ᱟᱥᱟᱲ ᱵᱚᱸᱜᱟ ᱠᱟᱹᱢᱤ ᱫᱤᱱ ᱠᱟᱹᱢᱤ ᱠᱚ ᱪᱟᱞᱟᱜ ᱟᱯᱟᱱ ᱟ.ᱯᱤᱱ
ᱴᱚᱞᱟ ᱢᱩᱞᱩᱠ ᱦᱟᱭᱟᱝ ᱦᱟᱭᱟᱝ ᱵᱩᱡᱷᱟᱹᱜ
ᱜᱷᱟᱱᱮ ᱥᱤᱛᱩᱝ ᱜᱷᱟᱱᱮ ᱨᱤᱢᱤᱞ ᱦᱤᱡᱩᱜ ᱾
ᱚᱠᱟᱨᱮᱠᱚ ᱥᱤᱭᱳᱜ ᱦᱟᱱᱮ ᱢᱤᱥᱤᱱ ᱱᱟᱦᱮᱞ ᱥᱟᱰᱮ ᱚᱱᱮ
ᱱᱤᱡᱷᱩᱢ ᱚᱠᱛᱮ ᱜᱟᱹᱦᱤᱨ ᱛᱟᱨᱠᱳᱜ ᱠᱟᱱ
ᱪᱷᱟᱸᱫᱟ ᱢᱤᱫᱴᱟᱝ ᱢᱚᱱ ᱮ ᱥᱤᱨᱤᱡᱽ ᱟᱱ ᱾
ᱢᱤᱦᱩ ᱢᱮᱨᱚᱢ ᱨᱟᱜ ᱡᱚᱝ ᱟᱠᱚ ᱰᱟᱹᱦᱤ ᱟᱹᱛᱤᱧ ᱵᱟᱝ ᱟᱛᱟᱠᱚ
ᱞᱟᱸᱜᱟ ᱛᱤᱠᱤᱱ ᱠᱮᱨᱢᱮ ᱠᱮᱨᱢᱮᱭ ᱟᱹᱭᱩᱨ
ᱥᱤᱭᱩᱜ ᱡᱤᱨᱟᱹᱣ ᱠᱟᱰᱟ ᱢᱟᱠᱤᱱ ᱯᱟᱹᱜᱩᱨ ᱾
ᱢᱤᱫ ᱵᱟᱨᱭᱟ ᱳᱫᱳᱲ ᱜᱤᱫᱟᱹᱨ ᱠᱷᱮᱞ ᱠᱟᱱᱟᱠᱚ ᱚᱲᱟᱜ ᱫᱩᱭᱟᱹᱨ
ᱚᱠᱛᱚ ᱞᱮᱠᱟ ᱟᱠᱚ ᱢᱚᱱᱮᱨ ᱢᱚᱛᱚ
ᱥᱟᱹᱜᱟᱹᱭ ᱵᱟᱱᱩᱜ ᱚᱠᱚᱭ ᱥᱟᱞᱟᱜ ᱦᱚᱸᱛᱚ ᱾
ᱡᱟ.ᱱᱩᱢ ᱯᱮᱨᱮᱡ ᱛᱚᱞᱟ ᱜᱟᱰᱤ ᱵᱟᱵᱟᱭ ᱢᱮᱱᱟ ᱡᱟᱸᱜᱟᱢ ᱯᱟ.ᱴᱤᱜ
ᱦᱚᱯᱚᱱ ᱵᱟᱹᱵᱩ ᱟᱸᱲᱜᱚᱢ ᱫᱮᱡᱚᱜ ᱮ ᱨᱟᱜᱟ
ᱟᱡ ᱦᱚᱸᱭ ᱥᱤᱭᱟ ᱟᱡ ᱦᱚᱸ ᱟᱲᱮᱭ ᱞᱟᱜᱟ ᱾
ᱛᱚᱞᱟ ᱛᱳᱛᱳᱫ ᱠᱟᱹᱢᱭᱟᱹ ᱠᱚ ᱠᱚ ᱢᱮᱨᱟᱞ ᱛᱷᱩᱛᱤ ᱡᱤᱭᱟᱹᱲᱟᱠᱚ
ᱯᱷᱟᱱᱱᱟ ᱵᱟ.ᱦᱩ ᱨᱚᱦᱚᱭ ᱵᱟᱝ ᱮ ᱵᱟᱲᱟᱭ
ᱨᱚᱢᱮᱥ ᱮᱨᱟ ᱡᱟᱶᱟᱭ ᱩᱪᱟᱹᱲ ᱮᱱᱟᱭ ᱾
ᱟᱥᱟᱲ ᱵᱚᱸᱜᱟ ᱨᱚᱦᱚᱭ ᱠᱟᱹᱢᱤ ᱦᱚᱲ ᱦᱚᱯᱚᱱᱟᱜ ᱛᱤᱱᱟᱹᱜ ᱫᱟᱢᱤ
ᱨᱤᱫᱚᱭ ᱨᱮᱱᱟᱜ ᱠᱟᱹᱢᱤ ᱫᱚᱜᱳ ᱨᱟᱹᱥᱠᱟᱹ ᱥᱟᱥᱮᱛ ᱫᱚ ᱵᱟᱝ
ᱡᱤᱣᱤ ᱛᱤᱱᱟᱹᱜ ᱞᱟᱞᱮᱪᱟᱯᱮᱜ ᱛᱤᱱᱟᱹᱜ ᱨᱚᱢᱚᱡᱽ ᱨᱟᱝ ᱾
ᱚᱠᱚᱭ ᱠᱚᱨᱮᱱ ᱩᱱᱠᱩ ᱦᱮᱸᱪᱚᱝ ᱥᱟᱸᱜᱮ ᱠᱟᱹᱢᱭᱟᱹ ᱥᱟᱹᱨᱤ ᱜᱮᱪᱚ
ᱨᱚᱦᱚᱭ ᱠᱟᱛᱮ ᱨᱟᱠᱟᱵ ᱦᱤᱡᱩᱜ ᱟᱠᱚ
ᱥᱮᱨᱮᱧ ᱨᱟᱦᱟ ᱞᱟᱸᱜᱟᱭ ᱩᱡᱟᱹᱲ ᱛᱟᱠᱚ ᱾
ᱰᱤᱠᱪᱤ ᱨᱮᱢᱟ ᱜᱚᱸᱜᱷᱟ ᱠᱟᱴᱠᱚᱢ ᱦᱟᱱᱟᱨᱮ ᱢᱮᱱᱟ ᱢᱟ ᱥᱟᱞᱟ ᱠᱚᱢ
ᱡᱳᱨᱳᱜ ᱡᱳᱨᱳᱜ ᱟᱡ ᱫᱚ ᱥᱩᱱᱩᱢᱮ ᱚᱡᱚᱜ
ᱠᱤᱢᱤᱱ ᱫᱚ ᱦᱟᱭ ᱞᱟᱫ ᱥᱟᱠᱟᱢᱮ ᱨᱚᱜ ᱾᱾
***
