ᱵᱷᱚᱸᱡᱽ ᱫᱤᱥᱚᱢ , ᱟᱹᱛᱩ ᱰᱟᱦᱟᱨ ᱰᱤ ᱨᱮ
ᱛᱮᱦᱮ ᱛᱮᱦᱮ ᱛᱮᱨᱫᱮᱡ ᱵᱟᱹᱭᱥᱟᱹᱠᱷ ᱠᱩᱱᱟᱹᱢᱤ ᱨᱮ ᱾᱾
ᱵᱟᱝ ᱫᱚ ᱵᱚᱝᱜᱟ! ᱵᱟᱝᱜᱫᱚ ᱢᱟᱹᱱᱢᱤ!
ᱳᱯᱮᱞ ᱞᱮᱫ ᱢᱮ ᱢᱟᱨᱟᱝ ᱵᱳᱨᱳ,
ᱢᱟᱹᱱᱢᱤ ᱪᱤᱱᱛᱮ ᱼ ᱥᱟᱱᱛᱟᱲ ᱡᱟᱹᱛᱤ ᱨᱮ
ᱩᱯᱨᱩᱢ ᱟᱞ ᱜᱩᱨᱩ ᱾᱾
ᱡᱟᱹᱛᱤ ᱥᱟᱶᱛᱟ ᱜᱩᱡᱩᱜ ᱧᱮᱞ ᱛᱮ
ᱨᱚᱫᱷᱚᱱᱚᱜ ᱡᱤᱣᱤ ᱢᱚᱱᱮ,
ᱫᱩᱠ ᱵᱚᱞᱚᱱᱟ ᱡᱤᱣᱤ ᱢᱚᱱᱮ ᱨᱮ
ᱥᱮᱛᱟᱜ ᱟᱹᱭᱩᱵ ᱜᱷᱟᱱᱮ ᱾᱾
ᱧᱤᱫᱟᱹ ᱡᱟᱹᱯᱤᱫ ᱠᱩᱠᱢᱩ ᱨᱮ
ᱧᱟᱢᱚᱜ ᱟᱹᱠᱤᱱ ᱵᱚᱸᱜᱟ ᱵᱤᱫᱩ ᱪᱟᱸᱫᱟᱱ ᱾
ᱚᱣᱟᱨ ᱞᱟᱹᱜᱤᱫ ᱥᱚᱱᱚᱛ ᱥᱟᱶᱛᱟ
ᱚᱱᱚᱞ ᱵᱚᱸᱜᱟ ᱱᱮᱦᱚᱨ ᱫᱷᱮᱭᱟᱱ
ᱧᱩᱢ ᱦᱟᱞᱟᱝ ᱠᱟᱹᱯᱤ ᱵᱩᱨᱩ ᱨᱮ ᱾᱾
ᱛᱮᱭᱟᱨ ᱞᱮᱫᱼᱟᱢ ᱚᱞ ᱪᱤᱠᱤ
ᱜᱟᱜ ᱜᱟᱵᱟᱱ ᱜᱟᱞᱟᱝ ᱪᱤᱠᱤ
ᱯᱚᱱᱚᱛ ᱯᱚᱱᱚᱛ ᱟᱨᱥᱟᱞ ᱵᱟᱹᱛᱤ
ᱢᱟᱨᱥᱟᱞ ᱮᱱᱟ ᱥᱟᱱᱛᱟᱲ ᱡᱟᱹᱛᱤ ᱾᱾
ᱟᱹᱭᱩᱨ ᱥᱩᱛᱩᱜ ᱞᱮᱫ ᱠᱚᱣᱟ ᱵᱤᱱ
ᱦᱚᱨ ᱫᱤᱥᱟᱹ ᱩᱫᱩᱜ ᱞᱟᱹᱜᱤᱫ ᱾
ᱢᱟᱨᱥᱟᱞ ᱰᱟᱦᱟᱨ ᱛᱮ ᱥᱮᱴᱮᱨ ᱞᱮᱫ ᱠᱚᱣᱟ ᱵᱤᱱ,
ᱥᱚᱱᱚᱛ ᱥᱟᱱᱛᱟᱲ ᱡᱟᱹᱛᱤ ᱾᱾
***
