ᱥᱤᱵᱤᱞ ᱟᱭᱳ ᱟᱲᱟᱝ ᱫᱩᱞᱟᱹᱲ ᱡᱟᱱᱟᱢ ᱟᱲᱟᱝ ᱥᱤᱵᱤᱞ ᱟᱭᱳ ᱟᱲᱟᱝ ᱫᱩᱞᱟᱹᱲ ᱡᱟᱱᱟᱢ ᱟᱲᱟᱝ ᱟᱞᱚᱢ ᱦᱤᱲᱤᱧ ᱵᱟᱹᱵᱩ ᱥᱤᱵᱤᱞ ᱟᱭᱳ ᱟᱲᱟᱝ ᱟᱞᱚᱢ ᱵᱟᱹᱜᱤ ᱢᱟᱹᱭ ᱫᱩᱞᱟᱹᱲ ᱡᱟᱱᱟᱢ ᱟᱲᱟᱝ ᱾
ᱟᱭᱳᱣᱟᱜ ᱠᱚᱲᱟᱢ ᱠᱚᱞᱮ ᱨᱮ ᱟᱭᱳᱣᱟᱜ ᱥᱩᱛᱩᱜ ᱩᱢᱩᱞ ᱨᱮ ᱟᱢᱮᱢ ᱟᱸᱡᱚᱢ ᱞᱮᱫᱼᱟ ᱟᱭᱳ ᱟᱲᱟᱝ ᱟᱢᱮᱢ ᱟᱹᱭᱠᱟᱹᱣ ᱞᱮᱫᱟ ᱡᱟᱱᱟᱢ ᱟᱲᱟᱝ ᱾
ᱛᱚᱵᱮ ᱪᱮᱫᱟᱜ ᱛᱮᱦᱮᱧ ᱵᱟᱝ ᱮᱢ ᱴᱷᱤᱠᱟᱹ ᱭᱮᱫᱟ ᱛᱚᱵᱮ ᱪᱮᱫᱟᱜ ᱛᱮᱦᱮᱧ ᱵᱟᱝ ᱮᱢ ᱵᱩᱡᱷᱟᱹᱣᱮᱫᱟ ᱟᱭᱳᱣᱟᱜ ᱫᱩᱞᱟᱹᱲ ᱟᱲᱟᱝ ᱛᱤᱱᱟᱹᱜ ᱥᱤᱵᱤᱞ ᱟᱵᱚᱣᱟᱜ ᱡᱟᱱᱟᱢ ᱟᱲᱟᱝ ᱛᱤᱱᱟᱹᱜ ᱥᱚᱨᱮᱥ ᱾
ᱛᱤ ᱥᱟᱵ ᱠᱟᱛᱮᱫ ᱮᱢ ᱛᱤᱸᱜᱩᱭᱮᱱ ᱟᱭᱳ ᱟᱲᱟᱝ ᱛᱮ ᱦᱚᱲᱮᱢ ᱥᱮᱬᱟᱭᱮᱱ ᱟᱵᱚᱣᱟᱜ ᱡᱟᱱᱟᱢ ᱟᱲᱟᱝ ᱛᱮ ᱛᱚᱵᱮ ᱪᱮᱫᱟᱜ ᱛᱮᱦᱮᱧ ᱵᱟᱝ ᱮᱢ ᱩᱭᱦᱟᱹᱨᱮᱫ ᱛᱚᱵᱮ ᱪᱮᱫᱟᱜ ᱛᱮᱦᱮᱧ ᱵᱟᱝ ᱮᱢ ᱥᱟᱨᱦᱟᱣᱮᱫ ᱾
ᱟᱭᱳᱣᱟᱜ ᱫᱩᱞᱟᱹᱲ ᱟᱲᱟᱝ ᱛᱤᱱᱟᱹᱜ ᱥᱮᱬᱟ ᱟᱭᱳᱣᱟᱜ ᱡᱟᱱᱟᱢ ᱟᱲᱟᱝ ᱛᱤᱱᱟᱹᱜ ᱢᱟᱨᱟᱝ ᱚᱞ ᱯᱟᱹᱨᱥᱤ ᱫᱚ ᱛᱟᱢ ᱢᱟᱨᱟᱝ ᱫᱷᱚᱱ ᱡᱟᱱᱟᱢ ᱟᱲᱟᱝ ᱠᱚ ᱟᱞᱚ ᱟᱞᱚ ᱦᱤᱲᱤᱧ ᱵᱚᱱ ᱾
ᱛᱚᱵᱮ ᱢᱟ ᱛᱮᱦᱮᱧ ᱵᱚᱱ ᱥᱮᱬᱟᱭ ᱢᱟ ᱡᱟᱱᱟᱢ ᱯᱟᱹᱨᱥᱤ ᱛᱚᱵᱮ ᱢᱟ ᱛᱮᱦᱮᱧ ᱵᱚᱱ ᱢᱟᱨᱟᱝ ᱢᱟ ᱡᱟᱱᱟᱢ ᱯᱟᱹᱨᱥᱤ ᱡᱮᱜᱮᱛ ᱡᱟᱠᱟᱛ ᱨᱮᱵᱚᱱ ᱯᱟᱥᱱᱟᱣ ᱢᱟ ᱡᱟᱱᱟᱢ ᱯᱟᱹᱨᱥᱤ ᱾
***
