ᱛᱤᱨᱞᱟᱹ ᱟᱢ ᱫᱚ ᱚᱠᱚᱭ ᱦᱤᱨᱞᱟᱹ
ᱱᱚᱣᱟ ᱫᱷᱟᱹᱨᱛᱤ ᱛᱟᱞᱟ!
ᱥᱤᱨᱡᱚᱱᱤᱭᱟᱹ ᱜᱚᱲᱦᱚᱱᱤᱭᱟᱹᱼ ᱮᱢᱟᱫ ᱢᱮᱭᱟ ᱠᱤᱱ
ᱡᱚᱱᱚᱢ ᱱᱚᱣᱟ ᱫᱷᱟᱹᱨᱛᱤ ᱛᱟᱞᱟ ᱾᱾
ᱟᱭᱳ ᱵᱟᱵᱟ ᱪᱚᱜ ᱪᱮᱨᱮᱡ
ᱫᱩᱞᱟᱹᱲ ᱢᱟᱭᱟ ᱛᱮ ᱛᱚᱞ, ᱦᱮᱸᱭᱚ ᱦᱚᱵᱚᱨᱮ ᱾
ᱚᱸᱵᱟᱜ ᱡᱟᱯᱟᱜ ᱪᱟᱪᱚ ᱰᱤᱰᱤ
ᱢᱤᱨᱩ ᱟᱲᱟᱝ ᱟᱸᱫᱚᱲᱚᱜ ᱚᱲᱟᱜ ᱵᱟᱹᱠᱷᱩᱞ ᱠᱚᱨᱮ ᱾᱾
ᱥᱩᱯᱟᱹᱲᱤ ᱫᱟᱜ, ᱦᱟᱸᱥ ᱫᱷᱩᱲᱤ ᱠᱚᱴᱟ ᱥᱟᱶᱛᱮ
ᱚᱰᱚᱠ ᱵᱚᱞᱚᱱ ᱱᱟᱣᱟ ᱯᱮᱲᱟ ᱨᱟᱭᱵᱟᱨ ᱥᱟᱶᱛᱮ ᱾
ᱠᱟᱛᱷᱟ ᱜᱚᱴᱟ ᱥᱟᱨ ᱥᱟᱹᱜᱩᱱ
ᱢᱟᱹᱡᱷᱤ ᱢᱚᱲᱮ ᱦᱚᱲ ᱨᱚᱯᱚᱲ ᱱᱮᱰᱟ ᱫᱤᱱ ᱾᱾
ᱞᱟᱫᱮᱭᱮᱱᱟ ᱟᱹᱱ ᱟᱹᱨᱤ, ᱥᱟᱶᱛᱟ ᱥᱚᱢᱟᱡᱽ ᱨᱮᱱᱟᱜ ᱛᱚᱞ ᱟᱹᱨᱤ
ᱥᱟᱦᱟᱭᱮᱱᱟ ᱟᱭᱳ ᱵᱟᱵᱟ ᱡᱟᱱᱟᱢ ᱯᱟᱹᱨᱤᱥ ᱾
ᱥᱚᱱᱛᱚᱠ ᱥᱟᱠᱚᱢ, ᱠᱤᱭᱟᱹ ᱥᱤᱸᱫᱩᱨ ᱛᱮ ᱪᱤᱱᱦᱟᱹ ᱮᱱᱟᱢ,
ᱟᱹᱨᱩ ᱮᱱᱛᱟᱢ ᱡᱟᱱᱟᱢ ᱯᱟᱹᱨᱤᱥ ᱾᱾
ᱜᱷᱟᱨᱚᱸᱡᱽ ᱫᱟᱦᱨᱟ ᱫᱚᱨᱭᱟ ᱨᱮ ᱰᱚᱭᱞᱟᱝ ᱠᱮᱫᱟᱢ ᱡᱤᱭᱚᱱ ᱰᱷᱚᱸᱜᱟ ᱾
ᱦᱟᱱᱦᱟᱨ, ᱦᱚᱧᱦᱟᱨ ᱡᱚᱛᱚᱱ ᱡᱚᱜᱟᱣ
ᱥᱮᱛᱟᱜ ᱟᱹᱭᱩᱵ ᱠᱟᱹᱢᱤ ᱠᱟᱹᱢᱤ
ᱵᱟᱹᱱᱩᱜ ᱛᱟᱢᱟ ᱡᱤᱨᱟᱹᱣ, ᱠᱟᱹᱢᱤ ᱞᱟᱸᱜᱟ ᱾᱾
ᱵᱚᱸᱜᱟ ᱵᱩᱨᱩ ᱥᱮᱵᱟ ᱫᱮᱵᱟ
ᱵᱷᱤᱛᱟᱹᱨ ᱚᱲᱟᱜ ᱜᱮᱡ ᱜᱩᱨᱤᱡ, ᱞᱟᱜ ᱞᱟᱡᱟᱜ ᱾
ᱵᱚᱸᱜᱟ ᱪᱚᱰᱚᱨ ᱦᱟᱹᱰᱤ , ᱯᱤᱞᱪᱩ ᱨᱟᱥᱟ
ᱚᱱᱟ ᱠᱚ ᱥᱟᱡᱟᱣ, ᱥᱟᱯᱲᱟᱣ ᱠᱟᱹᱢᱤ ᱦᱚᱸ ᱟᱢᱟᱜ ᱾᱾
ᱛᱤᱨᱞᱟᱹ ᱟᱢᱟᱜ ᱱᱮᱭᱟᱢ ᱱᱮᱢᱟᱪᱟᱨ
ᱯᱮᱲᱟ ᱯᱚᱨᱵᱷᱩ ᱟᱛᱟᱝ ᱫᱟᱨᱟᱢ ᱾
ᱯᱮᱨᱮᱡ ᱞᱚᱴᱟ ᱫᱟᱜ ᱥᱟᱢᱟᱝ
ᱟᱛᱟᱝ ᱟᱢ ᱟᱢ ᱜᱮ ᱥᱟᱹᱜᱩᱱ ᱡᱚᱦᱟᱨ ᱾᱾
ᱜᱚᱲᱚ ᱜᱚᱯᱚᱲᱚ, ᱚᱨᱟ ᱯᱟᱹᱨᱤ, ᱡᱩᱫᱤ ᱛᱟᱦᱮᱸᱱᱟ
ᱜᱷᱟᱨᱚᱸᱡᱽ ᱛᱟᱞᱟ ᱾
ᱥᱩᱠ ᱻᱮ ᱥᱟᱢᱟᱝ, ᱫᱩᱠᱻ ᱮ ᱫᱮᱭᱟᱭ
ᱛᱮᱭᱟᱨᱚᱜ ᱻᱟ, ᱥᱩᱠ ᱥᱩᱞᱩᱠ ᱱᱤᱨᱟᱹᱭ ᱾
ᱥᱟᱹᱜᱩᱱ ᱥᱟᱶᱟᱨ ᱥᱟᱨᱥᱟᱣᱜ ᱚᱱᱟ ᱜᱷᱟᱨᱚᱸᱡᱽ ᱛᱟᱞᱟ ᱾᱾
ᱚᱠᱚᱭ ᱠᱤᱱ ᱨᱤᱱ ᱦᱚᱯᱚᱱ ᱮᱨᱟ !
ᱟᱢ ᱫᱚ ᱚᱠᱚᱭ ᱠᱚᱭᱤᱡ ᱪᱚ ᱢᱤᱥᱨᱟ
ᱚᱠᱚᱭ ᱨᱤᱱ ᱫᱚ ᱡᱟᱱᱟᱢ ᱛᱳᱣᱟ ᱫᱟᱨᱮ!
ᱚᱠᱚᱭ ᱨᱤᱱᱤᱡ ᱫᱚ ᱮᱨᱟ !ᱹᱹᱹᱹᱹ
***
