ᱫᱤᱥᱚᱢ ᱯᱟᱲᱟ ᱨᱮᱱᱟᱜ
ᱥᱟᱫᱟ ᱨᱚᱸᱜᱤᱱ ᱠᱟᱜᱚᱡᱽ
ᱵᱮᱱᱟᱣᱟᱵᱚᱱ ᱟᱵᱚ
ᱠᱟᱜᱚᱡᱽ ᱰᱚᱸᱜᱟ ᱿
ᱫᱷᱟᱹᱨᱛᱤ ᱚᱜᱚᱢ ᱫᱚᱨᱭᱟ
ᱱᱚᱱᱚᱞ ᱯᱟᱛᱟᱞ ᱵᱟᱲᱤ
ᱜᱷᱟᱨᱚᱸᱡ ᱛᱤᱨᱞᱟᱹ
ᱡᱚᱛᱚ ᱞᱟᱣᱲᱤᱭᱟᱹ ᱿
ᱫᱷᱟᱹᱨᱛᱤ ᱚᱜᱚᱢ ᱫᱚᱨᱭᱟ
ᱫᱟᱜ ᱫᱚ ᱪᱮᱦᱮᱞ ᱪᱮᱯᱮᱞ
ᱠᱟᱜᱚᱡᱽ ᱰᱷᱚᱸᱜᱟ ᱛᱟᱵᱚ
ᱞᱮᱜᱮᱢ ᱞᱮᱜᱮᱢ ᱿
ᱟᱬᱜᱚ ᱭᱟᱵᱚᱱ ᱰᱷᱚᱸᱜᱟ
ᱫᱮᱞᱟ ᱦᱟᱠᱚ ᱣᱟᱵᱚᱱ
ᱟᱵᱚ ᱞᱮᱠᱟᱱ ᱛᱤᱨᱞᱟᱹ
ᱛᱟᱦᱟᱣ ᱛᱟᱦᱟᱣ ᱛᱮ
ᱰᱷᱚᱸᱜᱟ ᱫᱮ ᱵᱚᱱ ᱞᱟᱲᱟᱣ ᱿
ᱡᱟᱨᱜᱮ ᱡᱟᱹᱯᱩᱫ ᱠᱚᱨᱮ
ᱞᱚᱦᱚᱫ ᱥᱟᱦᱟᱱ ᱪᱩᱞᱦᱟᱹ
ᱢᱚᱜᱚᱫ ᱢᱚᱜᱚᱫ ᱫᱷᱩᱸᱜᱟᱹᱜ
ᱪᱩᱞᱦᱟᱹ ᱠᱩᱰᱟᱹᱢ ᱿
ᱚᱝ ᱚᱝ ᱛᱮ ᱛᱤᱨᱞᱟ ᱹ
ᱢᱮᱫ ᱛᱟᱢ ᱯᱷᱩᱞᱟᱹᱣ ᱪᱟᱵᱟᱜ
ᱮᱱ ᱦᱚᱸ ᱪᱩᱞᱦᱟᱹ ᱥᱮᱸᱜᱮᱞ
ᱵᱟᱝ ᱜᱮ ᱥᱟᱞᱜᱟ ᱿
ᱛᱤᱱᱟᱹᱜ ᱫᱤᱱ ᱫᱚ ᱱᱚᱝᱠᱟ
ᱥᱮᱸᱜᱮᱞ ᱮᱢ ᱥᱟᱞᱜᱟᱣ ᱛᱟᱢᱟ
ᱛᱤᱱᱟᱹᱜ ᱫᱤᱱ ᱫᱚ ᱱᱚᱝᱠᱟ
ᱚᱝ ᱟᱢ ᱢᱮᱬᱮᱫ ᱴᱷᱚᱸᱜᱟ ᱿
ᱟᱢ ᱦᱚᱸ ᱵᱮᱱᱟᱣ ᱢᱮ ᱫᱮᱞᱟ
ᱨᱚᱸᱜᱤᱱ ᱠᱟᱜᱚᱡᱽ ᱰᱷᱚᱸᱜᱟ
ᱱᱚᱱᱚᱞ ᱯᱟᱛᱟᱲ ᱵᱟᱹᱲᱤ
ᱞᱟᱲᱟᱣ ᱛᱟᱢ ᱢᱮ ᱿
ᱜᱷᱟᱨᱚᱸᱡᱽ ᱛᱤᱨᱞᱟᱹ ᱞᱮᱠᱟ
ᱟᱢ ᱦᱚᱸ ᱵᱮᱱᱟᱜ ᱢᱮ ᱞᱟᱹᱣᱲᱤᱣᱟᱹ
ᱞᱮᱜᱮᱢ ᱞᱮᱜᱮᱢ ᱫᱮᱞᱟ
ᱟᱵᱚ ᱛᱷᱟᱹᱨᱛᱤ ᱫᱚᱨᱭᱟ ᱨᱮ ᱿
***
