ᱥᱮᱛᱟᱜ ᱨᱮᱭᱟᱜ ᱥᱤᱧ ᱪᱟᱸᱫᱚ ᱡᱷᱚᱨᱠᱟ ᱛᱟᱞᱟᱛᱮ ᱯᱷᱟᱭᱞᱟᱣ ᱮᱱᱟ ᱡᱚᱠᱷᱚᱱ ᱤᱧ ᱱᱟᱥᱛᱟ ᱨᱮᱭᱟᱜ ᱡᱚᱢᱟᱜᱼᱢᱤᱫᱴᱟᱹᱝ ᱥᱟᱫᱷᱟᱨᱚᱱ ᱛᱷᱟᱹᱨᱤ ᱨᱮ ᱢᱩᱜᱽ ᱫᱟᱹᱞ ᱟᱨ ᱯᱩᱱᱭᱟᱹ ᱨᱩᱛᱤ ᱥᱟᱞᱟᱜ ᱚᱛ ᱨᱮ ᱠᱨᱚᱥᱼᱡᱟᱸᱜᱟ ᱠᱟᱛᱮᱧ ᱫᱩᱲᱩᱵ ᱞᱮᱱᱟ ᱾ ᱫᱤᱱᱟᱹᱢ ᱤᱧ ᱵᱚᱸᱜᱟ, ᱪᱟᱹᱥᱤ, ᱤᱧ ᱨᱮᱱ ᱟᱭᱳᱼᱵᱟᱵᱟ ᱟᱨ ᱡᱟᱦᱟᱸᱭ ᱠᱚ ᱱᱚᱣᱟ ᱱᱟᱥᱮᱱᱟᱜ ᱡᱚᱢᱟᱜ ᱠᱚ ᱦᱩᱭ ᱫᱟᱲᱮᱭᱟᱜ ᱟᱠᱟᱫᱟ ᱩᱱᱠᱩ ᱥᱟᱱᱟᱢ ᱠᱚ ᱱᱤᱨᱚᱵᱽ ᱛᱮ ᱥᱟᱨᱦᱟᱣ ᱮᱫᱟ ᱾ ᱢᱮᱱᱠᱷᱟᱱ ᱛᱮᱦᱮᱧ, ᱢᱤᱫᱴᱟᱹᱝ ᱦᱩᱰᱤᱧ ᱦᱩᱰᱤᱧ ᱤᱧ ᱱᱚᱝᱠᱟᱱ ᱢᱤᱫᱴᱟᱹᱝ ᱥᱮᱪᱮᱫ ᱮ ᱮᱢᱟᱹᱧ ᱡᱟᱦᱟᱸ ᱫᱚ ᱤᱧ ᱵᱟᱹᱧ ᱟᱸᱥ ᱞᱮᱫᱟ ᱾ ᱤᱧ ᱥᱟᱨᱟ ᱜᱷᱟᱹᱲᱤᱡ ᱤᱧ ᱠᱩᱨᱩᱢᱩᱴᱩ ᱞᱮᱫᱟ ᱡᱮ ᱢᱤᱫᱴᱟᱹᱝ ᱦᱚᱸ ᱦᱩᱰᱤᱧ ᱦᱚᱸ ᱵᱟᱝ ᱧᱩᱨᱩᱜᱼᱟ ᱾
ᱢᱮᱱᱠᱷᱟᱱ ᱫᱤᱱᱟᱹᱢ ᱠᱩᱠᱢᱩ ᱧᱮᱞᱤᱡᱟᱜ ᱛᱤ ᱫᱚ ᱚᱠᱟ ᱚᱠᱟ ᱚᱠᱛᱚ ᱨᱮ ᱩᱱᱤ ᱵᱟᱭ ᱯᱟᱹᱛᱭᱟᱹᱣ ᱮᱫᱟ ᱾ ᱢᱤᱫᱴᱟᱹᱝ ᱦᱩᱰᱤᱧ ᱢᱩᱜᱽ ᱤᱧᱟᱜ ᱛᱷᱟᱹᱨᱤ ᱠᱷᱚᱱ ᱚᱛ ᱨᱮ ᱧᱩᱨ ᱮᱱᱟ ᱾ ᱤᱧᱤᱧ ᱵᱷᱟᱹᱵᱤ ᱞᱮᱫᱟ ᱡᱮ ᱤᱧ ᱛᱟᱭᱚᱢ ᱛᱮ ᱱᱚᱣᱟᱧ ᱨᱟᱠᱟᱵᱟ ᱟᱨ ᱡᱚᱢ ᱤᱧ ᱪᱟᱞᱟᱜᱼᱟ, ᱤᱧᱟᱜ ᱢᱚᱱ ᱫᱚ ᱟᱹᱪᱩᱨ ᱪᱟᱞᱟᱜ ᱠᱟᱱᱟ ᱾
ᱚᱱᱟ ᱛᱟᱭᱚᱢ ᱤᱧ ᱱᱚᱣᱟᱧ ᱧᱮᱞ ᱠᱮᱫᱟ ᱡᱮ, ᱢᱤᱫᱴᱟᱹᱝ ᱦᱩᱰᱤᱧ ᱟᱨ ᱠᱮᱴᱮᱡ ᱢᱩᱡ ᱧᱩᱨᱩᱜ ᱠᱟᱱ ᱟᱱᱟᱡᱽ ᱮ ᱛᱷᱤᱨ ᱠᱮᱫᱟ ᱾ ᱩᱱᱤ ᱟᱡᱟᱜ ᱥᱟᱱᱟᱢ ᱫᱟᱲᱮ ᱛᱮᱭ ᱞᱟᱹᱲᱦᱟᱹᱭ ᱠᱮᱫᱟ, ᱡᱷᱤᱞᱟᱹᱣ ᱠᱮᱫᱟ ᱟᱨ ᱫᱟᱞ ᱠᱮᱫᱟᱭ ᱾ ᱩᱥᱟᱹᱨᱟ ᱜᱮ ᱟᱨ ᱢᱤᱫᱴᱟᱹᱝ
ᱦᱩᱰᱤᱧ ᱢᱩᱡ ᱮ ᱧᱮᱞ ᱧᱟᱢ ᱠᱮᱫᱟ ᱡᱟᱦᱟᱸ ᱫᱚ ᱩᱱᱤ ᱥᱟᱶ ᱮ ᱥᱮᱞᱮᱫ ᱮᱱᱟ ᱾ ᱩᱱᱠᱩ ᱢᱤᱫ ᱥᱟᱶᱛᱮ ᱱᱚᱣᱟ ᱫᱚ ᱛᱟᱲᱟᱢ ᱨᱮᱭᱟᱜ ᱠᱚ ᱠᱩᱨᱩᱢᱩᱴᱩ ᱞᱮᱫᱟ, ᱢᱮᱱᱠᱷᱟᱱ ᱢᱩᱜᱽ ᱟᱹᱰᱤ ᱦᱟᱢᱟᱞ ᱛᱟᱦᱮᱸ ᱠᱟᱱᱟ ᱾ ᱠᱤᱪᱷᱩ ᱚᱠᱛᱚ ᱞᱟᱹᱜᱤᱫ ᱩᱱᱠᱩ ᱠᱚ ᱞᱟᱹᱲᱦᱟᱹᱭ ᱠᱮᱫᱼᱟ ᱟᱨ ᱠᱤᱪᱷᱩ ᱚᱠᱛᱮ ᱞᱟᱹᱜᱤᱫ ᱫᱚᱠᱚ ᱵᱤᱨᱛᱷᱟᱹ ᱞᱮᱱᱟ ᱾
ᱩᱱᱠᱩ ᱫᱚ ᱢᱩᱜᱽ ᱫᱟᱱᱟ ᱠᱷᱚᱱ ᱠᱚ ᱨᱩᱣᱟᱹᱲ ᱮᱱᱟ, ᱟᱠᱚᱣᱟᱜ ᱠᱟᱹᱴᱤᱡ ᱠᱟᱹᱴᱤᱡ ᱦᱚᱲᱢᱚ ᱫᱚ ᱟᱯᱱᱟᱨ ᱟᱯᱱᱟᱨ ᱨᱮᱭᱟᱜ ᱵᱚᱡᱷᱟ ᱛᱮᱠᱚ ᱞᱤᱸᱜᱤᱱ ᱠᱟᱱᱟ ᱾ ᱢᱮᱱᱠᱷᱟᱱ ᱟᱹᱰᱤ ᱞᱚᱜᱚᱱ ᱫᱷᱟᱹᱨᱛᱤ ᱨᱮᱱᱟᱜ ᱦᱮᱸᱫᱮ ᱫᱷᱟᱨᱮ ᱠᱷᱚᱱ ᱩᱱᱠᱩ ᱠᱚ ᱨᱩᱣᱟᱹᱲ ᱦᱮᱡ ᱮᱱᱟ, ᱟᱹᱱᱼᱟᱹᱨᱤ ᱟᱨ ᱞᱚᱜᱚᱱ ᱵᱟᱝ ᱠᱟᱛᱮ, ᱡᱮᱞᱮᱠᱟ ᱡᱟᱦᱟᱱ ᱱᱤᱨᱚᱵᱽ ᱥᱚᱞᱦᱮ ᱛᱮᱠᱚ ᱦᱚᱦᱚ ᱟᱫᱮᱭᱟ ᱾ ᱩᱱᱠᱩ ᱫᱚ ᱱᱤᱨᱚᱵᱽ ᱛᱮ, ᱡᱟᱸᱜᱮ ᱫᱟᱨᱟᱢ ᱯᱚᱨᱤᱥᱚᱫᱽ ᱛᱮ ᱟᱱᱟᱡᱽ ᱠᱚ ᱜᱷᱮᱨᱟᱣ ᱠᱮᱫᱟ, ᱟᱨ ᱚᱱᱟ ᱛᱟᱭᱚᱢ ᱢᱤᱫ ᱥᱟᱶᱛᱮ ᱩᱱᱠᱩ ᱢᱩᱜᱽ ᱫᱟᱱᱟ ᱠᱚ ᱨᱟᱠᱟᱵ ᱠᱮᱫᱟ ᱟᱨ ᱡᱟᱦᱟᱸ ᱰᱟᱦᱟᱨ ᱨᱮ ᱠᱚ ᱦᱮᱡ ᱞᱮᱱᱟ ᱚᱱᱟ ᱰᱟᱦᱟᱨ ᱨᱮ ᱩᱱᱠᱩ ᱢᱩᱡ ᱠᱚ ᱨᱩᱣᱟᱹᱲ ᱮᱱᱟ ᱾ ᱟᱨ ᱤᱧᱤᱧ ᱩᱭᱦᱟᱹᱨ ᱠᱮᱫᱟ ᱡᱮ, ᱦᱩᱭ ᱫᱟᱲᱮᱭᱟᱜᱼᱟ ᱡᱤᱛᱠᱟᱹᱨ ᱫᱚ ᱛᱤᱥ ᱦᱚᱸ ᱫᱟᱲᱮ ᱠᱷᱚᱱ ᱵᱟᱝ ᱡᱟᱱᱟᱢᱚᱜᱼᱟ, ᱢᱮᱱᱠᱷᱟᱱ ᱡᱟᱦᱟᱸᱭ ᱠᱚ ᱵᱟᱝ ᱠᱚ ᱟᱲᱟᱜ ᱠᱮᱫᱟ ᱩᱱᱠᱩ ᱴᱷᱮᱱ ᱠᱷᱚᱱ ᱡᱟᱱᱟᱢᱚᱜᱼᱟ, ᱡᱟᱦᱟᱸᱭ ᱠᱚ ᱥᱟᱵ ᱫᱚᱦᱚᱭᱟ, ᱡᱟᱦᱟᱸᱭ ᱠᱚ ᱥᱟᱦᱟᱣᱼᱟ, ᱡᱟᱦᱟᱸᱭ ᱠᱚ ᱫᱟᱲᱮᱭᱟ ᱾
ᱩᱱᱠᱩ ᱧᱮᱞ ᱠᱟᱛᱮ ᱤᱧ ᱢᱩᱸᱢᱲᱤᱭᱟᱜ ᱠᱟᱹᱦᱱᱤᱤᱧ ᱩᱭᱦᱟᱹᱨ ᱠᱮᱫᱟ, ᱡᱟᱦᱟᱸᱭ ᱫᱚ ᱮᱭᱟᱭ ᱫᱷᱟᱣ ᱧᱩᱨ ᱛᱟᱭᱚᱢ ᱤᱨᱟᱹᱞ ᱫᱷᱟᱣ ᱵᱷᱤᱛ ᱨᱮᱭ ᱫᱮᱡ ᱮᱱᱟ ᱾ ᱤᱧᱤᱧ ᱵᱩᱡᱷᱟᱹᱣ ᱠᱮᱫᱟ ᱡᱮ ᱡᱤᱭᱚᱱ ᱫᱚ ᱚᱱᱟ ᱦᱩᱰᱤᱧ ᱦᱩᱰᱤᱧ ᱡᱟᱝ ᱞᱮᱠᱟ ᱠᱟᱱᱟ, ᱡᱟᱦᱟᱸ ᱫᱚ ᱱᱤᱛ ᱦᱚᱸ ᱴᱷᱟᱹᱣᱠᱟᱹ ᱜᱮᱭᱟ ᱾ ᱟᱵᱚ ᱞᱮᱛᱟᱲ ᱜᱮ ᱞᱮᱛᱟᱲ ᱜᱮ ᱞᱮᱛᱟᱲ ᱜᱮ ᱞᱮ ᱛᱟᱦᱮᱱᱟ ᱾ ᱟᱵᱚ ᱜᱮ ᱞᱮᱠᱷᱟ ᱞᱮᱛᱟᱲ ᱜᱷᱟᱴᱟᱣ ᱮᱱᱟ ᱾ ᱛᱚᱵᱮ ᱛᱤᱥ ᱦᱚᱸ ᱟᱞᱮ ᱧᱩᱨᱩᱜᱼᱟ ᱾ ᱮᱱᱛᱮ ᱨᱮᱦᱚᱸ ᱫᱤᱞᱜᱟᱹᱨ, ᱫᱷᱤᱨᱡᱟᱹᱣ ᱟᱨ ᱜᱚᱲᱚ ᱦᱟᱛᱟᱣ ᱨᱮᱭᱟᱜ ᱱᱚᱢᱚᱡ ᱛᱮ ᱟᱵᱚ ᱢᱩᱫᱽᱨᱮ ᱦᱩᱰᱤᱸᱜ ᱦᱚᱸ ᱚᱱᱟ ᱠᱚ ᱯᱩᱨᱟᱹᱣ ᱫᱟᱲᱮᱭᱟᱜᱼᱟ ᱡᱟᱦᱟᱸ ᱫᱚ ᱢᱤᱫ ᱚᱠᱛᱚ ᱵᱟᱝ ᱦᱩᱭ ᱫᱟᱲᱮᱭᱟᱜᱼᱟ ᱢᱮᱱᱛᱮ ᱢᱚᱱᱮ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾
ᱢᱩᱡ ᱠᱚ ᱟᱠᱚᱣᱟᱜ ᱱᱤᱨᱚᱲ ᱴᱷᱟᱹᱣᱠᱟᱹ ᱛᱮ ᱟᱠᱚᱣᱟ ᱠᱷᱚᱱ ᱢᱟᱨᱟᱝ ᱥᱟᱹᱨᱤᱭᱟᱜ ᱠᱟᱛᱷᱟ ᱠᱚ ᱯᱷᱩᱥᱯᱷᱩᱥᱟᱹᱣ ᱠᱮᱫᱟ ᱡᱮ, ᱟᱵᱚ ᱡᱚᱠᱷᱚᱱ ᱢᱤᱫ ᱦᱚᱲ ᱟᱨ ᱢᱤᱫ ᱦᱚᱲ ᱵᱚ ᱜᱚᱲᱚ ᱟᱠᱚᱣᱟᱭ, ᱛᱚᱠᱷᱚᱱ ᱫᱷᱟᱹᱨᱛᱤᱼᱡᱮᱞᱮᱠᱟ ᱛᱮᱦᱮᱧ ᱥᱮᱛᱟᱜ ᱨᱮ ᱚᱛ ᱨᱮᱼᱢᱤᱫᱴᱟᱝ ᱦᱩᱰᱤᱧ ᱡᱟᱹᱫᱩ, ᱫᱟᱲᱮ ᱟᱨ ᱦᱟᱦᱟᱲᱟ ᱨᱮᱭᱟᱜ ᱡᱟᱭᱜᱟ ᱦᱩᱭ ᱮᱱᱟ ᱾ ᱦᱩᱰᱤᱧ ᱦᱩᱰᱤᱧ ᱦᱚᱸ ᱫᱷᱟᱹᱨᱛᱤ ᱠᱚ ᱤᱫᱤ ᱫᱟᱲᱮᱭᱟᱜᱼᱟ ᱡᱩᱫᱤ ᱩᱱᱠᱩ ᱢᱤᱫ ᱥᱟᱶᱛᱮ ᱠᱚ ᱛᱟᱲᱟᱢᱟ ᱾
***
