ᱟᱢᱟᱜ ᱢᱮᱫ ᱮ ᱢᱮᱱᱟ
ᱟᱹᱰᱤ ᱞᱮᱠᱟᱱ ᱠᱟᱛᱷᱟ
ᱨᱚᱲ ᱵᱟᱢ ᱨᱚᱲ ᱨᱮᱦᱚᱸ
ᱤᱧᱤᱧ ᱵᱟᱰᱟᱭ ᱫᱟᱲᱮᱭᱟᱜ ᱠᱟᱱᱟ
ᱟᱢᱟᱜ ᱚᱱᱛᱚᱨ ᱦᱟᱹᱥᱩ
ᱛᱤᱱᱟᱹᱜ ᱟᱢᱮ
ᱠᱟᱹᱦᱤᱞ ᱢᱮ ᱠᱟᱱᱟ ᱾
ᱠᱟᱛᱷᱟ ᱫᱚ ᱟᱢᱟᱜ
ᱡᱤᱭᱚᱱ ᱰᱟᱦᱟᱨ ᱨᱮᱱᱟᱜ
ᱚᱛ ᱦᱟᱥᱟ ᱨᱮᱱᱟᱜ
ᱟᱢᱟᱜ ᱢᱟᱜ ᱛᱩᱫ
ᱦᱟᱥᱟ ᱨᱮᱱᱟᱜ ᱠᱟᱛᱷᱟ
ᱵᱟᱢ ᱨᱚᱲ ᱠᱟᱱ ᱨᱮᱦᱚᱸ
ᱢᱮᱫ ᱮ ᱢᱮᱱᱟ ᱾
ᱟᱢᱟᱜ ᱦᱟᱹᱥᱩ
ᱞᱟᱜᱟ ᱮᱫ ᱢᱮ ᱠᱚ
ᱵᱩᱠᱟᱹ ᱛᱚᱯᱟ ᱚᱲᱟᱜ ᱠᱷᱚᱱ
ᱥᱟᱺᱜᱤᱧ ᱵᱤᱨ ᱜᱟᱡᱟᱲ
ᱡᱟᱦᱟᱸ ᱨᱮ ᱢᱟᱱᱣᱟ
ᱠᱚᱣᱟᱜ ᱟᱲᱟᱝ ᱵᱟᱝ ᱦᱤᱡᱩᱜ ᱾
ᱦᱚᱲ ᱫᱚ ᱵᱮᱸᱜᱮᱫ ᱠᱟᱛᱮ
ᱟᱠᱚᱣᱟᱜ ᱦᱟᱹᱥᱩ ᱠᱚ ᱞᱟᱹᱭᱟ
ᱟᱢ ᱫᱚ ᱡᱟᱹᱯᱤᱫ ᱠᱟᱛᱮ ᱦᱚᱸ
ᱟᱢᱟᱜ ᱦᱟᱹᱥᱩᱢ ᱞᱟᱹᱭ
ᱥᱚᱥᱱᱚᱜ ᱥᱟᱶᱛᱟ
ᱰᱟᱢᱟᱰᱩᱞᱚᱜ ᱨᱮᱱᱟᱜ ᱠᱟᱛᱷᱟ
ᱚᱞᱚᱜ ᱯᱟᱲᱦᱟᱣ
ᱞᱤᱠᱷᱚᱱ ᱜᱚᱲᱦᱚᱱ ᱨᱮᱱᱟᱜ ᱠᱟᱛᱷᱟ
ᱟᱨ ᱦᱚᱸ ᱞᱟᱭ ᱞᱟᱠᱪᱟᱨ
ᱵᱟᱧᱪᱟᱣ ᱨᱮᱱᱟᱜ ᱠᱟᱛᱷᱟ ᱾
***
