ᱠᱷᱮᱨᱣᱟᱞ ᱟᱢ ᱫᱚ ᱚᱠᱟᱨᱮ ?
ᱥᱤᱧᱚᱛ ᱫᱤᱥᱚᱢ ᱯᱷᱩᱨᱜᱟ.ᱞ ᱮᱱ ᱨᱮᱦᱚᱸ,
ᱟᱨ ᱛᱤᱱ ᱫᱤᱱᱮᱢ ᱛᱟᱸᱦᱮᱱ ᱧᱩᱛᱟ.ᱛ ᱛᱟᱞᱟᱨᱮ?
ᱟᱢ ᱫᱚ ᱥᱟᱱᱛᱟᱲ ᱦᱚᱯᱚᱱ,
ᱟᱢ ᱫᱚ ᱵᱚᱸᱜᱟ ᱵᱩᱨᱩ ᱨᱮᱱ ᱦᱚᱯᱚᱱ ᱾
ᱧᱮᱞ ᱛᱟᱢ ᱟᱢᱟᱜ ᱫᱷᱚᱨᱚᱢ ᱯᱟᱹᱨᱥᱤ,
ᱫᱟᱞᱚᱵᱽ ᱛᱟᱢ ᱟᱢᱟᱜ ᱥᱟᱶᱛᱟ ᱥᱟᱹᱲᱤᱢ ᱾
ᱟᱹᱠᱤᱞ ᱜᱮᱭᱟᱱ ᱛᱮᱢᱟᱢ ᱞᱟᱵᱟᱲ ᱜᱮᱭᱟ,
ᱦᱤᱸᱥᱟ. ᱥᱩᱭᱟ. ᱛᱮᱦᱚᱸᱢ ᱯᱮᱨᱮᱡ ᱜᱮᱭᱟ ᱾
ᱵᱟᱪᱚᱢ ᱩᱭᱦᱟ.ᱨ ᱮᱫ?
ᱪᱮᱫ ᱞᱮᱠᱟᱨᱮᱢ ᱞᱟᱦᱟᱜ
ᱮᱴᱟᱜ ᱯᱟ.ᱨᱥᱤ ᱠᱚ ᱞᱮᱠᱟ ᱾
ᱦᱟᱭᱨᱮ ᱥᱟᱱᱛᱟᱲ ———–
ᱟᱢ ᱫᱚ ᱡᱩᱢᱤᱫᱽ ᱵᱟᱹᱱᱩᱜ ᱢᱮᱭᱟ,
ᱵᱟᱹᱱᱩᱜ ᱟᱱ ᱛᱟᱢᱟ ᱥᱤᱵᱤᱞ ᱥᱟ.ᱜᱟ.ᱭ ᱾
ᱵᱟᱠᱷᱨᱟ ᱡᱳᱲᱳ ᱦᱚᱠ ᱟ.ᱭᱫᱟ.ᱨ
ᱦᱟᱛᱟᱣ ᱨᱮᱫᱚ ᱦᱟᱨᱮᱯᱷᱟᱨᱮᱜ-ᱟᱢ,
ᱟᱨ ————-
ᱦᱩᱞᱜᱟ.ᱨᱤᱭᱟ. ᱞᱮᱠᱟ ᱞᱟ.ᱲᱦᱟ.ᱭ
ᱚᱠᱛᱚ ᱫᱚ ᱯᱮᱪ ᱵᱟᱲᱟᱜ ᱟᱢ ᱾
ᱟᱢᱟᱜ ᱵᱟ.ᱫᱽ-ᱵᱟ.ᱭᱦᱟ.ᱲ,
ᱵᱤᱨ – ᱵᱩᱨᱩ, ᱦᱟᱥᱟ – ᱵᱷᱤᱴᱟ.
ᱠᱚ ᱨᱮᱡ ᱮᱫ ᱛᱟᱢᱟ,
ᱨᱮᱡ ᱮᱫ ᱛᱟᱢᱟ ᱠᱚ ᱢᱟ.ᱱ ᱥᱚᱱᱢᱟᱱ ᱾
ᱟᱫᱷᱟᱱ ᱠᱤᱥᱟ.ᱬ ᱠᱚ ᱫᱚ
ᱠᱤᱥᱟ.ᱬ ᱛᱮ ᱟᱱᱮᱡ-ᱫᱷᱟᱱᱮᱡ ᱮᱱ,
ᱟᱨ ———–
ᱨᱮᱸᱜᱮᱡ ᱠᱚ ᱫᱚ ᱛᱟᱹᱦᱩᱸ ᱨᱮᱸᱜᱮᱡ ᱱᱟᱪᱟᱨ
ᱠᱟᱞᱟᱝ – ᱰᱚᱞᱟᱝ ᱠᱚ ᱛᱟᱸᱦᱮᱭᱮᱱ ᱾
ᱟᱹᱛᱩ ᱢᱚᱬᱮ ᱢᱟᱯᱟᱡᱷᱤ ᱟᱜ ᱢᱟ.ᱱ,
ᱫᱷᱩᱲᱤ ᱨᱮ ᱞᱳᱥᱳᱯᱳᱸᱰᱳᱭ ᱮᱱ,
ᱥᱟᱶᱛᱟ ᱞᱚᱴᱚᱢ ᱠᱟᱛᱮ ᱟᱢ ᱫᱚ,
ᱮᱴᱟᱜ ᱨᱮᱢ ᱵᱟᱹᱦᱩ – ᱡᱟᱶᱟᱭ ᱮᱱ ᱾
ᱠᱩᱲᱤ ᱜᱤᱫᱽᱨᱟ. ᱪᱷᱟᱹᱛᱤᱠ ᱨᱮ ᱡᱟᱶᱟᱭᱚᱜ
ᱨᱮᱫᱚ —–
ᱡᱮᱣᱮᱫ ᱛᱮᱢ ᱵᱷᱟᱸᱰᱟᱱᱮ ᱠᱟᱱᱟᱢ,
ᱢᱚᱬᱮ ᱦᱚᱲ ᱛᱮᱢ ᱮᱠᱟᱜᱷᱳᱨᱤᱭᱟ. ᱮ ᱠᱟᱱᱟᱢ ᱾
ᱟᱨ ————-
ᱠᱚᱲᱟ ᱜᱤᱫᱽᱨᱟ. ᱪᱷᱟᱹᱛᱤᱠ ᱵᱟᱹᱦᱩ ᱟᱛᱮ ᱫᱚ
ᱵᱚᱸᱜᱟ ᱛᱟᱞᱟᱭ ᱮ ᱠᱟᱱᱟᱢ ?
ᱵᱟᱦ ———–
ᱥᱟᱱᱛᱟᱲ, ᱱᱚᱣᱟ ᱜᱮ ᱛᱟᱢ ᱟᱢᱟᱜ ᱟᱹᱨᱤᱪᱟᱹᱞᱤ ?
ᱪᱮᱫ, ᱱᱚᱝᱠᱟ ᱛᱮᱜᱮ ᱥᱟᱶᱛᱟ ᱫᱚ
ᱩᱛᱱᱟ.ᱣᱜ ᱛᱟᱵᱚᱱᱟ ?
ᱥᱮ, ᱜᱤᱛᱤᱞ ᱵᱟᱹᱞᱤ ᱚᱲᱟᱜ ᱞᱮᱠᱟ
ᱞᱟᱺᱫᱩᱲ ᱧᱩᱨᱩᱜ-ᱟ ᱾
ᱦᱤᱲᱤᱧ ᱮᱫᱟᱢ ᱵᱚᱸᱜᱟ ᱵᱩᱨᱩ ᱫᱮᱵᱟ ᱥᱮᱵᱟ,
ᱵᱤᱱᱛᱤ – ᱵᱟᱠᱷᱮᱬ,
ᱠᱩᱫᱩᱢ – ᱠᱟ.ᱦᱱᱤ, ᱥᱩᱱᱩᱢ – ᱥᱤᱸᱫᱩᱨ ᱟᱬᱜᱳ ᱾
ᱟᱨ ————–
ᱱᱚᱛᱮ ᱫᱚ ᱡᱩᱨᱤ ᱯᱟᱹᱨᱤ, ᱜᱤᱫᱟ.ᱨ ᱟᱛᱮ
ᱜᱩᱨᱩᱭ ᱜᱩᱨᱩᱭ ᱮᱢ ᱪᱟᱞᱟᱜ ᱫᱮᱠᱳᱣᱟᱜ ᱵᱚᱸᱜᱟ ᱵᱩᱨᱩ ᱨᱮ ᱾
ᱞᱟ.ᱞᱟ.ᱭ ᱠᱟᱱᱟᱢ ᱵᱚᱸᱜᱟ ᱧᱩᱛᱩᱢ ᱪᱚᱰᱚᱨ ᱦᱟᱺᱰᱤ,
ᱨᱟᱱ ᱞᱮᱠᱟᱭ ᱠᱟᱹᱢᱤ ᱾
ᱢᱮᱱᱠᱷᱟᱱ ————
ᱟᱢ ᱫᱚ ᱪᱟᱯᱮ ᱟᱠᱟᱱᱟᱢ ᱫᱤᱱᱟ.ᱢ ᱜᱮ
ᱴᱩᱠᱩᱡ ᱴᱩᱠᱩᱡ ᱦᱟᱺᱰᱤ ᱨᱮ ᱾
ᱵᱟᱦᱟ – ᱥᱚᱦᱨᱟᱭ, ᱢᱟᱜ ᱢᱚᱬᱮ ᱨᱮ
ᱮᱱᱮᱡ ᱵᱟᱹᱜᱤ ᱠᱟᱛᱮ,
ᱟᱢ ᱫᱚ ᱚᱨᱠᱮᱥᱴᱟᱨ ᱮᱢ ᱟᱯᱱᱟᱨ ᱠᱮᱫ-ᱟ ᱾
ᱵᱟᱯᱞᱟ ᱨᱮᱢᱟ ᱫᱚᱝ-ᱞᱟᱜᱽᱬᱮ,
ᱴᱟᱢᱟᱠ – ᱛᱩᱢᱫᱟᱜ ᱦᱤᱲᱤᱧ ᱠᱟᱛᱮ —-
ᱢᱟᱹᱭᱤᱠ ᱵᱟᱠᱥᱚ ᱛᱮ ᱰᱤᱡᱮ,
ᱪᱷᱟᱹᱯᱨᱤ ᱮᱱᱮᱡ ᱡᱚᱝ ᱠᱟᱱ ᱾
ᱮ ᱦᱳ ᱠᱷᱮᱨᱣᱟᱞ, ᱟᱢ ᱫᱚ ᱚᱠᱟᱨᱮ ?
ᱥᱟᱶᱛᱟ ᱛᱟᱢᱮ ᱨᱚᱫᱷᱚᱱᱚᱜ ᱠᱟᱱ,
ᱥᱟᱶᱛᱟ ᱛᱟᱢᱮ ᱞᱤᱪᱟ.ᱲᱚᱜ ᱠᱟᱱ ᱾
ᱫᱮᱥᱮ ᱥᱟᱶᱛᱟ ᱥᱩᱥᱟ.ᱨᱤᱭᱟ.,
ᱥᱟᱶᱛᱟ ᱛᱟᱢ ᱫᱚ ᱥᱩᱥᱟ.ᱨ ᱢᱮ ᱾
ᱱᱟᱦᱟᱜ ᱡᱩᱜᱽ ᱨᱮᱱ ᱥᱟᱱᱛᱟᱲ ᱫᱚ ᱡᱟᱹᱱᱤᱡ
ᱟᱹᱰᱤ ᱰᱷᱮᱨ ᱛᱮᱫ ᱜᱮᱵᱚᱱ ᱢᱚᱨᱰᱟᱱ ᱟᱠᱟᱱᱟ ᱾
ᱜᱚᱰ, ᱡᱚᱦᱟᱨ, ᱥᱟᱨᱦᱟᱣ,
ᱛᱷᱩᱢ ᱵᱟᱹᱜᱤ ᱠᱟᱛᱮ
hi, hello, tata, bye bye
ᱵᱚᱱ ᱪᱮᱫᱚᱜ ᱠᱟᱱᱟ ᱾
ᱧᱮᱞ ᱮᱫ ᱜᱮᱭᱟ ᱵᱚᱱ ᱥᱳᱥᱮᱞ ᱢᱤᱰᱤᱭᱟ ᱨᱮ
ᱟᱵᱚ ᱜᱮ ᱟᱵᱚᱣᱟᱜ
ᱵᱟᱹᱲᱤᱡᱟᱜ ᱵᱚᱱ ᱵᱷᱟᱭᱨᱟᱞ ᱮᱫᱟ ᱾
ᱟᱨ ———
ᱱᱮᱛᱟᱨ ᱢᱟ ᱠᱟᱹᱴᱤᱡ ᱢᱟ.ᱭ ᱵᱟᱹᱵᱩ ᱛᱟᱠᱳ
ᱵᱟᱝ ᱫᱚ ᱯᱷᱮᱢᱟᱥ ᱠᱷᱟᱹᱛᱤᱨ,
ᱵᱟᱝ ᱫᱚ ᱪᱮᱫ ᱠᱷᱟᱹᱛᱤᱨ ———-
ᱮᱠᱷᱮᱱ ᱧᱩ ᱵᱩᱞ ᱠᱟᱛᱮ
ᱵᱷᱤᱰᱭᱳ ᱨᱮᱠᱚ ᱰᱮᱵᱟᱨ ᱵᱟᱲᱟᱭ ᱠᱟᱱ ᱾
ᱚᱠᱟᱭ ᱮᱱᱟᱠᱳ ᱱᱩᱠᱩ ᱨᱮᱱ ᱚᱲᱟᱜ ᱦᱚᱲ?
ᱢᱟᱹᱡᱷᱤ, ᱜᱳᱰᱮᱛ, ᱯᱟᱨᱟᱱᱤᱠ?
ᱪᱮᱫ, ᱱᱚᱣᱟ ᱠᱚᱫᱚ ᱪᱷᱟᱹᱛᱤᱠ ᱴᱷᱮᱱ
ᱥᱟᱨᱦᱟᱣ ᱧᱟᱢ ᱞᱟᱹᱜᱤᱫ?
ᱥᱮ ————–
ᱡᱩᱢᱤᱫᱽ ᱫᱟᱲᱮ ᱨᱟᱹᱯᱩᱫ ᱠᱟᱛᱮ
ᱠᱩᱭᱟ. ᱯᱟᱹᱥᱤᱨ ᱠᱟᱛᱮ ᱛᱤ ᱛᱷᱟᱭᱚ ᱞᱟᱹᱜᱤᱫ ᱾
ᱫᱮᱥᱮ ᱠᱷᱮᱨᱣᱟᱞ ᱯᱷᱩᱨᱜᱟ.ᱞ ᱞᱟᱹᱜᱤᱫ
ᱫᱤᱞ ᱫᱟᱲᱮ ᱟᱹᱜᱩᱭ ᱢᱮ
ᱵᱳᱜᱮ ᱧᱩᱛᱩᱢ ᱟᱨᱡᱟᱣ ᱞᱟᱹᱜᱤᱫ
ᱞᱟᱦᱟ ᱦᱤᱡᱩᱜ ᱢᱮ ᱾
ᱥᱮᱪᱮᱫᱚᱜ ᱢᱮ ᱥᱟᱱᱛᱟᱲ,
ᱢᱟᱨᱥᱟᱞ ᱰᱟᱦᱟᱨ ᱛᱮ ᱛᱟᱲᱟᱢ ᱢᱮ
ᱢᱮᱫ ᱨᱮᱱᱟᱜ ᱵᱮᱸᱡᱟᱜ ᱯᱷᱟᱨᱪᱟ ᱠᱟᱛᱮ
ᱠᱚᱭᱚᱜ ᱴᱷᱤᱠᱟ.ᱭ ᱢᱮ,
ᱱᱤᱛ ᱦᱚᱸ ————-
ᱟᱢ ᱫᱚ ᱢᱮᱱᱟᱢ ᱛᱟᱭᱚᱢ ᱨᱮᱜᱮ ᱿
***
