ᱫᱩᱠ

ᱦᱟᱹ ᱨᱤᱭᱟ.ᱲ ᱫᱷᱟ.ᱨᱛᱤ ᱪᱮᱛᱟᱱ ᱨᱮ
ᱞᱤᱞ ᱥᱮᱨᱢᱟ ᱞᱟᱛᱟᱨ ᱨᱮ
ᱚᱱᱟ ᱛᱟᱞᱟ ᱨᱮ ᱛᱟᱦᱮᱸᱱ ᱠᱚ
ᱡᱤᱣᱤ ᱡᱤᱭᱟᱹᱞᱤ ᱾

ᱥᱟᱱᱟᱢ ᱡᱤᱣᱤ ᱡᱤᱭᱟᱹᱞᱤ
ᱡᱤᱣᱤ ᱨᱮ ᱛᱟᱦᱮᱸᱱ ᱫᱩᱠ
ᱛᱤᱱ ᱨᱮ ᱚᱠᱟ ᱵᱮᱲᱟ ᱨᱮ
ᱦᱤᱡᱩᱜ ᱫᱩᱠ ᱞᱟᱦᱟ ᱨᱮ
ᱵᱟᱝ ᱜᱮ ᱵᱟᱰᱟᱭ ᱚᱜ ᱾

ᱡᱤᱣᱤ ᱢᱮᱱᱟᱜ ᱠᱷᱟᱱ
ᱫᱩᱠ ᱫᱚ ᱛᱟᱦᱮᱸᱱ ᱜᱮ
ᱚᱱᱟ ᱛᱩᱞᱩᱡ ᱨᱮᱦᱚᱸ
ᱛᱟᱦᱮᱸ ᱦᱩᱭᱩᱜ ᱡᱤᱣᱤᱫ ᱾

ᱫᱩᱠ ᱫᱩᱠ ᱫᱩᱠ
ᱟᱹ ᱰᱤ ᱞᱮᱠᱟᱱ ᱫᱩᱠ
ᱡᱤᱣᱤ ᱨᱮ ᱟᱹ ᱜᱩᱭ
ᱮᱠᱟᱞ ᱡᱤᱣᱤ ᱨᱮ ᱦᱚᱸ
ᱥᱟᱸᱜᱮ ᱡᱤᱣᱤ ᱨᱮ ᱦᱚᱸ
ᱛᱟᱦᱮᱸᱱ ᱜᱮ ᱫᱩᱠ ᱾

ᱫᱩᱠ ᱟᱢ ᱫᱚᱢ
ᱪᱮᱠᱟᱢ ᱴᱷᱤᱠᱟᱹ ᱜ
ᱚᱠᱟ ᱞᱮᱠᱟᱱ ᱛᱟᱢᱟ
ᱢᱚᱦᱚᱨ ᱢᱚᱦᱚᱰᱟ
ᱵᱟᱰᱟᱭ ᱵᱟᱱᱩᱜ ᱾

ᱵᱟᱝ ᱮᱢ ᱧᱮᱞᱚᱜ
ᱵᱟᱝ ᱮᱢ ᱥᱚᱫᱚᱨᱚᱨ
ᱚᱠᱟᱨᱮᱢ ᱟᱢ ᱫᱚᱢ ᱛᱟᱦᱮᱱ
ᱦᱤᱡᱩᱜ ᱟᱢ ᱴᱟᱴᱠᱟ
ᱞᱟᱦᱟ ᱨᱮ ᱵᱟᱝ ᱮᱢ ᱠᱷᱚᱵᱚᱨ ᱾

ᱨᱟᱹ ᱥᱠᱟᱹ ᱨᱚᱢᱚᱡᱽ
ᱜᱷᱟᱨᱚᱸᱡᱽ ᱠᱚᱨᱮ
ᱥᱚᱲᱚ ᱵᱚᱞᱚ ᱜᱚᱫᱚᱜ
ᱚᱜᱚᱢ ᱫᱚᱨᱮᱭᱟ
ᱫᱟᱜ ᱞᱮᱠᱟ
ᱫᱩᱠ ᱮᱢ ᱞᱟᱞᱮ ᱪᱟᱯᱮ ᱜᱚᱫᱟ ᱾

ᱟᱢ ᱫᱚ ᱟᱢ ᱠᱩᱥᱤ ᱜᱮ
ᱚᱠᱚᱭ ᱟᱜ ᱦᱚᱸ
ᱵᱟᱝ ᱜᱮᱢ ᱟᱸᱡᱚᱢ
ᱱᱮᱦᱚᱨ ᱦᱚᱸ
ᱦᱟᱯᱮ ᱦᱟᱯᱮ
ᱟᱞᱚᱢ ᱦᱤᱡᱩᱜ ᱾᱾

ᱟᱢ ᱫᱚᱢ ᱦᱤᱡᱩᱜ
ᱵᱮᱲᱟ ᱚᱵᱮᱲᱟ ᱨᱮ
ᱚᱠᱚᱭ ᱦᱚᱸ ᱵᱟᱝ ᱠᱚ
ᱟᱠᱚᱴ ᱠᱮᱢᱟ ᱾

ᱵᱟᱹᱱᱩᱜ ᱛᱟᱢᱟ
ᱨᱮᱸᱜᱮᱡ ᱠᱤᱥᱟᱹ ᱬ ᱵᱟᱫ ᱵᱤᱪᱟᱨ
ᱵᱟᱹᱱᱩᱜ ᱛᱟᱢᱟ
ᱵᱷᱮᱜᱮᱫ ᱟᱢᱟᱜ
ᱦᱩᱰᱤᱧ ᱢᱟᱨᱟᱝ
ᱡᱮᱛᱮ ᱜᱮ ᱟᱢ
ᱞᱟᱹᱜᱤᱱ ᱫᱚ ᱵᱟᱨᱟ ᱵᱟᱨᱤ ᱾

ᱨᱮᱸᱜᱮᱡ ᱚᱨᱮᱡ ᱦᱚᱸᱢ
ᱮᱢᱟᱭ ᱫᱩᱠ
ᱵᱟᱞᱮ ᱜᱤᱫᱽᱨᱟᱹ ᱦᱚᱸᱢ
ᱮᱢᱟᱭ ᱫᱩᱠ
ᱢᱮᱫ ᱥᱟᱢᱟᱝ ᱠᱷᱚᱱ ᱦᱚᱸ
ᱨᱚᱲ ᱞᱟᱸᱫᱟ ᱛᱩᱞᱩᱡ ᱦᱚᱸᱢ
ᱟᱜᱩᱭ ᱫᱩᱠ ᱾

ᱟᱢ ᱥᱟᱢᱟᱝ ᱨᱮᱫᱚ
ᱡᱮᱛᱮ ᱜᱮ ᱵᱟᱨᱟ ᱵᱟᱹᱨᱤ
ᱚᱠᱚᱭ ᱨᱮᱦᱚᱸ ᱵᱟᱹᱱᱩᱜ
ᱟᱢᱟᱜ ᱫᱟᱭᱟ ᱢᱟᱭᱟ ᱾᱾

***