ᱥᱮᱛᱟᱜ ᱟᱹᱭᱩᱵ ᱩᱭᱦᱟᱹᱨ ᱢᱮ
ᱠᱟᱹᱢᱤ ᱵᱷᱮᱫᱽ ᱨᱮ ᱛᱟᱦᱮᱱ ᱢᱮ
ᱠᱟᱹᱢᱤ ᱠᱩᱲᱟᱹᱭ ᱦᱩᱭᱩᱜ ᱜᱮᱛᱟᱢ
ᱚᱠᱚᱭ ᱪᱮᱫ ᱮ ᱢᱮᱛᱟᱢ
ᱟᱢᱟᱜ ᱠᱟᱹᱢᱤ ᱮᱸᱰᱮᱞ ᱠᱟᱛᱮ
ᱯᱟᱹᱣᱨᱟᱹ ᱦᱟᱺᱰᱤ ᱟᱞᱚᱢ ᱜᱟᱛᱮ
ᱦᱤᱥᱟᱹᱵᱽ ᱡᱚᱠᱷᱟ ᱫᱚᱦᱚ ᱥᱟᱶᱛᱮ
ᱯᱟᱹᱶᱲᱤᱢ ᱜᱤᱰᱤ ᱩᱭᱦᱟᱹᱨ ᱠᱟᱛᱮ
ᱩᱭᱦᱟᱹᱨ ᱦᱮᱡ ᱟᱢ ᱴᱷᱤᱠ ᱜᱮ ᱟᱢ
ᱠᱟᱹᱢᱤ ᱨᱮ ᱵᱟᱢ ᱡᱚᱣᱟᱣ ᱛᱟᱢ
ᱚᱠᱛᱚ ᱫᱚ ᱵᱟᱭ ᱛᱟᱺᱜᱤ ᱠᱟᱢ
ᱛᱟᱭᱚᱢ ᱛᱮᱫᱚ ᱵᱟᱝ ᱜᱮ ᱡᱚᱣᱟᱣᱜ ᱛᱟᱢ
ᱚᱠᱛᱚ ᱨᱮᱱᱟᱜ ᱠᱟᱹᱢᱤ ᱫᱚ ᱚᱠᱛᱚ ᱨᱮᱜᱮ ᱵᱩᱜᱤ
ᱟᱫᱽᱨᱟ ᱵᱩᱫᱽᱨᱟᱹ ᱠᱟᱛᱮ ᱛᱤᱥ ᱦᱚᱸ ᱟᱞᱚᱢ ᱵᱟᱹᱜᱤ
ᱡᱩᱫᱤ ᱟᱢᱮᱢ ᱠᱷᱚᱡᱚᱜ ᱠᱟᱱᱟ ᱵᱩᱜᱤ
ᱥᱟᱹᱨᱤᱜ ᱜᱮᱛᱟᱢ ᱩᱭᱦᱟᱹᱨ ᱟᱞᱚᱢ ᱰᱩᱜᱤ
ᱡᱩᱫᱤ ᱟᱢᱮᱢ ᱚᱞᱚᱜ ᱠᱟᱱᱟ
ᱢᱟᱨᱟᱝ ᱚᱜ ᱮᱢ ᱢᱮᱢᱮᱱ ᱠᱟᱱᱟ
ᱵᱟᱝ ᱜᱮ ᱦᱤᱡᱩᱜ ᱢᱟᱱᱟ ᱵᱟᱫᱷᱟ
ᱟᱢᱟᱜ ᱩᱭᱦᱟᱹᱨ ᱟᱞᱚᱢ ᱫᱚᱦᱚᱭᱟ ᱟᱫᱷᱟ
ᱟᱵᱚᱜ ᱞᱟᱹᱜᱤᱫ ᱩᱰᱟᱹᱜ ᱪᱮᱬᱮ
ᱯᱟᱸᱡᱟᱭ ᱩᱥᱩᱞ ᱰᱟᱹᱨ
ᱟᱢᱮᱢ ᱠᱷᱚᱡᱚᱜ ᱠᱟᱱᱟ
ᱱᱟᱯᱟᱭ ᱚᱲᱟᱜ ᱫᱩᱣᱟᱹᱨ
ᱫᱚᱦᱚᱭ ᱢᱮᱥᱮ ᱢᱚᱱᱮ ᱛᱟᱞᱟ
ᱠᱩᱠᱢᱩ ᱨᱮᱱᱟᱜ ᱩᱭᱦᱟᱹᱨ
ᱛᱚᱵᱮ ᱮᱱᱟ ᱯᱩᱨᱟᱹᱣᱜ ᱛᱟᱢᱟ
ᱟᱜᱟᱢ ᱨᱮᱱᱟᱜ ᱩᱭᱦᱟᱹᱨ ᱾
***
