ᱵᱩᱨᱩ ᱥᱚᱸᱜᱷᱟ
ᱩᱢᱩᱞ ᱛᱮ ᱫᱟᱱᱟᱝ ᱟᱠᱟᱱ
ᱞᱤᱞ ᱦᱟᱹᱨᱭᱟᱹᱲ ᱵᱩᱨᱩ ᱫᱤᱥᱚᱢ
ᱠᱩᱲᱦᱟᱹ ᱛᱮ ᱩᱢᱩᱞ ᱟᱠᱟᱱ
ᱵᱩᱰᱷᱤ ᱪᱟᱴᱟᱱᱤ ᱟᱜ ᱱᱟᱜᱟᱢ
ᱨᱤᱢᱤᱞ ᱨᱟᱦᱞᱟ ᱟᱬᱜᱚ ᱦᱤᱡᱩᱜ
ᱵᱩᱨᱩ ᱥᱚᱸᱜᱷᱟ ᱛᱮ ᱾
ᱛᱤᱱᱟᱹᱜ ᱪᱮᱬᱮ ᱪᱤᱯᱨᱩᱜ ᱪᱮᱨᱚᱵᱮᱨᱚ
ᱨᱟᱹᱥᱠᱟᱹ ᱨᱚᱢᱚᱡᱽ ᱠᱚ
ᱮᱱᱮᱡ ᱵᱟᱲᱟᱭ ᱵᱩᱨᱩ ᱫᱷᱟᱨᱮ
ᱡᱤᱣᱤ ᱡᱟᱱᱣᱟ ᱠᱚ ᱚᱲᱟᱜ ᱟᱠᱟᱱ
ᱵᱩᱨᱩ ᱥᱚᱸᱜᱷᱟ ᱨᱮ ᱾
ᱱᱤᱛᱚᱜ ᱵᱚᱱ ᱛᱚᱯᱚᱞ ᱟᱠᱟᱱ
ᱵᱩᱨᱩ ᱵᱟᱦᱟ ᱨᱮ
ᱵᱩᱨᱩ ᱟᱹᱠᱷᱨᱤᱧᱚᱜ ᱠᱟᱱ
ᱵᱤᱨ ᱩᱡᱟᱹᱲᱚᱜ ᱠᱟᱱ ᱾
ᱫᱤᱥᱚᱢ ᱡᱩᱞᱩᱜ ᱠᱟᱱ
ᱫᱟᱜ ᱮ ᱵᱟᱹᱜᱤ ᱟᱵᱚ ᱠᱟᱱ
ᱵᱩᱨᱩ ᱯᱷᱚᱨᱚ ᱨᱮ
ᱥᱟᱶᱛᱟᱭ ᱨᱟᱜ ᱡᱚᱝ ᱠᱟᱱ ᱾
***
