ᱤᱧ ᱜᱮ ᱛᱤᱨᱞᱟᱹ ᱦᱚᱯᱚᱱ

ᱥᱤᱥᱩ ᱯᱷᱩᱴᱟᱹᱣ ᱵᱟᱦᱟ,
ᱵᱟᱞᱮ ᱫᱟᱨᱮ ᱨᱮᱭᱟᱜ ᱱᱟᱱᱦᱟ ᱰᱟᱹᱨ,
ᱥᱮᱨᱢᱟ ᱞᱟᱯᱷᱟᱝ ᱩᱰᱟᱹᱣᱜ ᱪᱮᱬᱮ,
ᱚᱛ ᱢᱩᱪᱟᱹᱫ ᱨᱮᱦᱮᱫ,
ᱦᱩᱰᱩᱨ ᱵᱤᱡᱽᱞᱤ ᱡᱟᱹᱲᱤ ᱫᱟᱜ,
ᱡᱚᱛᱚ ᱠᱟᱹᱦᱱᱤᱭᱟᱜ ᱢᱚᱡᱽ ᱢᱮᱱᱮᱛ,
ᱵᱮᱨᱮᱞ ᱥᱟᱥᱟᱝ ᱥᱚ ᱥᱚᱸᱫᱷᱟᱬ,
ᱦᱮ ᱤᱧ ᱜᱮ ᱛᱤᱨᱞᱟᱹ ᱦᱚᱯᱚᱱ ᱮᱨᱟ,
ᱫᱷᱟᱹᱨᱛᱤ ᱟᱭᱳ, ᱵᱟᱹᱦᱩ, ᱵᱤᱴᱤ, ᱢᱤᱥᱨᱟ ᱾

ᱚᱲᱟᱜ ᱨᱮᱱᱟᱜ ᱪᱮᱦᱮᱞ ᱪᱮᱯᱮᱞ ᱨᱚᱢᱚᱡᱽ ᱨᱟᱹᱥᱠᱟᱹ,
ᱟᱭᱳᱣᱟᱜ ᱤᱥᱤᱱᱚᱜ ᱪᱟᱣᱞᱮ ᱫᱟᱠᱟ,
ᱵᱟᱵᱟᱦᱟᱜ ᱵᱚᱦᱚᱜ ᱫᱟᱹᱦᱲᱤ,
ᱥᱟᱹᱜᱟᱹᱭ ᱡᱚᱲᱟᱣᱜ ᱵᱟᱸᱫᱚ ᱱᱟᱹᱬᱤ,
ᱜᱟᱶᱛᱟ ᱥᱟᱹᱨᱤ ᱥᱩᱥᱟᱹᱨᱤᱭᱟᱹ,
ᱫᱤᱥᱚᱢ ᱥᱟᱶᱛᱟ ᱥᱟᱡᱟᱣ ᱫᱚᱦᱚᱭ ᱦᱩᱞᱜᱟᱹᱨᱤᱭᱟᱹ,
ᱦᱮ ᱤᱧ ᱜᱮ ᱛᱤᱨᱞᱟᱹ ᱦᱚᱯᱚᱱ ᱮᱨᱟ,
ᱫᱷᱟᱹᱨᱛᱤ ᱟᱭᱳ, ᱵᱟᱹᱦᱩ, ᱵᱤᱴᱤ ᱢᱤᱥᱨᱟ ᱾

***