᱑᱘᱕᱕ ᱨᱮᱭᱟᱜ ᱦᱩᱞ ᱚᱠᱛᱚ ᱨᱮ ᱥᱤᱫᱩ, ᱠᱟᱹᱱᱦᱩ, ᱪᱟᱸᱫᱽ ᱵᱷᱟᱭᱨᱚ ᱫᱤᱥᱚᱢ ᱥᱟᱹᱫᱷᱤᱱ ᱠᱚ ᱞᱟᱦᱟ ᱞᱮᱱᱟ ᱥᱟᱶᱛᱮ ᱟᱹᱫᱤᱢ ᱵᱤᱨ ᱨᱤᱱ ᱢᱤᱥᱨᱟ ᱛᱤᱨᱞᱟᱹ ᱵᱤᱨ ᱯᱷᱩᱞᱚ ᱡᱷᱟᱱᱚ ᱩᱱᱠᱤᱱ ᱦᱚᱸ ᱜᱚᱲᱚ ᱨᱮ ᱠᱤᱱ ᱛᱟᱦᱮᱸ ᱠᱟᱱᱟ ᱾
ᱮᱱᱮᱢ ᱢᱟ ᱛᱟᱹᱠᱤᱱ ᱟᱹᱰᱤ ᱰᱮᱦᱮᱨ ᱥᱟᱡᱟᱣ ᱠᱮᱫᱼᱟ ᱠᱤᱱ ᱛᱤᱨᱮ ᱴᱮᱸᱜᱚᱡ ᱠᱟᱹᱯᱤ ᱛᱟᱲᱟᱢ ᱠᱮᱫᱼᱟ ᱠᱤᱱ ᱞᱟᱹᱲᱦᱟᱹᱭ ᱴᱟᱺᱰᱤ ᱨᱮ ᱟᱸᱜᱽᱨᱮᱡᱽ ᱵᱟᱹᱭᱨᱤ ᱠᱚ ᱥᱟᱶ ᱛᱟᱯᱟᱢ ᱛᱩᱯᱩᱫ ᱞᱟᱹᱜᱤᱫ ᱞᱟᱦᱟ ᱞᱮᱱᱟ ᱠᱤᱱ ᱟᱹᱠᱤᱱᱟᱜ ᱥᱟᱡᱽ ᱯᱚᱥ ᱨᱟᱹᱥᱠᱟᱹ ᱫᱮᱭᱟ ᱠᱟᱛᱮ ᱫᱤᱥᱚᱢ ᱞᱟᱹᱲᱦᱟᱹᱭ ᱨᱮ ᱾
ᱛᱟᱦᱮᱸ ᱠᱟᱱᱟ ᱟᱸᱜᱽᱨᱮᱡᱽ ᱠᱚᱣᱟᱜ ᱜᱚᱵᱚᱞ ᱨᱮ, ᱢᱟᱦᱟᱡᱚᱱ ᱠᱚᱣᱟᱜ ᱥᱟᱥᱮᱛ ᱨᱮ ᱛᱤᱨᱞᱟᱹ ᱪᱮᱛᱟᱱ ᱵᱟᱹᱲᱤᱡ ᱱᱟᱦᱟᱪᱟᱨ ᱨᱮ ᱵᱤᱨ ᱵᱟᱱᱴᱟ ᱛᱤᱨᱞᱟᱹ ᱵᱤᱨ ᱯᱷᱩᱞᱤᱼᱡᱷᱟᱱᱚ ᱵᱟᱹᱭᱨᱤ ᱠᱤᱱ ᱢᱟᱜ ᱦᱮᱞᱮᱡ ᱞᱮᱫ ᱠᱚ ᱟᱹᱫᱤᱢ ᱵᱚᱭᱦᱟ ᱢᱤᱥᱤ ᱠᱚ ᱫᱩᱜ ᱫᱟᱨᱟᱢ ᱨᱮ ᱾
ᱥᱤᱧ ᱧᱤᱫᱟᱹ ᱛᱩᱯᱩᱫ ᱞᱟᱸᱜᱟ ᱛᱮ ᱨᱮᱸᱜᱮᱡ ᱛᱮᱛᱟᱝ ᱡᱟᱞᱟ ᱛᱮ ᱯᱷᱩᱞᱚ ᱡᱷᱟᱱᱚ ᱜᱮ ᱠᱤᱱ ᱧᱮᱞ ᱥᱟᱢᱴᱟᱣ ᱠᱚ ᱥᱟᱱᱟᱢ ᱟᱹᱫᱤᱢ ᱵᱤᱨ ᱟᱹᱠᱤᱱ ᱜᱮᱠᱤᱱ ᱛᱟᱦᱮᱸᱱ ᱢᱟᱬᱟᱝ ᱨᱮ ᱛᱤᱨᱞᱟᱹ ᱵᱤᱨ ᱠᱚ ᱛᱟᱞᱟᱨᱮ ᱡᱤᱣᱤ ᱪᱟᱞᱟᱜ ᱢᱟᱭᱟᱢ ᱞᱤᱸᱜᱤᱱ ᱮᱱ ᱦᱚᱸ ᱵᱟᱝ ᱠᱤᱱ ᱧᱤᱨ ᱾
ᱚᱞᱼᱛᱚᱞ ᱛᱟᱹᱠᱤᱱ ᱵᱟᱹᱱᱩᱜᱼᱟ ᱱᱟᱜᱟᱢ ᱯᱩᱛᱷᱤ ᱯᱟᱛᱷᱟᱢ ᱨᱮ ᱚᱱᱟᱛᱮ ᱵᱟᱝ ᱟᱸᱡᱚᱢᱚᱜ ᱡᱤᱭᱚᱱ ᱪᱩᱨᱤᱛ ᱟᱹᱫᱤᱵᱟᱹᱥᱤ ᱥᱟᱱᱛᱟᱲ ᱥᱟᱶᱛᱟ ᱨᱮ ᱠᱷᱚᱸᱫᱽᱨᱚᱸᱫᱽ ᱠᱟᱛᱮ ᱵᱚᱱ ᱧᱟᱢ ᱯᱟᱱᱛᱮᱭᱟ ᱟᱵᱚ ᱡᱟᱦᱟᱸ ᱞᱮᱠᱟᱛᱮ ᱵᱟᱰᱟᱭ ᱠᱟᱛᱮ ᱵᱚᱱ ᱯᱟᱥᱱᱟᱣ ᱛᱟᱹᱠᱤᱱᱟ ᱫᱤᱥᱚᱱ ᱦᱚᱞ ᱛᱟᱞᱟ ᱨᱮ ᱾
ᱵᱮᱱᱟᱣᱜ ᱟᱵᱚᱱ ᱥᱟᱱᱟᱢ ᱠᱚᱜᱮ ᱩᱱᱠᱤᱱ ᱛᱤᱨᱞᱟᱹ ᱵᱤᱨ ᱞᱮᱠᱟ ᱥᱟᱵ ᱦᱩᱭᱩᱜ ᱜᱮᱭᱟ ᱞᱟᱹᱠᱛᱤ ᱯᱟᱲᱟᱣᱜ ᱨᱮᱫᱚ ᱴᱮᱸᱜᱚᱡ, ᱠᱟᱹᱴᱨᱤ, ᱦᱟᱯᱟ ᱠᱷᱮᱨᱣᱟᱲ ᱡᱟᱹᱛᱤ ᱱᱤᱛ ᱦᱟᱹᱵᱤᱡ ᱪᱮᱫᱟᱜ ᱢᱮᱱᱟᱜ ᱵᱚᱱ ᱛᱟᱭᱚᱢ ᱨᱮ ᱦᱚᱠ ᱟᱹᱭᱫᱟᱹᱨᱤ ᱵᱚᱱ ᱨᱮᱡ ᱦᱚᱪᱚᱜ ᱠᱷᱟᱱ ᱛᱟᱦᱮᱸᱱᱟ ᱵᱚᱱ ᱚᱠᱟᱨᱮ ᱾
ᱢᱟᱱᱣᱟ ᱠᱚ ᱛᱟᱵᱚᱱ ᱫᱤᱥᱟᱹᱭ ᱢᱟ ᱦᱩᱞᱜᱟᱹᱨᱤᱭᱟᱹ ᱠᱚᱣᱟᱜ ᱠᱟᱛᱷᱟ ᱟᱞᱚ ᱵᱚᱱ ᱢᱟᱱᱟᱣ ᱵᱟᱛᱟᱣ ᱢᱟ ᱫᱤᱠᱩ ᱠᱚᱣᱟᱜ ᱠᱟᱛᱷᱟ ᱪᱤᱨᱜᱟᱹᱞᱚᱜ ᱢᱟ ᱮᱵᱷᱮᱱᱚᱜ ᱢᱟ ᱫᱮᱞᱟ ᱵᱚᱱ ᱡᱚᱛᱚ ᱠᱚᱜᱮ ᱫᱤᱥᱚᱢ ᱨᱮ ᱟᱨ ᱢᱤᱫ ᱦᱩᱞ ᱞᱟᱹᱜᱤᱫ ᱥᱟᱯᱲᱟᱣᱜ ᱢᱟ ᱥᱚᱸᱜᱮ ᱾
@@@
