ᱛᱤᱨᱞᱟᱹ

ᱦᱮ ᱛᱤᱨᱞᱟᱹ, ᱞᱟᱦᱟ ᱥᱮᱱᱚᱜ ᱢᱮ ᱥᱟᱢᱟᱝ ᱥᱮᱱ,
ᱟᱞᱚᱢ ᱠᱚᱭᱚᱜ ᱨᱩᱣᱟᱹᱲ ᱛᱟᱭᱚᱢ ᱥᱮᱱ,
ᱢᱚᱱᱮ ᱡᱤᱣᱤ ᱠᱚ ᱠᱮᱴᱮᱡ ᱠᱟᱛᱮ,
ᱦᱟᱹᱥᱩ ᱦᱟᱨᱠᱮᱛ ᱠᱚ ᱥᱟᱦᱟᱣ ᱠᱟᱛᱮ,
ᱚᱜᱚᱢ ᱫᱚᱨᱭᱟ ᱨᱮ ᱩᱱᱩᱢ ᱟᱛᱮ,
ᱞᱟᱦᱟ ᱥᱮᱱᱚᱜ ᱢᱮ ᱟᱜᱟᱢ ᱥᱮᱱ ᱿

ᱪᱮᱫᱟᱜ ᱥᱮ, ᱟᱢ ᱜᱮ ᱛᱚ ᱦᱚᱨ ᱵᱮᱜᱼᱱᱟᱣᱤᱡ
ᱪᱮᱫᱟᱜ ᱥᱮ ᱟᱢ ᱜᱮ ᱛᱚ ᱫᱤᱥᱟᱹ ᱩᱜᱼᱫᱩᱜᱤᱡ,
ᱟᱢ ᱜᱮ ᱛᱚ ᱟᱜᱟᱢ ᱦᱚᱨ ᱛᱮ ᱟᱹᱭᱩᱨ ᱤᱜᱼᱫᱤᱭᱤᱡ ᱫᱚ ᱿

ᱛᱤᱨᱞᱟᱹ ᱟᱢ ᱨᱮ ᱜᱮ ᱛᱚ ᱵᱚᱸᱜᱟ ᱫᱟᱲᱮ,
ᱟᱢ ᱨᱮ ᱜᱮ ᱛᱚ ᱥᱤᱠᱷᱱᱟᱹᱛ ᱰᱟᱦᱟᱨ ᱫᱚ,
ᱟᱢ ᱜᱮ ᱛᱚ ᱡᱮᱜᱮᱫ ᱥᱤᱨᱡᱚᱱᱤᱭᱟᱹ ᱫᱚ ᱿

ᱛᱤᱨᱞᱟᱹ ᱟᱢ ᱜᱮ ᱛᱚ ᱡᱤᱭᱚᱱ ᱰᱚᱸᱜᱟ ᱨᱤᱱᱤᱡ ᱞᱟᱹᱣᱲᱤᱭᱟᱹ,
ᱟᱢ ᱜᱮᱛᱚ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ
ᱟᱢ ᱜᱮ ᱡᱟᱱᱟᱢ ᱫᱤᱥᱚᱢ ᱯᱷᱩᱨᱜᱟᱹᱞᱤᱭᱟᱹ ᱫᱚ ᱿

ᱛᱤᱨᱞᱟᱹ ᱟᱢ ᱜᱮ ᱛᱚ ᱡᱟᱱᱟᱢ ᱟᱭᱳ,
ᱟᱢ ᱜᱮ ᱛᱚ ᱛᱣᱟ ᱫᱟᱨᱮ,
ᱟᱢ ᱜᱮ ᱛᱚ ᱫᱩᱞᱟᱹᱲ ᱫᱚᱨᱭᱟ ᱫᱚ ᱿

ᱛᱤᱨᱞᱟᱹ ᱟᱢ ᱜᱮ ᱛᱚ ᱛᱟᱨᱟ ᱠᱮᱪᱟᱜ ᱡᱩᱨᱤ ᱜᱟᱛᱮ,
ᱟᱢ ᱜᱮ ᱛᱚ ᱥᱟᱶᱛᱟ ᱨᱤᱱᱤᱡ ᱵᱟᱹᱦᱩ ᱵᱤᱴᱤ,
ᱟᱢ ᱜᱮ ᱛᱚ ᱡᱟᱹᱦᱤ ᱨᱟᱺᱜᱤ ᱫᱟᱲᱮ ᱨᱟᱹᱱᱤ ᱫᱚ ᱿

***