ᱠᱷᱮᱨᱣᱟᱲ ᱦᱚᱯᱚᱱ ᱫᱚ ᱯᱟᱨᱠᱩᱛᱤᱠ ᱵᱚᱸᱜᱟ ᱦᱚᱲ ᱠᱟᱱᱟ ᱵᱚᱱ ᱾ ᱟᱵᱚ ᱫᱚ ᱫᱷᱤᱨᱤ ᱫᱟᱨᱮ ᱥᱤᱢ ᱢᱮᱨᱚᱢ ᱵᱷᱰᱤ ᱰᱟ.ᱜᱽᱨᱤ ᱠᱟᱰᱟ ᱥᱩᱠᱨᱤ ᱠᱚᱵᱚᱱ ᱵᱚᱸᱜᱟ ᱠᱚᱣᱟ ᱾ ᱟᱵᱚᱣᱟᱜ ᱵᱚᱸᱜᱟ ᱛᱷᱟᱱ ᱨᱮᱫᱚ ᱫᱷᱤᱨᱤ ᱫᱟᱨᱮ ᱠᱚ ᱛᱟᱦᱮᱸᱱᱟ ᱾ ᱥᱮᱫᱟᱭ ᱠᱷᱚᱱ ᱜᱮ ᱟᱵᱚ ᱫᱚ ᱱᱚᱝᱠᱟ ᱜᱮ ᱵᱚᱸᱜᱟ ᱵᱳᱨᱳ ᱟᱹᱜᱩ ᱟᱠᱟᱱᱟ ᱾ ᱟᱵᱚ ᱠᱷᱮᱨᱣᱟᱲ ᱠᱚᱣᱟᱜ ᱫᱚ ᱡᱟᱦᱮᱨ ᱜᱟᱲ ᱜᱚᱥᱟᱬᱮ ᱜᱮ ᱵᱚᱸᱜᱟ ᱛᱷᱟᱱ ᱠᱟᱱᱟ ᱾
ᱜᱚᱥᱟᱬᱮ ᱫᱚ ᱟ.ᱛᱩ ᱟ.ᱛᱩ ᱨᱮᱜᱮ ᱛᱟᱦᱮᱸᱱᱟ ᱾ ᱚᱱᱟ ᱫᱚ ᱟ.ᱛᱩ ᱢᱩᱪᱟ.ᱫ ᱨᱮᱜᱮ ᱛᱟᱦᱮᱸᱱᱟ ᱡᱟ.ᱥᱛᱤ ᱠᱟᱛᱮ ᱫᱚ ᱾ ᱠᱤᱪᱷᱩ ᱟ.ᱛᱩ ᱠᱚᱨᱮ ᱫᱚ ᱟ.ᱛᱩ ᱛᱟᱞᱟ ᱨᱮᱦᱚᱸ ᱛᱟᱦᱮᱱ ᱜᱮᱭᱟ ᱾ ᱜᱚᱥᱟᱬᱮ ᱨᱮᱫᱚ ᱢᱟ.ᱡᱷᱤ ᱵᱟᱵᱟ ᱟᱨ ᱢᱟ.ᱡᱷᱤ ᱟᱭᱳ ᱥᱟ.ᱠᱷᱤ ᱠᱟᱛᱮ ᱠᱚ ᱵᱚᱸᱜᱟᱭ ᱾ ᱡᱟᱦᱟᱱ ᱥᱟ.ᱜᱩᱱ ᱠᱟ.ᱢᱤ ᱪᱟᱞᱟᱜ ᱡᱷᱚᱜ ᱠᱚ ᱢᱟ.ᱡᱷᱤ ᱵᱟᱵᱟ ᱢᱟ.ᱡᱷᱤ ᱟᱭᱳ ᱜᱚᱰ ᱠᱟᱛᱮᱢ ᱪᱟᱞᱟᱜ ᱠᱷᱟᱱ ᱠᱟ.ᱢᱤ ᱠᱚᱨᱮ ᱦᱚᱸ ᱥᱟ.ᱜᱩᱱᱚᱜᱼᱟ ᱢᱮᱱᱛᱮ ᱟᱵᱚᱣᱟᱜ ᱯᱟᱹᱛᱭᱟᱹᱣ ᱢᱮᱱᱟᱜᱼᱟ ᱟᱨ ᱥᱟᱹᱨᱤ ᱜᱮ ᱾ ᱛᱮᱦᱮᱧ ᱠᱟᱹᱦᱱᱤ ᱟᱠᱟᱨ ᱛᱮ ᱥᱟᱹᱨᱤ ᱠᱟᱛᱷᱟ ᱤᱫᱤ ᱠᱟᱛᱮ ᱚᱞ ᱥᱚᱫᱚᱨᱮᱫᱼᱟ ᱾
ᱚᱱᱠᱟ ᱜᱮ ᱢᱤᱫ ᱟ.ᱛᱩ ᱳᱞᱤᱰᱤ ᱨᱮᱱᱟᱜ ᱢᱤᱫ ᱥᱟᱹᱨᱤ ᱜᱷᱚᱴᱚᱱ ᱠᱟᱱᱟ ᱾ ᱚᱱᱟ ᱟ.ᱛᱩ ᱨᱮ ᱥᱟᱱᱛᱟᱲ ᱦᱚᱯᱚᱱ ᱟᱨ ᱟ.ᱰᱤ ᱨᱚᱠᱚᱢ ᱡᱟ.ᱛ ᱫᱤᱠᱩ ᱦᱚᱯᱚᱱ ᱠᱚ ᱛᱟᱦᱮᱱᱟ ᱾ ᱮᱛᱚᱢ ᱠᱚᱸᱡᱮ ᱛᱮ ᱵᱟ.ᱫᱽ ᱜᱮ ᱢᱮᱱᱟᱜᱼᱟ ᱚᱱᱟ ᱛᱟᱞᱟᱨᱮ ᱟ.ᱛᱩ ᱢᱮᱱᱟᱜᱼᱟ ᱾
ᱛᱚᱵᱮ ᱚᱱᱟ ᱟ.ᱛᱩ ᱨᱮᱱᱟᱜ ᱥᱟᱱᱛᱟᱲ ᱦᱚᱯᱚᱱᱟᱜ ᱜᱚᱥᱟᱬᱮ ᱛᱟᱦᱮᱱ ᱟ.ᱛᱩ ᱢᱩᱪᱟ.ᱫ ᱨᱮ ᱾ ᱫᱤᱠᱩ ᱦᱚᱯᱚᱱᱟᱜ ᱵᱟ.ᱫᱽ ᱡᱟᱯᱟᱜ ᱨᱮ ᱢᱮᱱᱟᱜ ᱾ ᱤᱱᱟᱹ ᱚᱠᱛᱚ ᱫᱚ ᱵᱟ.ᱫᱽ ᱠᱚᱨᱮ ᱦᱚᱸ ᱦᱳᱲᱳ ᱠᱚ ᱢᱮᱱᱟᱜᱼᱟ ᱟᱨ ᱩᱱ ᱡᱷᱚᱜ ᱫᱚ ᱠᱟᱰᱷᱟᱱ ᱚᱠᱛᱚ ᱠᱟᱱᱟ ᱾ ᱚᱱᱠᱟ ᱜᱮ ᱢᱤᱫ ᱫᱤᱱ ᱩᱱᱤ ᱫᱤᱠᱩ ᱫᱚ ᱵᱟ.ᱫᱽ ᱮ ᱥᱟᱢᱟᱜ ᱮᱫ ᱛᱟᱦᱮᱸ ᱠᱟᱱᱟ ᱟᱨ ᱥᱟᱢᱟᱜ ᱥᱟᱢᱟᱜ ᱧᱮᱞ ᱩᱨᱩᱢ ᱠᱮᱫᱼᱟᱭ ᱡᱮ ᱱᱚᱶᱟ ᱵᱟᱵᱟᱞᱟ ᱫᱟᱨᱮ ᱢᱟ ᱱᱚᱛᱮ ᱵᱟ.ᱫᱽ ᱥᱮᱱ ᱜᱮ ᱰᱟ.ᱨᱚᱜ ᱠᱟᱱ ᱫᱚ ᱟᱨ ᱦᱳᱲᱳ ᱫᱟᱨᱮ ᱠᱚ ᱩᱢᱩᱞᱚᱜ ᱠᱟᱱᱟ ᱾ ᱚᱱᱠᱟ ᱩᱭᱦᱟᱹᱨ ᱠᱟᱛᱮ ᱩᱱᱤ ᱫᱚ ᱚᱱᱟ ᱜᱚᱥᱚᱬᱮ ᱨᱮᱱᱟᱜ ᱵᱟᱵᱟᱞᱟ ᱫᱟᱨᱮ ᱫᱚ ᱢᱟᱜ ᱮ ᱫᱤᱲᱦᱚ ᱮᱱᱟᱭ ᱟᱨ ᱢᱟᱜ ᱮ ᱪᱷᱩᱴᱟ.ᱣ ᱮᱱᱟ ᱾ᱴᱷᱤᱠ ᱤᱱ ᱚᱠᱛᱚ ᱨᱮ ᱢᱤᱫ ᱠᱷᱮᱨᱣᱟᱲ ᱦᱚᱯᱚᱱ ᱮ ᱥᱮᱱᱚᱜ ᱠᱟᱱ ᱛᱟᱦᱮᱸᱫ ᱦᱚᱨ ᱦᱚᱨ ᱛᱮ ᱟᱨ ᱧᱮᱞ ᱠᱮᱫᱮᱭᱟᱭ ᱢᱟᱢᱟᱜ ᱟᱨ ᱢᱮᱛᱟ ᱫᱮᱭᱟᱭ ᱪᱮᱫᱟᱜ ᱮᱢ ᱢᱟᱜ ᱮᱫᱼᱟ ᱚᱱᱟ ᱫᱟᱨᱮ ᱫᱚ ᱾ ᱚᱱᱠᱟ ᱛᱮ ᱵᱟᱨ ᱯᱮ ᱦᱚᱲ ᱠᱚ ᱦᱮᱡ ᱡᱟᱨᱚᱣᱟ ᱮᱱᱟ ᱠᱚ ᱥᱟᱱᱛᱟᱲ ᱦᱚᱯᱚᱱ ᱟᱨ ᱡᱮᱛᱮ ᱠᱚᱛᱮ ᱠᱚ ᱢᱮᱛᱟ ᱫᱮᱭᱟ ᱠᱚ ᱟᱞᱚᱢ ᱢᱟᱜᱟ ᱱᱚᱶᱟ ᱵᱚᱸᱜᱟ ᱛᱷᱟᱱ ᱨᱮᱱᱟᱜ ᱫᱚ ᱟᱨ ᱵᱟᱠᱚ ᱢᱟᱜᱟ ᱾ᱛᱤᱱᱟᱹᱜ ᱛᱟᱢ ᱩᱢᱩᱞᱚᱜ ᱠᱟᱱ ᱛᱮ ᱦᱳᱲᱳ ᱫᱟᱨᱮ ᱱᱟᱥᱮᱱᱟᱜ ᱜᱮᱥᱮ ᱾ ᱟᱫᱚ ᱩᱱᱤ ᱫᱤᱠᱩ ᱫᱚ ᱵᱟᱝ ᱜᱮᱭ ᱟᱸᱡᱚᱢ ᱞᱮᱫᱼᱟ ᱟᱨᱦᱚᱸ ᱩᱞᱴᱟᱹ ᱨᱩᱦᱤᱫ ᱮᱫᱟᱭ ᱱᱚᱶᱟ ᱫᱚ ᱤᱧᱟᱜ ᱥᱟᱢᱤᱞ ᱨᱮ ᱢᱮᱱᱟᱜᱼᱟ ᱟᱨ ᱱᱚᱰᱮ ᱦᱳᱲᱳ ᱩᱢᱩᱞᱚᱜ ᱠᱟᱱᱟ ᱛᱮ ᱤᱧ ᱫᱚᱧ ᱢᱟᱜᱽ ᱜᱮᱭᱟ ᱾ ᱩᱠᱩᱨ ᱪᱤᱞᱤ ᱵᱚᱸᱜᱟ ᱛᱟᱯᱮ ᱱᱚᱶᱟ ᱫᱷᱤᱨᱤ ᱵᱚᱸᱜᱟ ᱛᱟᱯᱮ ᱱᱚᱶᱟ ᱫᱷᱤᱨᱤ ᱨᱮᱫᱚ ᱤᱡᱟᱜ ᱫᱟᱜᱟᱜ ᱟᱹᱧ ᱛᱟᱯᱮ ᱚᱱᱠᱟ ᱢᱮᱱ ᱠᱟᱛᱮ ᱫᱷᱤᱨᱤ ᱦᱚᱸ ᱛᱷᱟᱭᱟ ᱠᱮᱫᱼᱟᱭ ᱾ ᱱᱚᱶᱟ ᱠᱚ ᱠᱷᱮᱨᱣᱟᱲ ᱦᱚᱲ ᱦᱚᱯᱚᱱ ᱧᱮᱞ ᱠᱟᱛᱮ ᱠᱚ ᱢᱮᱛᱟᱭ ᱠᱟᱱᱟ ᱴᱷᱤᱠ ᱜᱮᱭᱟ ᱟᱞᱮ ᱩᱢᱤᱱ ᱠᱚᱞᱮ ᱟᱹᱜᱩ ᱠᱚᱣᱟ ᱟᱨ ᱛᱤᱱᱟᱹᱜ ᱛᱮ ᱟᱢᱟᱜ ᱠᱟᱱᱟ ᱚᱱᱟ ᱵᱚᱱ ᱧᱟᱢ ᱚᱰᱚᱠᱟ ᱟᱨ ᱟᱢ ᱟᱞᱮ ᱨᱤᱱ ᱵᱚᱸᱜᱟ ᱵᱳᱨᱳ ᱪᱚᱴ ᱨᱮ ᱱᱚᱝᱠᱟᱢ ᱠᱟᱹᱢᱤ ᱠᱮᱫᱼᱟ ᱦᱟᱯᱮ ᱚᱱᱟ ᱫᱚ ᱱᱟᱜ ᱟᱢ ᱛᱮᱜᱮᱢ ᱴᱷᱤᱠᱟᱹᱭᱟ ᱢᱮᱱᱛᱮ ᱠᱚ ᱢᱮᱛᱟᱫ ᱫᱮᱭᱟ ᱾ ᱚᱱᱠᱟ ᱢᱮᱱ ᱠᱟᱛᱮ ᱟᱫᱚ ᱠᱚ ᱪᱟᱞᱟᱣ ᱮᱱᱟ ᱾ ᱥᱟᱱᱛᱟᱲ ᱦᱚᱯᱚᱱ ᱫᱚ ᱟᱨ ᱟᱹᱭᱩᱵ ᱵᱮᱲᱟ ᱟᱠᱷᱲᱟ ᱨᱮ ᱠᱟᱛᱷᱟ ᱠᱚ ᱫᱚᱦᱚ ᱠᱮᱫᱼᱟ ᱟᱨ ᱠᱚ ᱠᱟᱛᱷᱟ ᱢᱤᱫ ᱮᱱᱟ, ᱟᱵᱚ ᱡᱚᱛᱚ ᱜᱟᱯᱟ ᱥᱮᱛᱟᱜ ᱵᱮᱲᱟ ᱢᱟ.ᱡᱷᱤ ᱵᱟᱵᱟ ᱢᱟ.ᱡᱷᱤ ᱟᱭᱳ ᱴᱷᱮᱱ ᱵᱚ ᱱᱮᱦᱚᱨᱟ ᱾ ᱴᱷᱤᱠ ᱚᱱᱠᱟ ᱜᱮ ᱫᱚᱥᱟᱨ ᱦᱤᱞᱚᱜ ᱠᱚ ᱩᱢ ᱯᱷᱟᱨᱪᱟ ᱠᱟᱛᱮ ᱠᱟᱪᱟ ᱫᱷᱩᱛᱤ ᱠᱟᱛᱮ ᱠᱚ ᱪᱟᱞᱟᱣ ᱮᱱᱟ ᱟᱨ ᱠᱚ ᱱᱮᱦᱚᱨ ᱮᱱᱟ ᱡᱚᱛᱚ ᱦᱚᱲ ᱛᱮ ᱼ ᱦᱮ ᱢᱟ.ᱡᱷᱤ ᱵᱟᱵᱟ ᱢᱟ.ᱡᱷᱤ ᱟᱭᱳ ᱟᱹᱵᱤᱱ ᱪᱮᱛᱟᱱ ᱨᱮ ᱱᱩᱭ ᱫᱤᱠᱩ ᱩᱱᱟᱹᱜ ᱵᱮᱡᱚᱛ ᱠᱮᱫ ᱵᱤᱱᱟᱭ ᱟᱨ ᱢᱟᱱᱟ ᱛᱩᱞᱩᱡ ᱵᱟᱝ ᱜᱮᱭ ᱟᱸᱡᱚᱢ ᱞᱮᱫᱼᱟ ᱾ ᱢᱟ ᱟᱹᱵᱤᱱ ᱜᱮ ᱚᱱᱟ ᱫᱚ ᱵᱩᱡᱷᱟᱹᱣ ᱵᱤᱱ ᱪᱮᱫ ᱠᱩᱲᱟᱹᱭ ᱵᱤᱱ ᱮᱢᱟᱭ ᱠᱟᱱᱟ ᱚᱱᱟ ᱫᱚ ᱟᱹᱵᱤᱱ ᱜᱮ ᱵᱩᱡᱷᱟᱹᱣ ᱵᱤᱱ ᱾ ᱤᱱᱟᱹ ᱢᱮᱱ ᱠᱟᱛᱮ ᱠᱚ ᱪᱟᱞᱟᱣ ᱮᱱᱟ ᱟᱯᱟᱱ ᱟᱹᱯᱤᱱ ᱚᱲᱟᱜ ᱾
ᱛᱤᱱᱟᱹᱝ ᱫᱤᱱ ᱵᱤᱛᱟᱹᱣ ᱮᱱᱟ ᱵᱟᱨ ᱦᱟᱴ ᱜᱟᱱ ᱛᱟᱭᱚᱢ ᱟᱸᱡᱚᱢ ᱮᱱᱟ ᱩᱱᱤ ᱫᱤᱠᱩ ᱦᱚᱲᱤᱡ ᱠᱚᱲᱟ ᱜᱤᱫᱽᱨᱟᱹ ᱫᱚ ᱵᱟᱹᱱᱩᱜ ᱮᱭᱟ ᱩᱱᱤ ᱫᱚᱭ ᱵᱚᱸᱜᱟ ᱛᱟᱞᱟ ᱮᱱᱟ ᱴᱟᱴᱠᱟ ᱜᱮ ᱾ ᱴᱷᱤᱠ ᱩᱱᱤ ᱦᱚᱸ ᱵᱟᱭ ᱵᱟᱲᱟ ᱠᱟᱫᱮᱭᱟ ᱠᱚ ᱾ ᱛᱚᱵᱮ ᱚᱱᱟ ᱛᱟᱭᱚᱢ ᱦᱚᱸ ᱩᱱᱤ ᱫᱤᱠᱩ ᱚᱲᱟᱜ ᱨᱮ ᱫᱩᱠ ᱫᱚ ᱛᱟᱦᱮᱸ ᱮᱱ ᱜᱮᱭᱟ ᱾ ᱪᱮᱫᱟᱜ ᱥᱮ ᱚᱱᱟ ᱛᱟᱭᱚᱢ ᱦᱚᱸ ᱡᱟ.ᱯᱤᱫ ᱜᱮ ᱵᱟᱭ ᱫᱟᱲᱮ ᱟᱫᱼᱟ ᱡᱟ.ᱯᱤᱫ ᱡᱟᱠᱮ ᱢᱩᱥᱠᱤᱞ ᱮᱱᱟ ᱾ ᱩᱭᱦᱟᱹᱨ ᱵᱟᱲᱟ ᱠᱮᱫ ᱟᱭ ᱫᱤᱠᱩ ᱢᱤᱫ ᱫᱤᱱ ᱫᱚ ᱠᱷᱮᱨᱣᱟᱲ ᱦᱚᱯᱚᱱ ᱴᱷᱮᱱ ᱦᱮᱡ ᱠᱟᱛᱮ ᱤᱠᱟᱹ ᱠᱷᱚᱡᱽ ᱠᱟᱱᱟᱭ ᱾ ᱤᱠᱟᱹ ᱠᱟᱹᱧ ᱯᱮ ᱤᱧ ᱟ.ᱰᱤ ᱢᱟᱨᱟᱝ ᱤᱧ ᱜᱟᱹᱞᱛᱤ ᱟᱠᱟᱫᱼᱟ ᱱᱤᱛᱚᱜ ᱮᱱᱟᱝ ᱤᱧ ᱴᱷᱤᱠᱟᱹ ᱡᱚᱝ ᱠᱟᱱᱟ ᱟᱨᱤᱧ ᱦᱮᱸ ᱥᱤᱠᱟᱹᱨᱚᱜ ᱠᱟᱱᱟ ᱡᱟᱦᱟᱸ ᱵᱚᱸᱜᱟ ᱫᱷᱟᱨ ᱠᱚᱯᱮ ᱠᱚᱭᱤᱧᱟ ᱚᱱᱟ ᱠᱚ ᱡᱚᱛᱚᱧ ᱯᱩᱨᱩᱱᱟ ᱢᱮᱱᱛᱮ ᱢᱮᱛᱟᱫ ᱠᱚᱣᱟᱭ ᱾ ᱟᱸᱡᱚᱢ ᱠᱟᱛᱮ ᱠᱷᱮᱨᱣᱟᱲ ᱠᱚ ᱢᱮᱛᱟᱫ ᱫᱮᱭᱟ ᱴᱷᱤᱠ ᱜᱮᱭᱟ ᱛᱚᱵᱮ ᱮᱢᱚᱜ ᱢᱮ ᱵᱚᱸᱜᱟ ᱫᱷᱟᱨ ᱠᱚ ᱟᱨ ᱵᱚᱸᱜᱟᱭᱟᱞᱮ ᱾ ᱚᱱᱠᱟ ᱢᱮᱱ ᱠᱟᱛᱮ ᱡᱟᱦᱟ ᱡᱟᱦᱟ ᱞᱟᱹᱠᱛᱤ ᱚᱱᱟ ᱠᱚ ᱠᱤᱨᱤᱧ ᱠᱟᱛᱮᱭ ᱮᱢ ᱠᱮᱫᱼᱟ ᱟᱨ ᱚᱱᱟ ᱛᱟᱭᱚᱢ ᱫᱚ ᱱᱟᱯᱟᱭ ᱡᱟ.ᱯᱤᱫ ᱠᱚ ᱦᱮᱡ ᱮᱱᱟ ᱟᱨ ᱱᱟᱯᱟᱭ ᱨᱮᱭ ᱛᱟᱦᱮᱸ ᱮᱱᱟ ᱾ ᱛᱚᱵᱮ ᱚᱱᱟ ᱵᱟ.ᱫᱽ ᱫᱚ ᱵᱚᱛᱚᱨ ᱛᱮ ᱟ.ᱠᱷᱨᱤᱧ ᱠᱟᱫᱼᱟᱭ ᱠᱷᱮᱨᱣᱟᱲ ᱴᱷᱮᱱ ᱟᱨ ᱩᱱᱤ ᱦᱚᱸ ᱢᱤᱫ ᱥᱮᱨᱢᱟ ᱜᱮᱭ ᱛᱟᱦᱮᱸ ᱞᱮᱱᱟ ᱟᱨ ᱮ ᱵᱚᱸᱜᱟ ᱛᱟᱞᱟ ᱮᱱᱟ ᱾ ᱱᱚᱰᱮ ᱠᱷᱚᱱ ᱵᱟᱰᱟᱭᱚᱜ ᱠᱟᱱᱟ ᱢᱟᱱᱟ ᱠᱟᱛᱷᱟ ᱦᱚᱸ ᱟᱸᱡᱚᱢ ᱞᱟᱹᱠᱛᱤᱜ ᱠᱟᱱᱟ ᱟᱨ ᱡᱟᱦᱟ ᱡᱟ.ᱛ ᱨᱤᱱᱤᱡ ᱵᱚᱸᱜᱟ ᱠᱟᱱ ᱜᱮ ᱵᱚᱸᱜᱟ ᱫᱚ ᱵᱚᱸᱜᱟ ᱠᱟᱱᱟᱭ ᱢᱟᱱᱟᱣ ᱞᱟᱹᱠᱛᱤ ᱜᱮ ᱾
***
