ᱩᱢᱩᱞ

ᱩᱢᱩᱞ ᱢᱟ ᱩᱢᱩᱞ ᱡᱚᱛᱚ ᱜᱮ ᱩᱢᱩᱞ
ᱡᱚᱛᱚ ᱩᱢᱩᱞ ᱟ.ᱰᱤ ᱥᱚᱨᱮᱥᱟ,
ᱢᱮᱱᱠᱷᱟᱱ ᱟ.ᱰᱤ ᱜᱮ ᱡᱩᱫᱟ. ᱡᱩᱫᱟ. ᱾

ᱱᱚᱣᱟ ᱫᱷᱟᱹᱨᱛᱤ ᱨᱮ ᱡᱮᱛᱮ ᱠᱷᱚᱱ
ᱩᱢᱩᱞ ᱜᱮ ᱟ.ᱰᱤ ᱞᱟ.ᱠᱛᱤᱭᱟᱱ ᱡᱤᱱᱤᱥ ᱠᱟᱱ ᱛᱟᱵᱚᱱᱟ,
ᱢᱟ.ᱱᱢᱤ ᱠᱷᱚᱱ ᱮᱦᱚᱵ ᱠᱟᱛᱮ ᱱᱚᱣᱟ ᱫᱷᱟᱹᱨᱛᱤ ᱯᱩᱨᱤ ᱨᱮ ᱢᱮᱱᱟᱜ ᱠᱚ
ᱥᱟᱱᱟᱢ ᱡᱤᱵᱽ ᱡᱤᱭᱟ.ᱞᱤ ᱠᱷᱚᱱ ᱮᱦᱚᱵ ᱠᱟᱛᱮ
ᱡᱤᱱᱛᱤ ᱯᱤᱯᱤᱲᱤ ᱠᱚᱦᱚᱸ ᱩᱢᱩᱞ ᱫᱚ ᱟ.ᱰᱤ ᱞᱟ.ᱠᱛᱤ ᱜᱮᱭᱟ ᱾

ᱢᱮᱱᱠᱷᱟᱱ ᱥᱟ.ᱨᱤ ᱜᱮ
ᱡᱚᱛᱚ ᱠᱷᱚᱱ ᱩᱢᱩᱞ ᱫᱚ ᱡᱟ.ᱯᱩᱫ ᱫᱤᱱ ᱩᱢᱩᱞ
ᱟ.ᱰᱤ ᱫᱟᱢᱟᱱ ᱜᱮ ᱵᱩᱡᱷᱟ.ᱣᱜ-ᱟ,
ᱪᱮᱫᱟᱜ ᱥᱮ ᱮᱴᱟᱜ ᱫᱤᱱ ᱢᱟ ᱫᱟᱨᱮ ᱵᱩᱴᱟ. ᱨᱮᱦᱚᱸ
ᱡᱤᱣᱤ ᱵᱚᱱ ᱠᱷᱟᱸᱰᱟᱣ ᱫᱟᱲᱮᱭᱟᱜ ᱜᱮ ᱾

ᱩᱢᱩᱞ ᱢᱟ ᱩᱢᱩᱞ ᱡᱚᱛᱚ ᱜᱮ ᱩᱢᱩᱞ
ᱱᱚᱣᱟ ᱫᱷᱟᱹᱨᱛᱤ ᱛᱟᱞᱟ ᱨᱮ ᱢᱮᱱᱟᱜ,
ᱟᱭᱳ ᱟᱧᱪᱟᱨ ᱩᱢᱩᱞ ᱥᱟ.ᱨᱤ,
ᱫᱟᱨᱮ ᱩᱢᱩᱞ ᱪᱟᱛᱚᱢ ᱩᱢᱩᱞ ᱟᱨ ᱦᱚᱸ ᱡᱩᱨᱤ ᱩᱢᱩᱞ ᱢᱮᱱᱟᱜ
ᱦᱮᱸᱫᱮ ᱨᱤᱢᱤᱞ ᱩᱢᱩᱞ ᱟᱨᱦᱚᱸ ᱥᱮᱨᱢᱟ ᱞᱟᱯᱷᱟᱝ ᱨᱮ ᱦᱮᱱᱟᱜ ᱾

ᱦᱮᱸᱫᱮ ᱨᱤᱢᱤᱞ ᱩᱢᱩᱞ ᱟ.ᱰᱤ ᱨᱮᱭᱟᱲ ᱵᱩᱡᱷᱟ.ᱣᱜ
ᱱᱟᱥᱮ ᱦᱤᱥᱤᱫ ᱦᱚᱭ ᱛᱮᱜᱮ ᱥᱟᱦᱟ ᱵᱟ.ᱜᱤᱭᱟᱢ,
ᱪᱟᱛᱚᱢ ᱩᱢᱩᱞ ᱦᱚᱸᱛᱚ ᱵᱩᱡᱷᱟᱹᱣᱜ ᱟ.ᱰᱤ ᱥᱚᱨᱮᱥ ᱜᱮ
ᱫᱟᱜ ᱡᱟ.ᱯᱩᱫ ᱨᱩᱴᱷᱤ ᱥᱤᱛᱩᱝ ᱵᱷᱩᱨ ᱜᱮ
ᱟᱫᱚ ᱟᱢ ᱜᱮᱢ ᱦᱤᱲᱤᱧ ᱠᱟᱭ ᱾

ᱫᱟᱨᱮ ᱩᱢᱩᱞ ᱦᱚᱸᱛᱚ ᱥᱟ.ᱨᱤ ᱟ.ᱰᱤ ᱜᱚᱢᱦᱮᱲ ᱵᱩᱡᱷᱟ.ᱣᱜ
ᱵᱮᱲᱟᱭ ᱨᱟᱠᱟᱵ ᱥᱟᱶ ᱛᱮᱜᱮ ᱧᱤᱨ ᱵᱟ.ᱜᱤᱭᱟᱢ,
ᱟᱭᱳ ᱟᱧᱪᱟᱨ ᱩᱢᱩᱞ ᱦᱚᱸᱛᱚ ᱟ.ᱰᱤ ᱡᱤᱭᱟ.ᱲ ᱜᱚᱢᱦᱮᱲ ᱵᱩᱡᱷᱟ.ᱣᱜ
ᱤᱠᱷᱟ.ᱱ ᱦᱟᱨᱟ ᱛᱚᱨᱟ ᱡᱩᱣᱟ.ᱱ ᱛᱚᱨᱟ ᱜᱮᱢ ᱡᱟᱶᱟᱭ ᱵᱟ.ᱜᱤᱭᱟᱜ ᱾

ᱡᱩᱨᱤ ᱯᱟ.ᱨᱤ ᱜᱟᱛᱮ ᱩᱢᱩᱞ ᱜᱮ
ᱯᱟᱞᱮ ᱟ.ᱰᱤ ᱥᱚᱨᱮᱥ ᱱᱤᱨᱟ.ᱭ ᱜᱮ
ᱡᱚᱱᱚᱢ ᱡᱚᱱᱚᱢ ᱡᱤᱭᱚᱱ ᱵᱷᱩᱨ
ᱥᱟᱶᱨᱮ ᱜᱮ ᱩᱢᱩᱞ ᱫᱚᱦᱚ ᱠᱟᱢ ᱾

ᱩᱢᱩᱞ ᱠᱷᱚᱱ ᱡᱚᱛᱚ ᱩᱢᱩᱞ ᱠᱷᱚᱱ
ᱟᱨ ᱱᱟᱯᱟᱭ ᱥᱚᱨᱮᱥ ᱩᱢᱩᱞ ᱢᱮᱱᱟᱜ ᱟᱵᱚ ᱛᱟᱞᱟ ᱨᱮ
ᱜᱷᱟᱨᱚᱸᱡᱽ ᱩᱢᱩᱞ ᱟᱵᱚ ᱥᱚᱝᱥᱟᱨ ᱨᱮ,
ᱚᱱᱟ ᱜᱷᱟᱨᱚᱸᱡᱽ ᱨᱮᱱᱟᱜ ᱩᱢᱩᱞ ᱜᱮᱛᱚ
ᱚᱦᱚᱢ ᱦᱤᱲᱤᱧ ᱠᱮ
ᱱᱚᱣᱟ ᱚᱱᱛᱚᱨ ᱡᱤᱣᱤ ᱨᱮ ᱡᱚᱱᱚᱢ ᱡᱚᱱᱚᱢ ᱠᱷᱚᱫᱟ ᱛᱟᱦᱮᱱ ᱜᱮ ᱾

ᱡᱚᱛᱚ ᱠᱷᱚᱱ ᱵᱚᱛᱚᱨ ᱵᱩᱡᱷᱟᱹᱣᱜ
ᱠᱩᱲᱤ ᱦᱚᱯᱚᱱᱟᱜ ᱢᱚᱱᱮ ᱡᱤᱣᱤ ᱨᱮ,
ᱥᱟ.ᱨᱤ ᱱᱚᱣᱟ ᱜᱷᱟᱨᱚᱸᱡᱽ ᱥᱚᱝᱥᱟᱨ ᱛᱟᱞᱟ ᱨᱮ ᱵᱚᱞᱚᱱ,
ᱯᱟᱪᱷᱮ ᱦᱤᱡᱩᱜᱼᱟ ᱱᱚᱣᱟ ᱡᱤᱭᱚᱱ ᱨᱮ ᱟ.ᱰᱤ ᱢᱟᱨᱟᱝ ᱡᱚᱞᱚᱱ ᱾

ᱟᱭᱳ ᱵᱟᱵᱟ ᱩᱢᱩᱞ ᱥᱟ.ᱨᱤ ᱟ.ᱵᱤ ᱥᱚᱨᱮᱥ ᱜᱮ,
ᱵᱚᱛᱚᱨ ᱵᱩᱡᱷᱟᱹᱣᱜ ᱡᱩᱨᱤ ᱩᱢᱩᱞ ᱯᱟᱪᱷᱮ ᱞᱤᱪᱟ.ᱲ ᱜᱮ ᱾

ᱵᱟᱝ ᱫᱚᱢ ᱠᱷᱚᱡᱚᱜ ᱯᱟᱠᱟ ᱫᱚᱞᱟᱱ ᱚᱲᱟᱜ ᱩᱢᱩᱞ
ᱵᱟᱝ ᱫᱚᱢ ᱠᱷᱚᱡᱚᱜ ᱫᱟᱨᱮ ᱪᱟᱛᱚᱢ ᱩᱢᱩᱞ,
ᱠᱷᱚᱡᱚᱜ ᱟᱢ ᱱᱚᱣᱟ ᱡᱤᱭᱚᱱ ᱨᱮ
ᱟᱥᱟ ᱵᱷᱚᱨᱥᱟ ᱡᱟᱭᱡᱩᱜᱽ ᱪᱷᱟᱛᱟ ᱫᱟᱨᱮ ᱜᱟᱛᱮ ᱡᱩᱨᱤ ᱩᱢᱩᱞ ᱾

ᱠᱷᱚᱡᱚᱜ ᱠᱷᱟᱱᱮᱢ ᱡᱷᱩᱲ ᱩᱢᱩᱞ ᱫᱟᱨᱮ
ᱡᱚᱛᱚᱱ ᱠᱟᱛᱮ ᱡᱚᱛᱚᱱ ᱦᱟᱨᱟᱭ ᱢᱮ,
ᱠᱷᱚᱡᱚᱜ ᱠᱷᱟᱱᱮᱢ ᱡᱩᱨᱤ ᱩᱢᱩᱞ
ᱥᱚᱝᱥᱟᱨ ᱨᱮᱱᱟᱜ ᱜᱷᱟᱨᱚᱸᱡᱽ
ᱡᱚᱜᱟᱣ ᱠᱟᱛᱮ ᱡᱚᱛᱚᱱ ᱫᱚᱦᱚᱭ ᱢᱮ ᱾

***