ᱟ.ᱰᱤ ᱜᱮᱪᱚᱨᱮᱢ ᱠᱚᱯᱟᱲᱟᱱᱟ
ᱟᱢᱫᱚ ᱡᱟᱦᱮᱨ ᱥᱟᱨᱡᱚᱢ
ᱫᱮᱵᱽ ᱜᱩᱱᱟ.ᱜ ᱟᱪᱟᱨ ᱵᱤᱪᱟ.ᱨ
ᱟᱢᱫᱚ ᱫᱤᱱᱟ.ᱢ ᱮᱢ ᱟᱸᱡᱚᱢ,
ᱦᱮᱥᱮᱡ ᱥᱮᱠᱮᱡ ᱟᱬᱜᱚ ᱨᱟᱠᱟᱵ
ᱵᱟᱞᱚᱠ ᱯᱩᱨᱩᱫᱷᱩᱞ ᱯᱩᱨᱩᱥ ᱛᱤᱨᱞᱟ.
ᱢᱟᱨᱟᱝ ᱵᱳᱨᱳ ᱡᱟᱦᱮᱨ ᱟᱭᱳ
ᱡᱩᱜᱮ ᱡᱩᱜᱮ ᱟᱢᱟᱜ ᱦᱤᱨᱞᱟ. !!
ᱥᱤᱨᱤᱵᱟ.ᱨᱤ ᱛᱩᱯᱩᱱᱟ.ᱭ ᱯᱤᱸᱰ ᱨᱮ
ᱟᱢ ᱜᱮ ᱥᱟ.ᱠᱷᱤ ᱥᱟᱨᱡᱚᱢ
ᱞᱤᱠᱤᱫ ᱞᱤᱠᱤᱫ ᱡᱟᱦᱮᱨ ᱟᱲᱮ ᱨᱮ
ᱟᱢ ᱜᱮ ᱛᱮᱸᱜᱮᱱ ᱥᱟᱨᱡᱚᱢ,
ᱵᱟᱯᱞᱟ ᱵᱮᱦᱟ ᱪᱷᱩᱛ ᱪᱷᱟ.ᱴᱭᱟ.ᱨ
ᱟᱢ ᱜᱮ ᱡᱚᱲ ᱥᱤᱨᱟ. ᱥᱟᱠᱟᱢ
ᱥᱩᱱᱩᱢ ᱥᱟᱥᱟᱝ ᱚᱡᱚᱜ ᱡᱟᱯᱟᱜ
ᱛᱤᱛᱨᱤ ᱠᱩᱲᱤ ᱠᱚ ᱥᱟᱞᱟᱢ !!
ᱪᱮᱫ ᱮᱢ ᱠᱚᱨᱚᱢ ᱞᱮᱫ-ᱟ ᱥᱟᱨᱡᱚᱢ
ᱪᱮᱫ ᱮᱢ ᱫᱷᱚᱨᱚᱢ ᱞᱮᱫ-ᱟ
ᱚᱠᱟ ᱢᱟᱦᱟᱸ ᱚᱠᱟ ᱫᱤᱱᱨᱮ
ᱟᱢ ᱫᱚ ᱡᱟ.ᱛ ᱮᱢ ᱦᱟᱛᱟᱣ ᱞᱮᱫ-ᱟ,
ᱤᱧᱢᱟ ᱢᱟᱥᱮ ᱛᱤᱨᱞᱟ. ᱦᱚᱯᱚᱱ
ᱠᱚᱯᱟᱲ ᱜᱮᱛᱤᱧ ᱵᱟ.ᱱᱩᱜ
ᱡᱟᱦᱮᱨ ᱢᱚᱦᱰᱟᱹᱧ ᱩᱭᱦᱟ.ᱨ ᱞᱮᱠᱷᱟᱱ
ᱤᱧ ᱫᱚ ᱪᱮᱞᱮᱱᱤᱧ ᱰᱟ.ᱱᱩᱜ !!
ᱦᱚᱲ ᱠᱚ ᱢᱮᱱᱟ ᱪᱟᱸᱫᱚ ᱨᱮ ᱢᱤᱫ ᱫᱷᱟᱣ
ᱤᱧ ᱢᱟ ᱪᱷᱩᱛᱤᱧ ᱛᱟᱦᱮᱸᱱ
ᱩᱱ ᱦᱚᱸ ᱡᱚᱛᱚ ᱛᱟᱦᱮᱸᱱ ᱟᱠᱚ
ᱤᱧ ᱥᱟᱶ ᱮᱦᱮᱱ ᱜᱚᱦᱮᱱ,
ᱤᱧᱟᱜ ᱤᱥᱤᱱ ᱟ.ᱨᱩ ᱡᱚᱢ ᱛᱮ
ᱡᱟᱦᱮᱨ ᱜᱚᱥᱟᱬᱮ ᱠᱚ ᱥᱮᱱᱚᱜ
ᱮᱱ ᱦᱚᱸ ᱤᱧᱟᱜ ᱡᱟᱦᱮᱨ ᱵᱚᱞᱚᱱ
ᱛᱤᱥ ᱦᱚᱸ ᱵᱟᱝᱜᱮ ᱜᱟᱱᱚᱜ !!
ᱵᱟᱝᱫᱚ ᱥᱟ.ᱨᱤ ᱵᱟᱝᱫᱚ ᱠᱷᱟ.ᱞᱤ
ᱵᱟᱝᱫᱚ ᱦᱚᱲᱟᱜ ᱵᱤᱪᱟᱹᱨ ᱚᱱᱠᱟᱱ
ᱢᱟᱨᱟᱝ ᱵᱳᱨᱳ ᱡᱟᱦᱮᱨ ᱟᱭᱳ ᱠᱷᱚᱱ
ᱤᱧ ᱢᱟ.ᱧ ᱥᱟᱦᱟ ᱟᱠᱟᱱ,
ᱫᱤᱠᱩ ᱯᱩᱥᱤ ᱧᱮᱞ ᱛᱮᱫᱚ
ᱵᱟᱝ ᱜᱮᱧ ᱟᱸᱥᱚᱜ ᱠᱟᱱᱟ
ᱵᱟ.ᱭ ᱵᱟ.ᱭ ᱛᱮ ᱩᱭᱦᱟ.ᱨ ᱤᱧᱟᱜ
ᱵᱚᱫᱚᱞ ᱟ.ᱨᱩᱜ ᱠᱟᱱᱟ !!
***
