ᱟᱹᱛᱩᱼᱚᱲᱟᱜ , ᱟᱦᱟᱨᱼᱯᱩᱠᱷᱨᱤ
ᱵᱤᱨᱼᱵᱩᱨᱩ , ᱫᱟᱨᱮᱼᱱᱟᱹᱲᱤ ᱥᱟᱶᱛᱮ ᱥᱤᱵᱤᱞᱼᱥᱚᱲᱚᱢ ᱠᱩᱠᱢᱩ ᱧᱤᱫᱟᱹ ᱡᱟᱹᱯᱤᱫ ᱮᱵᱷᱮᱱᱚᱜ ᱥᱤᱢ ᱨᱟᱜ ᱛᱮ ᱾
ᱴᱟᱜᱤᱱ ᱯᱟᱣᱨᱟ ᱟᱜ ᱵᱷᱟᱜ ᱵᱷᱟᱹᱠᱩᱨ ᱢᱟᱞᱟ ᱯᱚᱛᱟᱢᱟᱜ ᱠᱩᱠᱩᱰᱩᱵᱩᱨ
ᱫᱟᱨᱮ ᱰᱟᱹᱨ ᱫᱟᱱᱟᱝ ᱠᱷᱚᱱ ᱠᱩᱭᱞᱤ ᱠᱩᱦᱩ
ᱥᱟᱱᱟᱢᱟᱜ ᱵᱟᱹᱜᱤ ᱠᱟᱛᱮ ᱛᱮᱦᱮᱧ
ᱨᱩᱣᱟᱹᱲ ᱥᱮᱱᱚᱜ ᱠᱟᱹᱱᱟᱹᱧ
ᱪᱟᱹᱠᱨᱤ ᱫᱤᱥᱚᱢ ᱛᱮ ᱾
ᱟᱹᱛᱩᱼᱚᱲᱟᱜ ᱨᱮ ᱢᱚᱱᱮᱼᱡᱤᱣᱤ
ᱱᱤᱛ ᱦᱚᱸ ᱢᱮᱱᱟᱜ ᱢᱚᱦᱮᱸ ᱵᱟᱦᱟ ᱨᱮ
ᱛᱟᱲᱟᱢ ᱡᱟᱸᱜᱟ ᱛᱤᱸᱜᱩᱱ ᱥᱟᱱᱟᱭ
ᱠᱚᱭᱚᱜ ᱨᱩᱣᱟᱹᱲ ᱧᱮᱯᱮᱞ
ᱯᱩᱠᱷᱨᱤ ᱟᱲᱮ ᱠᱷᱚᱱᱮ ᱜᱟᱹᱣᱤᱡ ᱟᱹᱧ ᱠᱟᱱ
ᱞᱮᱜᱮᱡ ᱞᱮᱡᱮᱡ ᱩᱞ ᱰᱷᱟᱹᱣᱨᱟᱹᱜ ᱾
ᱜᱚᱴᱟ ᱯᱟᱲᱟ ᱠᱚᱭᱚᱜ ᱟᱹᱪᱩᱨ
ᱟᱹᱛᱩᱼᱴᱚᱞᱟ ᱦᱚᱨᱼᱰᱟᱦᱟᱨ
ᱞᱟᱦᱟᱜ ᱢᱚᱱᱮ ᱵᱟᱪᱚ ᱥᱟᱱᱟᱭ
ᱨᱩᱣᱟᱹᱲ ᱥᱟᱱᱟᱭᱮ ᱢᱚᱱᱮ ᱤᱧᱟᱜ
ᱨᱩᱣᱟᱹᱲ ᱥᱟᱱᱟᱭᱮ ᱢᱚᱱᱮ ᱾
***
