ᱛᱟᱺᱜᱤ

ᱠᱤᱫᱤᱧ ᱴᱩᱰᱟᱹᱝ ᱦᱚᱨᱟᱥᱤ ᱫᱚ
ᱫᱷᱩᱲᱤ ᱥᱤᱸᱫᱩᱨ ᱛᱤᱧ ᱥᱟᱡᱟᱣ
ᱪᱟᱸᱫᱚ ᱛᱟᱨᱟᱥ ᱢᱚᱞᱚᱝ ᱴᱤᱠᱞᱤ
ᱫᱩᱞᱟᱹᱲ ᱵᱮᱵᱷᱟᱨ ᱛᱤᱧ ᱥᱟᱨᱦᱟᱣ ᱿

ᱨᱚᱲ ᱟᱹᱧᱟᱭ ᱢᱩᱨᱮ ᱯᱷᱩᱞᱤ
ᱞᱟᱸᱫᱟ ᱦᱟᱹᱧᱟᱭ ᱯᱟᱜᱽᱨᱟ
ᱪᱮᱨᱮᱡ ᱤᱧᱟᱭ ᱦᱚᱴᱚᱜ ᱦᱟᱨ ᱢᱟᱞᱟ
ᱰᱟᱸᱰᱟ ᱜᱩᱱᱥᱤ ᱡᱷᱚᱢᱚᱨ ᱜᱷᱩᱸᱜᱽᱨᱩ ᱿

ᱦᱚᱦᱚᱣᱟᱹᱧᱟᱭ ᱥᱮᱠᱮᱡ, ᱪᱩᱲᱤ
ᱤᱥᱟᱹᱨᱟ ᱟᱹᱧᱟᱭ ᱡᱟᱸᱜᱟ ᱯᱟᱭᱡᱚᱱ
ᱜᱟᱹᱣᱤᱡ ᱟᱹᱧᱟᱭ ᱥᱟᱹᱲᱤ ᱟᱧᱪᱟᱨ
ᱥᱟᱹᱜᱩᱱ ᱥᱩᱯᱟᱹᱲᱤ ᱥᱟᱶᱛᱮ ᱿

ᱡᱤᱨᱤᱻᱦᱤᱨᱤ ᱪᱟᱸᱫᱚᱭ ᱨᱟᱠᱟᱵ
ᱨᱚᱱᱮ ᱵᱩᱱᱤᱧ ᱥᱟᱡᱟᱣᱜ
ᱯᱮᱨᱮᱡ ᱞᱚᱴᱟ ᱫᱟᱜ ᱥᱮᱯᱮᱧ ᱠᱟᱛᱮ
ᱡᱩᱨᱤ ᱛᱟᱺᱜᱤ ᱨᱤᱧ ᱛᱟᱦᱮᱱ ᱿

ᱡᱤᱛᱠᱟᱹᱨ ᱠᱟᱛᱮᱭ ᱦᱤᱡᱩᱜ ᱠᱟᱱᱟ
ᱜᱟᱞᱣᱟᱱ ᱜᱷᱟᱹᱴᱤ ᱞᱟᱹᱲᱦᱟᱹᱭ ᱠᱷᱚᱱ
ᱵᱟᱦᱟ ᱢᱟᱞᱟ ᱟᱨᱟᱣ ᱠᱟᱹᱛᱤᱧ
ᱟᱛᱟᱝ ᱫᱟᱨᱟᱢᱮ ᱿

***