᱟᱫᱮᱭᱟ ᱩᱰᱤᱧ ᱫᱷᱟᱨᱟ, ᱢᱟᱲᱟᱝ ᱨᱮᱜᱮ ᱠᱟᱛᱷᱟ ᱜᱚᱴᱟ ᱞᱮᱱᱟ, ᱯᱤᱛᱚᱞ ᱨᱤᱱᱤᱡ ᱥᱟᱫᱚᱢ ᱚᱠᱚᱭ ᱵᱟᱠᱚ ᱛᱩᱞ ᱫᱟᱲᱮ ᱟᱭᱟ ᱩᱱᱠᱩ ᱜᱮ ᱫᱩᱥᱤ ᱫᱚ ᱾
ᱟ.ᱛᱩ ᱡᱟᱠ ᱠᱩᱲᱤ ᱠᱚ ᱥᱮᱴᱮᱨ ᱮᱱᱟ ᱥᱚᱢᱚᱭ ᱨᱮ ᱾ ᱨᱚᱫᱚᱱᱤᱡ ᱡᱟᱦᱚᱸ ᱚᱲᱟᱜ ᱨᱮᱭ ᱜᱤᱛᱤᱡ ᱟᱠᱟᱱᱟ ᱚᱱᱟ ᱚᱲᱟᱜ ᱨᱮ ᱡᱟᱱ ᱦᱚᱸ ᱯᱤᱛᱚᱞ ᱥᱟᱫᱚᱢ ᱟᱛᱮᱭ ᱫᱩᱲᱩᱵ ᱮᱱᱟ ᱾ ᱥᱟᱶᱛᱮ ᱟ.ᱛᱩ ᱨᱤᱱ ᱚᱱᱠᱟᱱ ᱚᱱᱠᱟᱱ ᱢᱤᱫ ᱵᱟᱨ ᱦᱚᱲ ᱾ ᱤᱱᱟ.ᱜ ᱛᱮ- ᱟ.ᱛᱩ ᱨᱤᱱ ᱠᱩᱲᱤ ᱦᱚᱯᱚᱱ ᱛᱟᱭᱳᱢ ᱢᱟᱲᱟᱝ ᱡᱤᱞᱤᱧ ᱛᱮᱠᱚ ᱛᱤᱨᱭᱟ.ᱣ ᱟᱠᱟᱱᱟ ᱾ ᱢᱤ ᱢᱤᱫ ᱦᱚᱲ ᱠᱚ ᱵᱚᱞᱚᱱ ᱠᱟᱱᱟ ᱥᱟᱫᱚᱢ ᱛᱩᱞ ᱾ ᱡᱚᱛᱚ ᱦᱚᱲ ᱜᱮ ᱢᱚᱱᱮ ᱨᱮ ᱵᱚᱛᱚᱨ ᱛᱟᱠᱚ ᱯᱟᱞᱮᱱ ᱡᱟᱸᱦᱟ ᱞᱮᱠᱟᱛᱮ ᱵᱟ.ᱧ ᱛᱩᱞ ᱠᱮᱭᱟ ! ᱮᱱᱠᱷᱟᱱ ᱫᱚ !!!
ᱱᱚᱝᱠᱟ ᱱᱚᱝᱠᱟ ᱛᱮ ᱟ.ᱛᱩ ᱨᱤᱱ ᱡᱚᱛᱚ ᱠᱩᱲᱤ ᱦᱚᱯᱚᱱ ᱥᱟᱫᱚᱢ ᱫᱚᱠᱚ ᱛᱩᱞ ᱨᱟᱠᱟᱵ ᱠᱟᱛᱮ ᱠᱚ ᱢᱩᱪᱟ.ᱫ ᱮᱱ ᱛᱟᱭᱚᱢ ᱚᱱᱠᱟ ᱜᱮ ᱟ.ᱛᱩ ᱨᱤᱱ ᱦᱚᱲ ᱠᱚ ᱠᱩᱞᱤ ᱠᱮᱫᱮᱭᱟ ᱾ ᱡᱟᱱ ᱵᱟᱵᱟ, ᱫᱩᱥᱤ ᱫᱚ ᱚᱠᱚᱭ ᱞᱟᱹᱭ ᱟᱞᱮ ᱢᱮ ᱾ ᱚᱠᱚᱭ ᱠᱚ ᱥᱟᱫᱚᱢ ᱵᱟᱠᱚ ᱛᱩᱞ ᱨᱟᱠᱟᱵ ᱫᱟᱲᱮᱭᱟᱫᱮᱭᱟ ? ᱩᱱ ᱨᱮ ᱵᱟᱨᱭᱟ ᱠᱩᱲᱤ ᱦᱚᱯᱚᱱ ᱮ ᱞᱟᱹᱭ ᱠᱮᱫ ᱠᱤᱱᱟᱭ, ᱡᱮ ᱱᱩᱠᱤᱱ ᱜᱮ ᱫᱩᱥᱤ ᱫᱚ ᱾ ᱠᱩᱞᱤ ᱨᱩᱣᱟ.ᱲ ᱠᱮᱫᱮᱭᱟᱠᱚ — ᱚᱠᱟ ᱞᱮᱠᱟ ᱨᱮ ? ᱯᱤᱛᱚᱞ ᱥᱟᱫᱚᱢ ᱢᱟ ᱡᱚᱛᱚ ᱠᱩᱲᱤ ᱦᱚᱯᱚᱱ ᱠᱚ ᱛᱩᱞ ᱨᱟᱠᱟᱵ ᱠᱮᱫᱮᱭᱟ, ᱮᱱᱠᱷᱟᱱ???? ᱩᱱᱨᱮ ᱡᱟᱱ ᱮ ᱡᱚᱵᱟᱵᱽ ᱠᱮᱫᱼᱟ ᱱᱩᱠᱤᱱ ᱠᱩᱲᱤ ᱦᱚᱯᱚᱱ ᱟᱜ ᱩᱢᱩᱞ ᱱᱩᱭ ᱥᱟᱫᱚᱢ ᱪᱮᱛᱟᱱ ᱨᱤᱧ ᱧᱮᱞ ᱧᱟᱢ ᱟᱠᱟᱫᱼᱟ ᱾ ᱩᱱ ᱠᱷᱟᱱ ᱜᱮ ᱟ.ᱛᱩ ᱦᱚᱲ ᱠᱚ ᱥᱟᱵ ᱠᱮᱴᱮᱡ ᱠᱮᱫᱮᱭᱟ ᱠᱟᱛᱷᱟ ᱢᱟ ᱚᱱᱠᱟ ᱵᱟᱝ ᱛᱟᱦᱮᱸ ᱠᱟᱱ, ᱟ.ᱰᱤ ᱠᱚ ᱨᱚᱦᱮᱫ ᱵᱟᱲᱟ ᱠᱮᱫᱮᱭᱟ ᱟᱨ ᱠᱚ ᱢᱮᱛᱟᱫ ᱫᱮᱭᱟ ᱱᱚᱝᱠᱟ ᱫᱚ ᱛᱤᱥ ᱦᱚᱸ ᱟᱞᱚᱢ ᱡᱟᱱᱚᱜᱼᱟ ᱾
ᱱᱤᱛ ᱫᱚ ᱠᱟᱛᱷᱟ ᱦᱩᱭᱩᱜ ᱠᱟᱱᱟ…. ᱛᱤᱱᱟ.ᱜ ᱛᱮᱞᱮ ᱟ.ᱜᱩ ᱞᱮᱫ ᱢᱮᱭᱟ ᱚᱱᱟ ᱯᱩᱭᱥᱟ. ᱢᱟᱢ ᱨᱩᱣᱟ.ᱲ ᱜᱮ ᱟᱨ ᱱᱚᱝᱠᱟ ᱟᱢᱟᱜ ᱠᱟᱛᱷᱟ ᱛᱮ ᱵᱤᱱ ᱫᱩᱥᱤ ᱠᱤᱱ ᱮᱢ ᱫᱚᱥ ᱠᱟᱫ ᱠᱤᱱᱟ ᱚᱱᱟ ᱨᱮᱱᱟᱜ ᱯᱷᱩᱨᱟ.ᱱ ᱦᱚᱸ ᱞᱟᱜᱟᱣ ᱟᱢᱟ ᱾
***
