ᱡᱟᱦᱟᱸ ᱜᱷᱚᱴᱚᱱ
ᱦᱩᱭ ᱟᱠᱟᱱ ᱦᱚᱞᱟ
ᱚᱱᱟ ᱜᱷᱚᱴᱚᱱ
ᱩᱭᱦᱟᱹᱨᱟᱢ ᱟᱹᱰᱤ ᱟᱞᱚ ᱾
ᱢᱮᱫ ᱫᱟᱜ ᱡᱚᱨᱚ ᱜᱚᱫᱚᱜ
ᱢᱚᱱᱮ ᱵᱟᱹᱲᱤᱡ ᱜᱚᱫᱚᱜ
ᱦᱚᱲᱢᱚ ᱡᱤᱣᱤ ᱥᱟᱱᱟᱢ
ᱦᱟᱭᱨᱮ ᱰᱷᱤᱞᱟᱹᱣ ᱜᱚᱫᱚᱜ ᱾
ᱯᱟᱨᱚᱢ ᱠᱟᱛᱷᱟ ᱩᱭᱦᱟᱹᱨ ᱞᱮᱠᱷᱟᱱ
ᱛᱟᱭᱚᱢ ᱥᱮᱱ ᱮᱢ ᱠᱚᱭᱚᱜ ᱞᱮᱠᱷᱟᱱ
ᱧᱩᱛᱟᱹᱛ ᱠᱩᱦᱲᱟᱹ ᱜᱮᱪᱚ
ᱟᱢ ᱫᱚᱭ ᱯᱚᱴᱚᱢ ᱮᱥᱮᱫ ᱢᱮᱭᱟ ᱾
ᱟᱞᱚᱢ ᱠᱚᱭᱚᱜᱽ ᱛᱟᱭᱚᱢ ᱥᱮᱱ
ᱢᱮᱫ ᱫᱟᱜ ᱡᱚᱨᱚᱭ ᱟᱞᱚ ᱥᱮ
ᱮᱱᱟᱝ ᱠᱟᱛᱷᱟ ᱩᱭᱦᱟᱹᱨ ᱛᱮ
ᱱᱤᱛ ᱚᱠᱛᱚᱢ ᱱᱟᱥᱟᱣ ᱟᱞᱚ ᱾
ᱫᱩᱠ ᱫᱚ ᱯᱟᱨᱚᱢ ᱟᱠᱟᱱ ᱨᱮᱸᱦᱚ
ᱩᱭᱦᱟᱹᱨ ᱦᱤᱡᱩᱜ ᱢᱚᱱᱮ ᱨᱮᱸᱦᱚ
ᱛᱟᱲᱟᱢ ᱦᱩᱭᱩᱜ ᱞᱟᱦᱟ ᱥᱮᱱ
ᱫᱩᱠ ᱦᱚᱵᱚᱨ ᱠᱟᱛᱮ ᱨᱮᱸᱦᱚ ᱾
ᱛᱟᱭᱚᱢ ᱥᱮᱱᱮᱢ ᱠᱚᱭᱚᱜ ᱞᱮᱨᱮ
ᱵᱟᱝ ᱨᱩᱣᱟᱹᱲ ᱯᱟᱨᱚᱢ ᱜᱷᱚᱴᱚᱱ
ᱛᱟᱭᱚᱢ ᱠᱚᱭᱚᱜ ᱛᱮᱜᱮ ᱛᱟᱲᱟᱢ
ᱵᱟᱨ ᱡᱟᱸᱜᱟ ᱦᱚᱢ ᱛᱟᱭᱚᱢ ᱜᱚᱫᱚᱜ ᱾
ᱡᱟᱹᱱᱩᱢ ᱫᱷᱩᱸᱫᱽ ᱢᱮᱱᱟᱜ ᱨᱮᱸᱦᱚ
ᱠᱟᱲᱟᱝ ᱰᱷᱚᱰᱟ ᱢᱮᱱᱟᱜ ᱨᱮᱸᱦᱚ
ᱛᱟᱲᱟᱢ ᱦᱩᱭᱟᱢ ᱢᱟᱲᱟᱝ ᱞᱟᱹᱜᱤᱫ
ᱱᱚᱝᱠᱟᱱ ᱰᱟᱦᱟᱨ ᱛᱮᱜᱮ ᱿
***
