ᱡᱤᱭᱚᱱ ᱨᱮᱱᱟᱜ ᱯᱷᱩᱨᱜᱟᱹᱞ,
ᱥᱟᱹᱜᱩᱱ ᱥᱮᱛᱟᱜ ᱢᱟᱨᱥᱟᱞ
ᱮᱵᱷᱮᱱ ᱠᱚᱣᱟᱭ ᱥᱟᱹᱜᱩᱱ ᱪᱮᱬᱮ,
ᱴᱮᱱᱠᱚ ᱨᱩᱣᱟᱹᱲᱟᱭ ᱥᱟᱶᱦᱮᱫ ᱫᱟᱨᱮ ᱾
ᱥᱟᱶᱦᱮᱫ ᱫᱩᱞᱟᱹᱲ ᱡᱷᱟᱨᱱᱟ,
ᱵᱮᱱᱟᱣᱟᱭ ᱥᱟᱶᱦᱮᱫ ᱫᱚᱨᱭᱟ,
ᱡᱤᱭᱟᱹᱲᱟᱭ ᱥᱤᱨᱡᱚᱱ ᱵᱷᱟᱵᱽᱱᱟ
ᱮᱵᱷᱮᱱᱟᱭ ᱱᱟᱶᱟ ᱡᱩᱣᱟᱹᱱ ᱟᱥᱟ ᱾
ᱥᱚᱢᱟᱡᱽ ᱥᱟᱶᱛᱟ ᱨᱮᱱᱟᱝ ᱧᱩᱛᱟᱹᱛ ᱠᱷᱚᱱ,
ᱵᱟᱪᱷᱟᱣ ᱚᱰᱚᱠᱟᱭ ᱜᱩᱱᱟᱹᱱ ᱫᱷᱚᱱ
ᱛᱩᱞᱟᱹᱭᱟᱭ ᱡᱚᱠᱷᱟᱭᱟᱭ ᱥᱩᱥᱟᱹᱨᱟᱭ,
ᱚᱞᱟᱭ ᱛᱚᱞᱟᱭ ᱢᱩᱨᱟᱹᱭᱟᱭ ᱾
ᱥᱚᱢᱟᱡᱽ ᱥᱟᱶᱛᱟ ᱜᱩᱢᱟᱭ ᱩᱢᱟᱭ,
ᱮᱣᱮᱨ ᱠᱮᱪᱮᱞ ᱠᱳᱰᱳᱨᱟᱭ
ᱟᱹᱜᱩᱭᱟᱭ ᱱᱟᱶᱟ ᱡᱟᱜᱚᱨᱚᱱ,
ᱮᱵᱷᱮᱱ ᱞᱟᱹᱜᱤᱫ ᱱᱟᱶᱟ ᱡᱟᱜᱚᱨᱚᱱ ᱾
ᱤᱛᱟᱞᱤᱨᱮ ᱱᱟᱶᱟ ᱡᱟᱜᱚᱨᱚᱱ,
ᱟᱹᱜᱩ ᱞᱮᱫᱟᱭ ᱚᱱᱚᱞᱤᱭᱟᱹ ᱟᱜ ᱠᱚᱞᱚᱢ
ᱮᱛᱚᱦᱚᱵ ᱞᱮᱱ ᱩᱛᱱᱟᱹᱣ ᱞᱟᱦᱟᱱᱛᱤ,
ᱚᱞᱮᱱᱟ ᱚᱱᱚᱲᱦᱮ ᱠᱟᱹᱦᱱᱤ ᱾
ᱮᱵᱷᱮᱱ ᱥᱟᱠᱚᱣᱟᱭ ᱚᱨᱚᱝ,
ᱟᱸᱡᱚᱢᱟᱠᱚ ᱥᱟᱢᱟᱝ ᱫᱟᱱᱟᱝ
ᱥᱚᱢᱟᱡᱽ ᱡᱟᱹᱛᱤ ᱪᱤᱨᱜᱟᱹᱞ,
ᱩᱨᱩᱢᱟᱠᱚ ᱟᱠᱚᱣᱟᱜ ᱟᱹᱭᱫᱟᱹᱨ ᱾
ᱚᱱᱚᱞᱤᱭᱟᱹ ᱟᱜ ᱥᱟᱶᱦᱮᱫ ᱫᱩᱞᱟᱹᱲ,
ᱵᱮᱱᱟᱣᱟᱭ ᱥᱟᱹᱜᱩᱱ ᱰᱟᱦᱟᱨ
ᱡᱷᱤᱡᱚᱜ-ᱟ ᱠᱟᱲᱟᱝ ᱥᱤᱠᱚᱞ,
ᱦᱤᱡᱩᱜ-ᱟ ᱱᱤᱪᱷᱚᱨᱟ ᱯᱷᱩᱨᱜᱟᱹᱞ ᱾
***
