ᱡᱷᱟᱨᱱᱟ ᱜᱟᱰᱟ ᱫᱟᱜ ᱫᱚ ᱛᱟᱦᱮᱸᱱ ᱞᱤᱸᱜᱤ ᱟᱠᱟᱱ ᱨᱟᱵᱟᱝ ᱥᱤᱛᱩᱝ ᱚᱠᱟ ᱦᱚᱸ ᱵᱟᱭ ᱮᱨᱮᱲ ᱟᱠᱟᱱ ᱞᱤᱸᱜᱤ ᱟᱠᱟ ᱜᱮ ᱛᱟᱦᱮᱸᱱ ᱾
ᱦᱚᱨᱮ ᱯᱟᱸᱡᱟ ᱡᱚᱝ ᱛᱤᱢᱤᱱ ᱥᱮᱫᱟᱭ ᱠᱷᱚᱱ ᱪᱚᱝ ᱞᱤᱸᱜᱤ ᱟᱠᱟ ᱜᱮ ᱢᱮᱱᱟᱜ ᱛᱤᱢᱤᱱ ᱡᱷᱟᱹᱞ ᱪᱚᱝ ᱞᱤᱸᱜᱤ ᱚᱠᱟ ᱪᱟᱞᱟᱜ ᱚᱠᱚᱭ ᱦᱚᱸ ᱵᱟᱭ ᱵᱟᱰᱟᱭ ᱡᱚᱝ ᱾
ᱟᱢ ᱨᱮᱠᱚ ᱵᱚᱨᱥᱟ ᱟᱠᱟᱱ ᱥᱟᱱᱟᱢ ᱡᱤᱣᱤ ᱡᱤᱭᱟᱹᱞᱤ ᱪᱮᱬᱮ ᱪᱤᱯᱨᱩᱡ ᱚᱠᱚᱭ ᱨᱮᱦᱚᱸ ᱟᱸᱥ ᱫᱚ ᱛᱟᱢ ᱵᱟᱹᱱᱩᱜ ᱟᱢ ᱫᱚ ᱮᱠᱞᱟ ᱜᱮ ᱟᱢᱟᱜ ᱛᱟᱲᱟᱢ ᱦᱚᱨ ᱨᱮ ᱾
ᱛᱤᱱᱟᱹᱜ ᱞᱮᱠᱟᱱ ᱟᱱᱟᱴ ᱮᱴᱠᱮᱴᱚᱬᱮ ᱮᱱ ᱦᱚᱸ ᱟᱢ ᱫᱚ ᱞᱮᱛᱟᱲ ᱞᱤᱸᱜᱤ ᱟᱠᱟ ᱜᱮ ᱢᱮᱱᱟᱢ ᱵᱚᱛᱚᱨ ᱜᱮ ᱛᱟᱢ ᱵᱟᱹᱱᱩᱜ ᱾
ᱵᱩᱨᱩ ᱞᱮᱠᱟᱱ ᱟᱱᱟᱴ ᱠᱚᱦᱚᱸᱢ ᱮᱛᱚᱢ ᱤᱫᱤᱭᱟ ᱫᱷᱤᱨᱤ ᱞᱮᱠᱟᱱ ᱜᱟᱸᱰᱮ ᱠᱚᱦᱚᱸᱢ ᱞᱮᱵᱮᱫ ᱞᱚᱴᱚᱢ ᱤᱫᱤᱭᱟ ᱥᱤᱧ ᱧᱤᱫᱟᱹ ᱞᱟᱦᱟ ᱟᱠᱟ ᱜᱮ ᱛᱟᱲᱟᱢ ᱟᱢᱟᱜ ᱦᱚᱨ ᱛᱮ ᱾
ᱫᱩᱠᱮᱢ ᱥᱟᱦᱟᱭ ᱥᱩᱠᱮᱢ ᱥᱤᱨᱡᱚᱱ ᱡᱚᱛᱚ ᱠᱚ ᱞᱟᱹᱜᱤᱫ ᱜᱮ ᱟᱢᱟᱜ ᱛᱟᱲᱟᱢ ᱦᱚᱨ ᱨᱮ ᱚᱠᱚᱭ ᱠᱚ ᱮᱥᱮᱫ ᱢᱮᱨᱮ ᱵᱟᱹᱱᱩᱜ ᱟᱹᱲᱤᱥ ᱟᱹᱯᱟᱹᱲᱤᱥ ᱞᱟᱦᱟ ᱟᱠᱟᱜᱮᱢ ᱛᱟᱦᱮᱸᱱ ᱟᱢ ᱫᱚ ᱟᱢᱟᱜ ᱦᱚᱨ ᱛᱮ ᱾
ᱛᱟᱲᱟᱢ ᱦᱚᱨ ᱨᱮ ᱡᱟᱦᱟᱸᱭ ᱡᱟᱸᱜᱮ ᱮᱱᱟᱭ ᱩᱱᱤ ᱫᱚ ᱡᱟᱭᱡᱩᱜᱽ ᱚᱸᱰᱮ ᱜᱮ ᱛᱟᱦᱮᱸ ᱮᱱᱟᱭ ᱟᱢᱟᱜ ᱞᱮᱛᱟᱲ ᱞᱟᱦᱟᱱᱛᱤ ᱟᱢ ᱫᱚ ᱞᱮᱛᱟᱲ ᱞᱤᱸᱜᱤ ᱟᱠᱟ ᱜᱮᱢ ᱛᱟᱦᱮᱸᱱ ᱞᱤᱸᱜᱤ ᱟᱠᱟ ᱜᱮᱢ ᱛᱟᱦᱮᱸᱱ ᱾
***
