ᱫᱮᱞᱟ ᱵᱚᱱ ᱫᱮᱞᱟ ᱪᱟᱞᱟᱜ ᱯᱩᱛᱷᱤ ᱢᱩᱨᱟᱹᱭ ᱜᱟᱫᱮᱞ ᱨᱮ ᱾
ᱫᱮᱞᱟ ᱵᱚᱱ ᱫᱮᱞᱟ ᱛᱟᱲᱟᱢ ᱵᱤᱨᱫᱟᱹ ᱜᱟᱹᱲ ᱜᱟᱫᱮᱞ ᱨᱮ ᱾᱾
ᱛᱤ-ᱛᱤᱭᱟᱹᱜ ᱟ.ᱭᱩᱨ ᱠᱚᱜ-ᱟ ᱵᱚᱱ ᱵᱟᱹᱵᱩ-ᱢᱟᱹᱭ ᱠᱚ,
ᱫᱮᱞᱟ ᱜᱟᱛᱮ ᱡᱚᱴᱟᱣ ᱛᱟᱨᱟ ᱠᱚᱣᱟ ᱵᱚᱱ ᱫᱟᱫᱟ-ᱫᱟᱹᱭ ᱠᱚ ᱾
ᱚᱞ ᱟᱵᱚᱱ ᱯᱟᱲᱦᱟᱣ ᱥᱮᱪᱮᱫ ᱚᱜ ᱟᱵᱚᱱ, ᱧᱩᱛᱩᱢ ᱵᱚᱱ ᱨᱟᱠᱟᱵᱽ,
ᱩᱨᱩᱢ ᱵᱚᱱ ᱥᱮᱸᱲᱟᱭ, ᱠᱩᱨᱩᱢᱩᱴᱩ ᱪᱷᱩᱴᱟᱹᱣ ᱟᱛᱮ ᱚᱞ-ᱯᱟᱲᱦᱟᱣ ᱵᱚᱱ ᱟᱨᱡᱟᱣ ᱿
ᱢᱟᱨᱟᱝ ᱵᱚᱸᱜᱟ ᱞᱮᱠᱟ ᱵᱤᱫᱩ-ᱪᱟᱸᱫᱟᱱ ᱛᱤᱠᱤᱱ ᱠᱤᱱ ᱛᱤᱸᱜᱩ ᱮᱱ,
ᱡᱮᱜᱮᱛ ᱡᱟᱠᱟᱛ ᱨᱮ ᱜᱮᱭᱟᱱ ᱥᱤᱠᱷᱱᱟᱹᱛ ᱨᱮᱭᱟᱜ ᱢᱟᱨᱥᱟᱞ ᱵᱟᱹᱛᱤ ᱠᱤᱱ ᱡᱮᱨᱮᱫᱽ ᱾
ᱫᱩᱞᱟᱹᱲ ᱢᱟᱹᱱ ᱵᱚᱱ ᱫᱚᱦᱚᱭ ᱟᱭᱳ-ᱵᱟᱵᱟ ᱠᱚᱣᱟᱜ,
ᱥᱟᱨᱦᱟᱣ ᱥᱚᱱᱢᱟᱱ ᱵᱚᱱ ᱥᱮᱸᱲᱟᱭ ᱢᱟᱪᱮᱛ-ᱢᱟᱪᱮᱛᱟᱹᱱᱤ ᱠᱚᱣᱟᱜ ᱾
ᱟᱵᱚ ᱨᱤᱱ ᱱᱩᱠᱩ ᱜᱮ ᱫᱤᱥᱟᱹ-ᱦᱩᱫᱤᱥ ᱞᱟᱹᱞᱟᱹᱭ ᱞᱟᱹᱯᱟᱹᱭ ᱠᱚ,
ᱱᱩᱠᱩ ᱜᱮ ᱟᱵᱚ ᱨᱤᱱ ᱞᱟᱦᱟᱜ ᱰᱟᱦᱟᱨ ᱩᱫᱩᱜ ᱠᱚ ᱿
ᱯᱩᱛᱷᱤ ᱢᱩᱨᱟᱹᱭ ᱜᱮ ᱠᱟᱱ ᱵᱤᱨᱫᱟᱹᱜᱟᱹᱲ, ᱥᱮᱪᱮᱫ ᱜᱟᱲ ᱜᱟᱲ ᱜᱮ ᱠᱟᱱ ᱯᱩᱛᱷᱤ ᱢᱩᱨᱟᱹᱭ ᱾
ᱯᱚᱛᱚᱵ ᱵᱚᱱ ᱯᱟᱲᱦᱟᱣ, ᱱᱚᱱᱚᱞ ᱛᱮ ᱵᱚᱱ ᱚᱞ, ᱥᱟᱶᱛᱟ ᱜᱟᱶᱛᱟ ᱥᱤᱠᱷᱱᱟᱹᱛ,
ᱜᱮᱭᱟᱱ ᱟᱨᱡᱟᱣ ᱵᱚᱱ ᱛᱚᱞ,
ᱚᱞ-ᱯᱟᱲᱦᱟᱣ,
ᱵᱩᱫᱷᱤ-ᱜᱮᱭᱟᱱ ᱨᱮᱭᱟᱜ ᱫᱚ ᱟᱹᱰᱤ ᱜᱮ ᱢᱚᱞ,
ᱨᱟᱹᱥᱠᱟᱹ ᱜᱮ ᱵᱩᱡᱷᱟᱹᱣᱜ ᱫᱩᱲᱩᱵ ᱢᱮᱥᱟ ᱯᱟᱹᱴᱷᱩᱣᱟᱹ ᱜᱟᱫᱮᱞ ᱨᱮ ᱾
ᱜᱚᱨᱚᱵᱽ ᱜᱮ ᱟᱹᱭᱠᱟᱹᱣᱜ ᱢᱤᱫ-ᱵᱟᱨ ᱠᱩᱠᱞᱤ ᱠᱟᱛᱷᱟ ᱠᱚ ᱞᱟᱹᱭ ᱥᱚᱫᱚᱨ ᱛᱮ ᱿
ᱫᱮᱞᱟ ᱵᱚᱱ ᱫᱮᱞᱟ ᱪᱟᱞᱟᱜ ᱯᱩᱛᱷᱤ ᱢᱩᱨᱟᱹᱭ ᱜᱟᱫᱮᱞ ᱨᱮ ᱾
ᱫᱮᱞᱟ ᱵᱚᱱ ᱫᱮᱞᱟ ᱛᱟᱲᱟᱢ ᱵᱤᱨᱫᱟᱹᱜᱟᱹᱲ ᱜᱟᱫᱮᱞ ᱨᱮ ᱾
