ᱟᱭᱳ ᱟᱢᱟᱜ ᱥᱚᱨᱮᱥ ᱫᱩᱞᱟᱹᱲ
ᱛᱩᱞᱟᱹ ᱡᱚᱠᱷᱟ ᱵᱟᱹᱱᱩᱜ,
ᱞᱮᱠᱷᱟ ᱡᱚᱠᱷᱟ, ᱦᱤᱥᱟᱹᱵᱽ ᱠᱤᱛᱟᱹᱵᱽ
ᱥᱟᱠᱟᱢ ᱨᱮᱦᱚᱸ ᱵᱟᱹᱱᱩᱜ ᱾᱾
ᱞᱤᱸᱜᱤᱱ ᱡᱷᱟᱨᱱᱟ ᱜᱟᱰᱟ ᱞᱮᱠᱟ
ᱫᱩᱞᱟᱹᱲ ᱟᱢᱟᱜ ᱡᱤᱭᱟᱹᱲ,
ᱚᱜᱚᱢ ᱫᱚᱨᱭᱟ ᱫᱟᱦᱨᱟ ᱞᱮᱠᱟ
ᱟᱢᱟᱜ ᱫᱩᱞᱟᱹᱲ ᱜᱟᱹᱦᱤᱸᱨ ᱾᱾
ᱠᱚᱞᱮ, ᱵᱟᱞᱮ ᱨᱮ ᱟᱸᱡᱽᱞᱮ ᱦᱚᱵᱚᱨ
ᱡᱚᱛᱚᱱ ᱦᱟᱨᱟᱢ ᱵᱟᱰᱟᱭ,
ᱨᱮᱸᱜᱮᱡ ᱵᱮᱲᱟ, ᱛᱮᱛᱟᱝ ᱡᱚᱦᱚᱜ
ᱡᱚᱢᱟᱜ, ᱧᱩᱣᱟᱜ ᱮᱢᱮᱢ ᱵᱟᱰᱟᱭ ᱾᱾
ᱥᱤᱛᱩᱝ ᱠᱷᱚᱱᱟᱜ ᱩᱢᱩᱞ ᱠᱤᱧᱟᱢ
ᱟᱧᱪᱟᱨ ᱛᱮᱜᱮᱢ ᱫᱟᱱᱟᱝ ᱤᱧᱟᱢ,
ᱦᱮᱢᱟᱞ ᱟᱭᱳ! ᱟᱢᱟᱜ ᱫᱩᱞᱟᱹᱲ ᱩᱢᱩᱞ
ᱥᱚᱨᱮᱥ ᱜᱮᱭᱟ ᱛᱳᱣᱟ ᱫᱟᱨᱮ ᱩᱢᱩᱞ ᱾᱾
***
