ᱵᱟᱹᱱᱩᱜ ᱛᱟᱢᱟ ᱟᱢ ᱢᱟ
ᱟᱭᱢᱟ ᱞᱩᱜᱽᱲᱤ ᱞᱟᱯᱳ,
ᱨᱟᱵᱟᱝ ᱨᱮ ᱩᱨᱜᱩᱢ ᱮ ᱫᱚᱦᱚ ᱢᱮ
ᱟᱸᱜᱽᱨᱟ ᱥᱮᱸᱜᱮᱞ ᱚᱨᱯᱳ ᱾
ᱨᱟᱵᱟᱝ ᱨᱮᱢᱟ ᱥᱟᱨᱟ ᱫᱤᱱ ᱜᱮ
ᱵᱩᱡᱷᱟᱹᱣ ᱢᱮᱭᱟ ᱡᱳᱨᱳᱜ,
ᱡᱟᱹᱥᱛᱤ ᱟᱞᱚᱢ ᱡᱳᱨᱳᱜ ᱵᱟᱝ ᱠᱷᱟᱱ
ᱥᱚᱣᱟᱢ ᱢᱳᱨᱳᱜ ᱢᱳᱨᱳᱜ !
ᱠᱷᱟ.ᱨᱟ.ᱭ ᱨᱮᱢᱟ
ᱛᱟᱢ ᱛᱟᱥᱮ ᱵᱟᱨᱚ ᱢᱮᱥᱟ ᱦᱩᱲᱩ
ᱞᱮᱯ ᱠᱚᱢᱵᱚᱞ ᱵᱟᱝ ᱛᱮ
ᱟᱢ ᱢᱟ ᱴᱷᱩᱨᱩ ᱴᱷᱩᱨᱩ ᱾
ᱵᱟᱹᱱᱩᱜ ᱛᱟᱢᱟ ᱥᱚᱻᱥᱩᱱᱩᱢ
ᱵᱟᱹᱱᱩᱜ ᱵᱚᱰᱤ ᱳᱭᱮᱞ
ᱞᱮᱱ ᱥᱩᱱᱩᱢ ᱠᱩᱸᱭᱰᱤ ᱥᱩᱱᱩᱢ ᱱᱤᱛ ᱢᱟ ᱡᱚᱛᱚ ᱚᱪᱚᱞ ᱾
ᱠᱷᱚᱱᱰᱚᱻᱜᱤᱨᱤ ᱡᱤᱞᱤᱝ ᱦᱩᱲᱩ
ᱱᱮᱛᱟᱨ ᱫᱚ ᱵᱟᱝ ᱠᱚ ᱨᱚᱦᱚᱭ,
ᱦᱟᱡᱟᱨᱻᱥᱚᱛᱨᱚ ᱵᱚᱰᱱᱟᱦ ᱦᱩᱲᱩ ᱵᱚᱨᱵᱚᱨᱟᱻᱫᱟᱢ ᱠᱚ ᱨᱮᱭ ᱥᱚᱵᱷᱟᱭ ।
ᱨᱟᱵᱟᱝ ᱨᱮᱭᱟᱲ ᱫᱤᱱ ᱜᱮ
ᱵᱟᱝ ᱢᱟ ᱵᱩᱲᱠᱤ ᱟᱭᱳ ᱛᱟᱢ,
ᱟᱧᱪᱟᱨ ᱞᱩᱜᱽᱲᱤ ᱛᱮᱭ ᱳᱭᱳ ᱢᱮᱭᱟ
ᱠᱚᱲᱟᱢ ᱠᱚᱞᱮ ᱨᱮ ᱫᱚ ᱟᱢ ᱾
***
