ᱚᱸᱵᱟᱜ ᱤᱠᱲᱩᱢ ᱵᱮᱲᱟ ᱨᱮᱜᱮ
ᱚᱢᱚᱱ ᱜᱚᱫᱚᱜ ᱛᱳᱣᱟ ᱰᱟᱴᱟ
ᱦᱟᱞᱚᱼᱦᱟᱞᱚ ᱪᱟᱪᱚ ᱠᱟᱛᱮ
ᱞᱟᱦᱟ ᱜᱚᱫᱟᱭ ᱵᱟᱱᱟᱨ ᱠᱟᱴᱟ ᱿
ᱠᱤᱰᱟᱹ ᱢᱟᱰᱮᱭ ᱛᱟᱲᱟᱢ ᱜᱚᱫᱟ
ᱟᱨᱮ ᱫᱟᱹᱲ ᱜᱚᱫᱟᱭ ᱜᱷᱤᱴᱻᱜᱷᱤᱴ ᱵᱩᱠᱲᱩ ᱮᱨᱮᱢ ᱜᱚᱴᱟ ᱦᱚᱲᱢᱚ
ᱞᱟᱸᱫᱟ ᱜᱚᱫᱚᱭ ᱦᱤᱴᱤᱻᱦᱤᱴᱤ ᱿
ᱢᱚᱬᱮ ᱛᱩᱨᱩᱭ ᱵᱚᱪᱷᱚᱨ ᱨᱮᱜᱮ ᱪᱚᱣᱟᱜ ᱜᱚᱫᱚᱜ ᱛᱳᱣᱟ ᱰᱟᱴᱟ
ᱪᱚᱣᱟᱜ ᱠᱟᱛᱮ ᱠᱚ ᱜᱤᱰᱤ ᱜᱚᱫᱟ
ᱚᱱᱟ ᱵᱟᱲᱜᱮ ᱞᱟᱴᱟ ᱿
ᱢᱤᱢᱤᱫᱴᱟᱹᱝ ᱛᱮ ᱛᱳᱣᱟ ᱰᱟᱴᱟ ᱡᱚᱛᱚ ᱜᱮ ᱪᱚᱣᱟᱜ ᱜᱚᱫᱚᱜ
ᱞᱮᱣᱮᱼᱞᱮᱣᱮ ᱦᱤᱞᱟᱹᱣᱜ ᱨᱮᱫᱚ
ᱟᱹᱰᱤ ᱛᱮᱫ ᱜᱮᱢ ᱦᱟᱭ ᱥᱩᱭ ᱜᱚᱫᱚᱜ ᱿
ᱪᱚᱣᱟᱜ ᱠᱟᱛᱮ ᱱᱟᱣᱟ ᱰᱟᱴᱟ
ᱟᱹᱰᱤ ᱢᱚᱡᱽ ᱜᱮ ᱚᱢᱚᱱᱚᱜ ᱞᱟᱸᱫᱟᱭ ᱨᱮᱫᱚᱢ ᱱᱟᱣᱟ ᱰᱟᱴᱟ
ᱛᱮᱦᱮᱼᱛᱮᱦᱮ ᱧᱮᱞᱚᱜᱚᱜ ᱿
ᱰᱟᱴᱟ ᱛᱟᱦᱮᱱ ᱨᱮᱜᱮ ᱡᱚᱢ ᱫᱚ
ᱟᱹᱰᱤ ᱛᱮᱫ ᱜᱮ ᱥᱤᱵᱤᱞ ᱨᱩᱯ ᱢᱚᱦᱚᱨ ᱛᱟᱦᱮᱱ ᱨᱮ ᱜᱮ
ᱵᱩᱡᱷᱟᱹᱣᱜ ᱤᱠᱤᱞᱼᱥᱤᱠᱤᱞ ᱿
ᱨᱩᱯ ᱢᱚᱦᱚᱨ ᱯᱚᱞᱚᱢ ᱞᱮᱱ ᱠᱷᱟᱱ ᱟᱨ ᱦᱚᱸ ᱰᱟᱴᱟ ᱫᱚ ᱧᱩᱨᱩᱜ
ᱦᱟᱲᱟᱢ ᱼᱵᱩᱰᱷᱤ ᱞᱮᱱ ᱠᱷᱟᱱ ᱟᱵᱚ
ᱚᱱᱟ ᱛᱮᱜᱮ ᱵᱚᱱ ᱯᱷᱩᱜᱽᱲᱤᱜ ᱿
***
