ᱮᱛᱚᱢ ᱠᱚᱧᱮ ᱵᱤᱨ ᱵᱩᱨᱩ ᱦᱟᱹᱨᱭᱟᱹᱲ ᱫᱟᱨᱮ ᱱᱟᱹᱲᱤ, ᱡᱤᱨᱤ ᱦᱤᱨᱤ ᱡᱤᱭᱟᱹᱲ ᱡᱷᱟᱨᱱᱟ ᱢᱮᱱᱟᱜ ᱜᱟᱰᱟ ᱢᱩᱰᱩ ᱾
ᱥᱮᱛᱟᱜ ᱟᱹᱭᱩᱵ ᱪᱮᱬᱮ ᱪᱤᱯᱲᱩᱡ
ᱫᱟᱭᱟ ᱜᱮᱠᱚ ᱨᱟᱜᱟ, ᱠᱩᱦᱩ ᱠᱩᱭᱞᱤ ᱨᱟᱦᱟ ᱟᱲᱟᱝ ᱛᱮ
ᱢᱚᱱᱮ ᱪᱮᱨᱮᱡ ᱚᱜᱼᱟ ᱾
ᱟᱹᱛᱩ ᱛᱟᱞᱮ ᱵᱩᱨᱩ ᱡᱟᱯᱟᱜ
ᱠᱩᱞᱦᱤ ᱡᱤᱞᱤᱧ ᱜᱮᱭᱟ,
ᱢᱮᱱᱟᱜ ᱞᱮᱭᱟ ᱥᱩᱞᱩᱠ ᱨᱮᱜᱮ
ᱥᱤᱵᱤᱞ ᱥᱟᱹᱜᱟᱹᱭ ᱵᱟᱝ ᱞᱮ ᱛᱚᱯᱟᱜᱽ ᱾᱾
ᱢᱟᱹᱱᱤᱡ ᱪᱷᱟᱭᱟ ᱢᱟᱱᱰᱤ ᱫᱚ ᱢᱤᱰ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱟᱡᱟᱜ ᱢᱤᱫᱴᱟᱹᱝ ᱚᱱᱚᱬᱦᱮ ᱯᱩᱛᱷᱤ ᱯᱟᱨᱥᱟᱞ ᱥᱚᱫᱚᱨ ᱟᱠᱟᱱᱟ ᱾ ᱚᱱᱟ ᱚᱱᱚᱬᱦᱮ ᱯᱩᱛᱷᱤ ᱨᱮᱱᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱜᱚᱪᱷᱟ ᱾ ᱟᱡ ᱫᱚ ᱪᱤᱛᱟᱹᱨ ᱛᱩᱞᱟᱹᱣ ᱟᱨ ᱯᱚᱛᱚᱵ ᱯᱟᱲᱦᱟᱣ ᱠᱚ ᱟᱹᱰᱤᱭ ᱠᱩᱥᱤᱭᱟᱜᱼᱟ ᱾ ᱟᱡᱟᱜ ᱡᱟᱱᱟᱢ ᱫᱤᱥᱚᱢ ᱫᱚ ᱵᱮᱞᱯᱟᱦᱟᱰᱤ, ᱯᱩᱪᱷᱤᱢ ᱵᱟᱝᱞᱟ ᱟᱨ ᱱᱤᱛᱚᱜ ᱫᱚ ᱥᱟᱱᱛᱨᱟᱜᱟᱹᱪᱷᱤ, ᱦᱟᱶᱲᱟ, ᱯᱩᱪᱷᱤᱢ ᱵᱟᱝᱞᱟ ᱨᱮᱭ ᱛᱟᱦᱮᱸᱱ ᱠᱟᱱᱟ ᱾
View all posts