ᱥᱟᱹᱜᱩᱱ ᱥᱩᱯᱟᱹᱲᱤ

ᱟᱢ ᱫᱚ ᱥᱩᱯᱟᱹᱲᱤ ᱥᱟᱹᱜᱩᱱ ᱥᱩᱯᱟᱹᱲᱤ
ᱟᱹᱰᱤ ᱜᱮᱢ ᱥᱟᱹᱜᱩᱱ ᱟᱱᱟ
ᱦᱟᱥᱟ ᱨᱮᱛᱟᱢ ᱡᱟᱱᱟᱢ ᱥᱩᱯᱟᱹᱲᱤ
ᱠᱩᱝᱠᱟᱹᱞ ᱛᱤᱛᱮ ᱜᱚᱲᱦᱚᱱ ᱾

ᱥᱟᱹᱜᱩᱱ ᱠᱟᱹᱢᱤ ᱨᱮ ᱟᱢ ᱜᱮ ᱥᱩᱯᱟᱹᱲᱤ
ᱵᱚᱸᱜᱟ ᱵᱳᱨᱳ ᱨᱮ ᱟᱢ ᱜᱮ
ᱢᱟᱹᱱᱢᱤ ᱦᱚᱯᱚᱱᱟᱜ ᱥᱟᱹᱜᱩᱱ ᱠᱟᱹᱢᱤ ᱨᱮ
ᱟᱢ ᱜᱮ ᱢᱮᱱᱟᱢ ᱥᱟᱶᱨᱮ ᱾

ᱟᱢ ᱫᱚ ᱥᱩᱯᱟᱹᱲᱤ ᱥᱟᱹᱜᱩᱱ ᱥᱩᱯᱟᱹᱲᱤ
ᱟᱹᱰᱤ ᱜᱮᱢ ᱥᱚᱨᱮᱥᱟᱱᱟ
ᱟᱢ ᱵᱟᱝᱠᱷᱟᱱ ᱥᱟᱹᱜᱩᱱ ᱠᱟᱹᱢᱤ
ᱛᱤᱥ ᱦᱚᱸ ᱵᱟᱝ ᱜᱮ ᱜᱟᱱᱚᱜᱼᱟ ᱾

ᱟᱢ ᱫᱚ ᱥᱩᱯᱟᱹᱲᱤ ᱥᱟᱹᱜᱩᱱ ᱥᱩᱯᱟᱹᱲᱤ
ᱟᱹᱰᱤ ᱜᱮᱢ ᱜᱚᱱᱚᱝ ᱟᱱᱟ
ᱵᱮᱦᱟ ᱵᱟᱯᱞᱟ ᱨᱮ ᱟᱢ ᱜᱮ ᱥᱩᱯᱟᱹᱲᱤ
ᱥᱟᱹᱜᱩᱱ ᱠᱟᱹᱢᱤᱢ ᱞᱟᱦᱟᱭᱟ ᱾

***