ᱪᱮᱫ ᱦᱩᱲᱟᱹᱜ ᱛᱤᱧ ᱭᱳ
ᱤᱧᱟᱜ ᱫᱚ ᱛᱟᱦᱮᱸ ᱠᱟᱱᱟ
ᱪᱮᱫᱟᱜ ᱱᱚᱝᱠᱟᱱ
ᱥᱟᱡᱟ ᱫᱚ ᱛᱮᱦᱮᱧᱤᱧ ᱥᱟᱢᱟᱝ ᱠᱮᱫᱼᱟ,
ᱪᱟᱨᱟ ᱧᱟᱢ ᱞᱟᱹᱜᱤᱫ ᱜᱮᱥᱮ
ᱞᱟᱡ ᱵᱷᱟᱛᱟᱣ ᱡᱟᱞᱟ ᱜᱮᱥᱮ
ᱡᱟᱱᱟᱢ ᱚᱲᱟᱜ ᱠᱷᱚᱱ ᱵᱟᱦᱨᱮ ᱱᱟᱢᱟᱞ ᱮ ᱵᱚᱲᱦᱮ ᱞᱮᱫᱤᱧᱟ ᱾
ᱱᱤᱛᱚᱜ ᱱᱚᱝᱠᱟᱱ ᱢᱩᱦᱤᱢ
ᱥᱮᱴᱮᱨ ᱟᱹᱫᱤᱧᱟ
ᱡᱟᱱᱟᱢ ᱵᱟᱹᱠᱷᱳᱞ ᱨᱩᱣᱟᱹᱲ
ᱮ ᱵᱚᱲᱦᱮ ᱟᱠᱟᱫᱤᱧᱟ
ᱤᱠᱷᱟᱹᱱ ᱪᱮᱫᱟᱜ ᱭᱳ
ᱡᱟᱱᱟᱢ ᱚᱲᱟᱜ ᱠᱷᱚᱱᱤᱧ
ᱥᱤᱧ ᱵᱟᱦᱮᱨ ᱟᱠᱟᱱᱟ
ᱮᱭᱟᱭ ᱠᱟᱯᱟᱴ ᱛᱮ ᱾
ᱪᱮᱫ ᱛᱮᱢ ᱟᱱᱟᱴ ᱞᱮᱱᱟ ᱵᱮᱴᱟ ᱪᱮᱫ ᱛᱮᱢ ᱠᱷᱟᱴᱚ ᱞᱮᱱᱟ
ᱟᱢᱟᱜ ᱚᱞ ᱯᱟᱲᱦᱟᱣ ᱞᱟᱹᱜᱤᱫ
ᱵᱟᱹᱫᱽ, ᱰᱟᱹᱨᱤ, ᱠᱟᱰᱟᱧ
ᱟᱹᱠᱷᱨᱤᱧ ᱪᱟᱵᱟ ᱞᱮᱫ ᱠᱚᱣᱟ ᱟᱢᱟᱜ ᱢᱟᱨᱥᱟᱞ ᱰᱟᱦᱟᱨ ᱞᱟᱹᱜᱤᱫ ᱢᱤᱫ ᱵᱮᱲᱟ ᱞᱟᱡ ᱛᱤᱧ ᱡᱚᱞᱠᱚᱫ ᱤᱧ ᱫᱚᱦᱚ ᱞᱮᱫᱼᱟ ᱾
ᱥᱟᱹᱨᱫᱤ ᱚᱞᱚᱜ ᱵᱮᱲᱟ ᱨᱮ
ᱚᱠᱚᱭᱟᱜ ᱠᱟᱛᱷᱟ ᱛᱮ
ᱟᱢ ᱫᱚ ᱪᱷᱟᱸᱫᱟ ᱠᱟᱛᱮ
ᱫᱟᱹᱲ ᱵᱟᱹᱜᱤᱭᱟᱫ ᱟᱢ ᱫᱚᱞᱟᱱ ᱠᱩᱴᱷᱤ ᱴᱩᱥᱟᱹᱣ ᱵᱟᱺᱫᱤ ᱵᱟᱹᱠᱷᱩᱞ ᱫᱮᱭᱟ ᱜᱤᱰᱤ ᱠᱟᱛᱮ ᱮᱥᱤ ᱯᱟᱝᱠᱷᱟ ᱯᱚᱞᱚᱸᱠ ᱥᱟᱢᱟᱝ ᱠᱮᱫ ᱟᱢ ᱦᱟᱭᱨᱮ ᱟᱹᱠᱩᱞᱵᱟᱹᱠᱩᱞ ᱾
ᱮᱱ ᱦᱚᱸᱢ ᱞᱟᱹᱭᱩᱜ ᱞᱟᱡ ᱡᱟᱞᱟ ᱮᱱ ᱦᱚᱸᱢ ᱞᱟᱹᱭᱩᱜ ᱡᱤᱣᱤᱫ ᱜᱩᱨ ᱛᱟᱞᱟ
ᱡᱟᱦᱟᱸ ᱠᱷᱟᱹᱛᱤᱨ ᱛᱮᱦᱮᱧ ᱟᱢ ᱫᱚ ᱱᱚᱝᱠᱟ ᱦᱟᱸᱰᱮ ᱱᱷᱟᱰᱮ
ᱮᱭᱟᱭ ᱠᱟᱯᱟᱴ ᱵᱟᱦᱮᱨ ᱟᱢ ᱫᱚ
ᱡᱤᱭᱚᱱ ᱦᱟᱭ ᱡᱟᱸᱫᱮᱛᱟᱸᱫᱮ ᱾
@@
